طبعاً المهاجرين الدايشين مشكلتهم كبيرة لكن عندي ليك ملاحظة عجيبة في تعليقات الخواجات علي الفيديو ده والملاحظة دي ممكن تفسر فوز ترمب رغم الاستطلاعات الرجحت كلنتون
عموماً الخواجات فيهم نسبة كبيرة واعين ورافضين العنصرية بس أنا لاحظت فرق بين تعليقاتهم في ألفيس بوك علي الفيديو الانت جبتو وبين تعليقاتهم في اليوتيوب
طبعاً ألفيس بوري هويتك ويكشفك للعالم، واليتيوب غالباً حسابو ما معروف للاصحاب والمعارف
شوف نفس الكلام في اليوتيوب وقارن نوعية التعليقات
11-24-2016, 00:53 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
بكور تحياتى انت مفتكر الناس لسه فى مرحلة الطفولة بخوفوهم بى ( ود ام بعلوا ) بتاع العنصرية دا قال عنصريه قال.. وهو منو فى شعوب العالم كلها ما متعنصر كلام الميديا اللبراليه وغش الناس بى موضوع العنصرية وحقوق الانسان اصبحت كروت محروقة لانو نفس الناس ديل تلقاهم بغضوا الطرف لمن العنصرية تكون جايه من دول اخرى العنصريه عندها علاقه بالنفس البشريه تحارب بالتوعية والعدل فى نفس الوقت you cannot stop the racists by trying to shut them off. لا كمان هسى الموضه اليوميين ديل قال بتضامنو مع المسلمين !! وهم نفس الناس لمن اسرائيل بتضرب المدنيين فى غزا كان ادارة اوباما وافقت على امدادهم بالسلاح ! العايز يتعنصر يتعصر العايز يقول انا ربكم الاعلى يقول قشه ما تعتر ليه ( حرية تعبير ) هو حر مالم يضر فاذا حصل الضرر بينتنا القانون
11-24-2016, 02:42 PM
Elmoiz Abunura Elmoiz Abunura
تاريخ التسجيل: 04-30-2005
مجموع المشاركات: 6008
سلامات يابكرى الاحتفالات مستمره عندنا فى ولايتنا كارولاينا الشماليه لعصابة الكوكلس كلان برضه يابكور. وطبعا كل اليمين المتطرف بما فيه النازيين مبسوطين 24 قيراط وتعينات ترمب ماشه معاهم باسطه من الجنرال مايكل عدو المسلمين بصوره عامه الى العنصرى , النائب العام سيشون اما عن اشارتك للمهاجربن الجدد والمتجنسين الاميركان خاصه من الاقليات وبينهم سودانيين , فهم وقفوا ضد مصلحتهم وحيحصدوا الريح. وجودنا فى اميركا تم بعد نضال الملايين من الاقليات وفى طليعتها السود والهيسبانكس , زمان فى الادبيات كان يشار لهم بالشيكانو, وبرنامج ترمب ضد مصلحة الاقليات بالتحديد وخطابه العنصرى كان واضح تجاهم وتجاه المسلمين. المهم ياصديق ستتم مقاومة مشروع ترمب المتطرف بكل الوسائل القانونيه, الشعبيه, والدستوريه المتاحه وقدامنا انتخابات 2018 مع ودى وتقديرى
11-24-2016, 04:34 PM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
اصحاب التفكير الرغبوى العاطفى والذين لايفكرون خارج الصندوق ويعتمدون على bias meida دائما تخيب احلامهم وتطلعاتهم ...الزمن اتغيير.. والشعارات الفارغه التى ينفخون بها الناس كل اربعة سنواتلى ضمان اصواتهم مثل حركه الحقوق المدنيه والمساواة ما عادت تنطلى على شريحة كبيرة من الذين انتبهوا لل career politican امثال ال كلنتون وال بوش الذين يعملون من اجل مصالحهم ومصالح ال special interestقراءة الواقع بصورة عادلة لكل مكونات الشعب الامريكى مع اعطاء كل شريحه حقها واحترامها وعدم استفزازاى مواطن بى عبارات مثل ( basket of deplorables )تضمن لك الوصول الى نتائج صحيحة جنس غرور وكبرياء فى الفديو الفوق دا تدى ربك العجب NEVER SAY NEVER
عزيزي ابوبكر ديل حيتعلمو الكتير من الزول السجمان ده الكلام كلو عن السرقة المعيبة للجمهورييين في ولايات الميدوست اهو ناس القرين بارتي طالبو باعادة العد للولايات وهيلاري ساكته على الظلم والاعتداء واصواتها فاتت ترمب بي اكتر من ٢ مليون ده كلام عجيب
11-24-2016, 11:00 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
التحيات الطيبة للاعزاء ايمن الفاضل، ابو نورة و الفنان الموصلي. شكرا كثير على اثراء البوست بالاضافة النيرة. معليش اخدتنا بعض المشاغل من التداول المفصل.
العزيزة زينب بت امحمد، و الله حيرتني حيرة عجيبة. ما عرفت اقول ليك شنو. بتناقشي فى النقاط الخطأ. افهم انو الناس تزهج من محترفي السياسية career politicans لكن هل من العقل ان تستبدلهم بــ لص؟ ترمب لص و نصاب و كذاب من الطراز الاول. جمع ثروثه مستخدما كل اساليب الاستهبال و الاحتيال و بني سمعة سياسية بالاكاذيب. كيف لشخص عاقل ان يؤيد مثل ترمب؟ اللهم لا اعترض. انا غايتو ناشط فى العمل العام منذ يفاعه الشباب، لكن لما اشوف خيارات الناس من هذا النوع كثير ما ازهد فى مصائر البشرية دي. اقول لنفسي دي قضية خسرانة ياخي امشي شوف اشغالك و انصرفك لامورك الشخصية، لكن تاني انسي و نعود تاني للمعافرة من أجل غدا أفضل لعموم الناس.
القوانين ما بتحلك. القوانيين هسة موجودة و مع ذلك البوليس يعتدي و يقتل السود بكل قسوة و بلا رحمة. كل يوم تقرأ فى الاخبار قصص عن African American تعرضوا للسجن بالظلم و بسبب تأمر البوليس و تواطوء المحلفين. مثل هذه الاجواء سوف تتفاقم لان بعض المساكين فى غفلة من جهلهم صوتوا لدعم تيار الظلم و العنصرية و الاقصاء فى البلد و تركوا التيار المناصر لهم.
امام فيديو الناس القالت ترمب ما ح يكون رئيس ما فيهو شئ غير. حتى ترمب نفسه لم يكن مقتنع بنفسه كمرشح جاد و عمل اتفاق at some point مع كرس كريستي انو لم طلع من السباق فى اكتوبر 2015 ح يدعمه! اي هو نفسه ما كان مصدق انو البلد تجن و تفقد عقلها بهذه الطريقة.
11-25-2016, 02:49 AM
Elmosley Elmosley
تاريخ التسجيل: 03-14-2002
مجموع المشاركات: 34683
الاخ ابوبكرصالح من خلال ردك لى اكتشفت بأنك لا تقبل الرأى المخالف ...ويضيق صدرك بى وجهات النظر المختلفه ويصيبك الاحباط اذا الناس لم ترى ما ترى .... اعلم انك تقيم فى هولندا البلد الجميله وهى اول بلد زرتها خارج السودان لى فتره قصيرة لى حضور مؤتمر المرأة والتنميه وانبهرت بى الماء والخضرة والوجه الحسن واتمنى بأن ازورها مره اخرى حاليا اقيم فى الولايات المتحدة الامريكيه منذ فترة ليست بالقصيرة .... عاصرت فيها اربعة رؤساء ثلاثه منهم serve two terms نسبة لى اهتمامى بالسياسة عملت associate degree in public policy ناشطة حقوقيه فى مجال حقوق الانسان بصفه عامة والمرأة بصفه خاصة اعطى صوتى دائما للديمقراطيين فى الانتخابات الامريكية عشت فى ولايات عديدة داخل امريكا شرق غرب شمال جنوب شخصى الضعيف بكل تلك الخبرات وشخصك انت ايضا بكل خبراتك وتجاربك التى احترمها لا نحتاج بأن نتكلم مع بعض بى لغة التعالى والوصايه هذه كأنك انت الشخص الوحيد الذى يعلم كل شاردة ووارده وغيرك جاهل فيا عزيزى ابابكر انت قد تعلم التفاصيل لكنى انا اعيش تفاصيل التفاصيل يوميا هنا انا لم اصوت لى دونالد ترامب لان الولاية التى اعيش فيها تعتبر SOLD DEMOCRAT مثل نيويورك وكلفورنيا يعنى صوتى لا يفرق بى شئ لكنى اتفهم لماذا صوت الناس لى دونالد ترامب ولماذا شخصى الضعيف كفر بى STATUS QUO انا كفرت بى المؤسسة الحزبية ( ديمقراطيين + جمهوريين ) عشان كدا مع ترمب انا اكتشفت كذب وفبركة الاخبار و انحياز ال main stream media لى الديمقراطيين بصورة سافرة فما عدت اثق بهم والحمدلله حبل الكذب قصير زى ما بقولوا لانهم اوهموا الناس المساكيين البتغشوا ليهم بأنو دونالد ترامب دا شيطان رجيم وعنصرى ولو مسك الحكم يعمل ليكم ويعمل ليكم ...وهلارى دى زولة ملاك ...وكانوا معتمديين على المشاهير من الفنانيين والممثليين ومغنيين الراب من امثال ( JAY-Z Beyonce ) وناس هوليود واغنياء وول استريت من البانكر والنخب و صدقوا انفسهم بأنهم هؤلاء هم الذين بأمكانهم التأثير على الناخب الامريكى ونسوا انو امريكا ماهى بس المدن الكبرى التى يتمركز فيها المهاجريين من الهسبانك والدول الاخرى دونالد ترامب cannot be bought يعنى ما مدين لى اى حد بى اى شئ اذا فاز .. انسان صرف على حملتة الانتخابيه من حر ماله
دونالد ترامب نشأ فى اسره ثريه ..عندما كبر اعطاه والده مبلغ 25 مليون دولار لى يستثمرها فى مجال البناء والعقارات وقد نجح واصبح من اصحاب البليونيرات مثله ومثل كل اصحاب البزنس فأنه عندما يجد loopholle فى القانون فسوف يستغلها لى صالحه ولى صالح البزنس بتاعوا ينجح هنا ويفشل هنا ويقع ويقوم .. عمل 2 بانكربسى وكل هذه المعلومات عن ترامب وعن هيلارى تكون مبذوله للجميع بحكم انهم مترشحيين لى اكبر منصب فى البلاد لذا يجب ان يعرف الشعب عنهم كل صغيره وكبيره
كلامك عن انو ترامب لص ونصاب وكذاب ده كلام عاطفى وما بقدم ولا بأخر لانو بنفس المنطق ممكن اقول ليك هيلارى كلنتون انسانه فاسدة وهى under FBI investigation بالنسبه لى مؤسسة كلنتون التى تدر عليهم ارباحا هى وزوجها فاحسن نخلى الطابق مستور انت تقول على الفديو الذى تنبأ فيه كل المحليين وال pundit والمشاهير والاعلاميين واصحاب التوك شو بى عدم فوز ترامب وكان يسخرون منه ويضحكون عليه انت تقول عن هذا الغباء وعدم تقدير المواقف والثقه المفرطه بانه لاشئ فأنت لاتعرف ردة فعل الامريكان فى مثل هذا السقوط المريع وما ترتب عليه من اشياء كثيرة وتغيرات اهمها كيفية اعادة الثقه لى هذه المؤسسات وبى اعترافهم هم ونواصل بأذن الله
11-28-2016, 09:00 AM
abubakr salih abubakr salih
تاريخ التسجيل: 12-27-2007
مجموع المشاركات: 8834
سلام يا زينب و اتمني ان تكوني بخير. انا بابي اختلاف الراي، لكن فى حاجات كده ما بقدر افهمها. هسة معانا ناس هنا فى المنبر دا بقولوا عمر البشير رئيس كويس و يؤيدون حكمه I can't get it دا بالنسبة لي اشبه بتأيد ترمب. الحالتين بتشابهن فى مفارقتهن للمنطق و العقل. عموما كده واضح انو من الصعب اننا نصل لاتفاق حول موضوع ترمب، خاصة بالكتابة فى المنبر. يديني زاتهن خربن من كتير الكتابة فى مواضيع مختلفة بالاضافة للكتابة اثناء وقت العمل و اشغال المعايش. انا متاكد انو اذا اتلاقينا فى عشرة ونسة ممكن اقنعك بسوء ترمب
الاسكايب حقي abubakrsa ، كان عندك زمن اضيفني منها نتعارف لوجه الله و منها نتشاكل فى السياسة
مع التحيات الطيبة
11-28-2016, 07:54 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
سلام لكل السمحين بالبوست و الشجاعة الحبيبة زنوبة الأخ أبوبكر... ما عاوزة أزيد ليك وجع اليد لكن أشاركك عدم الفهم لشيء حير بنات أفكاري! ليه يتشبث البعض بالنظرية الإقتصادية الإشتراكية البائسة و بالية... كنت من مشجعي هيلاري ضد ساندرز لهذا السبب ... أعتقد الحزب الديموقراطي الأمريكي حزب معتدل من الناحية دي! الجمهوريين دائماً بيوصموهم بالسوشياليزم و لكن قليل منها ( بالحد المعقول) لا يضير. و ممكن أرى دُعاة السوشياليزم من مساندي ساندرز بمنظار " قُوى ال Checks و ال Balances" لا أكثر لكن ما لا أفهمه و I can’t get it عديل كده ... نظرية فشلت على أرض الواقع فشل ذريع ليه الناس متشبثين بيها؟
أهُمُ حالمون أم مكابرون؟
لا ألوم من رأى فيها النجاح في حينها و ناصرها!
هذا ولك الإحترام و التقدير.
12-02-2016, 11:36 AM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
يا فردوس الاشتراكية ناجحة جداً في الدول الاسكندنافية زي السويد لانها إتطبقت بي طريقة صحيحة التجارب الفاشلة كانت بي سبب غياب الديمقراطية و مشاكل كتيرة غير الاشتراكية
ده غير إنو حكاية النظرية فشلت علي أرض الواقع معناها فاشلة كلام ما سليم كل النظريات ممكن تفشل علي أرض الواقع في ظروف معينة :)
12-02-2016, 12:25 PM
abubakr salih abubakr salih
تاريخ التسجيل: 12-27-2007
مجموع المشاركات: 8834
شكرا يا ايمن الفاضل على الاضافة و معليش اللخمة مع خلتني ارجع للبوست بمهلة.
العزيزة فردوس لك التحيات الطيبة يا ستى و عذرا ما رجعت ليك للاسئلة الذكية الماكرة لبدتي لي في اللفة هههه. بالجد اسئلة مشروعة بس المشاغل ما خلتني ارجع ليك. لكن برجع و نتناقش فيها. عندي فكرة في راسي من فترة طويلة لكتابة مقال بعنوان: الاشتراكية فلسفة صديقة للبيئة. الشئ دي لسه ما انتهت، فيها امل.
12-02-2016, 03:41 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
Quote: الاشتراكية ناجحة جداً في الدول الاسكندنافية زي السويد
فرمالة ساندرز و من لف لفه !
Quote: حكاية النظرية فشلت علي أرض الواقع معناها فاشلة كلام ما سليم
ده طبعاً حسب تقديراتك الشخصية... و أحترمها!
بالنسبة لي... آي بروجكت ما جاب نسبة %50 على الأقل ما ناجح... ما ممكن تجيب لي ال anemic index ( نجاح الدول الأسكندنافية...من وجهة نظرك) اللي لو إفترضنا جدلاً نجحت و تغض الطرف عن باقي الدول اللي عملت adoption للنظام الإشتراكي وتقول ده نجاح للنظرية.... نسبة 5% ده هو الفشل بعينة! و لو إكراماً كده دخلنا معاه دول تانية جدلاً ساي ورفعناها لي 30% برضو فشل ذريع!
بعدين نقاش فشل الإشتراكية شائك و داير زمن... ممكن يتأخد بالنظر على تأثيرة ال microeconomic و macroeconomic منحى آخر البعد ال sociology و أيضاً لاننسى البعد التاريخي! و ده مهم أعتقد عشان خاطر " الدول الأسكندنافية"
دي مباحث لو ربنا مد في الآجال و الأخ أبوبكر تم كتابته عن الموضوع ممكن أجي أشارك فيها... و لو أبوبكر كتب عنها يكون ما قصر! مزرورة زرة شديدة... تحياتي و تقديري.
12-02-2016, 03:48 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
Quote: و عذرا ما رجعت ليك للاسئلة الذكية الماكرة لبدتي لي في اللفة هههه
هههههه تصدق الحيرة دي ملازماني لزمن ليس بالقصير مابس الحزب الإشتراكي ... أحزاب تانية زي حزب البعث السوداني (ولا حاجة بالشكل ده) بَسْ الفرص ما سنحت عشان أتساءل ...و لقيتها في بوستك ده :) وقلت أشاركك الحيرة و بالمرة أعرف السبب عشان " يبطل العجب" هههه! بالمرة لو جاء زول/ه من ناس البعث ديل ي/تكون فرط/ت عقد الدهشة
تحياتي و تقديري...
12-02-2016, 04:29 PM
عبداللطيف حسن علي عبداللطيف حسن علي
تاريخ التسجيل: 04-21-2008
مجموع المشاركات: 5454
أرجوا منك أن لا تفهم السياسة الأمريكية بطريقة أسود وأبيض، والذي أقصده بأسود وأبيض ليس اللون العرقي ولكني أتحدث عن المواقف السياسية في أمريكا.
لو عملت ( Deep dive) في السياسة الأمريكة فسوف تستغرب كثيرا عن الأسباب المختلفة والمواقف للمواطنين الأمريكان تجاه الساسة، تجاه بعض المواقف المختلفة في المجتمع. وحديقي هذا يشمل جميع الشرائح الأمريكية.
ما زكرته الأخت زينب عبد الله، فيه الكثير من الحقيقة، ويجب أن لا نتجاهلها.
انا سافرت لعدة دول حول العالم ولاحظت معظم المثقفين الذين التقيت بهم حول العالم عندما يتحدثون عن الولايات المتحدة، وخصوصا في الشأن السياسي
أجدهم، مقتنعين بمعلومات مغلوطة أو مضللة ولا علاقة لها بالحقائق.
"all politics is local" مقولة أطلقها رئيس سابق للكونجرس الأمريكي يدعى Tip O'Neill
البوست الذي فتحته أنا عن الأنتخابات الأمريكية عنونته بالأتي:
": Only In America " مقولة أطلقها منظم مباريات الملاكمة الشهير
12-02-2016, 07:51 PM
أيمن الفاضل أيمن الفاضل
تاريخ التسجيل: 01-12-2013
مجموع المشاركات: 1013
فردوس سلام طبعاً نقاش الاشتراكية بيطول وجهات النظر ممكن تكون متباينة بس في حقايق ما بنقدر نتجاوزها
Quote: ( نجاح الدول الأسكندنافية...من وجهة نظرك) اللي لو إفترضنا جدلاً نجحت
هي ناجحة بي كل المقاييس
لو طبقنا تقيمك للنجاح والفشل علي الديمقراطية والرأسمالية والأديان ذاتها مش برضو حتطلع فاشلة؟ كل تجربة تتقيم براها حسب ظروفها عموماً الأنظمة الاشتراكية ذاتها متباينة ومتنوعة
Quote: فرمالة ساندرز و من لف لفه !
ساندرز فرمالته قوية هههه بس أنا عايش التجربة هنا
أنا معاك في إنتظار كتابة بكري عن الاشتراكية
12-04-2016, 07:34 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
سلام للجميع الاخ ابوبكر تحياتى واعتذر للتأخير نسبة لى ظروف ووضع صحى مفاجئ لكن الحمدالله بخير الان .... يسعدنى ان نتفاكر معك فى الشأن السياسى حتى اذا وصلنا الى اتفاق بى عدم الاتفاق
مقارنة ترامب بى الرئيس عمر البشير مقارنة مجحفه وذلك للاسباب التاليه 1. ترامب جاء عن طريق الانتخاب والرئيس عمر البشير جاء بقوة الدبابه 2. ترامب يعيش فى دولة تحكم بواسطة دستور وقوانيين ومؤسسات وسلطات ولا يستطيع كأن من كان ان يتلاعب بى الدستور وهذه السلطات .
نظام الحكم في الولايات المتحدة الأميركية جمهوري إتحادي فدرالي يعتمد على سلطات ثلاث وهي : السُلطة التنفيذية Executive يمثلها البيت الأبيض وتتكون من : الرئيس ونائبه والوزراء ومعاونيه، وينتخب الرئيس لفترة رئاسية مدتها أربعة أعوام وربما يعاد إنتخابه لفترة أخرى مدتها أربعة أعوام أخرى كحد أقصى. السلطة التشريعية Legislative يمثلها الكونجرس ومهمته إعداد وسن القوانين والتشريعات ويتكون من : مجلس الشيوخ The Senate وعددهم مائة عضو Senator يمثلون خمسين ولاية إثنين لكل ولاية ويتم إنتخابهم لفترة زمنية مدتها ستة أعوام ويمكن إعادة إنتخابهم لفترات أخرى بدون حد أقصى ومن المعروف أن نهاية فترة الستة أعوام تنتهي لثلث المجلس كل عامين مجلس النواب The House of Representatives ويبلغ عددهم 435 عضوا يتم إنتخابهم بالكامل كل عامين. وهم يمثلون كافة الولايات الأمريكية ويتم انتخابهم وفقا للنسب التصويتية Electoral Vote المقررة لكل ولاية. السلطة القضائية Judiciary تمثلها المحكمة العليا The U.S. Supreme Court وتقوم بالفصل في القوانين وتعتبر أداة رقابية للفصل بين السلطتين التنفيذية والتشريعية وتتكون من تسعة أعضاء يتم إختيارهم بواسطة رئيس الدولة وموافقة الكونجرس Congress لشغل هذا المنصب مدى الحياة.
عشان كدا ونسبة للفصل التام بين السلطات الثلاثه اعلاة لا يستطيع اى رئيس ترامب او غير ترامب ان يفعل ما يحلو له ... يعنى المسالة ما زى عندنا جبانه هايصة
الدستور بالنسبة للامريكان يعتبر شئ مقدس جدا ومحروس بى قوة السلاح ...اعطيك مثال البند التانى فى الدستور يعطى المواطن الامريكى الحق فى امتلاك السلاح .. لكن بعد كل جريمة قتل مسلحة تحاول لوبيات معينة تمرير تعديل على هذا البند لكنها تفشل لأن المحكمة الدستورية العليا أكدت أن حق الشعب في امتلاك السلاح هو أكبر سلاح ضد خطر بزوغ ديكتاتورية الدولة في أمريكا. الشعب المسلح لن يستطيع أن يحكمه طاغية. انا ذكرت المثال الفوق دا عشان اوضح ليك ولى غيرك انو الرئيس الامريكى محاسب ومحكوم بى قوانيين اذا حاد عنها يحاكم زيو وزى اى مواطن ومافى اى ثغرة فى الدستور بتسمح للرئيس لى يصبح دكتاتور.. حتى مسالة تحديد فترة الرئاسة بى اربعة سنوات الغرض كما قال احد الاباء المؤسسين عندما سئل لماذا حددتم الفترة الرئاسيه بى اربعة سنوات فقط قال : اذا ذادت عن ذلك اصبح الرئيس اما عبدا للسلطه او المال
بالنسبة لى شخصية ترامب ولماذا انا اقف معه هنالك مقولة وتحليل تقول : "The press takes Trump literally, but not seriously; his supporters take him seriously, but not literally." الكلام اعلاة يمكن تفسيره وربطة مع هذا التحليل : Anyone with a hair of common sense and a sense of humor knows what Trump is saying when he speaks. He exaggerates, uses sarcasm, cracks jokes, etc. A normal human being knows what he means. It's all faux outrage. يسعدنى ان اتواصل معك عن طريق الاسكايب بس خلينى انفتش الباص وورد لانو لى زمن من الاسكايب اصبحنا ناس واتساب ساى ههههه الله يقطع الوتساب وطاريهو تحياتى لك والاخوة المشاركين وزوار البوست
يا ابوبكر المشكلة كمان ما بس في هذا الرئيس الغبي الجاهل ترامب ولكن المشكلة في الناس البيايدو ويدعمو هذا الرئيس الجاهل.... وقبل شوية التلفزيون عمل لقاء مع بنت مسلمة ومحجبة اسمها باسمين..وهي ما منقبة نقاب كامل لكن بس خاتة ضرحة فوق راسها...زي حالاتنا انا وبسمات بالضبط... قالت انها واثناء ذهابها للمدرسة في شارع في نيويورك اقترب منها عدد من الشباب من مؤيدي ومناصري ترامب .وصرخوا في وجهها ..ترامب..ترامب...ترامب...وقالت انها لم ترد عليهم ولكنهم اقتربوا كثر وحاولوا نزع الطرحة من راسها... ..وبحاول اجيب ليك اللقاء . ..عشان تسمع لنفسك وتعرف ان الحال ما حيكون الحال.. وعشان تعرف ان حال المسلمات في امريكا حيكون جحيم...اما حكاية امريكا دولة مؤسسات والكلام النظري ده..فكلام فارغ....لان الكلام ده في الكتب ... لكن عمليا ....فهذا شئ اخر.... .وبجيك للتعليق بعدين. ..والله يديك الصحة والعافية
كتبت اميرة السيد : يا ابوبكر المشكلة كمان ما بس في هذا الرئيس الغبي الجاهل ترامب ولكن المشكلة في الناس البيايدو ويدعمو هذا الرئيس الجاهل.... وقبل شوية التلفزيون عمل لقاء مع بنت مسلمة ومحجبة اسمها باسمين..وهي ما منقبة نقاب كامل لكن بس خاتة ضرحة فوق راسها...زي حالاتنا انا وبسمات بالضبط... قالت انها واثناء ذهابها للمدرسة في شارع في نيويورك اقترب منها عدد من الشباب من مؤيدي ومناصري ترامب .وصرخوا في وجهها ..ترامب..ترامب...ترامب...وقالت انها لم ترد عليهم ولكنهم اقتربوا كثر وحاولوا نزع الطرحة من راسها... ..وبحاول اجيب ليك اللقاء . ..عشان تسمع لنفسك وتعرف ان الحال ما حيكون الحال.. وعشان تعرف ان حال المسلمات في امريكا حيكون جحيم...اما حكاية امريكا دولة مؤسسات والكلام النظري ده..فكلام فارغ....لان الكلام ده في الكتب ... لكن عمليا ....فهذا شئ اخر.... .وبجيك للتعليق بعدين. ..والله يديك الصحة والعافية _____________________________________________________________________________________
غايتو الواحد لا عارف يضحك يبكى ولا يزعل ؟!؟!؟!؟!
قالوا المابعرف ما تدوهو الكاس يغرف يكسر الكاس ويحير الناس
المشكلة ليست فى ترامب ولا الناس المؤيدة لى ترامب ...المشكلة فى نوع التفكير الهتافى الذى يضغدغ العواطف ويجافى المنطق اى مجتمع بشرى على وجه الارض مهما كان متقدم حضاريا ومحافظ على حقوق الانسان ويحاول ان يعدل بين الناس لابد ان تجد فية تجاوزات هنا وهناك وخرق للقانون من بعض بنى البشر.. لانو الناس ما ملائكه تمشى على الارض عشان كدا وضعوا قوانيين ومحاكم وفى بوليس ومحاميين
العنصرية موجودة عند العرب منذ زمن الرسول عليه الصلاة والسلام وحتى يومنا هذا فعشان كدا احسن نبطل نلعب دور الضحية كل مرة تحصل حادثه هنا وهناك على الاقل الامريكان يحمد لهم انو المتضرر اذا لجأ للقضاء فى معظم الاحيان حينصفة هل امريكا هى جنة الله فى الارض او المدينة الفاضلة ؟ طبعا لا لكن مقارنة بى بلاد كتيرة فى العالم وكل الدول العربية ماحتلقى زي امريكا من عدة نواحى فحقوا نشكر الله على نعمته علينا بأن اوجدنا فى بلاد اذا عثرت عربيتك نتيجة لى تشققات وحفر فى الشوارع تجد تعويض من الستى الحمدالله ان اوجدنا فى بلاد قانونها ينص على وجود كاميرا فى عربات البوليس لى تسجيل ال encounter with police منعا لى اى تجاوزات او نكران من البوليس عشان كدا قولك : (( اما حكاية امريكا دولة مؤسسات والكلام النظري ده..فكلام فارغ....لان الكلام ده في الكتب ... لكن عمليا ....فهذا شئ اخر....))
كلامك البين قوسين دا واسلوبك بتاع الهمز واللمز والمطاعنة دا مردود عليك ... وكلامك انتى هو الكلام الفارغ امريكا دولة مؤسسات ودولة قانون ما فى زول فوق القانون حتى الرئيس يتحاكم وانتى عارفه محاكمة ( بل كلنتون) لانة كذب تحت القسم
وجود تفلتات واخطاء من بعض الناس ليس مبرر عشان تتهمى دولة بأكملها مثل امريكا بأنها دوله لاتحكمها مؤسسات ولا قانون
( يا أيها الذين آمنوا كونوا قوامين لله شهداء بالقسط ولا يجرمنكم شنآن قوم على ألا تعدلوا اعدلوا هو أقرب للتقوى واتقوا الله إن الله خبير بما تعملون ) .
12-05-2016, 04:35 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
عزيزتي الفضلى زينب والله موقفك المؤيد لترامب العنصري هو الامر المحير وهو الامر الذي لا ندري معه انبكي ام نضحك ام نزعل ...موقفك انتي وواحدة تانية زميلة وصديقة معانا اسمها امتثال يحير الما بتحير...معقولة انتي مقيمة في امريكا وتؤيدي ترامب الغبي العنصري الذي يطالب بطردك من امريكا(وبالمناسبة الصفات دي ما من عندي)ولكن من اهله الامريكان نفسهم) ولا نريد ان نكون ملكيين اكثر من الملك نفسه.. وحتى اليوم المظاهرات المعادية لهذا الرئيس العنصري مستمرة...ان اغلبية الشعب الامريكي لا يريدونه رئيسا....وهذا يكفي... والله يديك الصحة والعافية
12-06-2016, 00:21 AM
Elmoiz Abunura Elmoiz Abunura
تاريخ التسجيل: 04-30-2005
مجموع المشاركات: 6008
كتب الصديق السفير د. الفاتح حمد , خبير اليونسكو السابق فى الفيس بوك
Dr.Ben Carson , the man who once said that American Muslims must be “schizophrenic” for trying to follow their religion while living in America (remember the Primaries؟؟), and that he would not advocate that a Muslim be put in charge of this nation, despite the fact that the constitution forbids religious tests for public office , adding that a President should be “sworn in on a stack of Bibles, not a Quran,” has just been appointed Secretary of Housing and Urban Development in Donald’s cabinet. It would have been more appropriate to create a new cabinet post with the title “ Secretary of Bigotry and Islamophobia , specially tailored for him. May be next step is to add a question about religion in the application forms for housing. You may have guessed the rest. الدكتور بين كارسون،الرجل الذي قال يوما أن من علامات انفصام الشخصية ( شيزوفرانيا) أن يكون المرأ مسلما وأمريكيا في ذات الوقت ، وأنه لا يوافق على أن يرأس أمريكا شخص مسلم على الرغم من أن الدستور يحظر اللجوء إلى المعايير الدينية في اختيار القائمين بالعمل العام ، مضيفا أن رئيس أمريكا ينبغي أن يقسم اليمين الدستورية على الانجيل لا على القرآن، قد وقع عليه الاختيار بالأمس ليكون عضوا في حكومة ترامب وزيرا للاسكان والتنمية الحضرية. ربما كان من الأجدر بترامب استحداث منصب جديد على مقاس الرجل تحت مسمى " وزير التعصب والاسلاموفوبيا" ويكلفه به. وربما تكون الخطوة القادمة إضافة سؤال إ
12-06-2016, 01:06 AM
زينب محمد عبدالله زينب محمد عبدالله
تاريخ التسجيل: 12-26-2010
مجموع المشاركات: 551
يوجد فرق بين الافراد والانظمه النظام الامريكى يكفل المساواة بين جميع المواطنيين الافراد فيهم الصالح والطالح اذا كان فى اعلى منصب او ادنى منصب
الاخت اميرة السيد انت قلتى : ( ..معقولة انتي مقيمة في امريكا وتؤيدي ترامب الغبي العنصري الذي يطالب بطردك من امريكا ) اين قال ترمب انو حيطردنى من امريكا ؟ عليك اثبات ذلك والله يديك العافية
12-15-2016, 04:51 PM
فردوس جامع فردوس جامع
تاريخ التسجيل: 09-28-2011
مجموع المشاركات: 1179
يعجبك السمح ههههه يعني ال مُتحير زيي كده يقول مُتحير تفرطوا ليه عقد الدهشة ولا تقولوا ليه زريناك ... كدي زُرني في الأول بعدين تعال أضحك!
تصدق ما بَنَظِّر إلا في حاجة بعرفها... ما بعرف" إتشوبر" عشان جني و جن الزرزرة ال في بالك!
و ممكن أناقشك لو حبيت لما أفضى شوية في كل الحيثيات ال كتبتها فوق! (دي ممكن تكون للحول عشان في حاجات أهم ... أولويات يعني هههه) أكتب كلامك في بوست و أنا برجع ليه نقطة نقطة سطر سطر زنقة زنقة بوست بوست أها قصرت... وعد! ما بالضرورة عشان أقنعك لكن عشان أوريك الأمر من زاوية ما اعتدت أن ترى منها الأشياء... ل " حالميتك " أو ل " مكابرتك "
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
abubakr salih
أيمن الفاضل
زينب محمد عبدالله
Elmoiz Abunura
Elmosley
فردوس جامع
عبداللطيف حسن علي
Deng
فيس بوك
تويتر
انستقرام
يوتيوب
بنتيريست