|
|
|
 Re: حيّ انا الما بلَغْتْ هِنِي ... (Re: محمد على طه الملك)
|
Quote: يا ود قباني نحن علينا بالبينة ..
عندك بينة عينية هاتا بنصدقك ..
ما عنك بنعتبرك حالم زيك زي ود الرضي ..
المشكلة في ناس في البلد الخليتا وراك لسه ما سمعو بحاجة اسمها اولمبياد |
البينة ما بتنفع يا مولانا ...
لازم شوف العين ...
القوام اللادن و حبات العرق ديل يوصفوهن كيفن ؟
لازم شوف العين ... ( قالت ده لا لا ) ...
| |
  
|
|
|
|
|
|
|
|
Re: حيّ انا الما بلَغْتْ هِنِي ... (Re: يحي قباني)
|
وأما أنا - على قصر قامتي - فلقد كنت أمهر من يلعب البقري ..
والبقري يا هداك الله وانت عارفو - هو أن تعقد يديك لاستقبال الكرة .. هكذا .. تظهر اليمين في راحة الشمال .. وتلم ساعديك بحث يمثلان مهبطا للكرة .. وكانت تلك مهاره ما بعملها اي زول خلي بالك 
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: ABUHUSSEIN)
|
يا حليل ناس دار الرياضة..
دافوري وكدارين زي الملود وساقين زي الجراية في الشلابي..
حليلو هو.
..................................................................................................................
الما عارف الملود والجرايه والشلابي يعني شنو يمشي يحضر ناس هنايه القالم قباني
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: محمد قسم الله محمد)
|
ذكرتني واحد (صقر) شاف ليهو ولد سمح ، اتلفت لقي الجنبو ناس محترمين
وقال ليهم ، هسي تلقي امو سمحة سماحة .........
بنات الطايرة ديل بنتفرج فيهم ، ونتحسر علي زمنا !!
ــــــــــــــــــــــــــــ
ناس الحقيبة برضو فيهم ناس (صقور) زي ناس قسم بمحيك البدري
الضمير في كل غناهم مذكر ويقال لانو البنات ما بيطلعوا الا لكشيح الموية جنب الباب
وحتي الشوفة الصغيرة دي يدعوا فيها بكتابة قصيدة ، غايتو جنس كضب !
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: ABUHUSSEIN)
|
Quote: الطول بس كشافات الإستاد
و الكرعين ابراج هواتف محمولة
و الأردية يعني بس سترة حال ...
و المسافة بين الكتف و الراس الا تركب مواصلات ... |
الاجابة: الزرافة. هههه
تعرف يا قباني لو عايز تشوف الغزال الجد جد، تقع التنس .
رشاقة وجمال وفتنة ..
ولو ماك فاطر ما تتفرج في تنس الروسيات ،
وإلا وحات الله لامن الماتش ينتهي ما تشوف الكورة وين؟
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: محمد حيدر المشرف)
|
Quote: وأما أنا - على قصر قامتي - فلقد كنت أمهر من يلعب البقري ..
والبقري يا هداك الله وانت عارفو - هو أن تعقد يديك لاستقبال الكرة .. هكذا .. تظهر اليمين في راحة الشمال .. وتلم ساعديك بحث يمثلان مهبطا للكرة .. وكانت تلك مهاره ما بعملها اي زول خلي بالك |
البقري ليه هسي شغال يا دوك ...
بس قصة الليبرو اللابسه قميص مختلف دي ما كانت على زمنا ....
بعدين ياخ المطة البتمطوها دي ... سبحان الخالق في من خلق ...
زمان اخوك كان كمان بنوع في السيرف ...
بي جنبة كده و بي سيف الكف و تفكو في السما ... يجي نازل سكرو ...
بالله السيرف هسي يختو ليك في عينك ...
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: يحي قباني)
|
Quote: طلعت خال أي كلام .....
معقول يا خال بنات البرازيل و ما تكلمني ....
ياخ البرازيل و كوبا ديل أنا حتى الإعادة ما بفوتا .....
بلعبو الكرة الطائرة دي صاح .......
السلام عليكم |
بالجد يا عادل ...
غير ( صفوة جمالهن ) الصافية ...
بلعبوا الطايرة دي كما انزلوها في كتابها ...
المشكلة المباريات بتتلعب هي و حقة ( الشاطئ ) ... و ما ادراك ما الشاطي زي 6 صباحا بمواعيدكم ...
6 صباحا الفرجة على الحاجات دي ما كويسه ...
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: عبد المنعم سيد احمد)
|
أولا : تحياتي استاذ يحي
رجعتنا لايام الكرة الطائرة وزكريات فريق الامتداد العريق زمن نااااس عابدين والفريق القومي ومستر لي
طبعا نادي الامتداد فريق لايقارع ومنه لاعبين افذاذ خلقوا للعبه رونق فضل السيد ومجدي طيفور وقذافي وعابدين
زكريات الدورة الرمضانية وفرق الرائدات هلال /اولمبي /والسجانة /والمجد والجيل الثاني جيلنا حاتم لوفا وأدم اخو مجيد وانتكا والسلاوي
الكرة الطائرة ممتعه جدا ولكن حينما نشاهدها علي شاشات الاولمبيا تكون هناك فوراق مكانية والزمن ماياهو والقوام اللادن والجسيم تعبان .
،،،،أبوقصي،،،،
| |
|
|
|
|
|
|
|
|
|
Re: حيّ انا الما بلَغْتْ هِنِي ... (Re: يحي قباني)
|
يا هندسة .. سلام
قبل يومين حضرت مباراة كرة قدم نسائية
بين البرازيل واستراليا .. كانت في قمة الروعة والمتعة
يااخ ديل عندهن لياقة بدنية عالية .. ومهارات فردية عجيبة ...
وتحسفتا على ناس بله جابر .. وكاريكا .. ومن لف لفهم ..
وانتهت المباراة بالتعادل السلبي ..
وادوهن زمن اضافي برضو كانت النتيجة تعادل سلبي ..
وفي البلنتيات فازت البرازيل 8 مقابل 7 ..
كابتن البرازيل البت رقم 10 والتي كانت نجمة المبارة بلا منازع
هي الوحيدة الضيعت ضربة الجزاء..
وصدت حارسة البرازيل كورتين بصعوبة ... لتفوز البرازيل ..
عاالم بطاالـــــــــــــــــــة ...
| |
|
|
|
|
|
|
| |
يحي قباني
محمد على طه الملك
محمد حيدر المشرف
ABUHUSSEIN
بشير حسـن بشـير
جلالدونا
محمد قسم الله محمد
عبداللطيف حسن علي
عمر التاج
محمد أبوالعزائم أبوالريش
عبد المنعم سيد احمد
مجدي عبدالرحيم فضل
محمد مجيدو
د.محمد حسن
معاوية المدير
ياسر منصور عثمان
Munir
ANWAR SAYED IBRAHIM
فيس بوك
تويتر
انستقرام
يوتيوب
بنتيريست