اصطلح اهل المنبر كلمة الخور كوصف للبوستات الخارجة عن اللياقة و الادب و كانت الازالة بيد سيد الحوش لكل ما هو بذئ و منفر و قبيح اذن الخور ككوشة اسفيرية لا تحتوى ألّا فاحش الكتابة و اسوأها
11-15-2016, 12:22 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
ثم جاء زمان اصبح حذف المداخلة بيد صاحب البوست حتى يتمكن من ادارة خيطه بالصورة التى تخدم هدف المفترع .. لكن اساء البعض استعمالها و لا يزال بطريقة افسدت قيمة المنبر الحقيقية و المتمثّلة فى طبيعته الحوارية و التفاعلية .. لدرجة ان الحذف اصبح يتم على هوية المشارك دون النظر حتى لما كتب
11-15-2016, 12:21 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
الذي يعترف بوجود الله يخافه وينتصر لعباده المظاليم، فرانك عجز عن ان يقول خير في شأن هذا المظلوم، وعجز عن ان يصمت، فهو يأستك في الآيات المكتوبة علي الورق ولو كانت مطبوعة في دوآخله لحركته وما تجراء علي استكتها.
Quote: فرانك عجز عن ان يقول خير في شأن هذا المظلوم، وعجز عن ان يصمت، فهو يأستك في الآيات المكتوبة علي الورق ولو كانت مطبوعة في دوآخله لحركته وما تجراء علي استكتها.
بالطبع يا مدير هذا الابليس الاسفيرى دائما ما يحرص على تزيين الباطل و لى عنق الحقيقة مستغلا قدراته الفائقة فى التضليل مستهديا بكلام الله على لسان فرعون ما أريكم إلا ما أرى وما أهديكم إلا سبيل الرشاد فرعون و فرانك بئس الهادى و بئس المهتدى
هذا الفرنك لا يزال في غيه سادراً وغير بضع نفر لا يعدوا أصابع اليد الواحد من شاكلته لا يجد له نصيراً، واختلف معك أخي جلال في مقولتك مقدرته الفائقة على التضليل فهو لن يضل إلا من بعقله سقم أو بعينه رمد. لا يستطيع كتابة شيء من بنات أفكاره سوى القص واللزق مما يتماهى ورؤيته المعتمة وذاته السودواية .. تحيتي لك وللأخوة المتداخلين.
11-15-2016, 01:36 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
ســلام جلالدونا و الاخوة الكرام هذا الفرانك خاوى الوفاض هو و "الهمبول" ســواء تداخلت فى بوســته الذى أشــرت إليه بكل أدب و ذوق فكان مصير مشــاركتى الإســتيكة.
الغريبة أنه افترع بعدها خيطا يدعو فيه للحوار، بالله شــوف الإســتهبال بتاع الزول دا واصل لياتو حد.
ما يعجبنى فى ود الباوقة سعة صدره فى بوســتاته، مع اختلافى معه إلا أنه يحمد له محاورة منتقديه....
11-15-2016, 02:53 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
وعليكم السلام اخونا اسامة اها شوف كميّة التناقض دى الزول ده مأزوم و مهزوز و كلامو زى بول الجمل هو قايل الاستيكة دى بتبنى شخصيتو و بتعمل منّو زول لكنو كما قلت همبول و اصبح مضحكة المنبر ياخ ضفر ود الباوقة و لا فرنكون ده
غلطان يا غالي، لو عمل كدا لكني لاحظت له مرّة حذف لي مداخلة مرتبطة بمداخلة قام بحذفها وكانت مداخلتي لصالحه. الناس بتأسس لأدب حذف المداخلات وجعله ايجابي وفرانكي يتعلم معنا قام الشغيل باغراق بوستي بتاع امهات أولاد المايقوما -وهو بوست أراهو عظيما- بترهات وعباطة كنت أنوي حذف مداخلاته، لكن السبب الذي منعني هو ارتباط كتير من المداخلات بها لن اتردد في حذف مداخلاته اذا حاول تخريب بوست آخر لي. فرانكلي، بكري مديهو حساب اذاً من حقه فتح بوستات ولا يترك للآخرين تخريبها مستعملا حق المسح الآن هو لا يقول لكم ما تمسحوا المداخلات! لكنه يقول: اذا قمت بحذف مداخلة؛ أحذف المداخلات التي تتولد منها أمشي للبوست بتاعو؛ تلقى كل المشاركات أوف بوينت!!
11-16-2016, 02:34 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
ما قلت يا اخلاص كل مداخلاتو كانت عباطة، لكن ممكن تقولي ٩٩٪ ودقداق حلي شنو؟ هو موضوع البوست وكنت ابحث عن حلول من الآخرين وخاصة الاسلاميين رفضوا يعترفوا بامكانية حدوثها في محيطك؟!! وهي واقع نعيشه!!! شايل سؤالي الافتراضي ومحل ما يلاقيني مختلف معاهو؛ ينزلو؟؟؟
11-16-2016, 02:40 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الناس بتأسس لأدب حذف المداخلات وجعله ايجابي وفرانكي يتعلم معنا قام الشغيل باغراق بوستي بتاع امهات أولاد المايقوما -وهو بوست أراهو عظيما- بترهات وعباطة كنت أنوي حذف مداخلاته، لكن السبب الذي منعني هو ارتباط كتير من المداخلات بها لن اتردد في حذف مداخلاته اذا حاول تخريب بوست آخر لي. فرانكلي، بكري مديهو حساب اذاً من حقه فتح بوستات ولا يترك للآخرين تخريبها مستعملا حق المسح الآن هو لا يقول لكم ما تمسحوا المداخلات! لكنه يقول: اذا قمت بحذف مداخلة؛ أحذف المداخلات التي تتولد منها أمشي للبوست بتاعو؛ تلقى كل المشاركات أوف بوينت!!
الناس دي مِنو القاعد تأسس ؟. ثم يأخي الشايفوا إنت ترهات وعباطة بعض الناس شايفنوا ذي فائدة، وطالما هنالك مداخلآت كثيرة مرتبطة بمداخلآت الشغيل تبقى ذآت فائدة. فرانكلي بكري مديهو حساب ؤ كمان مديهو إستيكة، ومن حقو يعمل الداير يعملوا، لكن هل إنت من حقك تحمي الناس يكتبوا !. أمسح زي ما داير بس ما تتفلسف فوقنا بحكاية يفسد بوستات ؤ طيارة ...
11-16-2016, 02:44 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
Quote: ما قلت يا اخلاص كل مداخلاتو كانت عباطة، لكن ممكن تقولي ٩٩٪ ودقداق حلي شنو؟ وكنت ابحث عن حلول من الآخرين وخاصة الاسلاميين رفضوا يعترفوا بامكانية حدوثها في محيطك؟!!
بكري ادآك الحل، عِندك إستيكة في إيديك مِلِك حُر، ما تعملنا إزعاج...
11-16-2016, 02:52 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
طيّب ما تمتع نفسك زي أخوك فرانك دا مكهرِب نفسك فوق كم ؟، ما ترآك شِديّد ؤ خابر الدرِب، ثم تعال رد علي هنا. يعني عامل فيها حريف بترد علي في بوست فرانك لأنّك عارفو اوآت يشوف إسمي بمسح طوالي ؤ كمان بالمرّة يمسح مداخلتك مع مداخلتي ؤ تجي إنت تشكروا ؤ تقول، تعالوا شوفوا فرانك زول فيير، مُش ؟. هذه سذآجة لا تتناسب والإستنارة...
11-16-2016, 03:19 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
اختنا اخلاص .. حياك الله و باياك فى حكاية الخذف دى , اتفهّم تماما الحذف من سكات لكن المقتبس الفوق .. تصريح واضح بى متعة الحذف لا يمكن فهمه إلّا فى اطار سبب نزول المداخلة أى نعم النية الطيبة زاملة سيدا لكن مع الاستنارة بتسقّط الحجر
ههههه يا جلّي ما تتحسّس انا قصدي انو عنوانك فيه انتهازية واضحة واستغلال للعاطفة الدينية ودا عين ما فعله - ويفعله - الكيزان مشكلتك الحقيقية المفروض تخاطبها مباشرة هي مسح المداخلة نفسها كمبدأ غض النظر عن محتواها, يعني هل لو مسح كل المداخلات الأخرى التي لا تحتوي على آيات قرآنية كريمة الكلام دا معاك أوكي ومافي مشكلة؟
يا بكّور شيلها ما بتغلى عليك, واديك معاها واحدة هوادة عن قميص عثمان كنت محتار بينها و بين اسنة الرماح و اخترت الأخيرة لأنها أكثر تعبيرا عن الانتهازية :)
تحياتي دكتورة اخلاص.
11-16-2016, 05:38 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
و المصيبة انه لا يدرى انه يضل نفسه نفسه الاماّرة بالفك و الخداع عندى احساس انو هذا المواطن عارف البيعملوا فيه دا كعب وعيب لكن لا يستطيع ان يتوقف لاسباب يعلمها وحده والغالب مصلحه لان هذا النظام اصحاب العقائد تركوه والدفاع بصوره فرانكى مخجل ومقرف
ود الخدر كدى قول بسم الله و خت الرحمن فى قلبك هذا الفرنكون اعتاد على الاستكة حتى اصبحت مرضا يلازمه شفاه الله لا زعلنا لا سفينا التراب اخونا منتصر ... بالمناسبة اعتذارى ليهو لحد الان ما رديت على مداخلتو ولى اخونا ود الغالى برضو... شارك بى آية من آيات الذكر الحكيم قرايتى بتقول .. فرعون شاف اسم منتصر دخل شات المداخلة من غير ما يقراها كونو يحذف كلامنا شى و كونو يحذف آية شى تانى حسب فهمى الذى لا يملك من الدين إلّا شهادة الوحدانية ده افترا على ما أؤمن به ... وين اسّنة الرماح هنا يا زول انا مؤمن و على القريحة فى ذلك و يوم احس انى بتاجر بيهو ... بخلّيهو لا حسس هنا انما يقين عليك الله ما تنسى الشرّاب المكتوب فوقو فويسق تدّيهو لى ناس القشرة
11-16-2016, 06:58 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا سيدي حاول انظر للموضوع بشكل تاني و انسى انّك المعني بيه مشكلتك هي في الحذف اساسا كمبدأ وليس في المحتوى دي واحدة التانية ما تتحجج بيه وهو قدسية كلام الله لذا لا يجب ان ينطبق عليه ما ينطبق على الكلام الآخر - المداخلات - هو الانتهازية الكيزانية التي عنيتها الناس ديل خمونا من اول يوم و ادوا نفسهم مشروعية ارتكاب الظلم و السرقات و الفساد بل الانقلاب على الحكم الشرعي و حش افكارنا بكلام الله
زي ما قلت ليك حاول انظر للموضوع من برة , طلّع نفسك منه و عاين من بعيد ح تتضح لك الفكرة القاصدها
سلام ودالبشرى فرانكنشتاين يمارس عنصريته وإسترازقه سحتاً باسم الله والرسول دي ما اول آيه يمسحها انا ختيت ليه في بوست الصلاة على سيدنا محمد صلى الله عليه وما كنسه لكن لو جبت ليه حديث عن السحت وموالاة الظالمين بكنس أبوه وهو بمسح الآيه حسب المضمون ياخ ده كنس مداخلته ذاتها لما لقى ان رد لعضو آخر بنفس الآيه ما عدل كنس نفسه الدجال فخلينا نكسبه ذنوب عسى ولعل
11-16-2016, 08:50 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أووو يا منص الخلّتك تكتب تلاتة سطور كاملات و كلمة دي زعلة ما هينة أبدا نجي للموضوع, يا عزيزي انا افهم اعتراضك على حذف المداخلات البسويه فرانكلي ككل, لكن لا افهم لم تميز بين المداخلات ودي فيها آية لذا حرام حذفها و دي خارم بارم يجوز حذفها ما كلها مداخلات .. هو لم يحذف كلام الله من المصحف هو حذف كلام الله الذي نقلته انت منتصر, إذا شايف نقلك للآيات بديها قدسية إذن لم تعارض الكيزان البرددوا الآيات و الأحاديث و ألفية ابن مالك في سبيل يحكموا معقول يا منص!! أنا الرمادي الغواصة دا اكون علماني اكتر منك
11-16-2016, 09:06 AM
محمد مجيدو محمد مجيدو
تاريخ التسجيل: 07-06-2013
مجموع المشاركات: 2392
ما اظن الاخ كمال يقصد ياستك كلام الله .. وانما ياستك كاتب المداخلة .. لامر في نفس يعقوب حسي لو واحد محايد كتب اي اية في بوست له .. ما اظن ياستكااااا ....
لا يا ود البشرى انا ما بتكلم عن قدسية انا بتكلم انه رغم ان بمسح لي لكن هسع انت لو كتبت اية هو بمسحها وفقاً للمضمون بتاع الآية وليس لانها قرآن بعدين زول بزنسوا الدين يعني احكه بي ديكارت ورولان بارت بتاع ناس كبر
Quote: ما اظن الاخ كمال يقصد ياستك كلام الله .. وانما ياستك كاتب المداخلة .. لامر في نفس يعقوب حسي لو واحد محايد كتب اي اية في بوست له .. ما اظن ياستكااااا ....
سلآمات يا مجيدو. الأمر وآضح جداً، فرانك يكره بعض الناس ولا يقبل ان يتداخلوا معه، منهم علي سبيل المثال معاوية المدير ومنتصر، ولسان حاله يقول، انا معاوية المدير ومنتصر ومن سلك طريقهم حتي لو جابوا لي كلآم الله والرسول بمسحوا. يعني هو يقبل كلآم الله من ايّ مصدر ؤ يقبل ايّ كلآم خارم بارم برضو بس من يجي من معاوية المدير الكريه دا حتي لو بقى كلآم الله والرسول هو عندوا فيهو رأي ؤ بمسحوا ؤ ما بيقبلوا. ؤ يا ود البشرى أفهما كِدا ما توديناش في دآهية...
11-16-2016, 10:00 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
Quote: Essam Absher يعني الاستكة في سودانيز .... ممكن تاستك من غير اي سبب موضوعي او وجيه ولا يحق للمتاستك ان يتظلم للادارة ـ اقلها ـ يعاد له مداخلته ان كانت في صلب الموضوع بيضاء من غير سوء والله انا كت متخيل للاستكة قواعد تحمي الطرفين ... غيرفكرة فتح بوست اخر . وان كان للعبط بكان افترح على الادارة والمشرفين ، تحديد عدد الاستكة في الموضوع الواحد مثلا ثلاث استكات وتغلق الخاصية ، الفائده منها تريس الماستك في استكته ... الغاية هي التروي وكدا فـ شنو ؛ شان الحقيقة .
نعم يا عصام .. تأستك من غير اى سبب , وهى دليل عجز تام على الرد و لا حق لك فى هذا لا على الادارة و لا على صاحب البوست .. و اختلف معاك فى حكاية وشع الشوابط دى .. الحل فى ايقاف هذه الخاصية شكرا للمرور و المطايبة
العزيزة اخلاص عساك طيبة لمّا القى مداخلاتك مسحوبة من هنا و اقراها مع بوستك الغاضب البى غادى بالتأكيد جانى احساس انى سبب زعلتك الشديدة دى عليك رب العالمين تورينى زعلانة فى شنو و ليك على حق الاعتذار
11-17-2016, 01:39 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: العزيزة اخلاص عساك طيبة لمّا القى مداخلاتك مسحوبة من هنا و اقراها مع بوستك الغاضب البى غادى بالتأكيد جانى احساس انى سبب زعلتك الشديدة دى عليك رب العالمين تورينى زعلانة فى شنو و ليك على حق الاعتذار
والله العظيم يا جلال عندي إحساس كبير جداً إني أنا السبب، ؤ ما لآقي مدخل عشان اسأل إخلاص...
11-17-2016, 02:11 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
تصدّق كلامك ممكن يكون صاح يا مندرة اصلو منما ادوك حقنة ,,الكرتون ,, ديك بقيت ماك ياكا غايتو دايما تاعبنى معاك و هسى ما فات شى تقوم تترس ترمستك الكبيرة ديك شاى بى لبن مقنن و بجيك بى القرقوش الما خمج .. منين دنقلا الواحد ده و نتلاقى عندها و نطق الحنك معاها وكان طلعت ما زعلانة مننا انت تشيل ترمستك و انا اشيل قرقوشى و نتخارج
11-17-2016, 02:25 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: تصدّق كلامك ممكن يكون صاح يا مندرة اصلو منما ادوك حقنة ,,الكرتون ,, ديك بقيت ماك ياكا غايتو دايما تاعبنى معاك و هسى ما فات شى تقوم تترس ترمستك الكبيرة ديك شاى بى لبن مقنن و بجيك بى القرقوش الما خمج .. منين دنقلا الواحد ده و نتلاقى عندها و نطق الحنك معاها وكان طلعت ما زعلانة مننا انت تشيل ترمستك و انا اشيل قرقوشى و نتخارج
ؤ كمان ما تقول اليومين ديّل الـ FLU قاهرني في العنقريب، نعمني بخاف من الحُقن قدُر ما اشوف الإعلآن حق حقنة الوقاية أقول، ها ما بيجيني عشان ما آخد الحُقنة عليك امان الله رقدني هردبيّس، ؤ كلما الحُمى تشدني اقول دا حق بت المشرف. اكان طلعت ما زعلآنة مِننا أوعّك تجيب سيرة القرقوش والشاي لآمن نضمن إنها رِكبت المواصلآت ياخوي قرقوشنا ؤ شاهينا ماهِن فايتاتننا...
11-17-2016, 02:37 PM
جلالدونا جلالدونا
تاريخ التسجيل: 04-26-2014
مجموع المشاركات: 9387
يا ود الخدر الله يهديك ياااخ انتهازية شنو الجايى تقول عليها دى شايفنى ادّيتك مصحف و دخلّتك الجامع و شلت عدلى على السوق حرام عليك ياااخ .. كل الداير اقولو انو ما يساوى بين كلامنا و كلام الله بالتأكيد الحتّة دى حسب زاوية شوفى المنفرجة فيها افترا على كلام الله الاقتباس التحت ده لى القعونجة فرانك يعدد فيهو اسباب سحب المداخلات
Quote: ما في عاقل وصاحب راي يحذف مداخلات فقط لأنها تمثل الرأي الأخر لكن كل عاقل ينظف بيته وباب بيته من الغاذورات والشوائب والأوساخ ويستخدم المكانس بصورها المتعددة إذاً استخدام المكنسة هو بالتأكيد عمل حضاري ولا يمكن أن يكون مكان استهجان إلا لمن أدمن العيش في مرتع الأوساخ والزبالة لابد من المحافظة على البوستات في بيئةصحية وحفظها للأجيال القادمة بمداخلاتهتا الموضوعية والجادة وتنقيتها من كل المداخلات الأرجوزية والهزلية هذه مسؤولية يجب على كل منا القيام بها في احسن وجه
كن كل عاقل ينظف بيته وباب بيته من الغاذورات والشوائب والأوساخ ويستخدم المكانس بصورها المتعددة هل كلام الله تنطبق عليه هذه المواصفات يا ود الخدر و بعد ده كلّو تقول لى انتهازية انتهازى انتا ياااخ
ههها كنسا تمانية مرات آية ما اضفت ليها حرف من عندى وداها محل ما قال الغازوزات و الشوائب و الاوساخ و دى الآية المفترى عليها بسم ارحم الراحمين وَيُرِيكُمْ آيَاتِهِ فَأَيَّ آيَاتِ اللَّهِ تُنكِرُونَ صدق رب العزة الواحد الاحد
11-22-2016, 05:16 AM
جلالدونا جلالدونا
تاريخ التسجيل: 04-26-2014
مجموع المشاركات: 9387
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
جلالدونا
معاوية المدير
Osama Siddig
أبوبكر عباس
محمد البشرى الخضر
محمد مجيدو
أيمن محمود
فيس بوك
تويتر
انستقرام
يوتيوب
بنتيريست