|
|
|
 Re: انا دي بري بري (Re: عبدالحفيظ ابوسن)
|
صاحبك عصام سيك، طبعا ما بركب مواصلات، حكى لي امبارح، جاي كداري من السوق لغاية بيتهم في مربع 42
قال لي من شدة الحر، قعدت خمسة دقايق افتش في سلك السقاطة اصلو ما لقيتو، قام دق الباب، فتحت ليهو بت الجيران
----------
ما تصوموا ياخ، اصلو جاء في البخاري!
| |
 
|
|
|
|
|
|
|
|
Re: انا دي بري بري (Re: معاوية الزبير)
|
تعرف يا صاحب عندي tension headache من وانا طفل صغير . اها بتاورني كل فترة .. بقا مستديم هسة مع قطعة الكهربا والسخانة
قالوا
الزول في الدوحة قال لي مرتو
نمشي نصوم رمضان في السودان
قالت ليهو
انا دي
لا لا
بري بري
امشي لي رمضان في محلو
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
لسان حال اولادنا في رمضان المقبل ...
لا تصوم يا بابا نحن في انتظارك 😂😂😂
على وزن لا تسرع يا بابا نحن في انتظارك ..
ابسن اخوي كان اسمو رمى ضان لكن السنة دي برمي رجال ليهم شنبات ..النسوان احسن شوية ضاربات الضللة وحتى الشغالات شغلهن ما صعب
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
تعرف بحكم السكري كنت بصوم .. لكن بفطر عند اي تعب .. مرات بكملو او بصوم 19 يوم دة ادني حد صومتو . انا مع فطوري اكتشفت معلومات انطباعية جدا لكنها تقرب للحقيقة
المحلية بتدفع المطعم حوالي 3/5 مليون بالقديم . وتسمح ليهو يفتح في رمضان !! وهو امر مستغرب جدا .. فهم يمنعون فتح المطاعم في رمضان !! لكنهم يشترطو علي المطعم الذي يسدد الرسوم ان يستر المطعم من المارة بستار يشف عما وراءه !!
اها الزيادة دي بتحملها الفاطر زكاة فطر غير مباشرة ! سعر الطلب بزيد
بتاع المطعم زاتو بقوم بأجر لي ست شاي داخل سور المطعم ..
الحياة جوة المطعم زاخرة بالنشاط اللارمضاني .. ام فتفت والشية والبصل والشطوط وكلو في .. الشاي والجبنة والسجاير مدور
اكتشفت العالم دة مرة واحدة . ولقناعة تخصني بقيت اجيب معاي سندوتيش بيض او فول من البيض .. بدون بصل او اكل ذو رائحة ..
ف شنو
يا معاوية قعدت جوة المطعم وانا خجلان جدا .. ما تقول لي ليه .. وخشيت بتدبا زي السارق او خاش منزل احرار ولا شربة .. اها اي زول بقعد جمبك .. يبادرك دون ان تسأله
والله الكلي الايام دي هايجة علي
السكري زايد
الملاريا الدكتور قال لي افطر
ف تحس انو الزول فاطر وخجلان وداير يبرر لي نفسو قبل يبرر ليك
منظر الشارع خارج شريعة المحلية وصكوك غفرانها منضبط جدا .. لكن دخول المطاعم بديك انطباع انو الناس دي معظمها جالدو
دة غير ناس الحلل الفي البيوت
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
هههه يا ود دفع الله
دة رمي ضان ولا رمي بقر عديل
عليك امان الله الساعة 7 صباحا تعاين للشمش دي تلقاها نار حمرا .. ولامن الساعة تعمل عشرة الطير زاتو تلقاهو خش الضل .. لا كلب لا طيرة لا غيرو .. شوف عيني ابوالدبرق جا واقع من راس الحيطة .. داخ عديل
هسة تمانية وربع لو كنت نايم وفتحت لو سألوك تقول واحدة ظهرا
الله يثبت الاجر
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
من اجمل المواقف التى تحضرنى و ترسم الضحكة رغم تباعد الزمن
موقف واحد من خيلانى
مجنون عرقى عديل كده
قاعدين الناس معاهو و منتظرين طلة الشهر فى يوم الترقب
الساعة سبعة جات
الرادى و التلفزيون الاتنين فاتحين
و لا خبر عن رمضان
الساعة تمانية جات
لا ثبتت الرؤية و لا قالوا بكرة ما رمضان
و نشرة تسعة والاخبار كملوها كان داخلية او خارجية و لا خبر عنه
اول ما جات الفقرة الرياضية طبق قزازتو و جرى على ست العرقى
قفل التلفزيون و الرادى
و بدا يكرغ
زى حداشر جاهو اخوهو الكبير و قال ليهو
رمضان اعلنوهو باكر
قال ليهو جبت الخبر ده من وين
قال ليهو من التلفزيون قال ليهو
و هو فى زول بيصدق التلفزيون !!!
-----
اب سن
يتبارك رمضانك
و عساك من عوادو
اما صاحبك ود الزبير
خليناهو للبخارى
كان يديهو بخرة
ظى حداشر جاهو اخوه
| |
|
|
|
|
|
|
|
|
 Re: انا دي بري بري (Re: حيدر حسن ميرغني)
|
هلا ود اب سن والشباب
| Quote: الحياة جوة المطعم زاخرة بالنشاط اللارمضاني .. ام فتفت والشية والبصل والشطوط وكلو في .. الشاي والجبنة والسجاير مدور |
وديل كلهم عندهم رخصة فطر ول كيري ساي
الغريبة أم فتفت والشية ديل في رمضان بكونن حلوات حلا ومظبطات عشان الناس شوية ول شنو ما عارف
ياخ السودان دا إبداع لو خلو الناس تتعامل بطبيعتها
| |
|
|
|
|
|
|
|
|
|
Re: انا دي بري بري (Re: حمد عبد الغفار عمر)
|
تعرف يا جلال
حكي لي الصديق كمال معاذ اظنو والان هو بسلطنة عمان .. رمضان مسخن وقتها .. وصحو نايمين جوة الاوضة هو ومجموعة من اولاد اهلو . صحو وما عارفين الساعة كم .. واحد داير يفتح باب الاوضة يشوفها اصبحت ولا لسة عشان السحور .. نهروهو ليك
ضربو سحورهم وادمدمو نامو
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
ههههه يا معاوية اتذكرت بدون رابط نكتة برنارد شو .. قالوا ليهو ادي الجايزة لافضل عسكري .. ندهو الاول والتاني والعشرين وو .. ما اداها لي زول .. اداها للطيش
سألوهو ليه
قال ليهم ابلد واحد في العسكرية اقرب زول للمدنية
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
تعرف يا حيدر
منعم اخوي والان طبيب بالسعودية ونحن في العالي . اذاعو العيد .. جيتو فرحان العيد ثبتوهو
قام قال لي ببرود
يعني السنة الجاية رمضان مافي
قلت ليهو
لا في
قال لي
طيب فرحان مالك
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
والله صحي يا حمد
تعرف كنا اطفال . 3 صبيان بنمشي مع ابوي الدكان وكنا دون سن الصوم
اها ابوي في رمضان بقطع لينا الطماطم والجبنة وزيت السمسم والسلطة للفطور .. الوقت داك لم تكتشف الدكوة ! ولم يأتي هؤلاء الانقاذيون المتحايلون علي الدين للسلطة فما كان في مطاعم فاتحة بالدس زي البوليس السري حينها .. منزل حسن علي حمدان البوليس السري
بقطع لينا الكلام دة ونجيب الرغيف .. والله والله لازلت ابحث عن طعم تلك الاكلة حتي الان
رحم الله ود اب سن
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
هههههههههههههههههههههههههههههههه
والذي أراه حقاً
أن رمضان ( رضى الله عنه ) قد دخل في عضامكم باااااكراً
وجعلكم ( تضربون به ) قبل مجيئه
لا زلت أضحك من طرفة أخونا ود الزبير ( الحى البيقابض دا ) مع أخواننا الجمهوريين
إذ فتح أخواننا الجمهوريين ثبل كم سنة زى كم بوست كدا عن عدم وجوب ذبح الأضحىة
فكانت مداخلة ود الزبير ( التاريخية )
" الضحية أم شربوت دي خلوها شوفو لينا دبارة في صيام رمضان "
| |
|
|
|
|
|
|
|
|
Re: انا دي بري بري (Re: عاطف عمر)
|
لا زلت أضحك من طرفة أخونا ود الزبير ( الحى البيقابض دا ) مع أخواننا الجمهوريين
إذ فتح أخواننا الجمهوريين قبل كم سنة زى كم بوست كدا عن عدم وجوب ذبح الأضحىة
فكانت مداخلة ود الزبير ( التاريخية )
" الضحية أم شربوت دي خلوها شوفو لينا دبارة في صيام رمضان "
_______________
لتصليح حرف
إختلاط الحابل بالنابل عند التعديلات جننا جن
| |
|
|
|
|
|
|
|
|
|
Re: انا دي بري بري (Re: عاطف عمر)
|
هههه عاطف كيفك ياخ
اخوانا الجمهورين كانوا لا بضحو لا بياكل الضحية
فكان الوالد يحضر 3 كيلو ضان لاحمد اخوي في عيد الضحية من غير خانة اللعب !!
اها بعد زمن بقا يضرب معانا الشية والمرارة واب غازي ويتمها شربوت
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
قبل ان يكتشف الانقاذيين السودان
زمااااان
لا مطاعم ولا يحزنون في رمضان لا بي تصديق ولا بامر اغلاق . تقفل المطاعم والبارات والاندايات وببوت الاحرار في رمضان .. براهم بقفلو دون قيام ليل او تهجد في المساجد بسماعات الساوندسيستم يخلوك تتهجد في سريرك
اها
جا واحد من ناس الخلاء الرواعية ل سوق كوستي . ودقش المطاعم والقهاوي لقاهن جت مقفلات .. اندهش
قالوا ليه دة شهر رمضان وشرحو ليهو
بعد سمع الشرح قال ليهم
اها رمضان دة فرض فرضتو الحيكومة ولا اقتصاد معيشة
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
ايمن الصادق كيفينك ياخ
عمي المرحوم ودالشريف بحكي لي
رمضان كم وسبعين جا مسخن سخانة جد .. نصة نهار بتبصق دقيق .. ريقك ناشف وشلاليفك ناشفات .. ونحن عزابة جداد ... النهار ما بتقابل ونحن شغالين حمارة ( نظام عتالي لكن بشيل في الحمار نقل تجاري ) .. والسحور طوالي ناسينو ونتذكرو نصة نهار والندم يركبنا
ام العيال مرسلة لي رقاق ..اليوم داك نويت ليهو نية كعبة تب . اشتريت رطلين لبن وجبت الرقاق واشتريت حلة . حسب حرارة رمضان بليت الرقاق !! وصحيت السحور .. الرقاق فار وملا الحلة وانا ضايق زرة النهار قلت الا اكملو .. اشرب واقيف .. لامن سدري طقطق .. كملت الحلة وقالت لي انعدل .. كرعيني ماتت وبطني اتندلت وبقيت زي التامبيرا .والقومة غلبتني . الشمش جاتني وفاتت غلبني اقوم .. وحات الله لا صبح لا ضهر لا عصر ما شفتهم وحماري ما شديتو ولا علقت ليهو .. الرقاق داير يشقني
| |
|
|
|
|
|
|
|
|
 Re: انا دي بري بري (Re: عبدالحفيظ ابوسن)
|
مرت السنوات و تطور السودان الي الخلف
صيف اخر عاد و اغلبية السودان موعود بالتكيف الذاتي رش البرندة و الغطاء بي توب مبلول
وحمام حمامين نص النهار
وتفتيش قطعة تلج وعمل عصير الليمون قبل الفطور بي نص ساعه او ساعه كده
:)
غايتو سيد جرسة اذا عمل حلقات مسلسل السنه دي الا يسموه ( كلكم جرسة ) .. لووول
حبابكم ياخي :)
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور
| |
|
|
|
|
|
|
|
|
|
Re: انا دي بري بري (Re: فيصل محمد خليل)
|
| Quote: " الضحية أم شربوت دي خلوها شوفو لينا دبارة في صيام رمضان " |
ههههه بالله يا عاطف أنا كتبت الكلام دا للناس المؤدبين ديل
غايتو إلا أكون فاطر
| |
|
|
|
|
|
|
|
|
|
Re: انا دي بري بري (Re: معاوية الزبير)
|
مرحب شهاب
زمان بيوتنا مبنية علي اساس التهوية واتجاه رياح الصيف.. وحتي مواد البناء تراعي المسألة دي .. اللبن والقش والرواكيب والسقف البلدي والرملة المفروشة داخل البيت
ونعنشنا شوية قبل الان فبنينا مع اخذ وجود الكهرباء في الاعتبار . البيوت خزن اسمنت والحيشان ضيقة .الناس تشيل وتبني
اها الناس ديل الذين امتنو علينا بالكهربا اللابنو خزانها ولا جابو طوربيناتها رجعونا لزمن قبل دخول الكهربا ..
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
ههههه يا فيصل
لا ياخ كمان ما قدر دة
عليك امان الله من يهل شهر المولد يقولو ليك رمضان كبس
قطعو البصل ونشفو
جيبو الشرموط وشققو وشرو
الويكة
ال
ال
يدخلو فيك عطشة لي يوم الوقفة ما تمرق
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
بحكي لي ود عمي عثمان عمر ابوسن
في ربك بفطرو برة في الشارع .. والامام مصر ياكلو بلحة ويقومو يصلو .. بعد الصلاة يقعدو للاكل والشراب
تحلل الصيام وتصلي .. المغرب ضيق والمغرب غربب لو ما حصلتو بروح عليك
الشباب مطنطنين لكن مافي طريقة
اها يوم قولت الله اكبر تجي غنماية وتمشي علي الصواني .. الامام استعجل اتمام قراءة الفاتحة وبعدها طوال الهاكم التكاثر .. والتكاثر دي قسمها نصين .. ال تك اثر .. وتك دي نهرة عديل .. الصف الورا رقد سلطة بالضحك .. واعمامك الكبار شرقو بالكتكتة
من اليوم داك بقو يشبعو حتي يقومو يصلو
قال ليهو
هسة لو اكلنا تفتكر الكلب كان شال الصلاة وقام جاري
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
ود اب سن حبابك يابا
والله حزنت لواقع الأهل في السودان بدون كهرباء
وبقى الواحد يزوغ من السؤال عن أحوالكم كيف
والد زوجتي جبنا زيارة للرياض في رمضان الفات .. المهم ضرب التكييف واليوم كله نايم
وكان هناك أشغاله كثيرة جداً بين التدريس والتجارة والزراعة
الجماعة جوو يسلموه عليه وسألوه أها كيف رمضان معاك
قال ليهم كويسين .. غايتو إلا أرجع أعيده 
مودتي
| |
|
|
|
|
|
|
|
|
|
Re: انا دي بري بري (Re: Dr. Ahmed Amin)
|
تعرف يا ابوعاقلة قبل بضع سنوات جانا رمضان بارد تلج بس . عليك امان الله الاذان يأذن ما نجيب ليهو خبر .. ياخ طعم رمضان زاتو ما ضقناهو
رمضان دة لو ما قبل نص ساعة قعدنا في البرش وقطعنا الونسة ووقفنا الرادي والتلفزيون وسكتنا العيال وبقينا نصنت لي الاذان ونتغالط
اذن ؟!
ما اذن
دة اذان الرادي
ويا شافع كدي اتاوق في الشارع للناس البفطرو برة . يشوفهم مدو يدهم علي خشمهم ولا لسة
تفطر .. وتمسك جك الموية الا يمسكو منك
يا زول الموية بتضرك اكل اول
وتفطر وتنبطح في البرش جنازة بس . وتخت ليك سفة لامن راسك يلف وتعيد طعم اول سفة
مرات لامن تنوم
| |
|
|
|
|
|
|
|
|
 Re: انا دي بري بري (Re: عبدالحفيظ ابوسن)
|
| Quote: قال ليهم كويسين .. غايتو إلا أرجع أعيده |
تحياتي يا عبد الحفيظ وكل الضيوف الكرام
على وزن كلام أبو عاقلة دا عندنا عمنا جابو ولدو زيارة رمضان الفات عمل تكل في الفريون دا وانبسط كوييييييس وعمرة اخر رمضان وعيد في المدينة ههههههههههههه السنة دي عمك كبس هنا قبل رمضان دا بي شهر... اها سألتو ان شاء الله مطولين معانا شوية قال لي يا زول صايمين هنا علي الطلاق تاني رمضان اب كهربتن بتقطع داك فارقناهو تب وبقى يردد (الفريون الفريون يااااااااااااا)
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
Ahmed University of Makati
اب سن سلام
ذكرتنا رمضان بداية التسعينات مرقنا بدري من رفاعة ماشين مدني بالشرق ركبنا البوكس معاي خالي والسواق ,, خالي زول ساهلة طوالي قال ان الله يحب ان تؤتى رخصه
السواق عنقد قال مابيفطر .. فطرنا انا وخالي ..المهم مشينا قضينا شغلتنا ورجعنا غشينا حلويات سلا شلنا لينا كم كيلو باسطة لمن وصلنا رفاعة خالي قال نغشى الجزارة نزلت جبت لي كبدة ضان مقفولة وصاحبنا السواق يعاين فيني شديد قلت ليه مالك اّ زول قال لي هسي الكبدة دي بتنجضوها ولا بتاكلوها نية.... وخالي يعاين فينا قال ليه يازول حرررم تفطر.
أعجبني · رد · التحديد كبريد إلكتروني غير هام أو احتيال · 8 ساعة
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
أهلا بالظريف ود أب سن والقروب .
رمضان كريم وربنا يتقبل منكم جميعاً .
الصيام في السودان فعلاً حار وحار جداً
لذا سوف يكافؤون بجزاء ومثوبة أوفي
ومن الطرائف الذي ما زالت في الذاكرة
لدي صديق عزيز وهو من ظرفاء قريتي
وعمله فني تبريد وتكييف ، حضر لمنزل
أحد المعارف لاصلاح الثلاجة في نهار
رمضان وبعد لحظات بدء يلتهم ما بداخلها ،
من أطعمة ، ست البيت قالت : يا محمد أنت
مش صايم !!!!
فرد صديقي : مش ممكن أتساوى مع الله .
هو الذي لا يأكل ولا يشرب .
هذه الترجمة ، طبعا صاحبي قالها بالنوبية .
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
Khaled Galaf Engineer في الرياض المملكة العربية السعودية
واحد عنده غنماية وحيدة وبيحلبها للعيال اها مرضت لا البيطريين ولا الشعبيين عرف يداوها اهله قالوا الا تسأل ربك فقام نصف الليل صلى ركعتين وسأل الله ان يشفيها وقد كان فرح فرح شديد الجماعة قالوا له خلاص لازم تشكر ربك قال كيف قالوا لهو تسوي ليك نزر قال لهم شنو النزر ده قالو ليهو تسوي اي عبادة او تتصدق لله الزول شاف الجو بارد قال يصوم اسبوع شكر لله اها صام الاسبوع اليوم الثامن الغنماية ماتت قال والله الا اخصمو من رمضان
أعجبني · رد · التحديد كبريد إلكتروني غير هام أو احتيال · 5 يونيو، 2016 11:45 ص
محمد رجب University of Pune
أبوسن .. عساك بخير
هل غادر الشعراء من متردم .. ؟!
أعرابي قالوا ليهو رمضان أقبل .. فرد قائلاً: والله لأُبدِدَنَّ شمله بالأسفار .. !!
الجرسة حاصلة من بَدْري شديد ..
========================================...عرض المزيد
أعجبني · رد · التحديد كبريد إلكتروني غير هام أو احتيال · 5 يونيو، 2016 12:23 مساءً
Facebook Comز
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
Quote:
أنا عشه دي ؟
بري بري
بري بري
المرة دي
وحات عيني
الصوم دبي
|
شكرا أخ أبو سن
تعرف لو ما حفظت حقوقك الأدبية في القصيدة دي
بكرا تلقاها شغالة في أغاني وأغاني
واسمك زول بيجيبوا مافي
أهو أنا حذرتك ... تحذير قانوني ...
أحمد الشايقي
| |
|
|
|
|
|
|
|
|
|
Re: انا دي بري بري (Re: أحمد الشايقي)
|
زمان جدا وحتي وقت ليس ببعيد
كانت النساء يتلمن في بيت واحد .. والبيوت تتشابه .. حتي لو كانوا ما اهل .. جيرة بس
يتلمن في ايام محددة ومبرجمة لعواسة الابري الاحمر والابيض .. والعواسة دايرة صاج وحطب وقود
يا اخواتي ستات البيوت
ادوني ويقود قبال قبال اموت
كما قال حميد
وهو ما تعارف عليه هذا الشعب العظيم بالنفير وانفروا خفافا وثقالا .. العندو بجيب قدر قدرتو من الحطب والبن والسكر والشاي والماعندو بجي بي ضراعو ساي ..
بتلمن يشربن الشاي والجبنة ويعوسن ..
العواسة بتستمر كم يوم حسب عدد الناس وكمية آبريهن ..العواسة بالجردل .. دي تعوس جردل ودي تعوس جردل .. ويتونسن ويتقهوجن
اها العواسة دي ممكن تقيف كم يوم وتبدا تاني
حطب العواسة بعمل رماد ولحكمة يعلمنها النساء ما بنضفن الرماد بخلوهو
الرماد الناتج من العواسة دي ما بنشال الا يقولو بكرة رمضان ف
يخمن الرماد
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
مرحب د.احمد
تعرف قسي المناخ علي الشعب ولم تفلح الحكومات المتعاقبة علي تطويع المناخ لجعل حياة الشعب محتملة
هسة عندك السعودية دي درجة حرارتها تغلي الشاي .. الواحد لو قرا ثلاثية عبدالرحمن منيف مدن الملح يشعر ان حكومة السعودية جعلت حياة الناس محتملة . هنا درجة الحرارة مبارياك بشكل مباشر وغير مباشر !
لو الله فتح عليك بي مروحة ولا مكيف تواجهك مشكلتين عويصتين وواحدة آجلة !!
الكهربا ما مستقرة
وكذلك الموية
ثم ثالثة الاثافي المؤجلة واللداية الاساسية سعر الكهربا مع الموية ثم دمجهما
يعني قساوة الحياة دي في رمضان تضيف عنتا للعنت وتحصل المفارقات والطرفة من عمق ازمة المأساة !
النسوان في البيوت يخلطن الطماطم والعصير من بدري امكن تقطع الكهربا
قطعت معناتو العصير سخن جيب تلج
تلج للعصير معناتو بقا خفيف
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
ههههه قالوا يا نادر واحد عندو مرتين وبيتين موزع بينهم حسب يوم الكهربا
واتذكرت نكتة ساي
واحد داير يضرب لي شيخ .. ضرب لي زول بتاع بهجة
قال ليهو
ياخ عندي جن في البيت اعمل شنو
رد ليهو
كسر فيهو قطع تلج وحتدعو لي
| |
|
|
|
|
|
|
|
|
|
Re: انا دي بري بري (Re: عبدالحفيظ ابوسن)
|
رمضان في اي مكان في العالم ماشي ساهل سنة ورا سنة
لكن عندنا في السودان ماشي اصعب وزي ما قالو " لو ما جغمتين الوضو ديل ما كان في زول قدر يصوم :D
عبدالحفيظ سلامات ياخ ورمضان كريم
| |
|
|
|
|
|
|
|
|
|
Re: انا دي بري بري (Re: عوض الشيخ حامد العوض)
|
اخصمو من رمضان
أعجبني · رد · التحديد كبريد إلكتروني غير هام أو احتيال · 5 يونيو، 2016 11:45 ص
محمد رجب University of Pune
أبوسن .. عساك بخير
هل غادر الشعراء من متردم .. ؟!
أعرابي قالوا ليهو رمضان أقبل .. فرد قائلاً: والله لأُبدِدَنَّ شمله بالأسفار .. !!
الجرسة حاصلة من بَدْري شديد ..
========================================
زمان في ودراوة بعد ما فطرنا، وقمنا للصلاة قالوا لشافع إتَ أحَرَس العدة من الغنم ديل، وأثناء الركعة الأولى جا تيس إكابس في العِدَّة مِسْتَهْوِناً الشافع، والشافع إلز فيهو وإسوي ليهو: تك .. تك .. والتيس ما هاميهُو إشيل وإسفسف في الصُحانه .. أخيراً الشافع -مِكْرِّجاً على أسنانه- صاح: تك .. إنعل د ي ن ك زاتو .. فانفجر الجميع بالضحك بمن فيهم الإمام ذاتو.
إلغاء الإعجاب · رد · التحديد كبريد إلكتروني غير هام أو احتيال · 1 · 5 يونيو، 2016 12:23 مساءً
Gamal Aboshma موظف اداري في النيل الابيض
اب سن رمضان كريم وكل سنه وانت طيب
أعجبني · رد · التحديد كبريد إلكتروني غير هام أو احتيال · 7 يونيو، 2016 06:14 مساءً
Gamal Aboshma موظف اداري في النيل الابيض
رمضان احري في السودان
أعجبني · رد · التحديد كبريد إلكتروني غير هام أو احتيال · 21 ساعة
| |
|
|
|
|
|
|
| |
عبدالحفيظ ابوسن
معاوية الزبير
علي دفع الله
جلالدونا
حيدر حسن ميرغني
حمد عبد الغفار عمر
ايمن الصادق
عاطف عمر
شهاب الفاتح عثمان
فيصل محمد خليل
عمر أبوعاقلة
عزيز
نادر النور آدم
ولياب
Ishraga Mustafa
أحمد الشايقي
عوض الشيخ حامد العوض
فيس بوك
تويتر
انستقرام
يوتيوب
بنتيريست