|
|
|
 Re: النسبة العالمية للذباب (Re: عبدالحفيظ ابوسن)
|
يا ربي عملوا احصاء لعدد الذباب
يجيك بتاع الصحة يسألك
عندك كم ضبانة وكم باعوضة في البيت
اها هنا انت بتجهجه
لأنك متعود علي الاحصاءات ومآلاتها الجبائية
وتقنب تسأل في الناس يجهجهوك زيادة
يا زول عليك امان الله تقول عندي كتير معناتو وضعك كويس والسكريات والاكل راقد هبطرش عندك .. سمعت قالوا في رسوم ضبان يردموك لامن تقول بس
لا لا
احسن تزيد لأنو بوزعو ليكم بف باف حسب عدد الضبان في المتر المربع
| |
 
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
هههههههه
ابسن اخوي بالجد ناس المؤتمر اللاوطني ديل مرات بفرقوا علينا الهم والغم بي جنس الاخبار دي ...
------
مع الكيزان مش حا تقدر تغمض عينيك ..
هم من جلب الضبان لانهم عالم زبالة ...
تبا لهم ..
| |
|
|
|
|
|
|
|
|
|
Re: النسبة العالمية للذباب (Re: Abdullah Idrees)
|
شكرا أخ أبو سن
الذباب دا كافر ولا مسلم ؟ والمسئول دا مقتنع بحديث (الذبابة) ولا ما مقتنع
والنسبة العالمية دي من دول (ألغرب) ولا من احصائيات الباشا اردوغان ؟؟؟
يا ساتر من تصريحات المسئولين ومرات الواحد يتساءل اصلا هم مسئولين من إيــــه ؟؟؟؟؟
| |
|
|
|
|
|
|
|
|
Re: النسبة العالمية للذباب (Re: أحمد الشايقي)
|
يا ابو سن
سلامات
وسلمي لي ع الصنف
ياخ ديل حيرو الضبان والباعوض في حنانو
سمع اضاني في غرفتي المافيها ولا باعوضة
باعوضة وضبانة بتغالطوا في تعداد الضبان والباعوض العالمي بتاع السودان
الضبانة : قالو عدوكم
الباعوضة : البعدنا يعدو في النار
الضبانة : النبي فيك لو ما رقتي عشان اديك الشمار
الباعوضة : شمار شنو كمان
الضبانة : ناس محلية الخرطوم اظنهم ضربو ليهم صنف قوي
الباعوضة : اجي !!
الضبانة: اعدم جنحاتي الكلام ده صاح
الباعوضة سلامة جنحاتك .. اها ما لهم
الضبانة : قالو عددنا في السودان نقص
الباعوضة : هههههههههههههههههههههه يجازي محنك يا الضبانة يمين انتو عددكم في الخرطوم فاق تعداد الصين بي ضبانها
الضبانة : قهرتك بي الله وعلي اسد الله مالك علينا
الباعوضة : هي يا الضبانة ما تزعلي بهظر معاك
الضبانة : اها وانو زاتكم قالو انعدمتو
الباعوضة : اجي يا بت امي ؟ عملو لينا تحديد نسل والا شنو .. هم يا كافي البلا التعدد كمل مروتهم يجو يسوه محنهم فينا ؟!!
الضبانة : انت في التعدد والا لمليم القروش وكتير اكل الحلوى جاب ليهم السكري لحقهم الغتس بقو شغالين شفاهي لمن بقوا يقبضوهم في اوضاع مخلة كاملة الدسم
وباقي الشمار في الحلقة القادمة
| |
|
|
|
|
|
|
|
|
|
Re: النسبة العالمية للذباب (Re: Hani Arabi Mohamed)
|
سلام يا حفيظ،
ما عارف ليه أنا فهمت إنو النسبة دي بتخص بيوت أم درمان.
بس حكاية النسبة العالمية دي بتجيب ليهم أمم متحدة وقوات مشتركة ما أظن يقدروا عليها.
طيب ... إذا كانت النسبة دي تخص بيوت أم درمان.
عايزين نسمع من مراسلنا في كوستي.
ولو أضاف لينا مع النسب دي نسبة القعوي، يكون ما قصّر.
______
الزمن ده عرفنا يعني شنو "شر البلية ما يضحك"
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
لاحظت يا الشايقي المصطلح العلمي
النسبة العالمية !!
يعني في دراسات علمية موثقة وتجميع داتا وفرزها وتحليلها
والاهم
انو الضبان دة في كل العالم .. وبمقارنة النسبة ما كبيرة خالص
شفت اللعب العلي مستوي دة
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
ود أب سن وصحبه الكرام
تحية الصحة والعافية
تصويب:
المخلوقات المعنية في أمصارنا هي ضبان وليست ذباب وهي كما تعلم تتواجد وتتوالد بس في السودان يعني ضبانا حصري وفي ما سواه من الأمصار يمكن أن يكون ذباب.
أما الباعوض أو الناموس فزي ما قال لي زول من ناس زمان يا ولدي لو دايرين يقضوا على مرض الملاريا البكلف علاجو قروش عيييك قيامه يقضوا على الباعوض وعشان تقضي على الباعوض دا لازم تعمل عملية إصحاح للبيئة إنت قايل هسي كان ما المويات دي الباعوض دا بعيش كان.
بعدين النسبة دي ظالمه خلاص يعني الضبان من صباحاتاً بدري مكرهنا البيت الضبانة ترك فيك لمن تنط بالله من شدة ما كراعا خشنة تقول مشققه وإتخيل نفسك في أوضه ومعاك تمانية ضبانات حسوما والله لا تهش ولا تنش بعد داك والسؤال الأهم هي النسبة كانت كم قبل التقليل يعني ثمانية دي خلاص شغل ونصر مؤزر.
يا أخي البلد برميل قمامة كبير ومكب نفايات ماكن ، زمان كان في كل مربوع برميل كوشه بتجي العربية بتشيلو حتى لو بعد يومين أها الجماعه قالو لا دا كلام فارغ لازم ندفع رسوم للنفايات تقوم عربية النفايات بالحوامة في الأحياء شارع شارع ودار دار يسبقها واحد بي صفاره للتنبيه ، أها حينها نقوم بإخراج الزبالة للشارع ، ومثالب هذه العملية لو العربية ماجات يا إنت يا الوساخة في البيت ، ولو واحد سخيف زي يوسف ود سيد أحمد عمل حكاية هجم النمر وجاب ليهو صفارة وعلى إقرها الناس مرقت وساختا في السهلة أها في الحالة دي نرجعها ووب نخليها في الشارع ووبين لأن الخوام سوف تعمل فيها عمليات إنزال جوي عديل كده.
أقترح على القائمين على الأمر:
أن يفرضوا يومياً على كل مواطن قتل إثنا عشر ضبانة على أن يكون من بينها من إتنين إلى أربعة ضبانات ضكر دون إستخدام المبيدات الحشرية ولا بأس بالشبشب أو المقشاشة أو الجريدة في القتل الرحيم.
أن يقوم كل مواطن يومياً بإحضارعدد تسعة باعوضات على أن يكون من بينها ستة باعوضات على قيد الحياة وثلاث إناث أنوفيليس أو بعوضة الأجمية أو الأنوفيلة(Anopheles)
يمكن لكل مواطن لا يرغب في قتل الضبان أو إحضار الباعوض حيناً أن يقوم بدفع بدل نقدي يصلح لسفرة واحدة خارج البلد وثلاث سفريات بين الأقاليم
| |
|
|
|
|
|
|
|
|
|
Re: النسبة العالمية للذباب (Re: almulaomar)
|
سلام الأخ عبد الحفيظ
عندي سؤال من ما قريت الخبر ده
هل تمت مراعاة نسبة الذكور إلى الإناث؟
وده بيقودنا للتركيز على نسبة الإناث بالذات فيما يخص البعوض
لأنو المعروف هو أن أنثاه السيدة/ أنوفوليس هي المنفذ
والمخطط والمدبر لمرض الملاريا.
وده خلاني افكر كيف ناس البيت يفرزو بين الذكر والأنثى
وبعد البحث البسيط وجدت هذه المادة في موقع لا يقل علماً
عن أهل المحلية. إلى الموضوع:
بسم الله الرحمن الرحيم
بعض الناس يؤرقهم وجود بعوضة في البيت، و لا يغمض له جفن حتى يقتلها،
أو يقتله النعاس و لا يستطيع النوم خوفـًا منها، لكن مهلاً... فليس كل البعوض
يستحق هذا الاهتمام، هل تعرف لماذا؟إن البعوض الذي تراه في بيتك قد يكون
ذكرًا أو أنثى، فأما الذكر فلطيف رقيق لا يحب الدم و لا يستسيغه، إنما يعيش
على رحيق الأزهار و الورود، و وجوده في بيتك ليس إلا للزيارة فقط، أما الأنثى
فهي مستودع الشر، لا يروق لها إلا سفك الدماء، و هو طعامها المفضل، فإن رأيت
بعوضة أنثى في بيتك فلا تنم فيه، لا لسمو خلقك على سموه ، بل لحقن دمك. تبقى
مسألة التفريق بين جنسي البعوض، فلا تقلق... هي مسألة بسيطة سهلة:
اقترب من البعوضة بهدوء و انظر إلى رأسها من مسافة نصف متر تقريبًا أو أقل ،
فإن رأيت أن رأسها ناعم دقيق لا شيء يعلوه، فهي أنثى مصاصة دماء، تنتظر غفلتك
لتنقض عليك، فلا تنم حتى تقتلها، أو اترك البيت لها مهزومًا. و إن رأيت أن الرأس
يحمل شاربين كبيرين نسبيًا عن يمين و شمال فهذه بعوضة ذكر، إن تمكنت من قتلها
فافعل تحديدًا للنسل، و إن فشلت فلا تجزع و نم قرير العين هانيها فلن تضرك.
هذه صورة توضح شكل الرأس في كل من الجنسين، ثم في الأسفل تصغير لهما
بما يقارب الحجم الحقيقي للناظر من بعد نصف متر تقريبًا، و أؤكد أن المسألة بسيطة ،
فبعد رؤية أول بعوضة ذكر يصبح التمييز سهلاً
http://forum.ashefaa.com/showthread.php؟t=74739http://forum.ashefaa.com/showthread.php؟t=74739
كما توجد رسومات توضيحية تساعد أرباب وربات البيوت يمكن طباعتها ويمكن للعائلة
ان تجتمع لتدارس وإضافة بعد التعديلات عليها بس بتبقى في إشكاليات صغيرة بتاعة تشوف
راسها من نص متر دي
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
برضو يا ابوالريش تجاهلت الضبان والباعوض المسافر .. مرات بجي مع الناس راكب العربات ولا مباري ليهو زول
غايتو انا ما بعرف النسبة العالمية لكن تعال المغرب وعاين لي مباخر المراحيض عليك امان الله دخان بس .. من بعيد تشوفو مارق اسووووووود
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
يا انور عندنا الضبانة السكرانة
تعذبك عذاب . ترك في نخرتك تنهرها تلقاها ركت في اضانك . تنفضها تجيك في عينك
ما تفوت وشك كلو كلو
خمسة شنو ياخ كباية الشاي مبارياتنها عشرين ضبانة . الا تاكل بي يدينك الاتنين تنهر بي يد وتاكل بالتانية
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
|
ﺍﻟﺨﺮﻃﻮﻡ : ﻟﺒﻨﻰ ﻋﺒﺪ ﺍﻟﻠﻪ
ﻛﺸﻔﺖ ﺍﻻﺩﺍﺭﺓ ﺍﻟﻌﺎﻣﺔ ﻟﻠﺸﺆﻭﻥ ﺍﻟﺼﺤﻴﺔ ﻭﺍﻟﺒﻴﺌﻴﺔ ﺑﻤﺤﻠﻴﺔ ﺍﻣﺪﺭﻣﺎﻥ، ﻋﻦ ﺍﻧﺨﻔﺎﺽ ﻧﺴﺒﺔ ﺍﻻﺻﺎﺑﺔ ﺑﺎﻟﻤﻼﺭﻳﺎ ﺑﺎﻟﻤﺤﻠﻴﺔ ﻧﺴﺒﺔ ﻹﻧﺨﻔﺎﺽ ﻣﺴﺘﻮﻯ ﺍﻟﺒﺎﻋﻮﺽ ﻋﻦ ﺍﻟﻤﻌﺪﻝ ﺍﻟﻌﺎﻟﻤﻲ ﻟﺘﻜﻮﻥ ﻧﺴﺒﺔ ﺍﻟﺒﺎﻋﻮﺽ ﺑﺎﻟﻤﺤﻠﻴﺔ 3 ﻣﻦ ﻋﺸﺮﺓ ﺑﺎﻋﻮﺿﺔ ﺑﺎﻟﻐﺮﻓﺔ، ﺑﻴﻨﻤﺎ ﺍﻟﻤﻌﺪﻝ ﺍﻟﻌﺎﻟﻤﻲ 6 ﻣﻦ ﻋﺸﺮﺓ ﺑﺎﻋﻮﺿﺔ ﺑﺎﻟﻐﺮﻓﺔ .
ﻭﺃﻭﺿﺢ ﻣﺪﻳﺮ ﺍﻻﺩﺍﺭﺓ، ﺻﻼﺡ ﺍﻟﺪﻳﻦ ﺣﺴﻦ ﺣﺎﺝ ﻣﻮﺳﻰ، ﻟـ ( ﺍﻟﺠﺮﻳﺪﺓ ) ، ﺃﻣﺲ، ﺃﻥ ﻧﺴﺒﺔ ﺍﻧﺘﺸﺎﺭ ﺍﻟﺬﺑﺎﺏ ﻛﺎﻧﺖ ﺃﻋﻠﻰ ﻣﻦ ﻣﺴﺘﻮﻯ ﺍﻟﻘﻴﺎﺱ ﺍﻟﻌﺎﻟﻤﻲ ﻓﻲ ﺑﺪﺍﻳﺔ ﻓﺼﻞ ﺍﻟﺨﺮﻳﻒ ﺑﺴﺒﺐ ﻭﺟﻮﺩ ﺣﻈﺎﺋﺮ ﺍﻟﻤﻮﺍﺷﻲ، ﻟﺘﺴﺠﻞ ﻧﺴﺒﺔ ﺍﻟﺬﺑﺎﺏ ﺑﺎﻟﻐﺮﻓﺔ ﺍﻟﻮﺍﺣﺪﺓ 8 ﻣﻦ ﻋﺸﺮﺓ ﺫﺑﺎﺑﺔ، ﺑﺰﻳﺎﺩﺓ 2 ﻣﻦ ﻋﺸﺮﺓ، ﻟﺠﻬﺔ ﺍﻥ ﺍﻟﻘﻴﺎﺱ ﺍﻟﻌﺎﻟﻤﻲ ﻳﺒﻠﻎ 6 ﻣﻦ ﻋﺸﺮﺓ ﺫﺑﺎﺑﺔ ﺑﺎﻟﻐﺮﻓﺔ، ﻭﻋﺰﻯ ﺯﻳﺎﺩﺓ ﺗﻮﺍﻟﺪ ﺍﻟﺬﺑﺎﺏ ﻟﻌﺪﻡ ﺍﻟﺘﺰﺍﻡ ﺍﺻﺤﺎﺏ ﺍﻟﺤﻈﺎﺋﺮ ﺑﺎﻏﻼﻗﻬﺎ ﻭﺍﻟﺬﻫﺎﺏ ﻟﻤﻨﺎﻃﻖ ﺍﻟﺰﺭﺍﻋﺔ ﻓﻲ ﻓﺘﺮﺓ ﺍﻟﺨﺮﻳﻒ ﺣﺘﻰ ﻻ ﻳﺘﻮﺍﻟﺪ ﺍﻟﺬﺑﺎﺏ، ﻣﻮﺿﺤﺎً ﺃﻧﻪ ﺗﻮﺟﺪ ﺑﻤﺤﻠﻴﺔ ﺍﻣﺪﺭﻣﺎﻥ ﺃﻋﺪﺍﺩ ﻛﺒﻴﺮﺓ ﻣﻦ ﺍﻟﺤﻈﺎﺋﺮ، ﻭﻛﺸﻒ ﺃﻥ ﺍﻟﺤﻤﻼﺕ ﺍﻟﺘﻲ ﻧﻔﺬﺕ ﺑﺎﻟﻤﺤﻠﻴﺔ ﻋﻤﻠﺖ ﻋﻠﻰ ﺗﻘﻠﻴﻞ ﺍﻟﻨﺴﺒﺔ ﺍﻟﻰ ﺧﻤﺴﺔ ﻣﻦ ﻋﺸﺮﺓ ﺫﺑﺎﺑﺔ ﺑﺎﻟﻐﺮﻓﺔ، ﻭﺃﺷﺎﺭ ﺍﻟﻰ ﺃﻥ ﻧﺴﺒﺔ ﺍﻹﺻﺎﺑﺔ ﺑﺎﻻﺳﻬﺎﻻﺕ ﻋﺎﺩﻳﺔ ﻭﻏﻴﺮ ﻣﻘﻠﻘﺔ ﻭﻗﺎﻝ ﺍﻧﻬﺎ ﻳﻤﻜﻦ ﺃﻥ ﺗﻜﻮﻥ ﺧﻄﺮﺓ ﻟﻮ ﻛﺎﻧﺖ ﺍﺳﻬﺎﻻﺕ ﻣﺎﺋﻴﺔ، ﻣﻌﺘﺒﺮﺍً ﺃﻥ ﻣﺤﻠﻴﺔ ﺍﻣﺪﺭﻣﺎﻥ ﻫﻲ ﺍﻷﻓﻀﻞ ﻣﻘﺎﺭﻧﺔ ﺑﺎﻟﻤﺤﻠﻴﺎﺕ ﺍﻷﺧﺮﻯ ﻣﻦ ﺣﻴﺚ ﺍﻹﺻﺤﺎﺡ ﺍﻟﺒﻴﺌﻲ ﻧﺴﺒﺔ ﻟﻤﺎ ﻭﺻﻔﻪ ﺑﺘﻔﻬﻢ ﺍﻹﺩﺍﺭﺓ ﻷﻫﻤﻴﺔ ﺍﻟﺼﺮﻑ ﻋﻠﻰ ﺇﺻﺤﺎﺡ ﺍﻟﺒﻴﺌﺔ .
ﺍﻟﺠﺮﻳﺪﺓ
ﻏﺮِّﺩ
منقول بي ضبانتو
| |
|
|
|
|
|
|
|
|
|
Re: النسبة العالمية للذباب (Re: معاوية الزبير)
|
ثلاثة ضبانات في الغرفة ولا بسوي شي
إلا قعادو ما حلو
عشان تعرف الناس البعملوا من أجل العمل وناس تصريحات ديل
مشروع النيل الأزرق الصحي من خلال خطة مدروسة قضى على البلهارسيا تماما في مشروع الجزيرة
وكاد أن يقضي على الملاريا لكن أعداء النجاح فرتقوا المشروع وعادت الملاريا بأقوى مما كانت عليه
| |
|
|
|
|
|
|
|
|
|
Re: النسبة العالمية للذباب (Re: عبداللطيف حسن علي)
|
Quote: يا انور عندنا الضبانة السكرانة
تعذبك عذاب . ترك في نخرتك تنهرها تلقاها ركت في اضانك . تنفضها تجيك في عينك
ما تفوت وشك كلو كلو
خمسة شنو ياخ كباية الشاي مبارياتنها عشرين ضبانة . الا تاكل بي يدينك الاتنين تنهر بي يد وتاكل بالتانية |
سلام ياصاحب ,,
ودعمى قال لى الناس فى السودان من كترة الضبَبَّن تلقى الواحد
شايل اللُّقمة على خشمو بى إيد ومضاريها بى ايدو التانية زى التقول
داير يولَّع سيارة,,
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
مرحبا الملاعمر
وحبابك
ما عارف سمعتها وين ولا قريتها ولا لفحتها .. قالوا في مدينة مليانة فيران . فكان واحد من شروط الزواج ان يحضر العريس عشرة رؤوس فيران حتي يأذن له بالزواج. كملو الفيران
غايتو ضبانا دة ما ظنيتو عند غيرنا
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
تعرف يا اشرف في معلومة درسوها لينا في الابتدائي . انو انثي الانوفليس هي البتسبب الملاريا .. ورسمناها ورسمنا خشمها ونفرق بينها وبين غيرها انها بتكون عامله زاوية 45 درجة مع السطح لامن ترك
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
ما ياها الناموسية زاتها الضبانية علا ام العيال محرم علي اقجها والناس داخلة مارقة . قالت لي دة سلوك ناس خلا ساكت
في نكتة متداولة
قال ليهو باعوضنا بجن تلاتة . اتنين برفعن الناموسية والتالتة بتخش
بوست ود الباوقة والله عشان ما ابهتهم ساي من الصباح بفتش في النت عن حكاية الاحصائيات دي
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
افتكر ما كانوا مضطرين لموضوع النسبة العالمية دي . ويحشروها حشر
يقولو قضينا علي الذباب والناموس بنسبة قريب للمية الا واحد من عشرمية في المية ما مشكلة
لكن نسبة واحصاء ما مهضومة وبتستفز العقل
من اوضة لي اوضة عدد الذباب والباعوض مختلف
الحوش
تخليك تصدر اوامر متكررة وبليدة في اغلاق باب البرندة للشفع داخلين مارقين
صعب في بلد زي السودان انك تعرف عدد الكدايس الضالة في المستشفيات ولا الكلاب ولا المجانين اللافين في الشوارع خليك من الضبان والباعوض
الرش ما مبيد ياهو الجاز مع الموية
والامر بسيط زي زمان ردم البرك ورش المياه الآسنة بالزيت بدون بطولات وتصريحات في الصحف
في مشكلة حالات الملاريا ودواها الغالي .. والانكأ انو الملاريا بالتكرار كل مرة بتقاوم نوع علاج
الذباب نشر الاسهالات المعوية والتايفود
ف شنو
ما يبقن علينا اتنين مرض وتصريحات تهين معرفتنا وثقافتنا
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
ههههه
الشفوت لحقو عملو نكتة لافه
ﻣﻮﺍﻃﻦ ﻳﺘﺼﻞ ﺑﻤﺤﻠﻴﺔ ﺍﻣﺪﺭﻣﺎﻥ:
ﺍﻟﻮ .. ﺍﻟﺴﻠﺎﻡ ﻋﻠﻴﻜﻢ.. ﺍﻟﻤﺤﻠﻴﺔ؟
ﺍﻳﻮﺓ .. ﻣﻌﺎﻱ ﻣﻨﻮ ؟
ﻣﻮﺍﻃﻦ, ﻋﻨﺪﻱ ﺳﺆﺍﻝ: ﻋﺪﻳﺖ ﺍﻟﺒﺎﻋﻮﺽ ﻓﻲ ﺍﻟﻐﺮﻑ ﻭﻟﻘﻴﺘﻮ ﺯﺍﻳﺪ ﻭﺍﺣﺪﺓ.. وﺍﻟﻀﺒﺎﻥ ﺑﺮﺿﻮ.. ﻣﻤﻜﻦ ﺍﻓﻬﻢ ﻟﻴﻪ ﺍﻟﻌﺪﺩ ﺯﺍﻳﺪ؟
ﻟﺎ ﻳﺎ ﺍﺳﺘﺎﺫ, ﺍﻟﺒﺎﻋﻮﺿﺔ ﻭﺍﻟﻀﺒﺎﻧﻪ ﺍﻟﺰﻳﺎﺩﺓ ﺩﻳﻞ ﻣﺎ ﻣﺤﺴﻮﺑﺎﺕ.. ﺩﻳﻞ ﺟﻮ ﻋﺸﺎﻥ ﻳﺠﻤﻌﻮﺍ ﻗﺮﻭﺵ ﺍﻟﻌﻮﺍﺋﺪ ﻭﺍﻟﻨﻔﺎﻳﺎﺕ ﻣﻦ ﺍﻟﺒﺎﻋﻮﺽ ﻭﺍﻟﻀﺒﺎﻥ ﺍﻟﺴﺎﻛﻦ ﻣﻌﺎﻛﻢ.. ﻳﻌﻨﻲ ﻣﻮﻇﻔﻴﻦ ﻋﻨﺪﻧﺎ ﻓﻲ ﻗﺴﻢ ﺍﻟﺘﺤﺼﻴﻞ, ﻭﺍﻋﻀﺎﺀ ﻓﻲ ﺍﻟﻤﺆﺗﻤﺮ ﺍﻟﻮﻃﻨﻲ.
ﺗﻤﺎﻡ ﺳﻌﺎﺩﺗﻚ .. ﻃﻴﺐ ﺍﻋﺮﻓﻬﻢ ﻛﻴﻒ, ﻋﺸﺎﻥ ﻟﺎ ﺳﻤﺢ ﺍﻟﻠﻪ ﻟﻮ ﻟﻘﻴﻨﺎ ﻓﻠﻮﺱ ﻭﺍﺷﺘﺮﻳﻨﺎ ﺑﻒ ﺑﺎﻑ ﻣﺎ ﻧﺮﺷﻬﻢ؟
ﻧﺸﻜﺮﻙ ﻋﻠﻰ ﺣﺴﻚ ﺍﻟﻮﻃﻨﻲ, ﺩﻱ ﺑﺴﻴﻂﺔ ﺟﺪﺍ.. ﻟﺎﺣﻆ ﺍﻛﺒﺮ ﻭﺍﺧﻀﺮ ﺿﺒﺎﻧﺔ.. ﻭﺍﻗﻮﻯ ﻭﺍﻛﺘﺮ ﺑﺎﻋﻮﺿﺔ ﻣﻠﻴﺎﻧﺔ ﺩﻡ ﺩﻳﻞ ﺗﺒﻌﻨﺎ.. ﻣﺶ ﺍﻟﻘﺮﺍﻥ ﻗﺎﻝ:
ﻳﺎ ﺍﺑﺖ ﺍﺳﺘﺄﺟﺮﻩ, ﺍﻥ ﺧﻴﺮ ﻣﻦ ﺍﺳﺘﺄﺟﺮﺕ ﺍﻟﻘﻮﻱ ﺍﻟﺎﻣﻴﻦ؟ ﻳﺎﻫﻮ ﺩﻩ ﺷﻌﺎﺭﻧﺎ ﻣﻦ ﺍﻳﺎﻡ ﺍﻟﻔﻠﺲ ﻭﺍﺗﺤﺎﺩ ﺍﻟﻂﻠﺎﺏ ﺑﺎﻟﺠﺎﻣﻌﺎﺕ.. ﺍﻟﻠﻪ ﻟﺎ ﻋﺎﺩﻭ.
😁😁😁😁😁😁
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
شكرا يا بوسن
بوست عجيب مستعجب كحالنا جميعاً والتقرير بتاع عدد الضبان والباعوض دا مضلل شديد
ياخي مش ممكن ابداً الدور والقصور في أحياء المجاهدين وطه الماحي والمنشية واللي لفت لفها يكون فيها العدد دا برضو .. دا ايه دا .. دا عيب كماااااااان
ديك بيوت بس فيها العملات الأجنبية الكافرة والغربية والذي منه وريحتها تطلع لما واحد (حرامي مسكين) يطش الطريق ويسجل زيارة ... عرضية ...
يقول ليك الزول المسكين دا شال ليهو كم ألف دولار وكم ألف يورو وكم ألف استرلييني وتهليل تكبير أمريكا روسيا قد دنا عذابهـا
المهم قال ليك المؤتمر الوطني بعد تقرير الباعوض والناموس دا رسل المعلومات للجنة اعداد برنامج الانتخابات القادمة
من ثلاثة بواعيض لي اثنين
ومن خمسة ذبابات لي ثلاثة
شعار الانتخابات القادمة باعوضتين وثلاثة ذبابات بالغرفــة
قصـــروا معاكــم ؟؟؟
| |
|
|
|
|
|
|
|
|
|
Re: النسبة العالمية للذباب (Re: أحمد الشايقي)
|
انت ملاحظ يا الشايقي غرامهم مع النسبة والتناسب .. في كل حاجة يقارنوا بي بلاد برة .. وسبحان الله اي منظمة ولا استبيان يطلعنا الاوايل في كل قيمة سالبة والطيش في كل قيمة موجبة
| |
|
|
|
|
|
|
|
|
|
Re: النسبة العالمية للذباب (Re: عبدالحفيظ ابوسن)
|
بعد التوكل على الله
أقول انه هناك جهات عليا استفادت من تصريح عدد الذباب والبعوض
وهي التي اطلقت التصريح وغطت بيهو على اللف والدوران على خارطـة الطريق حتى بعد توقيع المعارضة عليها
وعلى التكريم المدبر في أديس أبابا وحكاية اللبسة المزخرفـة الحمراء
وعلى حكاية فانيلة ميسي والتي نفاها مكتب السيد ميسي وطلع الموضوع ضارب
شـفــت كيـــف ؟؟؟؟؟
| |
|
|
|
|
|
|
| |
عبدالحفيظ ابوسن
علي دفع الله
ناصر احمد الامين
Abdullah Idrees
أحمد الشايقي
د.محمد حسن
Hani Arabi Mohamed
محمد أبوالعزائم أبوالريش
ANWAR SAYED IBRAHIM
ASHRAF TAHA
معاوية الزبير
حمد عبد الغفار عمر
عبداللطيف حسن علي
عبدالعزيز الفاضلابى
فيس بوك
تويتر
انستقرام
يوتيوب
بنتيريست