قفة الملاح صعبت خلاص كيفن يكون بس الخلاص عيشة المرتب ما بتكفي ماكف تيشيلها من يدك رياحقبال تصل بيتك تكون كملت خلاص والباقي لوفضل قليل يكمل دغش من الصباح كيف الدبارة ولسة جبنا الملاح ما اصلو كم ؟ ما هية ما حقت نصاح وانا لا ني وارث لابشيل من الحرام عرق الجبين كداري لو صل ابني الكساح اكدح عشان اولاد صغار زغب الحمام وضمير نضيف ما بقبل ملام ما نحن اولاد النديهة المانجيهة من الصباح نكدح عشان قفة ملاح كيفن نجيب قفة ملاح والحالة ضيق الحالة ما بتسمح تجيب وناسن تكدس في السلاح ونسان تطالب تطلق سراح وناسن تهج برة البلد تركب مراكب الموت يا اما اتخارج مرق يا اما مات واستراح والقصة في الاول وفي الاخر كمان قفة ملاح الحالة ضيق اضراب دكاترة عشان دوا معدوم وما عارفين نعالج او نقيف بالله كيف؟ ورينا بس نعمل شنو؟ نعمل مزارع؟ مزرع شنو؟ نزرع صبر نحصد علاقم فيها مر ننزف نزيف نزرع شنو النيل ضمر ونسانا وحياتك خريف ونرجع نقول علبتنا جد قفة ملاح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
د.محمد حسن
فيس بوك
تويتر
انستقرام
يوتيوب
بنتيريست