|
|
|
 Re: الشربوت ضحية العام (Re: عبدالحفيظ ابوسن)
|
وانا قاعد في السوق
نسبة التسوق لشراء بلح الشربوت تفوق ال 90%
اي زول بفتش لي بلح شربوت وبشكل ملاحظ
تسألو
الخروف لسة
ما معروف والله
ما اظن
المهم الناس دي كلها متحايلة علي الشربة
واحد من ناس السوق قال لي
السنة الجاية الناس دي بتشد عرقي عديل
| |
 
|
|
|
|
|
|
|
|
Re: الشربوت ضحية العام (Re: عبدالحفيظ ابوسن)
|
استاذ قال لي
نحن ما بنعمل شربوت بنعمل دكاي
قلت ليهو والفرق شنو ما كلو واحد
قال لي الشربوت دة حق عرب ساي
نحن بنسخنو في النار ونديهو خميرة
قلت ليهو كلامك دة تحايل علي العرقي ساي
شربوت بالخميرة دة إلا يرفعوك رفعان
| |
|
|
|
|
|
|
|
|
|
Re: الشربوت ضحية العام (Re: عبدالحفيظ ابوسن)
|
كل عام وانت بخير
هسه يمين دخلت البيت شايل البلح من ضمن حاجات قلت عايز أعمل شربوت المره قالت لي أنا صائمة ما بدخل يدي فيهو
عملت لي هوزاز في قصة حلال وحرام دي
لكن بعملوا بنية صادقة على أساس أنو تفديرة للحمة بس وعلى كيفو كان بقى قوي ول خفيف
أي اقتراحات
| |
|
|
|
|
|
|
|
|
|
Re: الشربوت ضحية العام (Re: حمد عبد الغفار عمر)
|
شوف يا حمد شربوتك دة قطع شك بطلع عصير ساي
حليو حليو
الشربوت دة آت لايست ركز مع آت لايست دي داير تلاتة يوم عشان ينجض بعد تنزلو من النار
ممكن تربط رغيفة في قماش وترميها فوقو خروجا من حرمة الخميرة
| |
|
|
|
|
|
|
|
|
|
Re: الشربوت ضحية العام (Re: حمد عبد الغفار عمر)
|
اسعار الخرفان قالو معقولة
شية جمر ان شاءالله
وكع كع انبهلت 😄😄😄
ما تخمجو وتعملو زي السوداني الخته الخميره من غير ما
الولية تعرف وهي ضيفت بها جارتها السعودية ال قرطعت 4
كبايات وقالت يا زين عصيركم يا السوادنه
| |
|
|
|
|
|
|
|
|
|
Re: الشربوت ضحية العام (Re: حمد عبد الغفار عمر)
|
هههههه يا اخلاص
عماً لينا بكسر فيهو عرقي بالليل
والصباح بجو الناس يعيدو .. الديوان مرشوش والله تلقي الناس نايمين عنبر باطنية بس .. للعصر
الواحد يقطع ليهو كم كباية وينتكي
قلت ليهو
ياعم فلان الجماعة قالوا غشيتهم
قال لي
علي بالطلاق عارفين . الواحد من اول جغمة بعرفو لكن متحايلين علي السكر ساي
| |
|
|
|
|
|
|
|
|
|
Re: الشربوت ضحية العام (Re: عبدالحفيظ ابوسن)
|
والله يا محمد المرتضي ضحكتني
قالوا
اصلا متسبلا جدادة نقدا
في الضحية في شربوتات مشهورة .. والوالد رحمة الله عليهو بوصينا من البيت
اوعك تشرب شربوت عمك فلان وفلان
وتحذير شديد اللهجة يقرب يقول ليك وتعيد عليهو زاتو
هو زات نفسو ما بشرب منو
لو شربت منو تشعشع عديل
| |
|
|
|
|
|
|
|
|
|
Re: الشربوت ضحية العام (Re: حمد عبد الغفار عمر)
|
إهداء إلى الأستاذ عبد الحفيظ أبو سن
*****
***
في عيد من أعياد الأضحى .. بالسعودية
قامت سودانية بالمنطقة الشرقية بعمل شربوت من نوع ( شراب الفقرا )
و كانت مكوناته بالطبع : البلح و الحرجل و الهبهان و القرفة ..
وضعتْه في برميل صغير سعة 2 جردل كبير .. لأن ضيوفهم من نوع السيل غير المنقطع ..
و أوْدعتْ البرميل مخزناً صغيراً في ركن قصي بالشقة ..
أما زوجها و لأنه من مرتكبي جريمة أكل الكبدة من الخروف عندمايكون الخروف لا يزال تحت تأثير السلخ ..
فقد أضاف خلسة و في غياب زوجته الهميمة ، أضاف ثلاث معالق ( خميرة بيرة )...
مما جعل المشروب ( يصيبه الجنون ) و يثور و يفور في غضون يومين حتى تململ غطاء البرميل و تأبط شرا.. و أصدر هسيساً كهسيس الثعبان في كومة قش.
و ظنتْ الزوجة أن ثورة البرميل ربما كانت بسبب الكتمة التي يرقد فيها البرميل في المخزن المليء بالكراكيب ..
و رغم أن إبنها ظل يردد عدة أيام : يمة في ريحة غريبة في شقتنا..
إلا أن الأم كانت متأكدة من نظافة بيتها ..
فقام الأب بلكز إبنه في جنبه و قال له : نخرتك عاوزة نضافة .. أمشي ألْعب بعيد يا جنا..
ثم جاء العيد ..
كانت أول زائرة لهذه الأسرة جارتهم السعودية ... زوجة الرجل المتزمت ثقيل الدم ..
فناولتها السودانية كباية ( شوب ) مليئة بالمشروب البركاني ..
و هي تذكر لها المكونات مع التركيز على الهبهان الذي يحبه السعوديون مع القهوة.
فلحستْ السعودية المشروب دفعة واحدة ..
ثم مصمصتْ شفتيها .. و مطّقتْ
و زاغت عيناها قليلاً ..
و لأن الشربوت الغتيت من النوع الذي يمد لك يد الإستزادة منه .. فقد طلبت المرأة السعودية كوبا آخر ..
و هي تقول : فيهو شي زين و شيتن موب زين ..
ثم تلتْه بالثالث .. و الرابع .. حتى ثقل منها اللسان و صارت ( صاحية كالنعسان ) ..
إبتسمتْ .. ثم ضحكتْ ضحكة رخيمة ..حتى دمعتْ عيناها ..
ثم وقفتْ تتمايل ..
و خرجت مترنحة و هي تقول ( يا زين عصايركم يا السودان ) ..
و يقال أن الجارة المصرية قد سمعتْ السعودية المنتشية و هي ( تتدشا ) في الممر الطويل بأعلى صوتها .. و هي تقوم بالتمليس على بطنها و إبتسامة صفراء بلون الشربوت ترقد على شفتيها.
ثم دخلت السعودية شقتها ..
و رزعتْ الباب خلفها ..
و ران صمت رهيب ..
الهدوء الذي عادة ما يسبق العاصفة ..
ثم شق السكون صوت السعودي زوج المنتشية و هو يزبد و يرغي : تشربين المنكر يا بنت الـ...... و كمان في يوم العيد ؟
ثم خبط على شقة السوداني متوعدا : أنا بجيب لكم الشرطة الآن يا اللي ما تختشوا .. تسوون المنكر في بيوتكم و كمان تسقوها لضيوفكم ؟
ثم إنطلق لا يلوي على شي ..
فأخذت السودانية مع أبناءها البرميل تحت جنح ظلام الليل و أودعوه أقرب برميل زبالة ،
و تنفسوا الصعداء بعد أن تم التخلص من جسم الجريمة ..
و العهدة على الراوي :
يقولون أن الزوجة السعودية كانت تغني طوال الليل و هي تضحك بين الفينة و الأخرى ثم تقول :
آآآآآآآآآآآآآآآآآآآآآآآآآآآآآآآي ..
****
يا زين عصايركم يا السودان ... ( بمناسبة قرب حلول عيد الأضحى )يا زين عصايركم يا السودان ... ( بمناسبة قرب حلول عيد الأضحى )
في 2007 كتبت هذا البوست وهو صالح لكل شربوت ( غتيته وخفيفه
| |
|
|
|
|
|
|
|
|
Re: الشربوت ضحية العام (Re: معاوية الزبير)
|
| Quote: كدي شد لي تلفون يا ابوالريش، يمين عندنا شربوت، داير ليك GPS عشان ترجع الكباية التربيزة |
زول في حالتي دي، حآخد الموضوع جد طوالي ...... بيتكم بي وين يا عينيّ
| |
|
|
|
|
|
|
|
|
|
Re: الشربوت ضحية العام (Re: محمد أبوالعزائم أبوالريش)
|
المشربتين ..
كل سنة و انتو طيبين و عساكم من عوادو
يا ود الزبير ياخى سمّى الحاجات بى مسمياتا و بلاش تلاعب بالالفاظ
هسى فى ذمّتك دى .. ال جى بى اس ده شغل شربوت ... ياخى ده عصير بلح عدييييل
___
اخبار حمد شنو .. ما يكون غرق فى زير
غايتو الله يستر
| |
|
|
|
|
|
|
|
|
|
Re: الشربوت ضحية العام (Re: عثمان عووضة)
|
كل عام وكلكم بخير وربنا يحقق أمانيكم جميعها
أنا الشربوت عندي رغى وتزبد وقال لي لو راجل أشربني
العصرية كدا أخدت لي منو جغمة آمنت بالبلح والخميرة
قلنا نخلي باللليل فالليل غطى الجبال زي ما بقولوا الحرفا
بعدين يا أبو الريش الشربوت دا عايز ليهو حاجة مع زول خبرة زيك كدا بلح وموية بنسبة 1:4 لو مستجل ملعقة كبيرة خميرة وتقفل ولو صبور خلي بدون خميرة وأجدع فيهو قرفة وهبهان وقرنجال كاملات (بدون سحن )
وعينك حتشوف النور بس
| |
|
|
|
|
|
|
|
|
|
Re: الشربوت ضحية العام (Re: ايمن الصادق)
|
كتر خيركم والله
تشربتو بي عافيتكم
البوست برعاية حمد
عيد السنة دي طش مني
لا لحمة لا شربوت والله ثم ولا نت ولا منبر
عاد تجي كيف الناس داخله مارقه وانت مكنكنش في موبايلك زي الشفع الصغار
عاصر الفراش
| |
|
|
|
|
|
|
|
|
|
Re: الشربوت ضحية العام (Re: عبدالحفيظ ابوسن)
|
تاني يوم العيد هيمت عديل .. بتعرفو الهيم
زي واحدة كدة مشيت كوستي .. البكاء في ربك
قلت يا ولد الواطة سخنة والدنيا عيد .. حركة المعزين بتقل شوية
اخطف كراعي وارجع
سألت ود عمي .. ذات ود عمي الكان ابوي بحذرني من شربوت ابوهم
انتو يا خالد عاملين شربوت
قال لي آي .. لكن مع البكا دة والله ولا فتحتو
اقنعتو نمشي كوستي دقة سريعة كدة ونجي
وصلنا واخوكم شرفان .. ولا رجيت الكباية .. البيت فاضي .. فتحت التلاجة وقرطعت من جردل البلاستيك .. بكون شربت بمقياس ريختر كم كدة ما عارف
المهم صنقعت بالجردل .. وختيتو جبدت نفسي وتاني صنقعت حتي طقطق صدري
ختيت الجردل فاضي توفيق من الله ساي
اها كرعيني ماتن وحيلي برد ورقدت
بي الله التلفونات تتخابت
اهلي واخواني
انت وين .. في ناس بسألو منك
مشيت وين
سبحان الله اي زول جاني وقت الشربوت للعزاء
يعني اقول مشيت اشرب شربوت في كوستي
| |
|
|
|
|
|
|
|
|
|
Re: الشربوت ضحية العام (Re: عمر دهب)
|
تصدق يا معاوية زي ما قلت ليك .. جردلت بس استعاضة عن التبويزة
صنقعت بيهو لامن شفقت ود عمي .. ثم صنقعت تاني
لكن اتأكدت انو شربوتهم يوجب الاستكانة ..
مليت لي كريستالة بعد داك لكن وحاتك قطعت منها كباية نمت نومة واحدة قمت الصباح
الصباح انا قايل لو شميت الغطاية بنوم
| |
|
|
|
|
|
|
|
|
 Re: الشربوت ضحية العام (Re: محمد أبوالعزائم أبوالريش)
|
(بعد داك أول زائرة تعيِّد عليكم ناولها كباية شُب 750 ملم ،
قسما عظَما تطلع تسِّلم على الشارع من طرف.. ).
ـــــــــــــــــــــــــــــــــــــــ
دا كان كرعيها شالنها.
غايتو يا عبد الحفيض بتلقالك زول طارش في البوست دا.
العيد يتبارك عليكم ست...
| |
|
|
|
|
|
|
|
|
|
Re: الشربوت ضحية العام (Re: عبدالحفيظ ابوسن)
|
غايتو يا ابوالريش النكتة دي لافة لف جاتني زي طرشمية مرة انو كل المشربتين رافعين الشربوت وفطور الوقوف بعرفة في مكان واحد ولا يجدون في انفسهم حرجا
ولا اجد سببا يجعلهم يشعرون بالحرج
| |
|
|
|
|
|
|
| |
عبدالحفيظ ابوسن
حمد عبد الغفار عمر
محمد المرتضى حامد
ابو جهينة
محمد أبوالعزائم أبوالريش
معاوية الزبير
جلالدونا
عثمان عووضة
ايمن الصادق
عمر دهب
معاوية المدير
فيس بوك
تويتر
انستقرام
يوتيوب
بنتيريست