الرحيل من اصعب لحظات انكسار النفس البشرية، ضيق البرية بعد إلفة، تجاوزت المألوف في تبادل العلاقات البشرية، أخذ وعطاء. انه تماهي شفيف بين الأنسة، لا يدرك بالعقل، تضن به الروح باهرة الصفا، معطونة بضياء ممنون قسمة الخلاق سبحانه. الرحيل لا يبرئ من إلفة مريدة وحنين متسامي، ولن تفك أسرها مرافئ الحلم الدافي بتعدد بيئاتها والوانها. الالفة ذكريات وتاريخ منقوش داخل وجدان محبين بحكمة أزلية. *** تحدونا قصيدة الشاعر المرهف التجاني سعيد **قلت أرحل** *** مع المبدع الفنان محمد وردي وقلت أرحل: *** قلت ارحل أسوق خطواتي من زولاً نسى الإلفة أهوِّم ليل أساهر ليل أتوه من مرفى لي مرفى ابدل ريد بعد ريدك عشان يمكن يكون اوفي *** رحلت وجيت في بعدك لقيت كل الأرض منفى *** عيونك زي سحاب الصيف تجافي بلاد وتسقي بلاد وزي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيدا غشاني وفات عاد عمّ البلد أعياد وزي فرح البعيد العاد وزي وطناً وكت اشتاقلو برحل ليهو من غير زاد بدون عينيك بصبح زول بدون ذكرى وبدون ميلاد *** رحلت وجيت في بعدك لقيت كل الأرض منفى *** زمان الفُرقة والتجريح بسِيبُو عشان تشيلو الريح بسيبو عشان صحيح الذكرى بتّوِّه عمرنا صحيح وانتِ معايا لا بندم ولا بقضي العمر تبريح أصلو العمر شوقا كان، حزنا كان وصبرا كان فسيح وفسيح أصلو العمر كان دربا مشيتو كسيح وكان غرسا سقيتو بكى وقبضت الريح *** رحلت وجيت في بعدك لقيت كل الأرض منفى. ***********
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حمد إبراهيم محمد
فيس بوك
تويتر
انستقرام
يوتيوب
بنتيريست