|
|
|
 Re: بالفعل.. كانت عفيفة يد و لسان... صورة (Re: nour tawir)
|
والله يا نور يا بت أبوي تاور، في عالم هنا بتتكلم عن جعفر نميري كأنو زول غير العرفناهو .... مطلعينو ملاك وربع وقالوا لا يملك غير البيت الورثو من أبوهو وعند وفاته كان ما عنده غير راتب التقاعد.
يشيلو ويلمّعوا فيهو ..... لكن النصيحة، ما قالوا صلى الله عليه وسلم.
| |
 
|
|
|
|
|
|
|
|
Re: بالفعل.. كانت عفيفة يد و لسان... صورة (Re: محمد فضل الله المكى)
|
السيده بثينة صراحة مابنعرف عن ثروتها شيء ..
وممكن يا المعز تكونوا عارفين .. الله اعلم ..
لكن نميري ده مات هنا قدام الناس ..
وما كان عندو التكتح ..
وما معقول يكون عنده قروش خاتيها بره ..
عشان بعدين يستمتع بيها بعد موته ..
نميري ممكن يكون سفاح .. قاتل ..
ديكتاتور . أي حاجة .. ده كلو كلام صحيح ..
لكن لا حرامي ولا سرق مال الشعب ..
عشان الناس ما تجوط الشغلة ساي ..
كان يجي يشوف الرؤساء والوزراء وحتى الهلافيت ..
كيف قاعدين يتفننوا في سرقة مال الشعب هسه ..
وكمان بيسفحوا ويقتلوا ويسجنوا ويستبيحوا أعراض الناس ..
السودان كان على الأقل زمن نميري دولة ( مع اقراري بمآسي حكمه ) ..
لكن هسه السودان ولا دولة ولا حاجة ..
ممكن يكون أي حاجة لكن دولة ما اظن ..
السودان أصبح عزبة .. مزرعة .. كنتين ..
أي حاجة تانية لا علاقة لها بمسمى دولة ..
| |
|
|
|
|
|
|
| |
المعز ادريس
محمد فضل الله المكى
وضاحة
nour tawir
محمد أبوالعزائم أبوالريش
جمال ود القوز
فيس بوك
تويتر
انستقرام
يوتيوب
بنتيريست