|
|
 Re: هل التظاهرات والاعتصام لوحدهما قادرتان � (Re: Khalid Kodi)
|
والله يا دكتور ما فهمت دعوتك للعنف الموازي دي
يعني عشان هم بعتقلوا ناسنا نقوم نحن نعتقل ناسم ؟
دي بقت حرب عصابات
أنا اعتراضي على النظام هو العنف نفسه وإنه هدم حكومة شرعية منتخبة .. بتظاهر واعتصم بالوسائل الديمقراطية المشروعة والمعتبرة في الممارسة الديمقراطية
لكن ما بقتل القتلني .. كدة الفرق بيناتنا شنو ؟ ما بعتقل البعتقلني
بقدمو لمحاكمة عادلة عبر وسائل ديمقراطية وبحكومة ديمقراطية
وجهة نظري القلتها مراراً وتكراراً النظام بتتم ازالته عبر صناديق الاقتراع لو بنفتش لوسيلة ديمقراطية
عاوزين ناشطين واثقين من روحم وواضعين خططهم اللي ممكن يطلعوا بيها البلد دي من حفرتها
مافي سوداني بمشي في الأسواق ويركب المواصلات عاجباهو الحكومة .. والنسبة البتتكلم عنها من أعوان النظام والمنتفعين دي أقل بكتيييير من تصورك على أرض الواقع
حزب المؤتمر السوداني الآن بدأ نجمو يسطع لأنه قاعد مع الشعب في الواطة ما بعارض من فنادق مصر وأوربا زي زعامات الأحزاب التقليدية
لكن للأسف تفكيرهم ما خلاق وما لامس تطلعاتنا لحكم رشيد .. نحن ما محتاجين زول يورينا سوءة الحكومة .. أهي مكشوفة للغاشي والماشي ولكل من اشترى صحن فول من الدكان
نحن محتاجين زول يورينا لو مسك البلد دي حيصلحها كيف
هل الموضوع دة صعب ؟
هل الناس دي كلها عاوزة تشيل الحكومة وبس ؟
طيب لو فاتت هسة حيحصل للسودان شنو ؟
قد تشوفوا إنه كلامي دة انهزامي زي ما شايفين انهزامية أي زول بسأل عن البديل منو!
لكن أنا ما بسأل البديل منو! شخصيته ما مهمة بالنسبة لي .. بسأل البديل شنو!
كل الديمقراطيات السابقة في السودان قامت على أكتاف التعصب القبلي والجهوي .. القرية بالكامل أنصارية لازم تدي سيدي المهدي والقرية جارتها ختمية وهكذا
الآن الناس اتعلمت وتركيبة الشعب السوداني اتغيرت والاحتكاك بالعالم الخارجي ازداد وطلعنا من بؤرة سيدي وسيدك
نحن الآن بنمتلك وعي الاختيار وبنعرف المعنى الحقيقي للديمقراطية
التفكير مفترض يكون كيف الناس تضع خطة لإقالة السودان من عثرته الاقتصادية أولاً ثم السياسية لاحقاً
مواطن الداخل مهتم بإنه يعيش .. مهتم بلقمة عياله وصحتهم وتعليمهم وبعد داك لو حكمو الجن الكلكي اللابس ملكي ما فارقة معاهو
الحكم دة وسيلة لتحقيق حاجاتنا المعاشية .. ما غاية في حد ذاتو
|
|
 
|
|
|
|
|
| العنوان |
الكاتب |
Date |
| هل التظاهرات والاعتصام لوحدهما قادرتان علي اسقاط الفاشي والتخلص منه؟ | Khalid Kodi | 11-13-16, 04:32 AM |
| Re: هل التظاهرات والاعتصام لوحدهما قادرتان � | اسماعيل عبد الله محمد | 11-13-16, 07:51 AM |
| Re: هل التظاهرات والاعتصام لوحدهما قادرتان � | Khalid Kodi | 11-13-16, 04:40 PM |
| Re: هل التظاهرات والاعتصام لوحدهما قادرتان � | Khalid Kodi | 11-14-16, 08:49 PM |
| Re: هل التظاهرات والاعتصام لوحدهما قادرتان � | طه جعفر | 11-14-16, 09:12 PM |
| Re: هل التظاهرات والاعتصام لوحدهما قادرتان � | حسن حماد محمد | 11-14-16, 10:21 PM |
| Re: هل التظاهرات والاعتصام لوحدهما قادرتان � | Khalid Kodi | 11-16-16, 01:44 AM |
| Re: هل التظاهرات والاعتصام لوحدهما قادرتان � | طه جعفر | 11-17-16, 01:40 PM |
| Re: هل التظاهرات والاعتصام لوحدهما قادرتان � | طه جعفر | 11-17-16, 01:42 PM |
| Re: هل التظاهرات والاعتصام لوحدهما قادرتان � | Khalid Kodi | 11-18-16, 01:23 AM |
| Re: هل التظاهرات والاعتصام لوحدهما قادرتان � | Khalid Kodi | 11-18-16, 05:15 AM |
| Re: هل التظاهرات والاعتصام لوحدهما قادرتان � | أحمد محمد عمر | 11-18-16, 05:54 AM |
| Re: هل التظاهرات والاعتصام لوحدهما قادرتان � | Khalid Kodi | 11-19-16, 06:48 AM |
| Re: هل التظاهرات والاعتصام لوحدهما قادرتان � | Khalid Kodi | 11-20-16, 09:52 PM |
| Re: هل التظاهرات والاعتصام لوحدهما قادرتان � | Khalid Kodi | 11-22-16, 08:15 PM |
| Re: هل التظاهرات والاعتصام لوحدهما قادرتان � | Khalid Kodi | 11-24-16, 07:49 PM |
| Re: هل التظاهرات والاعتصام لوحدهما قادرتان � | Khalid Kodi | 11-26-16, 02:49 AM |
|
| |
فيس بوك
تويتر
انستقرام
يوتيوب
بنتيريست