|
Re: السِّفِنّجة ... (Re: ABUHUSSEIN)
|
صاحبي .. ود المدير .. سلام بنكهة الشوق ورمضانك كريم ..
Quote: هل تصلح للقشرة ؟ هل تصلح في مكان العمل ؟ هل هي قاصرة علي الحمآم ؟ كدي رسونا علي بر عليكم الله ... |
امبارح لابسة لي سفنجة حومت بيها محل ما دايرة . وبالمناسبة هنا عندنا السفنجة دي حذاء الصيف الوحيد وبنمشي بيها اي محل وكان قلت ليك عندي خمسة طقم مع البلوزات اما الهولندين مدمنين للسفنجات واحذية البلاستيك لانهم ناس عمليين وما بخلو بالهم ذاتهم لي دا لابس كدا ولا دا لابس كدا . يعني بالنسبة لينا السفنجة عادي تقشر بيها وهبوبك يا الله .
وكل عام وانتم بخير ..
| |
|
|
|
|
|
|
Re: السِّفِنّجة ... (Re: معاوية المدير)
|
[/url] [/url]
Quote: لكن يا يا ود المدير انت وانا مشتركين في حاجة عندي زي شبشبك دة هسة وبتاع بلاستيك |
Quote: لكن يا ودالمدير ياخ ( كالقري - استاربكس - سفنجة) التلاتة ديل ما بجن غايتو فيهن واحدة شترا .. |
Quote: لكن يا ود المدير فشّلتنا في السفنجة حت إن بقت ماركة ياها سفنجة :) |
Quote: السفنجه ما عجبتنى يااااخ (هههههههه بقنا لاحاظين زى نسوانا .. الواحد فينا يكون قاعد يحضر في فيلم مندمج مع الحوار وبيحاول يفهم وراء الكلمات في شنو تنط ليك زوجتك وتقول ليك بالله رايك شنو في فستان الممثله دى) |
Quote: يا عربي يا شين عليك الله دي خلقة تصور بيها ......؟؟؟؟ دي هدوم بيت أو بالأصح هدوم نوم ... إنت جايي قاشر بيها ..... !!!!!!!!!!!!!! |
Quote: اتوقع عند لقاء ود المدير وم. المفتاح .. ود المدير يجي لابس بالاضافة للسفنجة + فنيلة (كت) لونها اصفر +رداء كحلي :) |
Quote: واضح انه ود المدير ما ادوه فرقة ...خمشو من خشم الباب |
Quote: وود المدير ... ابو شبشب ( زنوبه ) ..... |
Quote: الناس القاعدة في البلاد العاديّة بتشوف السفنجة غريبة!! أتركهم يا ود المدير، إنهم لا يعلمون |
Quote: شكرا يا مستنير فعلا انهم لا يعلمون و الله عبرت عني تماما |
ول ابا كبر ؤ ود المدير وجهاً لِوجه، إستار بكس كالقري . صور ...ول ابا كبر ؤ ود المدير وجهاً لِوجه، إستار بكس كالقري . صور ... عآد دا كلآم دا !؟، الناس دي شايلة حِسي مالآ ؟...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: للحمام بالكتير داخل البيت
قوم لف |
يا عربي هي، إنت العرّفك شنو كمان ؟.
عليك الله اللففان دا خلني مِنّو، اليوم ديل الدغِت والسكري مسوياتني طوطحانيّة ...
| |
|
|
|
|
|
|
Re: السِّفِنّجة ... (Re: معاوية المدير)
|
ود المدير يا صاحب ..
Quote: الناس دي شايلة حِسي مالآ ؟... |
يا ود المدير انت ليه بتعاين للناس الشايلة حالك وهي مافي مجتمعك ؟! كدي امشي شوف الكنديين لو في زول شال حالك منهم ممكن تعيد النظر في السفنجة. السفنجة مالها عيبها لي ؟ ياخي السنة كلها لابسين الابوات زي العساكر لما نسينا عدد اصابعينا هههههههههههههه لما جانا البذكرنا ليهم ويهويهم لينا نقوم نلوم نفسنا ؟
ياخي هنا الموضة السفنجة وشدة البلاستيك .
| |
|
|
|
|
|
|
Re: السِّفِنّجة ... (Re: مني عمسيب)
|
Quote: صاحبي .. ود المدير .. سلام بنكهة الشوق ورمضانك كريم ..
امبارح لابسة لي سفنجة حومت بيها محل ما دايرة . وبالمناسبة هنا عندنا السفنجة دي حذاء الصيف الوحيد وبنمشي بيها اي محل وكان قلت ليك عندي خمسة طقم مع البلوزات اما الهولندين مدمنين للسفنجات واحذية البلاستيك لانهم ناس عمليين وما بخلو بالهم ذاتهم لي دا لابس كدا ولا دا لابس كدا . يعني بالنسبة لينا السفنجة عادي تقشر بيها وهبوبك يا الله . |
بِت عمسيب حبابا واليوم السعيد الليلآ جابا، ورمضان كريم . وحات الله شِدة ما بريد السفنجات البارح القريبة دي السفنجة بعد شلتها ؤ وداير إشتريها إتذكرت الجماعة الهجموني في البوست دمستها، أها ...
| |
|
|
|
|
|
|
Re: السِّفِنّجة ... (Re: معاوية المدير)
|
واااشري يا ود المدير البتخلي بالك في عتاب الناس ههههههههههههههههههه وكمان تغيير رأيك في قناعاتك آآآآآآآزول اوووووعاك تسمع كلام اكل البعجبك والبس البعجب الناس ! تأكل وتلبس زي مو داير النفس هيلتك والاكل واللبس هيلك هههههه .
Quote: بعد شلتها ؤ وداير إشتريها إتذكرت الجماعة الهجموني في البوست دمستها، أها ... |
| |
|
|
|
|
|
|
Re: السِّفِنّجة ... (Re: مني عمسيب)
|
ياخى السفنجة دى عزيزة علينا دى نعال المصالحة و دخلت تاريخ المنبر من اوسع ابوابو سيبك من بوردارب العالم التالت و ما وراهو الغرقانين فى المظاهر و رمضانك كريم يا صاحب
| |
|
|
|
|
|
|
Re: السِّفِنّجة ... (Re: مني عمسيب)
|
Quote: يا عربي هي، إنت العرّفك شنو كمان ؟.
عليك الله اللففان دا خلني مِنّو، اليوم ديل الدغِت والسكري مسوياتني طوطحانيّة ... |
عرفتها إنت و الفحل ما قصر معاك .....
| |
|
|
|
|
|
|
Re: السِّفِنّجة ... (Re: ABUHUSSEIN)
|
الفحل ذاتو قبل كدة فشلنا في رحلة تركيا شابكنا رحلة عمل مع رجال أعمال وبوفيه مفتوح والدرجة الأولى وبتاع وأول ما نشر صورته في المطار طلع ما شاكي القميص ومكفكف أكمامه زي التقول حايم في السوق العربي
لكن علي الحلال أنا عربي الضهاري دة سفنجتك دي محل الشيشة ما بمشيها بيه أبتبااااااالغ يا ود المدير
| |
|
|
|
|
|
|
Re: السِّفِنّجة ... (Re: ABUHUSSEIN)
|
Quote: سيبك من بوردارب العالم التالت و ما وراهو الغرقانين فى المظاهر |
وهم قاعدين في عالمهم الثالث ... لكن لو مشو للعالم الأول ببقوا العالم الخمستاشر ....
العربي دا خلي يمشي بي سفنجتو دي في شوارع عطبره .....
| |
|
|
|
|
|
|
Re: السِّفِنّجة ... (Re: AL-Qassim)
|
Quote: واااشري يا ود المدير البتخلي بالك في عتاب الناس ههههههههههههههههههه وكمان تغيير رأيك في قناعاتك آآآآآآآزول اوووووعاك تسمع كلام اكل البعجبك والبس البعجب الناس ! تأكل وتلبس زي مو داير النفس هيلتك والاكل واللبس هيلك هههههه . |
معقولة لكن !، عشرة تعليقات ؤ بوست حدادي مدآدي !، يا بت عمسيب انا رغم إني متأكد بعيد من كل الناس ديل السفنجة دي وكِت شلتها في إيدي قعدت إتلفّت زي الحرامي من شِدة ما خايف يشوفني وآحد مِنهم ...
| |
|
|
|
|
|
|
Re: السِّفِنّجة ... (Re: ABUHUSSEIN)
|
الأخ الحبيب .. والمدير معاوية ود المدير ..
يا اخى مالك مقلب علينا المواجع .. ذكرتنا بكلمة " سفنجة " .. ما سمعتها من ما سبنا سوداننا الحبيب حق زمان .. تعرف يا معاوية .. انو .. السودان من أوائل الدول التى قامت بتصنيع " السفنجة " .. آنذاك ..
أتذكر .. سافرنا الى مصر .. بالسكة حديد .. من الخرطوم .. أول مرة الى قاهرة المعز .. كان عمرى على ما أذكر عشر أو اثنا عشرة سنة .. وعندما قابلنا الأهل هناك .. كل واحد منهم .. أعجب بالسفنحة .. قلنا لهم .. هذا من صنع السودان .. هذه " السفنجة " .. تصنع فى السودان .. اندهشوا .. لأن مصر كانت فى تلك الأيام .. لا تعرف شيئاً عن " سفنجتنا " المحترمة .. وبالمناسبة .. عند رجوعنا .. قالوا لنا سافروا بالسلامة .. واتركوا لنا " سفنجاتكم " .. بالفعل رجعنا الى السودان .. بدون " سفنجات " ..
هذه " سفنجة " واحدة ..
وال " السفنجة " الثانية .. هى .. نوع من اللوارى .. لا أذكر ماركته .. أظن ماركة تسمى " بروكوار " .. كانت تحدث صوتاً مميزاً عند الضغط على الفرامل .. أعتقد لهذا سُمى هذا النوع من " اللوارى " .. بال " سفنجة " .. يا حليل الزمن الروح .. يا حليل زمان .. وناس زمان .. وسودان زمان ..
أخوكم وعمكم العجوز بالحيل .. ارنست +++
| |
|
|
|
|
|
|
Re: السِّفِنّجة ... (Re: Osman Musa)
|
المشكلة ما في السفنجة في الكنديين المشكلة الواحد تكون الكراع زي الجروف كل شق يدخل ضب والكراع مكعوجة والضفر الكبير مقلوع ولابس سفنجة وما عارف ده بنطبق على ود المدير الا ابوالحسين المُصفد يكبشر لينا الكراع براها لفحص جدلية إنتماؤها
| |
|
|
|
|
|
|
Re: السِّفِنّجة ... (Re: حمد عبد الغفار عمر)
|
رمضان كريم عليكم السفنجة دى حقت ودالمدير زمن كان بيرعى الغنم فى البِسكِت كان كل مرة يوديها للنقلتى الرباطابى ,, وآخر مرة النقلتى ماعِرف يَخَيِّتا من وين قام حوَّل ودالمدير والسفنجة مستشفى اتبرا عنبر الجراحة ورقد معاها نامن خرَّجوهن وبعد داك سافروا كندا اللتنين وهناك قابل نقلتى متخصص سفنجات بس واهو بقت السنجة القاشر بها فى القهاوى دى هلا هلا من قهوة ودالبيه لاستار بكس
| |
|
|
|
|
|
|
Re: السِّفِنّجة ... (Re: عبدالعزيز الفاضلابى)
|
غايتو حسيت بالندم كوني اول من انتبه للسفنجة انا زول سكري وفوضوي شوية في اللبس .. بحب لبس السفنجة وعندي واحدة زي حقتك دي الخالق الناطق بعدينك يا ناس برة ما تخمونا ساكت .. الحضور بالملابس الرسمية دي عندكم هناك .. نحن هنا نسكسك بالسفنجات
| |
|
|
|
|
|
|
Re: السِّفِنّجة ... (Re: حيدر حسن ميرغني)
|
رمضان كريم ود المدير....
Quote: وحات الله شِدة ما بريد السفنجات البارح القريبة دي السفنجة بعد شلتها ؤ وداير إشتريها إتذكرت الجماعة الهجموني في البوست دمستها، أها ... |
غايتو في السودان لابس سفنجه وسايق عليها مخالفة مرورية ....
| |
|
|
|
|
|
|
Re: السِّفِنّجة ... (Re: ahmedona)
|
التحية للرائع ود المدير .. عن السفنجه ( شب شب ) في ضواحي الدنيا في جزر دنقلا .. ما في قاموس الترابلة حاجة إسمها سفنجه .. لانها غير مجدية لا تحميك من الشوك والعقارب ورمضاء التراب .. وعشرات العوائق في السواقي الحاجات دي للبنات الشابات فقط النهار من منزلها للجيران وتتعمد في إصدار أصوات منغمة كنوع من الدلال والغنج وقد تغني بها أهلنا في أجمل أغنية نوبية وخاصة بصوت وردي ( شبشبكا نقرشي تاني .. أسمراللونا ) كيف تمشي هذه النوبية مع إيقاع الشبشب دي كانت في حلفا .. زمن
ولكن مع البيئة الزراعية وين مع شوك النخيل والسنط والضريساء وفي حاجات كثيرة ما بعرف إسمها بالعربي
مودتي ودالمدير الرائع ..
| |
|
|
|
|
|
|
Re: السِّفِنّجة ... (Re: معاوية المدير)
|
يعني اسي لبس السفنجة بقى يفرز مواطن العالم الأول من التالت؟ تعرف يا ود المدير انا غير تعليق السفنجة كان عندي تعليق تاني قبل اشوف الصورة كنت قايلك تبعنا من اصحاب ابكرشولا وكدا لكن ما شاء الله طلعت رياضي و امورك طيبة سمح مالك قبل رمضان كاتب بوست طويل عريض ما خليت مرض ما حسبته, اظنها جرسة منك كايس فتوى للفطور ساي :)
| |
|
|
|
|
|
|
Re: السِّفِنّجة ... (Re: علي عبدالوهاب عثمان)
|
غايتو الفحل معاه حق و الله كان بكيت عدييييل ما بنخليك و بعد ما فطرنا و الحمد لله بنديك النجيضة السفنجة زمنا كانو بطلعو بيها السحاسيح و عندها مشية خاصة و انت كان قلبت هوبا ما بتقدر عليها
اخونا ابوراس من الفيس قال ليك كلام اقراهو و ما ترميهو في الواطة .. 😂😂😂😂 كندا حقتكم دي نعم ما فيها تراب و لا فيها قزاز مكسر في الشارع لكن زي ما قال ليك احمدونا فيها مخالفة مرورية لو سايق بيها عربية ... بعدين ياخ انت في السودان سفنجة و في كندا سفنجة برضو ..؟؟؟ طيب مشيت كندا لي شنو ...؟؟؟ 😂😂😂😂😂
| |
|
|
|
|
|
|
Re: السِّفِنّجة ... (Re: ABUHUSSEIN)
|
Quote: الفحل ذاتو قبل كدة فشلنا في رحلة تركيا شابكنا رحلة عمل مع رجال أعمال وبوفيه مفتوح والدرجة الأولى وبتاع وأول ما نشر صورته في المطار طلع ما شاكي القميص ومكفكف أكمامه زي التقول حايم في السوق العربي
لكن علي الحلال أنا عربي الضهاري دة سفنجتك دي محل الشيشة ما بمشيها بيه أبتبااااااالغ يا ود المدير |
ههههههههههههههه، يا احمد الفحل دا هو الأوحى لي قصة قِنيفيّطة، يعني قِنيفيّطة مستوحاة من تركيا .
ابالغ شنو يا زول ؟، إنت كان عرفت ريدتي للسفنجة كلآمك دا ما بتقولوا ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: إذا إحتمالك ده وارد ... ممكن تمشي حفيان بالمره يا عمك |
وحات الله يا القاسم انا ألبس بدلتك دي يجيني تشنُّج، هو قالولك السفنجة دي انا يقنت عليها بالساهل ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: خليها السفنجة الجيوب الزي " الرحل" ديل شنو ؟ |
الجيوب الزي الرحل ديل يا قريبي، النوع دا من البناطلين وآسع ؤ مُريح، انا جِني ؤ جِن البنطال الضيّق خاسةً البرد عندنا شديد ؤ لآزم تلبس ملآبس دآخلية تقيلة ؤ كتيرة . بعدينك ياخي لِقيّط الدولارآت دا إنت قايلو هيّن واللآ شنو ؟...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: الأخ الحبيب .. والمدير معاوية ود المدير ..
يا اخى مالك مقلب علينا المواجع .. ذكرتنا بكلمة " سفنجة " .. ما سمعتها من ما سبنا سوداننا الحبيب حق زمان .. تعرف يا معاوية .. انو .. السودان من أوائل الدول التى قامت بتصنيع " السفنجة " .. آنذاك ..
أتذكر .. سافرنا الى مصر .. بالسكة حديد .. من الخرطوم .. أول مرة الى قاهرة المعز .. كان عمرى على ما أذكر عشر أو اثنا عشرة سنة .. وعندما قابلنا الأهل هناك .. كل واحد منهم .. أعجب بالسفنحة .. قلنا لهم .. هذا من صنع السودان .. هذه " السفنجة " .. تصنع فى السودان .. اندهشوا .. لأن مصر كانت فى تلك الأيام .. لا تعرف شيئاً عن " سفنجتنا " المحترمة .. وبالمناسبة .. عند رجوعنا .. قالوا لنا سافروا بالسلامة .. واتركوا لنا " سفنجاتكم " .. بالفعل رجعنا الى السودان .. بدون " سفنجات " ..
هذه " سفنجة " واحدة ..
وال " السفنجة " الثانية .. هى .. نوع من اللوارى .. لا أذكر ماركته .. أظن ماركة تسمى " بروكوار " .. كانت تحدث صوتاً مميزاً عند الضغط على الفرامل .. أعتقد لهذا سُمى هذا النوع من " اللوارى " .. بال " سفنجة " .. يا حليل الزمن الروح .. يا حليل زمان .. وناس زمان .. وسودان زمان ..
أخوكم وعمكم العجوز بالحيل .. ارنست |
يا سلآم علي الطلة الجميلة، يا زول يا سمح ليك وحشة . إتذكر في سفنجة كانت تُصنّع في السودان إسمها القمر بوبا، إحتمال تكون دي المقصودة . منذ وقت مبكر وأنا مغرم بالسفنجات، ؤ لآمن مشينا الثانوي العالي كنت بمشي المدرسة بالسفنجة، ؤ بعد إشتغلت كنت بمشي الشغل بالسفنجة ؤ كان عندي زوج أُختي الله يرحمو دايماً بيكون راصدني الصباح اوآت ما يشوفني لآبس السفنجة يرجعني اغيرا، الحكاية دي إستمرت لحدي ما إتنقلت وزارة الخارجية ؤ برضو كنت بمشي بالسفنجة . الشي الغريب الفنان شرحبيل أحمد كان كثير التردد علي وزارة الخارجية ؤ ما حصل قابلتو إلا وكان لآبس بنطلون جينز وقميص أبيض ؤ سفنجة !.
اللوري السفنجة إفتكر كان بيد فورد، وكان إسمه التخشيبة لآمن يجي جديد بيكون من غير صندوق عبارة عن راس ؤ خشب بالجنبات لذلك يسمونه التخشيبة، والصندوق صناعة محلية، يعني زي تحويل البوكسي لي برينسة، والله أعلم ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: سلام يا ود العم ورمضان كريم . انت يا اخوي لوري ود كرار ال س ف ن ج ة لي الليلة في . |
حبابك ود أعمي عثمان، والله الشوق كيمان كيمان . كلهن في الخاطر موجودات لوري ود كرار، ؤ بص ود البشير (شينة وعاجباني)، ؤ كومر أحمد عبد الله، ؤ كومر ود الحسين، ؤ أُم دالآت واهلآ . عشت يا عثمان ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: المشكلة ما في السفنجة في الكنديين المشكلة الواحد تكون الكراع زي الجروف كل شق يدخل ضب والكراع مكعوجة والضفر الكبير مقلوع ولابس سفنجة وما عارف ده بنطبق على ود المدير الا ابوالحسين المُصفد يكبشر لينا الكراع براها لفحص جدلية إنتماؤها |
هههههههههههههههه، يا منتصر في غياب ابو حسين عادل الباهي ابدع عديييييل كدا . والله صحي . زمان في المدرسة في درس العصُر سرقنا الكورة حقت المدرسة ؤ كنت انا داسيها في شوال، أها قاعدين في الفصل وآحد إشتكي قال، سفنجتو إتسرقت . الأُستاذ جا قال لآزم يفتش الفصل كلو، يا زول انا الجِن ركبني، لكن فجأة الراجل غيّر رايو !، ؤ مرقت منها بعد رجعت الكورة في محلها . مشيت قلت ليهو، يا هاشم ابشر سفنجتك دي قرّبت توديني اللآخرة ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: Ali Aburas الناس ما عارفة ساي معاوية ليه لبس السفنجة. طبعا كان عامل حسابو لو حصل دواس مع محمد كبر يملص السفنجة ويقوم صوف وبي كدا ما يكون خسران كثير. ههههه انا بمزح معاك يا زول يا ظريف. |
مرحبتين حبابك يا علي، يأخي أُخُد رآحتك بالدبُل . الجنا لتيّت خلآس كان دآرت معركة إياني الكنت رآقد وآطة، لكن السفنجة كنت بحقبا في اباطي، كُلو ولآ ابضّع في سفنجتي ...
| |
|
|
|
|
|
|
Re: السِّفِنّجة ... (Re: Mahjob Abdalla)
|
Quote: ياخ السفنجة دي أرقى لبس أنا كما خائف شناف البلد دي ما أشتري جزمة ولا شبط
سفنجة بس |
يا سلآم عليك يا حمد يا راقي، ياخي خاسةً مع جونا بتاع السودان، سفنجة ولا شئ غير السفنجة . انا ما عارف مِنو الجعل السفنجة خاصة بالبيت والحمام فقط ؟، في السودان المفروض نحن نلبس سفنجات ؤ بس، ياخي في المطارات في بلآد الفرنجة عادي ممكن تلقى زول أو زولة ينتعل سفنجة وهو مسافر لما وراء البحار ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: رمضان كريم عليكم السفنجة دى حقت ودالمدير زمن كان بيرعى الغنم فى البِسكِت كان كل مرة يوديها للنقلتى الرباطابى ,, وآخر مرة النقلتى ماعِرف يَخَيِّتا من وين قام حوَّل ودالمدير والسفنجة مستشفى اتبرا عنبر الجراحة ورقد معاها نامن خرَّجوهن وبعد داك سافروا كندا اللتنين وهناك قابل نقلتى متخصص سفنجات بس واهو بقت السنجة القاشر بها فى القهاوى دى هلا هلا من قهوة ودالبيه لاستار بكس |
الفاضلآبي يا قريبي، رمضان كريم . ياخي ستار بكس رغم سمعته العالمية لكنه لا يسوى شئ أمام قهوة ود البيه لبن وآرد غرب اتبرا ؤ زبادي قدُر ما تخمج فيهو ما تشبع، بعد دآك تكركِر كرعيك كداري علي السيالة وكِت سفنجتك نخرتا تِنقطع تطعنلها شوكة نخل تعارضا مِتل خُلآل العتود ؤ تواصل، واكتر محلة معرضة للإصابة في السفنجة هي النخرة لذلك كنا نتفنن في رتقها، مرّة بسير، مرّة بكيس، مرّة بشلتوّت، وهكذا ...
| |
|
|
|
|
|
|
Re: السِّفِنّجة ... (Re: الطيب عباس)
|
Quote: غايتو حسيت بالندم كوني اول من انتبه للسفنجة انا زول سكري وفوضوي شوية في اللبس .. بحب لبس السفنجة وعندي واحدة زي حقتك دي الخالق الناطق بعدينك يا ناس برة ما تخمونا ساكت .. الحضور بالملابس الرسمية دي عندكم هناك .. نحن هنا نسكسك بالسفنجات |
يا عبد الحفيض ياخي السفنجة دي ما يلبسا إلآ زول راقي مِتلك كدي . الملآبس الرسمية ليها محلآتها يا عبد الحفيض، لكن السفنجة لا تعتبر للبيت والحمام هنا بل هي عادي ممكن تتلبس مع الكاجوآل ؤ برضو علي البيتش، وعندنا في كندا الناس يحبوها جداً ويحرصو علي لبسها طول فترة الصيف نسبةً لأنها فترة قصيرة، وفي الصيف سعر السفنجات يرتفع وقد يصل سعر البعض لأكثر من 80 دولآر، عشان كدا انا بشتري سفنجاتي في الشتاء واخزِنِن للصيف . أسأل الله ببركة هذا الشهر الفضيل ان ينعم عليك بموفور الصحة والعافية ...
| |
|
|
|
|
|
|
Re: السِّفِنّجة ... (Re: معاوية المدير)
|
ود المدير كل عام وانت بخير ينعاد عليك رمضان بالصحة والعافية يومكن الطووووويل داك انا هربت قطر هههههه ساعات اقل واجواء رمضانية وصلاة طروايح كما قلت
Quote: لكن السفنجة لا تعتبر للبيت والحمام هنا بل هي عادي ممكن تتلبس مع الكاجوآل ؤ برضو علي البيتش، وعندنا في كندا الناس يحبوها جداً ويحرصو علي لبسها طول فترة الصيف نسبةً لأنها فترة قصيرة، وفي الصيف سعر السفنجات يرتفع وقد يصل سعر البعض لأكثر من 80 دولآر |
احبها جدا فى الصيف في كندا وخاصة الفلات صندل ونمشي مخصوص المولات نبحث عنها ونظبط الرجول بي البديكير والمنكير ونكشخ بيها تحياتى يا مك
بالريال : الصلعة دى ما كان تشوف ليها كاب تغطيها من الصيف
| |
|
|
|
|
|
|
Re: السِّفِنّجة ... (Re: معاوية المدير)
|
Quote: Mohammad Sulaiman · Adama University ودالمدير البس البريحك شن عرف السودانيين كمان ديل الواحد يشترى قميص اكبر منه بي تلات درجات (المقاسه 16 بشترى 19) بعدين دي ما سفنجه ولا هاااا كله عند السودانيين صابون |
سلآمات يا محمد . المحيرني صلعتي دي تشاف من مسافة طُرشُميّة كيلو متر، الناس ديل جلوها ؤ مشوا لي سفنجتي !، والله بس ياهو الشناف يا قول حبوبتي ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: السفنجة مالها عيبها لي ؟ ياخي السنة كلها لابسين الابوات زي العساكر لما نسينا عدد اصابعينا هههههههههههههه لما جانا البذكرنا ليهم ويهويهم لينا نقوم نلوم نفسنا ؟ |
هههههههههههههههههههه، والله صدقتِ يا بت عمسيب، ياخي الوآحد عشان يملُص البوت يكون وآقف ساعة جنب الباب لحدي ما ناس البيت يفتكروهو مرق تاني ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: ما عارف ليه قصة الناس مع السفنجة دي ذكرتني بي كلبة ود اليمني ؟ كدي واحد ينزّل لينا الرمية دي يمكن نكتشف العلاقة |
أها، إن شاء الله تكون كشفت العلآقة ؟...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: رمضان كريم ود المدير....
غايتو في السودان لابس سفنجه وسايق عليها مخالفة مرورية .... |
سلآمات يا احمدونا . الله اكرم، نسأل الله ان يتقبل منا ومنكم الصيام والقيام .
مخالفة عديييل كدا ؟!، ياخي دا إضطهاد لا نرضاه للسفنجة التي وبحسب ظروف الجو في السودان يفترض اليلبس غيرا يعملولو مخالفة ...
| |
|
|
|
|
|
|
Re: السِّفِنّجة ... (Re: MOHAMMED ELSHEIKH)
|
الحبيب ود المدير .. مودتي ..
السفنجه ونسيمها ( شب شب ) في ضواحي الدنيا في جزر دنقلا .. ما في قاموس الترابلة حاجة إسمها سفنجه .. لانها غير مجدية لا تحميك من الشوك والعقارب ورمضاء التراب .. وعشرات العوائق في السواقي الحاجات دي للبنات الشابات فقط كمان بالنهار عندما تقدل من منزلها للجيران وتتعمد في إصدار أصوات منغمة كنوع من الدلال والغنج تسمع لشبشب ايقاع منغم مع خطوات المشي .. وقد تغني بها أهلنا في أجمل أغنية نوبية وخاصة بصوت وردي ( شبشبكا نقرشي تاني .. أسمراللونا ) كيف تمشي هذه النوبية مع إيقاع الشبشب ويسمي وردي ايقاع الشبشب ( بالنقرشة ) وزمان في مجتمعنا كان مقياس الجمال بمدى إكتناز جسد البنت .. دي كانت في حلفا .. زمن الجميل .. يخرب بيت عبدالناصر ..
ولكن مع البيئة الزراعية لا مكان للشبشب .. وحتى زمان كان نوع من العيب أن يلبس الرجل الشبشب وين مع شوك النخيل والسنط والضريساء وفي حاجات كثيرة ما بعرف إسمها بالعربي ..
هذه ثقافة السفنجة في الشمال النوبي .. زمان زمان ..
مودتي ودالمدير ..
| |
|
|
|
|
|
|
Re: السِّفِنّجة ... (Re: معاوية المدير)
|
Quote: التحية للرائع ود المدير .. عن السفنجه ( شب شب ) في ضواحي الدنيا في جزر دنقلا .. ما في قاموس الترابلة حاجة إسمها سفنجه .. لانها غير مجدية لا تحميك من الشوك والعقارب ورمضاء التراب .. وعشرات العوائق في السواقي الحاجات دي للبنات الشابات فقط النهار من منزلها للجيران وتتعمد في إصدار أصوات منغمة كنوع من الدلال والغنج وقد تغني بها أهلنا في أجمل أغنية نوبية وخاصة بصوت وردي ( شبشبكا نقرشي تاني .. أسمراللونا ) كيف تمشي هذه النوبية مع إيقاع الشبشب دي كانت في حلفا .. زمن
ولكن مع البيئة الزراعية وين مع شوك النخيل والسنط والضريساء وفي حاجات كثيرة ما بعرف إسمها بالعربي
مودتي ودالمدير الرائع .. |
حياك الغمام أخي علي .
Quote: وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُو. |
الأصوات المنغمة دي يا أُستاذنا علي تدخل في الآية، شُفت كيف !، والسفنجة كان ماركتا إسمها القمر بوبا، والقمر بوبا في الغنوة تعني الفِدايات وهي نوع من الحلق في ذلك الزمان وإسمها بالعربي الفصيح (الخَدمات) وهي جمع خَدمة بالفتح، أما جمع خِدمة فهي خِدمات بكسر الخاء وهذا خطأ شائع في محيط متحدثي العربية . أهلنا الترابلة بقرعوا حفيانين عشان كِدا كرعينهم بيشققن في الشتاء مع البرد ؤ تلقاهم الوآحد طول الليل قاعد يطقطِق فوقهن الودك ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: تعرف يا ود المدير انا غير تعليق السفنجة كان عندي تعليق تاني قبل اشوف الصورة كنت قايلك تبعنا من اصحاب ابكرشولا وكدا لكن ما شاء الله طلعت رياضي و امورك طيبة سمح مالك قبل رمضان كاتب بوست طويل عريض ما خليت مرض ما حسبته, اظنها جرسة منك كايس فتوى للفطور ساي :) |
ههههههههههههههههه، ياخي مولآنا بتاع البِل دآك طوالي اداني فتوة، قال لي أمراضك ديل كلهِن بيوجبن الفطر مع عدم القضاء والكفارة، وانا باقي عقيدتي فيهو قويّة بالحيل . دولآب بتاع أمراض ؤ كرشولآ !، طيّب ما ادي نفسي طلقة في نص الصلعة راجي شنو . ياخوي لا جرسة ولا حاجة، اللمرآض ديل نُص شلهتة والنص التاني حِرّة قلب ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: غايتو الفحل معاه حق و الله كان بكيت عدييييل ما بنخليك و بعد ما فطرنا و الحمد لله بنديك النجيضة السفنجة زمنا كانو بطلعو بيها السحاسيح و عندها مشية خاصة و انت كان قلبت هوبا ما بتقدر عليها
اخونا ابوراس من الفيس قال ليك كلام اقراهو و ما ترميهو في الواطة .. 😂😂😂😂 كندا حقتكم دي نعم ما فيها تراب و لا فيها قزاز مكسر في الشارع لكن زي ما قال ليك احمدونا فيها مخالفة مرورية لو سايق بيها عربية ... بعدين ياخ انت في السودان سفنجة و في كندا سفنجة برضو ..؟؟؟ طيب مشيت كندا لي شنو ...؟؟؟ |
الفحل دا منو كمان ؟، ثم يا عربي إنت انا ما تشوفني كدي مشية بتغلبني مافي . الحاجة المحيراني مخالفة السواقة بالسفنجة دي !. في كندا دي السفنجة انا بلبسا بالكتير شهرين باقي السنة كان لبست سفنجة البرد بيحِت لي اصابعيني زي القمل الكان بيتحتَّ من رويسك زمان ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: ود المدير يا ابصلعه ههههه ازيك يا راقي ههههههههه السفنجه تستخدم كسلاح فتاك في المشاجرات المنزلية هه سفنجتك فيا دبابيس ولا لا ؟؟ |
ود عباس، الحِجامة خبرا شنو ؟، سفنجة هي واللآ دبآسة ؟...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: ود المدير كل عام وانت بخير ينعاد عليك رمضان بالصحة والعافية يومكن الطووووويل داك انا هربت قطر هههههه ساعات اقل واجواء رمضانية وصلاة طروايح كما قلت
احبها جدا فى الصيف في كندا وخاصة الفلات صندل ونمشي مخصوص المولات نبحث عنها ونظبط الرجول بي البديكير والمنكير ونكشخ بيها تحياتى يا مك بالريال : الصلعة دى ما كان تشوف ليها كاب تغطيها من الصيف |
وإنت بخير وجميع الأهل طرفك تصوموا وتفطروا علي خير . إنت ما بتعرفي تجي بلآ عكنيبة ؟،هههههههه . الإمساك 3:41 am الإفطار 9:53 pm تصدقي . غايتو كاب الجداد دا كان ما بيعمل لي صُداع صلعتي كان سبحتو ما تشوفوها، بس الله كاتب لي عدم سُترة في الدنيا دي ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: السفنجة ماهينة ولا لينة
الفنانة انصاف الدفيتة قالت:
يا اللابسين سفنجات وفوق الصلعة كابات في استاربكس قاعدين كيتا للخواجات |
هييييييييييييييييييييع، قولها ود خالي قالك ابِشري يام عجاجةً لآوية ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: ياخى السفنجة دى عزيزة علينا دى نعال المصالحة و دخلت تاريخ المنبر من اوسع ابوابو سيبك من بوردارب العالم التالت و ما وراهو الغرقانين فى المظاهر و رمضانك كريم يا صاحب |
طبعاً هذه المُدآخلة تُركت عمداً حتي تكون تحلية البوست، ونسأل الله ان يتقبل منا ومنكم الصيام والقيام ويجعلنا من عتقاء هذا الشهر العظيم .
ود المدير ...
| |
|
|
|
|
|
|
Re: السِّفِنّجة ... (Re: معاوية المدير)
|
سلام ود المدير وضيوفه
Quote: الحاجة المحيراني مخالفة السواقة بالسفنجة دي !. |
ياخوي دا سودان العجايب ما تحتار فيهو ، عندنا سواق حافلة وقفو عسكري المرور فتش سما واطة ما لقى فيهو فرقة مخالفة في النهاية عاين لراسو قال ليهو شعرك كتير !!!!!!! السواق قاليهو انت عسكري ولا أستاذ ،،، العسكري ضحك ونزل
والله صحي على قول المقالة ..
رمضان كريم
| |
|
|
|
|
|
|
Re: السِّفِنّجة ... (Re: MOHAMMED ELSHEIKH)
|
تحياتى ود المدير ورمضان كريم
السفنجة ( شب شب ) كان موضة مع اختها الشِدّة بلاستيك ( لون ابيض ) وجلاليب الدبلان وعراريق وزن عشرة التلميذ فى المدرسة الاولية كان يلبس جلابية دبلان شدّة بلاستيك ( والخرتاية من قماش وزن عشرة )
ياخ السفنجة كان ليها شنّة ورنّة .. اليوم يستخدم فى الحمام فقط ..
| |
|
|
|
|
|
|
Re: السِّفِنّجة ... (Re: علاء سيداحمد)
|
تعرف ياود المدير عمك عوض كلونيا الله يرحمه احد ظرفاء مدينة بربر وكاتب الارضحالات المشهور عنده قصه لذيه مع السفنجه دى بحكيها ليك
قريبنا ود منصور شغال فى البلديه وصاحبا لكلونيا دا اها يوم عمك عوض كلونيا جاب ليه جواب قاليه اقرا الجواب دا انا كاتبه للعقيد القذافى وهو طبعا كان بحب القذافى شديد اها لمن ود منصور فتح الجواب لقاه كاتب الاخ معمر القذافى قائد ثورة لافاتح من سبتمبر المجيدة تحياتى ارجو ان ترسل لى برينسه وشكرا صديقك والمعجب بك عوض كلونيا محكمة بربر
اها ود منصور قام قاليه لكن يا كلونيا القذافى ده برينسه دى ما بفهمها ليك قام عوض كلونيا جبد الجواب من يده وقال ليه فك الجواب ده ياخ فكاك بله ياخدك اكان فهمها سفنجه ورسلها لينا نحن ما خسرانين حاجه ياخ
| |
|
|
|
|
|
|
Re: السِّفِنّجة ... (Re: عادل عبدالعزيز عبد الرحيم)
|
Quote: ياخوي دا سودان العجايب ما تحتار فيهو ، عندنا سواق حافلة وقفو عسكري المرور فتش سما واطة ما لقى فيهو فرقة مخالفة في النهاية عاين لراسو قال ليهو شعرك كتير !!!!!!! السواق قاليهو انت عسكري ولا أستاذ ،،، العسكري ضحك ونزل
والله صحي على قول المقالة ..
رمضان كريم |
حباب يوسف، الله أكرم . السودان دا بقى زي الثعلب يا قول المسطول، يعني تتوقع مِنّو ايّ شي . والله صحي ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: Mohammad Sulaiman · Adama University ودالمدير البس البريحك شن عرف السودانيين كمان ديل الواحد يشترى قميص اكبر منه بي تلات درجات (المقاسه 16 بشترى 19) بعدين دي ما سفنجه ولا هاااا كله عند السودانيين صابون |
سلآمات يا محمد . يأخي يا قول الغناي، الناس ما بتريّح ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote: تحياتى ود المدير ورمضان كريم
السفنجة ( شب شب ) كان موضة مع اختها الشِدّة بلاستيك ( لون ابيض ) وجلاليب الدبلان وعراريق وزن عشرة التلميذ فى المدرسة الاولية كان يلبس جلابية دبلان شدّة بلاستيك ( والخرتاية من قماش وزن عشرة )
ياخ السفنجة كان ليها شنّة ورنّة .. اليوم يستخدم فى الحمام فقط .. |
رمضان كريم يا علاء . حليل زمن الصبا يا علاء، ان من شبيت مُغرم بالسفنجة ؤ يا علاء بالزات في سوداننا الحبيب ؤ حسب الجو يُفترض تكون نمبر 1 ياخ ...
| |
|
|
|
|
|
|
Re: السِّفِنّجة ... (Re: معاوية المدير)
|
شكرا ود المدير
أنا قلت أخونا معاوية اليوم بيكتب عن السفنجة اللوري البدفورد محبوبتنا القديمة قبل قدوم الهينو زد واي
يا حلاتها لما تكون شاحنة تكويشة ومربوط ليها (كوز)
أحمد الشايقي
| |
|
|
|
|
|
|
Re: السِّفِنّجة ... (Re: أحمد الشايقي)
|
Quote: اها ود منصور قام قاليه لكن يا كلونيا القذافى ده برينسه دى ما بفهمها ليك قام عوض كلونيا جبد الجواب من يده وقال ليه فك الجواب ده ياخ فكاك بله ياخدك اكان فهمها سفنجه ورسلها لينا نحن ما خسرانين حاجه ياخ |
ههههههههههههه، عادل يا سليل ود الفراش، ياخي السفنجة انا عندي لا تقِل عن البرينسة في شي الفرق بس البرنسة بترفع الكرعين بمكنة والسفنجة بترفعِن بسيّر . العيد يتبارك عليك وعلي أهلنا ناس بربر السمحين ...
| |
|
|
|
|
|
|
Re: السِّفِنّجة ... (Re: معاوية المدير)
|
Quote:
Ali Aburas
الناس ما عارفة ساي معاوية ليه لبس السفنجة. طبعا كان عامل حسابو لو حصل دواس مع محمد كبر يملص السفنجة ويقوم صوف وبي كدا ما يكون خسران كثير. ههههه انا بمزح معاك يا زول يا ظريف.
أعجبني · رد · 8 يونيو، 2016 08:14 ص
Ali Aburas
،،،،،،،
|
عزالدين عباس الفحل ابوظبي
| |
|
|
|
|
|
|
| |