|
|
|
 Re: لبدع البنى آدم وجوه عديدة ـــ فيديو مبهر .. (Re: محمد البشرى الخضر)
|
| Quote: سلامات يا منير الغالاط :) |
محمدالبشرى .. أنا ما غالاط ــ هههه دى برضو مغالطة ــ .. لكين ممكن تقول عنيد ...
أذكر كان عندى صديق سويدى زمن الدراسة كنا بنقعد لغاية نصايص الليل فى الليالى الباردة ــ كان بيقول إننا stubborn ــ أنا وهو ــ لأننا بنكون الوحيدين القاعدين فى الكلية، ماعدا النيردز بتاعين الكمبيوتر القايمين اللليل ــ قال نحن stubborn لأننا ما بنمشى البيت لو ما حلينا الحاجة الفى يدنا ..
الحصل إنو عندما قدمت للشغل فى بلجيكا قاموا إتصلوا بيهو لأنى كنت كاتبه مرجع .. فقام طبعاً قال ليهم كلام إيجابى لكين قال ليهم أنى stubborn ... بمعناها الإيجابى طبعاً.. لكين تعرف الكلمة دى ظلت مطاردانى وسببت لى مشاكل على حس إنو قالها الزوول ده .. بقيت كلما أناقش لى واحد فى الشغل وأدحضه وأصر على رأيى يقوم يزعل ويقول لى إنت stubborn .. مرة اتغالطت مع البوس وصوتنا عِلا وقام قال لى stubborn فاتحمقت وقلعت جزمتى تحت التربيزة قربت أفكها فيهو .. بس قلت الله يلعن الشيطان .. 😁
شكراً على المشاركة الإبداعية ... وأهديك إبداعية من تنفيذ الود محمدمنير ــ الآن دخل تانية عام ــ والذى فجأة لقيت إنو عنده حسابات إنستقرام وشنو وشنو وعنده فوق للأربعة ألف متابع مع إنو بدأ قريب ..
| |
  
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: Munir)
|
تعرف يا منير !!
كنت من احسن الشباب في حلتنا ودفعتنا في الجامعة الذين يرقصون التويست ورقصة تانية ما عارف اسمها شنو بتلفق مع اغنية (يا قسيم الريد فوقك النبي) .. تحديدا ذلك المقطع الذي يتغني ب (بدلتو الكحلية) ..
ايييييه زمن !!
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: محمد حيدر المشرف)
|
ودالمشرف .. قلت لى تويست .. ده تويست العهد الجديد واللاّ شنو؟؟ التويست ده من العهد القديم ، وإنت عهد جديد ياخ .. هههه .. قصدك أغنية سهر المنام لى وحّدى ،، ياقسيم الريد الريد فوقك النبى ـــ قربت أكتب سهر الجداد ـــ ..
فعلاً زمن ياخ،، حين كان قمة الترفيه سينما وقرطاس تسالى ..
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: زينب محمد عبدالله)
|
طبعا يا منير مشكلتي اني ملول جدا في متابعة الحاجات الزي دي
لكن الفيديو الأول الإفترعت بيهو البوست شدني للآخر لدرجة أنو
لما انتهى اتفقدتو يمكن يكون ما انتهي ودي حركات من الجهاز ساي
لكن لقيتو فعلا انتهى.. الأولاود ديل شواطين بسم الله ما شاء الله
وتحلف تقول عدمانين اسم العضم ومتناغمين في حركاتم مع الموسيقي
ومع بعضهم مع قليل جدا من فقدان التوازن أحيانا لكن عموما فعلا
دا إبداع لا غني عنه للنفس الأمارة بالزهج والقرف من دون سبب .
ملاحظة : فيديو الحمام الياباني الأبيض كويس ما بطال ..
وكان ممكن يكون ممتاز جدا لو جابو زول غير الزول دا .. خخخخخخخ
...........................
ما فيها دور عرضة ورقيص عروس وشبال والذي منو ؟؟ ههههههههه
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: طلحة عبدالله)
|
طبعاً ياطلحة فعلاً الزول ما بيكون عنده أخلاق وزمن يقعد يتابع ليهو فيديو طويل، ولا حتى قصير .. إلاّ يكون مشوق للآخر .. وأنا اليومين الفاتو كنت متعلق فى فيديوهات شكلات الشوارع ... قصدت أبحث الـstreet fights قام جاتنى street dance .. خشيت وقام جونى التيمان ديل والفيديو موضوع البوست .. إعجابى بإبداعات البنى آدمين ديل دائماً عندما أقارنه بالفقر الإبداعى السودانى .. أقصى إبداع عندنا هو الجلد بالسوط والدموم تتخابط .. هو شنو هو؟؟ ..
استايل الرقص بتاع التيمان ديل ــ ومنافسيهم ــ نوع فريد .. يعنى أنا كنت معجب بحركات الكراتيه والكونفو كبدائع إنسانية ــ رغم تدعيمها فى الأفلام بالتحسين السينمائى ــ لكين هذا الرقص القدامنا بديع بدون تحسين والفن فى التصوير .. وهو يختلف من الإستايل الجابو ود القوز فى أنه حركات تعتمد عللى التنويع الفنى المعقد مع المرونة العالية والمهارة الفائقة مع الـcreativity المرتجلة ..
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: Munir)
|
هههههههههههه حركات بهلوانية شنو يا منير
الواحد لو جرى مترين نفسوا ينقطع وعايز ليه ربع ساعة يرتاح
أهديك قول الشاعرة
بطنك كرشت غي البنات ناسي
دقنك حمست جلدك خرش مافي
لاك مضروب بحد السيف نكمد في
ولا مضروب بلسان الطير نفصد في
متين ياحسين اشوف لوحك معلق
لا حسين كتل لا حسين مفلق
لا حسين ركب للفي شايتو غلق
قاعد للذكاة ولقيط المحلق
نصيحة
أها بعد الشيب يغزو الراس والبطن تكرش والصلعة تزحف بمتوالية هندسية
البهلوة دي انسوها وعليكم بالعجلة والمشي الطويل وللضمان خلي تلفونك معاك عشان لو قطعت يجيبوك للبيت
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: محمد الأمين موسى)
|
سلامات الأخ محمد الأمين موسى .. شكراً للمرور والتعليق المشفر .. ياخى قدر ما شغّلت التباديل والتوافيق لحروف الـ e-chiken دى غلبتنى ..
ومن ناحية الخوف .. اآآآى خــووواف .. :) لكين المناسبة ما عرفتها ..
ياربى أغير زاوية النظر؟ يمكن عندى زغللة من البرادايم ؟؟ .. ههههه ..
تسلم يا عزيز :)
| |
|
|
|
|
|
|
|
|
|
Re: لبدع البنى آدم وجوه عديدة ـــ فيديو مبهر .. (Re: Frankly)
|
سلامات فرانكلى .. بالله هو قاصد e-chicken ؟ .. ساقط spelling يعنى !! ..
ياخ دى إلاّ أبقى ديك حتين أنقشها ..
وزيما قلنا برضو المناسبة شنو؟ والخواف ربى عياله شنو ؟ كده الكلام وقع لى ..
والله ده آخر ما كنت أتوقعه من د.محمدالأمين ده .. لأنو عندى ليهو مقام مقدّر .. !!! يجى يقول لى الخواف ربى عياله؟؟ .. شئ عجيب ..
أنا يخيل لى إنو الناس القاعدة فى الدول العربية والخليج ديل داخلاهم خوفة وهلع من جراء الجو الأمنى الشائع ..
زمان جنى كتب لى تعليق زى ده فى أحد البوستات قال لى :هرشوك ؟؟ هههه ..
هسه ديل فرقهم شنو من "دفروك" بتاعة جادات؟؟
| |
|
|
|
|
|
|
| |
Munir
محمد البشرى الخضر
محمد حيدر المشرف
جمال ود القوز
زينب محمد عبدالله
طلحة عبدالله
Frankly
محمد الأمين موسى
فيس بوك
تويتر
انستقرام
يوتيوب
بنتيريست