|
Re: إضراب الأطباء يصيب مستشفيات العاصمة السو� (Re: مني عمسيب)
|
و انا كل مرة بتخيل طفل عمره تلاته سنين جانا في ابراهيم مالك قبل سنتين .. طفل جميل ..لابس فنيلة صفراء وشورت ازرق ..شعرو مرتب وممسح ومريح بي صندلية.. امه وابوه جابوه الحوادث عندو حمى وفاقد سوائل .. كانو مقلقين عليو جدا .. لانو ولدهم الوحيد .. لكن الولد مات .. مات عشان ما لقي فراشة و رنقرلاكتيت في المستشفي .. وعشان ما عندهم قروش يشترو من بره .. لسه متذكر الرجسترار د.منار بعد السي بي ار قعدت تبكي وماقدرت تكمل النبطشية .. في كم طفل عيان مات في المستشفي عشان م لقي فراشة .. واكسجين .. و نبيولايزر .. في كم عيان راقد قدامك في النقالة وانت عارف انو ح يموت بعد نص ساعة .. عشان مفروض يدخل عناية مكثفة .. في كم مرة ماتت وهي بتنزف عشان بنك الدم مافيو دم .. كل يوم في زول ح يموت لو ما وقفنا والوضع دا اتغير #كلنا_مع_الاضراب د/ أحمد بشرى
| |
|
|
|
|
|
|
|