|
|
|
 Re: نشرة من قروبنا بتاع لجان العصيان فى الفيس (Re: abubakr salih)
|
Please share it and connect with us
لو تسمحوا انشروا هذه النشرة لمساعدة الناس فى فهم الغرض من لجان العصيان و طريقة تكونيها. اذا تمكنا من تنظيم انفسنا سوف نتمكن بلا شكل من هزيمة هذه العصابة الاجرامية و تخليص انفسنا و بلادنا منها. لا تنتظر احد، اخذ بزمام المبادرة و كون لجنة العصيان فى مكان عملك او حيكم او بين الاهل. حتى لو كنت في خارج البلاد، كون لجنة عصيان و فكر فى السبل التى تمكنكم من مساعدة الاهل فى الداخل. بالطريقة دي سوف نستطيع معاونة بعضنا البعض و بالتالي سوف نتمكن من الصمود. و تذكر، ما النصر الا صبر ساعة!
| |
 
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: abubakr salih)
|
سلامات يا بكري
أكثر شيء يخيفني في هذا الأمر هو إختطاف هذا العمل من قبل
بعض المجموعات التي تحب الظهور والشيفونية وهذا سيتقل هذا الأمر
الأحزاب السياسيه عليها أن تدعم هذا العمل " دون أن تقوم بإختطافه أو تبنيه"
أحزابنا السياسيه البنعرفها غير قادرة علي حماية العصيان أو الإستمرار به حتي نهايته
عليها أن تبتعد عن هذا الفعل بصورة رسميه وتترك الشباب ليقوموا لهذا الدور في هذه المرحلة تحديدا
أنا شخصيا لا أستيعد الإختراق الأمني لجميع أحزاب المعارضه بالداخل , من الحزب الشيوعي الي أخر حزب
عشان كدا يا بكري علي الجميـع أن يسهم في إبتعاد الأحزاب عن هذا العمل تحديدا في هذه المرحلة
لكل لا يموت في مهده ...
تجربتنا مع أحزابنا في العمل المعارض تجربه مريره مليئة بالفشل والسقوط عشان كدا يجب أن نتحرر
من القيد الحزبي وأن نبعد هذا العمل من الإستقاطب بين الأحزاب وأن ترفع أي رأية حزبيه لقيادة هذا العمل
تحياتي
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: عبدالعظيم عثمان)
|
أوافقكم وفي تقديري يجب أن يمضي العمل والتنسيق شبابيا شعبيا ..
ومن الأفضل أن لا تتعجل الفعاليات السياسية والقيادات النقابية وتستبق الأحداث ..
عليهم فقط دعم الحراك الجمعي بكوادرهم الشبابية ..
دور هذه الفعاليات السياسية والنقابية مهم وضروري عندما تأتي مرحلتها ..
وإلى ذلك عليهم العمل على توحيد صفوفهم واعداد برامجهم للمرحلة الانتقالية .
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: محمد البشرى الخضر)
|
سلامات بكري
لو سمحت لي بإبداء الرأي ياريت تراجعوا البندين ديل Quote: -رصد تحركات الكيزان فى الحى او العمل وفضحها والحذر منها
-منع كل متخاذل او كوز من تخريب العصيان وحمايته |
من رأيي احسن الناس تنشغل بي روحها بس .. ما تبقى حرب
العصيان سلوك سلمي يتم تنفيذه بإنك تقعد في بيتك بعيد من أي احتكاك مع الحكومة
أحسن تتم دعوة الناس وإقناعهم بدل الانشغال بالتناحر مع الرافضين أو أنصار الحكومة
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: أحمد محمد عمر)
|
سلام يا عبد العظيم،
كلامك صحيح يجب ان يبقي هذا العمل عمل شعبي عام لا يحتكره احد. لكن كذلك يجب ان نحاول ننظم انفسنا بطريقة ما حتى نضمن نجاح العمل. لا يمكن ان ننجز شئ بالصدفة و ضربة حظ. الانتفاضات و الثورات الشعبية التى انجزها الشعب السوداني من قبل تمت من خلال المنظمات النقابية المختلفة. هذه العصابة الاجرامية دمرت النقابات عن بكرة ابيها. لذلك يجب على الناس ان تصنع بدائل تلتف حولها. اي زول جاد فى مسألة اسقاط النظام بامكانه عمل لجنة فى منطقته او مكان عمله و من خلال اللجنة ينسق مع اللجان الاخري. بالطريقة دي لا يستطيع احد سرقة اي شئ و نسب افضل لنفسه او لجماعته. هذا عمل الجماعة و جهد الناس كلها و ملك للناس كلها. بالمناسبة فى مجموعات تحتوى الالاف من الشباب الاحرار غير المنتمين سياسيا هى التى حددت موعد العصيان. الشئ دا حق الكتيرة و لن ياخذه احد لنفسه. بس خلونا نعمل كلنا سويا من أجل انجاحه.
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: abubakr salih)
|
اتفق مع الاستاذ محمد علي في انو العمل يكون شعبي و شبابي. لكن العمل الشبابي و الشعبي ايضا بحتاج لنوع من التنظيم و التنسيق. انا غيرت عنوان البوست لانه ربما اعطي الناس فكرة خاطئة عن فكرة اللجان كانها لجان حزبيه او شئ من هذا النوع. هذا غير صحيح. القروب الانا قاصدوا دا فيه خمسة الف نفر. و فيهو عشرات الشباب الممتازين في ادارته و هو ليس قروب حزب معين او شئ من هذا القبيل. و اللجان نفسها ليست لجان حزبية انما هى لجان للناس البعرفوا بعض عشان ما يتم اختراقها بواسطة الامن. اي زول يبادر يعمل لجنتهم. لانو لو عندنا لجان فى الارض بتتابع من الناس و العندو مشكلة بتساعدوا على حلها. يا جماعة نحن شعب كريم يتقاسم كسرته مع الجار و عابر السبيل. بنحتاج لمثل هذا التكاتف فى مثل هذه الظروف لكي نعبر. لو بقينا متفرقين و اي زول براهو مياكل نارو الشغلة دي ما بتمشي.
دي دعوة للناس كلهم، ما تتردد امشي طوالي سوي ليك لجنة عصيان مع معارفك و تبقى الناس تنسق مع بعض بالوسائل المختلفة. عشان نقدر نصمد.
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: abubakr salih)
|
خطوة صحيحة 100%
يوم 19 هو يوم المباراة الحقيقية للشعب بعد تمرين واحد ناجح
مباراة لاتقبل التعادل ، ولا أنصاف الحلول ، إما صعود أو طيران للأبد
لذلك فالنزول لأرض الواقع من العالم الافتراضي من أوجب الواجبات
وتكوين اللجان التنسيقية الفعالة في كل بقعة ضورة قصوى
واسناد اللجان بكوادر مؤهلة مدعومة للمتابعة الفورية والتنسيق المستمر بين الكيانات
ومراقبة ومتابعة العناصر المخزلة والتصدي لها إن لزم موجبة للنجاح (مافي حاجة اسمها دي ما مسئوليتنا)
أما الاستعداد النفسي والمعنوي للعصيان المدعوم بنية الخروج للميادين فهو فرض عين على كل مواطن ومواطنة
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: abubakr salih)
|
ود البشرى يا حبيبنا،
ياخي انت وين فى الفيس بووك ما بتنشاف :) ما بتنراعي. فعلا لو الناس قدرت تنقل موضوع العصيان و لجانه من فضاء الاسافير لارض و الواقع بتكون المسالة دي انتهت لصالح الشعب. الشعب دا شدة ما زهج المرة الفاتت اعتصم ساكت حتى بدون لجان زاتو. الحكاية دي حصلت لانو الناس كلها فى حالة اجماع تاااام على ضرورة ذهاب هذه العصابة. لكن انجاز الهدف نفسه يحتاج لاكثر من ذلك. يحتاج انو يتم تنظيم اجماعنا دا فى لجان عشان تقدر تمتص الاجهاد الممكن يحصل للناس. لجان تخلى اي زول يشعر بالامان و انه ليس وحيدا انما هو نخلة لها اصل و جذور كما قال الطيب صالح.
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: علاء سيداحمد)
|
جميع اللجان ماقبل السقوط تتحول الى تيار داعم بعد السقوط ........ تتمثل فى حكومة تكنوقراط وجهاذ تشريعىى رقابى. من الشعب اما الشق الاكبر الى نفير شبابى من الداخل والخارج لى بناء تنمية البنية التحتية فى السودان ثم كافة المجالات الاخرى سوف تاتى لها بالتفصيل .
| |
|
|
|
|
|
|
|
|
|
Re: نشرة من قروبنا بتاع لجان العصيان فى الفيس (Re: أيمن نواى على)
|
خطوة صحيحة 100%
يوم 19 هو يوم المباراة الحقيقية للشعب بعد تمرين واحد ناجح
مباراة لاتقبل التعادل ، ولا أنصاف الحلول ، إما صعود أو طيران للأبد
لذلك فالنزول لأرض الواقع من العالم الافتراضي من أوجب الواجبات
وتكوين اللجان التنسيقية الفعالة في كل بقعة ضورة قصوى
واسناد اللجان بكوادر مؤهلة مدعومة للمتابعة الفورية والتنسيق المستمر بين الكيانات
ومراقبة ومتابعة العناصر المخزلة والتصدي لها إن لزم موجبة للنجاح (مافي حاجة اسمها دي ما مسئوليتنا)
أما الاستعداد النفسي والمعنوي للعصيان المدعوم بنية الخروج للميادين فهو فرض عين على كل مواطن ومواطنة
---------------------
مقترحات ممتازة اخي عمر التاج. لابد من النزول لارض الواقع. و افتكر دي مناسبة جيدة للناس انهم ينظموا انفسهم بانفسهم. بدون حوجة لتنظيم سياسي عشان يورهم يعملوا شنو. هم براااهم عارفين خطتهم و هم من يفذها.
حكاية تكون اللجان دي فرض عين على اي شخص حادب على تغيير هذا النظام باخر ديمقراطي. اذا اردت التغيير ساهم فى صناعته بيديك. و انت فى مكان ممكن تكون لجنة و تساهم فى تعريف الاخرين بموضوع العصيان المدني و هدفه. لا تستصغر اي مساهمة مهمة كانت بسيطة. قالوا جبل الكحل هدنه المراويد. فليغرس كل منا مرواد في جبل المؤتمر الوطني و نظامه لنهده.
| |
|
|
|
|
|
|
| |
abubakr salih
فرح الطاهر ابو روضة
عبدالعظيم عثمان
محمد على طه الملك
محمد البشرى الخضر
عمر التاج
علاء سيداحمد
أيمن نواى على
فيس بوك
تويتر
انستقرام
يوتيوب
بنتيريست