|
|
|
 Re: مقترحات أماكن في السودان للزيارة... (Re: محمد البشرى الخضر)
|
الجبل.. الجبل يا ود البشرى، اعتصم بجبلٍ يأويك من كوارث الأرض
شفت خواجيتي القالت قوود بيبول إن أ باد كانتري
اها الحكاية انعكست
كل الكانتري حلو علا الخدمات البشرية باد
---
بعد أن ينضم ابو حسين لهؤلاء السابقين
ح يجوك الناس الجادين لما يمشوا المكاتب ويؤدوا الواجبات الصباحية
| |
 
|
|
|
|
|
|
|
|
Re: مقترحات أماكن في السودان للزيارة... (Re: جلالدونا)
|
سلام عليكم يا ود البشري
اتمني ليك أجازة سعيدة مع التحيات الخاصة للوالد
جبل اولي الحبيبي غشا ماعارف هي القاصدها معاوية ولا لا ..... لو أديتني تليفون قبلها ممكن اساعد
تسأل من محل هدي عبد الحميد جنب بوابة الخزان من الناحية الجنوبية ....يوجد سمك طازج ومحترم .
تيسر لي في فبراير الماضي في طريق العودة من رحلة عمل للدامر - تيسر لي زيارة موقع البجراوية - يستحق الزيارة
وأن كان ناس حتوت بيحتاجو لي شرح للقيمة التاريخية للموقع ولتاريخ حبوباتم الكنداكات .
ماتنسي متحف القصر برضه لا بأس به ومتحف التاريخ الطبيعي وأن كان مستواه ما زي أول
أجمل الأمنيات.
| |
|
|
|
|
|
|
|
|
|
Re: مقترحات أماكن في السودان للزيارة... (Re: عباس محمود)
|
جنينة الحيوانات !! ههه خليك يا جادي يا زول
وعليكم السلام عبس
سمك دا ما اظنه برنامج ينفع معاهم, متحف القصر دا تصدّق اول مرة اسمع بيه, لكن اكيد ح يكون واحد من اهم البرامج لأنه اتوقع يكون المعروضات فيه كثيرة و تاريخية
اها و الدخول عايز تصاريح وواسطات وبتاع ولا مفتوح للعامة؟
البجرواية دي زي اركويت عايزه ليها تفاصيل و ترتيب وكدا, لو واحد من الشباب دلاّنا على شركة سياحة ممكن تسهّل كثير من الأمور
ولاّ أقول لك, أخير أقع قوقل
| |
|
|
|
|
|
|
|
|
Re: مقترحات أماكن في السودان للزيارة... (Re: عباس محمود)
|
اجازة ممتعة بين الاهل مع اجواء الخريف
اركويت لا اعتقد هناك اساساً شغل منظم بوجود مكاتب وترتيب رحلات اليها، لكن
ممكن ان تجعل مع اركويت زيارة لسواكن ( الجزيرة ) فقط للوقوف على الاطلال
وذلك لتقارب سواكن مع اركويت اذا المسافة بينهم في حدود الساعة الى ساعة ونصف
عليه تتجه الى بورتسودان حيث ستكون نقطة انطلاقك و بالمرة تزور جزيرة سنقنيب وفي نفس اليوم تتجه الى سواكن
تزور الجزيرة عصراً ثم تبيت في احد فنادق سواكن المتواضعة وفجراً تتجه الى اركويت واعتقد الاجواء
فيها خريفية في هذه الفترة وسترى الضباب يعانق روؤس الجبال وتقضي فيها يوم او يومان او مابدا لك من الوقت
لاني لا اعتقد ستجد الخدمات التي ستشجعك على المكوث فيها فترة طويلة ولكن المنطقة غالباً تعج بالناس هذه الايام
لانها مصيف لاهل سواكن وبورتسودان نسبة لارتفاع درجة الحرارة في المدينتين.
وطبعاً سيكون كل هذا التحرك اما بمواصلات عادية او عن طريق استئجار سيارة مع سائق
موفق و رحلة ممتعة انت و العائلة
تحياتي
| |
|
|
|
|
|
|
|
|
|
Re: مقترحات أماكن في السودان للزيارة... (Re: احمد عمر محمد)
|
تمام مشكور يا عبس, ممكن اذن نبرمجه مع يوم الجامعة و التاريخ الطبيعي
انا عايزهم يشوفوا معالم مرتبطة بالبلد و تاريخها تقول لي حمير ياخ :)
شكرا يا احمد على الكلام المفيد, يعني القصة عايزة اجتهاد و تفتيش وسائل مواصلات واقامة ما عارف مع الاولاد الواحد يقدر يدبرها كيف كيف دي, طيب واركويت هل فيها مكان للإقامة أذكر زمان مشيناها رحلة ايام الجامعة ما بتنا قضينا يوم واخد استضافونا في استراحة نميري أو كما قالوا
| |
|
|
|
|
|
|
|
|
|
Re: مقترحات أماكن في السودان للزيارة... (Re: محمد البشرى الخضر)
|
اجازة سعيدة ياود البشرى ليك وللعيال
كان تلحق مؤتمر الشيوعي عشان يكون زارو محفل مهم ممكن نطلق عليه الاماني العذبة والاحلام الاونطة
مافي سياحة بالمعنى القاصدو انت في السودان فكهم في السهلة زيارة الاهل والتجول في بالمواصلات هي المتعة الحقيقية
كمان كان مصّر على تاريخ السودان
اجمع بشة والميرغني والمهدي وخليهم يشوفوهم
| |
|
|
|
|
|
|
|
|
|
Re: مقترحات أماكن في السودان للزيارة... (Re: محمد البشرى الخضر)
|
معقول يا ابو حتحوت متحف القصر
ما. سمعت. بيهو؟
ياخي دا علی راس عبقریة الكيزان
في اللف والزوغان
طبعاً المبنی کان. جوة حوش القصر
والصليب. يتلتل. في عنان السما
والدولة. دولة توجه حضاري وكدا
وزيد عليها شوية تسامح. ديني
الحل. شنو؟
بسيطة
نقلع. الصليب نسويهو وتد لي حمار
الوالي ونسويهو متحف
زول يحتج. ولا. يفتح خشمو مافي
ملوهو. صور الرؤساء السابقين و
اللاحقين
وبس خلاس😂
| |
|
|
|
|
|
|
|
|
|
Re: مقترحات أماكن في السودان للزيارة... (Re: عزالدين عباس الفحل)
|
يازد البشري ماداير احبطك لكن متحف الخليفة والمتحف القومي والطبيعي ديل كلهم مواسير ساكت ..لانظام لانضافة لا زول قاعد يشرح بشكل كويس ...والحاجات المعروضة كلها مختوتة بشكل عشوائي ومليانة غبار ..بالاضافة للمعاناة في الزمن
والمتحف القومي دا عشان نزورهو الا تسكن في فندق جنبو ..بقلو في اوكات غريبة وبدري شديد ...وفي يوم الاتنين مابقتحو كلو كلو ... المهم اولادي طلعو بانطباع سئ عن الموضوع ومتحف القصر دا ذاتو ماسورة وماقدرنا ندخل لحد ما سافرنا
...احسن حاجة تعملها ركز علي الفسحة في الاماكن الطبيعية وعلي ضفاف النيل واطلع من العاصمة بقدر الامكان اخيرا اعمل حساب المطاعم كلها مواسير برضو ...............
| |
|
|
|
|
|
|
|
|
|
Re: مقترحات أماكن في السودان للزيارة... (Re: Mohd Ibrahim)
|
شكرا شباب
القصة ما سياحة يا ناصر, انا عايز اوريهم حاجة عن تاريخ بلدهم
زيارات الأهل بالطبع ليها نصيب كبير من الإجازة و الحمد لله الفترة السافروا فيها قدامي لفوا على و جوهم عدد كبير من الأهل
صدّق يا عووضة يا عمّك ما سمعت بيه قبل كدا! طوّلنا خلّي بالك
الغريبة أيّامنا الهناك الحاجات دي ما بنشتغل بيها نهائي ناس متاحف و سياحة وتاريخ وبتاع ياهو كور الهلال و البحر و الحدائق كان برنامجنا
يا فحل يا عمّك
طيّب من كبوشية للبجراوية كيف الحركة, وهل ح نلقى من يساعد في الشرح وكدا ولاّ نتوكّل و ننقر بس؟ و القصّة دي ذهاب و عودة في نفس اليوم ولاّ تحتاج مبيت قبل ما نرجع الـ KHARTOUM
يا ود ابراهيم لا مافي احباط, أنا ما رافع سقف التوقّعات كتير وما تنسى أنا ما زاير كسائح يقارن بما رآه في بلده أو بلدان أخرى من تنظيم وعرض وخدمات, أنا عايزهم يشوفوا بعض الحاجات البتمت بصلة لتاريخهم و مسالة النظافة و العرض ما ح نقيف فيها كتير المهم المحتوى
لو في احباط في صعوبة زيارة متحف القصر, لأنه أتوقّع أنه تكون محتوياته الأقرب و الأحدث للتاريخ القريب من صور و سيارات و مكاتب و هدايا رئاسية أو المفروض كدا
الأماكن الطبيعية برة العاصمة زي وين؟ جبل أولياء الخزان قول واحد و يمكن بركات في الجزيرة لو مشينا مدني لكن مع الخريف دا الله أعلم نقدر نمشي حتات تانية اللهم إلاَ لو اتوفّقنا في قصة اركويت و سواكن
معقول يا خوانا البلد فيها خرتمية وكالة سفر وسياحة ما بنظّموا رحلات داخلية زي دي؟ اكيد بكون في بس عايزة تفتيش
| |
|
|
|
|
|
|
|
|
 Re: مقترحات أماكن في السودان للزيارة... (Re: Hani Arabi Mohamed)
|
محمد البشرى الخضر
سلام أخوي ود البشري ،
يستحسن تكون سايق سيارتك ،
البجراوية منطقة أثرية جميلة ،
أكيد ح تلقي الخُبراء في الشرح التاريخي ،
عراقة التاريخ ،
و يا ريت تبرمج تمشي في عيد الأضحي ،
صدقني زيارة لن تنساها ،
إنت و الأُسرة الكريمة ،
أي ممكن المبيت لو حبيت ،
إحترامي ،
،،،،،،،
Quote:
يا فحل يا عمّك
طيّب من كبوشية للبجراوية كيف الحركة, وهل ح نلقى من يساعد في الشرح وكدا ولاّ نتوكّل و ننقر بس؟ و القصّة دي ذهاب و عودة في نفس اليوم ولاّ تحتاج مبيت قبل ما نرجع الـ KHARTOUM
محمد البشرى الخضر
،،،،،،،
|
عزالدين عباس الفحل
ابوظبي
| |
|
|
|
|
|
|
|
|
 Re: مقترحات أماكن في السودان للزيارة... (Re: عزالدين عباس الفحل)
|
| Quote: فقط للوقوف على الاطلال |
ما دآم الحكاية جابت أطلآل ؤ قفا نبكي،
بالله ما تنسي الوِليدات ديل توديهم مضارب بني عبس، المخازن والمهمات،
النقل المكنيكي، النقل النهري، سينما كلوزيوم، ؤ بالمرّة كدي اتبرا مضارب
السكة حديد، ثم،
لخولة أطلآل ببرقة ثهمد تلوُّح كباقي الوشم في ظاهر اليدِ
...
| |
|
|
|
|
|
|
|
|
|
Re: مقترحات أماكن في السودان للزيارة... (Re: عبدالعزيز الفاضلابى)
|
ممكن تمشي البجراوية زي ما قال ليك عز الدين وتغشى معاك النقعة والمصورات والأولاد يعرفوا إنه في السودان في اهرامات وملكة شامخة اسمها أماني شخيتو وكدة
لكن أولاد الاسبليت ديل البنزلهم ليك من العربية شنو !  على الحلال سخانة تلحم وغبار ووسخ ومافي أي خدمات ومافي زول بشرح ليك إلا تصادف رحلة تبع طلاب السياحة .. البركة في البعثة الالمانية الصانت لينا الأهيرامات دي .. ما يكونوا بس شافوا اهرامات مصر لأنه حقاتنا أطول من القطاطي بشوية
حيعرفوا التاريخ ويجوا بي نزلة والتهابات
السودان بالكامل ما فيه خدمات كويسة لا لي سياح لا مواطنين .. لو داير نصيحتي فرجهم في الطبيعة
ولو داير الطبيعة الشمال ما فوقه التكتح .. صقيعة سااااااااي .. أقع الجنوب والشرق
رحلة لي كسلا ما محتاجة أي دليل سياحي .. بسهولة جداً بتلقى فندق أو شقة مفروشة وبتعدي ليك كم يوم بين السواقي الشمالية والجنوبية وتوتيل والأولاد يتسلقوا جبال التاكا بكل أمان وطمأنينة ويدخلوا الجناين يضربوا البرتقال من شجرته بالمجان .. في الحقيقة ما عارف لسة ناس كسلا محافظين على تقاليدهم ولا لأ .. لكن لمن مشيت كان الضيف بياكل جوة الجنينة زي ما عاوز بل أصحاب الجناين لو شافوك خجلان بقطعوا ليك الفواكه براهم
أما لو عاوزهم يشوفوا مناظر طبيعية ما حيشوفوها في الخليج تدور بيهم الرصيرص حيث السمك في قنيص والخضرة والروابي والجو الأوربي .. وبرضو ما محتاجة دليل والفنادق في الدمازين على قفا من يشيل والزيارة لخزان الرصيرص سهلة جداً .. ما ببخلوا بالتصريحات والمهندسين هناك لذيذين ومتعاونين شديد
أول مرة مشيت الرصيرص والدمازين كان عمري 19 سنة وكنت زول مولانا وما حصل شفت لي فيلم من الأفلام إياها وفجأة كدة بدون أي سابق إنذار اشوف ليك بنات الأمبررو ماشات topless في نص السوق .. واحنا صغيّرين ما بنعرفش حاجة يا بيه غايتو الخلعة الدخلت فيني اليوم داك لسة ما مرقت 
| |
|
|
|
|
|
|
|
|
|
Re: مقترحات أماكن في السودان للزيارة... (Re: أحمد محمد عمر)
|
ما ح اندم على المتحف القومي يا عمّك كيف؟ أنا قريتها من جهتين
ما ح أندم على عدم زيارته
أو ما ح أندم على زيارته
ياتها المقصودة؟
شكرا يا هاني على الدعوة لكن ما ظنيت الوقت يسمح بسفر للشمالية
تعرف يا الفحل بعد كلامك دخلت قوقل ايرث قلت اشوف البجراوية و اقدّر المسافة و الشارع وضعه كيف, وحاتك لا البجراوية لا كبوشية, شندي زاتها لمّيت فيها يا الله يا الله
حاقرين بينا ناس القوقل, طبعا هو يعتمد على الفيد باك من المستخدمين اضافة صور وأسماء وكدا شكله في السودان ما شغّالين بيه كتير
للأسف المدارس حاكمانا ما في طريقة نحضر العيد هناك, كنّا مأملّين والله
الحاجات دي ود المدير ما أظنها تلفت انتباههم, في النهاية مباني عادية ما عندها طابع اثري ليست كالمتاحف
لكن مالو نديهم لفّة لو لقينا وقت ولقيتهم متحمّسين
لا ما طوّلت كتير كدا يا حمد لكن اتوقّع التغييرات كبيرة برضك, أنا ما ناوي اسوق بعد تجربة آخر إجازة
عشان كدا ح اسعى للبحث عن جهة تنظم رحلات و توفر على الأقل وسيلة التنقل مع سائق
اقول ليك معالم اثرية وتاريخية يا فاضلابي, سواقي شنو ياخ الله يهدينا و يهديك :)
الجو شايف اتصلّح مع المطرة يا أحمد, عموما كان اتيسّرت مشية البجراوية دي بنزلوا انا عارفهم ان شا الله ياخدوا السلفي ههه
الطبيعة دي يمكن تنفع معاي انا و الولية, لكن ديل ما اظنهم, هنا محل ما نمشي حديقة لو ما فيها العاب او مراجيح بمدّوا بوزهم طوالي
دخّلت لي كسلا و الرصيرص في مزاجي خاصة مع توفر مسالة السكن زي ما تفضّلت, شكلها حتكون خيار اساسي إن شاء الله و غالبا الرصيرص تكسب
مشكور ابو حميد
يا نزار البلد عايمة ما قلنا شي, لكن البودينا لأهلنا بودينا المتاحف و الجامعة و ستاد الهلال
المولات دي هنا ما عندهم بيها شغلة عدا أماكن الالعاب ما أظن عفراء و الواحة ح يعجبوهم خاصة اذا قارنوا
جبل اولياء و الخزان تحديدا (اذا مسموح بزيارته) حنختها في الخطة ان شاء الله
شاكر يا شباب
| |
|
|
|
|
|
|
|
|
|
Re: مقترحات أماكن في السودان للزيارة... (Re: أحمد محمد عمر)
|
كل الكلام الإتقال فوق هنا كوم ومشكلة الحمامات في السودان كوم تاني ,,,,,
دحين يا خوي لو عايز تسافر أي سفرية طويلة لازم تخت في بالك خارطة
طريق لي أولادنا المغتربين وما تفضحنا معاهم وتشرح ليهم يصّرفو كيف ,,,
يعني الحكاية ممكن تتم في الصقيعة ساكت أو ورا شدرة والنضافة ممكن
تكون بي تراب الله ولا حجر وإن بقيت مفتح بتكون شايل صندوق الكلنكس.
دي برضو حا تكون من التجارب الما بتتنسي.
وترجع بالسلامة إنشاءالله.
| |
|
|
|
|
|
|
|
|
|
Re: مقترحات أماكن في السودان للزيارة... (Re: Salah Zubeir)
|
ههههه حلوة يا منص, بالمرة اوديهم كوبر الثانوية محل الله ابتلانا جد جد :)
يا ود الزبير يا هندسة هههه, ما غايبة عني و الله
عشان كدا ح نبدأ بالبرامج القريبة زي المتاحف و الجامعة وكدا, موضوع كسلا أو الرصيرص اذا تأكدت تماما من الفنادق او الشقق بتشجع, البجراوية دي عاد ما عارف كيف :)
| |
|
|
|
|
|
|
|
|
|
Re: مقترحات أماكن في السودان للزيارة... (Re: MOHAMMED ELSHEIKH)
|
وديهم بيوت الاشباح في العمارات والرياض عشان يسمعوا اصوات المعذبين من داخل البيوت
ويعرفوا بلدهم صحيح ويعرفوا الفساد الانساني
وديهم جنينة الحيوانات القديمة وكيف بقت الان وكيف اتباعت وبقت عمارات وابراج عشان يعرفوا الفساد الاقتصادي
وديهم الخيران والسدود الاتكسرت في ثواني رغم المليارات الاندفعت فيها عشان يعرفوا الفساد المالي
وديهم القصر الجمهوري الجديد عشان يعرفوا الفساد السياسي
وديهم اي مصلحة حكومية من طرف عشان يعرفوا الفساد الإداري
ياهو دا السودان يا هو دا السودان
وريهم الحقيقة وما تدس عليهم عشان يطلعوا مناضلين حقيقة وما يطلعوا رماديين
| |
|
|
|
|
|
|
|
|
|
Re: مقترحات أماكن في السودان للزيارة... (Re: ياسر منصور عثمان)
|
السلام عليكم محمد
تجربة رحلة استمتعت بها غاية المتعة الى جزء عزيز من الوطن اجهل عنة كل شئ وانا ابن الجزيرة الذى لم تتعدى رحلاتة شمالا مدينة شندى الرحلة بعد 25 سنة غربة وبعد عن الوطن واتحيت لى هذة الرحلات على مراحل وبى فترات مختلفة ومفكر جادى بزيارة هذة المواقع مع اسرتى التى استقر بها المقام فى السودان بعد فترة اغتراب امتدت قرابة العشرين عام . بداية الرحلة محطة سكة حديد بحرى بقطار النيل الجميل جدا والنظيف تمر الرحلة عبر قرى وارياف ولاية نهر النيل وممكن العيال استمتعوا برحلة بالقطار من الخرطوم حتى عطبرة وتمر خلالها بكل قرى شرق النيل وبهذة القرى مساحات زراعية ونشاط يعكس النشاط الزراعى لهذة المناطق ونشاط زراعى ورعوى يعكس سبل كسب العيش فى هذة المناطق ممكن تنزل من القطر فى شندى وتاخذ سيارة للبجراوية وهناك منتجع بجوار الاهرامات لكن بينهما مسافة تحتاج لوسيلة نقل وكذلك يمكن مواصلة الرحلة بالقطار حتى مدينة عطبرة وبها كمية من الفنادق التى تقضى بها ليلتك ومن ثم يتم التحرك من الميناء البرى عبر مواصلات مكيفة ومريحة حتى مدينة مروى . مدينة مروى بها منتج يضاهى افخم فنادق الخرطوم ومتوفر بة كل شئ وممكن ان ارسل لك عدة صور للموقع عبر الواتس وكذلك لقطار النيل . من موقعك بمنتجع مروى يمكنك زيارة عدة مواقع أثرية على سبيل المثال وليس الحصر اهرامات مروى تقريبا او نورى وتزور المواقع الاثرية بالبركل وهنالك مدينة او منتجع شمال مدينة كريمة اقامة القطريين على درجة عالية من الجمال وممكن كذلك زيارة بعض المواقع الاثرية بالكرو وجبل البركل وكل ما يجاورة من اثار ياخذ منك عصرية ويفضل يوم الجمعة علاوة على زيارة سد مروى والمنشاءات المصاحبة لة . وتختم بانك تاخذ الطيارة من مروى للخرطوم ولو عندك زمن ممكن تاخد رحلة بالبصات المكيفة المريحة من مروى حتى امدرمان والطريق صحراوى فى اولة ولك ان ترى مزارع غرب امدرمان فى اخر 140 كيلو فى الرحلة وعموما دى رحلات قمت بها لشمالنا الحبيب فى عدة رحلات واعجبت بة تماما وخصوصا مزارع النخيل والمنقة فى نورى ومنشات سد مروى والرحلة من مروى الى السد مرورا باهرمات مروى وعودة بغرب النيل الى كريمة وزيارة اثار البركل ومدينة كريمة وشواءات مدينة كريمة وسمك مروى ومنتجع مروى الذى لم ارى اى مثيل لة بالسودان والمظلوم جدا من اجهزة اعلامنا وهو انسب مكان للاستجمام بالسودان , واجازة سعيدة
| |
|
|
|
|
|
|
|
|
|
Re: مقترحات أماكن في السودان للزيارة... (Re: Mohammed Ahmed Saeed)
|
| Quote: اقول ليك معالم اثرية وتاريخية يا فاضلابي, سواقي شنو ياخ الله يهدينا و يهديك :) |
انت قلت فى العنوان اماكن فى السودان للزيارة
مافرزت ياديجانقو وحتى لو ذكرتها جوه البوست انا البودينى
اقلِّب فى الطوب شنو عشان اعتر لى فوق قوم لِف او ماشابه؟
طيب ماشى ,, زور ضريح الشيخ عبدالماجد ودحمد جبل الحديد
سمَّاع طَهْمَة بعيد ,, على وزن ياسارية الجبل.
ماتنسى تسوق صاحبك معاك ياخد لفة فى ضرايح الغُبُش.
| |
|
|
|
|
|
|
|
|
|
Re: مقترحات أماكن في السودان للزيارة... (Re: عبدالعزيز الفاضلابى)
|
يا مازن اعفي لي ابوي, قريتها مداخلتك في المكتب و شكرتك عليها جدا انّك نبهتني لتوتي ودار في ذهني تساؤل هل لازال البنطون شغّال, والوضع كيف مع الفيضان
وكنت ناوي اعلّق بالمعنى دا, ما عارف الحصل شنو لمّا رجعت البيت ليه ما شفتها, خلّي بالك الواحد ليه اسبوع عزّابي أكل التونة و الجبنة هراني هري :)
تديني خاترك يابا
| |
|
|
|
|
|
|
|
|
|
Re: مقترحات أماكن في السودان للزيارة... (Re: محمد البشرى الخضر)
|
يا شباب و الله شاكر جدا ةمقدّر مساهماتكم الغالية دي, فتحت لي ابواب و افكار جديدة, غايتو الموضوع بعد كدا ومع الخيارات العديدة المثالية دي عايز ليه قعدة وشورة اشوف فيها راي الأولاد وأمّهم و خياراتهم شنو
يا ود الشيخ الواجبات ما ح تاخد الإجازة كلّها أنا ما طوّلت شديد, تلاتة اربعة أيّام إن شاء الله نقضيها كلّها خاصة أن أغلبها في الخرطوم عدا واجب عزاء واحد في مدني, يعني لو خيار الرصيرص زبط ممكن ناخده في سكّتنا
انت بس باركها :)
احمد الشيخ يا خوي إن بقى رايحلك نضال عندك بوستات التوقيع على خارطة الطريق ما تدّيك الدرب, باري صوت النواح و الحي ووب وبتصل تلقى الفراش, ولول وبي راحتك وناضل نضالك هناك أبرك لك
طبعا يا محمد حسن عبد الله أوّل مرة أسمع بمتحف الدفوفة كرمة, قوقلته لقيت معلومات و صور مغرية خاصة انو يعرض آثار اقدم حضارة في العالم - العهدة على الويكيبيديا :)
لكن لاوزت بي قصة المسافة, لابد من مبيت صعب السفر و الرجوع في نفس اليوم إلاّ ندخّلها مع برنامج مروي الاقترحو الخ محمد احمد سعيد
مشكور ابو حميد
سيد أحمد شامي يديك العافية و يملاك بركة, ياخي ريّحتني راحة شديدة, دخلت موقع المنتجع لقيته جديد افتتح شهر 1ديسمبر الفات يعني لسة ما كمّل سنة
لو بقينا عليه دا برنامج زابط, المسافة من بورتسودان بتتدّبر بسهولة و اعتقد هم نفسهم عندهم الخدمة, بتواصل معاهم ان شاء الله أوّل ما أصل
مشكور ابو الشام
أحمد محمد صالح اقول ليك شنو بس, ياخي الله يخليك و يكرمك و يزيدك
تعرف المسار الإقترحته دا تقريبا سلكناه انا وزميل في التسعينات, مدني و سنار ثم الخزان ثم الفكي هاشم بس جلّينا من مارنو و متحف الكاغو الأول مرة اسمع بيه كعادتي مع متاحف البلد دي :) لكن الغريبة قوقل زاته ما سمع بيه كاغو دا
جزء من مقترحك يزبط مع مقترح أحمد عمر بتاع الرصيرص, نشوف راي الشباب بعد دا, لكن مالن القشيوخ و الأضرحة ماين البرنامج, بتقوّم علينا السلفية ساي هههه
تشكر يا قريبك
يا ياسر كيف دا كلامك الجوهرة أول برنامج, أنا ما متكيّف إلاّ أن توقيت الإجازة صادف اربعة مباريات كلها في استاد الهلال ربّنا يكرمنا بدخولها إن شاء الله
السبلوقة و البجراوية إلاّ ندخّلهن في نص برنامج كرمة ومروي
تشكر يا حبيب
محمد أحمد سعيد ياخي برنامجك المقترح دا زابط وممتاز أنا شخصيا عجبني جدا, خاصة لو دخلنا فيه زيارة متحف كرمة
المنتجع القت عليه هل هو النوبيان رست هاوس ؟ غايتو دا لقيته في النت وشكله ممتاز أمّا أهم ما يميّز المقترح هو رحلة القطار دي تجربة جديدة علي أنا نفسي ناهيك عن الشباب
مشكور يا عمّك و ان شاء الله اتواصل معك لمزيد من التفاصيل
فاضلابي يا حبيب
يعني غلطان أنا !! ههههه خلاص ولا يهّمك أعتبر العنوان أماكن أثرية وتاريخية للزيارة عشان الأولاد يعرفوا حاجة عن بلدهن
الأضرحة ديل ابعدنا منّهن بدخّلونا في حاو وتر في موضوع الشرك الأصغر و الأكبر و بتاع هههه
شاكر يا شباب على المعلومات و الإقتراحات المفيدة
| |
|
|
|
|
|
|
|
|
|
Re: مقترحات أماكن في السودان للزيارة... (Re: Hafiz Bashir)
|
سلام تاني
ومعليش ما بعرف اقتبس عشان اجيب جزئية
بعد المسافة و حكاية الرجعة ف نفس اليوم
يلا الما حبيت اقولو ف العام انو المشكلة دي
محلولة واصلا لمن تصلو كرمة حيستقبلوكم
وتبيتو وتمشو ب راحتكم وما تخاف ما عندنا بعوض
وبيوتنا مكيفة يعني ما عندك ايتها حجة
وشكرا لو اكرمتنا بزيارتك
| |
|
|
|
|
|
|
|
|
|
Re: مقترحات أماكن في السودان للزيارة... (Re: أنور عبد الرحمن الشيخ)
|
يا عمر لاخوف على المقارنة, انت من زمن القلعة الحمراء! مع الفلسكاب الحاصل دا النجيلة اشبه بالقوبة الحمراء!
ثم استاد الهلال رمز وطني و تاريخي وكدا, بالنسبة للرموز الحكومية قلنا متحف القصر يكفي :)
يا حافظنا يا عكليت
زيارة الهرم للهرم في رقبته و البناء و القيمة التاريخية ما لزيارة المنو ما معروف المدفون تحته, أمّا زيارة ضريح شيخ فلان فهي بالإسم عديل كدا زيارة لقبر الشيخ الفلاني, ما في زول بزور الضريح أو القبّة للتمتع ببنائها و التاّمل في تاريخها كما الحال مع الأهرامات
وعليكم السلام يا محمد الحسن
كفو والله وأهل كرمة كرام و حاقّين إسم بلدهم تمام
بالتأكيد إن ربّنا يسّر لنا خيار زيارة كرمة ح اتواصل معك و نزور الأهل
مشكور كتير يا قريبك
هههه سلامتك من النحس يا عووضة يا عمّك
انت بس بيع التانكر وما عليك تاني, بصلك اتحمد لك السلامة إن شاء الله
و ح اصوّر الشاي المرّة دي عشان الغلاط :)
مشكور يا أنور يا حبيب
كيفك و الأسرة إن شا الله بخير وعافية
أوّل ما أتوفر على وسيلة اتصّال بضرب ليك إن شاء الله
| |
|
|
|
|
|
|
|
|
|
Re: مقترحات أماكن في السودان للزيارة... (Re: ياسر منصور عثمان)
|
أخي الفاضل ياسر منصور عثمان
مشكور .... جبل الأولياء بقليل من الأهتمام والتنظيم ممكن تكون مزار سياحي معتبر
بعدين ناس جبل أولياء - وانا من أهلها - هم فعلا معلمين في كل انواع سمك بحر أبيض أبتداءا بالسمك الفيليه من العجل وأنتهاءا بشوربة القراقير وما بينهما
لك التحية والتقدير
| |
|
|
|
|
|
|
| |
محمد البشرى الخضر
عثمان عووضة
عزالدين عباس الفحل
معاوية الزبير
محمد أبوالعزائم أبوالريش
جلالدونا
عباس محمود
أيمن محمود
احمد عمر محمد
ناصر حسين محمد
Mohd Ibrahim
ياسر منصور عثمان
Hani Arabi Mohamed
معاوية المدير
حمد عبد الغفار عمر
عبدالعزيز الفاضلابى
Salah Zubeir
Hafiz Bashir
MOHAMMED ELSHEIKH
احمد الشيخ
Muhamed Hassan Abdalla
saidahmed shami
Mohammed Ahmed Saeed
عمر سعيد علي
أنور عبد الرحمن الشيخ
ذواليد سليمان مصطفى
فيس بوك
تويتر
انستقرام
يوتيوب
بنتيريست