الناس المُريحين..

السلام السلام يا مولاي ,, طفولة باكرة بتلك النواحي لا زالت عالقة بالذاكرة,, وعبد الرحمن عبدالله وجدي ريلو وضابط سجنو وود بندتو
وزولو السرب سربا وصوت الكوراك غرب الجبال ديلاك و جبال نوبة وجبل مرة واٌقاصيص خيال,, إنا لله,,
ياخ بلد سمح زي دا يحكموه ناس شينين زي يضيعو علينا حاجات سمحة زى!!!!!!

عارف يا أيمن، نحن محظوظين بالحيل، أي زول حام مع أهله أرجاء السودان سيما الأرض
الممتدة بين حدودنا مع الحبشه وحدودنا مع تشاد . نعم، يمكنك معرفة ثقافة الناس وفنونهم وأنت تقرأ
عنها أو تشاهد أو تسمع في ناشونال جيوقرافيك ، لكن أن تعيش تلك الثقافة والفن واقعا ولعدة سنوات
يجعلك (تستطعمها) وتتذوقها في كل خلايا اللسان والقلب. الزول السرب سربا وخلاّ الديار غربا
ويطلب (الشربه) ليواصل المسير ك ultimate warrior في سعيه المقدس الليموني المجيد ،
لا يعرف نوع (شربته) إلا من خبِر الدونكي ومخزون التبلدي والخّرّج العبِق الرائحة والقِربه
رفيقة السفر كزاد معها صورة الحبيب موهطة ديجيتال في الخاطر. إمبراطوريه سمحه زي دي يا أيمن ،
كما علمنا التاريخ، لابد أن تندثر على يد فئة ما ، لازم.
يا أيمن ، نحن لم نعمل بوصية يعقوب لبنيه ألا يدخلوا من باب واحد وكانت النتيجة أننا (أدونا عين)..