|
|
|
 Re: هل انا نادم ؟ (Re: عبدالحفيظ ابوسن)
|
هل 27 عاماً كافية ؟؟
كافية لإثبات صحة خياري ام خطأه ؟
هل صعود القيم التافهة والمنحطة تثبت صحتها ؟
هل توسد اصحاب القيم المنحطة لمقاليد الامر تؤكد قدرتها علي الصمود وفقاً لقانون دارون
مع ملاحظة ان الانحطاط هو تقييم شخصي لي وقد يشاركني فيه آخرون
قد
قد
قد
لاتكون تلك القيم منحطة !!!
| |
 
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
كم مرة قديما قاتلت ان أكون مثلهم ؟
مثل اولئك القابضين علي مفاصل السلطة والثروة والنفوذ
ذلك الزمان
الذي ظننت ان الامر فيه واضحا لي
قدرتي علي رؤية الصواب والخطأ
قدرتي ان اتحمل تبعات خياري لظني ان الامر سينتصر ولو بعد حين
سيموت الخاين وينتصر البطل ونطلع من السينما مبسوطين
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
لا ندمان ولا خايف...اموت متل الشدر واقف ..
زي ما قال هاشم صديق في قصديتو الاخيرة الجلبها الجميل قباني ..
------
ثق الحق سينتصر ..
مودتي يا صديقي
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
كيف يراني اطفالي
واعجز كل يوم عن تحقيق اصغر رغباتهم
كيف وانا اعاني يوميا في توفير الطعام .. الرغيف والكسرة
معاناة تبعدني كل يوم من محيط الاسرة السعيدة المتماسكة
سارح يوماتي
ولا معاهم
اعيش في بكرة
كيف لي ان اعيش يوما آخر
هل اتحمل كل هذا الاحباط
| |
|
|
|
|
|
|
|
|
|
Re: هل انا نادم ؟ (Re: محمد حيدر المشرف)
|
يا ود دفع الله
يا غنانا المشتهنو
يانو موعود بي زمانك
بي مواقيتو البرنو
وناديتك
اقيفي معاي نشيل كتف الغنا الميل .. وغنيتك البارح براي وانصلبطو التانين غناي
و
غنيناك وبنغني
هل كان الوطن محض اغنية
هل كنا في حلم سماويا ثم هبطن للواقع الذي كنا نقول عنه عنيد
يا ود دفع الله
الاشجار تُقطع ثم تصير حطباً لحفر الدخان في القصور المشيدة . حفر الدخان البقعدو فيها النسوان وبقعدو فيها العيال شفت وصلنا وين
بعد العمر دة يا صحبي سنموت واقفين تيبست ركبنا من ان تنثني
يا صديقي
الموت ترف لنا
نموت كيف ونخلي العيال مبهدلين
قال ليهو
الله بعيشك
فرد له
عيشة الله بالحمار بعرفها ومن غير حمار بعرفها
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
جرعة احباط عالية ربما تصيبني في مقتل ... كنت باخد دوز الأمل منك ...مالك يا اخي...
حا تواصل مسيرك يا صديقي وحا تخرج توتا وتفرح بيها وحا تفرح بي علاء اخر العنقود ...غصبا للظروف والحال الحرن ...
و طووووز في العفن العلق من مخرجاتهم وحواراتهم وثرثراتهم وموائدهم الوسخة ...
نحن الحق والاصل وهم البلباب المتسلق لا أرض له ولا جذور...
بي عرق جبينك ستظل فخور و رأسك مرفووووع عالي ...وهم الموطيين رؤوسهم خجلا من تفاهاتهم .. وفسادهم ...
ارجع للتاريخ وانت المرجع والقراءة وريني ياتو باطل هزم الحق ...
سنعبر و ونتجاوز كل هذه المحن والمستقبل للحق والاندحار لهؤلاء العصابة ...
اسند طولك وانهض يا زول يا نيل ...
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
يا ود دفع الله
لسنا آلات وطنية !!
بنحبط ياخ
وروحنا بتحرقنا
وبنقرف
مضغوطين من كم جهة واصعبها جهة العيال الكبرو وبقوا يناقشوا
ف بتراجع نفسك
اي بتراجع
هل كان يستحق
بتحبط وديشك بطلع واتا كل يوم واقع في حفرة وغالبك تمرق تقوم تقع تاني
الجنة ام نعيم
الجنة ام قصر إلا ورا القبر ؟
ياخ زي ما الناس بتفرح بدور افرح
اصحا ماعندي هم
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
طريتك ليل وبرقا في المشارق لال
وبلل العينة زي دمعي المحقن شال
طريت الطيبة طيبة امي
طريت فرحي وطريت المي
وطريت همي وريدة اهل الفريق للقال
طريت الناس وظلم الناس
رضيت يا دنيا شلت احزاني فوق الراس
اكان يا دنيا تنجمي
قالو البسمة للتانين ودمعك ليك وبيك وناس
وعرق الطيبة عند اهل الحنين دساس
بدور يا ناس
بدور متل الخريف ما عاد بعد غرب
متل ناس الله ما بتفرح بدور افرح
وبعد الصبنة والسفاي
وجلدا في العضم كرب
يجيني رشاش واشم الطين
واكج حرماني فرقان ريدة للغاشين
بدور افرح
واقوم يا ناس
بعد هودت فوق الصي
اعاود لي بلود الرب واتيقن
واشوف الرحمة شوف العين
يزول البي واقوم افرح
تشقشق فرحة الاطفال في الكون خير
وخضرة
وضي
والحنية ما لاقيها من الناس اشيلها قصيد
واسيها سبيل سبيل للناس
فرح يملي الحنينين ري
اصلو البسمة للتانين ودمعك ليك
وبيك وناس
وعرق الطيبة عند اهل الحنين دساس
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
الصديق الصدوق ود أب سن
هون عليك يا صديق ولا تدع موجات اليأس التي تصيب
جميعنا حيناً بعد حين تتمكن منك ، هكذا هي الحياة يا حفيظ
مسير وبعده مسير نتوقف قليلاً وننظر الى الخلف ولكننا نسير الى الامام في نهاية الامر
تحضرني عبارة مصطفى سعيد في موسم الهجرة الى الشمال حين قال:
هل كان يمكن تلافي شيء مما حدث
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
مرحب محمد حسن
حبابك يا صديقي
الوصول لذات الاجابة ليست بسهولة نطقها
كدي عاين لتلك الملايين التي هاجرت وهي في عمر الرجوع للاوطان
ولا شوف الناس البتكابس للمرقة وهم في عمر الاستقرار
وخيرنا من هاجر
انتا قايل الحكومة دي قاعدة ليه ؟
ما عشان الناس الكانت بتقول لا وتتحمل الخيار معظمهم هاجروا
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
منتصر علي منو يا احمد الشيخ ؟
وهزم منو ؟
ياخ نحن لاعبين برانا ومهزومين
كل يوم بننهزم
القون وين الشايتين فيهو ؟
دايرين صحة فرضيتنا تكون علي ارض الواقع مش مجرد حياكة للمنطق واللغة
يوماتي نُرزل
ويوماتي هم راكبين من فوق لينا ويلولحو في كرعينهم
راكبننا عري
الامر ليهم
امر معاشنا
وعلاجنا
وسكننا
وتعليم وليداتنا
علي كيفهم
ونحن مشغولين بي شنو؟
اقول ليك ؟
عاين نحن بنتصارع في شنو
ياخ ماسكين في رقاب بعضنا البعض
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
بنصارع في النفس الامارة بالسوء
وانت قايل ناس القروش بنوموا برا هم وبصحو برا نكد؟
الاولاده عاقين والهامي على ماله والبنافس في صاحبه والعنده مرض ما بتعالج والممنوع من الطيبات والشالوه من منصب وشمتو فيه الناس
وفي ارض الواقع ولدك لما يقعد مع ولد حرامي في مجلس واحد
ولدك بقعد رافع راسه انا ود الشريف النزيه الما في ذمته قرش باطل
وود الحرامي بقعد راسه في الواطة انا الاتربيت بالسحت
ان شاء الله قايل روحك رازقهم انت؟
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
مرحب هيثم
حبابك يا صديقي
سأعبر ولو بعد حين
ولكني احتاج لافراغ شحنات اليأس والاحباط
تعرف يوماتي الدنيا دي بتفاجأنا .. ب
العفن البتلب فوقنا من شرف الفنادق
يوماتي تضيق علينا الواسعة
دايرين نفرفر شوية ونتمطي كدجاجة تنفض عنها الغبار
صحبي
قال لي
الشعب السوداني دة بسيط خلاص.الواحد يشحد السفة ويقول ليك الحمد لله
ربنا زاتو بشوفنا صابرين ومتحملين بشوف غيرنا
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
الأخ الحبيب عبد الحفيظ ..
سلامات .. يا أخى الحبيب ..
لم نلتق .. منذ فترة ليست بالقصيرة ..
أرجو أن تكونوا بصحة وعافية ..
قرأت بعضاً مما جئتم به .. وشعرت برنة ألم ..
ألم ناتج من الاحباط .. وهذا الاحباط وللأسف هو مرض العصر ..
وبينما كنت أقرأ كلماتكم .. و فى نفس الوقت كأنما وضع الله هذا الأصحاح
من الانجيل .. وصوت كأنما يقول لى .. ارسل هذا الأصحاح 23 من سفر الأمثال
الى أخيك عبد الحفيظ ..
وها هو .. يا أخى عبد الحفيظ ..
+++
سفر الأمثال
الفصل / الأصحاح الثالث والعشرون
1 إذا جلست تأكل مع متسلط، فتأمل ما هو أمامك تأملا
2 وضع سكينا لحنجرتك إن كنت شرها
3 لا تشته أطايبه لأنها خبز أكاذيب
4 لا تتعب لكي تصير غنيا. كف عن فطنتك
5 هل تطير عينيك نحوه وليس هو ؟ لأنه إنما يصنع لنفسه أجنحة. كالنسر يطير نحو السماء
6 لا تأكل خبز ذي عين شريرة، ولا تشته أطايبه
7 لأنه كما شعر في نفسه هكذا هو. يقول لك: كل واشرب وقلبه ليس معك
8 اللقمة التي أكلتها تتقيأها، وتخسر كلماتك الحلوة
9 في أذني جاهل لا تتكلم لأنه يحتقر حكمة كلامك
10 لا تنقل التخم القديم، ولا تدخل حقول الأيتام
11 لأن وليهم قوي. هو يقيم دعواهم عليك
12 وجه قلبك إلى الأدب ، وأذنيك إلى كلمات المعرفة
13 لا تمنع التأديب عن الولد، لأنك إن ضربته بعصا لا يموت
14 تضربه أنت بعصا فتنقذ نفسه من الهاوية
15 يا ابني، إن كان قلبك حكيما يفرح قلبي أنا أيضا
16 وتبتهج كليتاي إذا تكلمت شفتاك بالمستقيمات
17 لا يحسدن قلبك الخاطئين، بل كن في مخافة الرب اليوم كله
18 لأنه لابد من ثواب، ورجاؤك لا يخيب
19 اسمع أنت يا ابني، وكن حكيما، وأرشد قلبك في الطريق
20 لا تكن بين شريبي الخمر، بين المتلفين أجسادهم
21 لأن السكير والمسرف يفتقران، والنوم يكسو الخرق
22 اسمع لأبيك الذي ولدك، ولا تحتقر أمك إذا شاخت
23 اقتن الحق ولا تبعه ، والحكمة والأدب والفهم
24 أبو الصديق يبتهج ابتهاجا، ومن ولد حكيما يسر به
25 يفرح أبوك وأمك، وتبتهج التي ولدتك
26 يا ابني أعطني قلبك ، ولتلاحظ عيناك طرقي
27 لأن الزانية هوة عميقة، والأجنبية حفرة ضيقة
28 هي أيضا كلص تكمن وتزيد الغادرين بين الناس
29 لمن الويل ؟ لمن الشقاوة ؟ لمن المخاصمات ؟ لمن الكرب ؟ لمن الجروح بلا سبب ؟ لمن ازمهرار العينين
30 للذين يدمنون الخمر ، الذين يدخلون في طلب الشراب الممزوج
31 لا تنظر إلى الخمر إذا احمرت حين تظهر حبابها في الكأس وساغت مرقرقة
32 في الآخر تلسع كالحية وتلدغ كالأفعوان
33 عيناك تنظران الأجنبيات، وقلبك ينطق بأمور ملتوية
34 وتكون كمضطجع في قلب البحر، أو كمضطجع على رأس سارية
35 يقول: ضربوني ولم أتوجع لقد لكأوني ولم أعرف متى أستيقظ ؟ أعود أطلبها بعد
+++
الرب يبارك حياتكم ..
أخوكم فى الغربة ..
ارنست
+++
| |
|
|
|
|
|
|
|
 Re: هل انا نادم ؟ (Re: Sudany Agouz)
|
السؤال دا قاسي جدآ لما توجهه لنفسك ،، وإن وجهه لك الغير بمباغته تأتي إجابته ثقيله وتضيق أمامك ساعتها .
السؤال دا بذكرني بشخصيتين هما :-
- جعفر نٌمَيري . . عند مقابله تلفزيونيه
- محمود محمد طه . . أثناء المحاكمه علي ما أذكر .
والإثنين كانت إجاباتهما النفي .
علي كلٍ إعتقد أن الرضا هو الأهم ( حتى الندم يحتاج لرضا) وإن كنت أوقن أنك لست نادم ... وتندم علي شنو يا ود أبو سن .
- ظلمت منو .؟
- إعتديت علي منو .؟
- أساءت لمنو ؟
- هل الخير باقٍ فيك ؟
- إبتسمت لمن هم حولك ما استطعت ، بذلت في المناحي الإنسانيه والوطنيه ما إستطعت ؟
آسف علي الأسئله ولكنها بالطبع ليست إستفهامات للإجابه بقدر ما إنها تساعد في أسئلة الأزمه التي نوجهها لذاتنا أحيانآ بغية تحسس مسارنا ، وأين نقف .
مع كل الخير لك ، ولمن توقف هنا .
وهاك ورده ^_^
| |
|
|
|
|
|
|
|
|
|
Re: هل انا نادم ؟ (Re: ايمن الصادق)
|
سلام أبو سن
تندم على شنو يا زول
يا حبيب كل ما في الأمر إنو الحياة فقدت طعمها
ذلك الطعم الذي لا يرجعه مال الدنيا كله
بس أنا المحيرني الناس دي قاعدة تتعايش مع موت الضمير وعدم الشعور دا كيف
زول يسرق وعارف نفسو بيسرق وعارف الناس الحولو عارفنو بيسرق زوجتو في البيت وأولادو عارفنو بيسرق (وديل كلهم عندهم دليل واضح على سرقتو )
وبعد دا شايف نفسو أحسن زول ويتفشخر كمان .
| |
|
|
|
|
|
|
|
|
|
Re: هل انا نادم ؟ (Re: حمد عبد الغفار عمر)
|
مرحبا عمر عثمان
تعرف يا صاحب
ما براي لا امثل نفسي .. بل ناس كتار
كتار جد جد
كانوا شبابا بحلموا حتي استيقظوا من حلمهم والشيب خط علي الرؤوس شنو كدة ما عارف
كنا بنحلم حنبنيهو يوماتي
وصرنا نحلم
عشان عيون اطفالنا ما تضوق الهزيمة
صعب يا عمر ان تتحمل الاحباط يطل من عيون اطفالك
بنسمع كتير هو الانسان بعيش كم سنة ياخ .. استمتع ياخ
الناس كلها كدة بتاعت فرص
صحي والله
لكن تصدق بتصعب علينا نفسنا
بتصعب بالجد
بعد كبرنا ياخ
كان زمان
النخلي لي عيالنا حسن الذكري
ماني الوليد العاق
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
هههه والله جد يا الطيب
صحبي دة خريج آداب لغة انجليزية . اشتغل معلم ماقسمت معاهو .. عمل دكان خسر .. رجع مزارع .. لامن يجي يبصق ببصق في جلابيتو من القرف
لازول سياسة ولا حاجة اقرب للمتدين التقليدي .. وهو ود بلد ودغري
مخرجو من الازمة ديني .. وعجز يمرق منها
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
سلامات أبوسن وحمدلله على السلامة بعد غيبة
هل هناك satisfaction في مسالة الخيارات الصعبة أم لا !!
في فضفضة مع صديق دراسة مشهور بالدغرية والمبدئية قال لي تتذكر فلان الكوز؟
هسة بقى حاجة تانية خالص طبعا" بعد التخصص في مجال دقيق وهسه مدير مستشفى كبير
وجراح مشهور وبقى كمان (رجل بر وبساعد الناس) وانا لسه شغال رزق اليوم باليوم!
قال لي انا ما مشكلة مبسوط و satisfied لكن هل تعتقد إنو اجرمنا في حق الحولينا بالمبدئية
المتمسكين بيها دي !!
المهم كملنا الفضفضة بي انو ده راجل معفن ساي وتتذكر لما عمل كده وقال كده زمان وإنصرفنا بعد ذلك!
وظل السؤال كما أوردته يا أبوسن هل هو نادم؟
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
تعرف يا معتصم بتي بتقرا في الجامعة .. الخرطوم
اها كل فترة بتقول دايرة تجي خميس وترجع السبت
اشتاقت للبيت
اشتاقت لينا
بقنب اقنع فيها ماتجي بي منطقة مختلف .. وملتوي
وكل القصة انا خجلان اصارحها بالسبب الحقيقي
جيتها بتكلف قروش
اليومين ديل بكلفني قروش .. قروش مافي داعي اصرفهم
شفت المفارقة والميزان
النواتي في حساب وسيد المركب في حساب
هي بتتكلم عن مشاعر الدفء والاسرة والانتماء
وانا بتكلم بمنطق الواقع المرير دة اليخليني افك مشاعري لي عملات اصغر
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
صحيح اليده في الموية ما زي اليده في النار وواطي الجمرة
لكن انا متاكد انه معظم البقرو كلامك دا عارفين انت بتتكلم عن شنو لانهم اما جربو او مازالو يعيشون ذلك
ان تنظر لعيون ابنائك وتجد فيها شيئا من اللوم لعدم توفير بعض متطلباتهم امر في غاية القسوة
امر لا يمكن ان ينظر عنه الا من عاشه حقيقة
ومع ذلك تأكد ان هذه النظرات ستتحول ان عاجلا او آجلا لنظرات اكبار واعزاز وتقبيل ليديك ﻷنك حفظت لهم ما هو اهم
هل من حقنا ان نذيق من حولنا الأمرين بسبب تمسكنا بمبادئنا كما تساءل امام؟
الاجابة نعم
وماﻻفيها حاجة لو تساءلنا بين فترة والتانية عن عدالة موقفنا
لكن دا بدخل في باب التراويح والتنفيس
انا متأكد انك ما نادم ولا يمكنك ان تندم لكن ضميرك يتساءل عن مسؤوليتك عن اسرتك وهل قصرت في توفير اتياجات الحياة
قال تعالى لا نسألك رزقا نحن نرزقك
| |
|
|
|
|
|
|
|
|
|
Re: هل انا نادم ؟ (Re: احمد الشيخ)
|
سلام يا عبدالحفيظ اب سن
الحــق أبلــج والباطـل لجـلـج لايــــدوم
أين هم الطغاة الجبارة الظالمين من لدن فرعون والى عصرنا الحالى
- اين هو الرئيس الرومانى تشاوشيسكو مضرب المثال فى الاستبداد فى العصر الحديث
- اين هو النميرى و اين هو القذافى و بن على
- اين هو حسنى مبارك
لقد جلسوا فى سدة الحكم لسنين عددا وفى نهاية الامر ذهبوا غيرمأسوف عليهم بأمر الشعب .
لا تبتئس يا صديقى فالصابرون هم المنتصرين فى نهاية المطاف .. قال تعالى وهو اصدق القائلين :
| Quote: فَلَا تُعْجِبْكَ أَمْوَالُهُمْ وَلَا أَوْلَادُهُمْ ۚ إِنَّمَا يُرِيدُ اللَّهُ لِيُعَذِّبَهُم بِهَا فِي الْحَيَاةِ الدُّنْيَا وَتَزْهَقَ أَنفُسُهُمْ - 55 التوبة |
| |
|
|
|
|
|
|
|
|
|
Re: هل انا نادم ؟ (Re: علاء سيداحمد)
|
وحتي اعود
ومشيت معاك كل الخطاوى الممكنه
بقدر ليها وبعرفها
اوفيت وما قصرت فى حقك ولا كان عِرفه غيرك اصادفها
قدر هواكى يجيبنى ليك
جمع قلوبنا وولفها
وكتين بقيتي معايا فى اعماقى فى اعماق مشاعرى المرهفه
لا منك ابتدت الظروف ولا بيكى انتهت الامانى المترفة
ندمان انا ابدا وحاتك عمرى ماشلت الندم
ما اصلو حال الدنيا تسرق منيه فى لحظة عشم
ندمان انا عمرى ماشلت الندم وانا عندى
ليك كان الفرح رغم احتمالى اساك يا جرح الالم
ندمان انا ابدا وحاتك عمرى ماشلت الندم
انا خوفى منك جايى من لهفة خطاك على المواعيد الوهم
اها نحن فى الاخر سوا باعنا الهوى ماشين على سكة عدم
وبقيت اغنى عليك غناوى الحسرة والاسف الطويل
| |
|
|
|
|
|
|
|
|
|
Re: هل انا نادم ؟ (Re: عليش الريدة)
|
يامعاوية الزبير يازعيم..
بركة السمعنا كيبوردك..
أنا ح أرشحك لزعامة المنبر بصورة عاجلة..
هو العمر دا فضل فيهو كم طسة عربية ههه
تحياتي
| |
|
|
|
|
|
|
|
|
|
Re: هل انا نادم ؟ (Re: معاوية الزبير)
|
وازف البشري في ساعة مجيكا
حمدلا بالسلامة
وسعيد برؤيتك هنا كأول اطلالة اسفيرية
تعرف المرض عجيب ياخ
يخليك تكتشف عظمة الحياة في ابسط تفاصيلها . قريت كتاب عمر بليل two live ومن التفاصيل التي لا انساها . انو كتب وفرح حين بال ورأي لون بوله الاصفر .فقد تمت له زراعة كلي
فرح بانو بال لأنو ليهو سنوات ما بال
ف شنو
المرض بوريك عظمة الحياة . حكاية تنزل كراعك براك دة انجاز يستحق الشكر
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
العزيز ود القبايل ود أبو سن
أرق التحيا وكل الاجلال
شوف يا حبيب كلام أهلنا يا زول بلدنا والله والله جنة عدن
والشيء التاني يا اخوي القعدة وسط الاهل والاولاد والعقاب نعمه
وفعلا اللي بقعد في العقاب بيضوق العذاب لكين كلمة حق عذاب رائع بكل المقاييس
يا أنا متشرد بين المدن لي سنة الان ولسه الاستقراربعيد لكين برضو الحمدلله علي العافية
المهم يا صديق نار أهلك ولا متع المدن العاصفية التي لا ترحم وسوف يكون بكرة أحسن بحق
يا اخي أبتسامة طفل ليك أمام عيونك دي ما الدنيا عندك مطيعة
يا خي حتي لو مرقت وسط الناس ح تنسي أنك قلقان ولازهجان من كمية الود والتعامل الانساني
بالله خليك هناك ما تمرق أمرق منك كل شر أنشالله
لك كل الود أخي الحبيب
| |
|
|
|
|
|
|
|
|
|
Re: هل انا نادم ؟ (Re: زهير عثمان حمد)
|
حبابك ايمن
صدقت
والله ما ندمان
حتي الان اعجز عن مجرد التفكير في ان اصير مثلهم
صعب ياخ
الانتهازية دي دايرة امكانيات وقدرات
كسير التلج والانبطاح للرجال
| |
|
|
|
|
|
|
|
|
|
Re: هل انا نادم ؟ (Re: علاء سيداحمد)
|
صعب ياخ
الانتهازية دي دايرة امكانيات وقدرات
كسير التلج والانبطاح للرجال
ــــــــــــــــــــــــــــــــ
عارف براك دا المستحيل
الحزن والطبع النبيل .....
| |
|
|
|
|
|
|
|
|
|
Re: هل انا نادم ؟ (Re: عبداللطيف حسن علي)
|
هون عليك يا صاحب ..
تبيت نار تصبح رماد ..
أكيد انت ما ندمان ..
لان من جوف المعاناة ..
ستاتي بوارق الامل ..
ـــــــــــــــــــــــــــــــــــ
معاوية الزبير ..
ماتشوف شر يأخ ..
وحمد الله ع السلامة وأجر وعافية ..
جمعة مباركة على الجميع ...
| |
|
|
|
|
|
|
|
|
|
Re: هل انا نادم ؟ (Re: علاء سيداحمد)
|
سلام ابوسن
لك الف حق فى كل ماكتبت
فكثيرة هى الايام المريرة التى مرت بنا
والعمر تسرب من بين ايدينا او يكاد
ايقاعات احباطنا وغبضنا غير منسقه
نفتقر الى قائد يللم غضبنا واحتجاجنا فلا نجد
وكلما لاح فجر خلاص تبدد وراح فى ستين دهية
وعليك الان وحدك ان تكون حكومه تقدم كل الخدمات
من علاج وتعليم وغيره وان تتماسك فى سقف احباطك
وان تبتسم وانت تنظر الى كل الاوساخ التى احالت
حياتك الى جحيم مامدسوسه ورغم انفك وعليك ان تلزم
الصمت وانت تنتظر الفرج ويجيك الفرج زياده بنزين
زياده رسوم وهكذا تقول حليل الحفره القبيل .
نحن جيل تحملنا الكثير بس فترنا .
| |
|
|
|
|
|
|
|
|
|
Re: هل انا نادم ؟ (Re: عمر دهب)
|
الأخ الحبيب عبد الحفيظ ..
أرجو أن تقرأ هذه الكلمات ..
من الإنجيل المقدس من سفر الأمثال
والأصحاح الثالث ... حيث فيها من الحكمة ..
والتى ستفيدكم فى الموضوع الذى أثرتموه : " هل أنا نادم .. !!! ":
+++
سفر ألأمثال ..
والأصحاح الثالث:
+++
1 يَا ابْنِي، لاَ تَنْسَ شَرِيعَتِي، بَلْ لِيَحْفَظْ قَلْبُكَ وَصَايَايَ.
2 فَإِنَّهَا تَزِيدُكَ طُولَ أَيَّامٍ، وَسِنِي حَيَاةٍ وَسَلاَمَةً.
3 لاَ تَدَعِ الرَّحْمَةَ وَالْحَقَّ يَتْرُكَانِكَ. تَقَلَّدْهُمَا عَلَى عُنُقِكَ. اُكْتُبْهُمَا عَلَى لَوْحِ قَلْبِكَ،
4 فَتَجِدَ نِعْمَةً وَفِطْنَةً صَالِحَةً فِي أَعْيُنِ اللهِ وَالنَّاسِ.
5 تَوَكَّلْ عَلَى الرَّبِّ بِكُلِّ قَلْبِكَ، وَعَلَى فَهْمِكَ لاَ تَعْتَمِدْ.
6 فِي كُلِّ طُرُقِكَ اعْرِفْهُ، وَهُوَ يُقَوِّمُ سُبُلَكَ.
7 لاَ تَكُنْ حَكِيمًا فِي عَيْنَيْ نَفْسِكَ. اتَّقِ الرَّبَّ وَابْعُدْ عَنِ الشَّرِّ،
8 فَيَكُونَ شِفَاءً لِسُرَّتِكَ، وَسَقَاءً لِعِظَامِكَ.
9 أَكْرِمِ الرَّبَّ مِنْ مَالِكَ وَمِنْ كُلِّ بَاكُورَاتِ غَلَّتِكَ،
10 فَتَمْتَلِئَ خَزَائِنُكَ شِبْعًا، وَتَفِيضَ مَعَاصِرُكَ مِسْطَارًا.
11 يَا ابْنِي، لاَ تَحْتَقِرْ تَأْدِيبَ الرَّبِّ وَلاَ تَكْرَهْ تَوْبِيخَهُ،
12 لأَنَّ الَّذِي يُحِبُّهُ الرَّبُّ يُؤَدِّبُهُ، وَكَأَبٍ بِابْنٍ يُسَرُّ بِهِ.
13 طُوبَى لِلإِنْسَانِ الَّذِي يَجِدُ الْحِكْمَةَ، وَلِلرَّجُلِ الَّذِي يَنَالُ الْفَهْمَ،
14 لأَنَّ تِجَارَتَهَا خَيْرٌ مِنْ تِجَارَةِ الْفِضَّةِ، وَرِبْحَهَا خَيْرٌ مِنَ الذَّهَبِ الْخَالِصِ.
15 هِيَ أَثْمَنُ مِنَ الَّلآلِئِ، وَكُلُّ جَوَاهِرِكَ لاَ تُسَاوِيهَا.
16 فِي يَمِينِهَا طُولُ أَيَّامٍ، وَفِي يَسَارِهَا الْغِنَى وَالْمَجْدُ.
17 طُرُقُهَا طُرُقُ نِعَمٍ، وَكُلُّ مَسَالِكِهَا سَلاَمٌ.
18 هِيَ شَجَرَةُ حَيَاةٍ لِمُمْسِكِيهَا، وَالْمُتَمَسِّكُ بِهَا مَغْبُوطٌ.
19 الرَّبُّ بِالْحِكْمَةِ أَسَّسَ الأَرْضَ. أَثْبَتَ السَّمَاوَاتِ بِالْفَهْمِ.
20 بِعِلْمِهِ انْشَقَّتِ اللُّجَجُ، وَتَقْطُرُ السَّحَابُ نَدًى.
21 يَا ابْنِي، لاَ تَبْرَحْ هذِهِ مِنْ عَيْنَيْكَ. احْفَظِ الرَّأْيَ وَالتَّدْبِيرَ،
22 فَيَكُونَا حَيَاةً لِنَفْسِكَ، وَنِعْمَةً لِعُنُقِكَ.
23 حِينَئِذٍ تَسْلُكُ فِي طَرِيقِكَ آمِنًا، وَلاَ تَعْثُرُ رِجْلُكَ.
24 إِذَا اضْطَجَعْتَ فَلاَ تَخَافُ، بَلْ تَضْطَجعُ وَيَلُذُّ نَوْمُكَ.
25 لاَ تَخْشَى مِنْ خَوْفٍ بَاغِتٍ، وَلاَ مِنْ خَرَابِ الأَشْرَارِ إِذَا جَاءَ.
26 لأَنَّ الرَّبَّ يَكُونُ مُعْتَمَدَكَ، وَيَصُونُ رِجْلَكَ مِنْ أَنْ تُؤْخَذَ.
27 لاَ تَمْنَعِ الْخَيْرَ عَنْ أَهْلِهِ، حِينَ يَكُونُ فِي طَاقَةِ يَدِكَ أَنْ تَفْعَلَهُ.
28 لاَ تَقُلْ لِصَاحِبِكَ: «اذْهَبْ وَعُدْ فَأُعْطِيَكَ غَدًا» وَمَوْجُودٌ عِنْدَكَ.
29 لاَ تَخْتَرِعْ شَرًّا عَلَى صَاحِبِكَ، وَهُوَ سَاكِنٌ لَدَيْكَ آمِنًا.
30 لاَ تُخَاصِمْ إِنْسَانًا بِدُونِ سَبَبٍ، إِنْ لَمْ يَكُنْ قَدْ صَنَعَ مَعَكَ شَرًّا.
31 لاَ تَحْسِدِ الظَّالِمَ وَلاَ تَخْتَرْ شَيْئًا مِنْ طُرُقِهِ،
32 لأَنَّ الْمُلْتَوِيَ رَجْسٌ عِنْدَ الرَّبِّ، أَمَّا سِرُّهُ فَعِنْدَ الْمُسْتَقِيمِينَ.
33 لَعْنَةُ الرَّبِّ فِي بَيْتِ الشِّرِّيرِ، لكِنَّهُ يُبَارِكُ مَسْكَنَ الصِّدِّيقِينَ.
34 كَمَا أَنَّهُ يَسْتَهْزِئُ بِالْمُسْتَهْزِئِينَ، هكَذَا يُعْطِي نِعْمَةً لِلْمُتَوَاضِعِينَ.
35 الْحُكَمَاءُ يَرِثُونَ مَجْدًا وَالْحَمْقَى يَحْمِلُونَ هَوَانًا.
+++
والمجد لله دائماً ..
الرب يبارك فى حياتكم وفى حياة أسرتكم الغالية ..
أخوكم العجوز ..
ارنست
+++
| |
|
|
|
|
|
|
|
|
|
Re: هل انا نادم ؟ (Re: عبداللطيف حسن علي)
|
الأخ الحبيب عبد اللطيف ..
عندما يقول الله " أنا الكائن " ..
أنا الكائن منذ الأزل والى الأبد ..
وإذا بحثنا فى الكتاب المقدس .. من رؤيا يوحنا والأصحاح الأول والعدد الثامن :
" أنا هو الألف والياء ، البداية والنهاية يقول الرب الكائن والذي كان والذي يأتي، القادر على كل شيء "
يا أخى .. أرجوك .. افهم " الكائن " .. يعنى الذى كان والذى يكون .. فهو كائن .. منذ الأزل والى الأبد ..
المشكلة .. الانسان الذى يريد أن يعرف اين الحقيقة .. لابد وأن يبحث .. ويطلب من الله الارشاد ..
الرب يبارك حياتكم ..
اخوكم وعمكم العجوز ..
ارنست
+++
| |
|
|
|
|
|
|
|
|
 Re: هل انا نادم ؟ (Re: Sudany Agouz)
|
عندما يقول الله " أنا الكائن " ..
أنا الكائن منذ الأزل والى الأبد ..
ـــــــــــــــــــــــــــــــــــــــــــــــ
اذا كان الله منذ الازل والي الابد فهو قديم قدم الازل لابداية ولانهاية لانه الي الابد ؟!
هل هذا صحيح حسب كلامك ؟!
| |
|
|
|
|
|
|
|
|
|
Re: هل انا نادم ؟ (Re: عبداللطيف حسن علي)
|
الأخ الحبيب عبد اللطيف ..
إقتباس:
اذا كان الله منذ الازل والي الابد فهو قديم قدم الازل لابداية ولانهاية لانه الي الابد ؟!
هل هذا صحيح حسب كلامك ؟!
+++
الإجابة .. نعم هذا صحيح ..
الله بالفعل قديم قدم الأزل .. ولا بداية ولا نهاية له لأنه الى الأبد .. "
هذا هو الله ضابط الكل .. هذا هو الله خالق الكون .. بما فيه من الإنسان .. والحيوان ..
والنبات والحشرات .. الخ .. الخ .. + إلخ .. + .. + .. + .. +
...
الرب يبارك حياتكم أخى عبد اللطيف ..
الرب يبارك حياتكم ..
أخوكم وعمكم العجوز ..
ارنست
+++
| |
|
|
|
|
|
|
|
|
|
Re: هل انا نادم ؟ (Re: Sudany Agouz)
|
عزيزنا المسنوح ود ابو سن
الحاصل شنو يا ود ابو سن..ونحن افتكرناك زرتنا
في عطبرة وشربت من الاتبراوي واتمليت امل وتفاؤل
تقوم تجينا بالاحباط ده كل وتقول انت ندمان..
وانت كنت كل يوم بتزرع فينا الامل....
واذا انت يا ود ابو سن وصلت المرحلة دي ..
فالناس الباقين يسوو شنو؟!!
...لكن في النهاية بنقول معاك ..الله يجازي الكان السبب..
...عاوزين نتمسك بسودانا حتى النهاية ..وهناك من هم في
السلطة يودون ان نتخلى عن وطننا كي يبيعوهو لاثرياء العرب
والقطط السمان تزداد سمنا وبدانة من السمسرة وتهريب الاموال
للخارج وتشييد القصور في جزيرة النخلة في دبي وفي الريفيرا
الفرنسية وقبالة شواطئ اسبانيا وهاواي...
وكمان في النهاية وفي الختام بقول ليك عندك الف حق تتساءل
وعندك الف حق تتشاءم ويصيبك الاحباط..
ودمت بالف خير وصحة وعافية
| |
|
|
|
|
|
|
|
|
|
Re: هل انا نادم ؟ (Re: Basamat Alsheikh)
|
تصدق يا حمد دة المجنني
كيف بعد دة كلو يقدر يرقد مع ام عيالو .. ويربي اولادو
يربيهم علي شنو زاتو
كيف بقدر يبرر دة لي وليداتو ولا الناس القاعد يتونس معاهم
تعرف واحدة من ازماتي الشخصية ناس زي ديل ما بقدر احترمهم او اتعامل معاهم
آي والله ولا اتونس معاهم وبعضهم من ذوي المعرفة القديمة والجيرة .. الاحتقار بسبق تعابير وشي قبل يسلمو
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
مرحبا عثمان
اهديك مصطفي سند
ﺳَﻠُﻮﺍ ﻗﻠﺒﻲ ..
ﺃﻣﺎﻡ ﺍﻟﻠﻪِ ﺃُﻗﺴﻢُ
ﻻ ﺳﻨﺎﻙِ ﺍﻟﺒﺮﻕُ ﻻ ﺭﺋﺔَ ﺍﻟﺸﻤﻮﺱِ
ﺗﻔﺠّﺮﺕْ ﻓﻲ ﺍﻟﺒﺤﺮِ
ﻻ ﻃﻠﻌﺎﺕِ ﻓﺠﺮِ ﺍﻟﻨﺎﺭِ
ﻻ ﻳﺎﻗﻮﺗﺔَ ﺍﻷﺯﻣﺎﻥْ
ﺑﻌﻴﻨﻴﻚِ ﺍﻟﻤﺪﻯ ﻳﺼﺤﻮ
ﻭﺗﻨﻬﺾ ﻓﻲ ﺍﻟﺒﻌﻴﺪ ﺍﻟﺸﻤﺲُ
ﻭﺍﻟﻔﻘﺮﺍﺀُ ﻳﺤﺘﻘﺒﻮﻥ ﻫﻢَّ ﺍﻟﻠﻴﻞِ
ﻭﺍﻟﺸﻌﺮﺍﺀُ ﻭﺍﻟﺴُّﻤَّﺎﺭ ﻭﺍﻟﻐﺎﻭﻭﻥ ﻭﺍﻹﻳﻤﺎﻥْ
ﺃﻧﺎ ...
ﻋﻴﻨﺎﻙِ ﻻ ﺃﺑﻮﺍﺏَ ﻓﻲ ﺩﺭﺑﻴﻬﻤﺎ
ﺃﻣﺸﻲ ﺗﺠﺎﻩ ﺍﻟﺒﺤﺮِ ﺣﻴﻦ ﺗُﻌﺎﻭﺩ ﺍﻷﺣﺰﺍﻥْ
ﺃﻧﺎﻏﻲ ﺍﻟﺮﻣﻞَ ﻓﻲ ﺍﻟﻘﻴﻌﺎﻥْ
ﺃﺳﻤﻊ ﺭﻓّﺔَ ﺍﻟﺒﺘﺮﻭﻝِ ﺗﻨﻘﺶُ ﻓﻲ ﻛﺘﺎﺏ ﺍﻟﻐﻴﺐِ
ﻭﻋﺪَ ﺍﻟﺮﻳﺢِ، ﺃﺳﻤﻊُ ﻓﻲ ﺍﻟﺒﻌﻴﺪِ ﺍﻟﺸﻌﺮَ
ﻳﺮﻓﻊ ﻭﺟﻬَﻪ ﺍﻟﻤﺪﻓﻮﻥَ ﺑﻴﻦ ﺍﻟﺜﻠﺞِ ﻭﺍﻟﻨﻴﺮﺍﻥْ
ﻭﻣﺎ ﻫﻤّﻲ ﺳﻮﻯ ﻃﻴﻔﻴﻦ ﻳﺤﺘﺮﻗﺎﻥِ
ﻳﺤﻤﻞ ﻭﺍﺣﺪٌ ﻭﺟﻬﻲ ...
ﺩُﻭﺍﺭُ ﺍﻟﻠﻴﻞِ ﻓﻲ ﻋﻴﻨﻴﻪ ﻭﺍﻷﺷﻮﺍﻕُ ﻭﺍﻷﺷﻌﺎﺭُ ﻭﺍﻷﺷﺠﺎﻥْ
ﻳﻘﻮﻝُ .. ﺳﻠﻤﺖَ ﻳﺎ ﻣﻦ ﺳﺎﻝَ
ﺳﻴﻞُ ﺩﻣﺎﻱَ ﺑﻴﻦ ﻳﺪﻳﻚَ
ﺃﻧﻀﺢُ
ﻣﺎ ﻫﺪﺍﻙَ ﺍﻟﻌﻄﻒُ ﺗﻤﺴﺢ ﻣﻦ ﺧُﻄﺎﻱَ ﺍﻟﺼﺒﺮَ
ﻳﺎ ﻣﻦ ﺷﺎﻫَﺪَ ﺍﻹﻧﺴﺎﻥْ
ﻳُﻄﺎﻣﻦُ ﺭﺃﺳَﻪ ﺍﻟﻤﻬﺰﻭﻡَ
ﺣﻴﻦ ﻳﻤﻮﺕ ﻓﻲ ﺃﻋﻤﺎﻗﻪ ﺍﻹﻧﺴﺎﻥْ
ﺳﻠﻮﺍ ﻗﻠﺒﻲ
ﺃﻣﺎ ﺻﻠّﻴﺖُ ﺛﻢ ﺑﻜﻴﺖُ ﺛﻢ ﺣﺸﻮﺕُ
ﻓﻲ ﺟﻴﺒﻲ ﺣﻨﻮﻁَ ﺍﻟﻴﺄﺱِ
ﻗﻠﺖُ ﺃﻧﺎﺯﻝُ ﺍﻟﺸﻴﻄﺎﻥْ ..
ﺇﺫﺍ ﻻﻗﻴﺖُ ﻭﺟﻪَ ﺍﻟﻠﻪِ
ﻛﺎﻥ ﻣﺮﺍﺩﻱَ ﺍﻷﺳﻤﻰ
ﻭﺇﻥْ ﺩﺍﻧﻴﺖُ ﺑﺎﺏَ ﺍﻟﻨﺼﺮِ
ﻋُﺪْﺕُ ﺑﺤﻠﻤﻲَ ﺍﻟﻤﻮْﺀﻭﺩْ
ﺑﺎﻹﺻﺮﺍﺭ ﻭﺍﻟﺘﺄﻫﻴﻞ ﻭﺍﻹﻣﻜﺎﻥْ
ﺳَﻠﻮﺍ ﻗﻠﺒﻲ،
ﻋﻠﻰ ﻋﻴﻨﻴﻚَ ﺷﺎﺩَ ﺍﻟﺼﻴﻒُ ﻭﺍﻟﺘﺠّﺎﺭُ
ﻋﺮﺵَ ﺍﻟﻤﻮﺕِ
ﻋﺒﺮَ ﻣﻤﺎﻟﻚِ ﺍﻟﻔﺮﺗﻴﺖِ ( 1 ) ،
ﺑﻴﻦ ﺍﻟﻨﻴﻞِ ﻓﻲ ﺇﺭﻋﺎﺩﻩ ﺍﻟﺰﻧﺠﻲِّ
ﻭﺍﻟﻤﻴﺰﺍﻥِ، ﺑﻴﻦ ﺍﻟﺸﻤﺲِ ﻭﺍﻷﻫﺮﺍﻡْ
ﺃﻧﺎ - ﻳﺎ ﺳﺎﻣﻊَ ﺍﻷﺻﻮﺍﺕِ،
ﻣﻦ ﺃﺭﺟﺎﻟﻬﺎ ﺍﻟﻨﻤﻼﺕِ،
ﻛُﻨﺖُ ﺷﺮﺍﺭﺓً ﻓﻲ ﺍﻟﺒﺮﻕِ
ﻛﻨﺖُ ﺍﻟﺮﻋﺪَ ﻭﺍﻟﻨﺎﻗﻮﺱ ﻓﻲ ﺍﻵﻓﺎﻕِ
ﻛﻨﺖُ ﺧﻮﺍﻃﺮَ ﺍﻷﺣﻼﻡْ
ﺃﻧﺎ .. ﻋﺸﺮﻭﻥ ﻓﻲ ﺍﻟﺼﻔﺤﺎﺕ ﻭﺍﻵﻫﺎﺕْ
ﺃﻟﻘُﻂُ ﻣﻦ ﺣﺼﺎﻙَ ﺍﻟﺠﻤﺮَ
- ﻻ ﺃﻫﻮﺍﻙَ -
ﻣﻦ ﻳﺴﺘﺒﻌﺪ ﺍﻟﻤﺮﻣﻰ ﻫﻮﺍﻙ ﺣﺮﺍﻣُﻪ ﺍﻷﺑﺪﻱُّ
ﻛﻴﻒ ﻋﺮﻓﺖَ؟ ﻛﻴﻒ ﺟﺰﻳﺖَ؟
ﻛﻴﻒ ﻧﻔﺜﺖَ ﻏﺎﺯَ ﺍﻟﻤﻮﺕِ ﻓﻲ ﺍﻷﻧﺴﺎﻡْ؟
ﺳﻠﻮﺍ ﻗﻠﺒﻲ،
ﻫﻮﺍﻙَ ﺻﺪﺍﻗﺘﻲ ﻭﻫﻮﺍﻱَ ﻛﺎﻥ ﺻﺪﺍﻗﺔَ ﺍﻷﻓﺬﺍﺫِ
ﻣﻦ ﺃﺭﺣﺎﻣﻬﻢ ﻋِﺮْﻗﻲ ﻭﻣﻦ ﺁﻳﺎﺗﻬﻢ ﺻﺪﻗﻲ
ﻭﻣﻦ ﺗﻌﻮﻳﺬﺓ ﺍﻷﻗﺴﺎﻡْ
ﺣﺼﺪﺕُ ﺍﻟﺮﺯﻕَ، ﻛﺎﻥ ﻛﻔﺎﻓﻪُ ﺻُﻠﺒﻲ
ﻭﺻﻠﺐَ ﻣﻮﺍﻫﺒﻲ ﻟﺒﻨﺎً ﻭﺃﺭﻏﻔﺔً
ﻭﻧﻘﺶَ ﺍﻟﻮﺟﻪِ ﻓﻲ ﺍﻷﺩﺭﺍﺝِ
ﺣﻴﺚ ﺍﻟﻌﺴﻒُ ﻭﺍﻹﻫﻤﺎﻝ ﺣﻴﺚُ ﺑﻨﺎﺩﻕُ ﺍﻷﺭﻗﺎﻡْ
ﺗﺼﺐُّ ﺍﻟﻨﺎﺭَ ﻓﻲ ﻗﻠﺒﻲ
ﻋﻠﻰ ﺟﺮﺡٍ ﺗﻨﺎﻡُ ﻋﻴﻮﻧُﻪ ﺍﻟﺤﻤﺮﺍﺀُ
ﺣﻴﻦ ﺗﻨﺎﻡُ ﺃﻧﻔﺎﺳﻲ
ﻭﻳﻨﺒﺾُ ﻓﻴﻪ ﻧﺠﻢُ ﺍﻟﺒﺤﺮِ
ﻳﺠﻤﺪُ ﻓﻴﻪ ﺫﻭﺏُ ﺍﻟﺪﻫﺮِ ﻭﺍﻷﻳﺎﻡْ
ﺳﻠﻮﺍ .. ﻣﺎﺫﺍ؟
ﺃﻋﺎﺩ ﻟﻬﻦَّ ﻟﺤﻢٌ ﻫﺬﻩ ﺍﻟﻤﻀﻐﺎﺕْ
ﺗﺮﻗﺺُ ﻛﺎﻟﺬﺑﺎﺋﺢ ﻓﻲ ﺧﺒﺎﺀ ﺍﻟﻠﻴﻞِ
ﺗﻨﺜﺮ ﻭﻫْﻤَﻬﺎ ﺍﻟﺪﻣﻮﻱَّ
ﺗﺮﻗﺪ ﻓﻲ ﻟﺤﺎﻑ ﺍﻟﺮﻋﺐِ ﻭﺍﻷﻭﻫﺎﻡْ
ﻭﺗﺴﻘﻂ، ﻛﺎﻧﺖِ ﺍﻟﻌﻠﻴﺎﺀُ
ﺩﺍﺭَ ﺍﻟﺼﺒﺮ ﻭﺍﻟﻨﻜﺮﺍﻥِ
ﻛﺎﻧﺖ ﻗﻤّﺔُ ﺍﻷﺷﻴﺎﺀِ ﺩﺭﺏَ ﺍﻟﻤﻮﺕِ
ﻛﺎﻥ ﺍﻟﻤﻮﺕُ ﺩﺭﻉَ ﺍﻟﻔﺎﺭﺱِ ﺍﻟﻤﻘﺪﺍﻡْ
ﻭﺗﺴﻘﻂ ﺻﺎﻓﻨﺎﺕُ ﺍﻟﻜُﻔﺮِ
ﺗﺴﻘﻂ ﻓﻲ ﺍﻟﻬﻼﻡ ﺍﻟﺮﻃﺐِ
ﺗﺴﻘﻂُ ﻓﻲ ﻭﻋﺎﺀ ﺍﻟﻠﻴﻞِ
ﻳﺴﻘﻂ ﺁﺧﺮُ ﺍﻷﻗﻼﻡْ ..
ﻭﻣﺎ ﻳﺮﺗﺎﺡ .. ﺧﻂُّ ﺍﻟﻈﻞِّ ﻳُﺒﺤﺮُ ﻓﻲ ﻣﺴﺎﺭِ
ﺍﻟﻨﺒﺾِ ﻣﻨﻪُ
ﺳﻼﺳﻞُ ﺍﻷﺩﻭﺍﺀِ
ﺗﺤﺮﻕ ﻓﻴﻪ ﺣﺲَّ ﺍﻟﻔﻦِّ ﻭﺍﻹﻟﻬﺎﻡْ
ﺃﻧﺎ ... ﻳﺎ ﻏﻮﺙُ ... ﻳﺎ ﺇﺭﺻﺎﺩُ
ﻛﻨﺖُ ﺃﺳﺎﺋﻞ ﺍﻟﺮّﺣﻤﻦَ،
ﻳُﺮﺳﻴﻨﻲ ﻋﻠﻰ ﺍﻟﺸﻄَّﻴﻦِ
ﻳُﺤﺴﻦُ ﻭﺟﻪَ ﺧﺎﺗﻤﺘﻲ،
ﻭﻳﻐﺴﻠﻨﻲ ﺑﻨﻮﺭ ﺍﻟﺤﻖِّ ﻭﺍﻹﺳﻼﻡْ ؟؟
ﺇﻟﻬﻲ .. ﺑﻌﺾُ ﻣﺎ ﻻﻗﻴﺖُ
ﻛﺎﻥ ﺟﺰﺍﺀَ ﻣﻌﺮﻓﺘﻲ،
ﻓﺮُﺩَّ ﻋﻠﻲَّ ﻋﺎﻓﻴﺘﻲ، ﺑُﺮﻭﺩَ ﺍﻟﺸِّﻌﺮِ ﻭﺍﻟﻜﻠﻤﺎﺕْ
ﺧﻞِّ ﺗﻔﺮُّﺩﻱ ﻳﻨﻤﻮ، ﻣﻤﺎﻟﻚَ ﻋﺰَّﺗﻲ ﺗﻨﻤﻮ
ﺑﻐﻴﺮ ﻛﻬﺎﻧﺔٍ ﺃﻧﻤﻮ، ﺃُﻗﻴﻢ ﺳﺮﺍﺩﻕَ ﺍﻟﺸﻌﺮﺍﺀِ،
ﺃﺣﻤﻞُ ﻭﺣﺪﻱَ ﺍﻷﺧﺘﺎﻡْ
ﺳﻠﻮﺍ ﻗﻠﺒﻲ
ﺃﺛﺎﺭﺕْ ﻗﺸﺮﺓُ ﺍﻹﻳﻘﺎﻉْ؟
ﺷُﺐَّ ﺍﻟﻠﺤﻦُ، ﻻ ﻳﺒﻘﻴﻪِ ﺑﻴﻦ ﺃﺻﺎﺑﻌﻲ
ﺇﻻ ﻋﺒﻴﺮُ ﺍﻟﺼﺪﻕِ
ﺣﻴﻦ ﻳﺮﻥُّ ﻛﺎﻟﻤﺨﺬﻭﻝ ﺗُﺤﺮﻕُ ﺟﻮﻓَﻪ ﺍﻷﻭﺟﺎﻉْ
- ﺟﻮﺍﺩُﻙَ ﻃﺎﺭ ﺑﺎﻟﺮﺅﻳﺎ -
ﻋﻠﻰ ﻣﻄﺮ ﺍﻟﺰﻧﺎﺑﻖِ ﻓﻲ ﺻﺒﺎﺡ ﺍﻟﻨﻮﺭِ
ﻳﺼﻬﻞُ ﻭﺍﻟﺒﻴﻮﺕ ﺗﻤﺮُّ
ﻓﻲ ﻋﻴﻨﻴﻪِ
ﻳﻨﺰﻝ ﺁﺧﺮَ ﺍﻷﺻﻘﺎﻉْ ..
ﻳُﻔﺘّﺶ ﻋﻦ ﺛﻘﺎﺏ ﺍﻟﺒﺮﻕِ
ﻋﻦ ﻧﻮّﺍﺭﺓ ﺍﻷﺷﺠﺎﻥِ
ﻳﻌﺮﺽُ ﻗﻠﺒَﻪ ﺍﻟﻤﻠﺘﺎﻉْ ..
ﻋﻠﻰ ﺍﻷﻫﻼﻙِ،
ﻫﺎﻛﻢْ ﺍِﻏﺴﻠﻮﺍ ﺍﻷﺩﺭﺍﻥَ ﻭﺍﻷﺣﺰﺍﻥَ،
ﻏَﺮْﺱَ ﺍﻟﺸﻚِّ ﻭﺍﻟﻄﻐﻴﺎﻥ ﻭﺍﻷﻃﻤﺎﻉْ
ﺃﺭﻯ ﺑَﺮْﻗﻴﻦ ﺣﻴﻦ ﺗﺠﻤّﻌﺎ ﺭﻗﺼﺎ
ﻭﺣﻴﻦ ﺗﻔﺮّﻗﺎ ﻧﻘﺼﺎ
ﻭﺣﻴﻦ ﺗﻮﺟّﻌﺎ ﺷَﺨَﺼﺎ
ﻟﺤﻀﻦ ﺍﻟﺸﻌﺮِ ﻳﺮﺗﻌﺪﺍﻥ ﺑﺎﻹﻳﻘﺎﻉْ
ﺃﺭﻯ ﺃﻋﺠﻮﺑﺔَ ﺍﻹﻋﺠﺎﺯِ ﺗﻤﺴﻚ ﻣﻌﺼﻤﻲ ﻭﺗﺨﻂُّ .
ﺗﺴﻜﻦ ﺩﺍﺧﻠﻲ ﻭﺗﺮﻑُّ
ﺗﻔﺼﺪ ﻋِﺮﻗﻲَ ﺍﻟﻤﺤﻤﻮﻡَ
ﺗﻨﻘﺮ ﺩﺍﺧﻞ ﺍﻷﺿﻼﻉْ
ﺳﻠﻮﺍ ﻗﻠﺒﻲ ،
ﺃﻣﺎ ﺳﺒَّﺤﺖُ ، ﺛﻢ ﺣﻤﺪﺕُ ﺛﻢ ﺿﺤﻜﺖُ ، ﺛﻢ ﺑﻜﻴﺖُ
ﺛﻢ ﺩﻋﻮﺕْ
ﺑﺎﺭﻙْ ﺭﺑّﻲَ ﺍﻟﻤﺴﻌﻰ ﻓﻘﺪ ﺃﻋﻄﻴﺖْ
ﺑﺎﺭﻙْ ﻓﻴﻪ ﺣﻴﻦ ﻳﻔﻴﺾُ
ﺣﻴﻦ ﻳﻐﻴﺾُ
ﻭﺍﺟﻌﻞْ ﺧﻴﺮَﻩ ﻟﻠﻨﺎﺱِ
ﻭﺍﺟﻌﻞْ ﻭﺟﻬَﻪ ﻛﺎﻟﺒﺪﺭ ﺣﻴﻦ ﻳﺘﻢُّ
ﻭﺍﺟﻤﻊْ ﺣﻮﻟﻪ ﺍﻷﺣﺒﺎﺏَ ﻭﺍﻷﺻﺤﺎﺏَ
ﻭﺍﻷﺗﺒﺎﻉْ ..
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
عارف يا ود اب سن
الطريق الماشي فيهو دة فيهو عواصف ورعد وبرق وامطار واشواك .. واصوات غريبة وكواريك ..
يا جرفتنا الحاجت دي .. ولا وصلنا ( الميس ) ؟؟
ضيوفك الشرفاء النضاف .. لك ولهم القومة
| |
|
|
|
|
|
|
|
|
|
Re: هل انا نادم ؟ (Re: منتصر صلاح)
|
مرحبا علاء
نعم سيذهبون كما ذهب غيرهم من الحكام العدول والظالمين بفعل الزمن
ولكنهم أكلوا جمال حاضرنا وافسدوا مستقبل اطفالنا
عاين الدمار الخلوهو ليهم. اجروا ارض السودان ل 99 عاما .. الكترابة
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
والله اذا جينا للحق وقول الحق فان الشاعر النحرير مصطفى سند
شاعر لا يضاهى ولا يشق له غبار...بدات احفظ هذه القصيدة النارية
التي اتيت بها يا ود ابو سن...ويا ليتني اجد دواوين شعره بالكامل..
today you make our day
وبالمناسبة كنت عاوزة ارد على سؤالك :"هل انا نادم؟" اذا السؤال موجه لي:"
هل انا نادمة؟" ..لكن قات انتظر شوية...
ودمت بالف خير وصحة وعافية
| |
|
|
|
|
|
|
|
|
|
Re: هل انا نادم ؟ (Re: عبدالحفيظ ابوسن)
|
أنا لست رعديداً يكبل خطوه ثقل الحديد
وهناك أسراب الضحايا الكادحون
العائدون مع الظلام من المصانع والحقول
ملأوا الطريق
عيونهم مجروحة الأغوار ذابلة البريق يتهامسون
وسياط جلاد تسوق خطاهم ما تصنعون
يجلجل الصوت الرهيب كأنه القدر اللعين
تظل تفغر في الدجى المشئوم أفواه السجون
فيغمغمون نحن الشعوب الكادحون
وهناك قافلة تولول في متاهات الزمان
وبلا دليل
عمياء فاقدة المصير
تمشى الملايين الحفاة العراة الجائعون مشردون
في السفح في دنيا المزابل والخرائب ينبشون
والمترفون الهائمون يقهقهون ويضحكون
يمزقون الليل في الحانات في دنيا الفتون
والجاز ملتهب يضج حياله نهد وجيد
موائد خضراء تطفح بالنبيذ والورود
لهف من الشهوات يجتاز المعابر والسدود
هل يسمعون ؟
صخب الرعود صخب الملايين الجياع
يشق أسماع الوجود
لا يسمعون إلا شهوات حياتهم
وكأنهم صم الصخور
وغداً نعود حتماً نعود
للقرية الغناء للكوخ الموشح بالورود
نسير فوق جماجم الأسياد مرفوعي البنود
تزغرد الجارات والأطفال ترقص والصغار
والنخل والصفصاف والسيال زاهر الثمار
وسنابل القمح المنور بالحقول وبالديار
لا لن نحيد عن الكفاح
ستعود ياسوداننا وتعود أنغام الصباح
| |
|
|
|
|
|
|
| |
عبدالحفيظ ابوسن
علي دفع الله
محمد حيدر المشرف
د.محمد حسن
احمد الشيخ
عمر عثمان
الطيب عباس
Sudany Agouz
معتصم الطاهر
ايمن الصادق
حمد عبد الغفار عمر
علاء سيداحمد
معاوية الزبير
عليش الريدة
زهير عثمان حمد
عبداللطيف حسن علي
جمال ود القوز
عمر دهب
منتصر صلاح
فيس بوك
تويتر
انستقرام
يوتيوب
بنتيريست