|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
]
المناضل والسياسي والشاعر والكاتب والممثل السينمائي الحاذق الطيب حسن الطيب ولد عام 1912م ... هذا الوطني والنقابي الجسور الطيب حسن ذلك العلم الفذ وثق لنا التاريخ أنه قاد اضراب السكة حديد الشهير 33 يوماً ايام الاستعمار ورهن منزله ليدفع للعمال رواتبهم وجاءته وساطة من الخرطوم ابطال السياسة محمد احمد محجوب ومبارك زروق واجتمعا معه ونقابة العمال للتشاور ولما استمع الرجلان إلى كلام الطيب حسن الشجاع الوطني الثائر قالاً له (نحن لدينا طلب واحد لازم توفى لنا به) وقد ظن اعضاء النقابة والحضور ان الطلب سيكون رفع الاضراب ولكن السيد محمد احمد محجوب قال له (نطلب منك ان تقص شنبك شوية) وقاما وهما يعانقانه بحرارة دليلاً على تأييدة، فانظروا كيف كانت عظمة هؤلاء الرجال، وقد كرمت مدينة عطبرة المناضل الطيب حسن بأن سمت الشارع الرئيسي المؤدي إلى المطار باسمه توفي بعطبرة عام 1986م
الرشيد للتوثيق
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
[/url]
البص الفلوكسواجن والاقباط بعطبره :
بقلم : أزهري بكري =وصوت جرس الكنيسه ونحن فى دار الرياضه عطبره . =كان هناك تعايش وصداقه مع اسر المسلمين والاقباط فى بعض احياء عطبره واعتقد كان سوق (القيقر )تجمع للشباب اقباط وغير اقباط واكثرهم مولودين فى السودان ولايعرفوا لهم بلد اخر ..عشت هذه الظروف مع الاصدقاء اسره لطيف متى خاصه (ارنست لطيف )الذى كان يعشق عطبره لانه مولود بها ويتكلم لغت حروف اهل عطبره فى القفشات والعاميه (فندق النيل عطبره )هذه الاسره قامت ببناء هذا الفندق بمجهود جبار لطيف كان موظف بالسكه حديد وزوجته ناديه كانت تعمل فى الخياطه وتجهيز العروسه من تجميل وفستان وتسهر الليل والنهار وكانت دوما تصاب بمرض (الملاريا )الفندق كان تقريبا اول فندق كان هناك اشهر لكونده نهر عطبره واستراحه السكه حديد ولكن كفندق فيه وجبات على مستوى عالى كان (فندق النيل )ونزلت به اول عريس سنه 1985 قبل افتتاحه رسميا . =عندما جات لحظه السفر والتهجير الى استراليا انقسمت الاسره بعضهم رفض تماما خاصه والدهم لطيف قال اموت فى البلد التى عشت بها وانا سودانى لكن المشاكل مع الضرائب ومحاربه الاقباط كانت واضحه لم يكون هناك خيار الا السفر لاستراليا رغم ذلك مازال ارنست واسرته يحضروا كل فتره لعطبره ..هناك مقوله بان منزل اسره حبيب باسطه طلبوا ان يكون منزلهم مركز صحى اودار للايتام حتى لايتحسروا على التكسير .وهاجروا اكثر الاقباط واختفى سوق الطيور الحمام والدجاج ولم نعرف اكل طير النعام الا مع الاقباط =اليوم شفت هذا البص وماعارف ليه زكرنى الاقباط
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
[l]
لقاء مع المطرب هاشم خليوة
أجرى اللقاء : محمد ميرغني
ما أن انصرم العام 1979 أو كاد أن ينصرم ململماً أوراقه كي يعلن عن بداية الثمانينات حتى أطل في سماء الأغنية الشعبية بعطبرة بعض شباب يمتلكون أصوات متميزة وطريقة تطريبية حديثة أستهوت الشباب فسرعان ما ألتفوا حولهم وأمسكوا بعض الشيوخ فترة ولكن سرعان ما ألفت آذانهم الاستمتاع بما قدموه من أعمال هذه الاسماء استطاعت أن تسحب البساط من فرق الجاز بجدارة ويعيدوا للدار مجده الذي اضمحل بعض الشيء بعد هجرة الذكار للسعودية ومغادرة حيدر أحمد محمود قاصداً مدينة بورتسودان حيث ظهر في ساحة الغناء الشعبي بعطبرة كل من :- هاشم خليوة نجم الدين السنجك محمد كرار بخيت ميرغني
[l]
نقف اليوم في سلسلة اللقاءات كي نسلط دائرة من الضوء حول المطرب هاشم خليوة الذي استطاع أن يبرز بما يمتلكه من تطريب ويتربع على عرش الأغنية الشعبية مطرزاً أفراح عطبرة بأحلى الأنغام التي أفلحت في هز وجدان أهل المدينة في أقسى فترات معاناتها بمصاحبة المندلين وقد أقترن أسمه به حيث بدأت شهرته بهاشم مندلين ورجل استطاع أن يزرع الفرح في نفوس من اكتووا بنار الصفوف وهمها جدير بأن يكتب عنه بماء الذهب ولكن هذه بضاعتنا ليس لدينا غير أن نقترب منه ونسال الاسم واللقب ؟؟ هاشم عثمان أحمد ... اللقب هاشم خليوة كلمنا عن البدايات ؟؟ بداية كان التحاقي بدار اتحاد فن الغناء الشعبي في سن صغيرة يرجع تاريخه للعام 1972 حيث كنت فردة كورس مع المطرب بابكر الذكار ولا زلت مستمر كعضو بالدار متى كونت فرقتك الغنائية ؟؟. كونت الفرقة الغنائية في العام 1976 بعد هجرة الذكار وكنت مشبع بالخبرة لوجودي بالدار وأنا في سن يافعة ماذا قدم لك الدار ؟؟ كنت محظوظ إذ أن قامات فن الغناء الشعبي بعطبرة كانوا يعرفوني كفردة كورس فوجدت النصح والإرشاد من دفع الله وكدباس وجعفر احمد وقيقم وثنائي العكد وعبد الله أحمد يوسف وقد ملكني الأخير عمل ملحن وسرعان ما أستقبلوني كزميل وإذا كنت تقصد الإدارة أيضاً رئيس النادي سليمان العود وسكرتيره تاج السر عاصرتهم منذ أن كنت فردة كورس آلة المندلين ... نعرف أنه في بداية مشوارك عرفت بهاشم مندلين ؟؟ الاسم راجع لكوني أنا أول من أدخل المندلين في الإقليم الشمالي وكنت ثالث شخص في السودان يستخدم المندلين كآلة مصاحبة للغناء الشعبي كنت ثالث شخص !! من الذي سبقك ؟؟ سبقني إبراهيم خوجلي والنور الجيلاني ذكرت أن عبد الله أحمد يوسف منحك عمل خاص كتشجيع فهل كان هذا دافع لك دفعك لتقديم أعمال خاصة ؟؟؟ بالطبع فلدي حوالي 55 عمل خاص لشعراء مختلفين ما شاء الله هذه حصيلة محترمة نود أن نقوم بتدوين بعضها كنماذج حتى يقف عليها القاري ؟؟ من كلمات الشاعرة آمنة إبراهيم التوم وألحاني غنيت رحلت يا حياتي ورحت وين خليتني لي ظلم السنين عنك صغارك بيسألو
أرى أنك قد لمست قضية اجتماعية بتناولك لهذا العمل ؟؟ نعم وفي نفس المساق غنيت للشاعر عطأ فضل الله الصغير بالليل بيسألني وبيقول بابا وين يا ماما سؤال يجرح شغاف قلبي بنار المولى يدري بيهو وللشاعر محمد جلا الدين وهو من أبناء المقرن غنيت صحي بتبدل الأيام ما دام بقت القلوب بشرى ما قالوا الدنيا بي خيرة حليل الدنيا والعشرة
وللشاعر التوم ابراهيم التوم شقيق الشاعرة آمنة أيضاُ كان لي منه عمل وهو شاعر مشهور غنى له الفنان الكبير وردي ماذا تغنى له وردي ؟؟؟ لا اذكر ولكنه تغنى له وأنا غنيت له عمل من كلماته وألحاني بكلمات مطلعها راجع ليك من تاني عشان هدتني أحزاني عشان بعدك رحل عمري يا الضيعتو عنواني لعلها كانت بعد عودتك من الاغتراب ؟؟ ضحك وقال بحمد الله لم تطول غربتي ورجعت بعد سنتين كانت وكأنها سنين هل قدمت أعمال بالمملكة ؟؟؟ نعم شاركت في كثير من الحفلات بالسعودية ومن الأعمال أيضا عمل للشاعر عوض عبد الله الحب لو تجنى أتعرف زولو جنة الحب نار وجنة سعادتو فيها ويل الحب يا حبيبي كالحي اللسوع بكلمة يهد قوامك زي نور الشموع العافية يحددة وما بطيق المروق كيف يتخلى عنو وين يلقى البديل
وقائمة الشعراء الذين تعاملت معهم كبيرة منهم مدني الطاهر من كنور وعمر الباوقة وعادل بعنيب وصلاح بعنيب وآخرين عطبرة هذه المدينة المعطاءة جميع مطربي عطبرة لم ينسوها هل خصيتها بعمل ؟؟؟ نعم غنيت من كلمات الشاعر عوض الكريم ناسك طيب وفيك محنة يا عطبرة سواك نيلك جنة غنو ليك عتيق والبنا قالوا البان فيك أتنى وفيك الصيد عديل محنا وبي سهام العيون كتلنا كضاب العليك يتجنى فاقد عقلوا تائه وجنة أنت مدينة فوق لمدنا أنت عروس في ليل جنة يا عطبرة
هذه مسيرة ثرة ومطرب بدأ حياته بجدية والآن يمتلك ل55 عمل خاص لا نستطيع أن نوفيه حقه في هذه العجالة ولكنها إضاءة إذانا بعودة قد يفلح غيري في الإحاطة بما قدمه ويقدمه هذا الرائع في سماء الطرب العطبراوي
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
[l]
تعرف أنا أمنيتي شنو : أمنيتي أصل عطبرة وأسوق عجلتي الحمراء وأمر على الحارث بتاع التسالي واشتري منه تسالي قرع وجرم وفول حاجات وأذهب لاستاد عطبرة واضعاً في السرج الخلفي بنبر (مقعد) وأجلس في مسطبة الأمل وأحضر مباراة بين الأمل والشاطيء وأستمتع بهدير الأملاب ( صوت الأمل جاني من نومي صحاني) وبعد المباراة أجي ماري على باسطة عبد الفتاح وأضرب باسطة بالسمن وأمشي بيتنا وأشاهد السهرة برنامج فرسان في الميدان لحمدي بدر الدين أو أحضر حفلة بجاز دانا أو محي الدين أو مصطفى مضوي أو محمد كرار أو هاشم خليوة وأمشي بيتنا زي 2 صباحاً وأنوم وأصحى الصباح على صوت والدي - رحمه الله - وهو يوقظني لصلاة الفجر . آآآآآآآه إن دموعي تسبقني
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
حبيبنا الشغيل .. أشكرك على البوست الجميل .. لقد رجعت بي لأكثر من نصف قرن من الزمان .. أيام حكومة عبود .. يا سلام .. والسبب هو تلك الصورة التي نشرتها للحاكم العسكري ( محمد المجذوب حامد ) الحكم العسكري للمديرية الشمالية حضر إلى قريتنا البرقيق في الشمال ريفي دنقلا .. وإفتتح مستشفى 60 سرير تخدم المنطقة كلها كان ذلك عام 1961م وبمناسبة إحتفال 17 نوفمبر عيد الثورة آنذاك .. طبعاً نحن ناس ضواحي الدنيا كنا مركزين على زي العساكر والعربات ومنبهرين .. شكراً .. الحبيب الشغيل .. آسف للمداخلة لأنها أخلت بسياق التوثيق قليلاً .. رحم الله كل رجال ذلك الزمن الجميل .. شوف مستشفى (60) سرير في قرية نائية
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: علي عبدالوهاب عثمان)
|
.. شوف مستشفى (60) سرير في قرية نائية >>>>>>>>> >>>>>>> اظن يا استاذ علي في العاصمة الآن مافي مستشفى فيه ستين سرير... بس خايفة تجي وتقول لي العلاج والأدوية وشغل السراير دي لفترة العلاج مجان, فعلا السودان كان بخير وصحة وعافية .. ود الشغيل شكرة مرة اخرى للبوست الروعة .. كل العطبراويين والعطبراويات في انحاء السودان وخارج السودان يتابعونه بلهفة وشوق ودمتم بالف خير وصحة وعافية
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
[l]
هذا المذياع العتيق كان عملة نادرة في عطبرة أيام الزمن الجميل ولم يتوفر الا في اماكن بسيطة اشهرها قهوة ود البيه وقهوة الامين وعند العم الشوش حيث يتجمع المثقفون لمتابعة الاخبار من لندن ومونتكارلو وغيرها ..
[l]
في خمسينات القرن الماضي.. لم يكن الراديو مسموحا به الا برخصة من وزارة البريد والبرق.... هذه رخصة راديو زودني بها أحد الفضلاء لصالح مصطفى احمد فضل الله بأم الطيور صادرة عام 1952.. ... . يازمن وقف شوية
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
جنة الفواكه ----------------------- ياسلام على الاسم المعتق ده .. لازال يعشعش في أذهاننا ان شاء الله تكون متذكر محل (عطر الاميرة) في السوق الكبير اها ده حق ود عمي فقيري الله يرحمه توفى في حادث حركة في السعودية هو وجميع افراد اسرته كان محل رائع جدا بمواصفات اليوم جزء كبير من شيلة العرس كانت بتطلع منو ده غير تخصصه في شرايط الغناء السمح والوكيل الحصري لأغاني العطبراوي حضرت كذا جلسات تسجيل أغاني في منزله السوق الكبير كان قبلة اهل المدينة حتى للتسكع العادي وقت الزهج اخر عهدي بالسوق كان عام 1993 - تغير جدا وفقد طعمه وبريقه اقال الله عُثار أهل عطبرة والسودان عموما المدن ياالهادي اخوي - كما قال شاعرنا الراحل صلاح احمد ابراهيم - مثل النساء ، إما ان تحتضنك وتحتويك بحنان أو تلفظك عطبرة بالنسبة لي من مدينة ووطن حنون على قول الشاعر الداغستاني رسول حمزاتوف (شيئان في هذه الحياة يستحقان الصراع... وطن حنون وامرأة رائعة) الواحد لو ظفر بأحدى هاتين الروائع مابكون خلى شيء شكرا ليك وانت تدغدغ فينا كل هذه الاحاسيس المشاعر والحب الكبير لمدينتنا الحديقة والصلاة والسلام على اهلها البررة الكرام
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
Quote: اها ده حق ود عمي فقيري الله يرحمه توفى في حادث حركة في السعودية هو وجميع افراد اسرته كان محل رائع جدا بمواصفات اليوم جزء كبير من شيلة العرس كانت بتطلع منو |
هلا بالحيدر...
رحمه الله رحمة واسعة ...
كنت أعتقد أن الأخ ( نصر الدين حسين ) من دارمالي هو مالك هذا المحل الفريد ...
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
شكرا مرة ثانية وثالثة على كمية المعلومات المهمة عن ام المدائن وفي الكتاب عن مدينة الحديد والنار المفروض نترجمه الكاتب اكد على ان عطبرة ام المدائن هي اول مدينة في السودان تهتم بالرياضة واول استاد للرياضة بنوهو في عطبرة.... ومعليش نسينا ترجمة الكتاب....وانت عارف السبب...لكن عندنا النية نواصل....بعد ان نرجع من رحلة سياحية من شلالات نياجرا ..... والكتاب حيكون اضافة حقيقية لبوستك الرائع عن زهرة المدائن... ودمت بالف خير وصحة وعافية
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: Basamat Alsheikh)
|
كتبت الأخت بسمات :
Quote: شكرا مرة ثانية وثالثة على كمية المعلومات المهمة عن ام المدائن وفي الكتاب عن مدينة الحديد والنار المفروض نترجمه الكاتب اكد على ان عطبرة ام المدائن هي اول مدينة في السودان تهتم بالرياضة واول استاد للرياضة بنوهو في عطبرة.... ومعليش نسينا ترجمة الكتاب....وانت عارف السبب...لكن عندنا النية نواصل....بعد ان نرجع من رحلة سياحية من شلالات نياجرا ..... والكتاب حيكون اضافة حقيقية لبوستك الرائع عن زهرة المدائن... ودمت بالف خير وصحة وعافية
|
فعلا استمتعنا بترجمة الكتاب الذي رفد البوست بمعلومات غاية في الأهمية والتوثيق لأم المدائن وكم كنا نود الاستمرار لكن تأت الرياح بما لا تشتهي السفن .. أسأل الله ان يسهل الأمور ونستمتع بالسرد الشيق لهذا الكتاب ويتم ترجمته ووضعه في البوست لأنه سيكون إضافة حقيقية لهذا البوست . أشكرك عاشقة عطبرة
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
ياسلام على مكتبة دبورة ودبورة واولاده الخلوقين كانت خير معين لنا في اكتساب المعرفة والثقافة كنا ننتظر الصحف اليومية التي تصل لعطبرة عن طريق الباصات السفرية (يقال في الزمن السمح كانت تصل بالطائرة) نهلت كغيري من هذه المكتبة في شتى ضروب المعرفة (تاريخ - روابات - كتب دينية - سياسية - مجلات وصحف مصرية ) كنت مرات لما احضر في اجازاتي السنوية سنوات الدراسة في مصر أعرض عن طريقهم بعض الكتب للبيع عمنا دبورة كان انسان منفتح وكريم جدا وكذلك ابناءه يرحمه الله ويحسن إليه ويجعل البركة في ذريته
| |
|
|
|
|
|
|
Re: * بوست توثيقي لعطبرة قطار الشوق أيام الزم (Re: الهادي الشغيل)
|
[l]
...................
بهلكة (منقول)
اسمه الامين .. بهلكة هو لقبه الذي يبعث بالضحك الخالة نفيسة قررت السفر لدنقلا لوضوع بنتها البكر قبل السفر وصت جارتها جمال علي ام بدة علي الحمام وقالت ليها ابقي عشرة علي حمامي وسلمتها ربعين فتريتة وقالت ليها ماتنسي تملي ليهم الحوض موية مع الصباح والمغرب وتكبي ليهم الفترتية وشيلي اي حمامة صغيرة حاجة جمال بقت عشرة علي الحمام تغسل ليهم حوض الموية وتفك تكب ليهم الفتريتة بعد اسبوع نفسها دخلت في دمعة حمام بالقراصة نادت جارها بالحيطة النقر النقر جاها قالت ليهو اطلع قفص الحمام ده ونزل لي جوز تلاته النقر جاب السلم وطلع وبعد بحث نص ساعه جاها نازل قال ليها والله فتشت الققص فوق وتحت مالقيت حاجة بعد يومين جاء بهلكة لافي في الحلة جمال طوالي نادتو وقالت اب اب حنك الا اطبق فيهو نظريه اتفقت معاهو ينظف ليها قفص الحمام واي حمامة في القفص من نصيبو وهي منتظرة برة بفارق الصبر قدوم بهلكة والحسرة علي وشو نص ساعة وبهلكة جاها شايل شوال فضلات الحمام سلمو ليها وقال ليها حلال عليكي بيعيهو لي ناس المقرن البزرعو عجور ودخل تاني البيت وجاء مارق بي قفة حمام الحاجة جمال المغصة كاتلاها قالت ليهو شكيتك لي الله يا الشقي لقيت الحمام ده كيف بهلكة بي ضحك قال ليها مدسي تحت الصفايح وشال قفتو ومشي
بهلكة من ظرفاء حي الشرقي ومحبوب لكل البيوت له سحر اقناع عجيب عمل بكل القوات النظامية شرطة المطافي وشرطة السكة حديد والمدفعية تبقي له حرس الصيد فقط ويكون كمل القوات النظامية كان الاقرب لوالدية بخفة دمه و كرمه وقلبو الابيض رغم مقالبو الكتيرة مريم القرير امو قررت الذهاب للخرطوم تاخد ليها فترة مع ولادها في الخرطوم وطبعا من طباع الحريم الكبار الحفاظ علي عدتهم اي حاجة ولا العدة وقبل السفر بيومين رسلت بهلكة يجيب ليها رزة واكبر مقاس للطبل جمعت حريم وعملت نفير للم عدتها كلها وقفلتها في غرفتها الكييرة ماخلت حاجة برة العرفة واحكمت قفل الشبايك وتركت لبهلكة الانبوبة والبوتجاز وحلة كبيرة وبراد الشاي والكبابي قالت ليهو اشتريها من الدكان قبل سفرها طلبت دجانقو وعوض الزنجي ان يحرسو البيت مع بهلكة بعد ثلاثة شهور من سفرها بهلكة بي طريقتو قدر يفتح شباك الغرفة ويشيل مكنة الشعرية اصحابو عرفو الحاصل وعلي طول قررو يبلغو بت القرير بالحاصل خوفا من مريم دجانقو قال للزنجي مريم لو جات وفقدت مكنة الشعرية حتشبكنا فيها افضل نكلمها قبل تجي مريم سمعت الخبر واول باص جايي من الخرطوم ركبت فيهو ودجانقو وعوض الزنجي في انتظارها بموقف البصات من الموقف اجرو تاكسي للشرقي وصلتها البيت وقبل تشرب ليها موية ولا تاخد نفسها جدعت شنطتها وجري علي الاحتياطي واي زول تلاقيهو في الشارع تحكي ليهو الحاصل مع ترديد بيت بيتين من اشعارها المؤلفاها في اولادها والحلة كلها تحنس فيها وهي رافضة وقالت بس عساكر الاحتياطي مافي غيرهم وصلت الاحتياطي و دخلت للضابط وحكت ليهو الحاصل انا ولدت الدكتور والمهندس والاستاذ وبهلكة ده الوحيد الفاشل فيهم بس عاوزاكم تادبوهو لي الضابط جمع العساكر وطلب منهم احضار بهلكة العساكر ركبو البوكس وشالوا درقاتهم وعكاكيزهم وقبل عشرة دقايق بهلكة كان مقفول في حراسة الاحتياطي بت الحلنقي شافت بهلكة في الحراسة سالتو مالك يا بهلكة هنا حكي ليها الحاصل دخلت علي الضابط واقنعتو وقالت ليهو مش مريم دي بكرة حتلومك وتقول قبضتا ولدها الضابط فكا بهلكة والحلة كلها في الاحتياطي منتظرين الافراج عن بهلكة الحريم بيقنعو في مريم و هي تقول السماء قريب من الاحتياطي مشت للقاضي كمال علي حكت ليهو الحاصل مولانا كمال قال ليها بهلكة قبل اسبوع شال انبوبتنا يملاها غاز لا جاب الانبوبة ولارجع لينا قروش الغاز لمن تلقيهو قولي ليهو شيل قروش الغاز ورجع لينا انبوبتنا فكرت وقالت مافي غير بس المحامي هاشم حسن يرفع ليها عريضة في بهلكة الغريبة بهلكة يضحك وماجايب خبر ويقول مش امي دي خلوها للمغرب لو ما لقيتونا بنشرب شاي المغرب مع بعض حضر المحامي هاشم وطبعا هو برضو عارف انو كلام مريم ده فورة لبن ساي وقعد مع الاتنين وقال لي بهلكة تحلف قسم ما تجي جنب عدة امك دي بهلكة وافق وخت يدو في المصحف وقعد يقول لي امو والله من ختيت يدي في المصحف شفت الكعبة في يدي وامو مصدقة وتسال فيهو عليك الله بي صحك شايفها وبهلكة يحلف وكده المشكلة اتحلت والاتنين اتصالحو وبهلكة قال ليها بالمناسبة دي عازمكم بكرة فطور ملوحة وعزم الشباب كلهم في الفطور ومريومة خالفة رجلها وجادعة توبها في رجولها وتحكي في القصص ونست مكنة الشعرية وخسارة قروش التزكره وطبعا يومي الونسة بقت مع مريم بعد المغرب ومشاغلتها بي مكنة الشعرية وهي بي ضحتكها تقول والله لو ما خفت عوض الزنجي وعصام بيكتلوهو كان قلت ليهم بهلكة قال انتو الشلتو مكنة الشعرية بعد اسبوع ونحنا بنشرب معاها شاي المغرب في نص الونسه سالها واحد مننا من باب الدعابة ان شاء الله يا مريم بهلكة ما مقصر معاكي في الاكل قالت بهلكة كاتلني بالعدس والفول وبقت تشكر في ولادها الفي الخرطوم قالت ديك مامقصرين معاي شايليني فوق كفوف الراحة ان درتا المشاوي بلقاها قدامي والفواكة بانواعها والعاوزاهو بيجيبو هو لي صاحبنا قال ليها طيب لو كده ما تمشي لي ناس الخرطوم مالك ومال بهلكة اخدت ليها نهيده طويلة وقالت احترت والله وماعارفة اعمل شنو لو بارينا بطنا بهلكة بيسرق عدتنا ولا قعدت احرسها الجوع بيكتلنا رحم الله امنا مريم القرير وامد الله في عمر الحبيب بهلكة ***************** من طرائف بهلكة
كتب عثمان ابراهيم عن بهلقه مايلي :- مره في مدرسة القديمه قالو لى جيب ولي امرك اتلفت كدا اقرب زول لقيتو جنبي بهلكه كان في الشرطه العسكريه المدفعيه طوالي قلت للاستاذ دا خالي المهم صاحبنا وقف في باب المكتب دق تحية عسكريه انا قلت فى رتبه جوة ما في زول غير استاذ الخليل عليه رحمة الله المهم حنك الاستاذ انو الزول دا عيان وكدا لكن ما مشكله لازم تعاقبو قدامي زي ما قال الجيش الخير يخص والشر يعم الاستاذ قال ليهو ياخ نحن ما هدفنا العقاب نحن نوعي الاسر عشان تتابع غايتو مرقت لكن الاستاذ مقتنع انو ما خالي بس اوائل التسعينات وهيبة الجيش الموضوع مر بسلام في المدرسه. قمت سالتو من موضوع التحيه قال لى دى للمكتب الحكومي دا قام الفصل التاني من الفيلم في البيت صاحبك العصر يجي البيت ازيك يا حاج ابراهيم والله قبيل حصل وحصل وفتاني ليك فته واخدت نصيبي من التقريع والحمدلله
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: الهادي الشغيل)
|
شكرا الأخ الهادي علي هذا البوست الرائع
معدية ام الطيور أيام الزمن الجميل
عفوا اعيد نشر ذكريات اتبراوية
ذكريات أتبراوية
في البداية ألف سلام يا بلاد كلها ريد يا بلاد سمحين وطيبين، كل الفيها زين الغبش فى نضال والبسمة براقا يشيل. الواحد فى وقت الحارة والضيق لأخوه يشيل وفى الافراح والأحزان ديما حاضرين ارســل ليك امنياتى الغالية وأشواقى الماليها نهاية من ناحية بلاد بره المسجمة المرمدة.
يا أتبرا عبر الزمان نحتى أشرف مشوار، بين العمال نهضوا الجبابره الكبار الشفيع وقاسم أمين عيون تقدح نار. وشاكر مرسال الفذ نسجها كلمات درر ضد العسكر "ولدت سفاحا فما أنت حر واجه مصيرك أو انتحر وشعبي عظيم وحزبي عنيد شديد المراس عظيم الخطر". وعلي محمد بشير الصامد الحر. ومحمد الحسن عبدالله في خدمة البشر وظل عبر ملحمة النضال صامدا طهورا. والحاج عبدالرحمن ظل مناضلا جسورا. ياقافلة الأحرار مازلنا وراءَ القضبان وأضحت مدينتكم كالأطلال. ولكن سوف تشرق الشمس من جديد ونحمل الراية من جديد كرامة للجياع والمهانين ونخلد لكم شرف نضالكم المجيد وتعود أتبرا بقلب نابض من جديد. نذكر في المقام معلمين كرام "ياصحابي" سطرها السر المعلم والشاعر المقدام درر في عقدٍ هداها لينا كلمات وداع في نهاية الكُتاب.
ونذكر مدرسة العمال شيدها نفر كرام باسم العمال على الحسن الرجل المقدام "ذلك المحسنُ حيَّاه الغمام" وصحبه الكرام. وحسن نُورى الناظر ..الهمام، وقاسم العالم بعلوم الرياضيات في التدريس أروع مثال. ومحمد واحمد عبيد معلمان رفيعان. ويوسف مرجع في الأدب والاديان.
من حلة امبكول مشياً علي الأقدام حافي حالقْ وأقدامنا تلامس الهجير ونستعين بظل جدران الجالوص ليخفف عنا نار السعير. السر "بلنجه" والسر "قلق" ومحمد "ابكدر" وعثمان. ياما كانت لينا صولات وجولات سوق الخضار و "برنقَ" الجزار.
ونَقْشا محمد اليمانى والفول متلألئ يضاهى العنب الشامى، يوم فكرت اهديه لطير الجنة الراكى فوق طرف الزير وبى مُوية النقاع رويان. والرغيف تشم ريحة القمح فيه من مسافات تقول شاقي حقل قمحاً رويان وشابى للحصاد جهزان. لا برومائد لا لماع صافي كضمائر الناس في ذلك الزمان.
سلام والف سلامات سلام بجناحات يطير مسافات لعطبرة ... يا بلدا فوق الكلمات.
نجي شاقين السوق من استانيوس صاحب آلاف الأصناف ! والطير الأبيض متلألئ ونعائن من بعيد للمنظر الخلاب. والإبسى متحكر مالى الكرسى وزايد بالأطراف، والأيس اصناف أصناف.
مرورا بابراهيم العربي والسجائر مردوم كيمان وعبدالعزيز صارم نتفاداه بقدر الإمكان. ودكان حاج الحسن والسر قلق يعاين للشبط مدلدل من الباب، ويتمنى لو كان من نصيبه بدل الباب ! ويكتم الضحكة وينظر لجزمة الباتا بدون رباط. ودكان ودكجال منظم وكلُ جمال. ودكان السِيد صاحب الحديد لمصروفات الفول كان سناد. ومحمد عوض الترزى والعراقى البلدى يطقو في دقائق معدودات. ونذكر دكان الشوش ذالكم الرجل الفاضل سجل أفضال. في فضاية المولد يتجمعوا الناس. ومكرفون الشوش يبث اخبار لندن للأذان.
نذكرمكتبة البلدية الذاخرة بالكتب في كل مجال. وقرأنا لطه حسين وتوفيق الحكيم وعبدالرحمن بدوى وسارتر وسيمون وغيرهم في الأدب و الفلسفة من الأعلام. في المدرسة الاوسطى نهلنا منها المعرفة بدون كلام. ياترى ماذا فعل الله بتلك المكتبة؟
سلام والف سلامات سلام بجناحات يطير مسافات لعطبرة ... يا بلدا فوق الكلمات.
ياعطبرة يابلد الحديد والنار كنت علماً علي رأسه نار وسندا للإقتصاد ... ومنار.
من مايو دارت الأيام بالدمار وكنتِ اول الديار. شرَّدوا خبرات سنين وبدأ الإنهيار.
ولم يبقى سوى أنين وفوءاد مقهور ولم يبقى غير الضياع وطريق عسير، وموكب احزان ... لأي مأساة يسير ؟
وجفت المياه من الجداول ، و من الحقول زال الاخضرار وبقيت تراكمات من الفشل في الأثير.
بالسكة الحديد قفزت اقطار وصارت بالسكة اغنى الأمصار في أوروبا الغربية ... لينا احسن مسار. شبكة حديد شابكه الريف والحضر عماد اقتصاد محمي معتبر. نذكر فضاية المولد والاحتفال بميلاد المُدثِّر يموج خلالها آلاف البشر. ونحن صغار نحدق النظر. والأيام تمر في لمحة بصر الى اليوم الثانى عشر.
سلام والف سلامات سلام بجناحات يطير مسافات لعطبرة ... يا بلدا فوق الكلمات. ونذكر زملاء الدراسة الأجلاء وشلة المذاكرة ، نعم الاصدقاء. ود الشوش وتاج السر وهاشم محمد خير خوجلى، وابراهيم على باشرى الأوفياء، وهبوا ديارهم للمذاكرة وكرمهم الفياض. والنعيم الفيلسوف والمعلم الذكي. وودكجال دمث الأخلاق. ومحمد ابكدر وعثمان والسر قلق والسر بلنجه نعم الاصدقاء، وفتح الرحمن الطاهر متقد الذهن، في جنات الخلد بإذن الله.
سلام والف سلامات سلام بجناحات يطير مسافات لعطبرة ... يا بلدا فوق الكلمات.
نواصل زخم الذكريات والرسم بالكلمات
نأتى من المدرسة في عجالة والغبار يختلط بالعرق فوق الجباه ويحيلها الى لون القباشة. ونتخلص من الخرتية وجزمة الباتا، ونخرج من باب السر في حرص شديد المبالغة. ونسمع خلفنا "ياود البحر أبعد منه" بصوت مليان قلق وحنانية. الشلة على موعد على ضفاف الأتبراوى لتبحث عن الحشرات. نجمعها ونستغرب من أشكالها المميزات. والقيّل قَيّل اميزها بالذات، يبحث عن الظل والرطوبات. نجده راكى فوق الصفقات، متعبا من الحر المميت. ذا ألوان خلابة تقول لوحة فينسنت ومن أجمل الرسومات. نقلعه من مقيله بقساوات، ويصبح القيل قيل ضحية اللعبات. نقتلع شوكة من اشواك الشجيرات، ونبتر إحدى ارجله الراقصات ونغرز الشوكة بديلا عنها بفظاعات، يتململ عبثا محاولا الفرار في لف ودوران يبسط الجناحان. ونحن نضحك بنَشْوان لهذه اللعبة ذات المنُون.
نواصل زخم الذكريات والرسم بالكلمات. وليكم سلام و ألف سلامات.
الرحلات وما ادراك ما الرحلات، هناك الرحلات المدرسية، وهناك الرحلات العنجهية. نذكر رحلة البجراوية رحلة مدرسية منظمة و رسمية. بالقطار عربية محجوزة والاستاذ في يغظة حزرة، وسط الضوضاء والاندفاع لإحراز أحسن مكان بجانب الشباك يتدافع الطلبة. وصلنا البجراوية، والدهشة والآثار تحكى قصة اجدادنا العظام. وتجولنا بين الاهرامات العظام ومعبد آمون ومعبد مروي والحمام الروماني, والتقدم المذهل للممالك النوبية. وافترشنا على ارض مملكتنا النوبية، في ليلة صافية السماء ونجومها تَلَأْلُؤ ونحن نحدق في المنظر الخَلاَّبْ.
وترهاقا كان يجول فى هذه البقاع، بصولجانه يتبختر فى مملكته نبتة، وراعى حضارتها المتقدمة، شمالا وشرقاً.
ومن الرحلات العنجهية نذكر رحلة ام الطيور شلة الرحلة كانت من الأصدقاء: أبراهيم باشرى محمد ابكدر وعثمان وعلي. من استديو الرشيد أجرنا كمرة، فى خلسة من الأهل و بالمعدية، ابحرنا الى ام الطيور ببهجة وسرور، وكأننا عبر المانش نخوض البحور. وكمان رحلة الدامر كانت بالقطار كانت سر من الاسرار. والقطار كان عند الاهل، ذنب عديم الغفران. والعلقة بالسيطان. نتسلل الى المحطة والسر بلنجه منظم بجدارة. اذا الكمسارى ظهر فالزوغان فن بالممارسة أو نسطح بجدارة. نصل الدامر وننكت في العكادة. تكتمل البهجة، ونعود وازددنا شقاوة.
نواصل زخم الذكريات والرسم بالكلمات.
ورحلات في قمة المجازفات، وممنوعة بدون منازعات. جزمة الباتة آخر نظافة ملمعة بالتابشورة ، براقة. وعراقى الدمورية آخر نضافة. والى الخرطوم شدين الرحال، خلسة تسللنا الى المحطة، وقطار المخصوص واقف راجينا، في آخر دقائق فيه نطينا، وللسطوح شبينا. وضحكات السر قلق وبلجه تساندنا. والزوغان من الكمسارى بهجة لينا. ومرات الخوف يلازمنا، ونتلفت حولنا كالطيور نراقب أعدائنا. من محطة الى محطة نتسلل أرضا ومن باعة الطعمية والعيش نشترى ونلوش أحيانا. نرجع للسطوح لنزداد غباشا.
الخرطوم أَشْرَقَت بالانوار ارضاً وسماء. دشيليون عربية في عقد مترابطة. قادنا الطريق الى المحطة الوسطى، قلب الخرطوم النابض. دهشنا للجموع القفيره، الناس هنا يتقابلون ولا يتحدثون. قطع شك أغراب لا سلام لا كلام. حدقنا في محلات الإسكريم والسندوتشات بالأكوام. لم تكن معانا قريشات فاكتفينا بالنظر لتلك الطيبات. السوق الأفرنجى مضئ حتى بالنهار ومليان بالخواجات، وبنات الخواجات يتبخترن يسلبن العقل في مدارات. قطع شك دى لندن والله تهنا في متاهات. الوقت حان وعدنا نسارق المحطات لأتبرتنا الماليها بديل. سلام والف سلامات سلام بجناحات يطير مسافات لعطبرة ... يا بلدا فوق الكلمات.
أطير بأجنحة الشوق إليك غنيت لك ولموعد، أطلقت عبير ذكرياتى مطراَ ينسكب. ويطوف دروب مواسمنا ويتحسس كل جراحاتنا. ومن شمسك ومن فيضك ومن عشقك رويت مواسمنا دموعاَ. غنيت لك ولموعد، أطلقت عبير ذكرياتى.
فرهدت زهور الذكريات. لنتذكر الزمن الماضي النبيل ولتستوقفنا محطات الفرح الجميل. تزاحمت الذكريات وتلاطمت كأمواج العطبراوى نهر موسمي يتدفق من المرتفعات الإثيوبية في زحفه معانقا النيل بهدوئه نحو الشمال. والأخشاب تطفو على الامواج هدية لعطبرة حطب حريق.
نذكر بكرى عبد الحفيظ وأخيه على شايا وأبطال الدافورى أبو الجاز وزملاء مدرسة العمال هاشم صالح ومحمد عبد الستار وعبد الكريم ومصدر مصدر. وعند ضفاف العطبراوى يظهرو شبان العشش و سند المهاب وعضلاته بارزة جاهزة للمشاجرة لدحر اولاد حي امبكول.
سلام والف سلامات سلام بجناحات يطير مسافات لعطبرة ... يا بلدا فوق الكلمات.
تبقي عطبرة محكرة في الفواد وتبقي منارة للسودان. عطبرة لثانوية كانت نقلة من الجلابية الي الرداء والقميص الافرنجي وكنا في معركة بين حشو القميص داخل الرداء او عدمه.
والطلبة أتوا من بقاع السودان المختلفة وبعضهم حسبناهم أساتذة لهندامهم وأجسامهم الضخمة وكنا كعصافير بين غرابان كاسحة. وفي الأسبوع الأول انا وأخي بكري كعادتنا ومن شارع السلك تسلقنا الي قضيب السكة حديد وقابلنا أحد الطلبة من مدرسة العمال في طريقه الي المدرسة وتشاجرنا معه ونعتناه بالسحسوح وواصلنا المسيرة الي عطبرة الثانوية وكانت الحصة الاولي للناظر فريجون وكنا نرتعد منه ونخشاه كثيرا. وقبل بداية الحصة طلب مني وبكري الوقوف وأصابتنا رجفة وتصبب العرق وضحك ضحكة جلجلت ألصمت في الفصل وبقينا علي هذه الحال لمدة طويلة لا ندري ما السبب وأخيرا قال لنا "تكونان في مكتبي بعد ألحصة" ذهبنا الي مكتبه وقال " ماذا فعلتم بزميلكم من المدرسة الوسطى وقد شتمتم ناظر المدرسة. غدا سوف تفعلان نفس ألشيء معى وضحك ضحكته المعهودة. باضطراب وخوف قلنا له لم نشتم الناظر. فال لنا "تذهبان للتو وتعتذران للناظر". ذهبنا واعتذرنا ولم نكرر هذه الفعلة مرة آخرى. يا لها من بداية.
وكم قطعنا شارع السلك الي القيقر لسرقة الزونية ونعود وأيادينا ملطخة بلون البنفسج.
وفي عطبرة الثانوية نذكر معلمين أجلاء الناظر عبدالرحمن عبدالله وهاشم عثمان مرجع في التارخ وابراهيم ملاسي معلم مميز في الكيمياء ونجيب في علوم الرياضيات أحسن مثال محمد يوسف [email protected]
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: Mohamed Yousif)
|
كتب اخونا محمد يوسف :
Quote: شكرا الأخ الهادي علي هذا البوست الرائع
|
يا اخي بالغت انا من أشكرك أخي على هذه الصورة الخماسية وقل السباعية الأبعاد لمحبوبتنا عطبرة صراحة خلت نفسي وانا أقرأ هذا الرفد أنني أتمشى داخل اتبرا وأشتم عبقها . شكرا أخي وقرب تعال للبوست وماتبتعد .
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: Mohamed Yousif)
|
[l]
عطبره والفندقه اول فندق في عطبره هو الرست هاوس الموجود بالسودنه .و مع تدهور سكه جديد تدهور الرست هاوس ولكن ابناء عطبره واكبو التقدم بانشاء فنادق ومن بينهم السيد عادل احمد عبدالله
صناعة الفندقة من أهم المخرجات لتطوير المدن والولايات وتعد مدينة عطبرة بتأريخها العريق وموقعها المهم من المدن المرشحة لتمثل الصدارة في كثير من الأنشطة والمناسبات على مستوى خارطة السودان، ولان المدينة تعيش حالة شتاء آخر يتميز بالنشاط والحيوية من داخل أحد الفنادق الجديدة وفي البهو الرئيسي التقينا مالك الفندق (عادل) الذي كشف لنا عن الخرطة المميزة التي قامت زوجته المهندسة بتصميمها.
ولأن المنطقة تحتاج لكثير في المجال فلقد عمد عادل على تحقيق حلم زوجته في تصميم الفندق الثاني والمطل على شريط السكة حديد حتى يتمكن الزوار والسياح من مشاهة القطار وهو يتلوى.
ويقول عادل تحول نشاطنا مؤخراً من تجاري لخدمي فموقع عطبرة يؤهلها لتكون معبراً مهما ويواصل واجهتنا تحديات جمة ونحن لم نلجأ لأي تمويل خارجي و(اشتغلنا) على مراحل وساعين للقمة بجهودنا ومواردنا المحلية.
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: الهادي الشغيل)
|
حبيبنا الشغيل .. مودتي .. أمس في تلفزيون امدرمان سهرةعائلية مع أحد أبناء عطبرة على ما أذكر إسمه ( مصطفى الرشيد ) وعائلته .. سهرة في غاية الروعة الرجل كلامه يتدفق كالشهد .. أتمنى أن تكون شاهدت تلك الحلقة .. يبدو لي أنه كان يعمل في مجال المسرح والفن عموماً الجميل أن الرجل يحديثه لا يمل .. وكل العائلة تعلوها الابتسامة والضحك من حكاوي هذا الرائع مع التحية .. حبيبنا الشغيل ..
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: علي عبدالوهاب عثمان)
|
Quote: حبيبنا الشغيل .. مودتي .. أمس في تلفزيون امدرمان سهرةعائلية مع أحد أبناء عطبرة على ما أذكر إسمه ( مصطفى الرشيد ) وعائلته .. سهرة في غاية الروعة الرجل كلامه يتدفق كالشهد .. أتمنى أن تكون شاهدت تلك الحلقة .. يبدو لي أنه كان يعمل في مجال المسرح والفن عموماً الجميل أن الرجل يحديثه لا يمل .. وكل العائلة تعلوها الابتسامة والضحك من حكاوي هذا الرائع مع التحية .. حبيبنا الشغيل
|
حبيبنا علي عبد الوهاب عثمان لسوء حظي لم اتابع الحلقة .. ربنا يسعدك انت والاسرة يا حبيب
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: الهادي الشغيل)
|
[l]
صول الموسيقى داؤود آدم (تاريخ الصورة غير معروفة ) بحلته الزاهية البيضاء وطربوشه الأبيض وعلى صدره مجموعة من الأنواط والنياشين بمختلف الأشكال والاحجام .. تجده دائما مايتقدم فرقة موسيقى بوليس السكة حديد في جميع مناسباتها وخاصة زفة المولد الشريف وهي تجوب الشوارع .
| |
|
|
|
|
|
|
Re: *** بوست توثيقي لعطبرة قطار الشوق أيام الزم (Re: ابو جهينة)
|
كتب أستاذنا جلال أبو جهينة :
Quote: لأتبراوي الأصيل الهادي الشغيل سلام مترع كما الأتبراوي الكاسح هذا بوست يدخل التاريخ من أوسع منتدياته الإسفيرية ( سودانيزأونلاين)... ويخلف كرعيه ويجلس القرفصاء. بوست ينطلق منه صوت الأتبراوي وإندفاع الأتبراوي وصافرات الورش واصل
|
نعم أستاذي : اذا قالت حزام فصدقوها ** فإن القول ما قالت حزام
شهادة من كاتب جهبذ لا يشق له غبار .. سنمضي قدما استاذي
| |
|
|
|
|
|
|
|