|
Re: Could not find topic (Re: حيدر حسن ميرغني)
|
Quote: للحق الزول دا عرفتو قريب جدا شديد رغم انو تاريخ انضمامو ليهو فترة ما قصيرة |
طبعا يا طلحة صاحبي المستنير دا انت لاقيتو لما جينا ومعانا الزميل الغايب هاشم الحسن لحضور حفل تدشين كتاب حبيب نوره (الحب من طرف ثالث)، في النادي السوداني بالعين سنة 2011، لكن ما بكون لفت نظرك لأنو من النوع الخجول الما بتكلم قدام الغرباء، وإذا تكلم ياهو دا حالو
| |
|
|
|
|
|
|
Re: Could not find topic (Re: جلالدونا)
|
Quote: حضور حفل تدشين كتاب حبيب نوره (الحب من طرف ثالث)، |
تصدق يامعاوية انا حضرت تدشين الكتاب ده في احدى اجازاتي في الخرطوم .... لاقيت بورداب وبوردابيات لكن ماقلت لواحد فيهم انا منو عملت بوست نفس اليوم عن الفعالية دي - ذو اليد سألني قلت له انا دكين ))
| |
|
|
|
|
|
|
Re: Could not find topic (Re: حيدر حسن ميرغني)
|
يا أبا بكر دينا متين كانت نجمة هنا ؟؟؟ دي بالكتير تقول ليهو نكتة اتقالت قبل كدا خمسين مرة أو تحاول تتظارف بالسخرية من أهل العوض ومسواكم بالفرشة حقتا .. لكن مصدقك لو قلت دينا ياها أنا لأنو نفس التظارف وذات الإستماتة في إثبات الذات والمحاولات اليائسة لتخفيف الدم من غير جدوى .. خخخخخخخخخخ
تحية خاصة للحبيب جلالدونا وقبله للحبيب علي دفع الله وجميع الأخوة الأحباء هنا
| |
|
|
|
|
|
|
Re: Could not find topic (Re: طلحة عبدالله)
|
جلالدونا إستبعد انو فرانكلي يمسح لي مداخلة لأنو ببساطة شديد قاعد أرد رد موضوعي حتي لو فيهو خربشة فرانكلي دا بمسح الردود السمجة بس خخخخخخخخ
معاوية الزبير يا حبيب هو فعلا كان في كتاب تم تدشينو في النادي السوداني بالعين قبل كدا ؟؟؟ وحاة الطلاق ما متذكر
| |
|
|
|
|
|
|
Re: Could not find topic (Re: طلحة عبدالله)
|
وين المدعو تهريف الملقب بابي حسين ؟؟؟ وكيف فاتو مولد التلميع دا ؟؟؟ دي فرصة لا تعوض للشهرة والتأكيد على انو الواحد موجود وبكتب كمان .. تماما كما يفعل حاليا الأخ جرجير الشهير بود البشرى .. غريبة فعلا والله أنا محتار في غياب تهريف .
| |
|
|
|
|
|
|
Re: Could not find topic (Re: عمر التاج)
|
اصطفاف مين كده دفع الله وباقي الرجرجة خلف بقبقة وخروج محمد حيدر تشبه اصطفافهم خلف الخطيب وخروج الشفيع خضر سودانيز ونلاين بقت زي الميدان بعد دفنها
حليل الاستنارة وحزب عبدالخالق
| |
|
|
|
|
|
|
Re: Could not find topic (Re: اخلاص عبدالرحمن المشرف)
|
طلحلح .. سلام معطر .. وكل يوم انت بالف خير ومن معك ..
كتب صديقي الماهو ضيقي : ابكرونا :
Quote: فشنو، لو جونا ناس منتصر ومنى مسيب؛ |
شفت ابشرك يا ابكرونا حبيب الكل الشئ الوحيد الاساسآ ما بمشي مطلقآ عليهو الشكلة بين الصحاب . صاح انا متخصصة مشاكل مع المفسدين اعداءنا امثال فرانكلي واشباهو لكن دا اصلو ما بعني اني من رواد كل المشاكل .. لانه حقيقة بتعمل لي قرحة نفسية مشاكل الناس الجميلة المابتتوقعها في يوم تلقاها في موقف زي دا !!!!
عمومآ الحصل من ود المشروف اعتبرتو خاني الحظ ولقيتو في موقف ما بشبهو وبس .. والاتنين احبابنا واخوانا وما بنرضي فيكم الحبة .
ولكم جميعآ الحب والتقدير ..
وانت يا طلحلح .. شاحدة ربي بوستيك دا يصبح في خور الحوش . خخخخخخخخخخخخخخخخ .
| |
|
|
|
|
|
|
Re: Could not find topic (Re: جمال ود القوز)
|
لسه ما تم استنارته قرب الاستقامة من شروط الاستنارة
وبعدين البشاري قال ليهو سبعة اخوات ما صدقو بعد النظر من شروط الاستنارة قدر لكراعك قبل وبعد ونقة السنين واللة انا ذاتي مخلوعة 😀😀😀
| |
|
|
|
|
|
|
Re: Could not find topic (Re: اخلاص عبدالرحمن المشرف)
|
اخلاص اردمي مدعي الاستنارة دا ()
ابو بكر عباس كان ترجى الناس تصنفك ضمن المستنيرين ياخ!
مش تفكها في روحك يا عملات اخلاص هههههههههههههههه
اخلاص اختي براحة على المستنير دا ...
وبعدين بالطريقة دي بتفقدي سوايل ... والله صحي ()
وبعدين النحدثك
بكووور دا لما ادوهو عضوية في الفور اول عمل بارتي عدييييييييييل
اي والله ...
اها لكي ان تقيسي مدى فرحته بعضوية سودانيز
| |
|
|
|
|
|
|
Re: Could not find topic (Re: اخلاص عبدالرحمن المشرف)
|
الابن الحبيب محمد حيدر عارفاك داخل في ضوافرينك وفي نص هدومك من عمتو الشئ كلام رجال و شيتآ كبار ، استنارة و مستنيرين و نيتشه وكنت و انت والزول الشين بس العذر كلنا تلك الحنون ما تنحرج وحاة سيدي الحسن والمهدي الامام اخواتهم وامهاتهم وخالاتهم وعماتهم كلهم زيي الزول مستهبل وانت قلبك حار وزي ما دخلتك في ضفورك هو ما قصرت معاه من نوع التعرية ونقة المثقفاتيه و الجهة الفيها الحديدة المنبر فيه حرمتين وحابس الباقيات بتاوقو لو ما نصفكم الأخر معاكم اعرفوا في مشكلة
| |
|
|
|
|
|
|
Re: Could not find topic (Re: طلحة عبدالله)
|
طبعا يا حيدر، في ناس منتظرنو ينزل من السما بكرين وعربات الشرطة واقفة والنسوان يبكن -- ديل الضهب الضايع ليهم السراط المستقيم الاستنارة دي حاجة متعوب فيها مثل العمل الصالح
| |
|
|
|
|
|
|
Re: Could not find topic (Re: Frankly)
|
لما كان البورد بورد بالجد والعضوية كانت تفتيحة وليها وزنها بوستات طلحة كانت تلجلج في الاسافير حتى انني لمست فيها بوادر استنارة - ادو الراجل حقه ياخ
| |
|
|
|
|
|
|
Re: Could not find topic (Re: محمد البشرى الخضر)
|
بعدين يا حيدرنا قولة تلجلج دي زاتها ما شُكر هاك ليها من المعجم:
Quote: لَجلَجَ: ( فعل ) لجلجَ يلجلج ، لجلجلةً ، فهو ملجلِج ولَجْلاج ، والمفعول مُلجْلَج - للمتعدِّي لَجْلَجَ فِي كَلاَمِهِ : تَرَدَّدَ فِيهِ ، تَلَعْثَمَ لَجْلَجَ الْهَمُّ فِي صَدْرِهِ : تَرَدَّدَ لَجْلَجَ اللُّقْمَةَ فِي فَمِهِ : أَدَارَهَا مِنْ غَيْرِ مَضْغٍ لَجْلَجَ فلانًا عن الشيءِ : أَداره ليأْخذه منه |
كلهّن معاني سلبية ولاّ تكون قاصدها :)
| |
|
|
|
|
|
|
Re: Could not find topic (Re: حيدر حسن ميرغني)
|
Quote: عندك شك في نجومية طلحة |
نجو..إيه, نجومية منو؟ اللهم لا تعولقنا لا تخوزقنا دا بوست شنو المكلكع دا من استنارة المستنير لي نجومية طلحة !! تعال تم الناقصة و قول لي مصداقية جادات او ديمقراطية فرانكلي كمان :)
| |
|
|
|
|
|
|
Re: Could not find topic (Re: محمد البشرى الخضر)
|
يا ود البشرى عندي عندك طلب بصفتك فهام وصحاح: أشرح لي مداخلة أبو روضة ببوست أب سن قدر ما حاولت أفهم مثقفاتية قاصد يشكر بيها الدكتور ولّ يسبني بيها أنا؟! الغريبة ابسن رد عليها عادي وفهمها، صعبت عليهو مداخلة المسلمي! كلما أجي سودانيز دي ويتشعبطوا فيني الجريوات بتذكر طلب "كفار" قريش بتاع المبارزة في معركة بدر الكبرى
| |
|
|
|
|
|
|
Re: Could not find topic (Re: أبوبكر عباس)
|
خخخخخخخخخخخخ يا للفضائح .. أبو بكر المستجير وقف البورد على رجل كلب عشان الدكتور قال ليهو تستحق الاحتقار باعتبارا شتيمة لا تليق أو كلام فظ لا ينبغي أن يخاطب به زول مستنير بنجوم السماء.. و حلف يمين ستين انو قمة مستهدفة شجر فيهو ثمر ووووو.. الخ الخ لغاية ما دخلوا الطيبين هدوا من روعو ونفخوا ليهو البالونة حتين شوية كدا راق .. الشاهد انو ياهو ظاااااااااااااطو أبو بكر هيمسليف المتأفف المتوحوح المولول من لفظ احتقار اللصقو ليهو الدكتور يملص كل القيم والمبادىء الإتلفح بيها لما نابو الكلام الشين ( على حد تعبيرو) ويقعد ميطي ساي في السهلة عشان يرقص في جنازة الوقار المزعوم الشيعو مبكيا على صباهو الباكر وهو يصف الناس بالجريوات .. خخخخخخخ
لا وجرجير المعروف هنا بود البشرى دا كمان عنوان ضخم لتناقض المواقف التي يستبدلها كما يستبدل شراباتو .. شوف في البوست المسحوب دشدش تلج سيبريا والمناطق المجاورة مدحا وثناء في أبو أبكر.. وجاء في البوست دا عشان يسخر منو باعتبارو ولا حاجة زيو وزي نجومية طلحة الهلامية وديمقراطية فرانكلي المزعومة .. أو كما وصفا .. هههههههههههه....... يالكم من مجارمة مدعين .
| |
|
|
|
|
|
|
Re: Could not find topic (Re: طلحة عبدالله)
|
هسع يا طلحة ممكن تفتكر انو كلمة جيروات دي كتبتها وأنا لا أعي تناقضها مع ما أدعو له ؟! زي وزي أي واحد هنا ممكن يكتب جملة وينقضها في السطر الذي يليه؟ الكلمة دي ممكن تجيب عشرات زيك ينتقدوها، ولن يأتي واحد يبرر لي استخدامها!! الغريبة كلكم بتكونوا قريتو القصة التعليمية بتاعت الزول القال ليهو الخليفة عمر: "أني لا أحبك" الثقيل أو الإعرابي الجلف رد: ايمنعني حقي؟
| |
|
|
|
|
|
|
Re: Could not find topic (Re: طلحة عبدالله)
|
أنا المحيرني في الموضوع محمد المشرف مالو علي !! ياخي أنا (زول ساي) زي ما قال الكتاب .. أو زي ما قال علي دفع الله زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي كل أملاكي في الدنيا باسويرد بكري ومعاهو شوية منطق بشارك بيه مع الناس على طريقة غزوني ما تنسوني .. وحتى دة في ناس ما مقتنعين بيه يعني مثلاً ود البشرى بدل يقول لي انت زول منطقي بقول لي غالاط .. شفت كيف! المهم وانا بكامل أناقتي العنقالية دي أجي ألقى ود المشرف ما لقى شيتاً يكرم بيه ضيوف البوست غيري .. علي الحلال تكاني ضبحني في نص البوست لا إيدي لا كراعي والغريبة ظل يصر إلحاحاً إنه بعرفني وحافظ إني حأتداخل كيف رغم إنه قال اسمي 17 مرة ما فيهن ولا واحدة صاح ! بالمناسبة يا مشرف أنا اسمي أحمد .. ما محمد ياخ
انشغلت وانقطعت عن النت وما عارف البوست مشى كيف لكن بتمنى يكون في زول اتردم معاي ما أكون اتسلخت براي مع المحتفى به
| |
|
|
|
|
|
|
Re: Could not find topic (Re: أحمد محمد عمر)
|
يا تنظير الله يرضى عليك ما تخمنا ساي, انا في البوست كتبت مداخلة واحدة في حق المستنير عدمانة اسم التلجة! حتّى وصفتو بالشطة ظاهرها الحرقة و الأذى وباطنها الطعامة و اللذاذة و لابد منها لتطعيم اي وجبة وفتح النفس أسّي الكلام دا فيه دشديش تلج ولا كندرته حتّى !! اللهم إلاّ إذا كنت تعتبر مناداتي له بالمستنير نوع من التلج, ودي أنا ماخدها من باب نادوهم باحب الأسماء إليهم, زول سمّى نفسة المستنير اناديه بي شنو تفتكر ؟ ياخ اقول ليك حاجة؟ قوم لف
يا بكّور شايف علي شرح المداخلة ورد عليها وأدّاك حقك تمام من التلج يا قول تنظير ههههه
يا ابوحميد أمال انت قايل المنطق شنو؟ما ياهو زاته الغلاط .. لكن بفهم ما ساي :)
| |
|
|
|
|
|
|
Re: Could not find topic (Re: أحمد محمد عمر)
|
ممكن أشارك ؟.. استفزتنى كلمة يلجلج دى.. وحبيت أقول أنها تتفسر حسب السياق الدارجى ..
شوف اسماعيل حسن قال شنو فى درب البنات:
في درب البنات يا يُمّه أنا اتبشتنت .. واتبهدلت واتغربت دابي أنا اتوكّرتَ في بلدا بناتا بلا الخيول الجامحة فوق الريح تشابي وجوهن يُمّه كان شفتي القَمَرْ .. لَجْلَجْ يضاحك في الرّوابي عيونن يُمّه زي بحر المحيط الموج يولول .. والعِرِقْ لافِحنى فايت وا خرابي سنيناتِن بلا شُخُب الحليب الصافي يلهج في الكبابي ريقِنْ يُمّه زي خمر التمور المِنْ زمان طامْرِنو في جوف الخوابي رقيباتن رقاب الريل .. على الحَدَب البعيد شَرَفَنْ علي هِوهيو كلابي العرجون يصارع في السبيط .. مِندلّي في قَلْب الجريدْ هتّان ينقّط في العسل يا ريت شرابي ولونِن يُمّه زي لون القمِحْ ضَرّوه شوف ضراني كيف .. الله يضاريكَ يا الضَرْضَرْ صَوابي دريباتِن عُقاب التِّيه .. ما في خبير يشق التِّيه على بلد الدوابي مهورِن غاليْ ما بقدر عليهن .. وحاتك انت ما بقدر عليهن كمان شوفي المصيبه نفيستي فيهن منو البقدر يمد ايديهو لي كيس المرابي ..
طلحة لمن يجى طافح زهجان من حال البورد الراكد بيخجه يخلى أمواجه تتطاقش وبيكون فى قمة التجليات .. بس هو زاهد فى الـ شو .. وثنائية جرجير وتنظير (طلحة ـ محمدالبشرى) هى من بهارات هذا المنبر المتميزة ــ ظهرت براها .. توموتيكى كده :) .. طلحة سخرية شطة بس، ومحمدالبشرى مالح ..
ملحوظة .. المستنير ده قدر جاب كثافة إخلاص المشرف دى كيف ؟؟.. الست إخلاص فى البوست ده أظهرت عنف شديد اللهجة ضد المستنير الغيّاز .. ومع اللهجة الغاضبة وزعت الدعوات الصالحة والأمانى الطيبة !!! ..وبرضو فى بوست المشرف عمل شمطة مع نعمات لامن برضو استغربت كيف قدر يزعِّل نعمات قدر ده ؟؟ .. أكتر إتنين تستبعد زعلهم هم إخلاص ونعمات .. مفروض المستنير يراجع حساباته .. لكين الشنكل العمله للبشارى فى حكاية بنات جيرانهم شنكل خطير سبقنى عليه .. وكلمة "غير لائق" هى أكتر كلمة لائقة لتلك الحالة .. الكويس فى شخصية المستنير إنها شخصية محايدة زى الفول .. هسه الفول ده مش ممكن تاكله بأى حاجة؟؟ وطيب !! الزوول ممكن يكون صاحبك ويفكك بتعليق يعوقك ولا يبالى .. هسه يكون عوّق البشارى من حيث لم يحتسب .. لكين البشارى يستاهل ــ ما تعرفه معاك واللّا مع الخيانة ــ
(قال ما بيشتم لكين اليوم داك قال لى عوير :)) ..
هزُلت !!
| |
|
|
|
|
|
|
Re: Could not find topic (Re: Munir)
|
سنيناتِن بلا شُخُب الحليب الصافي يلهج في الكبابي ريقِنْ يُمّه زي خمر التمور المِنْ زمان طامْرِنو في جوف الخوابي رقيباتن رقاب الريل .. على الحَدَب البعيد شَرَفَنْ علي هِوهيو كلابي العرجون يصارع في السبيط .. مِندلّي في قَلْب الجريدْ هتّان ينقّط في العسل يا ريت شرابي ولونِن يُمّه زي لون القمِحْ ضَرّوه شوف ضراني كيف .. الله يضاريكَ يا الضَرْضَرْ صَوابي
حبيبنا منير .. مودتي يا جميل .. يا سلام على الكلام الجميل .. شوف روعة إسماعيل .. جمع بين الحليب ( أحل الحلال ) وكما عرقي التمر ( الحرام ) خمر معتق ( نبيت التمر المدفون شهور تحت الارض ) كمان يا منير إسماعيل وظف الكلب في جمال الوصف زي قريبنا خليل فرح ( كلبي يا جمجوم أصلو خاين ) ديل أهلنا ناس فطرة .. كمان لون القمح في القيساب ( خاصة القمح البلدي زمان قبل السلالات المستوردة ) كان ليه لون في غاية الجمال ..( جمع الاضداد ، الحليب والعرقي والكلب والغزال ) شكراً أبوبكر على البوست .. الذي جعل منير يرجع بنا إلى عالم الترابلة وجمال الشمال .. أبوبكر الحبيب مودتي .. نحن السودانيين كده نزعل نشاكل ونتصالح .. وكان زمان عندنا نظرية في ( ميز المدرسين ) في الزمن الجميل عبارة ( كلام الليل يمحوه النهار ) .. ويمكن تطويع هذه العبارة بشعار آخر له علاقة بالمنبر ليكون مخرج مناسب للجميع ..
معليش سرحت بعيد .. كل منك يا منير يا رائع ..
| |
|
|
|
|
|
|
Re: Could not find topic (Re: علي عبدالوهاب عثمان)
|
الحبيب على عبدالوهاب عثمان .. ياخى أنا بريدك لله فى الله .. أقل إشارة للجمال طوالى تطير بيك لأرض الشمال ولوحة من التراث فتعكسها لينا مملوءة بالأشجان .. شكراً ليك .. زيما قلت أنا استفزتنى كلمة يلجلج التى جابها العزيز حيدر، وجاء محمدالبشرى هرشه فقام حيدر جرَّ واطى وقعد يتحجج بالناطقين بيها وماأدراك من الحنك الميت .. هههه .. أها كلمة يلجلج دى قاعدة ملجلجة لى فى ذهنى مربوطة بعبارة اسماعيل حسن ــ رحمه الله ــ القمر ضاحك يلجلج فى الروابى .. صورة بديعة ما بتتنسى .. يجى محمدالبشرى يقول لي شنو وشنو .. كمان جاء فرانكلى شايت ضفارى قال المقصود يجلجل ــ لا بالله .. أحسن تقول جلالدونا ــ .. الإبداع فى كلمة يلجلج إنها معكوس يجلجل التى موسيقاها مزلزلة عنيفة .. ونلاحظ إبداعية أبيات القصيدة فى أى بيت فيها .. والبيت الواحد فى شقين ــ شطرين ــ .. الشق الأول وصف ساكن ، ثم يلحقه بالشق التالى ويكون وصف ديناميكى فيهو صورة متحركة .. يعنى شوف قال وجهن زى قمر ــ وصف ساكن ــ .. ثم يتبع الوصف الساكن بصورة ديناميكية فعلية ــ قمر ضاحك يلجلج فى الروابى ــ .. مشى للبييت البعدو .. يقول العيون بحر محيط ــوصف ساكن ــ ثم بعديها صورتين متحركات .. موج يولول .. وبعده .. العرق لافحنى فايت وا خرابى ـــ صورة ديناميكية فعل مضارع متواصل ... سنيناتن زى شخب الحليب الصافى ـــ وصف ساكن ــ ثم الصورة المتحركة ــ يلهج فى الكبابى ــ وهكذا تلاحظ هذا النسق التلقائى فى أبيات القصيدة ... تلقائية غير مصنوعة .. أأما الحلال فى وصف السنون بالحليب الحلال ... لكينن لمن جاب سيرة الريق وطعمه فإرتبط بخمر التمور .. طعم الريق ده بيتعرف كيف إن ما ارتبط بالحرام ومن ثم الخمر والحرام .. فرزت االليلى ؟؟ .. معليش إتفسحنا ليكم فى هذه المساحة الماهلة التى أتاحها لنا العزيز ظلحة.. وإن طلعنا برة الموضوع .. فعذراً ..🙂🙂🙂
| |
|
|
|
|
|
|
Re: Could not find topic (Re: Munir)
|
يا منير المقصود بالعربية هو يجلجل
ودا من الإقلاب الحاصل في العامية
بنقول جداد وبنقصد دجاج
وفي بعضهم بقولوا ديش وشدرة وفقعت (فقأت)
وهسع وبنقصد ها الساعة (هذه الساعة)
ومعليش وبنقصد ما عليه شيء
| |
|
|
|
|
|
|
Re: Could not find topic (Re: Munir)
|
هي لكن يا منير عايز تغالط المعجم يعني :) قاليك يلجلج معناها يتردد ويتلعثم وشنو ما عارف ثم الفكرة في نقد شكّير راكوبة تنظير في خريف البورد
| |
|
|
|
|
|
|
Re: Could not find topic (Re: محمد البشرى الخضر)
|
يافرانكلى وودالبشرى طبعاً زيما شايفين .. كلمة يجلجل معروفة، لكنى جبت ليكم كلمة يلجلج بأصلها الدارجى اللطيف والمرجع اسماعيل حسن ملك الكلمة اللطيفة .. قال القمر ضاحك يلجلج معناها خلاس يلجلج .. ما تقول لى معاجم وإقلاب وشنو وشنو .. معاجم بتاعة الساعة كم ياعم ؟؟🙂.. يعنى دايرنى أقول القمر ضاحك يجلجل فى الروابى .. دى تبقى ضحكة مجلجلة تفتقر للحياء 🙂.. الخلاصة إنو عبارة حيدر بتاعة بوستات طلحة قاعدة تلجلج فى روابى البورد عبارة صحيحة وبلاغية مقتبسة من عبارة اسماعين ــ القمر ضاحك يلجلج فى الروابى .. وهو المطلوب ..😎
| |
|
|
|
|
|
|
Re: Could not find topic (Re: Munir)
|
طبعا انت ما بتتغالط أصلك يا منير :) خلّينا من اللفظ ونمسك المعنى, وينن بوستات تنظير البلجلجن زي القمرة القالها اسماعيل حسن في روابي البورد ياهو بوست الأخطبوط الصدفة دا ولاّ واحد تاني؟
| |
|
|
|
|
|
|
Re: Could not find topic (Re: حيدر حسن ميرغني)
|
كيفك ياحيدر .. محمدالبشرى دواهو عند طلحة .. أصلو طلحة زوول رشاش شديد ... هسه شوف شغال رش فى المستنير وود البشرى ون شوط ــ مع إنو الأخير رشاشة فى عضمه ده ـــ ، و حتى لاحق ليك ودالمشرف فى منفاهو ...
بالمناسبة أنا لى هسة مستغرب من غضبة محمدالمشرف على أبوبكر .. معقول مكاواةة أبوبكر أثّرت فيهو قدر ده؟ لدرجةة يحرد البورد؟؟ ...
| |
|
|
|
|
|
|
Re: Could not find topic (Re: حيدر حسن ميرغني)
|
كيفك ياحيدر .. محمدالبشرى دواهو عند طلحة .. أصلو طلحة زوول رشاش شديد ... هسه شوف شغال رش فى المستنير وود البشرى ون شوط ــ مع إنو الأخير رشاشة فى عضمه ده ـــ ، و حتى لاحق ليك ودالمشرف فى منفاهو ...
بالمناسبة أنا لى هسة مستغرب من غضبة محمدالمشرف على أبوبكر .. معقول مكاواةة أبوبكر أثّرت فيهو قدر ده؟ لدرجةة يحرد البورد؟؟ ...
| |
|
|
|
|
|
|
Re: Could not find topic (Re: حيدر حسن ميرغني)
|
ههههههه مداخلات منير في البوست زي خضراء الدمن ومال إيه ... اذا كان جرجير عندو فيهو خرطمية مداخلة تلات أرباعن هراء والباقي لغو . شكرا منير على الحسن البديع .. والتقدير موصول لعلي عبد الوهاب .
| |
|
|
|
|
|
|
Re: Could not find topic (Re: طلحة عبدالله)
|
كتب أحمد محمد عمر أنا المحيرني في الموضوع محمد المشرف مالو علي !! ياخي أنا (زول ساي) زي ما قال الكتاب .. أو زي ما قال علي دفع الله زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي.
تعليق ولا يهمك يا بو حميد الدكتور دا أسلوبو في مواجهة أقل إختلاف معاهو قال لي نفس الكلام دا تقريبا قبل كدا وهسه قال للمستجير أبو بكر حاجة زيو وبكرة لمنير الفوق دا وبعد بكرة بقولوا لى نفسو هو ظااااااااطو نان ات قايل شنو .. خخخخ
| |
|
|
|
|
|
|
Re: Could not find topic (Re: طلحة عبدالله)
|
ياخ طبعااً أنا برضو تابعت بوست محمدالمشرف ــ لكين ممكن فاتتنى مداخلات كتيرة ــ أجيب ليكم وكت من وين أنا ؟؟ .. أها برضو حيرتنى عدائية محمدالمشرف ضد أحمدمحمدعمرده .. يشيل ويكتب محمد محمد .. لغاية ما قلت ودالمشرف مالو مع محمدالبشرى .؟ . أعمل اسكرول أب أقول أفتش محمدالبشرى ده هبب شنو .. ألقاهو آخر حلاوة بدون أى عداوة .. أقوم أعمل سكرول داون ألقى مداخلة تانية برضو شديدة اللهجة موجهة لـ محمد .. ثم أقوم تانى أعمل اسكرول أب ثم داون لغاية ما قنعت زاتو .. وماخطر ببالى إنو يكون قاصد أحمدمحمدعمر .. ذكرنى حلقات االمصارعة الحرة لمن الحكم يندق سنبلة ساى .. بعدين الحاجة التانية ـ أنا ده الماعندى خلفية عن الموضوع فهمت عبارة على دفع الله لمن قال ليهو لقيتك زوول ساى .. لكين محمدالمشرف طفّش الكورة .. بعدين أخيراً ياطلحة شايفك هنا هاجمت النجمة دينا خالد هجوم عنيف حيرنى .. الظاهر نحن قاعدين فى المنبر ده people ساى ، وماجايبين خبر للمشاكل الحاصلة بورانا .. دينا يشاكلوها؟
الحكاييى شنى آناس؟؟ .. 😯
| |
|
|
|
|
|
|
Re: Could not find topic (Re: Munir)
|
ههههه
Quote: ياخ طبعااً أنا برضو تابعت بوست محمدالمشرف ــ لكين ممكن فاتتنى مداخلات كتيرة ــ أجيب ليكم وكت من وين أنا ؟؟ .. أها برضو حيرتنى عدائية محمدالمشرف ضد أحمدمحمدعمرده .. يشيل ويكتب محمد محمد .. لغاية ما قلت ودالمشرف مالو مع محمدالبشرى .؟ . أعمل اسكرول أب أقول أفتش محمدالبشرى ده هبب شنو .. ألقاهو آخر حلاوة بدون أى عداوة .. أقوم أعمل سكرول داون ألقى مداخلة تانية برضو شديدة اللهجة موجهة لـ محمد .. ثم أقوم تانى أعمل اسكرول أب ثم داون لغاية ما قنعت زاتو .. وماخطر ببالى إنو يكون قاصد أحمدمحمدعمر .. ذكرنى حلقات االمصارعة الحرة لمن الحكم يندق سنبلة ساى .. بعدين الحاجة التانية ـ أنا ده الماعندى خلفية عن الموضوع فهمت عبارة على دفع الله لمن قال ليهو لقيتك زوول ساى .. لكين محمدالمشرف طفّش الكورة .. بعدين أخيراً ياطلحة شايفك هنا هاجمت النجمة دينا خالد هجوم عنيف حيرنى .. الظاهر نحن قاعدين فى المنبر ده people ساى ، وماجايبين خبر للمشاكل الحاصلة بورانا .. دينا يشاكلوها؟
الحكاييى شنى آناس؟؟ .. 😯
|
يا منير طلحة أصلاً كدا برش ضلوا ذاته
يا أخي كرهنا فريق المريخ وصفوة الحاصر والتاريخ
| |
|
|
|
|
|
|
Re: Could not find topic (Re: طلحة عبدالله)
|
هههه ياخ وحات شيخي اتا ألذ زول معلم وسيد المعلمين كمان يا احمد محمد عمر الاقتباس التحت دة من تعليمك
Quote: أنا المحيرني في الموضوع محمد المشرف مالو علي !! ياخي أنا (زول ساي) زي ما قال الكتاب .. أو زي ما قال علي دفع الله زول نكرة ساي ما عندي التكتح .. لا مثقف لا أديب لا ناشط سياسي لا صاحب موهبة ولا الرمادة دي كل أملاكي في الدنيا باسويرد بكري ومعاهو شوية منطق بشارك بيه مع الناس على طريقة غزوني ما تنسوني .. وحتى دة في ناس ما مقتنعين بيه يعني مثلاً ود البشرى بدل يقول لي انت زول منطقي بقول لي غالاط .. شفت كيف! المهم وانا بكامل أناقتي العنقالية دي أجي ألقى ود المشرف ما لقى شيتاً يكرم بيه ضيوف البوست غيري .. علي الحلال تكاني ضبحني في نص البوست لا إيدي لا كراعي والغريبة ظل يصر إلحاحاً إنه بعرفني وحافظ إني حأتداخل كيف رغم إنه قال اسمي 17 مرة ما فيهن ولا واحدة صاح ! بالمناسبة يا مشرف أنا اسمي أحمد .. ما محمد ياخ
انشغلت وانقطعت عن النت وما عارف البوست مشى كيف لكن بتمنى يكون في زول اتردم معاي ما أكون اتسلخت براي مع المحتفى به
| |
|
|
|
|
|
|
Re: Could not find topic (Re: عبدالحفيظ ابوسن)
|
(لكن ما بكون لفت نظرك لأنو من النوع الخجول الما بتكلم قدام الغرباء، وإذا تكلم ياهو دا حالو). ـــــــــــــــــــــــــــــــــــ هههههههههههههههههههههه، اموّت رُكُن ياخ، النوع دا الكي بورد بالنسبة ليهو زي قزازة العرقي. مستنير من وراء حجاب.
العيد يتبارك عليك يا طلحة كما لا يفوتني ان ابلّغ سلآمي لعمتي بت المشرف وخالص التحايا لبتاع درجة تالتة جلالدونا، واقول للحنين السلآم جاك يا زول هوي، ؤ سلآم كتييييييييييير لفرانكلي كيتاً عليهو عشان ما راح يقدر يمسح المداخلة دي ؤ معاهو ؤ سلآم لجميع ناس البلد...
| |
|
|
|
|
|
|
Re: Could not find topic (Re: عبدالحفيظ ابوسن)
|
يا دكتور منير انا وصفت حالة ما هاجمت الست فعلا من وجهة نظري انها بتحاول تتظارف بدون خطوط حمراء خخخخ وأكاد أقتنع بادعاء المستجير أبو بكر انو هو ظااااااااظو دينا خالد لأنو نفس الإستايل في خفة الدم المنجورة من الرأس .. والله ما عايز أقول (سماجة) عشان ما اتفهم غلط بس . حبابك والله يا منير المنير .
| |
|
|
|
|
|
|
Re: Could not find topic (Re: طلحة عبدالله)
|
Quote: العيد يتبارك عليك يا طلحة كما لا يفوتني ان ابلّغ سلآمي لعمتي بت المشرف وخالص التحايا لبتاع درجة تالتة جلالدونا، واقول للحنين السلآم جاك يا زول هوي، ؤ سلآم كتييييييييييير لفرانكلي كيتاً عليهو عشان ما راح يقدر يمسح المداخلة دي ؤ معاهو ؤ سلآم لجميع ناس البلد... |
درجة تالتة الرفيعة دى !!! ياخى بقيت اشجع فريق هلال العليفون أسمع ... الحكاية دى جابتلها نوق عصافير و انتا لاك النعمان لاك عنترة فشنو تقوم تتخارج يا حبة ما تلفخك عصفورة .. المحيرنى فرانكلى الماخد راحتو ده
| |
|
|
|
|
|
|
Re: Could not find topic (Re: جلالدونا)
|
ود أب سن وحاة الله انت الخير والبركة
Quote: برضو حيرتنى عدائية محمدالمشرف ضد أحمدمحمدعمرده |
يا منير الحكاية بدت لمن أنا استغربت عدائية محمد تجاه شاهين .. أها طوالي نشّن علي فاااااا شنو .. بل راسك
| |
|
|
|
|
|
|
Re: Could not find topic (Re: أحمد محمد عمر)
|
(المحيرنى فرانكلى الماخد راحتو ده). ــــــــــــــــــــــــــــ
ياخي دا يحيّر نطي بن شمهروش زاتو، بالله يتحاوم في بوستات الناس زي المافي شي !، جِنِس سغالة اصلآ ما قابلتني، زول سغيل بس !.
يلآ يا فرانك، تعال أمسح...
| |
|
|
|
|
|
|
Re: Could not find topic (Re: معاوية المدير)
|
هههههههههههه فرانكلي ما يقدر يمسح لكن يقدر يرش بالمثل خخخخخخخ أحب الأكشن ياخ ... البوست مبذول لكل صاحب غبينة ههههههههههههه بس ما تاخدو راحتكم للآخر يا جماعة عشان أنا وإن كنت شرير لكن برضو أحيانا بتحرج وتحية للوحدة العربية
| |
|
|
|
|
|
|
Re: Could not find topic (Re: معاوية المدير)
|
Quote: يلآ يا فرانك، تعال أمسح...
|
هههههههههههههه
العاجبني انو بدا ياستك ود البشرى زاتو
هو بوستاتو وكلامو شن طعمن الماسخات الكلهن تطبيل وفبركات
وهو عارف انو كل بوستاتو مكشوفة الغرض والمرض
عشان كدا ما بقدر يخلي الناس يكشفوها ويكشفو حالو
ؤ يملصوهو ميييطي في قارعة بوستيهو زااااتو
يسألني الله كان ما خاطر طلحتوف دا كان ارشو لمممن يقول بس
بث الواحد ما عايز يبقى (سغيل)
| |
|
|
|
|
|
|
Re: Could not find topic (Re: طلحة عبدالله)
|
( هههههههههههههه العاجبني انو بدا ياستك ود البشرى زاتو هو بوستاتو وكلامو شن طعمن الماسخات الكلهن تطبيل وفبركات وهو عارف انو كل بوستاتو مكشوفة الغرض والمرض عشان كدا ما بقدر يخلي الناس يكشفوها ويكشفو حالو ؤ يملصوهو ميييطي في قارعة بوستيهو زااااتو يسألني الله كان ما خاطر طلحتوف دا كان ارشو لمممن يقول بس بث الواحد ما عايز يبقى (سغيل) ). ـــــــــــــــــــــــــــــــــــــــ
يا عمّك أرفع كُراعك من الأبنص عشان ما تحرج صاحب المحل، هو بِكسِف.
خلآس ما تلقولكم طاقة بس، هسّع منتصر يجي مقلّع...
| |
|
|
|
|
|
|
Re: Could not find topic (Re: معاوية المدير)
|
يا جماعة قلنا ليكم رشوا شنو الحسس القائمين فيهو دا رشوا رشوا رشوا .. بس أركزوا للقصف المقابل خخخخخخخخ اتوا نسيتوا أنا قبل كدا فتحت بوست مخصوص للرش والرش المضاد واللا شنو ؟ البوست الرشيت فيهو ضنب التيس داك ههههههههه... طبعا هو عرفا زاغ بقي يقابض من بعيد لبعيد. رشوا ساي الله يقويكم ..
| |
|
|
|
|
|
|
Re: Could not find topic (Re: Munir)
|
د. منیر معلیش شخب الحلیب ولا ساکن ولا حاجة ( هو الغلات دا حق ابو منو) يا دكتور شخب دي فيها ديناميكية تحير الواحد زمان لمن كنت سغير كنت ما اشوف لي زول بيحلب غنمايتو الا اجري اقعد جنبو شفت. صوت اللبن في ماعون الحليب ياهو كلمة (شخب) دي ذاتها شخب. شخب. شخب. والله صحي
| |
|
|
|
|
|
|
Re: Could not find topic (Re: عثمان عووضة)
|
(يا طلحة انت بتتكلم مع منو؟ يا أخي البرالمة ديل رسلهم لبوستات ود الباوقة كدي بالجنبة كدا ما في طريقة تنادي ود الصايم ولا تمبس؟). ـــــــــــــــــــــــــــــــــــــــــ ههههههههههههههههههه، والله يا طلحة احييك في بعدي يا نجمي ياياياياياااااااااااا سعدي، هسّع دا إقتباس كامل لكلآم عمّك فرانك ؤ ما يقدر يمسح نقطة. تمبس ؤ ود الصايم يا راجل يا كبير. طيّب وكت برالمة بتمسح ليه ؟، يا سغيل...
| |
|
|
|
|
|
|
Re: Could not find topic (Re: عثمان عووضة)
|
Quote: يا أخي البرالمة ديل رسلهم لبوستات ود الباوقة
|
قادر الله .. قاااادر الله .. سي سي فوق الوليد الضي
بالله انت فرقك من ود الباوقة شنو؟؟؟؟؟؟؟
مشييييشيييب
| |
|
|
|
|
|
|
Re: Could not find topic (Re: Haytham Ghaly)
|
هووووووى يا مدير ويا هيثموف عليكم الطلاق فرانكلي دا رشااااش ما تشوفوا سردبتو دي خخخخخخخخ المهم حاولوا انتوا وهو سخنوا الآكشن شوية ياخ .. معقولة دا رش بالغين هسة ؟؟؟؟؟ .. هههههههه
| |
|
|
|
|
|
|
Re: Could not find topic (Re: طلحة عبدالله)
|
(هووووووى يا مدير ويا هيثموف عليكم الطلاق فرانكلي دا رشااااش ما تشوفوا سردبتو دي خخخخخخخخ المهم حاولوا انتوا وهو سخنوا الآكشن شوية ياخ .. معقولة دا رش بالغين هسة ؟؟؟؟؟ .. هههههههه). ـــــــــــــــــــــــــــــــــــــــــــ هههههههههههه، ياخي ذكرتني قصة الحمار واللسد، قالوا، اللسد مرّة دخل في طين لزج، زي المستنير كدا، اها جا الحمار فايت لقاهو غاتس في الطين. اللسد عايز يعمل فيها حريف قالوا، يا الحمار تعال مرقني من الورطة دي. الحمار قال ليهو، ورطة !، إنت ما شفتة ورطة، الورطة لآمن الطين ينشف ؤ يجو ناس الحِلة يلقوك وكران. عيييييييك حِلّك لآمن يجو ناس الغباين منتصر، ناصر، جلالدونا ؤ بقية ناس الحِلة، عمّك الوكرتو في الطين دا حا ينسلخ حتي لو بقى نملة.
المايك عندك يا فرانك...
| |
|
|
|
|
|
|
Re: Could not find topic (Re: حيدر حسن ميرغني)
|
( الواحد لما يكون ما عارف القصة ما يألف سااااكت دا ما الأسد دا أبو العفين أبو العفييييييييين قال اسد هه). ــــــــــــــــــــــــــــ شكراً للتصحيح، انا غايتو اوردتها كما وصلتني.
يا حيدر مالك ياخ، إنت مُش قلت الراجل صاحبك ؟!.
المايك معاك يا فرانك...
| |
|
|
|
|
|
|
Re: Could not find topic (Re: Haytham Ghaly)
|
واللذيذ في الموضوع انو في مداخلتو دي راشي ليك ود الباوقة
بي هاند باك كدا بدون ما يشعر ومن حيث لا يحتسب
ودي انا فاهما ليي عايز يستبق التشبيه بي ود الباوقة
لانو عارف انو توأم بالنسبة لي ود الباوقة فالمسألة دفاع عن النفس
ويا روح ما بعدك روح
طبعاً الكيزان اصلهم كدا في أصغر محك لا بعرف صاحب ولا اهل
يا نفسي وبس وممكن عادي يقولك ديل فسدة ومجرمين لي ناسو زاتم
ما شفتو الاسمو ( ابي) مين كدا قال شنو في البشير بعد اقالو من منصبو
مبدأ خوة فرتك دا عااادي عندهم
| |
|
|
|
|
|
|
Re: Could not find topic (Re: حمد عبد الغفار عمر)
|
( يا معاوية المدير تعال لي في بوستاتي عشان أرد ليك السلام
(عدل بواسطة Frankly on 09-22-2016, 09:12 AM) (عدل بواسطة Frankly on 09-22-2016, 09:19 AM)). ــــــــــــــــــــــــــــــــــــــــــــــــــــــ ههههههههههههههههههههههه، قايلني زيّك يا غشيم، يدردقك ؤ يقنطرك طلحة، ؤ داير تقنطرني ؤ تمسحني مُش ؟. بعدين تعال هنا مسحت شنو يا الثعلب المكار ؟، إنت حتي في بوستات الناس تمسح !. عندك وردة فوق يا سغيل.
المكرفون معاك يا عمو فرانك...
| |
|
|
|
|
|
|
Re: Could not find topic (Re: معاوية المدير)
|
سلام وتقدير عظيم للدوق حمد عبد الغفار كل سنة وانتوا كويسين يا حبيب . أما بعد الاخوة الأعضاء ود المدير وفرانكلي والجنود بصراحة رش اللبن دا ما بنفع في البوست دا .. اتصلحوا معانا واللا فضوا لينا المكان للبديع منير يجىء ينزف لينا نزف منفرد هنا .. بلا عدل بلا دردقو بلا حنك عاضي معاكم .. خخخخخخخخخ
| |
|
|
|
|
|
|
Re: Could not find topic (Re: حمد عبد الغفار عمر)
|
العجيب الجماعة ناس ودالمدير والشلة قالوا فرانكلى ماخد راحته فى البوست قال .. يا كِيَشا التمساح ــ المسّاح ــ بدردق فيكم .. عايز ليهو كم واحد يمشى ياخد راحته هناك عشان يطير بيهو فوق وينزل يمسح بيهو الواطة ..
قال فرانكلى ماخد راحته قال ..
| |
|
|
|
|
|
|
Re: Could not find topic (Re: Munir)
|
الأستاذ الحبوب عثمان عووضة .. أشكرك على الفك والتركيب لمعنى شخب الحليب ، والذى بأمانة ما كنت مستوعب كلمة شخب دى بصورة يقينية .. أو بالأحرى ما كنت فارزها إسم أم فعل .. والأغلب ظنيتها إسم مرتكزاً على شخلوب التمر .. خاصة وإنو فى الأبيات التالية جاب سيرة العرجون والسبيط والتى رسخت لى تشابه شخب الحليب مع شخلوب السبيط .. وبرضو عبارة شخب الحليب لو فلفلناها زيادة .. ممكن أقول ليك إنو كلمة حليب دى زاتها فهمتها بمعنى ساكن مغاير للمعنى بتاعك الديناميكى .. فـ "حليب" الفهمتها أنا بمعنى لبن (زى حليب المراعى النافخ ناس السعودية :)) .. أما حليب فى سياق كلامك فإنه عملية حلب اللبن شخصياً .. والفرق واضح :) ..
| |
|
|
|
|
|
|
| |