|
|
 Re: الإنقاذ مستمره بالقهر والظلم والإستخدام (Re: كمال عباس)
|
صباحكم زين ,,
غايتو يا الكوبي الكلام دا بنبلعوا ليك ! عشان عجلة البوست
تستمر . ونقلل من التوتر هههههههههه .
Quote:
( منير ده بمثل الوسطىية في المنبر . .
راجل موضوعي ما عندو مبالغات ولا تطرف في الراي . .
ده رأيي والسلام عليكم ورحمة الله وبركاته . .)
اتفق تماما مع صاحب هذا الكلام |
والله في .
ولكم الشكر ,,,
| |
 
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
( لا أختلف معك فى الجهود الكبيرة والإنجازات الإنقاذية والتى أنا أرى أعظمها ثورة الإتصالات .. فى التسعينات شهدنا كيف أن سوداتل حفّرت الدنيا لإنشاء شبكة حديثة للإتصالات، وكيف أنه فى فترة وجيزة السودان كله إتملأ تلفونات أرضية .. وثم فى فترة أوجز إتركنت التلفونات الأرضية وحلت محلها الموبايلات ، ومن ثَمّ خشينا مرحلة الإسمارت فون .. ده غير الإنجازات الأخرى وخاصة العسكرية .. )
سلامات يا منير
هل تصدق الانجازات الانقاذية الكبيرة الشايفها دى هى جزء من الفساد التى تتحدث عنه فى هذا البوست
الانقاذ من وصلت السلطة ما اهتمت الا بالاشياء التى تدر بالمال لحزبها ولمنسوبيها والاتصالات دى بزنس استفاد منه الحزب الحاكم ومنسوبيه لكن البلد ما استفادت منها الا الاستهلاك وتفقير المواطن !
نعم الانقاذ بنت طرق داخلية وطرق خارجية وكبارى لكنها طرق وكبارى غير مطابقة للمواصفات الفنية والقانونية وغائبة عنها الشفافية وهى طرق وكبارى غير مستقبلية ومبنية باضعاف تكلفتها الحقيقية وبواسطة شركات كل مؤهلاتها هى انها شركات لاناس لها علاقة بالانقاذ واصلا تم تاسيس هذه الشركات من اجل هذا الغرض !
يعنى بالبلدى كده يا منير الانقاذ اى شئ عملها كان همها الاول والاخير انو يملأ جيبها (فساد و سرقة مقننة باسم التنمية والانجاز ) !
وما تنسى برضو انو هذه الانجازات كانت بقروض اجنبية فى الزمن الكان البترول بتدر بمليارات الدولارات !
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: خالد حاكم)
|
ولو أصلو أنا منتمى فأنا إتحادى أصل أساساً بحكم الخلفية الختمية ، وهنا لا أقول أنى ختمى as such لأنى لا أرى نفسى أرقى لهذا الإنتماء العظيم .. فلست قددر المقام
د منير والاخوة المتداخلون
تحياتي
بصراحة انا موضوعي مختلف الى حد ما لان الانقاذ فساده جيني بالميلاد لمفاهيم ماضوية ارهابية فاشية وافدة تعتمد على ادعاء الصلاح عند الله في السماء
وحتمية الصلاحية في الارض، والافضلية في الحكم بالامر الالهي في تطبيق شرع الله؟
وبالتالي الاستباحة الكاملة للمجتمع؟ دا واضح ولا مكان له في العصر الحديث الان!
ولم يخرج يوما من الهاوية السحيقة اساسا؟ فمن اجل الفساد كان الانقلاب العسكري (غزو) في قلب الخرطوم الامنة في جنح الظلام والناس نيام؟
فالانقلاب العسكري في حد ذاته قمة الفساد وهو اغتصاب السلطة بغرض السلب والنهب بالعدوان المسلح على حقوق شعب السودان السياسية والمدنية
التي لا مكان لهما في تطبيق شرع الله المزعوم شعار الكيزان الارهابيون؟ والقتل كمان اي الاستباحة الكاملة للمجتمع السوداني باكمله؟
واذكر قبل انفرادهم العسكري بالسلطة،عندما كانوا شركاء مايو في ثمانينات القرن الماضي كانت المجاعة
في غرب السودان في 1984 واذا بهم ضربوا الاغاثة بشكل مروع
وكل سكان دارفور عارفين الكلام دا الزمن داك وكان بعض زملائنا من ابنائهم
في المدارس والرحلات والسفر ...الخ كانوا مزودين ببسكويت بتاع الاغاثة
وسيبك من الزيت والسكر والادوية في الاسواق ...الخ
فعندما اسقطتهم شعب دارفور في الانتخابات العامة 1986، في كل دوائر المدن والريف على السواء الا ثلاث دوائر انتخابية في كل دارفورفازوا بهم لاسباب خاصة ايضا.
واثنين منهم استقالوا من الجبهة كليا قبل انقلابهم الفاشي؟
وهذا ضمن اسباب الحنق الفاشي على شعب دارفور وارتكاب الابادة الجماعية؟
فعندما تم اسقاطهم في الانتخابات كان هناك اغاني شعبية في مواقع الانتخابات حيث كانت الاحتفالات الشعبية العارمة فور ظهور نتائج الانتخابات خاصة في الارياف اذكر منها:
جبهجي تاني تجئ؟ جبهجي تاني تجئ؟
الاغاثة وين؟ الجبهجية شالو؟
هاي الاغاثة وين؟ الجبهجية ضربوا؟
السكر وين؟ الجبهجية لحسو؟
الزيت وين؟ الجبهجية مسحو؟
الدوا وين اخوان باعوا؟
هاي الدقيق وين اخوان سفسفو؟
اللبن وين؟ الكيزان شفتو؟
هاي الاغاثة. وين..الخ وهكذا كانت الاغاني احتفاءا بنتائج الانتخابات العامة 1986 وسقوط الكيزان في دوائر دارفور الجغرافية 1986؟
فالفساد الكيزاني هذا مفروغ منه؟
ولكن المعضلة الاكبر بالنسبة لي مع الاخ د منير هو انه اتحادي ختمي الاصل إلا انه طيلة المدة
يدعم الكيزان القتلة السفاحين الذين استولوا على السلطة عسكريا من الاتحاديين وجميع
شعب السودان بما سكان حيه الشعبي المزعوم؟
تفتكر ما السبب لهذا الموقف للاخ د منير الذي هو شخص عاقل متعلم وواعي جدا سياسيا ايضا؟
لماذا لم يتحرك بعض عضوية احزابنا التاريخية الكبيرة دفاعا عن حق احزابهم وشرعية شعبهم في حقهم المشروع في اختيار من يحكمهم
بارادتهم كشعب متحضر تجاوز مرحلة النزاع حول السلطة واساليب النهب المسلح باستخدام الانقلابات العسكرية لاغتصاب السلطة .
كاكبر عملية فساد في التاريخ السياسي للدول ومرفوض عالميا الان؟
ومن ثم خوض حروب السلطة ضد شعبها الامن في داخل اقاليمهم لنصل الى الجهاد المقدس فيما بيننا في العصر الحديث؟
وارتكاب الابادة الجماعية بين المسلمين انفسهم لماذا بالضبط؟
اين الخلل هنا بالضبط اي القاسم المشترك؟ وماعلاقة الاتحادي بالكيزان؟
فاذا عرف السبب بطل العجب؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
فمنير مثله مثل كثيرين بالنسبة لهم لا يفرق كتير مادام الحاكم شمالي الاصل والقرار السياسي الاعلى بيد النخب الشماليين عسكري كيزان/طائفي ما بفرق كتير هذا اولا باول؟
والسفاح بشير في بياناته قد اوضح هذا جليا بانه هو الاقوى والاجدر بالحفاظ على الكيان الجلابي الممثل في سلطة الدولة اهم مكتسبات مسلسل السودنة منذ الاستقلال.
فهوالقادر على الدفاع عن الكيان الجهوي العنصري نظم السودان القديم. وضرورة ابعاد الاخرين خاصة الجنوبيين والحركة الشعبية المارقة الكافرة؟
واخضاع غرب السودان والشرق الذين تمرد نوابهم في البرلمان الطائفي الجلابي انذاك؟
والسؤال المهم من الذي وضع شعب السودان كله في الهاوية بالتحالف مع الكيزان الفاشيين الذين تم فرضهم فوق اكتاف جميع شعوب السودان عموديا ثم سلم الكيزان السلطة باليد عديل؟
فالسيدين الطائفيان المستبدين وقيادة الشيوعي الجلابي جميعهم كانوا على علم تام بانقلاب الكيزان ولم يتحرك احد ساكنا؟
فالوحيد الذي كان لا يعلم هو شعب السودان جميعا والناخبين على وجه الخصوص الذين منذ الاستقلال قد ادخلوا في الهاوية فعلا؟
ببساطة لانهم ظلوا يصوتون في برامج ديني لشخص طائفي وارث مستبد يزعم انه صالح عند الله وليس صالح عند شعبه بافعاله وطرحه السياسي الواضح المعالم؟
فالبرلمان كان في وادي غير زرع لاحد إلا للسادة لوحدهم؟
والطائفي زين العابدين الهندي شاهد منهم، كما هو ومجموعته اول من عاد من المعارضة للوقوف مع الانقاذ في قمة ايام الجهاد والعبث الكيزاني ولم يسبقه إلا د ابو صالح اتحادي ايضا؟
فكل ما في الامر ان الكيزان من داخل الهاوية ايضا يحفرون بوتيرة متزايدة؟
فالكيزان قد ورثوا معظم الكوارث المدمرة من الذين سبقوهم في الحكم، كما كانوا شركاء اصيلين معهم ايضا. لان الطائفية هي من بدأت بتمكين الكيزان الارهابيون فوقيا؟
فالكيزان قد رفعوا المصاحف في قلب الخرطوم كما تفعل داعش الان؟ ولم يتحرك احد من حلفائهم وشركائهم في السلطة انذاك ساكنا؟
ثم اعلنوا الجهاد المقدس عديل في الجنوب وجبال النوبة بغرض التطهير العرقي والابادة الجماعية دون ان يتحرك من الذين حكموا معهم من قبل معترضا ساكنا؟
بينما الطائفية هم من خلقوا المشكل اساسا وابتدروا الحروب العدوانية في داخل اقاليم الاخرين من شعبهم وناخبيهم وحرمانهم من حقوقهم السياسية والمدنية المشروعة
في وطنهم كما في اقاليمهم،، لذات اسباب الكيزان في الجهاد؟
فالطائفية هي من كرست تقسيم السودان دون طرح حرف سياسي للوحدة الوطنية السياسية القانونية في اطارمؤسسة الدولة الحديثة.
وبناء الوحدة السياسية بين اقاليم مكونات السودان الكبيرة بديلا للوحدة القهرية الظالمة التي فرضتها المستعمر الثنائي بالقوة العسكرية. بل رفضوا الوحدة الفيدرالية علنا؟
بينما الكيزان قد كملوا الناقصة بفصل الجنوب عديل اي تقسيم السودان الوطن للجميع افتراضا ايضا دون ان يتحرك الطائفية ساكنا؟
ثم ارتكاب الابادة الجماعية في دارفور من المسلمين في داخل ارض اقليمهم؟
بينما الطائفية هم اول من استباح دارفور وجعله حديقة خلفية لكنز الاصوات في الانتخابات العامة في اطروحات دينية (الصحوة الاسلامية)
ابتداءا بنواب من خارج الاقليم ثم الوكلاء المحليين اي الحكم غير المباشر الاستعماري، بمقايضة الانتهازيين المحليين بالوظائف العامة
التي ظلت محتكرة لدى جلابا السلطة عبر مسلسل السودنة؟
بل الطائفية من خلقت الحروب القبلية (فرق تسد) وتركه للصراعات الاجنبية الاقليمية والدولية ايضا.
والاقصاء السياسي الثقافي والتهميش الاقتصادي المعاش الان؟
فالطائفية هي مكنت الكيزان في كل اقاليم السودان فوقيا؟
فكل هذه الكوارث المدمرة لم يحرك ضمير الاخ منير ساكنا؟
بالله عليك انت من ياتوا طينة من البشر؟
اها الان جاي تقول لينا غلاء الاسعار وبتاع؟
تفتكر الحروب العدوانية في داخل اقاليم السودان الكبيرة البعيدة بكلف كم في اليوم الواحد جميع شعب السودان؟
وهل بالامكان ان يكون هناك اصلاح اقتصادي ورخاء في المواد الاساسية لسلطة تخوض حرب عدواني ضروس ضد شعبها؟
هل بالامكان ان يكون هناك انتاج تحت الحرب الاهلي الضروس الطويل الامد؟ اين حدث هذا في العالم اجمع؟
وهل ينبغي على شعوب هذه الاقاليم الكبيرة بحجم دول الخضوع والاستسلام لجلابا السلطة في الخرطوم من ابناء عشيرتك كدا كميراث سلمها لهم المستعمر وخلاص الى يوم الدين؟
ياراجل؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
د منير يقدم المثال النموزج لكيفية تآمر الطائفية ونخبهم وحليفتهم التاريخية الكيزان الفاشيون ضد شعب السودان جميعا بما فيهم شعوب الشمال والوسط النيلي؟
طبعا لا يعرف منير ان الاخرين ايضا شعبا ويعيشون في وسط شعوبهم المتنوعون شعبيا
كما لا يعلم او يتعمد عدم العلم ان الاخرين كانوا يواجهون بالكشات عديل من عاصمتك المزعومة بينما انت تركوك تقيم في حيكم الشعبي كمان؟ ياه! ومال الاخرين بكشوهم ليش؟
يبدو لي د منير راسه مقفل برشام؟ يخرب بيت الطائفية السبب؟
حي شعبي قال اها الطيران الحربي البيقتل في الامنين في داخل اقاليمهم دا قاعدة تطلع من وين بالضبط؟
ومن من يتلقون الاوامر يا دكتور؟
طبعا اكيد الكيزان كما الطائفية من قبلهم قد خدعوك بانهم يدافعون عنك حتى تتمتع في حيكم الشعبي في العاصمة المطهرة من مواليكم من الاقاليم لانهم متخلفين؟
ونسيتوا ان لهؤلاء ارض واسع جدا وثقافات متمسكون بها وليس كلهم في راسهم قمبور؟
كما ادعاءاتك بان شعب السودان بالجملة كدا يحبون الاكشن؟ فهذا زعم كاذب يكذبه الواقع المعاش تاريخيا لان شعب السودان لم يحمل احد منهم سلاحه للهجوم العدواني
على البعض في داخل اقاليمهم المعروفة إلا لو شكلة في السوق او مراعي بين الاقليم الواحد في منطقة ما. ودا ذاته مسئولية سلطة الدولة طبعا؟
كما لم يتصارعوا من اجل السلطة بالانقلابات العسكرية مستخدمين المليشيات القبلية مثلا؟
بل السلطة هي التي ظلت تجند القبائل تاريخيا لحماية السلطة ومن على سدتها من شعبهم. فجلابا السلطة هم من الجيش مجرد جناحهم العسكري في الانقلابات العسكرية فيما بينهم في قلب الخرطوم؟
بل الجيش ايضا اصبحت مهامه الامن الداخلي لحماية نخب السلطة تاريخيا من شعوبهم الذين لم يحميهم جيشهم المزعوم اصلا رغم حروبه الكثيرة ضدهم وعلى حسابهم جميعا اساسا.
وتعميق انقسامهم المجتمعي فرق تسد؟ فالنخب المتعاقبة في السلطة من اقلية فئة الجلابا الطائفية والافندية الذين صنعهم المستعمر لخدمته
وبالتالي استخلفهم فوقيا للهيمنة على كل السودان بالوراثة كمان؟
كما ان جماهير الخرطوم هم جزء عزيز صغير من شعب السودان.
ولكنهم ابدا لا يمثلون شعب السودان ولا يعكسون تطلعاته الحقيقية من اجل الحياة الحرة الكريمة.
بل هم انفسهم ظلوا ضحايا لمجازر نزاعات النخبة في قلب الخرطوم. كما لا يعبرون تعبيرا حرا عن انفسهم تاريخيا بل تاريخيا ظلوا اكبر المخمومين في قياداتهم السياسية
يقودون الاقاليم الى الغرق الحتمي في اتون الطائفية المقيمة في الخرطوم ومتاهات شباكها الواهية ومآزقها التاريخية التي جعلت الخرطوم مقر لمعاركها الدموية ايضا؟
اخيرا هل صحيح د منير في غيبوبة؟ اذا دكتور ذاته في غيبوبة يكون الشغلة طلعت من ايدينا لا في الحي الشعبي لا في الواق واق؟
د منير دا مازال مقيم في الحوزة الختمية يضرب فتة سيده الصالح عند الله ولم يخرج حتى الان؟
لان معظم مساجين المفاهيم والحوزات الطائفية هم الاكثر ولاءا للكيزان وانصارهم ايضا؟
واي كوز ملتحي غالبا يا ختمي يا انصاري او اسلافه هكذا؟
وهناك ثلاث: مريدين اي مساجين عقليا او انتهازيين اكلنجية لا اكثر؟ وثالثهم العنصريين؟ ومنير يجمع الاول والثالث معا؟
فهو بقدر ما هو طائفي مغلق تماما بالمزاعم الدينية للسيد الطائفي الصالح الذي لا احد في مقامه؟، ايضا عنصري! وبديهي ان يدعم الكيزان الى النخاع؟
فالطائفية والكيزان وجهان لعملة واحدة بالفعل؟ ولكل منهما مقامه عند د منير بينما الاخرين لا طبعا؟
على الطلاق انا لو منك بقطع راسي في اقرب محل جزارة؟
شكرا للجميع
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
عربى يعقوب مرحباً ..
خطابك لا يعدو أن يكون صدىً لخطاب محممد سليمان الذى يفتقد للمكون النفسى الأساسى للتعايش مع الآخرين والذى ذكرته أعلاه .. بديهى حينما تضع نفسك بجهة واحدة وعرقية واحدة سسترى اللآخرين أضداد بالنسبة لزاوية منظورك القبلية الجهوية .. وذلك متوقع من أمثالك الذذين لم ينفتحوا ويتعايشوا مع الآخرين ..
مالها الطائفية؟؟ الأنصار هم الطائفة الجامعة لكل غرب السودان بكل قبائله ومكوناته الإثنية .. أما الختمية فى الطائفة الجامعة لكل كيانات الشمال والشرق بمختلف أعراقهم ..وحازوا على أكثر من ثلثى أصوات الشعب السودانى الوسيط ــ يعنى العامى ــ أأليست تلك حسنة مهولة أن تستطيع الطائفية توحيد معظم شعوب السودان لكيانين فقط؟؟ والكيان الثالث ــ الجبهة الإسلامية ــ ماهى إلاّ من أبناء هذين الكيانين القوميين ، ولكنها ليست من الشعب الوسيط ، بل النخب المتعلمة وقد نجحوا فى الفوز بكل دواائر الخريجين إلاّ واحدة ـــ أو أثنين لا أذكر ـــ
البااقين ياهم العنصريين الزيك ....
| |
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
د منير
اولا لا يوجد مما سطرت باعلاه ما يجعلني عنصريا اطلاقا واتحداك ان تاتي بذلك؟
اما الاتهام باللصقة فهذا لا تصلح حجة بل تعكس الفيك بدر بيهو كالعادة؟
فشعوب اقاليمنا هم الناخبين للطائفية والافندية جلابا السلطة تاريخيا ؟
فهل صادف ان صوتت انت يوما لاحد من خارج مكونك العرقي الجهوي؟
انا اتحداك ايضا؟
اذن من هو العنصري بالميلاد الذي يرفض الاخرين؟
ولماذا يرفض جلابا السلطة المتعاقبون حقوقنا حتى في اقاليمنا مثلهم حيث احتكروا اقليمهم لوحدهم تاريخيا؟
بعدين حكاية نحن واحد وبتاع دا مكنة قديمة جدا فاذا كان الامر كذلك لماذا لا يصبح رئيس الجمهورية من الاقاليم والجماعات الاخرى؟
بل لماذا لا يكون رئيس الحزب الاتحادي الطائفي شخص اخر سوداني من اي من الاقاليم منتخب ديمقراطيا في العهود الديمقراطية الثلاث؟
لماذا لا يحدث هذا لسبعون عاما ولا حتى نائبه؟
ما هو المانع هل هو العنصرية ام هناك شئ اخر؟
فالانقسام قد كرسه حزبك الطائفي عندما اعلن الازهري في الاستقلال ان السودان كله فقط دولة عربية اسلامية؟
فمن هنا تلقائيا انقسم السودان؟ لان هناك من هم غير عرب وغير مسلمين ايضا؟ كما ان العروبة قبيلة وعرق بالنسب عديل؟
اها من الذي تعمد تقسيم السودان عنصريا عرقيا/دينيا وجهويا ايضا؟ رغم ان ناخبيه كانوا من الاخرين ايضا؟
اذن قيادة حزبك الطائفي في سدة السلطة بالكوار هو اول من وضع اساس نحن العرب الاشراف المسلمين وحقنا الشرعي في الحكم الى الابد؟؟
وهم ؟ اي الاخرين من باقي اقاليم السودان بما فيهم عرب البادية في اقاليم السودان؟
كما ما هي اسباب حروب جلابا السلطة العدوانية في داخل اقاليم الاخرين؟
ولماذا ظللت انت صامتا بينما هذا عدوان سافر ومدمر في داخل اقاليم سودانية كبيرة بحجم الشمال والوسط ايضا؟
فهل لو كانت هذه الحروب العدوانية في اقليمكم او في حييكم الشعبي لمجرد ان طالبتم بحقوقكم العادلة في حييكم او اقليمكم كما في وطنكم فهل كان صمت هكذا؟
بل ما حركك الان لموقفك الان هو الغلاء الذي اصبح في الخرطوم بينما لم تتحرك بل ظللت تدعم السلطة في الخرطوم وتدعم السفاح بشير وعلى عثمان وعبد الرحيم كشماليين
وجانجويدهم في قتل باقي شعوب السودان وتقسيمه علنا وانت صامت ايضا؟
وفوق لا تعرف بانك عنصري للنخاع كمان؟
فهل حرب السلطة ضدها شعبها تقيم دولة ام انها تدمير مباشر للجميع بما فيهم حييكم الشعبي المزعوم؟
لماذا كان يمارس الكشات ضد ابناء الاقاليم الاخرى بينما انت ظللت مقيما في حييكم الشعبي في امان لتباهي لنا الان؟
لماذا صمت على كل هذا يا منير؟ لان الما فيك فوق العود مش كدا؟
وفي الاخر انت حالة ميؤوس منها لان الطائفية قد مزقت عقلك تماما؟
فالطائفية يا دكتور ابدا لا يمكن ان تحكم مؤسسة الدولة الحديثة إلا بالقوة العسكرية والدجل والشعوذة...الخ
وكل هذا والفعل سياسة المتعلق بادارة الدولة الحديثة على طرفي نقيض؟
الطائفية بطبعها نقيض للديمقراطية التي تعني الحرية وحكم الشعب، بينما الطائفية تقوم على كبت الحرية بطاعة السيد الطائفي الصالح عند الله بامر الله
وعدم انتقاده ناهيك عن مجرد المحاولة اعتراضه او رفضه كما انت تفعل؟
وان يصبح السيد الطائفي هو الرئيس كما حدث بالفعل في اخر ديمقراطية طائفية بعد الانتفاضة 1986؟
ففي الديمقراطية الطائفية او دائرة الديمقراطية الطائفية حيث يتم تدوير السلطة ليصبح الطائفي
الذي يتولى قيادة الحزب الطائفي بالوراثة بين العائلة الطائفية ايضا يصبح هو الرئيس للدولة ببرامج انتخابي ديني طبعا؟
فكل هذا والديمقراطية شتان ابدا؟
لم تسأل نفسك يوما لماذا يحارب جلابا السلطة في داخل اقاليم السودان البعيدة؟
لماذا عشان هؤلاء ابناء اقليمك وعشيرتك ام ماذا بالضبط؟
وهل سكان هذه الاقاليم غنم ساكد ليقتلهم هؤلاء السفاحين لخمسون عاما يا منير ام ماذا بالضبط؟
لم تحس ابدا يا منير بان هؤلاء بشر ايضا ولهم حقهم الكامل في اقاليمهم كما في وطنهم وتفكر جديا
في كيف لهم ان ينالوا هذه الحقوق المشروعة مثلك ومثل سيدك الطائفي صاحب المقام ام انت ايضا
لك مقام كما سيدك الطائفي صاحب المقام الالهي دا على حساب جميع شعب السودان وفوق اكتافهم
ضمنهم ناس حيكم الشعبي؟
فاذا انت لم تدرك كل هذه البديهات فمن المستحيل اصلاحك ذاتيا اطلاقا؟
وابدا لا يفرق كتير تكون كوز تكون طائفي مريد ...الخ فالواقع قد تجاوزك تماما؟
ولكن حقك في التعبير مكفول ولكنه ابدا لا يضيف ولا ينقص شئ ولا حتى لسكان حييكم الشعبي؟
تحياتي
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
عربى يعقوب مرحباً مرة أخرى ..
ياخى الطائفية مش حزب الأمة يمثل نصفها ؟؟ ألا يمثل حزب الأمة قبيلتك ومعظم قبائل دارفور وكردفان والنيل الأبيض وبعض الشرق والوسط وحتى الشمال؟؟ .. ألم يكن يمثل الأغلبية وكان نواب الغرب يمثلون كتلة كبرى فى البرلمان ؟؟ .. لماذا تسعى لتبخيس هذا الكيان الجامع الذى يووحدكم تحت مظلة واحدة للسلطة بطريقة ديمقراطية؟؟ .. وإذا نظرنا الآن لأسلوبك للإستيلاء على السلطة أليس هدفك هو هذا الإستيلاء بالقوة وليس ليك أدنى إعتبار للحزب الذى يمثل أهلك وأعيان مجتمعك وشيوخه وسلاطينه .. أننت فقط مارق عن إجماع مجتمعك وتريد تحقيق مطامعك بالبندقية .. لكن تأكد بأنك ستصطدم ليس بأهل المركز بل بأعدئك الذين يساكنونك نفس الإقليم .. فمشكلة إقليمك أغلبها حروب بينية قبلية فى نزاعات على الأرض والحواكير ..
كان مفروض تحتفى بتوحيد حزب الأمة لناس الغرب كلهم، وبعد داك لو عندك أفكار كيزانية أو سلفية أو شيوعية أو إلحادية مضادة للذهنية الإسلامية للمجتمع والحزب فيمكنك أن تبشِّر بأفكارك وتصطبر عليها فى جو سلمى .. مش شايل بندقيتك وعايز تهدم القدامك والوراك ..
المهم .. نوع خطابك ده اعتركنا معاه كتير مع ناس محمدسليمان .. ونقطة الخلافات سيصعب تجاوزها وأنا قد زهدت فى إجترار الكلام ...
عموماً أحيلك لنقاش قديم مع أبكرآدم اسماعيل يمكن تطلع منه بحاجة .. الرابط هو..
ابكرآدم اسماعيل: حول المركزوالهامش!
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
مالها الطائفية؟؟ الأنصار هم الطائفة الجامعة لكل غرب السودان بكل قبائله ومكوناته الإثنية .. أما الختمية فى الطائفة الجامعة لكل كيانات الشمال
والشرق بمختلف أعراقهم ..وحازوا على أكثر من ثلثى أصوات الشعب السودانى الوسيط ــ يعنى العامى ــ أأليست تلك حسنة مهولة أن تستطيع الطائفية توحيد معظم شعوب السودان لكيانين فقط؟؟
في ذمتكم لولا شخص في غيبوبة كاملة يسطر مثل هذا الكلام المأساوي بان الطائفية وحدت شعب السودان؟
فما هي نوع الوحدة هنا؟ فهل يستطيع د منير تحديد نوع الوحدة المزعومة هنا وماعلاقتها بالدولة الحديثة اساسا؟
وما هو مكاسب شعب السودان هنا تاريخيا؟ يعني مفردة وحدة وخلاص؟ وكمان سلمهم بالكامل للكيزان الفاشيين القتلة؟
اها جمعهم في انتخابات في برامج ديني؟ دا وين حصل في العالم اجمع تاريخيا يا منير؟
ياراجل؟
بالعكس فالطائفية قد زربت شعوب السودان بالاوهام الطائفية الانقسامية في زريبة كبيرة داخل هوة سحيقة وحزمتهم ثم خنقهم تحتها لتكون هي
اي الطائفية فوق الجميع لتبرطع خمسون عاما من العبث الطائفي؟ ويقول د منير للطائفية مقامات كمان اي السوبرماسي الالهي فوق الجميع؟
فهذا ليست مجتمع الدولة السياسية ناهيك عن الديمقراطية وسيادة القانون؟ فمن اهم سمات الطائفية هي الانقسام الطائفي المجتمعي؟
لان الطائفية هي نتاج لانقسام المجتمع دينيا هذا اولا؟
وبقدر ما تعمل الطائفية كل المستطاع للهيمنة المطلقة على المجتمع بالاساطير، بالدين، التقاليد، بالسلاح...الخ
بقدر ما تحتكر قيادة المجتمع فوقيا في اطار العائلة الطائفية بالوراثة طبعا؟
وهنا النظام الملكي افضل بكثير من النظم الطائفية لان الملكية نظام سياسي واضح معروف ومتبع للحكم وقابل للاصلاح السياسي والتعديل الدستوري؟
بينما الطائفية لا تؤمن بكل هذا اطلاقا وغير واضح ولا صلة لها بالسياسية بقدر علاقتها بالتقاليد الماضوية والاساطير الدينية ...الخ
فالطائفية هي الوحيدة في العصر التي مازالت تؤمن ايمان راسخ بحق الحكم الالهي او ماشابه ولم تتطور سياسيا على الاطلاق؟
والان شوف الانقسامات المهولة داخل الاحزاب الطائفية في الخرطوم؟ ومع هذا فان شعب السودان من العامة قد ظلوا اكبر عقبة امام نزاعات الطائفية في قلب المدن؟ بينما النخب الافندية من امثال د منير هم اكبر ادوات الطائفية تاريخيا منذ مؤتمر الخريجين حتى الان؟ فالمأزق الحقيقي لشعوب السودان هو حرمانهم بواسطة الطائفية من البدائل السياسية في الساحة السياسية العامة؟ وكان استقبال د قرنق في الساحة الخضراء من كل شعب السودان والشباب التعبير الاوضح عن هذا الحرمان؟ بينما النخب الطائفية وقادتهم قد اختفوا يومذاك بل كانوا في حالة رجفان عديل اكثر من الكيزان؟
فالطائفية تعمل على اخضاع مؤسسة الدولة لها وليس هي ان تخضع للدولة ابدا؟
وهنا سرعان ما تعلن حربها ضد الدولة ايضا؟
والسفاح ترابي في بدايات انقلابه الكارثي حاول دك حصون الطائفية ومنازعتهم بذكرهم في احاديثه...الخ
بالمقابل سرعان ما اشتد معارضة الطائفية في الخارج؟ واول ما غير الكيزان خطابهم عن استهداف الطائفية في اشخاصهم ممتلكاتهم ...الخ
سرعان ما تقارب الطرفان حتى اللحظة؟ بل عادوا الى ما يسمى بالحل السلمي والتحول الديمقراطي...الخ وناموا على اوضانهم على كدا؟
اها الفرق شنو كان؟ وهذا ايضا ما حدث مع السفاح نميري؟
اما عبود فكان اختيار الطائفية علنا في مقابل الجنوب وباقي اقاليم الهامش معا؟
بالله عليكم ادخلوا د منير دا العناية المركزة حتى يتمكن من ازالة الضباب الدماغي الكثيف بسبب الطائفية؟
ومن ثم يرى ضوء الحرية الذاتية اولا ثم ربما يسترد ادميته وانسانيته ليكون مؤهل في ان ينبعث الخير من شخصه ايضا
لصالح مجتمعه دون وسيط من احد صالح او طالح؟
فد منير مشروع تحرير ذاتي بالفعل؟ وهيا هبوا لتحرير د منير من اوهام الطائفية وعسف الكيزان؟
وبداية اعلن كامل تضامني بلا حدود مع المعتقل طائفيا الاخ د منير
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
غايتو ياعربى يعقوب الواحد ماعارف معاك يضحك والـلاّ يبكى ــــ ... .. ياخى إنت حجر عثرة فى طريق السلم المجتمعى .. هوبلس كيس..
.... أنا بشوف الطائفية هى التى تجمع عوام الناس على مختلف إثنياتهم .. وذلك هو السبيل الوحيد للم شمل المجموعات .. توحيد النخب زى ما شايفه صعيب وهو ما تشهده فى الجامعات ... فبالرغم من التعليم يتحاور المتعلمون بالعصى والسيخ وسفك الدماء بين التشكيلات السياسية العديدة .. قارن ذلك بتوحيد عوام السودانيين البسطاء فى كيانين فقط يقومون قومة رجل واحد ويقعدون قعدة رجل واحد ويمتثلون للإنتخااب الديمقراطى ويرضون به .. قارن ذلك بنفسك المضطربة التى تريد أن تفرض رأيها بالقوة مع تسفيه وجود معظم هذا الشعب الوسيط الذى يمثل أغلبية الشعب السودانى .. بالمناسبة هذه هى الذهنية اللإستعلائية للنخب المتعلمة علىى جماهيرالشعب الوسيط التى تستكثر عليه خياره الديمقراطى بإعتباره جاهل أمى غيرمتعلم تجب قيادته بالقوة .. وذلك سبب الإنقلابات العسكرية من التنظيمات اليمينية واليسارية على الديمقراطيات... القصة كلها إستعلاء على الشعب ــ زى إستعلاءك ده ــ إستعلء الأبناء على الآباء .. فياخوى روق فى علبك ..
شابكنى دكتور دكتور ..إنت لا معترف بدكتور ولا معترف بالسودانى االعامى .. أنت دكتاتور ما معترف إلاّ بنفسك .. وبالمناسبة أنا لقب دكتور ما عندى ليهو أى وزن والله ، وبتضايق لمن زول ييقول لى دكتور .. فأرجو تشيلها من ذهنك خالص .. لأنى ما بقيس الناس بدرجاتهم العلمية .. فربّ أشعث أغبر أفضل منى بفراسخ .. فلا تعصر على الألقاب كتير ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
ياخى الطائفية مش حزب الأمة يمثل نصفها ؟؟ ألا يمثل حزب الأمة قبيلتك ومعظم قبائل دارفور وكردفان والنيل الأبيض وبعض الشرق والوسط وحتى الشمال؟؟
.. ألم يكن يمثل الأغلبية وكان نواب الغرب يمثلون كتلة كبرى فى البرلمان ؟؟
.. لماذا تسعى لتبخيس هذا الكيان الجامع الذى يووحدكم تحت مظلة واحدة للسلطة بطريقة ديمقراطية؟؟
ياراجل انت في هوة عميقة جدا وكمان قاعد تحفر لقدام كالعادة؟
اولا لقد وحد اقاليم السودان الانجليز مع المصريون بالقوة العسكرية اولا
ثم اخضاعهم تحت ادارة سياسية موحدة للمستعمر الثنائي فيما عرف بحكومة السودان
تحت ادارة ونجت الحاكم العام وسلاطين باشا المفتش العام؟
وكل ما حدث بعد الاستقلال ان الطائفية والافندية وجناحهم العسكري قد ورثوا
هذا الوضع الاستعماري وحمبكوا عليه بالسلاح والصلبة بالدين بالانساب..الخ اونطا؟
والقطع ما هكذا تؤسس الدول وتبنى المجتمعات ابدا؟
دا واضح لا غلاط فيه؟
ثانيا استخدم الاستعمار الطائفية والافندية من الشمال ورؤساء القبائل المحلية في الاقاليم -
ولكل مقامه طبعا حسب مصطلحاتك بتاع المقامات دا وهي ضمن عرف استعماري قديم طبعا-
لفرض الهيمنة الاستعمارية طيلة تاريخ الحكم الثنائي
تنفيذا لسياسة الحكم غير المباشر المستمر حتى الان؟
ثالثا لقد بدأت السودنة منذ العقد الاول للحكم الثنائي واستمر في اربعة مراحل. وكان حصرا بفئة الجلابا من الشمال والوسط
وفرضهم فوقيا على الاخرين في اقاليمهم تنفيذا لسياسة الحكم غير المباشر؟
ومن ثم غادر المستعمر وترك السودان زريبة كبيرة اسمها السودان باعتراف دولي كمان؟ بينما في الواقع هوة سحيقة وضعنا فيه بالقوة وهي حصرا بالطائفية والافندية
الذين عبر اخر مراحل السودنة تلقائيا اصبحوا في قمة الهرم الذي كان يتربع فيها الانجليز بالسوبرماسي الاستعماري بالغلبة العسكرية في المقام الاول.
وبالتالي بذات النهج الاستعماري بالاستبدال قد استحوذ جلابا السلطة الافندية الطائفية على كل مفاصل الدولة ضمنهم قيادة المؤسسات العسكرية والمدنية المورثة من المستعمر؟
فتحالف الطائفية والافندية من فئة الجلابا ليس بجديد بل بواسطة قوية كمان؟ لكن هل قبلانيين ببعضهم لصناعة الاستقرار فيما بينهم ناهيك عن الاخرين من شعب الله المحتار؟
واستمروا بذات النهج الاستعماري حتى اللحظة؟ بل اسوأ كمان لان المستعمر لم يستخدم الدين للغش والخداع بغرض فرض السيطرة
واستخدام الجيش كخيار اول في كل نزاع عدوانا ضد اي طرف في السودان؟
فحكاية الطائفية وحدت السودان دا شيلة من راسك يا منير؟ بل ان وحدة شعب السودان الطبيعي التاريخي كان موجود منذ الممالك النوبية؟
ولكن الاستعمار الخارجي والطائفية من فرق شملهم بسياسات فرق تسد للاستعمار والحكومات المتعاقبة ما بعد الاستقلال؟
والحرب الاهلي يفرق يا منير كما ان الدين ايضا يفرق بنص الحديث سيكون امتي ثلاث وسبعون فرقة؟ بينما الان حوالي الف فرقة كمان؟
كما ان القبلية التي تتحدث عنها هي اصلا فرق في المجتمع المتخلف يعيشون خارج العصر وهذا هوو نظم الطائفية في السودان القديم منذ الاستقلال حتى الان!
بل تجنيد القبائل وتسليحهم للقتال فيما بينهم في حروب الوكالة لصالح من في السلطة تاريخيا قد ابتدرها الطائفية وعلموا الكيزان الارهابيون الغزاء؟
فالاستعمار قد مكنت الطائفية كما الطائفية مكنوا الكيزان انتهى الدرس؟
اما الديمقراطية لطائفي يتولى قيادة الحزب بالوراثة ويفوز في انتخابات بطرح ديني
الصحوة الاسلامية - الامة الطائفي؟ والجمهورية الاسلامية - الاتحادي الطائفي؟
وتطبيق شرع الله الكيزان الفاشي؟
فلا علم لنا بهكذا ديمقراطية في العالم اجمع وكدا اشرح لينا النمط الديمقراطي الطائفي دا لو سمحت؟
وهل مازال معمول بها في العالم الان وممكن تعطينا مثال لدولة ديمقراطية بهذا النمط؟
بعدين نحن لسنا في العصر الحجري حتى يتم تمثيلنا قبليا دينيا...الخ
فشعب السودان شعب عظيم يعيش في العصر وجدير بل الواجب قانونا اخلاقا ومسئولية وطنية وانسانيا كبشر في الارض تقتضي انتمائهم
الشرعي الى مؤسسة الدولة السياسية الحديثة على اساس الحقوق الطبيعية والسياسية والمدنية المتساوية قبل القانون والمكفولة بالقانون ومواثيق حقوق الانسان
وفق حقوق المواطنة العادلة دون ادنى تمييز عرقي قبلي/ ديني / طائفي عشائري/ ثقافي/ جهوي
..الخ وفق نظام حكم عادل تحت سيادة القانون؟ مفتوح لاي فرد سوداني وفق طرحه السياسي ليكون خادما لشعب السودان وليس حصرا لفرد طائفي سيد بالميلاد لنسبه الشريف؟
اذن انت ما زلت في غيبوبة كاملة يا د منير وحكاية قبيلتي قبيلتك دا كلام خارج العصر الان
فشعوب السودان لديهم وطن حدادي مدادي وليس قبائل وحسب؟
وعلاقة الدولة الحديثة الملزمة بالشعب افرادا قبل جماعات دون اي اعتبارات اخرى.
وقانونا وعرفا وكل معايير العصر وليس بالقبائل اي كانوا؟ فهذه علاقة محدثة مختلفة نوعا وكما عن العلاقات الطائفية الدينية/ العشائرية القبلية...الخ
فوحدة القبائل وحمل الناس قبليا هي ضمن ممارسات نظم السودان القديم وخارج العصر تماما؟ فماذا تعني وحدة القبيلة في عالم اليوم يا منير غير الردة الحضارية الكاملة؟
اما حكاية استلام السلطة بالقوة العسكرية بالنسبة لنا فهذا كلام اقلية السلطة المتعاقبة في الخرطوم تاريخيا؟
وهو تحرش تعبئوي معروف لتعميق تقسيم شعب السودان واضعاف نضالهم المشترك من اجل حقوقهم المشروعة في وطنهم
اي فرق تسد علنا لتكريس السلطة في يدهم وحرمان الاخرين من ابناء السودان ستونا عاما والى الابد كمان؟
فانت هنا ربما ضحية لبروبقندا حكام الخرطوم تاريخيا؟ كما صنفت نفسك بانك اخر ايضا اي في صفهم طبعا؟
والا انت خايف على السلطة مننا ليه نحن ما سودانيين مثل هؤلاء الحاكمون بالسلاح تاريخيا، ولنا حق مشروع في السلطة ام ماذا بالضبط؟
كما انت لم تفرق حتى الان بين الحروب العدوانية في داخل اقاليمنا وبين الحرب من اجل السلطة في الخرطوم مثلا؟
فهل الانقلابات العسكرية ليست حربا من اجل السلطة في داخل الخرطوم الامنة؟
فكيف تتسامح مع هذا العدوان الاكبر على شعب السودان وتحاسبنا نحن في الدفاع عن انفسنا وتربطه باهدافنا السلطوية ...الخ
يعني انت حتى الان ما شايف انو ضحايا السلطة تاريخيا وتحاربنا السلطة في داخل اقاليمنا الان؟
ليه انت لابس نظارات ليلية مثلا ولا بس عدم احساس انساني لاننا في نظرك كما في نظر الطائفية والكيزان السفاح بشير لسنا بشرا
ولنا كيان الارض وحق الحياة والحرية كحقوق مقدسة بالضرورة ولابد احترامها الزاما من اي كائن من كان؟
وليه انت شايف الموضوع بس سلطة دون ان تتحدث عمن ظل يحتكر السلطة ويصطرع في قلب الخرطوم من اجلها؟
ليه لابس عقلية الجلابي السلطوي معاك ما خليك انسان عادي مع الحق وخلاص؟
انت زارعين فيك الاحساس الانساني برضو ولا حقك تملكه بالفعل؟
فنحن حملنا السلاح اولا عندما رفض جلابا السلطة حكام الخرطوم منذ الاستقلال مطالبنا السياسية المشروعة حتى فيما يتعلق باقاليمنا
وحقنا المشروع في المشاركة السياسية العادلة الفاعلة في السلطة المركزية في الخرطوم؟
وانما جعلنا مزارع للاصوات الانتخابية في برامج ديني للطائفية كاكبر احتيال ونصب في تاريخ الشعوب لتطويعهم وتكريس التبعية والخضوع ونهب الموارد
وغياب التنمية المتوازنة فوق غياب الحقوق السياسية والمدنية المرتبطة بمؤسسة لدولة السياسية للجميع؟
كما اغقلت لنا حق الممارسة السياسية السلمية حتى في اقاليمنا وليس في الخرطوم؟
كما نعلم يقينا استعداد الانظمة المتعاقبة في الخرطوم استخدام السلاح ضدنا في داخل اقاليمنا كخيار اول تاريخيا؟
اذن السلاح هنا غرضه الاول هو الدفاع عن النفس من عدوان السلطة الغاشمة ووسيلة لانتزاع الحقوق المشروعة اولا وليس فقط الاستيلاء على السلطة في حد ذاتها
كما ظل يفعل حكام الخرطوم المسلحون تاريخيا ويستخدمون السلاح بالانقلابات العسكرية لتبادل السلطة حصرا فيما بينهم في الخرطوم؟
بل نعمل على ترك المساحة الحرة ليمارس شعب السودان حقه المشروع في اختيار من يحكمه
ديمقراطيا سياسيا وفق برامج سياسي واضح المعالم كشعب متحضر وليس بالدين او الولاءات القبلية العشائرية...الخ ابدا؟
وبالتالي ليس من حقك الخوف من سلاحنا في اقاليمنا لان حق الدفاع عن النفس حق مشروع وانما عليك بايقاف الصراع المسلح بالانقلابات العسكرية في الخرطوم؟
وإعتماد مبدأ التبادل السلمي للسلطة بين جلابا السلطة انفسهم؟
ووقف حروبهم العدوانية في داخل اقاليمنا واعتماد الحلول السياسية السلمية والقبول بحق الاخر المختلف سياسيا /فكريا / ثقافيا/ دينيا/ عرقيا...الخ بعدها كل شئ ساهل؟
كما ابدا لا ولن نخضع بل لا احترام ابدا لمن ظل يحتال على بالدين وينصب شعبي ويقتلهم وينهب ثرواتهم؟
فهذا طلب مستحيل يا منير وقالوا المافيك فوق العود فعلا؟
واخيرا عن نفسي ادعوك اخي منير بالاطلاع على كتابان مهمان في كشف خطل
الطائفية وعبثهم بشعب السودان جميعا بما فيهم ناس حيكم الشعبي، وهما:
Islam، Sectarianism، and Politics in Sudan since Mahdiyyia
By Gabriel Warburg
Sudan in Crisis
The Failure of Democracy
By G. Norman Anderson
وبالطبع لا يصح إلا الصاح
الى اللقاء
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
عربى يعقوب ياخى كدى روق أول شئ ، ثم أفهم كلامى كويس .. بالجد قالوا الجمل مابيشوف عوجة رقبته ..
أنا موقفى كالآتى : أنا شايف إنو شعوب السودان دى ربنا قسمها تاريخياً لقسمين كبيرين هما المنتمين لحزب الأمة .. وهؤلاء هم أغلب الأقاليم الشرقية مع كثير من الأقاليم الأخرى فى الوسط والشمال والشرق .. كويس معاك؟ .. القسم الثانى هو الحزب الإتحادى وهذا يتكون من الأقليم الشمالى وجزء كبير من الأوسط والشرقى والغرب .. ماشين كويس؟؟ .. طيب، هذين الحزبين يمثلان قريب الـ ٣أرباع عدد السكان ــ ومش أى سكان.. السكان العوام الذين يمثلون الشخصية السودانية الوسطى فى الأخلاق والأفكار المحتفظة بخصائص السودانى الحسنى المعروفة والتى لم تتلوث بأيدلوجيا مستوردة شرقية أو غربية .. ديل هم الناس الأنا عايز أكون منهم بدون إستعلاء أكاديمى أو جهوى أو عنصرى أو.. أو .. ولو لاحظت لما يجمع هؤلاء الكيانين هو حبهم لزعاماتهم الدينية ــ فالأمر كله محبة دينية غير مدفوعة الأجر ــ لله فى الله ــ .. ومن حسن الحظ أن هذه الزعامات واعية وحكيمة وهمها إستقرار هذه الشعوب والسلام الأجتماعى بينها على إختلاف ألسنتها وألوانها .. ولذلك كلما أتيحت لها فرصة إختيار ديمقراطى فإنها تفوز بالأغلبية لأنها بالفعل أغلبية .. أغلبية مسالمة عايزة تعيش فى سلام ..
لكين تعال شوف المشكلة وين .. المشكلة فى الربع الرابع من مكونات الشعب السودانى من ذوى الآيدلوجيات المستوردة .. وأعنى اليمين ــ أخوان مسلمين ووهابية ــ ،، واليسارـ شيوعيين وبعثيين ووو ــ .. زيد عليهم العنصريين الجهويين ــ زيك كده ــ ..
فهذا الربع الرابع يمثل النخب المتعلمة والتى غرّها التعليم الحديث فرأت نفسها أكثر فهماً ورقياً من الإنسان الوسيط حيث يرونه متخلف وجاهل وقاصر لا ينبغى أن يُترك له الخيار الديمقراطى ليختار من يحكمه ــ بالإنتخاب ــ ولذلك ترى السباق على الإنقلابات العسكرية للإستيلاء على السلطة .. سواءً كان ذلك إنقلاب يسارى، أو يمينى ، أو عنصرى .. فالمعضلة الأساسية هى إستعلاء النخب المتعلمة على السودانى الوسيط ــ الراعى والمزارع والعامل ووو ـــ
إذن إنت أحد هذه النخب المستعلية . ربما لست يسارى ولا يمينى ولكن بالتأكيد جهوى .. ولذلك تصالح مع نفسك وشوف هل فيك إستعلاء على جمهور الناس وشايف نفسك هاى ،وأكثر فهماً من الشعب؟؟ ..
هنا مربط الفرس .. لأنك بإستعلائك على الـ٣/٤ فإنك تدخل فى منافسة ضدهم وضد الربع الرابع الذى ممكن يكون أكثر شراسة وإستعلاءً وعطشاً للسلطة منك ..
فنصيحتى ليك روق وأقعد مع نفسك وشوفها ماشة وين .. أنا خلينى فى عماى ده، باصر نفسك ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
أنا شايف إنو شعوب السودان دى ربنا قسمها تاريخياً لقسمين كبيرين هما المنتمين لحزب الأمة ..
وهؤلاء هم أغلب الأقاليم الشرقية مع كثير من الأقاليم الأخرى فى الوسط والشمال والشرق .. كويس معاك؟ ..
القسم الثانى هو الحزب الإتحادى وهذا يتكون من الأقليم الشمالى وجزء كبير من الأوسط والشرقى والغرب .. ماشين كويس؟؟
لا يا منير هذا التقسيم الطائفي قد وضع اساسها الاستعمار الانجليزي المصري
مصممي الطائفية تنفيذا لسياستي فرق تسد والحكم غير المباشر؟
واستخدام الطائفية كوسيط محلي ديني لتنويم شعب السودان عميقا وإستعمارهم بارخص الاثمان ودون مقاومة يذكر؟
فهذا واضح ولا صلة لها بربنا اللهم إلا اذا كان الاستعمار هو الرب المقصود هنا؟
بعدين يا منير سبق ان ذكرت بانك حالة ميؤؤس منها ولا اصلاح له وانت اثبت كلامي بالفعل؟
وبالتالي انا ايضا بتجاوز مسالة ايجاد قواسم مشتركة لان مسبقا لا يوجد قاسم مشترك بيني
واي طائفي حتى في العائلة إلا من اراد منهم ان يسمع الحقائق المرة عنهم؟
مع ان في العائلة الان لا يوجد من هو طائفي بالمعنى
حيث اجهزنا عليهم بالحجج الواقعية فيهم كامثلة والطرح الحر العقلاني لكشف الحقائق
لادراك حجم المعاناة التي ظلوا فيها تاريخيا بسبب الطائفية هذا اولا؟
وكمان انت بعناد ومكابرة جاهلي استعلائي انت قلت انا خليني في عماي ده؟ مش دا كلامك بانك اعمى بالفعل؟
طيب كيف لاعمى ان يرى الاخرين ناهيك عن شأنهم العام الدنيوي والاخرة كمان؟
لماذا تحشر نفسك في التحدث عن الاخرين وكمان تحدد مصيرهم بان الله الذي قسمهم سلفا كأنهم غنم للطائفية؟
فما هذه الشعوذة والدجل باسم الرب يا منير؟
فهل الله دا منشار عندكم مثلا ولا الة للتقسيم تشغلونه وفق ما تريدون؟
فكل تصوراتك الطائفية وشوفك الطاشاش دا شئ، والواقع شئ اخر تماما يا منير؟
ثم انت مش قلت ما في نحن؟ وهم؟ وانما نحن واحد وبتاع؟
والان طلعتم قسمين طائفتين في الارض بفعل ربنا كمان وليس بفعل الطائفية فقط؟
انت مازلت قاعد تحفر كمان بآلة ربنا دا؟
اها لقد دفنت نفسك بنفسك تماما بس مازلت خطير جدا على كل المجتمع زي ابو الدفين؟
معقول في زول عنده ذرة عقل بيقول هذا الكلام باعلاه قال ربنا قسمها قال؟
وكمان للطائفية وكلاء الاستعمار للاستمرار للعبث بهم؟ الكلام دا جاء ليك وحي يعني؟
ايضا المشكلة ليست انت وانما اوهام الطائفية وادعاءاتهم الكاذبة تاريخيا بانهم بعد الله طوالي في اقعادك
واقعاد معظم شعب السودان وتسليمهم في ريكة من الاوهام الى الكيزان الفاشيون لمزيد من العبث الفاشي المعاش الان؟
ففي العراق بعد ان اسقط الامريكان الدكتاتور صدام، سرعان ظهرت الطائفية لتجمع الناس في الساحات العامة
لممارسة الطقوس والشعوذة الطائفية بضرب ظهورهم بالسلاسل الحديدية حتى يسيل دما ارضاءا للطائفي السادي تنفيذا لتعاليمه الطائفية
دون ان يتذكر احد من الضحايا الاتباع نفسه بطرح السؤال البسيط لماذا كل هذا العذاب؟
فبدلا عن التمتع بالحرية كقيمة في حد ذاتها في هذه الساحات العامة ثم التفكير جديا في كيفية بناء المجتمع وكيفية بوضع لبنات الاستقرار
والتعايش السلمي اساس تطور اي مجتمع و ازدهاره ..الخ
لا ابدا، وانما بانفسهم يضربون اجسادهم حتى تسيل دما ارضاءا للطائفي المستبد السادي الذي يتعفف ويتسامى جبنا وخوف من ضربة بسبحته الكبيرة ساكد؟
وبالتالي كان صدام والان الطائفية وجهان لعملة واحدة؟
فهل هذا وضع له علاقة بمؤسسة الدولة السياسية الديمقراطية الحديثة وحق الانتماء اليها على اساس حقوق المواطنة المتساوية وسيادة القانون؟
وفي الخرطوم كانت الطائفية بالاشارة للاتباع تلقائيا اجتياح اي حاجة على ظهر الارض بشر بتاع دونما هوادة؟
لماذا اختار الاستعمار الثنائي الانجليزي المصري الطائفية بل تصميمهم في السودان؟
لان واحدة من اكبر اضرار الطائفية في المجتمعات المتخلفة، حيث مزارع الطائفية الامثل طبعا،
هو تخلف المجتمع ليعيش الطائفية سيدة متربعة في العقول اولا حيث تسمر العقول بزرع اشجارا جافة في الرؤؤس؟
ثم يسري استبداده وعبثه المادي على الارض في الحياة اليومي؟
او في المجتمع المتخلف حيث ينبت الطائفية كالسرطان ليشيد عرشه في العقول اولا
ثم ينساب استبداده الروحي والمادي معا ليتفوق الطائفية على الجميع، ليسطو على كل شئ، على الانفاس في المجتمع؟
فمن اسوأ اضرار الطائفية الدينية هو تكريس عبادة الشخصية وتغيب الانسان العادي عن نفسه عن معاناته هو الشخصي؟
وما يكابده في سبيل ارضاء سيده الطائفي الصالح عند الله ذو النسب الشريف المطاع بامر الله؟
فهنا كل شئ محول الى الله اولا او عبره تعالى، ثم الناتج تلقائيا لصالح السيد الطائفي في عليائه؟
فالله هنا كبري كبير يستظل به الطائفي الديني المستبد في تمرير اوهامه السادية والطفولية ايضا ليخضع لهذه الاوهام السادية الطفولية الاتباع
في خضوع تام طلبا لرضى السيد الطائفي الذي نصب نفسه حامى الحمى باسم الله كذبا؟ وحيث لا يرضى الله عن عباده الا بواسطته هو طبعا؟
فللطائفية قدرة عجيبة في تطويع المجتمع المتخلف وتركيعه ثم ركوبه واقعاده متخلفا ابد الدهر؟
ولهذا كان المستعمر اشطر فعلا في منع الاسلام الصوفي الشعبي السوداني اساس الثورة المهدية
واستبداله بتصميم الطائفية لتطويع شعب السودان وتنويمه عن ألامه ومأسيه اليومي تحت ربقة الاستعمار كالشئ الطبيعي؟
ولتنفيذ سياستي فرق تسد والحكم غير المباشر معا باستخدام الطائفية في قارة السودان بارخص الاثمان وهدوء كمان؟
لان الطائفية ابدأ لا يجرؤ بنفسها على منازلة القوة داخليا او خارجيا، وفي الاخر مصالحه اين؟ ومع من اي كان؟
فالاستعمار بالنسبة لهم هو المصمم الرسمي لخدمة المصالح الاستعمارية المشتركة؟
وبالمقارنة كانت الثورة المهدية وعدد مقدر من الانتفاضات الصغيرة في ارجاء السودان ضد التركية ومصر معا من المسلمين؟
بينما لم يثورالسودانيون في الحكم الثنائي سوى محاولة اللواء الابيض النصفية التي اجهضت سلفا من الطائفية انفسهم قبل الانجليز؟
بينما المستعمر المصري عمل طناش بانه محايد قال؟
فالطائفية هي السبب المباشر في تثبيت الههم وتوطيد الاستعمار وتنويم شعب السودان في ثبات عميق تاريخيا؛
وليكون لاحقا فريسة سهلة لحلفائهم الكيزان الفاشيون الان؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
عليه فالمسكين الغلبان المريد، والنخبوي الاكلنجي او العنصري/ المريد امثال منير
كلهم في هذه الحظيرة الطائفية الواهية العجيبة! لا دولة لا هم يحلمون؟
ولكل مقامه فالمريد دا تم طبخه ودباغته ايضا وبالتالي قد سلبت انسانيته اي مفروغ منه؟
الاكلنجي طبعا واضح باكل وبقش خشمه؟
اما المريد/العنصري من امثال منير فله مقامه في النقل المباشر للطائفي وتفسير همهماته
ورواية سيرته الشريف الصالح واسلافه من الاشراف الصالحين وبركاته المتخيلة...الخ
لذلك الغلبان في القاع او الدرك الاسفل للسلم الاجتماعي كما في واقع السودان تاريخيا (مناديب السيد الطائفي)؟
ولهذا ايضا نصب منير نفسه بوصائية ابوية كما سيده الطائفي، ليوضح لي المنهج الطائفي المقسوم من الله تاريخيا،
ناسيا انه سلفا قد حدد مكاني وعشيرتي معا طائفيا، ثم يعود لتلقيني اللغط والشعوذة الطائفية مرة اخرى من جديد؟
فهو لا ينظر فيّ كانسان كامل حر له عقل وذاكرة وحس..الخ، او حتى مثله!
بالعكس هو يراني مجرد رزق مقسوم ربانيا سلفا لسيده الطائفي، ضمن الغلابة قطيع سيده الطائفي (الجلابي طبعا دا مهم جدا)
اي املاك خاصة بتاجر الرقيق الطائفي وكيل الله الجلابي؟
ولكن لظروف ما انني خرجت من الحظيرة الطائفية المقسوم ربانيا؟
وبالتالي مهام المريد الطائفي/العنصري منير ارجاعي الى الحظيرة الطائفية المقسومة سلفا بامر الرب؟
وان دعت الضرورة يغريني بوضعه هو الذي ارفع نسبيا دون اي قياسات او معايير هنا، غير الشعور العنصري!
وعلى الاقل وضع يرضي غروره الشخصي ونرجسيته؟
وهو مشكور ايضا يحاول التواضع لاتساوى معه في وضعه المقرب ارضاءا لرهاب السيد الطائفي ومقامه العالي في اعماق منير؟
دا لو لم يتمكن من ارجاعي الى المقر الدائم في الحظيرة الطائفية المقسم ربانيا حيث مقامي الازلي المقسوم ربانيا واهلي وعشيرتي..الخ رجما بالغيب ايضا؟
يعني بذات نمط مقايضات الحكومات المتعاقبة لابناء الاقاليم المهمشة تاريخيا؟
يااخي ما نحن سودانيين ياخي وإتا ما زيينا ياخي كدا روّق وما قسمه الله بجئ ياخي والله العظيم..الخ! تعال الخرطوم بس او القصر؟
مقر جلابا السلطة الدائم لوحدهم بالميراث الشرعي من المستعمر؟ وفوق هذا العبث قال ليك محبة في الله قال؟ طيب الطائفي دخلو شنو هنا؟
وهنا اكد منير الحب من طرف واحد طبعا والى الابد؟ كما ببداهة يقينية ربط منير الطائفية مع الكيزان كحقيقة مسلمة لا غلاط فيها:
حبا لله في الله؟ وهي لله؟ دا واضحة جدا ضمن اطنان الحقائق المسلمة؟
يعني خلاصة الاثنين هو الاسترقاق المقنن ربانيا تاريخيا لشعب كامل حتى الان! وليس دستور الابارثيد وبتاع؟
وبالضبط هذا هو الفرق بين نظام الابارثيد السابق في جنوب افريقيا ونظم السودان القديم لجلابا السلطة من الطائفية والافندية وعسكرهم تاريخيا؟
دا كله لان الطائفية صناعة استعمارية؟ كما ان الطائفي لا يريد ان يبذل اي جهد في الحياة ولا يشيل جزمته الانجليزية ذاته ناهيك عن خدمة المجتمع المسخر له بامر الرب تعالى؟
فالطائفي لضعفه العقلي غير المبدع وفقدانه الاحساس الانساني الذاتي اختار له مهنة وكيل الله في الارض يعتاش به فوق العباد في المجتمعات المتخلفة نسبيا ليزداد المجتمع
تخلفا وانقساما بداهة ودمويا عادة ؟ ولهذا السبب ايضا يتكالب الافندية بشهاداتهم العليا في ظلال الطائفية للمقايضة بالوظائف والمكانة دون تقديم المقابل في سوق النخاسة المقسوم ربانيا؟
فمنير هنا قد اكد بما لا يدع مجال للشك كيف ان الطائفية والافندية قد ركبوا على اكتاف شعب السودان جميعا منذ الاستقلال من حلفا الى حفرة النحاس؟
ومن سواكن الى الجنينة ومن قيسان الى كرب التوم؟ ومن حلايب الى التينة؟ بس الجنوبيون المناضلون قالوا لا طبعا وعينهم ما شاف النور؟
يلا الغزو الوحشي المسلح والاستباحة الكاملة اربعة عقود ختاما بالجهاد المقدس في داخل ارضهم؟ لماذا لا ادري؟
وحيث بلغ عدد الضحايا يفوق الخمسة مليون سوداني! والخسائر الاقتصادية والديون الخارجية والدمار المجتمعي النفسي البيئي لا حصر لهم ابدا؟
ولا حاجة ذاته؟ فلم يحرك في الطائفية واتباعها شعرة ومنير خير مثال؟ ناهيك عن حليفتهم التاريخية الكيزان قمة الفاشية؟
فجلابا السلطة تاريخيا شايفين نفسهم في السودان بعد الله طوالي واحيانا العكس صحيح؟
والنتيجة البديهية الحرب الاهلي لنصف قرن ومازال؟
استعمار داخلي كامل؟ وتلقائيا للخلف مارش في حكومة الاستقلال الطائفية والافندية جلابا السلطة وعسكرهم؟
بعد اكتوبر الطائفية الافندية وحليفتهم الكيزان، للخلف مارش؟
للخلف مارش! في مايو الجناح العسكري والافندية القومجية الشيوعيون..الخ +الطائفية الكيزان لاحقا؟
بعد الانتفاضة الجناح العسكري الطائفي/ الكوز سوار الدهب+ الافندية د الجزولي للخلف مارش؟
للخلف مارش! الطائفية الكيزان وجناحهم العسكري ومراحيلهم القبلية؟
دبل للخلف مارش الكيزان وجناحهم العسكري ودبابينهم وجانجويدهم+ ارهابي العالم اجمع؟
في حد تاني يا منير؟
ما هو قاطرة من التقاليد البالية والاوهام العبثية تسير نحو الخلف؟ وبالتكيد في جماعة راكبين جنبة كدا؟
بس شعب السودان جميعا ظل تحت الجميع كشعاب لقطية ضخمة مشيد بالصدفة باطنان من القش القديم والحطب والغبار..الخ
مدفوع دفعا للتحرك نحو الخلف ويتمايل آيلاً للسقوط منذ ست عقود ولاعزاء؟
وواجب شعب السودان جميعا الاسراع في جدع هذا الحمل الثقيل للسودان القديم
من على اكتافهم ورميه في مزبلة التاريخ مكانه الطبيعي؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
فد منير يرى انه من المستحيل ان اكون انا وعشيرتي ولا حتى هو وعشيرته وناس حيه الشعبي جميعا
ان نكونوا في مقام السيد الطائفي الصالح عند الله ذو النسب الشريف المطاع بامر الله؟
اها شوفوا الطائفية اوصلت انسانيتنا وين في قاع القاع المجتمعي في العصرالحديث؟
وكل كلمة سطرناه باعلاه اثبتها السجين الطائفي منير؟
بالله ما في هنا اف بي اي ولا لجان كشف الحقائق الجنائية في المجتمع ولا حاجة كدا ولا كدا؟
ومن البديهي ان يستأسد الطائفي المستبد قيادة الحزب السياسي لنصف قرن بالوراثة؟
هذا لا يوجد ولم يحدث في العالم اجمع في الماضي ولا الحاضر ولن يحدث في المستقبل على ظهر البسيطة ابدا
إلا في البلد الموبؤ السودان؟
وعندما لا يوجد تمساح، فالورل سيد الموقف حتما؟ وحظك ان تحب الورل في الله كمان؟
بينما هو يتعزز في احسن الفروض؟ دا لو ما عمل طناش وخلاص فيها ايه؟
اها دا رجل من الخرطوم العاصمة التاريخية لنظم السودان القديم، حيث يقيم الطائفية تاريخيا مقراتهم
وقصورهم ومعاملهم الالهية طبعا في استعباد البشر وتمزيق عقولهم؟
اهو دا مثال حي امامكم عشان تاني ما يجئ واحد ناطي قال انتو ناس الاقاليم ديل الصوتو للطائفية
وتابعين لحزب الامة والاتحادي والاخوان الارهابيون كمان...الخ
فكل هذه الكوارث المدمرة من الخرطوم اساسا حيث مقراتهم ومدابغهم وجلودهم ومطابخهم وطبخاتهم ومناشيرهم ونشاراتهم
ومكناتهم وتفصيلهم وخياطاتهم وجببهم وحاملي جزمهم! واقذر ممارساتهم ومؤامراتهم حتى فيما بينهم!
وضد شعبهم كلها تطبخ وتدبغ وتنشر في الخرطوم وتنفذ هناك اولا باول؟
وما نحن إلا متلقين فقط مع الاعتراض الواضح نسبيا بس ظل لا يوجد البديل تاريخيا؟
كما ظل الخرطوم الحصن الطائفي المنيع تاريخيا بالجيش والبوليس والحرس فوق الخاص؟
بمليشيات الاتباع المريدين، من محاولاتنا المتكررة لدك حصون الطائفية؟ بل لا نترك هناك إلا باعداد محدودة بالكشات
ومهالك تجاوز معاينات البقاء بتقديم الشهادات العليا مقابل الوظيفة والولاء والطاعة العمياء
مع الخدمة الثقيلة في تطويع الاخرين من شعوبنا بكافة الوسائل
في مقدمتهم السلاح طبعا تجييش قبائل، تسليح مراحيل/ جانجويد؟ تجميع شعوب الاقاليم في زرائب للانتخابات،
استقبال السيد الطائفي المستبد؟ او الدكتاتور السفاح...الخ
وإلا الكشة حتما يا ولد عشة بتاع تشاد؟ يا حاقد يا عدو الامة والاسلام والوطن...الخ
إذن السؤال البسيط: ما علاقة الدولة الحديثة بكل هذا العبث بالضبط؟
وهل هنا ابسط معنى لقيم الحرية، العدالة، المساواة، الحقوق، سيادة القانون ...الخ
هل هناك مجتمع معاصر الان يعيش امنا مستقرا متطورا في هكذا واقع استرقاقي بالكامل؟
ما هو مأزق الطائفية الذاتي الحقيقي مع كل هذا؟
فالطائفية كما موضح باعلاه ومثال الطائفي المريد منير، وكل هذه القيم العصرية والحقوق باعلاه في الهم شرق؟
وجن الطائفية هو التنظيم السياسي المجتمعي المؤسسي الحداثوي العلماني بطبعه،
وسيادة القانون الذي هو معجزة العصر الحديث واساس المجتمعات الحرة الديمقراطية المتطورة؟
فهنا تلقائيا يهرب الطائفية شاردا جريا عاريا ممعوط الريش كما الديك الجبان الهارب في الكريكاتير المعبر بالامس؟
بريشة الفنان الرائع عمر دفع الله تعبيرا صادقا عن مأسأتنا في حلايب؟
ثم انك يا منير من لم تقرأ ما سطرناه باعلاه حتى تفهم جوهر ما سطرته باعلاه وتاخذ واحدة واحدة او اخذ وعطاء...الخ
حتى نخلص بحوار مفيد. بالعكس انت تسطر مما عندك مسبقا في شكل املاءات لاوهامك المخزنة في دواخلك بواسطة الطائفية وخلاص؟
وبالتالي كدا فتش رقبتك اولا قبل ان تشوف عوجته؟ وفاقد الشئ لا يعطيه؟
ثم انك يا منير اول من ذكرت لينا جهتكم وحييكم الشعبي في الخرطوم كجهة ايضا، والاخرين من خارج اقليمكم كمان؟
اها حييكم الشعبي في الخرطوم دا برضو ما جهة مثلا؟ انت ليه كالرجال البلهاء تنسى نفسك عادة؟
فانت من ابتدر الجهوية بالتباهي بحييكم الشعبي في الخرطوم وفي نفس الوقت تحرم على الاخرين ذكر اماكن تواجدهم؟
كما ان سبة الجهوية دا كلام فارغ ؟ بل تعبير عن تحويل الموضوع والفيك بدر بيهو للنخب المتعاقبة في السلطة؟
فالسودان مكون من اقاليم ومن جهات ايضا شمال/شرق/ غرب/ جنوب/ ووسط بالاضافة الى المجال الجوي السوداني
الذي من المفترض ان يقيم فيه الاجيال الجديدة
لولا عبث الطائفية وحليفتها التاريخية الكيزان والافندية من امثالك وجناحكم العسكري في الخرطوم؟
واي من يزعم انه لا جهة له في السودان إلا مستعمرغازي اتى من خارج حدود السودان؟
والمفارقة ان نخب السلطة تاريخيا يتفاخرون باقاليمهم وقراهم ومن اين اتى اسلافهم من خارج الحدود بل يسمون ابناء السودان بجهاتهم مثل:
الجنوبيين والغرابة والشرق...الخ ونحن شماليين ووسطيين وسكان الخرطوم ...الخ
بل احتكروا اقاليمهم لوحدهم كمناطق مقفولة خاصة بهم بعد الاستقلال؟
بينما عندما يتحدث ابناء الاقاليم بذات المسميات التي ينادونهم بها تاريخيا عبر الاعلام الرسمي للسلطة تلقائيا يطلع ابناء الاقاليم جهويين !
بينما لا ينطبق على من يتربعون في سدة السلطة الجهوية بالتبادل فيما بين الجماعة الواحدة من مدينة واحدة تاريخيا بانهم اكبر الجهويين؟
اي لا تنطبق على جلابا السلطة الذين جعلوا الدولة نفسها مجرد جهة في الخرطوم وخلاص؟ اها ايه العبث دا؟
يا اخي اوروبا وامريكا تسمى بالغرب اي جهة طبعا دون اي غضاضة بينما هؤلاء الجاهليين العنصريين يسيطرون حتى على المصطلحات
وينسون انفسهم كالرجال البلهاء تاريخيا؟ قمة الغباء والتناقض المريع؟
يعني الطائفي الرجعي المرغني والطائفي المستبد السفاح صادق المهدي فقط من مدينة واحدة وليسوا جهويين بينما الاخرين باللصقة كدا جهويين؟
بل منير ايضا نسى نفسه طبعا بانه يتباهى بحييه الشعبي في الخرطوم مستظلا بظل سيده الطائفي درق سيده طبعا؟
ومنير له اسياد كثر طائفية وكيزان معا؟
دا يفهم قضية شعب السودان ويستشعر الالامهم وهمومهم ازاي مثلا؟
فمنير بواب طائفي درق سيده حبا في الله؟ ودباب من منازلهم هي لله؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
لماذا تسعى لتبخيس هذا الكيان الجامع الذى يووحدكم تحت مظلة واحدة للسلطة
كان مفروض تحتفى بتوحيد حزب الأمة لناس الغرب كلهم،
أأليست تلك حسنة مهولة أن تستطيع الطائفية توحيد معظم شعوب السودان لكيانين فقط؟؟
باعلاه ضمن اوهام كل مستعمر وحدناكم لاننا غنم في غابة الى حظيرة الطائفية الاستعماري؟
ولولا نحن ما كنتم موجودين زاتو؟
وانتم مجرد وحوش ادخلنا اليكم الحضارة واخرجناكم من الظلام الى النور...الخ
دعاية استعمارية قديمة فكل مستعمر لازم يدعى بانكم كنتم عدم قد اوجدكم هو بس؟
ودا ضمن تجهيل الطائفية لمنير الذي لا يرى باننا كيان قائم منذ الازل قبل ان يخلق الحكم الثنائي الطائفية بالاف السنين؟
ولان الطائفية مجرد غباء بشري ومفلسة فكريا عليه تتلصق في الله دائما دون حسيب او رقيب؟
وفات عليك يا منير وللطائفية ايضا بان شعب دارفور مثلا لو عادوا الى التحدث عن الكيان والدين معا بنطلع الطائفية بتاعنك ديل
وانت معهم محدثين في الدين صنعهم الاستعمار الثنائي في العقد الثاني للقرن العشرين؟
وبالتالي بنص الحديث كل محدثة بدعة في الدين وكل بدعة ضلالة وكل ضلال الى الجحيم؟
بالاضافة الى التعامل والتخابر مع الاجانب الغزاء الكفار؟
اها على الطلاق داعش ارحم في حكمكم مع الطائفية بتاعتك؟
اها شفت التقسيم الطائفي الديني دا كيف؟
وهل كويسة معاك مثلا غدا نحترب دينيا مرة اخرى؟
فمن الذي قال لك ان غرب السودان ولا اي اقليم من اقاليم السودان كانوا في انتظار الطائفية صنيعة الاستعمار لتوحيدهم دا؟
واية وحدة تقصد هنا؟ الوحدة القهرية التي فرضها المستعمر بالقوة العسكرية واورثها لوكلائه جلابا السلطة الطائفية والافندية القائمة الان
كنظام استعمار داخلي نقاتل من اجل التحرير من كافة نظم الاستعمار الداخلي وكافة اشكال الهيمنة والاستحواذ في السودان؟
يا راجل دا ركوب مجاني بالواسطة الاستعمارية على اكتاف جميع شعوب السودان في اقاليمهم
كما في عاصمتهم وسلطة دولتهم ثم قتلهم طائفيا فيما بينهم لستون عاما؟
كدا انت وحد فروع الطائفية والاحزاب المئوية في الخرطوم بعد داك باقي الاقاليم ساهل جدا؟
طبعا واحدة من اهم ما عكسه اخانا منير هو مسح جنوب السودان من الذاكرة تماما ولا حتى في الماضي ضمن التقسيم الاستعماري الطائفي لهيمنة السيدين؟
لان اساسا دا خطط جلابا السلطة تاريخيا بان التقسيم الاستعماري للطائفتين هو الاصل مع اخضاع جنوب السودان عسكريا
ثم يطبق علي ما تبقى منهم قوانين اهل الذمة مع بعض التلميعات؟
واذا فشلت الاخضاع العسكري للجنوب فما مشكلة فصله بالكامل؟ بينما الاصل اي التقسيم الطائفي الاستعماري يبقى كما هو عليه؟
ولكن هناك مستجدات فرضها حروب المقاومة القوية الطويلة في الجنوب السوداني وبعض المقاومات في الاقليم الاخرى مما اضطرت الطائفية
وعسكرهم للاستعانة بالكيزان تاريخيا والذين بدورهم خطفوا القفاز فطرشقوا كل شئ الان؟
ورحم الله السلطان المؤمن صاحب السمو على دينارابن الامير زكريا ود السلطان محمد الفضل؛
خال الطائفي الاقطاعي عبد الرحمن وليد الاميرة الفضلى مقبولة بت الامير نورين ود السلطان محمد الفضل؟
والمفارقة صاحب السمو على دينار رضي الله عنه قد اوقف نشاط الطائفية الانصار خاصة في دارفور واستعاد الطرق الصوفية اساس الاسلام الشعبي السوداني
والذي ايضا شكل اساس الثورة المهدية ضد الغزو الاستعماري التركي المصري؟
وبعد استشهاد السلطان الشهيد على دينار قام الانجليز باعادة الطائفية في دارفور لتركيعهم واخضاعهم بواسطة الطائفي
صنيعة الاستعمار عبد الرحمن المهدي الذي استخدمه الانجليز لتهدئة ثورة المقاومة ضد الاستعمار في دارفور.
حيث استخدم الاقطاعي الطائفي عبد الرحمن نفوذه الديني وصلاته الاسرية في تهدئة الثورة في دارفور وتسكينهم ثم تنويمهم دينيا كما حالك انت بالضبط؟
ليتمكن الاستعمار من السيطرة عليهم، ومن ثم توريثهم بواسطة المستعمرللاقطاعي عبد الرحمن المهدي؟
وقبل مائة عام من الان لو قلت كلامك دا كان إلا تقعد مع ريجنالد ونجت
حيث كان يجلس الطائفي استوج الخديوية المرغني والهندي ولاحقا الطائفي الاقطاعي عبد الرحمن المهدي؟
لكن صحيح ان الزمن غدار؟
يا منير انت داخل في هوة سحيقة جدا وكل اوراقك مكشوفة تماما وفي نيلة منيلة في مليار نيلة!
وفي الختام ان تحرير السودان التي بالضرورة تبدأ بتحرير انفسنا وعقولنا من اوهام الطائفية وقش السودان القديم،
ثم العمل القاعدي الجاد على تحرير بلدنا السودان العظيم من نظم الاستعمار الداخلي للسودان القديم
وكافة اشكال الهيمنة والاستحواذ، ومن ثم التوافق السياسي المجتمعي
كل يمثل اقليمه وشعبه من حيث تم تفويضه سياسيا ديمقراطيا قاعديا حرا لنتواثق
في اقامة الدولة العلمانية الديمقراطية المتعددة الموحدة سياسيا فيدراليا؟
كضرورة لازمة للاعتراف والاقرار بالتنوع السوداني الذي هو ثراء انساني. وليكون الانتماء للدولة على اساس
حقوق المواطنة المتساوية دون ادنى تمييز وفق نظام حكم عادل للجميع تحت سيادة القانون؟
خالص شكري
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
منير خلاص افرغت ما تم تلقينك من الاوهام الطفولية لسيدك الطائفي
بالصلبتة في ربنا وبتاع ووقفت تب؟
وحتى مصطلحاتك طائفية وما قادر تنسى طبلة مديح المريدين للسيد الطائفي
الصالح عند الله ذوالنسب الشريف؟ ومعاها حليفة مغلظة كمان؟ اها
بس يشرفنا ان مفتاح مخازن سيدك الطائفي في دماغك عندنا قفلناك فعلا
وحنقفل سيدك الطائفي شخصيا ايضا؟
واكيد لو سيدك قرأ هذا الكلام مع ان سيدك ايضا مثلك
لا يقرأ ولو قرأ لا يفهم ولكن لو الكلام المسطر باعلاه وصله
حيفصلك من الحوزة الطائفية ويحرمك كرامته الى الابد
والفتة كمان؟ فانت الان في مأزق الاسياد؟
اذهب ابحث عن الغفران من سيدك الطائفي؟
قال ربنا قسمها قال؟
وكمان شايف قال؟ انت شايف ربك بقسم فينا مثل رز الفتة لطائفي مازوم ذاتيا عديم الحيلة؟
ليه ربك دا ما كان يرسل لينا الطير الابابيل الرجم بيهو قريبنا الافريقي داك وخلاص؟
مش كان احسن من يقسمنا للطائفية القزمة؟
بعدين انت تحلف بالله برضو اونطا
اها ربك البقسم طلع الاستعمار يا منير بدون تعليق طبعا؟
دا درس مهم للطائفية ولكل طائفي متحجر عايش خارح العصر مثلك يا منير؟
وابدا لن نترككم تضربوا الفتة على اجسادنا مرة اخرى ابدا هذا مستحيل يا منير؟
كفاية كدا يا منير ضربتوا الفتة كتير على اكتاف شعب السودان الابي.
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
الاخ منير
تحياتي
لابد لي ان اشكرك على هذا البوست الذي مهما اختلفنا فالبوست يعد بداية لمشوار ذاتي طويل
لاخراج شخصك العزيز علينا كانسان اولا وكسوداني من هوة عميقة لم تدخلها انت بارادتك الحرة
وانما وجدت نفسك بداخله مثلك مثل الاخرين من الاجيال ابناء هذا السودان العظيم الذي ظل في داخل
الهاوية لستون عاما بعد الاستقلال وليس نظام الانقاذ الفاشي الى الهاوية؟
فنظام الانقاذ الفاشي هي الهاوية نفسها، والهاوية هي نظام الانقاذ بالمطلق كمان؟
لان لمجرد الانقلاب العسكري الذي هو اغتصاب السلطة عسكريا واختطاف مؤسسة الدولة - إن وجد-
من المجتمع وسلب ارادة الشعوب ونزع الحقوق الوطنية المشروعة لهم في وطنهم ونهب مقدراتهم عسكريا؟
(سونكي ركب واضرب بيد من حديد، جهاد...الخ) تلقائيا تعني القذف بالسودان الوطن للجميع في عمق الهاوية؟
فوق مفاهيم الاسلاموعروبية المتناقضة للعصر كايديولوجيا لنظم السودان القديم لاقلية النخبة المتعاقبة على الحكم منذ الاستقلال
الذين اقعدوا السودان الوطن العظيم وشعبه الصابر داخل الهاوية حتى اللحظة؟ فمهما يكن فالحكومات تاتي وتذهب حتما؟
بينما تبقى الاوطان للشعوب عبر الاجيال هما الباقون ابدا؟
فالانقاذ الفاشي ذاهب لا محال، هذا هو الاصل في اي نظام حكم في الكون اجمع ولكن يظل بقائه لاي ساعة اخرى اكثر تكلفة للجميع؟
فاستمرار نظام الانقاذ الفاشي يوميا يزداد التكلفة للجميع، وربما يذهب بالسودان نفسه الذي تبقى منه جزء، قبل فناء الانقاذ نهائيا؟
وهذا ما لا نرضاه ونقبل به جميعنا.عليه جميعنا نتفق هنا اي عدم انهاء الانقاذ ما تبقى من السودان قبل افناء الانقاذ الحتمي؟
ولكي نتحرك معا من اجل هذا المصير المشترك في تحقيق التغيير الجذري المنشود بالوقف الفوري لتدمير الانقاذ الفاشي للسودان
ومواجهة التحدي الحقيقي باقامة مؤسسة الدولة الحديثة بمعايير العصر لنا جميعا.
فلابد ان تصحو انت من ثباتك الطائفي العميق وتخرج من دخان الطائفية وغبارها الاسن وهلاويسها الساكنة راسك اولا؟
والدخان دليل حريق طبعا والغبار دليل الجفاف والرياح العاتية غير المنتظمة؟
فانت هنا ابدا لا تقدم شيئا لاحد من شعبك ولا حتى في حييكم الشعبي على المستوى العام.
ولن تدرك عمق الهوة السحيقة التي انت فيها وابعاد الازمة الوطنية اطلاقا وانما تظل تدور
معزولا حتى عن إرادتك الحرة، في حظيرة الطائفية الواهية. ف
واجبك الانساني تقتضي مراجعة مفاهيمك التلقينية وهز مسلماتك الراسخة حتى تتحرك خطوة نحو التصالح
مع ذاتك واصلاحه اولا وإلا ستظل جامدا متلصقا بإلهك الطائفي الرجعي المتحجر، المتلصق بالله كذبا وافلاس،
دون ان تتحرك خطوة في الشأن الوطني العام إلا نحو الخلف بل ستظل الاداء الامثل في تثبيت نظم الاستبداد والفساد طبعا؟
http://sudanile.com/index.php؟option=com_contentandview=articleandid=94236:3-3andcatid=1002andItemid=55
باعلاه لنك لمقال للدكتور صديق امبدة بسودانايل عن الطائفي الاقطاعي عبد الرحمن المهدي
في انه كيف دك تعليم ابناء الانصار في معقل اتباعه في الجزيرة ابا بينما شرع في تعليم ابنائه وابناء الطوائف الاخرى في ازدواجية واضحة؟
ولكن اكثر ما لفت انتباهي الفقرة بادناه من متن المقال للطائفي المستبد السفاح صادق المهدي في حوار مع جده الاقطاعي عبد الرحمن حيث قال:
(وفي هذا الاطار يقول الامام الصادق المهدي في مقاله الموسوم "عبدالرحمن الصادق: امام الدين" والمنشور في مجلد مئوية السيد عبد الرحمن المشار اليه سابقا : "في اوائل عام 1958 بدي لي أن اتحدث مع جدي الامام عبدالرحمن ... وكان يشجعني علي ذلك. علمت أن مساعي حزب الامة وقتها كانت تتركز في اختياره رئيسا للجمهورية. قلت له إنه الان في مكان يفوق رئاسة الجمهورية واذا كان اهل السودان سوف يجمعون علي ذلك ويجعلونه رئيسا للجمهورية فهذا حسن والا فإن المنصب أقل من مكانته. قال لي: نعم أنا لا اريد أن اكون رئيسا للجمهورية بالمعني العادي، بل اريد أن يكون ذلك لفترة قصيرة جدا فصحتي نفسها لا تسمح بذلك. ولكن حرصي علي هذا الاجراء لتأكيد شرعية المهدية. فقد ظلمها اعداؤها وحاولوا جعلها نسيا منسيا. أن رئاستي للجمهورية لاي فترة مهما كانت قصيرة تربط ما بين الماضي والحاضر والمستقبل بصورة تتناسب مع تضحيات من ضحوا في تأريخنا.". ويضيف الامام "هذا ما قاله لي ، والدليل علي أن هذه الفكرة كانت مهمة جدا عنده أن كثيرا من الوريقات التي يسجل فيها خواطره تناولتها." (ص95).)
اها هذا هو راي السفاح الطائفي صادق المهدي بعد عام تقريبا تخرجه من اكسفورد وهو مازال يرى
ان جده له مقام اعلى من ان يكون رئيس جمهورية السودان اليتيم منذ الاستقلال؟
كما يتفق معه جده في هذا التصور الطائفي الخرافي تماما؟
فما هو الشئ الذي يجعل الاقطاعي عبد الرحمن المهدي اعلى مقاما من ان يكون رئيس جمهورية السودان الافتراضي اساسا؟
باعلاه اوضحنا ان الطائفية يرى في نفسها فوق كل شئ بما في ذلك مؤسسة الدولة الحديثة التي تعلو على الجميع
ولا تخضع إلا لسيادة القانون التي هي ضمن مؤسسات الدولة وليس العكس؟
فالطائفية لا تخضع إلا للقوة التي ايضا تواجهها الطائفية بالواسطة اي بالاتباع والدولة هي التي تملك الحق الشرعي لاستخدام القوة المادية من البوليس والامن ...الخ في الشأن الداخلي
ثم الجيش للاستخدام الخارجي ورمز السيادة الوطنية على اقليم الارض..الخ
ومن هنا مأزق الطائفية وجوهر التناقض الطائفي مع مؤسسة الدولة نفسها؟ فحالما تمكنت الطائفية من السيطرة على مؤسسة الدولة السياسية فتلقائيا الدولة للخلف در لا محال؟
لان الطائفية لا تقبل الا وان تخضع الدولة تحتها وليس العكس؟
كما الطائفية الدينية لا تملك فكرا سياسيا لتسيير الدولة ولا قانون عام ولا رؤية اقتصادية عامة ابدا؟
كل ما في يد الطائفية هو خلق الانقسام المجتمعي الديني الطائفي والاهتمام بالشأن الاسري الطائفي وتسيير الاتباع الهيا كما اوضح منير
وادعاء المقامات الواهية كما في كلام السفاح الكاذب الضليل وجده الطائفي ومنير ايضا؟
والسؤال مازال قائما ما هو الشئ الذي يجعل عبد الرحمن المهدي فوق مقام رئيس جمهورية السودان اليتيم؟
ومن الذي قرر ان يكون عبد الرحمن المهدي رئيسا للجمهورية بينما السودان تحت نظام جناحهم العسكري لغفر الاستعمار بقيادة عبود؟
فهذا اما ضمن احلام زلوط الطائفي او ان الانقلاب بالامر والتسليم باليد كمؤامرة طائفية صارخة ضد شعب السودان جميعا وبالاخص جنوب السودان والهامش عموما؟
ايضا لا يعدو ان الانقلاب كان بذات نهج الكيزان: تعال استلم القصر وساتيك رئيسا لاحقا؟
وعشان كدا السفاح الكاذب الضليل لغياب التمساح، فبالوراثة قد استاسد بقيادة الحزب الطائفي لنصف قرن ومازال طبعا ولا حاجة ذاته؟
ولا حول ولا قوة لشعب السودان جميعا في الحظيرة الطائفية؟
وليظل النصر لشعب السودان حتما؟
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Arabi yakub)
|
المنير .. سلام .. وكل عام وانت بالف خير ,,
يا المنير لو سمحت مجرد سؤال ؟
ما سبب هذا التاخير لاكتشافك لهذه الهاوية والكل ماعدا الكيزان
والانتهازيين يرون الانقاذ في الهاوية منذ قدومها وفعائلها الدموية
في الشعب السوداني ! مثال مقتل الطيار جرجس .. ومقتل مجدي
والذهاب بالشباب الي الحرب المجنونة بجنوبنا الحبيب ؟
ولك الشكر ,,,
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Zoal Wahid)
|
غايتو ياجماعة الواحد ماعارف يسوى معاكم شنو؟؟ ياالشبح زوول واحد إنت بالنسبة ليك القضية هلال أو مريخ يعنى؟ يعنى ماممكن الزوول يكون حر فى رأيه يكتب العايز يكتبه؟؟ لازم يكون إتجاه واحد سكة حديد؟؟ .. حاجة عجيبة والله..
إنتو القادة بتاعنكم يدخلوا ويمرقوا جوة وبرة الحكومة وإسرائيل زيما عايزين وربنا ما بيفتح عليكم بكلمة واحدة ضدهم أو معهم لماذا؟؟ ..
يكون فى علمكم أنا ضد العمل المسلح شئتم أم أبيتم .. إذا شايفين ده مناصرة للإنقاذ فليكن .. ويا زوول واحد أنا ضد إستحقار دولة الإمارات للسودان وإدراج إسم السودان بالسوء ليدرسه أبناؤهم شئت أم أبيت ..
ويا منى عمسيب أنا مواقفى واحدة من زمان، بس إنتى من زمان بتشوفينى ضد دعاة الحرب فتريها مناصرة للإنقاذ .. والبوست ده لأنه مسلّط لإنتقاد الإنقاذ ولذلك ترينه كما ترينه .. فأنا نظرتى لقضية البلد تختلف من منظوركم .. فأنا أنظر للجميع كبنى آدميين ــ حكومة مع معارضة ــ كلهم عند يكونوا فى موقع سلطة فإضطهاد الخصوم هو النتيجة الحتمية .. وقد شهدنا تصفية الخصوم سواءً من جانب الحكومة أو جانب المعارضة .. القصة هى صراع على السلطة ومن يظفر بها من الشقين اليمينى أو اليسارى سيبطش بالآخر ــ مثلما رأينا ذلك فى مصر مثلاً ــ وهذه ميزة هذا النوع من التكتلات الآيدلوجيةة وانضمت لهذه الثنائية الحركات الجهوية .. وكلامى لعربى يعقوب فيهو شرح لهذه الجزئية ..
يتبع ...
أسه أنا مارق ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
منير عبدالرحيم قلم شجاع ظل يدافع عن ما يؤمن به ولم ينكسر لمكسب رخيص
تعرض للكثير من العنف عندما تقاربت خطوطه
وتلامست مع ما يطرحه النظام الحاكم واجه اتهام بالدفاع
عن الحكومة واتهامات اخرى بالعنصرية.
وكان
يدافع عن قناعاته لا عن النظام.
لم أشك أبد ان منير يكتب لدعم سلطة
او ينال مصلحة خاصة
منير رجل ذو مبدأ اختلفت او اتفقت معه
ولا أظن فى أمثال منير الا الخير
منير المستنير بالمعنى الحقيقى
تحية واحترام
احمد عثمان
زول
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Ahmed Osman)
|
شكراً يا أحمدعثمان
كلمتك في جق د. منير صادقة ومعبرة
صدقني هذا ليس إساسك أنتفقط ولكن إحساس الكثير من القرّاء الموضوعيين
لكن للأسف في هذا المنبر لن تشفع له مثل هذه القراءات
فهنا القاعدة العامة "من ليس منا فهو ضدنا"
وأهو البوست دا شاهد لى كدا
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Frankly)
|
التحية للجميييييييع ,,
يا فرانكلي :
| Quote: وأهو البوست دا شاهد لى كدا |
البوست يشهد علي الفساد والضلال الاسلاموي للانقاذ ومطبليها
والانتهازيين الذين لايخشون ولايخافون ولايتقون الله !!!!
فهل لك من الشجاعة ان تتقي الله في نفسك وتخطو هذه الخطوة
الشجاعة كما فعل الحبيب المنير وتترك من ضلال ودعم للفساد
والمفسدين قبل ان تاتيك الطامة الكبري ؟؟؟؟؟؟؟؟؟؟
اللهم عليكم بهم انهم لايعجزونك ( المفسدين والداعمين للفساد )!
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Frankly)
|
أولاً أعيد على الجميع بدون فرز وأقول كل عام وأنتم بخير و أخص برضو الأخت المثابرة منى عمسيب التى بادرت بالمعايدة ــ رغم إنو ما ضمان بكرة تجي شايلة عصايتها للدواس ــ :)
وأشكرك جزيلاً أخى أحمدعثمان على كلماتك التى جعلتنى أحس بأنه رغم الرغاء الكثير ضدى المدعوم بطبيعة المنبر الإرهابية المتمترسة بغطاء الخطاب المعارض ودعاة النضال، إلاّ أنى متأكد أن هنالك أغلبية من القراء موضوعيون ولا يعبأون بالمظهر المعارض الزائف ..
وزيما أنا أشرت كثيراً أنو السياسة بحرها غريق وعاجلاً أو آجلاً ستصلك المواقف فى اللحم الحى حين تكون ذو سلطان وتحاول أن تكون عادل وحقانى ونزيه ، وتقوم فجأة السياسة تختك فى المحك الـ cutting edge .. بأن يرتكب إبنك أو أخوك أو أبوك جريمة كبيرة لا ينقذه منها إلاّأن تتدخل وتخرق القانون ــ زى مثلاً الوزيرة بوزارة العدل التى خرقت العدالة لتنقذ إبنها .. أو حتى الرئيس ووزير العدل زاتو الذين تغاضوا عن العدل والمساواة أمام القانون ..
وعايز أقول الكلام ده ما محصور فى الكيزان ، بل إنها مسئولية فردية وسلوك مختص بأى بنى آدم .. فنبل الأخلاق إمتحان عسير ومقاومة المغريات والمهددات تعتبر تحديات عظمى .. تأمّل فقط مثلاً عيد الفداء الذى نعايشه الآن وقصة الفداء الكبرى حيث يؤمر المرء بذبح إبنه ـــ أظن مافى قمة فى الفداء أعظم من كده ـــ ياخى أن تؤمر بأن تذبح نفسك أقل درجة من أن تذبح إبنك .. وكمان شوف طاعة الإبن الجاهز للذبح .. يازوول الذبح ده أصعب أنواع القتل ،، فكونك تركز لهذا التحدى أنا أخليهو لخيالك الخصب وشوف لو وصلت مداه .. فتأمل ذلك الموقف العجيب وذلك المثال الرهيب الذى عرضه لنا القرآن ..
فمن منا يستطيع أن يفوِّت مأكلة كبيرة ليس عليها رقيب وحسيب . . ومن منا يستطيع أن يؤثر مصلحة الشعب على صلحة أبنائه حين يكون حنان الأبوة والأمومة طافح .. ومن منا يستطيع أن يكظم الغيظ ويعفو عن الأذية .. كلنا ممكن نقول : أنــــــــا .. لكين أؤكد ليكم ، ده كلام خشم ساى .. عند المحك ــ الـcutting edge ــ أى واحد ما حيشتغل بأى زوول إلاّ نفسه .. شوف فى الدنيا دى فى كم نائب إنقلب على رئيسه ـــ حتى أنت يابروتس ؟ـــ سوار الدهب على نميرى ... على عثمان على الترابى .. مناوى على عبدالواحد .. السيسى على مرسى .. تقريب ولد الملك سلمان على ولد نايف .. شيخ قطر على أبوه .. قابوس على أبوه .. صراعات جون قرنق مع رفاقه .. أبكر آدم اسماعيل مع ياسر عرمان (دى هوادة منى ساى) .. أترك ليكم باقى اللستة كـ هومويرك ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
التحية لك اخي المنير ,,
وماذا تقول للذين ما زالوا يدعمون :
الفساد !
وتحرش الكيزان بالنساء !
والاغتصاب !
والسرقة والاحتيال !
وخطف الامنجية المعاقين اخلآقيآ لشعبنا المغلوب علي امره !
وباختصار كل انواع فساد !
ولك الشكر ,,, ولهم العار ولعنة الوطن والشعب .
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
منى العزيزة ..
اليومين ديل الفيلم مدور فى السيسى وإرهاصات الثورة يوم ١١ـ١١.. كنت بشوف فى فيديو بتاع صعيدى عنصرى شغال إنتقاد شديد اللهجة فى السيسى .. وبالجد فى متابعتى اليومين ديل لقيت اليوتيوب مشتعل .. وهناك إختلاف كبير بين معارضة السيسى ومعارضة البشير .. بهناك مولعة فيديوهات نارية بالكوم مش زى كلامى التعبان ده.. يعنى طوال الـ٢٧ سنة بتاعة الإنقاذ دى مافى راجل دق صدره عمل قناة ثجذب الناس بالحجة والمنطق زيما المصريين عاملين ومولعين اليوتيوب فى ٣سنة بس ..
سآتى إن شاء الله أحاول أستنتج السبب ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
المنير ,, صباح الرضا ,,
بهناك مولعة فيديوهات نارية بالكوم مش زى كلامى التعبان ده..
وهل نظام البشير محتاج لي دا كلو ؟
رجل بقي مشهور بالمطاردات ومحبوس ومشهور
عالميا مجرم حرب وهارب يعني نحن اسه نفكر في
طريقة قبضوا كيف وتسليمو . ونتمني منك مواصلة
فضحهم هنا . للمزيد فقط .
ولك الشكر ,,,
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
سلامات بت عمسيب .. طبعاًً أنا كلامى ليس عن تكرار الحديث عن المفاسد ـ وهى مما تمتلئ بها الأخبار والميدياا ـــ إنما عن مآآلات تراكم الفساد وما سيؤدى إليه .. فالإنقاذ بدأت بغطاء آيدلوجى وخطاب ثورى جديد على الجمهور مكنها من فرض الشرعية الثورية شاء من شاء وأبى من أبى .. حيث قامت بتجييش الناس من بعد الثاانوى وحتى عجائز الخدمة المدنية .. والغطاء الثورى لهذا كان حالة الحرب .. ورأينا كيف أن ساحات الفداء إستقطب الكوادر للذهاب للميدان بمن فيهم الدكاترة المتخصين اكبار وأساتذة الجامعات وكثير من القيادات التى خاضت الحرب طواعية بالحماس الأولانى فى السنين الأولى .. وفى تلك السنين ظل الشعب صامت يراقب هؤلاء الجماعة يصولون ويجولون تحركهم الحماسة لمشروعهم .. لكن مع تقدم السنين والحصاد السالب مع السلوك المنحرف وإستغلال السلطة من أجل الثراء فقد إنكشف الغطاء الثورى بعد أن قُتل المتحمسون المخلصون فى الحرب تبقى الإنتهازيون واللصوص الذين أصبحوا يتنافسون على المناصب والثروة فى ميدان مكشوف للجمهور .. ومن ضمن هذا الجمهور الكوادر الدنيا التى حتماً قد تأكدت أن القيادات كضابين ويسعون فقط للمكاوشة على ما يقع تحت أيديهم .. ويرون أن دعاوى االمشروع الحضارى ذهبت هباءً تذروهاا الرياح، وأصبح همهم نفسى نفسى ... إذن هذه الكوادر التى كان يمكن جمعها وحششدها بالزى العسكرى بين يوم وليلة لم تعد مستعدة كذلك بعد أن إنفضحت القيادات وانكشف فسادها ..
بس أقول ليك لماذا ما يزال الشعب صامت؟ السبب هو نفس السبب الأولانى، وهو الحرب والجيوش الجههوية المجيشة فى حرب هذه الحكومة .. فوجود جيوش مدججة بالسلااح هو حائط صد يحممى هذه الحكومة من الإنتفاضة الشعبية .. لو تلاحظى مثلاً إضراب الأطباء قبل أيام كان أكبر أثراً وإنفعالاً من معارك الحركات المسلحة ضد الجيش .. فعندما يُضرب الأطباء والمنظمات المدنية فالناس تلقائياً بتقيف معها ضد الحكومة .. ولكن عندما تهاجم الحركات والحركة الشعبية جيش الحكومة فالناس برضو تلقائياً بتقيف مع الحكومة ..
أها حلى لينا الغلوتية ..
أمشى تابعى الأوضاع فى مصر مثلاً حيث لا جهويات ولا عنصريات ولا مليشيات،، فإنهم اليومين ديل أمبير الثورة طالع السما .. والآن محددين يوم ١١ـ١١ يوم الإنتفاضة ... فحنشوف هل سيخرجوا أم سنرى مقولة حضرنا ولم نجدكم ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
يا منير نحن السودانيين ما ضروري نكون زي زعيط ومعيط
يكفينا فخراً شخصيتنا الفريدة
نحن قوم نختلف سياسياً كثيراً حتى تتصور أن يقوم أحدهم ويقتل أخيه ولكن عااادي تلقاهم جنب بعض في المسرات والأحزان وكأنهم أخوة في بيت واحد اجتمعوا مع بعض على مائدة الغدا
مر سفير السودان في ألمانيا دعي السودانيين للعشاء في منزله بعد مؤتمر صحفي في بون وكان هناك وفد من الحركة الشعبية قبل الانفصال يجوب ألمانيا وعدد من الطلبة وبعض المقيمين والاجئين
فقال في كلمة ترحيبه نرحب بالأخوة الكرام من الحركة الشعبية والمقيمين والطلبة واللاجئين
في صحفي مغربي قال لي مثل هذا الترحيب لا يصدر من أي جهة سيادية في العالم غير السودانيين
هسع عليك الله شوف الحوار السوداني السوداني دا
حركات مسلحة تدخل الخرطوم وتجلس في قاعة الصداقة تحاور وتناقش وتطلع بمطار الخرطوم قاعة كبار الزوار ليذهبوا للغابة يحاربوا النظام
دي حالات فريدة جداً ونحن ما بنتقارن مع جهة تانية في العالم
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Frankly)
|
يافرانكى ياصديق ..
لا تغرنك هذه الإبتسامات االصفراء والمجاملات الـ من الحنك للسان دى .. الحرب لزومها شنو لو كانت تلك المجاملات صادقة؟؟ ده نفاق سياسى .. الناس بتموت وقاعدة فى االهجير والزمهرير منتظرين السلام وبهناك القيادات تتبادل الأنخاب ..
لو فعلاً القصة ما نفاق ومظاهر مفروض بعد العشا طوالى يعلنوا السلام .. تقول لى شنو؟؟ ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
عزيز المنير .. مساء الفل ..
فرانكلي طبعآ من النشاذ اقصد الاقلية المدافعة عن الفساد
اكيد بكون متفرد لانهم مافي زول زيهم والتفرد بكون دائمآ
من الناس القلائل . لكن تفرد الفساد دا ما شفناه الا عندهم !!!
حركات مسلحة تدخل الخرطوم وتجلس في قاعة الصداقة
تحاور وتناقش وتطلع بمطار الخرطوم قاعة كبار الزوار ليذهبوا
للغابة يحاربوا النظام
دا رأيك في الحركات المسلحة . اها ورينا رايك في في الطرف التاني
الاتفتح البوست بخصوصهم قاعدين يمشوا وين ؟
يا زول يا متفرد انت !
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
يا منير يا حبيب
أنا لا أسميها ابتسامة صفراء بل طابع لكن السياسة تيارها قوي والجري وراء المصالح يفسد القلوب
يا أخي السودانيين طيبين وعادي تشوف ليك صوفي مشى يعزي في شيوعي والعكس
ودي حاجات ما بتلقاها في شعوب تانية
أنا متأكد حلول مشاكلنا ح تكون من خلال تفعيل خواص الشخصية السودانية والحوار الدائر في السودان دا بمكونات الأغلبية السودانية يظهر أن هناك خير يرتجى من فعالية هذه الشخصية السودانية
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
من أين تأتى الأموال التى تسير بها الدول ؟؟ أنا شايف إنو البشرية دى بتصرف فى حاضرها من المستقبل المجهول .. أكبر وأغنى وأوى دولة فى العالم ــ أمريكا ــ بلغت ديونها الـ١٧ ترليون ، وماشة فى زيادة!! .. الدول الكبرى والصغرى كلها ترزخ تحت العجز فى ميزانياتها .. حتى دولة مثل السعودية التى تغرف الفلوس من تحت الواطة ساى بدأت تتحدث عن عجز فى ميزانيتها .. سيبك من الدول ، حتى الأفراد فى الدول الغنية عايشين بالديون .. أغلب البيوت والعربات الفاخرة شايلنها بالديون .. الدول الفقيرة ــ دول العالم الثالث ــ عايشة بالديون وإعادة جدولة الديون ووو .. منو فى الدنياا دى عايش بدون ديون .. قالوا المولود الأمريكى مثلاً يولد وهو مديون ٢٥٠ ألف دولار ــ أو ٢٥ ألف لا أذكر ــ .. إذن البشرية كلها بتصرف من مستقبلها لتنفقه فى حاضرها ــ ولسان حالها يقول : نشيل نردم فوق قفانا وعليك يا أب إيداً ملانة ..
نجى نشوف التحدى الكبير للحكومة فى توفير الفلوس التى تسيّر بها البلاد .. وذلك طبعاً يشمل المنصرفات الأساسية التى لا غنىً عنها .. ومنها السلع والخدمات الإستراتيجية ومرتبات العاملين والعساكر .. ماهى مصادر الدخل وما هى المنصرفات .. أنا طبعاً ما إقتصادى ولست خببيراً ولكنى حأطمبج ساى طالما الإقتصاديين سادين دى بطينة ودى بعجينة وما قادرين يثقفونا فى هذه المسائل الحياتية الملحة .. أنا والصديقة اللدودة منى عمسيب محتاجين تنوير عن هذه القضايا ، وإلاّ أنا حأقعد أنظّر ساى .. اللهم إلاّ منى تكون مثخصصة إقتصاد وأنا ماعارف ..:)
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
يا منير الحكومة عندها قروش كتيرة
وعمر البشير ذاتو وقع مع شركة روسية
تعدن الدهب في السودان وليها اكتر من سنة بتطلع كل
شهر زي تلاتة وتلاتين طن دهب
اقرا الخبر دا
الخرطوم 29 يوليو 2015 - وقعت الحكومة السودانية، على ما قالت إنه أكبر اتفاقية في مجال التعدين مع احدى الشركات الروسية للتنقيب،
عن الذهب في ولايتي البحر الأحمر ونهر النيل، شرق وشمال البلاد، بحضور الرئيس عمر البشير.
JPEG - 24.7 كيلوبايت
التنقيب عن الذهب بات حرفة لكثير من السودانيين
وتقدر كميات الذهب المنتظر تنقيبها بحوالى 8 آلاف طن بقيمة 298 مليار دولار،
على أن تبدأ الشركة الانتاج التنقيب خلال الست اشهر القادمة.
ووصف وزير المعادن السوداني احمد محمد الكاروري الارقام المكتشفة من الذهب بأنها غير مسبوقة في تاريخ السودان،
وأعلن أن جملة الاحتياطات في الولايتين تقدر بـ 46 ألف طن بقيمة ترليون و702 مليار دولار.
وقال السودان في نوفمبر الماضي، إن إنتاجه من الذهب منذ مطلع يناير وإلى نهاية أكتوبر 2014، بلغ 64 طنا أنتجتها
الشركات والتعدين الأهلي، مقارنة بـ 34 طنا في العام 2013، وأكد أن الشركات العاملة في مجال التنقيب عن المعدن النفيس
تمثل 15 دولة مختلفة، دخلت 8 شركات منها مرحلة الإنتاج.
وأصبح الذهب من أكبر صادرات السودان ليعوض جزئيا إيرادات النفط التي كانت تشكل أكثر
من 50 بالمئة من إيرادات الحكومة حتى 2011 حينما استقلت دولة جنوب السودان مستحوذة على معظم آبار البترول.
وقال الوزير السوداني ان نصيب الحكومة في الاتفاق، وصل الى 75% فيما بلغ نصيب شركة (سيبريا) الروسية 25%.
وأبدى الكاروري في مؤتمر صحفي بالقصر الرئاسي، الأربعاء، ثقته في أن الاتفاق سيمهد الى إحداث تغيير في
الاقتصاد السودانى، ونبه الى ان نسبة تركيز معدن الذهب فى المربعين بالولايتين يبلغ "8" الآف طن فيما تبلغ درجة التركيز 32 كيلو جرام في الطن.
وأوضح أن الشركة ستبدأ في العام الأول إنتاج 33 طن يرتفع الى 53 طنا في الأعوام المقبلة.
وقال مدير شركة (سيبريا) الروسية فلادمير جوكف، إنهم عازمون على العمل فى ثلاث مناطق مع افتتاح اكبر مصنع
بنهر النيل بتكلفة تبلغ "241" مليون يورو، مشيرا الى أنه سيكون الاحدث في القارة، كما أنه لن يستخدم "الزئبق" خلال اعمال استخلاص
المادة الخام للذهب بطاقة انتاجية تقدر بنحو "3" ملايين طن خام خلال العام.
انتهى الخبر
يعني ادوا الانقاذ دي فرصة عشرة خمسطاشر سنة والسودان حيبقى اغنى من دبي
الروس ديل حيطلعوا الدهب بمليارات الدولارات
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: الصادق اسماعيل)
|
| Quote: إنتى من زمان بتشوفينى ضد دعاة الحرب فتريها مناصرة للإنقاذ |
سلامات للجميع
حسب المقتبس أعلاه يا منير معناها انت ضد الإنقاذ لأن الإنقاذ ومنذ فجرها الأول رفعت رايات الجهاد الوهمية
واججت الحروب في كل بقاع الوطن
اذاً ما الذي جعل اختنا بت عمسيب تراك مناصراً للانقاذ؟؟
الإجابة ببساطة لأنك ترى ان من يواجهون الإنقاذ بالسلاح هم دعاة الحرب وتغض الطرف عمن اجج الصراعات
واجبر البعض من أبناء الشعب لحمل السلاح للدفاع عن حقوقهم
الإنقاذ يا منير عبارة عن آلة حرب مدمرة وكل من يقف ضد الحرب يجب ان يقف ضد الإنقاذ في كل سياساتها
او بالاصح اكاذيبها التي تلتف بها على القضايا الوطنية وتمتص بها غضب الشعب مثل الحوار الوطني المزعوم
ولا يضع اللوم على الحركات المسلحة فكلها حركات مطلبية قامت من اجل حقوق مسلوبة من جانب الإنقاذ
أي نعم ان الحرب لها تأثيراتها الجانبية التي يتضرر منها الأبرياء ولكن يظل من تسبب فيها هو الملام الأول
وهو صاحب القدح المعلى في الدمار الذي طال كل الوطن وهي بالتأكيد عيني باردة السيدة
حكومة الإنقاذ وقادتها الحرامية الافذاذ
تحياتي
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
نسيت فى مداخلتى السابقة عن الديون أن أكتب السؤال المحورى ، وهو : منو يديِّن منو ؟ والقاعد يديِّن فى البشرية دى منو؟؟ .. بالنسبة للدول التعبانة ممكن نقول الـIMF .. لكين أمريكا بتتدين من منو؟ وIMF الجن ده قاعد يجيب القروش من وين؟؟ .. وأخيراً هل الترليونات المهولة دى موجودة كعملة ملموسة ممكن تعدها عادى كده؟ (خلى بالك قال ليك لو عايز تعد من واحد لمليون كده ١ ٢ ٣ ٤ ... حتستغرق ٧ أيام بلياليها) ..
معناها زيما جبت فى بوست آخر إنو الأموال دى فى عالم اليوم عبارة عن أرقام ديجيتال مخزنة كشحنات كهربائية فى ذاكرة الكمبيوترات .. و.....
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
هههه .. ياالصادق بالله بطّّل تريقة ..
الوزير الكارورى ده ما بيخاف الله .. قنبلها قنبلة كبيرة .. أو يمكن يكون صاح والجماعة قاموا بالقروش .. طبعاً فعلاً الدهب ممكن يكون مصدر واعد للدخل .. لكنه لو فعلاً كان مؤثر لما كان البشير إنبطح للسعودية وسوى الدرب ساساقة لغاية ما وطّا راسنا من الهوان ..
ولذلك أنا جبت التساؤل بتاع مصاريف الدولة ده .. لأنو فى أول الشهر لازم المرتبات تكون جاهزة .. ميزانية الجيش والتعيينات تكون متوفرة .. السلع الإستراتيجية تكون مضمونة ــ دقيق سكر زيت غااز ــ عشان الناس ما تشعر بالضيق وتتذمر .. إذن ضمان مصاريف أول الشهر ده هاجس كبير للحكومات ..
كان بإمكان الحكومة تنشيط الموارد المستديمة ــ زراعة ورعى ــ لينشغل وييشتغل بها المواطن، ولكن الحصل أن دخل البترول فى العقد الماضى لم يستفاد منه ، بل راح هدراً .. والأنكى أنه إستُغل للمصلحة الشخصية .. ياخى الرئيس بدلاً عن أن يستثمر الأموال لصالح الشعب فى الزراعة مشى سعى ليهو مزرعة لى رقبته دى ، وكمان قال بتدخّل ليهو مليارات ـــ هلّا جلست فى بيت أبيك وأمك حتى تأتيك مزرعتك؟؟ .. ده لو بتتذكر الحديث بتاع عامل الزكاة :
روى البخاري ومسلم عن أبي حميد الساعدي رضي الله عنه قال : استعمَل رسول الله صلى الله عليه وسلم رجلا من الأزد على صدقات بني سليم يُدعى ابن اللتبية ، فلما جاء حاسبه . قال : هذا مالكم ، وهذا هدية ! فقال رسول الله صلى الله عليه وسلم : فهلا جلست في بيت أبيك وأمك حتى تأتيك هديتك إن كنت صادقا ! ثم خطبنا ، فحمد الله ، وأثنى عليه ، ثم قال : أما بعد فإني استعمل الرجل منكم على العمل مما ولاّني الله ، فيأتي فيقول : هذا مالكم ، وهذا هدية أهديت لي ، أفلا جلس في بيت أبيه وأمه حتى تأتيه هديته ؟ والله لا يأخذ أحد منكم شيئا بغير حقه إلا لقي الله يحمله يوم القيامة ، فلأعرفن أحداً منكم لقي الله يحمل بعيراً له رغاء ، أو بقرة لها خوار أو شاة تيعر ، ثم رفع يده حتى روي بياض إبطه يقول : اللهم هل بلغت .
قال ديك مزارعكم ودى مزرعتى أزيد بيها دخلى !! ..
الليلة قريت خبر عن إنو حكومة آيسلندا قررت تزيد مرتبات مواطنيها وكان نصيب الرئيس ٥ ألف دولار شهرياً ،ــ خمسة ألف ــ فقام الكلس قال ما محتاج ليها، وتبرع بيها لأعمال خيرية .. فتأمل الفرق ..
يتبع ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
كما ذكرت .. فإن الماكينة الرئيسية التى عاشت عليها الإنقاذ هى ماكينة التعبئة الحربية المدعومة بالخطاب الجهادى والإستشهادى .. ورأينا أن تلك كانت ماكينة عالية الفعالية فى مواجهة الحرب والضغوط الخارجية .. فكلما زادت الضغوط الخارجية واستعرت علا الخطاب التعبوى الجهادى والذى كان يعادل مقولة ــ لا صوت يعلو فوق صوت المعركة ــ .. ولذلك نرى أنه ما أن وُقعت إتفاقية سلام نيفاشا ومن بعدها إنفصل الجنوب أصبحت الحكومة ما عندها موضوع ..
لكين جاءتها النجدة بإشتداد حرب دارفور التى أدت لإنقسام شعبوى وشرخ فى المجتمعات السودانية .. وبذا تراكمت مرة أخرى نبرة الحرب التى أيضاً استمرت كحجة للحكومة للضغط على معيشة المواطن الذى ظل يتجرع المرارة بسبب سيف الحرب المسلط عليه ..
ولذلك تلاحظوا أنه مع خفوت صوت المعركة فى هذه الفترة الماضية بدأت الآن الإحتجاجات تتصاعد يوماً بعد يوم ، وبدأت أركان الإنقاذ وقياداتها تلتفت لحصادها وبدأوا إنتقاد بعضهم بعضاً .. وو .. يتبع ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
من الأخطاء الإستراتيجية للحركات الجهوية المتمردة هى الخطاب العدائى ضد المركز .. وذلك يجعلها فى الضد لكل الجهويات الأخرى التى تستوطن المركز ، حتى ومن نفس المناطق التى تمردت .. وبذلك تجد هذه الحركات رفض لها من مركز ثقل البلاد وتجد نفسها معزولة فى جهاتها أينما كانت تلك الجهات ــ فى الشرق أو الغرب أو الشمال أو الجنوب .. من ناحية الجنوب تراها القضية واضحة ومفهومة ليها ٦٠ سنة ..لكين كدى أنظر للتمرد فى الغرب .. تجد أن كل المركز والشمال والشرق يعتبرونه نشاط معادى فإنهم إما متوجسون منه أو لا يعبأون به إلاّ بما يسببه من ضرر بتأجيج أجواء الحرب .. وذلك لعدم شعور الإنتماء المطلوب ، حتى ومن أشد أعداء الإنقاذ بالداخل أو الخارج .. هسه مثلاً جيوش عبدالواحد ومناوى وجبريل وعقار فاتحة للتجنيد .. شفتوا ليكم واحد من معارضى المركز أو من الجهات الأخرى مشى الميدان ولبس الكاكى للقتال ضد المركز؟؟ الإجابة لا ، وذلك بسبب عدم الإحساس بالإنتماء للجهويات ، بل الإنتماء للمركز ..
مثال آخر من جهة أخرى ــ الشمال ــ .. كذلك نرى ضعف التفاعل القومى مع ضحايا كجبار ومع ترحيل المناصير .. وذلك لأن باقى الأقاليم ما بيهمها ما يحدث من أحداث فى الأقاليم الأخرى ، وذلك أيضاً لضعف الإحساس بالإنتماء .. فالإحساس القومى الوحيد يحسه المرء حين يستوطن فى بيئة مختلطة يجد نفسه يمثل بضعة منها فتذوب عصبيته لجهته وقبيلته .. وبذا فإن أى تمرد جهوى سينعزل تلقائياً من "القطيع" ــ مجازاً
وعبارة مركز هذه عبارة ديناميكية تحوى أى سودانى من أى جهة استوطن المركز ـــ وسط السودان ــ .. فالهدندوى والشايقى والنوباوى والفوراوى بعدما يسكنوا جمب بعض ويبقوا جيران تانى إرتفاع سعر الخبز وإنخفاضه سيؤثر فيهم مع بعض .. وأى مهدد من خارج سكنهم سيهددهم مع بعض .. وبذا فإن ديناميكية السكان وإنجذابهم لمركز الجاذبية يجعل أحاسيسهم مشتركة فى السراء والضراء .. إذن التمردات الجهوية التى تبعد من المركز تعتبر مهددات للجميع على مختلفهم أصولهم حتى وإن كانت أقليات من تلك الأصول تقف مع التمرد وإن كانت تسكن المركز . . وذلك لأنها ستكون مجرد أقليات وسط أغلبية مختلطة من جميع الجهات والقبائل .. واتضح لنا ذلك حينما جاء خليل إبراهيم ليستلم العاصمة فيتفاجى بسحق كل قواته فى بضع ساعات وبدعم من جماهير المركز بكل تنوعها .. وهو ما يعتبر إنحياز تلقائى للإنقاذ التى تعتبر فى خانة الجيش القومى .. وو .. يتبع ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
.. إذن مع إنحسار الحرب زيما قلت فإن الإنقاذ بقى ماعندها موضوع تعبئ بيهو الجماهير ، وهى بذلك فقدت أهم كرت لصبر الجماهير .. وهنا أنا أعتبر قواعد الإنقاذ ذاتها التى كانت وقود للتعبئة جزء مهم من هذه الجماهير .. فقد إنقشع غبار الحرب لحدٍ ما ، واتضحت لهم الرؤية بأن القيادات أثروا وكان بيدكنوا فى الأموال بينما كانت القواعد مشغولة بالحرب .. وزيما قلت فإنه حتى القيادات ذاتها ابتدأت فى النظر لبعضها وترى الكل ما راضى بالآخر ..
يعنى أنا أمبارح شاهدت مقطع فيديو فيسبوكى عن د. الجميعابى يتكلم عن إعتمادات الحكومة للدواء .. كلام خطيرمن زول خطير وصل به الضيق أن يهاجم الحكومة علناً بتلك الحقائق الخطيرة .. ومن قبله سمعنا ذاك التصريح الرهيب من والى الخرطوم عبدالرحيم محمدحسين حينما تولى الولاية ومشى الظاهر يفتش مصادر الدخل فوجد (الحتات كلها باعوها) .. يعنى تمويل الجيوب كان من بيع الحتات .. وذلك يفضح حقيقة صادمة هى أنه ليست هناك موارد للدخل .. فكيف ستستطيع الحكومة الإيفاء بالإلتزامات الإستراتيجية ؟؟ ورطة كبيرة ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
وجود أموال فى خزينة الدولة كل أول شهر مهمة لدرجة الخطورة .. فمرتبات الجيش لازم تكون جاهزة لأنو الجيش ما زى الموظف العادى حيث مرتبه ممكن يتأخر لغاية نص الشهر، أما الحقارة بالمعلمين أسكت خليها ساكت ـ شهور عديدة ــ ... فمن أين تأتى الحكومة بالأموال الإستراتيجية .. ؟؟ .. وخاصة أنها بتزيد مخصصات الجيش خوفاً منه .. فكلما زاد التوتر فى البلاد بسبب شح الدخل يزيد الخوف من الشعب والجيش فيزيد قمع الشعب وتزيد مرتبات الجيش فيتفاقم شح الدخل فيزيد الخوف من الشعب والجيش فيزيد قمع الشعب وتزيد مرتبات الجيش فيتفاقم شح الدخل تانى و يزيد .. ويزيد ....إلخ ـــ تفاعل تسلسلى ـــ .. إلى أن يبلغ السيل الزبى ..
وذلك هو سبب النطيط ما بين قطر والسعودية وطرد إيران ووو .. كله فى سبيل الزوادة العاجلة حتى يمشوا حق اليوم وبكرة يحلها ألف حلاّل .. زى زمان نميرى لمن يتزنق وأمريكا توقف ليهو باخرة القمح فى بورتسودان فيطيع الأوامر والتوجيهات .. رحِّل فلاشا يرحِّل .. صوّت مع القرارالفلانى يبصم بالعشرة .. وهكذا ..
الحلول الزى دى ما بتمشى لقدام ولابد أن تنفجر ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
إذا زادت ديناميكا الإحتجاجات فسينطلق العنان ..
فى دنيا الديناميكا والتحكم هناك ما يسمى بالـ closed loop system ومن خصائصه الـ feeback .. وهو أن تاخد جزء من الـoutput وتغذى به الـinput .. فإذا كان إتجاه الـoutput يسير فى عكس الـinput فإن النظام يسمى negative feedback system والمحصلة أن يحدث توازن وإستقرار للـ system لأن الـfeedback يوازن بين الـinput وoutput بأنه إذا جنح الـoutput للزيادة يقوم الــinput ينقص فيعود الـoutput للنقصان.. أما إذا حصل العكس فمعناه يصبح عندنا positive feedback system .. وهنا أذا زاد الـoutput يقوم الـfeedback يؤثر بالزيادة فيتصاعد الـoutput بالمزيد .. ويحدث عدم إستقرار .. وهنا أماثل (قمع الشعب + زيادة مخصصات وحوافز العسكر) مع (شح الدخل وقلة موارد ).. ووموازنتهما التصاعدية.. بمعنى أن القوسين يتصاعدان طردياً حتى يبلغان مرحلة الإنفجار ..
طبعاً مفروض لا يجب أن تكون الموازنة بين الكميتين طردية بل عكسية لأجل إستقرار الـsystem .. يعنى مع شح الدخل والموارد مفروض يتم تقليص الإنفاق على العسكر وطواقم الـsystem حتى لا يثور الشعب ولا يتم قمعه ..
بس عندنا الشغل ماشى بالقلبة .. والسبب الأساسى لعدم رغبة الحكومة لتعديل الأوضاع هو الطمع والخوف واللامبالاة والإحساس بأن الذى تسبب فى الأذى هو مسئول آخر .. كأن يأتى الوالى ويقول الحتات كلها باعوها .. كأنما اللوم يلقى على عاتق الوالى السابق .. المهم هو لى رقبته دى يستلم مخصصاته كاملة .. ولو فى تقصير فالمسئول السابق هو السبب .. !!!
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
ديناميكا السكون ..
والسكون هنا ما نراه الآن من بادرة العصيان المدنى ..
ماهو أثر العصيان المدنى ــ أو السكون ــ ومقارنته بالمظاهرات ؟؟
السكون يخلق حالة من التضامن بين الجماهير .. وهو غير مكلف فى الأرواح .. فإنه يبعث روح وأجواء جديدة ليعتاد الناس العيش بدون خدمات ويكون الشعور جماعياً .. وفى نفس الوقت يجعل الحكومة تشعر بأن الرفض وصل الذروة .. وهو ما يخلق عند طواقمها شعور متنازع بين الإنحياز لديناميكا الجماهير الساكنة ، أو التشبث بأعمدة السلطة والإستعداد لقتال الجماهير حين تنتهى فترة العصيان ـــ أوالسكون الذى يسبق العاصفة ـــ..؟؟ ..
هناك بعض سيناريوهات محدودة محتملة :
تشبث بالسلطة لآخر لحظة وتنجر البلاد للحالة السورية والليبية ، أو فى السيناريو الثانى أن تحذو الحكومة حذو عبود ويتنحى البشير وحكومته ويتم تسليم السلطة بطريقة مبتكرة بدون سفك دماء (ما يبقى حسنى مبارك وزين العابدين بن على أرجل منه) .. أو أخيراً تنتفض القوات المسلحة للتغيير ..
كلٌ من هذه السيناريوهات له معطيات ومآلات يجب حسابها جيداً .. طبعاً لست أنا من يتمكن من حسابها بدقة ... فدنيا السياسة متشعبة فوق طاقة إحتواء ذهنى لتعقيداتها ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: doma)
|
مرحبتين بالخالة العزيزة دوما .. شرّفتِى البوست ..
زيما أشرت منذ بداية البوست أن قدرة الإنقاذ على التعبئة الشعبية نفّست وأصبحت ماشة على عجل الحديد .. وظهر لنا ذلك جلياً فى الأيام هذه الأيام .. إختفت الحشود الحماسية العفوية فى اللقاءات الجماهيرية الأخيرة ..
طبعاً الإستقراء ممكن يخطئ ويمكن يصيب ، لكنه فى الغالب كان صائب فى توقعات سابقة ... مثلاً بعد توقيع سلام نيفاشا وقرنق جاء الخرطوم وأى حاجة، كتبت بوست بعنوان ــ هل تستطيع الحكومة التحكم فى جهالة الجاهلين ــ فقد كنت متوجساً من المتعصبين والمتطرفين من الشماليين والجنوبيين فى تلك الأجواء .. أنقروا ما اندلعت أحداث الإثنين الأسود بعد فترة قصيرة من ذلك البوست؟ ..
أها الآن مع حمى العصيانات الحاصلة دى نستقرأ المآلات ..
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: مني عمسيب)
|
يا ألف مرحباً بالصديقة بت عمسيب .. رمضان كريم ..
الحسابات اتلخبطت رغم بقاء المعطيات الأساسية المذكورة فى أول البوست ..
الإحتجاجات وقفت ..
الإعتصامات طلعت فشنك..
المستجدات:
-- إنتقال الحكومة لحلف الخليج ..
-- عدم وجود إسم السودان فى لائحة الإرهاب ..
-- إحتمال رفع العقوبات (إحتمال بسيط) ..
-- العداء مع مصر وهو ما حشد الشعور القومى فى صالح الحكومة..
-- ومن جانب آخر فإن الإختلاف السعودى القطرى ربما يقلب الموازين من أول وجديد ونرجع مربع١
| |
|
|
|
|
|
|
|
|
|
Re: الإنقاذ مستمره بالقهر والظلم والإستخدام (Re: Munir)
|
لك التحية الصديق العزيز .. المنير وتصوم بالصحة والعافية .
ومشكور علي الحضور في مكانك الشاغر .
ممكن وحسب تحليللك للامور السياسية تورينا ما سبب
وقوف الاحتجاجات وفشنكت الاعتصامات ؟
الإحتجاجات وقفت ..
الإعتصامات طلعت فشنك..
نقطة سؤال جديد ؟
المستجدات: --
إنتقال الحكومة لحلف الخليج ..
--
البسمع حلف الخليج يقول الحلف الاطلسي ! يعني
انت مع خلف الخليج ؟ وممكن تزيدنا شوية ماهي
المصلحة الخلت الحكومة للانضمام للحلف وبذات
في الظروف دي دون غيرها ؟
ممكن تؤكد هذه النقطة ؟ ورأيك شنو في الارهاب
الداخلي ارهاب الشعب والتنكيل به حتي الاعتصامات
والاحتجاجات اتفنكشت ؟ ورأيك شنو في عدم استجابة
الحكومة لحل الامن الشعبي الذي اصبح ارهاق اقتصادي
واذلال واهانة وتنكيل بشعب حتي درجة الموت الي جانب
الفقر الذي فقد مقومات الصحة التي اكد وباء الكوليرا
ما نقول ؟
عدم وجود إسم السودان فى لائحة الإرهاب .. --
إحتمال رفع العقوبات (إحتمال بسيط) .. - -
.
اما بخصوص العداء لمصر هذا من صناعة قطر وسببه
الموزة التي ارسلت لاستفزاز وقلة العقل ابتدآ من السودان
ام الدنيا !! هل فعلآ السودان ام الدنيا كما تري الشيخة الموزة ؟
واي شعب يقف مع الحكومة التي تسببت في كل المصائب اللهو
فيها ؟ بعدين موضوع الشعب يقف دي كتيرة شوية واناشد الشعب
ان لايقف مع هولاء الخونة الببيع بلدة للخلايجة وبيع جيشه كمرتزقة
هولاء لايستحق الوقوف معهم والدليل غندور مغادر للقاهرة للتصالح !
واكيد من غير شروط والدليل المرتزقة وكلاب الامن تهوهو وحلايب
محتلة ! يا للفاجعة .
العداء مع مصر وهو ما حشد الشعور القومى فى صالح الحكومة.
رأيك شنو غندور ماشي القاهرة للتصالح اكيد بدون شروط
خوفآ فقط من القاهرة لانها ممكن جدآ توديهم في ستين دهية
لانهم في قمة ضعفهم وتشرذمهم ومشاكلهم الداخلية ولا يستطيعوا
الدخول معها في حروب هم في غني هنا والفيهم مكفيهم ؟
ولك الود .
| |
|
|
|
|
|
|
| |
مني عمسيب
خالد حاكم
Munir
Ahmed Osman
Frankly
الصادق اسماعيل
doma
فيس بوك
تويتر
انستقرام
يوتيوب
بنتيريست