إمتداد بوست الموسيقى

Quote: هذا كلام عام وفضفاض. يجب أن يدعم الباحث معلومات كهذه بأمثلة. ... هل يعني الباحث أن كل دول العالم اجتمعت وأقرَّت مؤسسات بعينها لوضع هذه المعايير؟ وأين كان هذا الاتفاق؟ وما هو معيار عالمية هذه المؤسسات؟ +++ أول مرة أرى "منشورًا" فيه مصادر وتعريفات وكلمات مفتاحية. +++ ها أنت تعترف بأنك مجرد ناقل لهذه المعلومات. أما كان الأجدى أن تنشر الروابط فتوفرعلى نفسك عناء الترجمة وتنأى بها عن ادعاء الأكاديمية؟ اللهم إلا إذا كنت تفترض أن القراء لا يعرفون الإنجليزية. +++ هذا تبرير واهٍ، ولا سبيل للتنصل من جملتك؛ فالواضح أنك قصدت كل العلوم الأخرى. وإذا سلَّمنا بأن المعنى المراد ما أشرتَ إليه، فالصواب أن تقول "الفنية" بدلاً من "فنيًا" لكيلا يلتبس المعنى. وإذا سلَّمنا بإنك تقصد العلوم "الفنية" كما فهمت من توضيحك، فمن أين لك أن الموسيقى أمتع وأشمل أكاديميًا من العلوم "الفنية" الأخرى؟

غايتو الله يصبرنا على الدكاتير ديل

أظن في آخر مداخلة في بوست الموسيقى ورد ذكر الجمعية الأمريكية للمعايير وكمان منظمة الآيزو، أها ديل بيجتمعوا بالحد الكافي للتمثيل يعني دول زي توباغو وأنخيلا وبرنسيب وبنين وكل الدول العربية ما بتلقاهم هناك في الأمور المهمة الزي دي، ذكرتني، كل دول العالم الثالث أساساً ما متابعة ولا دايرة تتابع، يا أبوي ديل قالوا ليهم تعالوا احجزوا مواقعكم فوق خط الاستواء عشان لما تتطوروا وتعملوا أقمار صناعية تلقوا ليكم حتة تختوها فيها، ولا واحد مشى يشوف الحاصل شنو، أقصى سعة (180 قمر) في خط الاستواء، جاي تسألني كل دول العالم اجتمعت؟ لا ما اجتمعت كلها أها؟ كدي اجتمع انت أول ووحد معايير آلة العود وتسميات الموسيقى العربية، إنا للاهي. +++ بالنسبة ليك طبيعي تكون أول مرة! يابني يا دكتور الكلمات المفتاحية ما عادت تخص البحوث العلمية فقط، دلوقتي أي موضوع صحفي وأي مقال وأي مشاركة في بوست بل أي أغنية وأي حديث ديني بيتم إخراج الكلمات المفتاحية ليهو، دا لأنو يا الكيك في اختراع جديد اسمو الانترنت ظهر سنة تزعين يا سيبويه، أها، يلا عشان تصل لمعلومة وتعمل في الانترنت في مفاهيم زي الارتباط (relatedness) وزي تصنيف الوثائق (document clustering) وزي فهرسة المحتوى (content indexation) دي كلها وسائل معينة عشان تحصل النقلة العلمية للانترنت من مجرد وسيلة حفظ للنصوص إلى أداة ضخمة لمعالجتها عشان الزيك ديل يستمتعوا بخدمات زي (question answering) والربط الدلالي للويب (semantic web) وأنا بنظم حاجتي استعداداً للنقلة دي وعشان الناس تفكر تقلد الطريقة المنظمة دي، انت ياخوي متخصص لغويات ولا بتدعي ساكت؟ ما هي دي ضرورات لآخر تقنية لمعالجة اللغات، ولا انت من ناس (خيرو جليسن في الزماني كتابو)؟ من أي غار خرجت يا هذا؟ +++ أها ودايرني أكون شنو يعني؟ مقرر لجنة الموسيقى في العالم؟ سكرتير اتحاد الهيب هوب؟ كبير أساقفة فرقة سلتك وومان؟ مخترع آلة (tingy wingy) الوترية؟ بالله شوفوا الزول دا، نحن بنتكلم عن الموسيقى الغربية وهو مستغرب إني بنقل من المتوفر عنها!! دايرني اتلقاها وحياً في رقاع من جلد الماعز بلغة رصينة غير منقوطة؟ انت الظاهر متخيل إنو في خمسة ولا ستة "روابط" فيها الموسيقى كلها مش؟ كدي أقدر انت أول ورينا ترجمات المصطلحات حسب رأيك وخلينا نعرف عدد الروابط الجبت منها مصطلح واحد. +++ اتنصل من جملتي! ليه؟ انت قايلها رسالة دكتوراة ههههه أمتع لأنو كل البشر بيتفاعلوا مع الموسيقى وحتى القرود بتحب الموسيقى، الحصين بترقص يا الكيك، انت ما بعرفك والله، وأشمل لأنو ببساطة فيها كل العلوم الأكاديمية، هاك أها (رياضيات، كيمياء، فيزياء، علم نفس، علم اجتماع، لغات، هندسة كهرباء، إلكترونيات، كمبيوتر، على سبيل المثال). انت لو متعتك في الإعراب والتنوين أشد من الموسيقى دي تبقى حالة شاذة، دايرة ليها دكتور _______ what a nerd.