استاذنا يحي قباني اسعد الله اوقاتك بكل خير ياخي والمرحوم الاستاذ احمد الجابري فنان مبدع حد الثمالة وفعلا تقليده استعصى على كل المقلدين مثله مثل المبدع المرحوم خليل اسماعيل يصعب تقليدهم ... اما ما جئت به في هذا البوست فهي ملاحظة قوية منك لا يلاحظها الا من كان ضليعا في الفن وفي السمع فانت ماشا الله عليك فنان بالفطرة ... واصل في نبش هذه الاشياء الجميلة ونحن كلنا اذن صاغية ...
تحياتي : ياسر العيلفون ......
10-17-2016, 07:07 AM
محمد الأمين موسى
محمد الأمين موسى
تاريخ التسجيل: 10-30-2005
مجموع المشاركات: 3470
أخي المبدع يحيى شكرا على تسليط الضوء على إحدى ظواهر الفن الغنائي السوداني المسماة: الجابري. الجابري - رحمة الله عليه - يضع ألحانه ويضع لها نظائر لا متناهية. فكل أداء للأغنية ذاتها يختلف عن سابقيه، كما أن تكرار الكوبليه يكون غنيا بالتمايزات التي تتنقل فيها التشديدات من كلمة إلى أخرى ومن حرف إلى آخر. ويمكن القول إن الجابري من الفنانين القلائل - مثل أبوداؤود - الذي لهم أداء رسمي للأغنية وأداء (دلع) - إن جاز التعبير. فصوته يطاوعه ليفعل ما يريد تعبيرا عن الانفعال والمزاج الراهن، وهذا ما يرهق المقلدين في مطارداتهم له عسى ولعل أن يمسكوا بتلابيب حنجرته وحسه النغمي المرهف، ولكن هيهات. لقد استمعت كثيرا لأدائه في أغنية رسائل، ولكن ما أتيت به في تسجيلك أعلاه تضمن بدائع تشنف أذني لأول مرة. لذلك أنصح من يريد الاستمتاع بإبداعات الجابري وأبوداؤود وود اللمين وغيرهم، أن يجمع للأغنية الواحدة عدة إصدارات (بالأوركسترا (قديمة وحديثة) وبالعود والأداء الجماعي للأغنية أن وجد ولا ينسى الإتيان بأداء بعض المقلدين).
10-17-2016, 07:33 AM
almulaomar
almulaomar
تاريخ التسجيل: 07-08-2002
مجموع المشاركات: 6485
القبانى ,, كيفك يا ذوق المرحوم بإذن الله الجابرى لو قلت ليك إنّو ده صوت ما ح يتكرّر قريب على مستوى العالم مع ميزة اختيار الكلمات و عبقرية التلحين و ما الرسايل براها حاجات تانية غصبن عنّك تدودر بى حالك كدى جيب اجعص فنّان و خليهو يلّحن كلمات زى دى الرهيف قلبو بعيش فى شكّو اكتر من يقينو تستبيهو آااااااخ انا من تستبيهو دى تستبيهو نظرة جارحة وتحترق بالحب سنينو ياخ هاك ليها كلها مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك ********** الرهيف قلبو بيعيش في شكو اكثر من يقينو مانسيناك جاي تعمل إيه معانا بعد ما بدلتنا ماسقيناك أحلي ما في عمرنا من عواطف مالقيناك ********** الرهيف قلبو بيعيش في شكو اكثر من يقينو تستبيهو نظرة جارحة وتحترق بالحب سنينو قلبو ضايع في العيون الشاربة من حبو وحنينو وناكرة حتي إنو إنسان يسعي لي قلبي يعينو ********** ماكفاهو العذاب الهو فيهو ليه تزيد آلامو اكتر وليه عيونو العمرها ماخانتك تبكي و تسهر وليه توشح فجرو بالأحزان بعد ماقلبو نور اضحي جرح الفرقة في قلبو الحزين من حبو أكبر ********** قلبي غافر ليك ذنوبك سيبو بس تنشف جراحو الحنين العاش لحبك صرت تسخر من نواحو سيبو مرة يغسل احزانو بالأمل يشرق صباحو وكيف يطير لعشو عصفور منكسر مكسور جناحو قلبو ضايع في العيون الشاربة من حبو وحنينو وناكرة حتي إنو إنسان يسعي لي قلبي يعينو ********** ماكفاهو العذاب الهو فيهو ليه تزيد آلامو اكتر وليه عيونو العمرها ماخانتك تبكي و تسهر وليه توشح فجرو بالأحزان بعد ماقلبو نور اضحي جرح الفرقة في قلبو الحزين من حبو أكبر ********** قلبي غافر ليك ذنوبك سيبو بس تنشف جراحو الحنين العاش لحبك صرت تسخر من نواحو سيبو مرة يغسل احزانو بالأمل يشرق صباحو وكيف يطير لعشو عصفور منكسر مكسور جناحو
Quote: القبانى ,, كيفك يا ذوق المرحوم بإذن الله الجابرى لو قلت ليك إنّو ده صوت ما ح يتكرّر قريب على مستوى العالم مع ميزة اختيار الكلمات و عبقرية التلحين و ما الرسايل براها حاجات تانية غصبن عنّك تدودر بى حالك كدى جيب اجعص فنّان و خليهو يلّحن كلمات زى دى الرهيف قلبو بعيش فى شكّو اكتر من يقينو تستبيهو آااااااخ انا من تستبيهو دى
آخ ساكت يا جلّي ...
يا خي بشفق على وليداتنا القاعدين في الغربة دي لما اسمع الجابري في الجريف و اللوبيا
و الله يا جلال اقرب ابكي لما الجابري يقول :
عندي شوق لي نيلنا .. و الأهل و الطيبة .. الجريف و اللوبيا و باقي ذكرى حبيبة ( و كم عندي ذكريات في الجريف غرب يا جلي ) ...
و البكا ببقى نشيج لما يصل :
يا سواقي بلدنا ... و ينو صوتك مالو .. وينو قارع مويتك ... غنى باسم حالو ... وين غسيل النيل ... و شر هدوم في رمالو ...
بالله عليك دينك ... صابونة بتعريفة مكعب كبير و ظهرة فوق البيعة ... و غسيل زي الورد ... وشر هدوم في القيفة فوق الرملة العجيبة ...
و الله يا جلال حنموت بالحسرة بس ...
ياخي شوف الأوثرتري في كلام الصادق الياس ...
عندي شوق لي ( نيلنا ) ...
نيلنا انحنا ديل ...
اها ...
الجابري وحده ... الذي يغنيها الجريف و ( اللوبيا )
كل المقلدين غلبتهم و بغنوها الجريف و ( اللوبا ) ...
و مع الجابري يا ما حنتوه ... و ياما نشوف دلايل ...
بالمناسبة ... رسايل هي اول لحن لأحمد الجابري ... اداها ليهو الصادق الياس سنة 1963 ...
الجابري لحن رسايل ( المعجزة ) في أسبوع واحد فقط ...
اغانيه القبلها ما من الحانو ... عبد الرحمن الريح معظمها ...
10-18-2016, 02:38 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
Quote: استاذنا يحي قباني اسعد الله اوقاتك بكل خير ياخي والمرحوم الاستاذ احمد الجابري فنان مبدع حد الثمالة وفعلا تقليده استعصى على كل المقلدين مثله مثل المبدع المرحوم خليل اسماعيل يصعب تقليدهم ... اما ما جئت به في هذا البوست فهي ملاحظة قوية منك لا يلاحظها الا من كان ضليعا في الفن وفي السمع فانت ماشا الله عليك فنان بالفطرة ... واصل في نبش هذه الاشياء الجميلة ونحن كلنا اذن صاغية ...
تحياتي : ياسر العيلفون ......
ياسر يا فنان ... ياخي كتر خيرك على هذا التقريظ ...
و لكني و الله ليس كما تقول ضليع او فنان ... انا فقط ( احب ) سماع الأغنيات ... و لا اسمعها لمجرد التطريب ...
كما الفرق بين من يؤدي عمله بتفاني و من يحب عمله فيؤديه بحب و تفاني ...
الكوبليه ده يا ياسر ... على قولة الحبيبة كاسر فيني كم ضلعة من يوم سمعته ...
و الوقفة دي ما يقدر عليها ناس كتار ...
أي زول بيحاول ... الميزان بقع منه و يتكسر ...
10-17-2016, 01:42 PM
يحي قباني
يحي قباني
تاريخ التسجيل: 08-20-2012
مجموع المشاركات: 18709
Quote: الجابري من الفنانين القلائل - مثل أبوداؤود - الذي لهم أداء رسمي للأغنية وأداء (دلع) - إن جاز التعبير. فصوته يطاوعه ليفعل ما يريد تعبيرا عن الانفعال والمزاج الراهن، وهذا ما يرهق المقلدين في مطارداتهم له عسى ولعل أن يمسكوا بتلابيب حنجرته وحسه النغمي المرهف، ولكن هيهات. لقد استمعت كثيرا لأدائه في أغنية رسائل، ولكن ما أتيت به في تسجيلك أعلاه تضمن بدائع تشنف أذني لأول مرة. لذلك أنصح من يريد الاستمتاع بإبداعات الجابري وأبوداؤود وود اللمين وغيرهم، أن يجمع للأغنية الواحدة عدة إصدارات (بالأوركسترا (قديمة وحديثة) وبالعود والأداء الجماعي للأغنية أن وجد ولا ينسى الإتيان بأداء بعض المقلدين).
الفنان يحيي قباني البوستات الخاصة بك دائما تمثل متكيء لنا حدثني صديق باديس ابابا من اصدقاء سودانيز اون لاين انه حريص علي قراءة كل ما تكنب يعني عندك جمهور كبير خلينا نستثمر فيهو مع مودتي
10-18-2016, 05:26 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
Quote: الفنان يحيي قباني البوستات الخاصة بك دائما تمثل متكيء لنا حدثني صديق باديس ابابا من اصدقاء سودانيز اون لاين انه حريص علي قراءة كل ما تكنب يعني عندك جمهور كبير خلينا نستثمر فيهو مع مودتي
التحية لك يا عالم و لصديقك بأديس ابابا ...
و ربنا يقدرنا نكتب ما يفيد الناس ..
و يبعدنا من الانزلاق و التسمم الأسفيري ... :)
10-17-2016, 05:21 PM
يحي قباني
يحي قباني
تاريخ التسجيل: 08-20-2012
مجموع المشاركات: 18709
ياما قال كلام مالي دخل بيه إني بروح لغيره بهوى وأصطفيه بقيف بي سكون في حرف الياء ... اي فنان قلدو تاني غلبتو عدييييل ... كل المقلدين بغنوها ما لي دخل بيهو ... بهوى و بصطفيهو ده الفرق بين الأصل ... و الصورة !!! أنا قاصد أدائها لكلمتي بيه و أصطفيه أدتهم بنفس طريقة الجابري وده موضوع البوست ، مع تحياتي الأخ المعز أبو نورة
10-19-2016, 03:25 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
يا ود قباني ياخ بوست وجع عديل بوست مؤلم في الغربة الله يرحمك يا الجابري ويرحم كل مبدعينا الرحلو عن دنيانا وخلو لينا الإرث الجميل ده الجابري ألحانو غريبة وعجيبة وأنا بقرأ في البوست لما جيت لتعليق جلادونا في أغنية ما نسيناك ولما وصلت لي الكوبليه حق ما كفاهو وما كفاهو وقفت وإحترت وقلت الجابري ده شنو الكان بدور في مخو عشان يغير اللحن هنا بالصورة دي ألحانو ثرية جداً بعيدة عن التدوير المعروف .. أي لحن من ألحان الجابري ممكن يتقسم على أربعة أغاني وسيد الإسم محبوبي وكتين يبتسم الدنيا يا ناس تنقسم والفرحة تملاها وتزغرد فيها والشوق ينهزم يديكم العافية على المشاعر والإحاسيس الجميلة الدخلتوها في نفوسنا بالبوست الروعة ده
10-21-2016, 04:15 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
Quote: وسيد الإسم محبوبي وكتين يبتسم الدنيا يا ناس تنقسم والفرحة تملاها وتزغرد فيها والشوق ينهزم يديكم العافية على المشاعر والإحاسيس الجميلة الدخلتوها في نفوسنا بالبوست الروعة ده
وجعنا ماليو حدود يا عادل ...
وصبرنا فات حد الصبر ...
زمان و انا شافع ... بسمع في الراديو ... سمعت المذيع بقول لو لم يكتب غيرها لكفته ...
و من يومها مسكت الجملة دي من شدة اعجابي بيها ... و بقيتها زي حقتي عديل ...
لكن ما بمرقها الا في الشديد القوي ...
و الشيد القوي هنا الزول الإسمو كامل عبد الماجد و سيد الإسم ...
و سيد الاسم ياها لو ما كتب غيرها لكفته براااها ...
ياخي ما عمري شفت لي كلمات ( طرية و لينة ) زي الكلمات دي ...
تسمعها من الجابري او تسمع كامل عبد الماجد بلقيها ...
تحسهم قاعدين جنبك بلولوك ...
ياخي ده بكا ... و ريدة ما وجدت مثيل ...
كتبها كامل عبد الماجد وهو طالب في كلية الاقتصاد ... سنة 70 !!
تخيل قال وكان قد كتب قبلها اغنية تايه الخصل لحمد الريح الذي كان يعمل وقتها في مكتبة جامعة الخرطوم !!!
الزمن داك مشى وين يا ناس ؟
10-19-2016, 10:22 AM
Ahmed Tuhami
Ahmed Tuhami
تاريخ التسجيل: 08-17-2015
مجموع المشاركات: 189
سلامات يا هندسة وزوارك الكرام .. غايتو يا جلالدونا اتقطعت في سؤالك دا .. فعلا دي قصيدة دايره تشريح عشان كل مقطع ياخد اللحن والصوت المناسب ليهو .. ودي واحده من قدرات هذا الفنان الفخم .. أنا لما أسمع الجابري برضو بسرح بي سؤال .. لو في زول عايز يعمل دراسة عن الجابري وفنو يبدأ من وين .. يخيل لي دراسة فنان شامل زي الجابري إلا تعمل ليهو كونسلتنسي.. مختصين في علوم الموسيقى وعلماء صوت وخبرا في وضع الالحان وتوظيفها و تشريحيين لمخارج الحروف ووووو... غايتو الموهبة دي حاجة كدا لى هسه العلم ما وصل لسرها .. كدي ركزو على .. اللللللليل.. النييييييييل .. الما سمع صوت الساقية لن يستوعب تطبيقيات الصوت الحاصلا هنا .. أسأل الله أن يمتعه بنعيمة كما أمتعنا بفنه الراقي .. شكرا مرة أخرى يا هندسة.
Quote: سلامات يا هندسة وزوارك الكرام .. غايتو يا جلالدونا اتقطعت في سؤالك دا .. فعلا دي قصيدة دايره تشريح عشان كل مقطع ياخد اللحن والصوت المناسب ليهو ..
قال صديقي نادر احمد الشريف الحبيب ... في كتابه أحمد الجابري - الزهور بسمت لينا :
الجابري أدى هذه الاغنية أداء رائعا تشتشف منه نضوجه الفني ( 1970 )
ثم استرسل قائلاً ... أبو آمنه حامد ذلك الرجل الذي قدم من مدينة (هيا) مسقط رأسه في شرق السودان الساحر و هو من قبيلة الهدندوة و تعتبر اللغة العربية بالنسبة له لغة ثانية و لكن الموهبة هي التي منحته كل هذه المعرفه و التعابير العربية الجميلة ...
وجدت تسجيل للاخ سيمباتكو ... قمت بتعديل الصوت و تنضيفه ... له التحية ...
في مقدمته يلقي أبو آمنه حامد بعض كلمات القصيدة العجيبة ...
10-22-2016, 04:03 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
الجابري وما ادراك ما الجابري عبقرية الالحان وغموض السيرة يستحق الرجل بوست عن سيرته والحانة وصوته الجميل يستحق هذا الرجل التكريم ، ويوجد معانا موسقيين وفنانين مثل الموصلي يمكنهم التحدث عن عبقرية الحان هذا الفنان
شكرا لكم جميعا
10-25-2016, 05:14 AM
يحي قباني
يحي قباني
تاريخ التسجيل: 08-20-2012
مجموع المشاركات: 18709
الجابرى عليه الرحمه باذن الله صوت متفرد تغنى بنصوص تنبض بالحب والحياه وموسيقى استطاعت ان تتمرد على التقاليد الباليه وتتجاوزها التراث الغنائى الذى خلفه الرجل يعد بمثابه ضمير للحداثة السودانية التى انتكست لاحقا
Quote: الجابرى عليه الرحمه باذن الله صوت متفرد تغنى بنصوص تنبض بالحب والحياه وموسيقى استطاعت ان تتمرد على التقاليد الباليه وتتجاوزها التراث الغنائى الذى خلفه الرجل يعد بمثابه ضمير للحداثة السودانية التى انتكست لاحقا
تحياتي يا الطيب ...
تراث بديع و اختيارات لكلمت عميقة المعاني ...
10-27-2016, 06:35 PM
احمد حمودى
احمد حمودى
تاريخ التسجيل: 01-11-2013
مجموع المشاركات: 4364
يحي قباني وشركاه انت شكلك عايز تتعبنا مع الجابري لانه بصوته الصادح وادائه الصوتي Lyricism يذوب حنانا ويستجلي المعاني بصوته ويخليك تعيش او تعوم في بحر الجريف الجابري وسيلته التعبيرية في الغناء هي مدهشة وتصل لدرجة الخرافة وانت يا يحي ببساطة شديدة جبت الفرق القاعدين نتكلم عنه اللي هو بين السمع السمعHearing والإستماع Listening وفي التعامل الموسيقى والغنائي الايجابي Perceptive اداء الجابري المبهر صوتا وغناء لا يشبهه الا اثنين فقط في مجمل غناء السودان هما: وردي وابوداؤد الذي يملك ثمانية من اوزان نغمات الحنجرة العشرة هؤلاء هم اصحاب الاداء المتفرد والعميق ويمكن ان نطلق على الاداء بالعبقري
سلام حبيبنا يحيى دائما اتذكرك وايام الكلية معمار الخرطوم وحفلتكم بتاعة كابلي حقت رحلة اوربا ديك وكنتم الدفعة القدامناايام يا زمان لفت انتباهي تشابه كبير في المقدمة الموسيقية لاغنية رسائل للاستاذ الجابري واغنية مساء الخير والاحساس والطيبة للاستاذ محمد عبده فهنالك اقتباس واضح يصل الى حد كبير علما بان رسائل سبقت اغنية محمد عبده بسنين عددا مشكلتي ما بعرف احمل اغاني واقدر اجيب اهذه الاغنية يا ريت يا باشمهندس لو تسلط الضوء على هذا الموضوع بعقد مقارنة بين الاغنيتين شكرا
كل من القى السمع و إنطرب و عشق جماليات غناء الجابري وهو على ذلك شهيد الصوت دا تم رفضه في الاذاعة ثلاث مرات تباعا وبرضو ودالريج اصر انه يمشي الجابري في الاداء له حليات وزخارف مستحيلة في عالم الموسيقى والاداء دا بغني الحرف الواحد داخل النص الشعري.. ويكفي كدة لانه صعب الواحد يشرح جماليات وتطريب الجابري ونوجزها في اسطر وكلمات واجمل اغنيات الجابري ليست هوج الرياح ولا رسائل ولا الجريف واللوبيا ولا حكمة بل هي (بعد عام) كلمات مبارك المغربي ودا جزء منها
تولي العام يا دنياي لم تعطف ولم تسال ولم تدري كيف حال الحال منذ لقائنا الاول وما زودتنا حتي القليل لعامنا المقبل لكنك لم تكن تدري بما قد جد من امري وان هواك اضحي غاية المامل تولي العام والايام تعصف بالمني عصفا واصبح قربنا بعدا وامسي امننا خوفا كتمت هواك لكن حال يمن يهواك لا يخفي وما هم الذي يهواك ومن لا يعرف الشدوي ومن ما زال رغم الجور يرجو اللين والعطفا
10-28-2016, 11:41 PM
محمد على طه الملك
محمد على طه الملك
تاريخ التسجيل: 03-14-2007
مجموع المشاركات: 10624
مولانا محمد علي ودالملك كلامك الفوق دا : كدي ركزو على .. اللللللليل.. النييييييييل ..
مفروض ما يعدي ساكت كدة دا ايقاع العشرة بلدي .. واول من ادخله وعمله قاعدة ضرب ايقاعي للخماسي هو العميد احمد المصطفى في اغنية (ظالمني وطول عمري ما ظلمتك يوم ) والغريب انه بدأ الاغنية بايقاع (الفالس) ولقى فيها شوية تكرار ورتابة فادخل فيها العشرة بلدي .. وبرضو احمد المصطفى هو الجاب الكلارنيت والساكسفون من مصر وبالايقاع دا نفسه الكابلي وزع بيهو (دمعة الشوق) الغناها كرومة بالنقرزان الخفيف الجابري كان مفتون بــ (فريد الاطرش) وحتى كان متابع افلامه السينمائية في سينما امدرمان وكان منجذب لطريقة عزفه على العود مع ان الجابري اتعلم العود من (احمد حسن جمعة ) فردة ميرغني المامون
10-29-2016, 08:15 AM
بله محمد الفاضل
بله محمد الفاضل
تاريخ التسجيل: 11-27-2007
مجموع المشاركات: 8617
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة