مواصلات مجانية في السودان

Quote: المشكلة ما في جمع النفايات لأنو النفايات أصلاً مجموعة ومكومة .. المشكلة في انو كيف تطلعها من عاصمة ضخمة بحجم الخرطوم .. وبعد تطلعها تعالجها كيف عشان ما تحصل كارثة بيئية الموضوع ده تكاليفو السنوية بي ملايين الدولارات .. خليك من إنو عايز ليهو محطات فرز وإعادة تدوير وخبراء يبقى خلينا نكون واقعيين ، مافي مبادرة في الدنيا كلها ممكن تعالج مشكلة زي دي نعم النفايات ما جات من السما وطالعة من جوا بيوتنا لكن الناس دافعة قروشا أمشي شوف رسوم النفايات البيتم تحصيلها من المصانع .. الشركات .. المحلات ، خليك من البيوت حا تلقا إنها مبالغ خرافية وين الجهات المسئولة من الموضوع ده؟ والقروش القاعدين يخموها من الناس ، بتمشي وين؟ اليابان قريب ده قدمت منحة لي موضوع النفايات 100 شاحنة بتكلفة 14.8 مليون دولار .. الحاجات دي بنسمع بيها فقط ما شايفين شئ على أرض الواقع .. ما من حقنا نستنكر الشئ البيحصل ده ولا كيف يا فرانكلي ؟؟ جاييك راجع إن شاء الله لي بقية النقاط ..