|
|
|
 Re: يا السنجك ما تغلط , الفلاتة قبيلة سودانية . (Re: مصعب عوض الكريم علي)
|
حديث عنصرى بغيض بغرض التشفى بالرجوع الى القبلية والاستعلاء العرقى وهى ثمة معروفة فى السودان لاغتيال الشخصية
ثانيا اظن ان العمل فى جنى القطن ليس عيبا لانه عمل شريف ساهم فى رفد خزينة السودان بالعملة الحرة وان للعمال ان يفتخروا
بها لانها رفعت الجنيه السودانى عاليا فى مقابل الدولار والعملات الاخرى
ثالثا فقد فشل كل الذين يدعون انهم ابناء اغنياء ويتعففون عن العمل فى جنى القطن واعتبروها مسبة لا تليق بابناء الذوات فى الحفاظ
على الطفرة الاقتصادية التى صنعها من عملوا فى جنى القطن بل انهم قد ذهبو الى اكثر من ذلك بتدميرهم اقتصاد البلد بالفساد والافساد
ومن ثم التباكى على اللبن المسكوب والعنصرية هى من اوصلتنا الى هذا الدرك السحيق
عامر
| |
 
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: Aamer Hussin)
|
أن يكون المدعو يونس من الفلاتة فهذا امر جانبي ليس لنا به كبير اهتمام وما المقصود بالفلاتة ؟
هل هم البرنو ام الهوسا ام التكارير ام الفولاني أم الغرب افريقيين إجمالاً
لأن أهلنا يعتبرون جميع من في الأعلي فلاتة وهي جميعاً قوميات افريقية محترمة و مقدرة بيننا ،
هم كما تعلمون مهاجرين قدماء للسودان طاب لهم المقام ولم نري منهم غير الخير و ما يعنينا انهم مواطنون سودانيون قانوناً.
حقيقة انهم مهاجرين قدماء لا تنتقص من كرامتهم شيء فهم بيننا و صاروا اهلنا
و جمعت البعض منهم اواصر النسب مع السودانيين مثلاً اهل حاج نور و الطيب مصطفي و غيرهم و الرشيد الطاهر بكر فجميعهم فلاتة
فالحواجنير في الشايقية من الفولاني و عوض احمد الجاز من الشايقية ايضاً لكن اصوله اثيوبية.
بالسودان الكثير من المهاجرين القدماء من الهند و البانيا و يونانيين و طليان و مغاربة و موريتانيين و مصريين و شوام و حجازيين
اثيوبيين و صوماليين و لنا مع الأخرين نسب
جميعنا ضد العنصرية و مع دولة المواطنة و الحقوق المتساوية للجميع في اطار دولة علمانية ديمقراطية عادلة
أن يقال أن فلاناً من الفلاتة هو تعريف و ليس حطاً للقدر فليس عند الفلاتة ما يعيب كما اسلفت
فلا تعطوا الموضوع اهتماماً اكبر من حجمه و شكرا للمتداخلين طه جعفر
شكرا يا اسماعيل
بعد التحية و الإحترام
| |
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
القبائل امر مهم وجزء مهم من الهوية السودانية وتشكل 90% من المجتمع السوداني في الاقاليم الستة والقبيلة هي حاضنة القيم السودانية وجل قبائل السودان ختمية وانصار وغير المسلمين بقو حركة شعبية وكل قبائل السودتم معرفة ومعروفة من الاستقلال (جنسية خضراء) وكل الوافدين للسودان من الخارج معروفين معرفين(جنسية بنية) حسب قانون 1957
وهل ممكن ترويني الفلاتة ديل ما يتو اقليم في السودان؟؟
وفى ايضا فئات في المركز تنكر انتماءاته الحقيقية وتتمسح بالكريمات عشان بقو عرب حتى ما عايزين يبقو سودانيينويقعدو في الواطة مع الناس وجعلو المكز ده جحيم لكل اهل الهامش والذات الجنوبيين
وهؤلاء يحقرون القبائل والقبيلة لانهم منبتين من الرقيق الذ حرره كتنشر 1902 سامين نفسه "ناس الخرطوم" وعجبوني الاولاد السرارة
والكلام ده ما عنصري دي حقائق
والنظم الانقلابية قامت على هذه الفئات وبوعي جمهورية العاصمة المثلثة والديموقاطية ابدا مابتنفع معاهم لان اللشعب السوداني ياتي بالانصار والختمية عبر صناديق الاقتراع وهؤلاء المنبتين لا ياتو ابدا بالصناديق ويتشعبطوا بالانقلابات ويسيطيروا على السلطة والثروة والنفط المهول دون ان يقدمو اي مشاريع لناس الاقاليم وترتبط بهم كل الصفات الزميمة الموجودة في الانقاذ
واذا انت فلاتي زول قال ليك انت فلاتي ...اين العنصرية في هذا الامر
السودان قبائل..قول اسم قبيلتك وين ما كانت في السودان هي قبيلة سودانية وانت مواطن سوداني
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
مافي مشكلة بالطبع في مناداة اي شخص بقبيلته, طيب المشكلة وين؟ المشكلة في ان تكون هذه المناداه بغرض التحقير و الاستخفاف بالأصل
حين يقال يونس محمود الفلاتي الذي وفد على السودان محمولا على ظهر أمه وأهله يعملون في جني القطن دا وعي استعلائي وعنصري ما عايز ليه كلام والتعامي عنه أسوا واضل يا أستاذ عادل
ولكان المشكلة مع يونس و نظامه هي اصولهم الوافدة!! يعني لو يونس كان من حوش بانقا أو كريمة او الفاشر أو اي من الأقاليم وليس وافدا يبقى مافي مشكله !!
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
الاخ سماعين
تعرف المحيرني في هذا البورد انو كل فترة بيجي واحد طاشي يطرش كلام زي ده و يغير مجري النقاش بمحاولة تجريد اي شخص من سودانيته و لا ادري لماذا دائما يرمون هذا التجريد علي الفلاته.
اتذكر عن موضوع سفاح اليمن تقريبا عام 99 قام الوزير حينها عبدالرحيم حسين بزيارة لليمن ليقدم اعتذاره للشعب اليمني و يقول ان السفاح ليس سودانيا و انما اتي ابوه من غرب افريقيا رغم ان ذات الشخص كان احد اقرباء الحاج ادم و الذي كان وزيرا في الزمان و بعدها صار نائبا للرئيس.
الشئ التاني ناس غرب ما قاعدين يجو علي ظهور امهاتم بل اكثرهم كان قد في طريقه الحج و عند العودة استقر بهم المقام في السودان و تزوجو. فالاصح ان امهاتهم من تراب هذا الوطن
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: Mahjob Abdalla)
|
تحيه وتقدير للأخ المحترم إسماعيل على هذا البوست وشكرا له على الوقفة القوية تجاه تيار الجاهليين الذى ينشط من كافة الطيف الحاكم و المعارض فى الاستهزاء بأصول عرقية معينة خلقها الله من ذات طينتهم والماء المهين. أنا أحمد الامين أحمد انتمى لقبيلة الفولانى التى تدخل ضمن مسمى الفلاتة الذين يسخر منهم أمثال الجاهلى السنجك علما أن المواطن السودانى يونس محمود ليس من الفلاتة حسب كضب السنجك الذى يكتب ساكت. يونس محمود من قبيلة عربية سودانية موطنهم الاصلى شرق دارفور لكنهم استقروا فترة المهدية بالمناطق حول سنجة عبدالله بالنيل الأزرق ولاية سنار حاليا .تحية مجددا للأخ إسماعيل. يا السنجك من سخريات الأقدار أن يربطك رحم مع صديقى العزيز المحترم المهندس خالد الزاكي .
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: احمد الامين احمد)
|
تحيه وتقدير للأخ المحترم إسماعيل على هذا البوست وشكرا له على الوقفة القوية تجاه تيار الجاهليين الذى ينشط من كافة الطيف الحاكم و المعارض فى الاستهزاء بأصول عرقية معينة خلقها الله من ذات طينتهم والماء المهين. أنا أحمد الامين أحمد انتمى لقبيلة الفولانى التى تدخل ضمن مسمى الفلاتة الذين يسخر منهم أمثال الجاهلى السنجك علما أن المواطن السودانى يونس محمود ليس من الفلاتة حسب كضب السنجك الذى يكتب ساكت. يونس محمود من قبيلة عربية سودانية موطنهم الاصلى شرق دارفور لكنهم استقروا فترة المهدية بالمناطق حول سنجة عبدالله بالنيل الأزرق ولاية سنار حاليا .تحية مجددا للأخ إسماعيل. يا السنجك من سخريات الأقدار أن يربطك رحم مع صديقى العزيز المحترم المهندس خالد الزاكي .
حبيبنا أحمد الامين تحياتي يا جميل ..
كلامك مؤثر جداً والتحية لك ولأهلنا الفلاني ..
من يقرأ تاريخ أفريقيا يعرف هؤلاء والرسالة التي حمولها
إلى أعماق القارة الافريقية والدول والممالك التي جلبت الاستنارة
للافارقة .. لا اعرف من الذي قام برسم تلك الصور النمطية القبيحة عن أهلنا في السودان
شكراً حبيبنا أحمد .. المداخلة عجبتني كثيراً ..
شكراً أخي إسماعيل ولك التحية وأنت دائماً تقف دفاعاً عن هؤلاء المهمشين
صدقني حبيبنا إسماعيل .. أتفقنا أو أختلفنا الاخ صديق الغالي ليه وحشة
شكراً إسماعيل ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: احمد الامين احمد)
|
عزيزنا محمد البشرى
أمثال السنجك كثيرين في السودان و يمارسون هذا الاستعلاء الاجوف , و الامر الاكثر حيرة ان احد الموضوعات المنشورة في هذا المنبر قبل فترة ليست بالطويلة يتحدث عن الحمض النووي لقبيلة السنجك و ارتباطهم بقبيلة اليوروبا في غرب افريقيا التي يتأففون منها , الدكتور عبد المطلب جاب قصر الكلام : اي زول ما بشبه اهل الحجاز فاليتبوأ مقعده مع قابئل شرق وغرب ووسط وشمال افريقيا ..
هبيبنا محجوب
هي ذهنية معروفة بمرضها البغيض هذا الذي فتت التراب و مازال يفتت فيه .
بعدين يا هبيبا امثال السنجك لو داير تفوّر دمهم قول ليهم افحصو الحمض النووي , مع انو عمليات الفحص الجيني لها قوائم بيانات في كل انحاء العالم و منشورة في السوشال ميديا ...
الاخ احمد الامين احمد
لك تحياتي و سلامي
اعتاد امثال السنجك بادخال هذه السموم من بين دفات البوستات الحيّة و الفاعلة التي تتناول قضايا اكثر اهمية للانسان السوداني و علينا فضحهم و رفع استفراغاتهم العنصرية هذه اعلى المنبر ليعلم من كان غافلاً ..
واخيراً اهلنا قالو البطن بطرانة فلا تستغرب الاشقاء من ام واحدة و اب واحد يكون احدهم شرير و الاخر قدّيس ..
الاخ علي عبد الوهاب عثمان
لك التحية و السلام
نحن هنا لقول الحقيقة ولو كانت موجعة و الحمد لله ما زال بالمنبر عقلاء يعرفون كيف يحكّمون الامور ..
انا لا اعرف الاخ السنجك معرفة شخصية ولا يوجد بيني وبينه موضوع شخصي وانما نحن ضد المفاهيم الخاطئة والسائدة في اوساط المجتمعات السودانية للأسف و التي يحملها الكثيرون في عقولهم ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: muntasir)
|
الذي توصل لهذا الإستنتاج هو الباحث الفرفار بروفسور عبد الله علي إبراهيم أستاذ شنو كدا بالجامعة الأمريكية شنو كدا
وليس ع ع إ الموالي للإنقاذ حسب مكاحرتكم للإنقاذ يا محجوب ومنا.
المقولة حقت منصور في حق الزعيم الأزهري
الحيثيات تشير إليه
نكران منصور غير مفيد ما لم يدعمه باسم صاحب المقولة، لأنو منصور لو لم يقلها، فهو بالتأكيد كزول قريب من تلك الصحيفة يعرف جيدا صاحب المقولة.
هكذا يكتب التاريخ
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: أبوبكر عباس)
|
اعتذر يا بك عن اتهامك باللفحي فانا الذي لفحت رد منصور بابي سفيان المشلوخ لم يكن علي هذه المقولة بل ما اعتقده منصور أن الشوق في انتقاده للراحل قرنق والجنوبيون انما يتمثل بمقولة ابن حرب "لا خير في مكان يكون فيه بلال شريفاً" ولم يقل الشوش ذلك فكان رد منصور البلوى أن يكون ابو سفيان مشلخاً
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: Sharif Nasirladeen)
|
الفلاتة قبيلة سودانية أصيلة .. وناس طيبين وأهل كرم وشهامة ..
ولا أحد يقبل أن يتم الزج بهم في سياق مشكلة لا دخل لهم فيها ..
ووجب على السنجك الاعتذار ..
لكن كمان يا اسماعيل انت تحديدا لا تملك الأرضية البتخولك تشجب عنصرية السنجك ..
لأنك أكبر عنصري في هذا البورد ..
كان توحي لغيرك بأن يشجب عنصرية السنجك ..
لكان الامر أكثر اتساقاً ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: جمال ود القوز)
|
مافي تحقير..دي حقيقة في فلاتة جو السودان عبر العصور لاسباب مختلفة والفلاتيةت بتحمل ولدا في ضهرا ودي حقيقة ايضا
طيب ازمة السودان في الناس المحسوبين على السودان في االمركز ومتنكرين لاصولهم هويتهم
يجو يتلمو في التنظيمات والايدولجيات الساقطة الجاتنا من مصر عبر الانقلابات ويبدو يشوهو في السودان ولمن تفتشهم بالثوائق يقعد يولول يقول دي عنصرية
المركز ده ليه بقتل االسودانيين في الهامش اذا كانو سودانيين
واذا كانو سودانيين ليه ما يحترمو الختمية والانصار ورموزهم والجمهوريين والجنوبيين وليه ما يحترمو القبائل السوداني في اركان السودان الستة وباحترامهم للديموقراطية البتجيب سودانيين جد جد يحكمو مش ذى عاهة الانقاذ
نحن قلنا الزول كان ما قادر يكون سوداني بالطبع حقو بيقى سوداني بالتتبطع ويونس محمود ومن هم على شاكلته طيلة عهد الانقاذ هم وصمة عار على السودان والسودانيين
طيب نظام الانقاذ ده عمل حملات ابادة لي
2000000 جنوبي"سوداني"
1000000 من جبال النوبة"سوداني
500000 من دارفور"سوداني
وفصل 67000 سوداني للصالح العام
وهسة شغل تجنيس بالرقم الوطني والجواز الالكتروني لليسوى وما يسواش...يكونو الناس ديل "سودانيين كيف"؟
واجهو الحقيقة في البورد ده ونحن طرحنا الحلول البسيطة البتخلي فعلا السوداني المحترم يحكم السودان وبالديموقراطية والجماعة يعيدو تدوير المركز وحكم المنبتين اللفيهو ديل
طيب فكو الاقاليم خلوها يحكموها ابناءها؟
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
سلامى للجميع
سماعين انت بتنفخ فى قربة مقدودة ,, بس زى مابقولو اهلنا : القحة ولا صمَّة الخشم
فى البوست المعنى ,, سألت الاخ السنجك ماذنب ابى يونس تصفه بالكلب؟
فاجاب لإنو جابو.
فآثرت الخروج من البوست ,, على ان اطيل امد البوست فتُظلَم اقوام اخرى بسبب فهومٍ كهذه...
وعندما سجَّلت اعتراضى على وصف يونس بالكلب وعدم الموضوعية فى ذلك انتقل الامر الى موضوع شخصى
فأٌلحقت بى الدمغات الجاهزة والمُعَدة سلفاً كدروع ثقَّبتها سهام الحقيقة والموضوعية فصارت دروعاً
لاتستر من يحتمى بها فوصفت بانى (ولد) استصغاراً ,, ومن اعوان النظام
ظنَّاً أن ذلك سيمنعنى من الكتابة كما ظنَّ غيره من قبل.
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: عبدالعزيز الفاضلابى)
|
المستنير ابوبكر عباس
السنجك لن يراجع نفسه ولا قريبه عادل امين , هي ذهنية و تربية اجتماعية خاطئة , تربوا عليها وورثوها من حبوباتهم و اجدادهم , مثل هذه العقليات لا ينصلح حالها الا بعد حدوث صدمة كبيرة في المجتمع السوداني و هزّة عنيفة تعيد الامور الى نصابها ..
ول ابا حماد حبابك
مافيها تمساح يقدل فيها الورل تفو عليك فلاتى حقير
هذه العبارة العنصرية الوقحة لو ردها احدهم لقائلها لاقام الدنيا ولم يقعدها , و لتطاقشت التلفونات لبكري و لكثر العويل ..
مشكلتنا نحن السودانيون اعوجاج رقبتنا لا يحتاج الى دليل وبذلك ننكر ضوء الشمس ..
منبر بكري يمثل السودان بكل تشوهاته و حسناته , من بين الركام يطل علينا القول السديد ..
شكراً عمر عثمان على التضامن مع كلمة الحق و لي فوق ..
إقتباس: "هل الأزهري ممن حملتهم أمهاتهم على ظهورن من بلاد كانم والبرنو؟
يا ابكر عباس هل تعلم ان معظم الذين يحتقرون الفولان في السودان هم انفسهم ترجع اصولهم اليهم ,
اليوم معظم رموز المجتمع و السياسة و المال و الاعمال لهم نسب مع ال عثمان دانفوديو ..
لذلك تجدهم يلعنون اليوم الذي ابتكرت فيه تقنية الحمض النووي ..
لو يعرفون قدر هذه القومية في افريقيا لركضوا ركضاً للانتساب لها بدلاً عن الهرولة خلف ال العباس الذين لا يقرون لهم بوصل ..
البلوى أن يكون ابو سفيان مشلخاً
هههههههههههههه
دا باص حلو يا منتصر..
الشلوخ القدر الليلة وباكر دي يودوها وين؟؟؟؟
شكراً يا عارف على المرور و الادانة..
جمال ود القوز مشكور على المساندة , خلينا نقف ضد عنصرية وازدراء السنجك لقوميةالفلاتة
اذا ناشك سهم مني فلك كامل الحق في فتح بوست معنون باسمي و مطالبة عضوية المنبر بالشجب واالادانة ..
فاضلابي لك التحية و السلام ..
من ازمات السودان الكيزان و الشيوعيين
وجهان لعملة واحدة
الكوز لو اختلفت معاه يطلعك زول شيوعي
الشيوعي تخالفه خطه يمرقك كوز نتن معفن ..
الاتنين قاموا بانقلابات عسكرية دموية ادخلت السودان في جحر ضب خرب ..
الاتنين دمويين في ادارة خلافاتهم ..
الاتنين خبيثين في تناولهم للشأن العام ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
Quote:
جمال ود القوز مشكور على المساندة , خلينا نقف ضد عنصرية وازدراء السنجك لقوميةالفلاتة
اذا ناشك سهم مني فلك كامل الحق في فتح بوست معنون باسمي و مطالبة عضوية المنبر بالشجب واالادانة ..
|
لم أفكر من هذه الزاوية الضيقة ..
وللاسف انت نايش بي سهامك الفلاتة وغيرهم من اثنيات ..
لأنك انت من تعطي الآخرين الضوء الأخصر للاساءة لهم عبر طرحك العنصري ..
لا فرق يذكر بين عنصرينك وعنصرية السنجك يا اسماعيل يا اخوي هذا ان لم تجاوزها ..
والبورد ده شاهد على كتاباتك العنصرية الفجة ..
ليتك تكتب بهذه الطريقة الرزينة لأن وقعها أمضى وأبلغ ..
وكتر خيرك على الشكر ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: aosman)
|
تقول يا عادل أمين | Quote: مافي تحقير..دي حقيقة في فلاتة جو السودان عبر العصور لاسباب مختلفة والفلاتيةت بتحمل ولدا في ضهرا ودي حقيقة ايضا |
نعم كلامك سليم يوجد فلاتة جاؤوا من برة السودان ونساءهم يحملن اولادهن على ظهورهن وكذلك أم سيدنا بلال رضي الله عنه سوداء هذه حقيقة أيضا و كذلك كان بعض الموريتانيين رقيقا و يغسلون ايادي أجداد ولد الطائع هذه حقيقة أيضا
السياق يا عادل هو الذي يجعل ذكر هذه الحقائق تحقير كما فعل أبو ذر مع بلال رضي الله عنهما وكما قال ولد الطائع رئيس موريتانيا الأسبق عن بعض معارضيه
السياق الذي ذكر فيه السنجك الاصول المزعومة ليونس محمود ومهدي ابراهيم هو الذي جعل الجميع يقرأ ويرى التحقير المقصود في ما عداك
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: محمد البشرى الخضر)
|
اقتباس-نعم كلامك سليم يوجد فلاتة جاؤوا من برة السودان ونساءهم يحملن اولادهن على ظهورهن وكذلك أم سيدنا بلال رضي الله عنه سوداء هذه حقيقة أيضا و كذلك كان بعض الموريتانيين رقيقا و يغسلون ايادي أجداد ولد الطائع هذه حقيقة أيضا
السياق يا عادل هو الذي يجعل ذكر هذه الحقائق تحقير كما فعل أبو ذر مع بلال رضي الله عنهما وكما قال ولد الطائع رئيس موريتانيا الأسبق عن بعض معارضيه
السياق الذي ذكر فيه السنجك الاصول المزعومة ليونس محمود ومهدي ابراهيم هو الذي جعل الجميع يقرأ ويرى التحقير المقص-انتهى الاقتباس
الاخ العزيز
عشان نكون واضحين جدا جدا يجب ان نواجه االحقيقة..عن المكونات الاجتماعية في المركز التي ليس لها انعاكاسات في الاقاليم..لا ينتمون الى قبائل سودانية معروفة فعلا او لا يعترفون اصلا بهذه الانتماءات والسودان مجتمع قبلي بنسبة 96%
ثانيا السوداني معرف سلوكيا في المنطقة العربية ولافريقية والعالم ايضا.."السوداني بالطبع"
قانون الجنسية السوداني حدد من هو السوداني بالميلاد "الجنسية الخضراء ومن هو السوداني بالتجنس الجنسية البنية من 1957
لمن زول يتطاول على حضارة السودان واحزاب السودان وطوائف السودان والمهدية ويهين الجنوبيين ويمنع لجمهوريين من حقهم السياسي ويكش الجنوبيين في المركز ويقتل السودانيين في الهامش وويتطاول على القبائل السودانية لازم يوضع حت المجهر في اطار علم النفس الاجتماعي
عبر هذه الفئات
1- عتقاء حملة كتنشر من الرقيق التركي المصري الممتد من 1821- 1902- مرسوم كتنشر موجود
2- اولاد السرارة في الاقليم الشمالي من شندي لي حلفا
3- الحلب
4- الفلاتة المستعربين
5- المهجرين قسريا في زمن عبدالله التعايشي في المركز-جاحدين قبائلهم واصلهم دون مبرر..عندهم "عقدة الخرطوم
هل هذه الفئات الاجتماعية-موجودة في المركز..اما اني اخترعها-؟
الطيب الناس ديل ليه تماهو مع المجتمع السوداني والديموقراطية والاحزاب والقبائل والطوائف وقشرو لينا بي قرف مصر من ناصرية وشيوعية واخوان مسلمين وحتى حركة 1924 اللواء الابيض حالة استلاب؟
الاجابة: لانهم الفئات الوحيدة في المجتمع السوداني التي تحس بشعور متاصل بدونية ومركبات النقص حيال مصر ولا يوجد غيرهم يحس بذلك..اذا عثمان يمني نفسه شلخ نفسه عشان يكون شايقي مع انه عربي اصلي يمني
ناس المركز ديل بتمسحو باالكريمات ليه؟ وليه بشعروا بالدونية حيال مصر التي لا تحترم السودان ولا السودانيين وتعلنه في فضاءياتها الكئيبة نهارا جهارا وبتبنون بضاعاتها البايرة حتى الان على حساب حاجات السودان
ياخ نحن مش احسن نرجع الاقاليم والديموقراطية وننقل العاصمة كوستي ونريج نفسنا من وجع الراس ده والناس المعقدين ديل ؟؟الما بتعجبهم قصص عبدالعزيز بركة ساكن لانها تشير الى الهوية كثيرا
****
هسة ينط جاهل موتور من ناس"بقلاة حاحا..الغارزة ونطاحة" يقول ليك الحقائق دي عنصرية
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
الاخ جمعة هري وعليكم السلام و مرحب بك شاجباً للسلوك المستعلواتي من الزميل السنجك ..
الاخ oasman انها منتنة حقاً . بس دايرنك تقول ادين و اشجب و استنكر ..
الاخ عادل أمين
عشان نكون واضحين جدا جدا يجب ان نواجه االحقيقة..عن المكونات الاجتماعية في المركز التي ليس لها انعاكاسات في الاقاليم..لا ينتمون الى قبائل سودانية معروفة فعلا او لا يعترفون اصلا بهذه الانتماءات والسودان مجتمع قبلي بنسبة 96%
هؤلاء هم المتمدنون الذين انصهروا في مدنهم هذه و أذابوا حواجز وهواجس القبيلة و اصبحوا يدينون بالولاء الى المدينة التي يقطنونها و هم ليسوا مقطوعين من شجرة بل اتوا من جميع قبائل السودان غرباً وشرقاً و شمالاً وجنوباً..
1- عتقاء حملة كتنشر من الرقيق التركي المصري الممتد من 1821- 1902- مرسوم كتنشر موجود 2- اولاد السرارة في الاقليم الشمالي من شندي لي حلفا 3- الحلب 4- الفلاتة المستعربين 5- المهجرين قسريا في زمن عبدالله التعايشي في المركز-جاحدين قبائلهم واصلهم دون مبرر..عندهم "عقدة الخرطوم
هؤلاء سودانيون , ليست لديك اي افضلية في حق الانتماء و المواطنة و الحقوق الواجبات اكثر منهم , وكذلك لهم حق انتقاد الاحزاب السودانية جميعها ولهم حق التنظيم و العمل السياسي ..
لانهم الفئات الوحيدة في المجتمع السوداني التي تحس بشعور متاصل بدونية ومركبات النقص حيال مصر ولا يوجد غيرهم يحس بذلك..اذا عثمان يمني نفسه شلخ نفسه عشان يكون شايقي مع انه عربي اصلي يمني
اكتر ناس في السودان لديهم مركب نقص تجاه المصريين هم كل قاطني الشريط النيلي ..
ياخ نحن مش احسن نرجع الاقاليم والديموقراطية وننقل العاصمة كوستي
في دي بتفق معاك.
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
'طيب هل عندهم حق يهينو
الجنوبيين والنوبة في الخرطوم بي الكشة
هل عندهم حق يحقروا المهدية وتاريخها في طرد تجار الرقيق الاتراك
هل عندهم حق يهينو الرموز الوطنية والاحزاب السودانية والدين السوداني من ختمية وانصار وجمهوريين ويتبنو الايدولجيات المصرية الوسخة من ناصريين وشيوعيين واخوان مسلمين ويفرضوها علينا بالانقلابات
وبتمسحو بالكريمات ليه؟؟
عاملين فيها عرب ليه
والبحس بي الدونية حيال مصر ليس السودانيين اطلاقا
والعيش في المدن السودانية وتحديدا الخرطوم ليس تمدن لانه الخرطوم دي ما فيها اي حاجة ما موجودة في مدن الاقاليم السينما والكورة وغيرها
السودان مجتمع قبلي وحتى الان القبائل معروفة ومعرفة وقاعدة في الاقاليم
وهسة هذا النظام يتحكم فيه منبتين المركز ويمسخو هوية السودان باعطاءالجنسية والجواز للكل من هبد ودب من غير السودانيين ويمنعو السودانيين الاصليين منها في الخارج ويعجزوهم بواريق ثبوتية غير الجوا\ز الطلعو بيه من السودان وفيه رقم الجنسية الخضاء بتاعة جمهورية السودان 1957..لماذا يستهدف نظام السودانيين ويقتلهم في الهامش اذا كانو هم فعلا سودانيين
وليه ما يرجع الاقاليم يخلي الناس تحكم نفسها في الاقاليم عبر الفدرالية المعصلجة من 1956
ديل بروز...ولا يمثلون السودان ومعقدين ومشوهين ومفروض ما يحكمو السودان ابدا بسء خلقهم المفضوح الذى جلب العار للسودان والسودانيين والكولروكس الوحيد البنظف السودان هو الديموقراطية والاحزاب الوطنية اذا هم سودانيين جد ينضمو للاحزاب السودانية وينتظروا تجيبهم الانتخابات
ومصر ذلت السودان والسودانيين عبر هؤلاء الاوغاد من ايام الصاغ صلاح سالم والماخور الذى نصبه لضباط الجيش السوداني في ام درمان من ولاد السرارة الى اليوم السيسي ايضا يهين السودان باعتماده البشير ونظامه حليف له وليس القوى الديموقراطية الحقيقية التي تمثل السودان
في فرق كبير بين القبائل في السودان والبروز
والسودان ما فيه عبيد اطلاقا
فيه قبائل والباقين بروز
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
'طيب هل عندهم حق يهينو الجنوبيين والنوبة في الخرطوم بي الكشة
من اهان الجنوبيين هم الشماليون جميعهم , نظرتهم المحتقرة للانسان الجنوبي ليست خافية و يجاهرون بها , وعندما اقول الشماليين اعني شمال السودان الكبير من بورتسودان الى الجنينية ومن حلفا الى كادقلي ..
هل عندهم حق يهينو الرموز الوطنية والاحزاب السودانية والدين السوداني من ختمية وانصار وجمهوريين ويتبنو الايدولجيات المصرية الوسخة من ناصريين وشيوعيين واخوان مسلمين ويفرضوها علينا بالانقلابات وبتمسحو بالكريمات ليه؟؟
أي رموز وطنية ؟
آل ميرخان ؟
ولا آل نجار المراكب ؟
السودان سوق و البضاعة التي تجد لها رواج هي اللي تسود , ما في زول دقوه في يده وقالو ليه ابقى ناصري ولا بعثي ولا شيوعي و لا اخو مسلم..
البتمسحو بالكريمات اليوم هم سكان السودان الاصليين ..
عاملين فيها عرب ليه
ده الاستلاب الذي عم كل السودان الاسود للاسف ولا يمكن حصر هذه الحالة الاستلابية على احد ولكنها اكثر هوساً في الشريط النيلي رغم ان هذا الشريط له جذر ضارب في العراقة و الحضارة الكوشية ..
والبحس بي الدونية حيال مصر ليس السودانيين اطلاقا
السودانيون جميعهم لديهم هذا الاحساس الدوني تجاه انسان الشرق الاوسط و القادم من بلاد العم سام ..
والعيش في المدن السودانية وتحديدا الخرطوم ليس تمدن لانه الخرطوم دي ما فيها اي حاجة ما موجودة في مدن الاقاليم السينما والكورة وغيرها
المدن الثلاث الخرطوم و بحري و ام درمان , جميع الذين ولدوا وترعرعوا فيها بريئين من فايروس القبيلة وهذا هو النموذج الذي يجب ان يكون عليه انسان السودان و اضيف الى هذه المدن مدني,سنار,الابيض ,عطبرة, الفاشر ,بورسودان , كوستي الخ... جميعها لا يقل الانسان فيها مدنية عن زول المدن الثلاث بل نجد مدن مثل سنار ومدني و الفاشر هي الاقدم و الاكثر عراقة من المدن الثلاث..
وهسة هذا النظام يتحكم فيه منبتين المركز ويمسخو هوية السودان باعطاءالجنسية والجواز للكل من هبد ودب من غير السودانيين ويمنعو السودانيين الاصليين منها في الخارج ويعجزوهم بواريق ثبوتية غير الجوا\ز الطلعو بيه من السودان وفيه رقم الجنسية الخضاء بتاعة جمهورية السودان 1957..لماذا يستهدف نظام السودانيين
انا ضد منح الجنسية السودانية للسوريين و المصريين(البيض) لكني اؤيد منحها للنوبيين من جنوب مصر والارتريين و التشاديين لانهم امتداد طبيعي للسودان ..
ويقتلهم في الهامش اذا كانو هم فعلا سودانيين
من قتل السودانيين في الهامش هم ليسوا ناس الخرطوم بل هم اقلية من الشريط النيلي و بعض من اهل الهامش انفسهم ..
يرجع الاقاليم يخلي الناس تحكم نفسها في الاقاليم عبر الفدرالية
هذا البند اذا تحقق لكفى السودان نفسه شر الانشطار و الانقسام ..الفدرالية الحقيقية واهم شيء يكون في استقلال تام في الناحية الاقتصادية , بمعنى ان يكون لاي اقليم الحق في التعاقد مع الشركات العالمية في تنقيب البترول و الذهب و المعادن الثمينة على ان يكون لاي اقليم نسبة مساهمة في الخزينة الاتحادية حتى يتم دعم الاقاليم الاقل دخلاً و ناتجاً اجمالياً ..
والسودان ما فيه عبيد اطلاقا فيه قبائل والباقين بروز
كلمة بروز هذه لا مكان لها في سودان اليوم المشرئب الى التغيير الشامل او الانقسام الكامل ..
اليوم لا تستطيع ان تخصم من سودانوية اي فرد حايم في السودان من بورسودان الى الجنينية و كل فرد من هؤلاء لها مسوغه و له حقه في امسودان ..
حديثك هذا ذكرني بشاب سوداني ممن نطلق عليهم اسم الحلب و كنا في سنة اولى غربة و كان السكن ضام لكل لون الطيف الاثني السوداني
ناس من الجزيرة وناس من الشمالية والشرق و ناس من كردفان ودارفور
وناس امدرمان .. كانوا الاكثر اريحية و تسامح فطري تجاه قضايا التنوع العرقي في السودان ..
الجميع تحدث بفخر عن بطولات اجداده منهم من تفاخر بالمهدي و منهم من اصابه الزهو بنضالات ول تورشين و بعضهم سرد بطولات جده المك نمر و معنا ادروب صاح صارخاً يقول ان مهندس العمليات الحربية هو جده عثمان دقنة ..
كان هذا الشاب الامدرماني (الحلبي) صامتاً فسأله احدهم متعنجهاً وانت جدك سوّى شنو ؟
رد هذا الشاب ردً افحم الجميع ..
قال: جدي جاء غازياً وفاتحاً وهازماً لاجدادكم الذين تفاخرون بهم ..
هذا هو السودان take it or leave it
تقسيم الناس الى فلاته و حلب ونوبة و .. و .. لا يجدي نفعاً يا عادل ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
لازم تفرق بين ناس المركز(منبتين) والشماليين (قبائل)
ومشكلة السودان في المركز وليس في الشمال
وما تفرض علينا ايدولجيات المصر المعفنة بالانقلابات والقوة كان تخلينا في ختمية وانصار وجنوبيين وجمهوريين ومع ديموقراطية وست منستر والانجليز ونجار مراكب ولى تاجر ده ما بخصك طال ما تشكل حزب يعبر عن هذه الطوائف ويضم الملاييين من السودانيين مش الايدولجيات المنبتة المفروضة علينا بالقوة هسة دي وعمرها ما فازت بي الانتخابات وشنو البخلي عبدالرحيم حمدي وزير مالية ومن يمثل في السودان غير الحلبي بتاعك ده الضربت بيه مثل نفذ سياسات الجرعات والخصخصة وقتا بها كل الشعب السوداني وكان ساكن في الهلتون..هسة لو في ديموقراطية في السودان مستمرة كان ذى ده اتريس او استورز حتى مع ناس محمد سليمان او منصور خالد او فيصا عبدالرحمن علي طه او حتى التجاني عبدالقادر
اذا كنت ترى الفدرالية هي الحل معناها المركز ده حيفقد الثروة والسلطة فورا حتى بعد فصله للجنوبيين لاضعاف القوى السودانية الحقيقية..لذلك يكنكش في السلطة ويستمر في مسخ هوية السودانيين بطريقته العجيبة ونحن ليس ضد اخذ الجنسية السودانية باتجنس ولكن بقانون 1957 وليس بايدولجية الاخوان المسلمين الساقطة والمجرمة التي لا تحترم المواطن ولا الوطن
وبعيدن خلي التعميم المخل بتاع كل السودانيين ده
لا عبدالرحمن المهدي
ولا السيد علي الميرغني
ولا الجمهوريين
ولا الجنوبيين
بحسو باالدونية حيال مصر وقالو فيها راي واضح وموثق ولا الخارج سودانيين صميم وعاجباهم نفسهم ويمثلون كل القبائل السودانية والمعروفة ومعرفة وعثمان اليمني العربي شبخ نفسه شايقي وباراهيم دينق غنى بالطمبورالبخلينا نحس بالدونية شنو حيال المصريين او العرب ...
لكن من علي عبداللطيف"اولاد السرارة" وحركة اللواء الابيض وعتقاء حملة كتنشر 1902 واحفادهم البقو ناصريين وشيوعيين واخوان مسلمين وبعض جماعة الوطني الاتحادي من الفلاتة المستعربين والى اليوم هذه هي الفئات التي تشعر البدونبة حيال مصر والعرب والخارج وتتمسح بي الكريمات في الخرطوم بس عشان يبقو عرب ومع متنطع علجوم الانقاذ حسين خوجلي والفضائيات المزيفة والمملة التي لا تشبه السودان ةتنقل صورة مزيفة عنه
واجه الحقيقة اولا ما عيب ده علم اسمو علم النفس الاجتماعي السياسي بتعلب فيه C.I.Aعبر العالم...كل زول يقعد في حجمه الطبيعي في السودان وعبر الديمقوقراطية
اما حل مشكلة السودان فهو ما جاء به جون قرنق وبالمختصر المفيد تلقاه تحت في الرسمة دي(الفدرالية وعودة الاقاليم هي الحل)
اي زول تجيبو الانتخابات على العين والراس واي زول تجيبو انقلابات ويقعد في راسنا ده منبت وساقط وبروز كمان وينفذ اجندة خارجية ويقتل السودانيين دون مبرر لان الصهيوينة تعتمد على الفئات المتدينةاجتماعيا لتمرير مشاريعها الوضيعة وتقتل الشرفاء ذى الازهري والهادي المهدي ووليم نون و محمود محمد طه وجون قرنق الذين يتصدوا لها
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: adil amin)
|
الديمقراطية ليست جزء من ثقافة الشعب السوداني - كما قال اخونا عارف من قبل ..
احزاب الامة و الاتحادي لا تمارس الديمقراطية في اوساطها فكيف يمكن ان يعوّل عليها , هذه الاحزاب انتهت و سوف لن تقوم لها قائمة اطللاقاً , الله يجازي محن الكيزان ..
الحزب الذي يعوّل عليه هو حزب المؤتمر السوداني الذي ضرب مثالاً حقيقياً في الممارسة الديمقراطية و التدوال السلسل لرئاسة الحزب ..
الحركة الشعبية تحتاج الى ان تطور نفسها خاصة من بعد الانفصال , فهنالك مستجدات كثيرة في الساحة لذا وجب عليها تحديث خطابها السياسي و الخروج من قوقعة المنطقتين ..
عبد الرحيم حمدي ما غلطان , غلطانين الناس الجابوه و ادوه الصلاحيات الواسعة لتخريب الاقتصاد السوداني.
وانتمائه الاثني لا ينتقص من حقوقه المدنية وتمتعه بما يتمع به من ذكرتهم ..
مأخذنا عليه هو اختراعه لفلسفة مثلث حمدي العنصرية و الجهوية فيما عدا ذلك لا دخل للونه ولا اصله بسلوكه السياسي ..
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
تحية مجددا الأخ إسماعيل على البوست الفاضح لعقلية بعض الجاهليين و الجهلاء الذين تعج بهم الاسافير السودانية
التى تتيح للأسف لكل جاهل وجاهلى و كضاب دلق ما يريد دون أن يرمش له جفن.
الجاهل السنجك مثلما كذب أن المواطن السودانى يونس محمود فلاتى فقد كذب أن الفلاتة و غيرهم من ناس غرب إفريقيا
وفدوا إلى أرض الله الواسعة بالسودان للعمل فى مشروع الجزيرة. لو اجهد الكضاب السنجك نفسه و طالع تاريخ و جغرافيا و ديموغرافية السودان
لوجد أن وجود الفلاتة و إخوانهم من غرب إفريقيا من الموحدين تحديدا لهم وجود سابق لمشروع الجزيرة و دخول الخواجات أنفسهم للسودان بسبب
وقوع السودان فى درب الحج عبر عبور المالح و ارتباط هؤلاء السودانيين المهاجرين بالطرق الصوفية و المذهب المالكي و رواية الدورى التى تربطهم بالسودان عبر أهله غير المهاجرين عدا أهل بربر و سواكن
وهذا مبحث قتله علماء تأريخ واجناس و دين عبر كتب بأكثر من لسان و تعج مكتبات أكثر من جامعة بكتب و بحوث واطروحات حول ذلك لكن السنجك وغيره من الجهلاء لا يقرأون قبل إرسال أكاذيبهم عبر هذا المنبر الذى وفر منصة
لأى كضاب بدلق كذبه .
يا السنجك لو أجهدت نفسك وقرات رسالة الدكتور السودانى عمر النقر أستاذ التأريخ الإسلامى الافريقى بجامعة الخرطوم وهى أطروحته فى جامعة لندن وصدرت فى كتاب
لوجدت كيف دخل الفلاتة وغيرهم من مسلمى غرب افريقيا السودان كأرض لا يملكها سوى الخالق فى رحلاتهم المقدسة صوب بكة ويثرب شرفهما الله وقدر لبعضهم المكث فيها قبل
عقود و قرون من سن قانون الجنسية السودانية 1957 ( عام طلوع محمد وردى فى الإذاعة ) وهو قانون منح الجنسية بضوابط لكل أبناء قبائل السودان المهاجرين من جزيرة العرب شأن قبيلتك رغم إدعاء بعض جهلة أبناء قبيلتك
أنهم نوبيون وهذا خطل علما أنهم أستقروا فى رقعة أصلا إمتداد لأرض النوبيين جنوب الشلال الثالث ولم يغيروا معظم اسماء البلدان النوبية فيها ( راجع ياالسنجك مقال العلامة السودانى جعفر ميرغنى حول المعربات السودانية ) .
لو علمت يا السنجك تأريخ السودان وطنى و وطن أهل من الفلاتة وغيرهم من القبائل المهاجرة و المستوطنه و كذلك أحفاد الاتراك و الأقباط لوجدت أن مشروع الجزيرة الذى زعمت ان الفلاتة تم تهجيرهم لأجل العمل فيه وهذا ليس عيبا رغم كضبك
قد تم تأسيسه فلى عهد القرن العشرين تحديدا الثلث الأول فيه رغم أن للفلاتة وغيرهم من مسلمى غرب أفريقيا وجود بارز فى السودان قبل ذلك بعقود وقد شاركوا فى حروب المهدية التى سبقت دخول الانجليزى مؤسسى مشروع الجزيرة نفسه .
ثم إن سمعت مدائح الصوفى العابد أبونا حاج الماحى وقد توفى قبل المهدية لوجدت فيها مفردات من الحوشى هى اصلا مفردات من لسان الهوسا المبين وقد علل محقق الديوان الراحل عمر الحسين و لعله من قبيلتك المحترمة التى أنجبت ثلة من المحترمين من لدن عثمان حسين و كفى !علل هجرة تلك المفردات من لسان الهوسا إلى مديح أبينا حاج الماحى إلىى أنه فى حجه بكه على تلك الجمال المزعوبة حد وصفه قد رافق حجيج من قوافل الفلاتة كانوا يمرون قديما بديار المناصير أهله وجيرانه من بنى شايق
فالتقط منهم مفردات وظفها فى مديحه المقدس منها مفردة ( منزو ) وتعنى النبى صلى الله عليه وسلم مثلما خلد حاج الماحى مرور الفلاتة قبل مشروع الجزيرة -حسب كضبك بالسودان تجاه يثرب للمجاورة حسب المذهب المالكى ( راجع دكتور عمر النقر ) بقوله مخاطبا
سيدى طه المصطفى :
حُبك فى قلوب الأمة حراقو
جاب تكرور محزمة تمشى ساساقو
شايلين قريعتن و الخلق دلاقو .
* تنبيه : قد تكون بعض مفردات المديح غير دقيقة للبعدى عن ديوان سيدى حاج الماحى .
أخيرا تحية للأخ أسماعيل صاحب البوست وعلى ضوء العنوان الفلاتة قبيلة سودانية ونملك نحن أفرداها جنسيات حسب قانون الجنسية و أرقام وطنية شأن غيرنا من مواطنى السودان بمختلف قبائله
ونملك كذلك أراضى و ماشية و لنا وجود فى كافة أوجه الحياة السالبة و الموجبة بالسودان القديم و الجديد .
بحكم حرية وسهولة التعبير فى الكتابة فليكتب و يكضب من شاء فى حق القبائل لكن فى الواقع لن يستطيع أى مخلوق نزع المواطنة السودانية الكاملة من قبيلة الفلاتة و غيرهم من قبائل وفدت عبر المالح أو من تركيا و غيرها
.
تحية مجددا وعذرا على أى مفردة حادة .
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: احمد الامين احمد)
|
لك التحية و السلام اخي احمد الامين احمد
* تنبيه : قد تكون بعض مفردات المديح غير دقيقة للبعدى عن ديوان سيدى حاج الماحى . أخيرا تحية للأخ أسماعيل صاحب البوست وعلى ضوء العنوان الفلاتة قبيلة سودانية ونملك نحن أفرداها جنسيات حسب قانون الجنسية و أرقام وطنية شأن غيرنا من مواطنى السودان بمختلف قبائله ونملك كذلك أراضى و ماشية و لنا وجود فى كافة أوجه الحياة السالبة و الموجبة بالسودان القديم و الجديد . بحكم حرية وسهولة التعبير فى الكتابة فليكتب و يكضب من شاء فى حق القبائل لكن فى الواقع لن يستطيع أى مخلوق نزع المواطنة السودانية الكاملة من قبيلة الفلاتة و غيرهم من قبائل وفدت عبر المالح أو من تركيا و غيرها
| |
|
|
|
|
|
|
|
|
|
Re: يا السنجك ما تغلط , الفلاتة قبيلة سودانية . (Re: اسماعيل عبد الله محمد)
|
اقتباس-الديمقراطية ليست جزء من ثقافة الشعب السوداني - كما قال اخونا عارف من قبل ..
احزاب الامة و الاتحادي لا تمارس الديمقراطية في اوساطها فكيف يمكن ان يعوّل عليها , هذه الاحزاب انتهت و سوف لن تقوم لها قائمة اطللاقاً , الله يجازي محن الكيزان ..اقتباس
هذا ما فعله البروز من مؤتمر الخريجين لصالح مصر ..انه الديموقراطية بتاعة الانجليز ما بتنفع..وانه الاحزاب التي لها خلفية دينية سودانية ختمية وانصار ما بتنفع والبتنفع الناصرية والشيوعية وحستو والجبهة المعادية للاستعمار...طيب الحزب الجمهوري- اسس دستور السودان 1955- اول برنامج للدولة السودانية الفدرالية الديموقراطية في السودان مالو..ليه ما بنفع...وهسة الحركة الشعبية التي هي امتداد للحزب الجمهوري الاشتراكي بتاع ابراهيم بدري وبرنامجا اتفاقية نيفاشا ودستور 2005 ومرقو ليها ناس يسدو عين الشمس في الخرطوم والاقاليم مالا ما بتنفع ..ينفع حزب طلابي بتاع المستقلبن ده بس وذة نوعك ده فعلا لا يعرف شيئا عن السودان وتاريخ الحركة الوطنية السودانية الحقيقية ..نفع وعدم نفع الحزاب تحدده الديموقراطية والشعب والانتخابات...مش ناس منبتين فاقدين البوصلة
اقتباس الحزب الذي يعوّل عليه هو حزب المؤتمر السوداني الذي ضرب مثالاً حقيقياً في الممارسة الديمقراطية و التدوال السلسل لرئاسة الحزب .-انتهى الاقتباس.
دي ما تهمنا..الحزب يحدده الشعب وصناديق الاقتراع والديموقارطية الجابوها لينا الانجليز وليس الانقلابات والثورات المزيفة ذى ثورة اكتوبر وابريل مثلا
-اقتباس الحركة الشعبية تحتاج الى ان تطور نفسها خاصة من بعد الانفصال , فهنالك مستجدات كثيرة في الساحة لذا وجب عليها تحديث خطابها السياسي و الخروج من قوقعة المنطقتين .-انتهى الاقتباس.
ا انت المحتاج تطور نفسك عشان تسوعب برنامج جون قرنق لحركة الشعبية الاصل برنامجا لحدي هسة مافي زول وصلو وموجود مكتوب في اتفاقية نيفاشا ودستور 2005 وجهل الناس بالجنوبيين والاستخفاف بهم هو ازمة السودان وانفصال الجنوب شوه السودان وافقد السودانيين هويتهم الاصلية في الهامش اما في المركز بقو في العرب وما عرب وفلاتة وما ادراك ما فلاتة ويتمسحو بي الكريمات في المركز..الحزب الوطني هو الذى لا يقر ابدا بي انفصال الجنوب بل بفدرالية الدولة االسودانية حتى نتحرر من اصر المركز والبروز والنجلت والكعوك المزمن الفيه ده
اقتباس -عبد الرحيم حمدي ما غلطان , غلطانين الناس الجابوه و ادوه الصلاحيات الواسعة لتخريب الاقتصاد السوداني.-انتهى الاقتباس
جابوه بروز المركز عبر الانقلاب وقبلهرجابو بروز القوميين والشيوعيين 1969 ايضا عينات زيو غيروا العلم والتعليم والشعار وشوهو الاقتصاد والخدمة المدنية والقوات النظامية والامن وقتلو الازهري والهادي المهدي وهم ادوات رخيصة للمخابرات المصرية وجهاز امن نميري لا زال ماسك البلد مع االبشير...والديموقراطية والاحزاب الوطنية ما كانت جابت زول ذى ده ابدا ..والسودان لم يحكمه ابناءه النظيفين حتى الان ..
اقتباس وانتمائه الاثني لا ينتقص من حقوقه المدنية وتمتعه بما يتمع به من ذكرتهم -اقتباس
لو في محكمة دستورية عليا فاعلة كانت ختتو في السجن وكانت سحبت منه الجنسية السودانية بالتجنس بتاعتو دي بتهمة تخريب الاقتصاد السوداني وبيع البلد عبر سياسات للبنك الدولي ..
اقتباس -مأخذنا عليه هو اختراعه لفلسفة مثلث حمدي العنصرية و الجهوية فيما عدا ذلك لا دخل للونه ولا اصله بسلوكه السياسي -اقتباس ..
ليه دخل لاصله بسلوكه السياسي لانه لمن يبقى الزول ما سوداني بالطبع احسن يكون سوداني بالتطبع ويحترم السودان المساحتو ملوين ميل مربع والاحزاب الموجودة فيه والديوقراطية ولو جا بي صناديق الاقتراع مافي زول بفتش اصلو فصلو حتى لو استلم وزارة سيادية ذى وزارة المالية...مش عبر نظام حثالة سياسية منبتة مجرمة عملت عبر العصور على تدمير السودان بي مشاريع مشبوهه وافدة على حساب البرنامج الوطنية والمشروع البريطاني في السودان ديموقراطية وست منستر في المركز
والسؤال من اين جاءت مكونات المركز في السودان؟
والسودان دولة قائمة على القبائل في الاقاليم الستة ولها تمثيل نسبي في المركز
اسقاط النظام القبلي والقبائل في السودان هذا عهر اكاديمي مارسه الشيوعيين والكيزان بسبب اصولهم المشوهة فعلا
| |
|
|
|
|
|
|
| |
اسماعيل عبد الله محمد
محمد حيدر المشرف
Aamer Hussin
طه جعفر
د.عبد المطلب صديق
adil amin
محمد البشرى الخضر
Mahjob Abdalla
احمد الامين احمد
علي عبدالوهاب عثمان
أبوبكر عباس
MAHJOOP ALI
عمر عثمان
Sharif Nasirladeen
جمال ود القوز
عبدالعزيز الفاضلابى
جمعة هري بوش
aosman
فيس بوك
تويتر
انستقرام
يوتيوب
بنتيريست