|
|
|
 Re: عشان اطلع من اللوم (Re: فيصل محمد خليل)
|
يا هلا فيصل
Quote: يا بلد جلّي الموضوع
لو قعدنا نقاضي الناس بما يقولون هنا
عمرنا كلو بنقضيهو في المحاكم .
ما تفرمل سير المنبر |
كلامك على العين و الراس لكن كمان يا فيصل من حقى
انو يا يثبت اتهاماتو دى يا يعتذر عنّها
| |
 
|
|
|
|
|
|
|
|
Re: عشان اطلع من اللوم (Re: ود الباوقة)
|
السلام عليكم جلال وضيوفه والله فى السودان المتباين الأعراق والمناخ
الما بعترف أن حبوبته لأمه أو لأبيه ما من اصل إفريقي دا ما عندى ليهو رد
وحيث كلامى هذا لم يكن موجها للأخ جلال ولا الأخ دينق ولا إلى الأخ بشاشا
بل إلى كل سودانى وسودانية ولد وترعرع تحت سماء وطن اسمه السودان .
ويجب علينا أن ننقاش فى حقيقة ملامحنا تكشف عنها .
هذه صبغة الله ومن أحسن من الله صبغة ( صدق الله العظيم )
لذا يجب علينا أن نعتز باصلنا ولا نعير بعضنا البعض ويجب أن نفهم أن فى السودان ثلاثة كلمات متداولة بين الشعب السودانى وهى يا عربى ويا عب ويا حلبى والثلاثة اساءة بالغة , يعنى الواحد نمن يقول ليك يا عربى معناه
يا مقطع يا ما فاهم يا سبهلل ويا عب معناها انت اهلك شغالين تحت أهلى
ويا حلبى معناها يا دخيل . يعنى تفاسير كتيرة لهذه الكلمات وكلها لها تأثيرها
على الإنسان السودانى . حيث نجد أن الرسول صلى الله عليه وسلم قال فى حديث ما معناه كلكم لادم وادم من تراب . لذا علينا أن نحترم بعضنا والا نسخر من بعض لأن هذا قمة الجهل وربنا يهدى الجميع . وعلى أخونا جلال أن ينسى حتى لا يفتح باب للشيطان وربنا يسترنا فوق الأرض وتحت الارض
ويوم العرض امين امين امين
| |
|
|
|
|
|
|
|
|
|
Re: عشان اطلع من اللوم (Re: Sinnary)
|
مرحب يالعزيز منتصر
| Quote: سلام جلالدونا بتقبل نصائح ولا عقدت العزم |
كيف ما اقبل النصيحة ياااخ
عمرى ما كنت و لا ح اكون فى يوم من الايام كبير على النصيحة
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
طيب يا جلال اولا انت أعلم بالتقاضي في أمريكا ومصاريفه من ناحية الإقتباس الجبتوا هنا وما بقصد ان بشاشا ما غلط عليك لكن نقرو ترجمتها ليس عبد ولكن زنجي اما باقي الأشياء في محكمة عليك انت اثبات ان ما ذكره هو اشانة سمعة انت تضررت منهاواثبات ذلك الضرر وليست ممارسة لحقه في حرية التعبيرthe first amendment انا ما قانوني لكن الله اعلم تصل لي حاجة بالتقاضي فما عندك حل إلا محل ما تلقاهوا تردموا بالنقاش لحدي ما يقول تنفسوا الصعداء الرزق سبح وبشاشا كسح
| |
|
|
|
|
|
|
|
|
|
Re: عشان اطلع من اللوم (Re: Sinnary)
|
حيّاك الله وبيّاك اخى سنارى
زمن بدرى و فى ونسة مع المرحوم خالد الحاج قلت ليهو بما معناهو
بشاشة ده عندو فكرة بس عندو مشكلة فى طريقة توصيلا و معالجتا
و اسلوب طرحها للحوار
و لامن بكرى فتح لينا باب المشاركة من الفيس كتبت له عن طريقة الوخز بالابر التى يتبعها
فى معالجة ما يطرحه من مواضيع و كيف انها غير مجدية و ضارة بالحوار
ما عندى مشكلة فى طريقة توصيفى زنجى او عربى ..غرابى هدندوى نوبى او نوباوى عب او حر
ما يهمنى انا سودانى و بس
و هسى خلافى معاهو ما فى وصف النقرو لكن فى محاولة اسقاطها على ما جرى بينى و الزميل دينق
و الاتهام بقتل الملايين
Quote: وكنتيجة بقت مشكلتي مع الزيك، من ذنوجة السودان، انهم بدافع كراهية الذات ابادو الملايين من اهلهم، بالوكالة، بحكم البرمجة لي حاسوب الدماغ.
عايز تفهم منو انو دي ما مشكلتك مع دينق كمثال فقط، ايها الكوز والانقاذي؟
والمضحك بتسقط عقدتك انتا ك"نقرو" علي دينق! |
علمتنى قراية المنبر انو حاجة زى دى لو خليتا عدّت بى طيبة خاطر بكرة حيجى البعتبرا حقيقة
و يؤسس عليها بلاوى و يحاسبك عليها حساب نكير
كتر خيركم و مروركم الطيّب و كلامكم تب ما بقع واطا
و ربنا يصلح الحال و نعود كلنا بى سلامتنا سالمين تامين و غانمين
لى بلدنا بلد الخير و الطيبة
بس بشاشة ده شوفو ليهو حتة تانية يمشى عليها
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
نعم يا جلالدونا إتفق معك في مشكلة المفردات البستعملها بشاشا
بس كمان في بعض العقائد لا سيما الثورية (ألا تذكر عبارة اليسار الأحمر والبرجوازية المتعفنة)
هذه الفصائل بترى إنه العنف اللفظي أو الصعق بالكلام لازمة من لوازم تنبيه الناس لعمق تأزمهم
والمشكلة برضو ممكن الناس تسيء فهم خطاب بشاشا وممكن بشاشا يرد بأنه دي مشكلة من يسيء فهمه
وللحقيقة أقول وجدت بشاشا أكثر من مرة يتراجع ويعتذر لمن أساء فهمه
أما ما يقصده بشاشا من قوله أننا مسئولين عن ملايين الضحايا الماتت في حروب السودانيين ضد المركز
فدي بيقصد بيها إنه النظم السياسية ومعاها مجموع السودان النيلي والشمالي
مارست التعالي العرقي على من تصفهم بالقبائل الإفريقية (وفي دي عنده حق في رأي) وإنه سياسات
التهميش لهذه القبائل أشعلت حرب الجنوب وحروب دارفور الماتوا فيها الملايين
بالتالي حسب فهم بشاشا أن العقلية الشمالية المتنكرة لأصلها الزنجي هي التي أنتجت وساندت هذه النظم
هذه العقلية الإسلاموعروبية أو المستغربة في المهد الشمالي هي المسئولة عن هذه الحروب وضحاياها
وأنا وانت وكل الما منضوين في لواء المركزية الإفريقية مسئولين عن هذه الحروب وضحاياها
| |
|
|
|
|
|
|
|
|
|
Re: عشان اطلع من اللوم (Re: على ابراهيم رفاى حمد)
|
يا منتصر الكلمة تعتبر عنصرية و حتى فى المناقشات العامة كان فى وسائل الاعلام او قاعات الدرس
يشار اليها بحرف ال أن ويرد
و لا احد بستطيع نطقها حتى لا يقع تحت طائلة القانون
درجت العادة انو الافريكان امريكان يتداولوها فيما بينهم و لهم لها نطق مخفف و هو ... نقا ... بكسر النون
اما من ناحية المصاريف ما تشيل هم تب
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
تعرف يا على قصة العنصرية المزعومة دى ما حتنتهى بالذات فى المنبر ده
لانو فى عضوية عايشة عليها عشان كده طوالى بتهبب فى نيرانا و تنفخ فيها
و ماسكين بيها الجو
لانو اصلا فهمهم وقف على كده و ما عندهم حاجة جديدة يقدموها
قررررط على كده ما تجيب لينا البلاوى يااخ
عموما برضو المفروض مفاهيمنا ترتقى اكتر من كده و نتجاوز ما يفرّق الى ما يجمع
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
كمال بشاشا وحسب متابعتنا له بالمنبر ..
و ( حسب وجهة نظره ) ..
بيعتبر كل مواطني السودان زنوج ..
ولا يستثني نفسه ..
فلو كان بيستثني نفسه ..
كان حيكون ليك حق ..
الا ينادي الزنوج الامريكان بعضهم بــ ( نقر ) ..
فهل بيزعلوا من الكلمة دي إن ناداهم بها زنجي آخر .. !! ..
ما اظن بيزعلوا ..
يبقى زنجي بيقول لي زنجي تاني يا زنجي ..
بيتخايل لي عادي ..
| |
|
|
|
|
|
|
|
|
|
Re: عشان اطلع من اللوم (Re: جمال ود القوز)
|
العزيز سنارى
بشاشة يعلم و هو من اهل المنطقة ان الشمال عانى من التهميش اكثر من غيره من الاقاليم و حتى
الراجل جون قرنق لمّا زار بعض مدن الشمال استغرب و قال .. لماذا لا تتمردون
واحدة من مشاكلنا اطلاق المسميات الخطأ و اعتبارها حقائق مطلقة لا يأتيها الباطل
فتسمية الصراع بالشمال النيلى و الاقاليم تفرف كتير عن تسمية الصراع بين المركز و الاقاليم
رغم ان المركز تشارك فيه كل الاقاليم عبر افراد يمثلونها فى السلطة
و دونك الانقاذ فقد قامت على اكتاف اهل الغرب و شاركوا فى كل مفاصل الدولة بدعوى التمكين
بل كانت الاجهزة الامنية خالصة لهم دون غبرهم و كانوا جزءا اصيلا فى حروبها الجهادية فى الجنوب
تحميل الشمال النيلى اوزار المركز فيه تجنى كامل على اهل الشمال الامر الذى يزّكى روح سلبية
تبعدنا كثيرا عى ايجاد مخارج سليمة لأزماتنا الراهنة
اما عقلية الجلّابى المتوهمة فى ذهن بشاشة فعليه ان يعيد قراءتها جيدا فالجلابى كان ضحية المركز سواء فى
عهد الانقاذ او ما سبقها من انظمة حكم
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
اضلا الاشكالية ما فى زنجى او عربى حر او عب .. و كواحد من قبيلة الشايقية و اعتز كثيرا بشايقيتى
و فى حتة اصول القبيلة اميل للرأى الذى يقول ان الشايقية نوبة استعرب لسانهم
الاشكالية فى اقحام الحتة دى فيما دار بينى و بين دينق
فيا عزيزى جمال
الحاجة لو مرّت بطيبة الخاطر دى .. مجموعة دينق ممكن تجيبا ليك فى اى ملف بأعتبارها حقيقة و ترصعك بيها
| |
|
|
|
|
|
|
|
|
|
Re: عشان اطلع من اللوم (Re: سيف الدين محجوب)
|
يا هلا بالسيف
او حاجة ياخى سعيد بالطلة و كيتن تكوى المدعو ود عووضة
و من لف لفه من سابلةو دهماء كأبى حسين و ود الخدر
وسئ الذكر ود الباهى و تابعيهم و من تبعهم بهمجية الى يوم الدين
_____
يا زول خير و مافى عوجة تب
| |
|
|
|
|
|
|
|
|
|
Re: عشان اطلع من اللوم (Re: عثمان عووضة)
|
يمين الله يا مشّرف الحتة الاولى فى بالى من زمنن بعيد طوّل
و يمكن ذكرتها فى رد للجمبل سنّارى
و يمكن كنت واضح فى الحتة دى .. لست ضد فكرته و لكن اسلوب التعبير عنها فيهو خلاف
فى الحتة التانية و قولك ما بقع واطا الفى الحوش اولى بيهو الحوش ما فى ذلك شك
اما ما بين السطور ... انسانيتنا التى تتواضع للخير و الحب اجمل و انبل من انتضار لذات
يديك العافية يا صاحب ودم بخير
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
ود عووضة يا رمز الجمال
كلامك و الاعزاء من سبقوك
التزام تام حاجة زى دى لا يمكن تحصل
بس عشان ناس ابوحسين ديلااك بتاعين الكبشرة
اسمح لى اخلى البوست قاعد
ليييه الحتة دى يا ود عووضة
عشان هم بكبشرو الحتة البتخدم غرضم
و يبشّعو بى الواحد بيها
نم قرير العين هانيها
يا صاحب
| |
|
|
|
|
|
|
|
|
 Re: عشان اطلع من اللوم (Re: جلالدونا)
|
جلالدونا يا صديق،
ألف سلآم يغشاك .
يا ريت تغيّر عنوان البوست ؤ تدرج فيهو إسم بشاشة،
إحتمال الراجل ما يكون شاف البوست أو شافو وإفتكر
إنو لا يعنيه . يا ريت تغيّر العنوان عشان نشوف بشاشا
فهمو شنو ؟.
مودتي لكما معاً ...
| |
|
|
|
|
|
|
|
|
 Re: عشان اطلع من اللوم (Re: معاوية المدير)
|
ههههه اتخيّلت القاضي لو طلع جلّابي - جلاّبي خواجات - و جوهو اتنين زنوج واحد مشتكي التاني انو قال عليه زنجي
ح يصرف ليك الـ MF و يطردكم
ولو طلع القاضي زنجي ح يقول ليكم باركوها يا علوق ( بالإنجليزي)
| |
|
|
|
|
|
|
|
|
Re: عشان اطلع من اللوم (Re: عمر عثمان عبد الوهاب)
|
يا زول، ما تجلي الموضوع
أمشي أشتكي، نحن من هسع مع بشاشا
خلينا نضحك عليك شويّة
إتّا فتحت البوست داير الناس تحنسك عشان تخليهو
نستطيع أن نثبت انو السياق بتاع بشاشا دا ما فيهو عنصرية ولا شتين
| |
|
|
|
|
|
|
|
|
|
Re: عشان اطلع من اللوم (Re: أبوبكر عباس)
|
اخونا جلادونا...خليك من بشاشا دا..انا المعاك دا مرتي الروسية الشديدة البياض دي لمن تزعل وتتناقر معاي وتعصب بتدا شتايمها معاي وبتقوم بنمرة واحد ياعب يانيقر والباقي خلي ساكت..انا ردي ليها واحد عب عب بس مابراي ماتنسي بناتك واولادك ديل برضوا زي تماما...بعدها بتنفس زي استك العجلة لمن ينقد..ياخي دي لمن اتزوجتها ومشيت معاها القرية قريتهم كلها جات بيتهم ليشهدوا اول عب يدخل قريتهم ويتزوج منهم حتي اطفال المدرسةاليوم دكو المدرسة...فشنوا ياجماعة استهدوا بالله واتذكروا انه الفينا مكفينا وبلاوينا اكبر من ذلك بكتير..مودتي للجميع..
| |
|
|
|
|
|
|
|
|
|
Re: عشان اطلع من اللوم (Re: Hussein Mussa)
|
ههههههها
Quote: ههههه اتخيّلت القاضي لو طلع جلّابي - جلاّبي خواجات - و جوهو اتنين زنوج واحد مشتكي التاني انو قال عليه زنجي
ح يصرف ليك الـ MF و يطردكم
ولو طلع القاضي زنجي ح يقول ليكم باركوها يا علوق ( بالإنجليزي) |
و كمان لو قالا لينا بالمصرى يبقى كمّل فهمنا كلو كلو
ود خالتى صغير و هبّاش تاعب اوهو جنس تعب
اها يقوم يديهو ليك محاضر و فى اخرا يقوليهو فهمت يا حيوان
الود يقول ليهو كل الناس حيوانات
الابو يقول ليهو قتّا شنو يا كلب
يقول ليهو كل الناس كلاب
اها قاضيك ده لو صرفا لينا
بقول ليهو كل الناس MF
صاحبى داك بى طريقتو
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
هههها
Quote: يخيل لي الزنجي المشتكَى عليه ح يقول للقاضي: خلّو رأيي انا يا مولانا ... قرقر قر
ما فوكّا حاجة يا جلال طالما جليت الموضوع غلبني أفوِّت المداخلة دي |
تصدق الزول اللسانو متبرى منو دخ ح يعملا
هى ما فوكّا حاجة بس وجعتنى و نردّها ليك ان شاء الله
و معاها تحياتى و احترامى بتاعت ابوحسين ديك
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
و نجى للمستنير
حق الزمالة يفرض علىّ اطرح حاجتى عليهم طال ما هى مظلمة من زميل
و دى حاجة اتربينا و قمنا عليها و شفنا كيف الاجاويد تقع و تقوم عشان الناس ما تصل المحاكم
و لا حتى قسم البوليس ذاتو
اذا كان الانارة ترى فى هذا امرا اخر
فده عيب الاستنارة و ليس عيبى
يا زول اقيف محل ماك داير تقيف
دى فناعاتك الشخصية و اتّا حر فيها
اما مسألة تقرا قرايتك و تحدد بى مزاجك
دى تمشى تتلولو بيها فى حتّة تانية
هنا قانون و ادلة اثبات و حنك محامى سنين
بجيبك للواطا و لو قلبت الهوبا
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
المونساتي جلالدونا.
عامل للناس إزعاج فوق كم؟
قصة أنك عنصري دي ما بتحتاج لي شهادة، أمثالك من أخطر العنصريين الحايمين في هذا المنبر، والذين يخفون عنصريتهم ويحاولون أن يظهرون بمظاهر أخر "غير عنصرية" دي هم أخطر أنواع العنصريين. بطل الأستهبال البتعمل فوقو ده.
| |
|
|
|
|
|
|
|
|
|
Re: عشان اطلع من اللوم (Re: Deng)
|
بعدين يا كافي البلا أنت يا مونساتي عايش في أمريكا الزمن ده كلوا ما بتعرف الفرق بين كلمتي نيقر ونيقروا ؟؟
واضح جدا بأنك من لذين يعزلون أنفسهم في أمريكا من المجتمعات من حولهم، وبتكون أخبارك عن أمريكا باللغة العربية وهي نفس مصادر الذين يعيوشون خارج أمريكا عن أمريكا.، يا لبؤسك يا مونساتي.
بطل الغلاط في الفارغة وأستمع الى صوت العقل (منتصر)
| |
|
|
|
|
|
|
|
|
|
Re: عشان اطلع من اللوم (Re: Deng)
|
| Quote: In the English language, the word "nigger" is an ethnic slur, usually directed at black people. The word originated as a neutral term referring to people with black skin, as a variation of the Spanish and Portuguese noun negro, a descendant of the Latin adjective niger ("black"). |
https://www.google.com/؟ion=1andespv=2#q=the%20word%20niger
According to merriam-webster.com/dictionary
Quote: Definition of Negro
plural Negroes
sometimes offensive
: a member of a race of humankind native to Africa and classified according to physical features (as dark skin pigmentation) |
| |
|
|
|
|
|
|
|
|
|
Re: عشان اطلع من اللوم (Re: محمد مجيدو)
|
محمود يا بيلى
كيفك ياخ
| Quote: : بشاشا وبكل شتاراته وتفلتاته شخصية اليفة جدا بصورة مختلفة |
و ازيد على كوت الكوت ده ... عندو فكرة موضوعية و ممكن تحل الكتير من مشاكل البلد
بس مشكلتو فى طريقة طرحها
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
حسين يا موسى
شالوم ياخى
و حات آمون و المنقة و الليمون التجاوز الحصل فى الردود لى مداخلتك و مداخلة اخونا البيلى ما كان مقصود
و اعتذار كامل غير منقوص لكما
Quote: اخونا جلادونا...خليك من بشاشا دا..انا المعاك دا مرتي الروسية الشديدة البياض دي لمن تزعل
وتتناقر معاي وتعصب بتدا شتايمها معاي وبتقوم بنمرة واحد ياعب يانيقر والباقي خلي ساكت..انا ردي ليها
واحد عب عب بس مابراي ماتنسي بناتك واولادك ديل برضوا زي تماما...بعدها بتنفس زي استك العجلة لمن ينقد..
ياخي دي لمن اتزوجتها ومشيت معاها القرية قريتهم كلها جات بيتهم ليشهدوا اول عب يدخل قريتهم ويتزوج منهم حتي اطفال
المدرسةاليوم دكو المدرسة...فشنوا ياجماعة استهدوا بالله واتذكروا انه الفينا مكفينا وبلاوينا اكبر من ذلك بكتير..مودتي |
ههههها
يمكن يكون عنده حق لكين زولنا ده مالو .. عموما الموضوع بالنسبى لى انتهى و ما شاغلنى خالص و يعنى شنو عب
عب و فوق عزّى كمان
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
Quote: عموما الموضوع بالنسبى لى انتهى و ما شاغلنى خالص و يعنى شنو عب
عب و فوق عزّى كمان |
حبيبنا جلالدونا .. مودتي ..
التحية لك على هذه الروح المسامحة ..
أصيل يا جميل ..
مودتي .. بادرة تستحق الشكر والتقدير
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
ما قلت ليكم
يجيبو الفرية و يصدقوها و يرموك بيها
جهولة ام سكاسك جا و بهلا عديل
ياخى كان تصبر ليك اسبوع اسبوعين لامن البوست ده يحتل
| Quote: عامل للناس إزعاج فوق كم؟ |
عشان هبلك البتسوّى فيهو ده
| Quote: قصة أنك عنصري دي ما بتحتاج لي شهادة، |
جيب دليلك هنا و قدام الحضور الكريم ده و اتحداك عديل فى الحتة دى يا كذاب يا اشر
Quote: أمثالك من أخطر العنصريين الحايمين في هذا المنبر، والذين يخفون عنصريتهم ويحاولون أن يظهرون بمظاهر
أخر "غير عنصرية" دي هم أخطر أنواع العنصريين. بطل الأستهبال البتعمل فوقو ده. |
وقع ليكم الكلام يا اخوان
و انو مشكلة عب و ما عب دى ما عقدتى ما بتهز شعرة فى راسى
و انها هى ما المقصد الاساس و انها مدخل للمقصود
و انو المشكلة فى انّو يبدوها بى فرية صغيرة ثم يبنوا عليها اكاذيب اخرى كأنها حقائق
اهو بين غمضة عين و انتباهتها طلعونى عنصرى و من اخطرهم كمان
و يا للعجب ابن آمون و الرع بتاعو بى توتو عنخو معاها بطّيل استهبال
ولى اخونا القال انا فاتح البوست ده عشان الناس تحنّسنى
البوست مفتوح عديل عشان مداخلة المستر دينق دى
و الواحد كان متخيل انو يجى يرصعنى بيها بعد ما ييجى من اجازتو
لكن يقطع ليها الاجازة دى ما كانت فى البال
لو تذكر فى بوستيك بتاع النومة تحت النيمة
قلت ليك مصيبتى فى الدنيا دى انو انا ذكى
ف شنو
ارجو انك تقرا البوست ده داخل هذا الاطار
تحياتى و احترامى بتاعت ابو حسين
جلال العب
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
Quote: The word, nigger, carries with it much of the hatred and disgust directed toward Black Africans and African Americans.
Historically, nigger defined, limited, made fun of, and ridiculed all Blacks. It was a term of exclusion, a verbal reason for discrimination
Whether used as a noun, verb, or adjective, it strengthened the stereotype of the lazy, stupid, dirty, worthless nobody.
No other American surname carries as much purposeful cruelty. |
اما حكاية عندها استعمالات و معانى تانية دى شيلا و اتعمم بيها زى ما عايز
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
ؤوووو حبيبنا مجيدو كاره ذاتو و سيدو
كدى اول حاجة خلينى اتعنصر عليك شوية و بعدين نشوف مداخلتك
Quote: يا جلجل ..
هشاشا شنو .. القايم وقاعد عشانو ...
وما تضيع وقتك ساااي ...
بلا كمون بلا كرور .... |
ككيف الكلام ده .. ياخى الزول ده قارى تاريخ
تقوم تكومنو و تكوكرو
ياخى يكفيك آمنو و رعّو و شالومو
جلال العب
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
يا الف مرحب حبيبنا على ود عثمان
Quote: حبيبنا جلالدونا .. مودتي ..
التحية لك على هذه الروح المسامحة ..
أصيل يا جميل ..
مودتي .. بادرة تستحق الشكر والتقدير |
شاكر و مقدّر جدّا كلماتك الطيبات فى حق شخضى الضعيف
و يا ريت دايما اكون عند حسن الظن
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
باسم امون نبدأ:
نعم ياجلالدونا، امثالك وامثالي من الجلابة ابادو الملايين من امثال دينق، عشان يتخلصو من بعبع "نقرو" اي "فرخ" في ادبيات الخطاب الجلابي!
كونك اتعقدتا من المفردة دي، لمان كستا تشتكيني، فده ما صدفة!
بل هذا ابلغ دليل علي صحة كلامي، واخوك اكبر اخصائي في السودان في مجال الوعي الجلابي!!
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
من الجانب الاخر بشاشا لايستخدم مصطلح "عبد" وانما "مستعبد".
الفرق كبير بين الاتنين.
علي كده بصفة عامة "النقرو" هو الانسان الاسود المستعبد علي مستوي الوعي وطريقة التفكير، حيث يري الوجود، روحو او اهلو، في العادة بي عيون مستعبديه، اي العرب والاوربيين!
ده معني "نقرو" في قاموس بشاشا، ونموذج الجلابي تحديدا هو اكبر تجسيد وتنزيل للمفهوم ده، علي مستوي العالم!
اذن "النقرو" الحقيقي المثالي هو الجلابي تحديدا، ثم المجولبين من امثال بريمة او كبر، في الهامش!!
داير ادلة؟
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
طيب ابدأ باللغة البنخاطب بيها بعض، في جمهورية السودان افتراضا!
هل خطر بي بالك تسال، ليه بنحكي عربي؟
قطعا دي لغة "السيد" العربي، اللي احنا قاومناه بطول وعرض اكثر من 600 سنة، وكنتيجة ثلثي السكان هلكو، لتسقط دنقلا اخيرا عاصمة رماة الحدق، ليتحول السودان لاكبر مزرعة بشرية لانتاج البضاعة الادمية اي "الرقيق"!
كانو المماليك عادي بقبضو الجلابة الزينا كما الجراد من طرف، او ببيعوهم في سوق امبابة بالاقة!
اما اهلنا في اسوان، فقد زاقو مرارة العبودية منذ قرابة ال2,000 سنة من تاريخ اليوم، كنتيجة مباشرة لي هزيمة ترهاقا الذي اخضع العالم المعروف حينها تقريبا!
...يتبع...
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
طالما جليت الموضوع اها نديك النجيضة يا جلالدونا
والله بشاشا ده غالبك عشرة صفر
ولو لعبتو ام الصلص برضو بيغلبك
اها النوريك غالبك كيفن: اول ما فكرت تشتكيو معناتو المفعول الكيميائي البشاشي نفعك وقصة انك تشتكيهو دي الاثار الجانبية للعلاج
فما تزعل ساي عليك الله يا حبيب
عب شنو ونيقا وحر شنو في زمن الاتصالات والتلفونات بتاع اب طراده ده
ياخي سخن الموضوع وجهز عدتك بتاعة الدواس الاسفيري ده وانسي قصة بشتكيك دي هههههههه
| |
|
|
|
|
|
|
|
|
|
Re: عشان اطلع من اللوم (Re: Elsanosi Badr)
|
جلالدونا دا ملامحو الفي الصورة كانت في بروفايلو ملاح إفريقية خالصة
الشعر الأجعد واللون حالك السواد والشفاه الغليطة
ودي صفات عظيمة تساعد في التأقلم على الحر الشديد والشمس الحارة
حتى لو كان بشاشا الإفريقي قال ليهو نيقا؛ ما فوقها حاجة؟؟
إتنين نيقا بتونسوا مع بعض
الدخل القضاء هنا شنو؟
أرجو من جلال يعتذر لبشاشا
| |
|
|
|
|
|
|
|
|
|
Re: عشان اطلع من اللوم (Re: أبوبكر عباس)
|
يا الف مرحب بالسنوسى ود بدر
زارتنا البركة ياخى
ياخى تحكيمك فاشل
لكن برضو نمشى بى كلامك
خليهو يغلب لامن يصل 99 صفر
بطقّو ليك بى قون المغربية الأحلى من ميّة
و اهو و بحسب الخطّة فى اللعب بدأ ينداح
و ماسك الملعب طول و عرض و بصبر ليهو لامن يكمّل نضميهو
و بعد داك شوف الطقطقة و اللعب التمام و بشارة ماش . بشارة ماش . بشارة ماش
و بشاشة راجع لى ورا
ياخ قون المغربية ده حار خلاس
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
مرحب بى ناس الفيس
Quote: Swachw Swachw
ولو تروح المحكمة ما أظن تأخذ منه شيء ...
لكن أكيد حيقعد قدام القاضي يقول : عزيزي القارئ إن هذا المستعلاوي أو المستكاوي ينكر أن أمون ورع قرقرقر ...
والقاضي يخبط بالمطرقة ويلعن اليوم اللي دخل فيه القضاء ، ويحكم عليه يروح عند الآميش ... |
هههها تصدّق بيعملا
انا خايفو يعمل فيها ما بعرف انقليزى و لا عربى كمان ..لغة نوبية بس .. و عشان يلقو مترجم
يكون الموضوع راح شمار فى مرقة
_____
مرحب حسن
Quote:
Hassan Babikir · يعمل لدى Khartoum, Sudan
مفروض تشتكيهو في الاباما ويجيبو ليكم قاضي متقاعد من زمن مارتن كينغ عسان يبت في قضية الزنجيين المتهيجين بسبب الافراط في تناول االدجاج
المهرمن واحتساء الموون شين الرخيص.بعد العك واللت في القضية يعلقو ليك يافطة في صدرك مكتوب عليها-نقا-ويحومو بيك المدينة كترفيه وكده
|
هههها
و اكون راكب حمار بالقلبة .. الجداد المهرمن ده عمرو ما دخل بيتى عندى اصحابى مكسيكان عندهم مزرعة
و بشيل زوادتى اللحمية من عنديهم
الموون عرفتها بس شين دى شنو
قصدك آمون شين
| |
|
|
|
|
|
|
|
|
|
Re: عشان اطلع من اللوم (Re: جلالدونا)
|
كتب بشاشا سؤال مهم ..
Quote: هل خطر بي بالك تسال، ليه بنحكي عربي؟
|
الاجابة لاننا عرب ...
او لاننا كوشيين..
مافي فرق كبير !!..
اصالة اللسان العربي في السودان ليست محل شكوك ... اصالة تتجاوز تخريجات بشاشا الخيالية عن هلاك تلتين اهل السودان واستعباد الاخرين خلال 600 سنه الخ الكلام القاطهو من راسو ده ..
طبعا بشاشا لازم يلقى تخريج لانهزام اللغة النوبية العظيمة امام لغة وافدة .. قام نجر قصة هلاك تلتين اهل السودان ... لا ترضيه بالطبع عمليات الاحلال الثقافي السلمية وماكنزمات الانتخاب الطبيعي للاقوى والاكثر تاثيرا في محيطو البيئي ..
وطالما ان المجال مجال نجر ساكت .. لن اتورع على الاطلاق عن قول ان الحضارة الكوشية كانت اعظم تاثيرا على كل هذه الجغرافيا المدعوة بالوطن العربي وبحيث يمكننا القول ان اللغة العربية والعبرية ولدت من رحم هذه الحضارة العظيمة ..
نجر قصاد نجر .. ونشوف نجر منو البمشي في المنبر ده !!
| |
|
|
|
|
|
|
|
|
|
Re: عشان اطلع من اللوم (Re: محمد حيدر المشرف)
|
| Quote: اصالة اللسان العربي في السودان ليست محل شكوك .. |
دكتور حيدر شلوم،
عارف، انتا محظوظ!
ياريت لو ترجع عقارب الزمن للستينات، واسوقك معاي لي جدودي او حبوباتي، خالاتي، واترجم ليهم كلامك ده، بالله الاعاد يمرقوك كرعيك بي زي كلامك ده عن اللغة العربية!!
قال اصالة اللغة العربية، ليست محل شكوك قال!
السؤال بالنسبة لي منو؟
المستعربة؟
قطعا كمستلبة بل ومستعبدين، زي كلامك ده للاسف راي عام الان!
ياخي النكتة بتقول حتي الكديسة الاستلفوها من الجيران، او عمرها ايام، يعني لسة عميانة، او هي عميانة لاحظ، لعظمة الدافع والاعتداد بالذات الثقافية، قامت جاكة او رجعت اهلا، احتجاجا علي العربي الكتير في البيت الجديد، تقول لي لغة الغزاة والنخاسة العرب، اصيلة؟
يا حليل الماتو فطايس دفاعا عن اخر المعاقل وبوابة الفيضان في دنقلا، من رماة الحدق، بطول وعرض اكثر من 600 سنة، قبل اكثر من 600 سنة، من تاريخ اليوم، دفاعا عن النفس، الارض، العرض، بي تعابيركم، وهويتنا الكوشية!
انا عايزك تخت بالك شديد كيف تلك الروح اللي جسدوها كباري، ظلت متقدة بطول وعرض قرون بحالا، من دون ادني المام علي مستوي الوعي بما حدث في القرون الماضية!
نعم يا دكتور انا عشتا او شفتا الزيك ده البجينا طاشي، يورجغ عربي، كيف في مناطق معينة، كانو بسوقوهو بي حمارو او هم بضحكو، لي بيت بعينه وشخص بعينه يجيد الحديث بي لغة الغزاة، كلغة ثانية!
نعم عشتا او شفتا بي عيوني كيف الفرد العادي ما كان بعرف ينطق ولاحرف بالعربي، علي الاطلاق!
في الخلوة، شيخي كان بملينا القران باللغة النوبية، وهو يقول:
الفكي او،
اي اكتب أ،
باقاو، اي اكتب حرف ال ب،
وهو يشير لاسم الجلالة بي اسم "ارتي" وليس الله!!
ولكن قالو الزمان بهينك والدنيا بتوريك!
كلامك هذا عار لو تعلم، ولكن نقول شنو عاد!!
قاتل الله وعي الاستلاب ياخي، اللي ولع النيران في بلدنا واباد الملايين من غير الناطقين بها!
لي روحي احس بالعار لاستخدامي لغة الدواعش هذه، والمرتد الامبريالي ابن ابي السرح!!
في بلادم ماعندي شاغل بيهم، ولكن في بلاد السودان فيا للعار!
شئ مؤلم لما اشوف اهلنا في الجنوب بتكلمو عربي فصيح في الجزيرة!
افريقيا كلها تقريبا بالطريقة دي!
والعجب في اهلنا البكبو فرنساوي عديل كلغة رسمية قومية يسوو باغ، بوغ !!
عووع!
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
| Quote: وطالما ان المجال مجال نجر ساكت .. لن اتورع على الاطلاق عن قول ان الحضارة الكوشية كانت اعظم تاثيرا على كل هذه الجغرافيا المدعوة بالوطن العربي |
نجر؟
نواصل مع دكتور محمد حيدر،
اعلاه كلام دكتور محمد حيدر البفتكر الاصل السوداني للحضارة نجر!
بالذات ما اتصل بالعرب!
لايمكن طبقا لوعي ومعايير الاستلاب العروبي، انو هاجر السودانية تكون هي من انجب اسماعيل، وبالتالي العباس، جد دكتور محمد حيدر!!
وقع ليكم الجعلي "الحر" جاي من وين؟
تقديري ده كلام منطقي جدا ومتسق تماما مع حالة مركب النقص والاحساس المفرط بالدونية، الذي دفع بامثال د. محمد لي همبتة هوية الغازي العربي، قصبا عنو، شغل مخارجة!
لذا في نظرو، الكلام عن اصل "ذنجي" للعباس، ابن السوداء الحقيقي، وثقافتو، بالذات ما اتصل بالدين والتوحيد، كمثال، فهو نجر، لانو العين ما بتعلو، علي الحاجب!
والا هو من اساسو ما كان قام جاكي من اصلو، يدعي العروبة!!
مافاهم العرب ديل برزو في الوجود من رحم سودانية منذ ايام خلت زي ماتقول، فلو ده حاصل، كيف العمرو ايام يكون اصل للعمرو سنين، وهو باعترافو اي العربي، من وهبو الحياة؟
اذن الحضارة الكوشية مش اعظم تاثير، لان هذا تطفيف، وانما هي الاصل في كل شئ كقاعدة!
الاعجب، العرب تحديدا مقارنة حتي بالساميين ماعندهم شئ يذكر ذاتو من حيث الاسهام الحضاري، مقارنة بنا!
قال نجر قال!
عييييييك!
| |
|
|
|
|
|
|
|
|
|
Re: عشان اطلع من اللوم (Re: Bashasha)
|
بشاشا سلام وسلام للجلابي صاحب البوست ورهط الجلابة
لقد سبق واجتمع عيال جلابة جعل وأبناء الاصلاء العباس والذي لم يخلف ابنا ان تعاهدوا بمقاضاتي بامريكا وفى النهاية شربوا هواء ، كنت أتمنى ان يرفع جلابي قضية بامريكا حتى لا تقوم لهم قايمة
هههههههههه الجلابه لمن تغلبه يقول ليك بشتكيك لو كان بالمدينة واذا غلبك يقول ليك يا عب ، استهبال جلابة ومازال صندوق التبرعات ضدي مع دكتور عثمان. موسى وراح فص ملح فى بحر
| |
|
|
|
|
|
|
|
|
|
Re: عشان اطلع من اللوم (Re: Siddig Elghali)
|
مرحب اخونا على ابو راس
Quote: Ali Aburas
تحياتي ياجلال،
وتحية عبرك للزول المصادم العزيز كمال بشاشا.
يا أبو الجل عايز أحكي ليك حكاية حصلت في واحدة من
الولايات مشكلة بين إثنين سودانيين ما أعتقد إنك كنت موجود في أمريكا
الزمن داك.
المهم حصلت شكلة بيناتم واحد فيهم نبذ الآخر قاليهو ياعب. القالولو
عب مشى فتح بلاغ قضية إساة ضد أخوه السوداني النبذو. أها يوم المحكمة حضروا
الإثنين أمام القاضي. لسوء الحظ طلع القاضي أبيض. سأل الشاكي
قالو مالك يازول في شنو, الشاكي قالو الزول دا نبذني قال لي يا عب.
ههههه القاضي طلع زول مصيبة إحتار قعد يعاين ليهم الأثنين مرة يعاين للشاكي ومرة يعاين للزول النبذو وقالو:
Wait a minute, wait a minute, who is black and who is white؟
مين فيكم الأسود ومين فيكم الأبيض؟!
خلا المحكمة كلها تضحك. وقال ليهم أمشوا حلوا قضيتكم باللتي هي أحسن بعيد من المحكمة.
فشنو ياخوي أكلها على اللبادة أو في حنانك لأنه إنت وبشاشا الأثين زنوج أوذنوج كما يقول بشاشا.
وكلنا نقع في خانة ال Niggers
لو الكلمة دي جاتك من واحد أبيض أو واحد صيني كما حصل في فيلم
كريس تكتر - Chris Tucker
Rush Hour
كلنا نمشي نكسرو وبعد داكىنرفع عليه قضية. |
سبحان الله الرد على مداخلتك اتأخر عشان المستنير يسأل عن سابقة قضائية او فيلم او حاجات زى دى
فى بوست العزيز دينق بى غادى
اها يا مستنير اخونا على مرقنى .. الراى شنو
| |
|
|
|
|
|
|
|
|
|
Re: عشان اطلع من اللوم (Re: Deng)
|
أبدا يا جلال،
الأخ علي قصتو ما بتنفعك كسابقة لموضوع النيقرو
القصة دي تكنيكالي ما مظبوطة ولا استبعد انها مجرد نكتة لم تراع ضبط الكلمات وفيها فهم جلابي مختل:
العب هو المرادف لكلمة اسود
القاضي ما ممكن يشتكو ليهو في كلمة عبد
يحول الموضوع لخلاف حول من هو الاسود
| |
|
|
|
|
|
|
|
|
|
Re: عشان اطلع من اللوم (Re: أبوبكر عباس)
|
ما طلعت ,, و عشان اطلع داير اقرار منك
انو كلمة نقرو ما عنصرية و لا تحمل اى دلالات سالبة او تحقيرية تجاه اصحاب البشرة السوداء
حكاية تتلولو و تحوم بين البوستات دى شايل نفس الكلام و تعيد توزيعو ما بحلك
قول انا النقرو دينق
عشان اعتذر لى عزيزك العقيد الاممى بشاشا القذافى
| |
|
|
|
|
|
|
| |
جلالدونا
فيصل محمد خليل
صديق مهدى على
Sinnary
جمال ود القوز
سيف الدين محجوب
محمد حيدر المشرف
عثمان عووضة
معاوية المدير
محمد البشرى الخضر
معاوية الزبير
محجوب البيلي
أبوبكر عباس
Deng
ABUHUSSEIN
محمد مجيدو
علي عبدالوهاب عثمان
Bashasha
Elsanosi Badr
فيس بوك
تويتر
انستقرام
يوتيوب
بنتيريست