|
|
 خُرم إبرة (مسيرة شعب)
|
08:39 PM December, 02 2016 سودانيز اون لاين
Dr. Moiz Bakhiet-المنامة - البحرين
مكتبتى
رابط مختصر
خُرم إبرة
(مسيرة شعب)
شعر: معز عمر بخيت
______________
بسم الله
وباسم الشعب والثورة
وباسم النور والنيران
ح نهزم هذه العورة
ظلام الإثم والبغيان
بواقي مصائب الكيزان
ح نمشي نكمل الدورة
لا بنخاف من السجان
ولا من ثلة الطغيان
وما أدراك وما أدرىَ
شبابيك الصباح نورنا
مشاعل طالة من سورنا
ومن أبراج ومن شجرة
نقابلك في السماحة وداد
وفي كتب الشجاعة مداد
وفي لهب الغضب جمرة
وفي وسط الصدام إقدام
وفي قلب النزيف مطرة
أساطين حق بشاير نور
زاحفة بقوة منحدرة
كل الناس كبار وصغار
أمّي بيكنب أو بِقرا
يغطوا شوارع الخرطوم
مواكب هادرة منهمرة
لا بترتاح ولا بتنوم
جموع نيرانا مستعرة
جاية تزيل بطانة الشوم
عظيمة قوية مقتدرة
ترجّع لقمة المحروم
وتشتل للأمل بذرة
وتمسح دمعة المكلوم
ناس مستورة بالفطرة
تفك القيد عن المظلوم
وتبقى بلدنا مزدهرة
مصير الخاين المحتوم
ح يدخل في خرم إبرة
ويسكن في سجونو مهان
ويصبح للزمان عبرة
رماد منثور بكل مكان
دروب مهجورة منكسرة
ويطلع في المدى السودان
صوتو مميز النبرة
في أكتوبر البرهان
وفي أبريل جروح تبرا
شعار الدين حيبقى يقين
مش إسفاف مهين نكرة
يذل الناس بلا إحساس
ويمسح أجمل الذكرى
بأرض الخير مشيناها
وكانت ديمة مخضرة
ح نرجع تاني نبنيه
بلد واحد جنوب وشمال
أرضو عظيمة منشرة
وناس مليانة بالإلهام
وبالإكرام وبالبشرى
بلدنا جميل كريم وأصيل
وبالأحرى
عشانو الروح فداهو تروح
وتشرق شمسو من بكرة
سلام تعظيم لشعب عظيم
ساطع فينا زي قمْرة
ومالي الدنيا بي خيرو
وحافظ ودو بالعُشرة
وراضع صدرو بالإيمان
وبالإحسان وبالفكرة
حبيبنا الأوحد السودان
ما بنسيبو للكيزان
ونفتح للفشل ثغرة
بعد ما جلجل البركان
وهل النصر طل وبان
في الخرطوم وفي امدرمان
وفي بحري وتوتي كمان
عصابة القصر في زرة
وفي زنقات وفي توهان
رجل جوة ورجل برة.
________________
(معز عمر بخيت)______________
|
|
  
|
|
|
|
|
|
|
 Re: خُرم إبرة (مسيرة شعب) (Re: عماد الدين الطيب عمر)
|
دكتور المعز يا جميل
كأني أستمع لـ ملحمة ود الامين
لما الليل الظالم طول
و فجر النور من عينا اتحول
كان نعيد الماضي الأول
_______________________________________
الحبيب عماد الدين الطيب،
أتمنى أن تجد المبدعين الشجعان الذين يحولونها لملحمة الآن
ولقد كتبتها وفي صدري هذه الأمنية
محبتي وتقديري
| |
|
|
|
|
|
|
|
|
|
Re: خُرم إبرة (مسيرة شعب) (Re: Dr. Moiz Bakhiet)
|
بلد واحد جنوب وشمال
أرضو عظيمة منشرة
وناس مليانة بالإلهام
وبالإكرام وبالبشرى
بلدنا جميل كريم وأصيل
وبالأحرى
عشانو الروح فداهو تروح
وتشرق شمسو من بكرة
سلام تعظيم لشعب عظيم
,,<<<<<<<<>>>>>>
ووراك نحن بنردد يا شاعرنا الكبير
هذا الكلام السمح يا زول يا سمح..
والله يديك الصحة والعافية
| |
|
|
|
|
|
|
|
|
|
Re: خُرم إبرة (مسيرة شعب) (Re: Nasr)
|
عزيزي المبدع حقا معز
لم تكتفِ هنا بالإبداع في القصيدة كما تعودنا دائما منك، وإنما التحف ذلك أيضا ببراعة التوقيت في توجيه رسالة وطنية مخلصة، ومن القلب مباشرة، إلى قطاع عزيز من الشعب السوداني، لا نشكُ للحظة أنه سينحاز إلى الحق.. إلى صف الوطن والمواطن.
لك المجد
| |
|
|
|
|
|
|
|
|
|
Re: خُرم إبرة (مسيرة شعب) (Re: Dr. Moiz Bakhiet)
|
سعادة البروف معز لك التحية ، انها كلمات معبرة تتحدث الثورة القادمة التي يقودها الشباب الواعي المقتدر
وبخبرة الشيوخ من الوطنيين الشرفاء وتحرسها عنية الله ونسال الله النصر المبين وشروق
شمس الحرية ان شاء الله قريباً لنحتفل جميعاً بزوال الطغمة الظالمة والعصابة الحاكمة
| |
|
|
|
|
|
|
|
|
|
Re: خُرم إبرة (مسيرة شعب) (Re: Dr. Moiz Bakhiet)
|
سعادة البروف معز لك التحية ، انها كلمات معبرة تتحدث الثورة القادمة التي يقودها الشباب الواعي المقتدر
وبخبرة الشيوخ من الوطنيين الشرفاء وتحرسها عنية الله ونسال الله النصر المبين وشروق
شمس الحرية ان شاء الله قريباً لنحتفل جميعاً بزوال الطغمة الظالمة والعصابة الحاكمة
| |
|
|
|
|
|
|
| |
Dr. Moiz Bakhiet
علي دفع الله
خال فاطمة
الامين موسى البشاري
Elmosley
Nasr
Moutassim Elharith
Bashasha
عثمان الحسن محمد نور
ادم شحوتاي
فيس بوك
تويتر
انستقرام
يوتيوب
بنتيريست