|
|
 Re: 10-10 عُرس السُودان : صور كمية من فعاليات خات (Re: Frankly)
|
نص خطاب الرئيس عمر البشير أمام الحشد الجماهيري بالساحة الخضراء
التاريخ : 11-10-2016 - 02:50:00 مساءً
الخرطوم 11-10-2016م (سونا) - فيما يلي نص الخطاب الذي وجهه المشير/ عمر البشير، رئيس الجمهورية، صباح اليوم بالساحة الخضراء أمام الحشد الجماهيري الذي نظمته ولاية الخرطوم احتفالاً بالتوقيع على الوثيقة الوطنية.
بسم الله الرحمن الرحيم
الحمد لله رب العالمين والصلاة والسلام على خير خلق الله أجمعين سيدنا محمد وعلى آله وصحبه أجمعين.
المواطنون الأعزاء.. السودانيون الشرفاء.. أهل بلادي الكرماء..
التحية لكم جميعاً ونحمد الله سبحانه وتعالى أنه جعلنا مسلمين وجعلنا من أمة محمد خير أمة أخرجت للناس..
ومما زادني شرفاً وتيهاً
وكدت بأخمصي أطأ الثريا
دخولي تحت قولك يا عبادي
وأن صيَّرْتَ أحمد لي نبياً..
(صلوا على رسول الله)..
وأحمده.. تاني إنو جعلنا سودانيين, نعم سودانيين, كلنا سودانيين, لا قبلية, ولا جهوية, ولا عنصرية, بلاد ناسا فى اول شئ مواريثهم كتاب الله وخيل مشدود وصوت مسنون حداه درع وتكاتيباً تسرج الليل مع الحيران وشيخاً في الخلاوي ورع, نعم ديل نحن السودانيين, بلاد ناساً تكرم الضيف وحتى الطير يجيها جعان من أطراف تقيها شبع، وا أسفاي وا ذلي لو ما بقيت زي ناس ديل وأهل الحارة ما أهلي.. الليلة يا جماعة من حقنا أن نحتفل ومن حقنا نفرح لأنو الليلة تمت وحدتنا يا جماعة.. الحوار الوطني والحوار المجتمعي الناس بيقولو دي مبادرة الرئيس لكن دي إبداعات الشعب السوداني, دي واحدة من الدروس اللي بيقدمها الشعب السوداني للعالم, نحن الشعب المعلم, نحن الشعب الرائد, ونحن يا جماعة أول دولة إفريقية عملت ثورة ما مسبوقة, هي الثورة المهدية في القرن التاسع عشر, اتحركوا كل أهل السودان، شرقه عثمان دقنة, شماله محمد خير, غربه الخليفة عبد الله والمهدي في نصفهم, عملوا ثورة وحرروا السودان, وغابت الشمس عن الإمبراطورية البريطانية في السودان, والتجربة الثانية محطة الاستقلال لمن اجتمع أهل السودان في شهر 1955-12م وقرروا إعلان الاستقلال من داخل البرلمان, اجتمعوا كلهم بكل أحزابهم، بكل أعراقهم وأعلنوا الاستقلال وقالوا السودان أول دولة إفريقية جنوب الصحراء تنال استقلالها ولم نقف مشينا لإخواننا الأفارقة ودعمنا حركات التحرر لغاية ما اتحررت إفريقيا كلها, والليلة قدمنا درس جديد للعالم كله وللإنسانية جمعاء، حوار وطني بشقيه، السياسي والمجتمعي, اجتمعوا كل أهل السودان إلا من أبى وأهلنا قالوا (اللي يابا الصلح.....) ونحن بنقول ليهم الوثيقة مفتوحة اللي يجي يوقع واحد مننا والما بوقع عملنا وقف إطلاق النار, الما موقع هو بقى ضد كل الشعب السوداني, والشعب السوداني قادر إنو يفرض السلام، البيجي للسلام أهلاً وسهلاً والما بيجيبو السلام بنصلو هناك في الغابة في الكركور أينما كان.
يا جماعة الشعب السوداني صنع تاريخ جديد عشرة أكتوبر حاتكون هي مناسبة قومية يحتفل بيها السودان كل عام ولازم يا جماعة نرد الفضل لأهله الناس اللي قادوا الحوار وصبروا على الحوار لجان الحوار، رؤساء اللجان ديل أول حاجة بقول ليهم جزاكم الله خيراً وإن شاء الله عندنا لقاء معهم جميعاً عشان يتم تكريم الناس اللي عملوا العمل الكويس دا والعمل الجميل دا إن شاء الله.
نقول ليكم من اليوم في سودان جديد لكل أهل السودان، ما فيهو جهوية ولا قبلية أي واحد في خانة الهوية ولا في خانة القبلية يقول سوداني، اللي بيسألوه أنت من وين يقول من السودان, قبيلتك شنو؟ سودان, جهتك شنو؟ سوداني.. نحن شنو؟ سودانيين لا قبلية ولا جهوية ولا عنصرية , السودان فوق الجميع يا جماعة.. الله أكبر لا إله إلا الله.
نشكر كل الناس اللي شاركوا في الحوار السياسى والحوار المجتمعي، سواء كان داخل السودان أو في الخارج حتى أخواننا المغتربين كان ليهم مشاركة فاعلة عشان كدا إن شاء الله تكريماً لأبناء السودان في الخارج حا نعمل مفوضية لترعى وتربط أبناء السودان بالخارج إن شاء الله.
ونشكر الناس اللي جونا والضيوف اللي شاركونا، الأخ الرئيس إدريس ديبي والأخ الرئيس محمد عبد العزيز والأخ الرئيس عبد الفتاح السيسي والأخ الرئيس موسفيني وهناك رؤساء كتار كانوا عاوزين يجوا يشاركوا الحوار، ناس كتار عايزين تجربة الحوار ونحن بنقول ليهم دي تجربة سودانية لكن بنقدمها للناس كلهم اللي زينا كدا لأنو البلاد ديك فيها مشاكل.. فيها عرقيات.. فيها عصبيات.. فيها عنصريات، ونقول ليهم تعالوا للشعب السوداني الشعب المعلم يعلم كل الشعوب، يعلمها الصمود، يعلمها الوحدة.
الله أكبر لا إله إلا الله.. ونلتقى إن شاء الله في إنجاز جديد للشعب السوداني جزاكم الله خيراً الإخوة في الولاية والسلام عليكم ورحمة الله وبركاته.
|
|
  
|
|
|
|
|
| العنوان |
الكاتب |
Date |
| 10-10 عُرس السُودان : صور كمية من فعاليات خاتمة المؤتمر العام للحوار الوطني | Frankly | 10-10-16, 06:12 PM |
 Re: 10-10 عُرس السُودان : صور كمية من فعاليات خات | Frankly | 10-10-16, 06:15 PM |
| Re: 10-10 عُرس السُودان : صور كمية من فعاليات خات | Frankly | 10-10-16, 06:19 PM |
| Re: 10-10 عُرس السُودان : صور كمية من فعاليات خات | حمد عبد الغفار عمر | 10-10-16, 06:33 PM |
| Re: 10-10 عُرس السُودان : صور كمية من فعاليات خات | Frankly | 10-10-16, 07:17 PM |
| Re: 10-10 عُرس السُودان : صور كمية من فعاليات خات | Ahmed Elsadig | 10-10-16, 06:34 PM |
| Re: 10-10 عُرس السُودان : صور كمية من فعاليات خات | Frankly | 10-10-16, 07:15 PM |
| Re: 10-10 عُرس السُودان : صور كمية من فعاليات خات | Adil Isaac | 10-10-16, 08:07 PM |
| Re: 10-10 عُرس السُودان : صور كمية من فعاليات خات | Abdo Mustafa | 10-10-16, 11:30 PM |
| Re: 10-10 عُرس السُودان : صور كمية من فعاليات خات | Frankly | 10-11-16, 09:49 AM |
| Re: 10-10 عُرس السُودان : صور كمية من فعاليات خات | Frankly | 10-11-16, 09:55 AM |
| Re: 10-10 عُرس السُودان : صور كمية من فعاليات خات | Yousuf Taha | 10-11-16, 10:06 AM |
| Re: 10-10 عُرس السُودان : صور كمية من فعاليات خات | Frankly | 10-11-16, 12:37 PM |
| Re: 10-10 عُرس السُودان : صور كمية من فعاليات خات | Frankly | 10-12-16, 01:54 AM |
| Re: 10-10 عُرس السُودان : صور كمية من فعاليات خات | Frankly | 10-12-16, 09:33 AM |
| Re: 10-10 عُرس السُودان : صور كمية من فعاليات خات | Frankly | 10-13-16, 03:45 PM |
| Re: 10-10 عُرس السُودان : صور كمية من فعاليات خات | Frankly | 10-18-16, 01:06 PM |
|
| |
Frankly
فيس بوك
تويتر
انستقرام
يوتيوب
بنتيريست