قصيدة أو أغنية "حتى الطيف رحل خلاني" ترسم قساوة ألم الرحيل وما يجره على المترقب لطيف الحبيب من تساوي الليل عنده وانبلاج باكر، ولا يعرف مصائر الانس فهي بيد من سواها، نسي نفسه فتغضن نضاره جراء تعلقه وترقبه للطيف الذي ياتي ولا ياتي، فاصبح مسار تندر واوصاف من من حوله. إنه الصدق مع النفس الشفيفة، كثيره جفاء وقليله وفاء. ******
الشاعر:محمد سعيد دفع الله اداء:محمد كرم الله **حتى الطيف رحل خلاني** ****** أما النوم أبا وجافاني وأصبح داجّي ساهر وين حتى الطيف رحل خلاني ما طيّب لي خاطر. *** قليل يا طيف أقيف وأرجاني وين فايتني عابر وأنا شن حارس وراك أنا تاني ياني معاك مسافر وين حتى الطيف رحل خلاني ما طيّب لي خاطر ****
الليله لا تقول لي هيّ كدي استناني بمشي وأجيك باكر يبقى أنا ما ألم فيك تاني مين عارف المصاير وين حتى الطيف رحل خلاني ما طيّب لي خاطر *** الليله هاك اسمع رنين ألحاني أبقى معاي سامر خفف لي قليل أحزاني ياما أنا عشت صابر وين حتى الطيف رحل خلاني ما طيّب لي خاطر *** الليله شوف كيفن يسوي زماني ديمة علي جاير آه مر العذاب وراني سهمو في قلبي غاير وين حتى الطيف رحل خلاني ما طيّب لي خاطر **** الليله شوف الليلة كيف بستاني الكان باشّي ناضر من حر السموم بيعاني طيرو يفر يهاجر وين حتى الطيف رحل خلاني ما طيّب لي خاطر *** الليله جفّ يبس صبح صناني لافح حرو كافر عدمان الضليل سواني مجنون قالوا شاعر وين حتى الطيف رحل خلاني ما طيّب لي خاطر *** الليله كل ما تمر تعدي ثواني منو أسراب تغادر رحل الفيهو صر وحداني نازل ومرة سادر وين حتى الطيف رحل خلاني ما طيّب لي خاطر *** الليله ما عارف العلي تراني فوق كرعي ساير وأسكت أسوي في أوزاني أشعار مالا آخر وين حتى الطيف رحل خلاني ما طيّب لي خاطر *** أنا بحوم وأرجع وأصد بكاني مقطوع راسي حاير وين أحبابي وين خلاني آه يا الله قادر وين حتى الطيف رحل خلاني ما طيّب لي خاطر *** الليله وإت ياطيف عليك أحزاني ليّ شوية كابر عشان خاطر قليبي عشاني لحظات بس تخاطر وين حتى الطيف رحل خلاني ما طيّب لي خاطر. ******
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة