انـــــــــــا هــــــــــــــــــــنا

Quote: القنديل سراج البيت جمد لله السلامة الجيت اجازرة سعيدة

(عدل بواسطة زهير عثمان حمد on 06-29-2016, 04:52 PM)

Quote: تمشي وتجي بالسلامة يازول بقاري امانة في رقبة كل الشرفاء ولانامت اعين الجبناء قاتلي الطلبة ومعسكر العيلفون

Quote: مرحب بالراكز ابو الروض الظليل و رمضان كريم يا حبيب البلد بلدك يا حبيب و كل جعجعة المسيلمي الكذاب و تهديداتو دي ارضاء لاولياء نعمتو تتذكر لما كان برغي و بذبد لما تراجي كانت ماشة الخرطوم ؟ اها الجماعة قالوا ليهو يازول ارعى بقيدك و شوف سمسرتك وين , و من يوما ما سمعنا ليهو حس غير الترحيب و زيارة المنبطحين في بكان انبطاحم و بوستات التعــرصة اللسه شغالة .. عالم وهم كن بخير يا عزيزي و اصل ود دفع الله الراكز دا و سلم لينا عليهو سلامة مقالده

Quote: يا رفيق تحياتي وعش أجمل أوقاتك بالوطن مع كل الود

Quote: الرفيق أبو روضـــة ســلامى و تحـياتى و حمداً لله على طلتك ياخــوى البلد بلدك زى كـل زول ... و إتجـدع فيها زى ما دايـر .... و إن شاء الله حصحاصـة ما تعتر ليك ....

Quote: حمدلله سلامة بالحبيب ابوروضة نحن اولاد بلد نقعد نقوم علي كيفنا وخلينا نشوفك يارجل قبال العيد

Quote: بس برضو جو العساكر و ظبطوا الوضع و رجعوا التذاكر للشباك ....يعنى البلد ما هاملة .... يا رفيق .....زمان ناس الأقاليم اللى هم زينا كانوا بسافروا العيد بى لوارى العيشو باصات اللبن .... الناس و الجداد و الدفيس .... و برضنا كنا حامدينشاكرين .... هسع بقت باصات مكيفة ... أشكال و ألوان .... بس لا حامدينلا شاكرين .... بعض مننا يعنى ...عيد سعيد يا رفيق ...

وحتى الظبط ما تم الا بعد التذكرجي والكمسنجي انظبطوا
المهم يا زول على ذكري البصات والتكييف والحمد والشكر برضه ياخ السيد الرئيس قال انحنا اكلناكم الهوت دوق وتاني واحد قال عن الكهرباء وعن الشعب السوداني كان شحاد والدنيا عيد وما علينا
و حليل زمن اللواري وباصات اللبن على الاقل اللوري وباص اللبن حق الحلة وجاي بعرق جبن كحيان من ناس الحلال عندك بتركب ما عندك حبل المهلة كان بربط وبحبل ولو معلم الله برضه الاجر على الله هسي الباصات دي جات من وين ومملوكة لمين وحق التذكرة الفيها
دمغة الجريح
ودمغة الشهيد
وحق الظلط
وضريبة حتى النفس طالع نازل
ورسوم الميناء البري وجنيه الوالي نشفت ريق الما بنشف وخلت كل الناس تكتفي بالمعيادة على الواتساب او برسالة من زمن الموبايل تلاتيين عشرة ياخ انت في ده ولا اقول ليك امس جات مطيرة قبل الافطار بشوية لخطبت الشوارع الكانت زمن اللواري وعربات اللبن النفاجات فيها مفتوحة ب وبعد الافطار كمان الكهربا قطعت العبد لله كان في قلب السوق متفرج
وكتمت ضلمة وبرك مياه حرامية ونشالين اتخلبطوا مع الناس الكايسة تفرح بجديد العيد والعيدية
واحدة اتسرق موبيله والتاني قبض واحد يده في جيب جلابيته والناس ضاقت وما فاقت وبعد جهد جهيد الكل صاح امك ولعت يلا اشتروا سريع امرقوا قبلي ما تقطع تاني ويا ماسك الروح ما تروح وصلت بيتنا
اخدت لي نومة
و من صباح الرحمن اتعمعتا وقلت يا جامع الله جاك زول
الله اكبر ولله الحمد اها تودي فطرتك وين وما اتحيرتا الا منو بستحق اكتر من التاني
الفقر واحد والعوذ يملاء كل الوجوه المرصوصة خلف صفوف المصليين اخخخخخخخخ من زمن اللواري وعربات اللبن الفقراء كانوا بالحساب والمتعففيين اكثر وزمن البصات المكدنشة والهوت دوق الناس لاكت الصبر لما طلع زيته بقت مجبورة يا تمرق تشحد يا تموت بالضيق المهم الناس وزعت وادت الفيها النصيب مع دعوات وتبريكات وتبادل تهاني
وانتصب الامام يشكر ربنا على نعمة الامن والسلام ويقيس حالنا بسوريا واليمن مع اننا ما احسن منهم في شي الموت ياهو الموت والنار ياها النار والابادة ياها الابادة بس ائمتنا ربنا يزيل الغشاوة الفيهم من تالا دار فور والنيل الازرق وجنوب كردفان حتى من السلاح البلعلع لما طالب سالم مسالم ما ليه من تخريب او مواجهة غير يد تهتف وفم ينطق بصاح الصاح المهم بلعناها ليه لانه سواء ال الله قدروا عليه
في خواتيم الخطبة قال اللهم ولي امر هذا البلد من يخشى الله فينا فقد اصبح ولاة هذا البلد يفرضون الضرائب والجزئية التي ترهق كاهل المواطنين من اجل ان يتطالوا في البنيان ومتاع الحياة الغرور كل المصليين الحضور وحتى الاطفال رفعوا ايديهم بصوت جهور اللهم امييييييييييييييييييين يا رب العالمين وكل سنة وانت طيب وتقبل عيدتي في مثل هذا اليوم المبارك وعلى شعبنا يتبارك

(عدل بواسطة فرح الطاهر ابو روضة on 07-06-2016, 08:07 AM)
(عدل بواسطة فرح الطاهر ابو روضة on 07-06-2016, 09:56 AM)

Quote: حمد الله على السلامه ، طالما ظليت قابض على القضية ومنافح للعنصرية ، الأيام هذه بأرض السعودية وكنت أتمنى التواصل معك والمواطن معاوية الصايم ، الرجال مواقف لأنكم تتفهمون موقفنا من نظام كيزان وعنصريي مثلث حمدي وليس المقصود به كل ابرياء المواطنين المسحوقين ببلادي

Quote: الصديق الصدوق .. الكلس الراكز اباروضة .. كل عام وانت والاسرة الحبيبة بالف خير .. وكذلك الوطن وشعبه .. انت هناك وعرفناك يا اخو البنات ماك الوليد العاق لاخنت لاسراق .. التحية عبرك للوطن الجريح وشعبه المقاوم .. ودمتم جميعآ .