ظاهرة التسول

Quote: ولا بد من توفير معسكرات لهم قبل استقبالهم

لا وشوف طقم التعاطف الفوق دا قدر شنو

"قبل استقبالهم" دي يعني السوري ولا الفلسطيني يضرب تلفون من هناك ويقول: "أها أنا قايم جاييكم لاجي". يقوموا يجهزوا ليهو "مستلزمات اللجوء" هنا يجي يلقاها جاهزة بدل المرمطة والصفوف. هسع يا قدورة عندك فكرة إنو كل الدول الإسلامية ما بتقبل لجوء الأفارقة إلا في أضيق نطاق؟ بل في واحدين ما بيقبلوا السوريين ولا الفلسطينيين العاجبنك ديل ذاتم. عندك فكرة عن حادث ميدان المهندسين؟ عندك فكرة عن أحداث اللاجئين السودانيين في الأردن والفلسطينيين عملوا معاهم شنو؟ عندك فكرة عن السوداني دا عاملوهوا كيف في لبنان؟ http://sudaneseonline.com/board/490/msg/1466176592.html عندك فكرة عن مدى احترام الأثيوبي والارتري والنيجيري لسودانيتك دي؟ غايتو لو كان تبريرك إنو "الدين أمر بكدة" بنعذرك فانت مجرد "مسلم" ____ بعدين يا أخوي انت عارف القوانين الدولية للجوء بتقول شنو ولا شغال بالحنية ساكت؟