|
Re: اجتهادات لتصحيح عناوين البوستات (إملائيا� (Re: معاوية الزبير)
|
ود الزبير سلام و طال ما الموضوع جادّى هاك دى
شايفك دخلت على الممنوع من الصرف بس المفروض تكون احمرَ الاسم الممنوع من الصرف لا مجال للتسكين و الجر فيه و هذا من بعد التنوين لكن الممنوع من الصرف يجوز جرّه اذا اقترن بألف لام التعريف ك الاحمر و الاخضر و الاصفر كان جات فى محل جر لعب المريخ بالاحمرِ
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: عبدالحفيظ ابوسن)
|
كيفك يا شاب نعم للتجويد اللغوي بس بالعدم مفروض تكون الكتابة سليمة في عضمها غض النظر عن الصحة النحوية ولكن اعتقد الأخطاء قد يكون ليها عدة اساب - في ناس كتيرين درجة تعاملهم مع الكيبورد ضعيفة مثلا لا يعرف وين الهمزة المكسورة أو الياء الممدودة وهكذا - عدم الرغبة أصلا في التجويد (زي ما تجي تجي ودا بسبب السرعة) - الكتابة من الموبايل احيانا معيقة ومرهقة - في ناس قد يكونوا ضعيفين في النحو وتراكيب اللغة
الخ من المعوقات جمعة سعيدة
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: اخلاص عبدالرحمن المشرف)
|
حسب نسخة الكي بورد يا اخلاص او ممكن تنزلي كي بورد بعض الكي بوردات لو ضغطتي مطولا علي الواو بتديك الهمزة علي الواو ؤ وبرضو الهمزة علي نبرة لو ضغطتي علي الياء اللينة ي ئ كل الحروف موجودة انا قاعدة افتح الرسايل وبضغط الحروف واحد واحد واكتشف امكانيات الحرف أءآإٱ مثلا ديل كلهم في حرف واحد
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
Quote: السبب الأساسي يا معاويه هو الايفون ومرات هو يصحح. علي كيفو ف شنو ما تدقق |
تعرفي يا إخلاص المصحح التلقائي في الأجهزة الإلكترونية لا يعتمد عليه دائما، فضلا عن أنه مضلل. ما عايز أدقق كتير في هذا البوست، لكن هناك أخطاء تغيّر المعنى أو تجعل العنوان ملتبسا أو غير مفهوم، هذا هو الغرض.
ثم ياخ اغلطي زي ما عايزه ونجيك نحن بالأعذار
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
تحياتي الحبيب معاوية
معذرة على المداخلة الفوق صراحة خاتي في بالي وجود همزة في اجتهادات وبعد مراجعة مداخلتك مشيت الحفر بتاعت اللغة ولقيت الشغلة همزة وصل .
وعليه بعتذر عن التشولق بتاعي الفوق ده والمداخلة بخليها عشان تاني ما اتشوبر ساي
اكرر اعتذاري
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
Quote: ومن الأهداف التأني والمراجعة للعنوان والمتن قبل الإرسال وقد يكون في التأني والتمهل فرصة لمراجعة النفس |
يخيل لي علامات الترقيم أهمّ من الأخطاء الأملائية. مثلاً: الشولة والشولة المنقوطة ممكن يخلنّك تشيل ليك نفس شويّة في مداخلات منتصر! مرات شدّة جملتو ما بتكون طويلة؛ بخت أصبعي محل واقف وأشرب لي شويّة مويه! ـــــــــــــــــــ
الفاصلة المنقوطة العربية موجودة في حرف الحاء (P) مع شفت.
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
Quote: صراحة خاتي في بالي وجود همزة في اجتهادات وبعد مراجعة مداخلتك مشيت الحفر بتاعت اللغة ولقيت الشغلة همزة وصل |
هلا بالجنيد ود حمد تعرف همزات القطع والوصل ديل اصلو ما ركبن راسي،خاصة بتاعت مصدر الفعل رباعي وثلاثي وخماسي وبتاع كمان قالوا عشان يسهلوهن تقوم تضيف حرف ( واو) أو ( فاء) في بداية الكلمة، كان الهمزة اتنطقت معاك تكون قطع وإلا فوصل أها: وجتهد فجتهد، وختلف فختلف (وصل)
فـ أساء وأساء ، و أراد فـ أراد (قطع ناشف)
والله أعلم، واصِل يا شيخ صديق (هكذا كان يقول عبد الله الطيب حاثاً صديق أحمد حمدون لمواصلة القراءة..) زمن ياخ، الدين كان بسيط خلاص، زي المافي حاجة
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
ناس الفيس
Quote: Taj M Ibrahim · الاهلية الخيرية
ويناءا عليه أرشح الاستاذ معاوية المدير مصححا ومدققا لغويا للمنبر----------------- وهذه على وزن الاحمر القاني والاصفر الفاقع--------- البوست نفسه اصفر قاقع يسر المطالعين والمستنيرين وبقية الوان الطيف -- شوف لينا بالله كم خطا لغوي ونحوي لنستفيد منكم ومن السادة فطاحلة اللغة العربية
أعجبني · رد · 15 ساعة ..
Taj M Ibrahim · الاهلية الخيرية
خطأي الاول هو اسم صاحب البوست معاوية الزبير وليس معاوية المدير------------ تحياتي وبالتوفيق--- بوست ممتاز وطرح جيد ارحب به بصفتي عضو من المساطب الشعبية( ملاعب كرة القدم) |
والله يا تاج معرفتي بالقواعد والنحو لا تتجاوز 10% لكن طبيعة العمل + عادة المداومة على القراية بتخليك حافظ شكل الكلمات (لا أكثر ولا أقل) أما حكاية معاوية المدير دي فهي من الأخطاء الجميلة المحببة عندي ما تتخيل بكون مبسوط كيف لمّا زول يفتكرني معاوية المدير كيف ياخ.. حَدّي لاقي يشبهوهو بالزول الفقري دا ويقوم يصحح كمان
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
Quote: حزنك ياوطنى احزنى
عندك واحد اسمو ودالقاضى بتاع مصر داك لو باريتو تصحح ليهو وحات شيخى الاحمر نلقاك كاتب اخويكم موعاويا الذوبير فدحين فلتر الناس البستحقو التصحيح اما ناس قريعتى راحت خلهم يبرطعو وبرضو ناس (لكين ) ديلك كمان انسى . أعجبني · رد · 9 ساعة |
تصدق يا حزين أنا أشعر بتعاطف شديد مع أخونا محمد أحمد القاضي ما بتعرف ياخ سودانيز دا فيهو ناس كتيرة عندها ظروف خاصة والمنبر مساحة لكل الناس ليكتبوا أنفسهم
أدعو الله أن ييسر أموره ويفرّج كربه
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: ABUHUSSEIN)
|
Quote: انا غايتو اكتشفت مؤخراً انه على الأقل 50% من الشعب السوداني الفاكي الخط وللأسف فيهم كُتَّاب كبار بكتبوا "إن شاء الله" هكذا "إنشاء الله"، |
زمان يا الصاوي جريدة ألوان الصفراء كانت تطلق على رأس الدولة السيد أحمد الميرغني: أحمد مَنتَشَه مدعية إنو في خطاباتو بيقرا "تعز من تشاء.." هكذا "تعز مَنتَشَه وتذل مَنتَشَه" أقصد إنو أوافقك على ملاحظتك، هذا أولاً
وثانيا عايز أقول إنو الحط من قيمة الرموز (رأس الدولة مثالا) بدأته صحيفة جماعة الإنقاذ فلا عجب أن نرى الآن (في عهدهم المنحط) المحامي يُشتم والصحفي يُضرب والطبيب يُقتل والمدرس يُذل ويُهان والقاضي يُشترى ويُباع هذه المهن والوظائف وغيرها كانت محل تقدير واحترام في الثقافة السودانية والأصل في ذلك الاحترام كان هو تقدير قيمة العلم والتعليم
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: معاوية الزبير)
|
Quote: "إن شاء الله" هكذا "إنشاء الله" |
ود الزبير سلامات،، صحي معظم الناس بتكتبها إنشاء الله زي ما بكتبوها المصريين! وأظن منهج اللغة العربية حقنا زمان كلوا كان جايي من مصر!
غايتوا انا ولدواعي العجمة معذور :) تصدق أول مرة أعرف أفرق بين الزاي والذال والسين والثاء، وكيف اكتب - إن شاء الله - كان برضوا جبر عشان خاطر أول مهنة اشتغل فيها وكانت الترجمة.. وكان عندي زميل إيراني بصلحني هههههههههههه
احسن ناس بعرفوا عربي مرتب الناس المشو الخلوة :)
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: Ahmed Alim)
|
شكراً أستاذ معاوية الزبير .. متابعة عسى ولعل نطلع من البوست ده بي كم معلومة نستفيد منها .. نحنا أعاجم واللغة العربية دي صعبة على أهلها العرب خليك مننا نحنا :) ولو اتبحرت لينا شوية في الأخطاء بتاعة همزة الوصل وهمزة القطع تكون ما قصرت لأني شخصياً بعاني من القصة دي
كتبت مداخلتي دي بالدارجة البسيطة بتاعتنا لأنو ده بوست (تخصصي) وحا أطلع بي (أعد) لو كتبت عربي فصيح فاشنو قلت احترم نفسي
| |
|
|
|
|
|
|
Re: اجتهادات لتصحيح عناوين البوستات (إملائيا� (Re: الطيب عباس)
|
Quote: أما حكاية معاوية المدير دي فهي من الأخطاء الجميلة المحببة عندي ما تتخيل بكون مبسوط كيف لمّا زول يفتكرني معاوية المدير كيف ياخ.. حَدّي لاقي يشبهوهو بالزول الفقري دا ويقوم يصحح كمان |
بالغت يا ود الزبير .... محببة ليك خلطك بي ود المدير العواليق دا ...؟؟؟؟؟ زعلتني منك ياخ .....
| |
|
|
|
|
|
|
|