|
Re: مجــرد إقــتراح .. (Re: محمد كابيلا)
|
كما فعلوا بتسمية جامعة الامام المهدى والازهرى ــــــــــــــــــــــــــــــــــــــــــــــــــــــــــــــ مربط الفرس كلو ،في كلمة (فعلوا) دي.. الأقاليم مستلسمة للمركز ومستسلمة للكسل،ودايرا المركز براهو يجي يتصدق عليها،ودا طبعا مستحيل.. الطريقة البيدار بيها السودان ،هي طريقة موروثة من الإنقليز وقبلهم الأتراك،يعني طريقة مركزية استعمارية .. والناس بقت ماشة عليها وماحاولت بطريقة جادة تغيرا.. الجرايد تطبع في الخرطوم وتوزع من بورتسودان لغاية الجنينة،ومن حلفا لبحيرة الأبيض.. ومافي ولاية واحدة أظن عندا جريدة معروفة ناجحة ومستمرة.. شندي منطقة إنتاج بطاطس،لحدي قريب دا ،ماكان فيها تلاجات بطاطس،المحصول لما يطلع،يجوا يشيلوهوا تجار الخرطوم بتراب القروش، ويخزنوهوا في تلاجاتم،وفي وقت الندرة ناس شندي يمشوا يشتروهوا من ناس الخرطوم بأسعار مضاعفة... الخرطوم...الخرطوم...الخرطوم... مدينة عجوز،ضعيفة،فقيرة،عائشة على أمجاد فترة الاستعمار،و ضعف الأقاليم وعدم مبادرتا.. تسمية الجامعات دي حاجة هينة،ولو طالبيها اتحاد الطلاب بحققوها ليهو.. لكن حصل في ولاية طالبت بإنها تعمل دستورا براها،إن شاء الله بطريقة تعملوا وترسلوا للمركز عشان ينقح ويدخل ضمن الدستور العام.. ولو كلمة دستور دي مخيفة،حقوا تحاول تكتب ليها لوائح ساي وقواعد ،تظهر فيها نفس اهل البلد،وتطلعاتم الذاتية في إدارة بلدم، بالكيفية البتحفظ بيها اختلافم وتنوعم من باقي الناس.. ماممكن زول يمص في الآيسكريم،وضارب كندشة القصر الجمهوري،يجي ينظر لي زول قاعد في أم برمبيطة..وهو ماعارف أم برمبيطة دي أغنية وللا طاقية وللا فتيل ريحة.. لكن الغلط الكبيرمامنو برضو،من زول أم برمبيطة..
|
|
|
|
|
|
|
العنوان |
الكاتب |
Date |
مجــرد إقــتراح .. | محمد كابيلا | 10-12-16, 07:39 AM |
Re: مجــرد إقــتراح .. | Gaafar Ismail | 10-12-16, 07:45 AM |
Re: مجــرد إقــتراح .. | محمد كابيلا | 10-12-16, 07:59 AM |
Re: مجــرد إقــتراح .. | محمد كابيلا | 10-12-16, 07:46 AM |
Re: مجــرد إقــتراح .. | اسماعيل عبد الله محمد | 10-12-16, 08:06 AM |
Re: مجــرد إقــتراح .. | محمد كابيلا | 10-12-16, 08:10 AM |
Re: مجــرد إقــتراح .. | almulaomar | 10-12-16, 08:20 AM |
Re: مجــرد إقــتراح .. | محمد كابيلا | 10-12-16, 08:38 AM |
Re: مجــرد إقــتراح .. | Kabar | 10-13-16, 09:40 AM |
Re: مجــرد إقــتراح .. | محمد كابيلا | 10-13-16, 01:38 PM |
Re: مجــرد إقــتراح .. | احمد حمودى | 10-13-16, 01:51 PM |
Re: مجــرد إقــتراح .. | محمد كابيلا | 10-13-16, 02:09 PM |
Re: مجــرد إقــتراح .. | عليش الريدة | 10-13-16, 02:17 PM |
Re: مجــرد إقــتراح .. | سيف اليزل سعد عمر | 10-13-16, 06:43 PM |
Re: مجــرد إقــتراح .. | محمد كابيلا | 10-15-16, 09:26 AM |
Re: مجــرد إقــتراح .. | محمد كابيلا | 10-15-16, 09:10 AM |
|
|
|