إلى بثينة تروس تحية وبعد قرأنا مقالكم المعنون بـ(بل نال السودان منكم كل الويل يا هؤلاء !!)، ولا شكّ أن إمعانكم في الحديث عن عاصمة بلادنا، في شأن لا يخصها ولا يخصّنا، كان مقصودًا وسيكون من المتوقع لديك بالتأكيد أن يكون لأصحاب البلد الذي لاك اسمَهُ لِسانُكِ (الصومال) و عاصمته (مقديشو) ردّ وموقف حول "حشرك" اسم البلد في فشل الدولة السودانية، وعجز السودانيين عن حل مشاكلهم الداخلية! لقد قلتِ في مقالك: · (كأن الدولة قد انهارت أو كأن الخرطوم أصبحت جزءاً من العاصمة الصومالية مقديشو). · (بل لقد أنهارت الدولة وصارت كل البلاد مقديشو!!). · وتمزيق البلد لتصير بالفعل ( مقديشو الصومال) !!. · وتمزيق البلد لتصير بالفعل ( مقديشو الصومال) !!. سيكون المهم إدراك أنّكِ لستِ أول كاتب سوداني، تم غسيل دماغه في ظلّ التبعية والتفكير كـ"ذيل" للجارة الشمالية "مصر"، ولستِ أوّل من نرسل إليه بتنبيه ونخبره بحقائق غائبة عنه، كان من أولى الناس إدراكًا لها وإلمامًا بها وتبيينها للناس، خاصة أن نسبة لا بأس بها "الإخوة العرب" لازالوا لا يميزون بين "الصومال والسودان وكذلك السنغال"، وأظنُّ أن السخرية من المعاناة التي مرّ بها الصوماليون لانحراف مسار صراعهم مع الدكتاتورية، أمرٌّ لا يُغتفر وقد أصبحتم طعمة للكيزان وأقربائهم من الدرجة الثانية والثالثة. إنني وأنا أمثّل نسبة لا بأس بها من الكتّاب الصوماليين بالعربية، لا يمكننا اعتبار ما كتبته في أسلوبه الرديء "الشامت بنا"، سوى كونه امتدادًا لـ"قهرية" الرغبة في تمييز الحالة السودانية عن سواها بما يوقف خلط الإخوة العرب بين الكيانات الإفريقية جنوب الصحراء الكبرى في أحسن الأحوال، أو تعبيرًا عن ضعة تفكير طيف ثقافي سطحي تنتمون إليه، وتسريبًا لا بدَّ حاصلٌ للمعتاد من حواراته حول الصومال وأهله، شكرًا رسالتكم وصلت! ولتتضح الصورة جيدًا فـ"مقديشو" الطاقة الكهربائية فيها منتظمة، وإمدادات المياه لا تنقطع، وحركة إعادة الإعمار جارية على قدم وساق، والحكومة الفيدرالية لم تقبل بتقسيم البلد، ولا يجرؤ قائد في الحكومة مهما علا شأنه أن يكون من يحمل صفة "خال رئاسي" أو "صهر رئاسي" أو"أخ رئاسي"، لأننا لسنا أبقارًا أو دواجن، ونحن نقول ونكتب ونفعل ما نشاء دون خوف من أحد سوى الله عزّ وجل، ولسنا مُطالبين لا بلحس "كوع" ولا تقبيل "بوع"، والسلع التي تنتجها بلادنا، هي داخل بلادنا أرخص من الأسواق الخارجية، ولا نُضطر لإعادة تهريبها إلى الداخل عبر بلد ثالث بعد أن يقوم "سادتكم وكبراؤكم" بتصديرها بأبخس الأثمان، لتصل بعد هذا المشوار إلى السوق المنتجة بسعر أرخص مما هي عليه بالشكل النظامي. نحن نحقق نجاحاتنا في ظلِّ زخم إعلامي، غسل العقول السطحية ولا بأس، ولسنا مُحاسبين على ما لم نقم به، كما أننا لسنا ملزمين بكلام يكتبه سوانا عنّا، إنّما من واجبنا أن نوضّح للسطحيين أنّه من المُعيب المباهاة بالسطحية والجهل، إذ أنّه من العجيب حقًا أن يأتي شخص من ذلك الصنف وذاك المستوى الفكري والأدبي، ويقول لأحد من الناس لدي رأي أو وجهة نظر حول "مسألة" تفترض "رُقي" من يتكلم بها، ثم يستخدم بعضًا من "أحطّ" الأساليب في الدلالة عليها، وضرب الأمثلة حولها، كأنّه لا يدرك أن ما تم نضحه في كتاباته ليس سوى محتوى وجدانه، وما تم نضحه في مقال (بل نال السودان منكم كل الويل يا هؤلاء !!)، حقيقة متدنِّ المستوى متهافت المنطق، ويدلُّ على حالة الانحدار الفكري الذي بلغه بلد عظيم كالسودان، حين أصبح كل من هبَّ ودبَّ يكتب ويتكلّم في شأنه، حتى وإن تسبب في الحط من قدره بالمساس بما هو عزيز على آخرين، ليس لهم يدٌّ فيما يفعله السودانيون ببعضهم! إننا نتمنّى للسودان وأهله كل الخير، ولسنا بأي حال من الأحوال معنيين بالوقوف مع المتاجرين بالدين، المتشبثين بالسلطة، ولا يعنينا كذلك الحديث عن الشأن السوداني ولا ضرب الأمثلة به، فنحن منشغول بذاتنا وإصلاح أحوالنا والتقدم كل يوم، لكن لا يمكنني سوى أن أعبّر عن خلاصة متابعتي للشأن السوداني التي تقول: (أن استمرار حكومة"الكيزان" بكل ضعفها وتخاذلها، دليلٌ على أنّ من يدّعي معارضته لها ومناوأته لها، ليس سوى أعجز وأشدَّ تخاذلًا"، ولنا من خلال تواصلنا مع المثقفين السودان إطلّاع طيّب، كما لنا على ذلك في المقال الذي نردُّ عليه آيةٌ ودليل! وقد قلنا في مناسبة سابقة: يَا مَن سَأَلْتَ الْقَوْمَ عَنَّــــــــــا لا تَحَرَ….. فَالشِّعْرُ فِي تِذْكَـــــــارِنَا يَجْلُو الْعَمى لا تَبْتَئِس وَ اسْمَع بَيــــــــــانًا نَيِّرًا….. عَنَّا تُـــــــــوادِدْنَا وَ تَنْسَ اللُّوَّمَ حَتى وَ إِنْ مَـا قَصَّرَ الأَعَداءُ فِي بُهْتَانِهْمْ إِمْعِــــانَ زُورٍ عُمِّمَ قَدْ أَكْثَرُوا فِي سُوئِهِمْ قَدْ بَــالَغُوا. حَتَّى غَدَا فِي الْقَلْــبِ تَلّا كُوِّمَ
05-13-2016, 10:56 AM
أيمن محمود أيمن محمود
تاريخ التسجيل: 01-14-2013
مجموع المشاركات: 4940
بِسْم الله الرحمن الرحيم (يا أيها الذين آمنوا لم تقولون مالا تفعلون ؟ كبر مقتا عند الله ان تقولوا مالا تفعلون) صدق الله العظيم
كانت هذه الآية الكريمة اول ما طالعني، في مقال الطيب مصطفي، بسودانيزاونلاين بتاريخ 4 مايو2016 بعنوان ( ياويل السودان من هؤلاء). وكعهد كتابات ( الخال الرئاسي)!! انه يزرع الشقاق ويدس الفتنة ، لأهل هذا البلد الطيب. فلقد ورد في جزئية من مقاله (( كنت قد أشرت إلى بعض ممارسات الطلاب المتمردين الذين انتشروا في كل الجامعات السودانية يخربون بيئتها ويروعون طلابها وطالباتها ويحرقون مكتباتها ومعاملها وأثاثاتها ويتسببون في إغلاقها الشهور ذات العدد محملين الكثرة الكاثرة والأغلبية الكبرى من الطلاب الذين لا علاقة لهم بما يحمله أولئك الطلاب من سخائم وغبائن وأحقاد .. )) انتهي يا أيها الاخوان المسلمون !! الا تستحوا من الله ومن الشعب السوداني!! من الذي أدخل ثقافة العنف في الجامعات السودانية ؟؟ ومن هم الذين أدخلوا ( السيخ) !! الي حرم تلك الجامعات، كأسلحة لفض التظاهرات والانتقام من الخصوم في حلبات النقاش الجامعية!! ومن هم الذين أسسوا لثقافة الترويع والغدر والغبائن والأحقاد والتنكيل بالخصوم !! بعقود تلت مولد هؤلاء الطلبة ؟؟؟ اولم يكن ومازال ، العنف مبدأً ومنهجاً اصيلاً في الفكر الأخواني ؟؟ منذ أئمتكم حسن البنّا و سيد قطب!! ومقالات ( صناعة الموت) ( وفن الموت) !! الم تكونوا علي رؤوس الأشهاد ! حين اختلقتم الدفاع الشعبي والجهاد في الجنوب!! وأعراس الشهيد!! ومحرقة الطلبة وشباب السودان الذين غررتم بهم باسم الدين! في حروبكم الجهادية لتُدين لكم السلطة المطلقة!! ومؤكد كل هذا التاريخ ! لم يستوقف ( الخال الرئاسي) من الاسترسال في مقاله المسموم! قائلا (بالرغم من أن أولئك الطلاب المتمردين يدرسون بالمجان، وذكرت أمثلة صارخة على حالة الانفلات الأمني والغفلة المؤلمة التي تبيح لحركات متمردة تشن الحرب على الدولة بأن تتمرد في قلب الخرطوم وتعيث فساداً وإفساداً وترويعاً وكأن الدولة قد انهارت أو كأن الخرطوم أصبحت جزءاً من العاصمة الصومالية مقديشو ) .. انتهي للأسف، لقد درس الاخوان المسلمين، حكام اليوم طلاب البارحة ، ايضاً مجاناً، لكنهم بدل ان يردوا جميل هذا البلد ودينه المستحق بأعناقهم ، طفقوا يخربوا في المؤسسة التعليمية بأجمعها، بما أسموه بثورة التعليم وتعريب الجامعات !! ومن ضمن ذلك جامعة الخرطوم التي يدعي صاحب ( الصيحة) !! التحسر عليها ، وعلي مستوي طلابها اليوم !! تلك الثورة التعليمية التي تبناها المتمكنيين من امثال د مامون حميدة !! والذي عندما كان مديراً لتلك الجامعة العريقة! وضع اول معول من معاول هدمها، بان قام بتعريبها ودمج إدارة التعريب وإدارة الجامعة معاً !! تلك التجربة الفاشلة والتي أدت الي انهيار مستوي الطلبة وطلبة الدراسات العليا، وضياع تاريخ أكاديمي ناصع لتلك الجامعة المعترف بها دولياً واقليمياً؟؟ وقام بايقاف كل صور النشاط الفكري الإيجابي من منابر للحوار والمناشط الفكرية، و التي اشتهرت بها جامعة الخرطوم قبل دولتكم الاسلامية! ثم سارع مامون حميدة نفسه، لينشئ جامعة خاصة علي طراز جامعة الخرطوم! ليجمع فيها أموال المغتربين وشقاء عمرهم لكي يتعلم ابنائهم باللغة الانجليزية!! والتي لافكاك منها لمزيد التحصيل والتقدم ومواكبة التطور العلمي، ثم بسبب سياساته القاصرة ! تحولت جامعته الي معقل جهادي داعشي لاستغلال الشباب، والاسهام في الهوس الديني الذي هدد وحدة الشعوب. ثم تكلمنا يا الطيب مصطفي عن ( كأن الدولة قد انهارت او كأن الخرطوم أصبحت جزء من العاصمة الصومالية مقديشو) !! عجبي!! بل لقد أنهارت الدولة وصارت كل البلاد مقديشو!! حين صار زمام الأمن بقيادة ( حميدتي) و ( موسي هلال) و ( الجنجويد) !! وصار جهاز الأمن هو السلطة التي تعلو الجيش السوداني، وانهارت الدولة حين اعتادت آذان السودانيين وهؤلاء الطلبة ، علي سماع مفردات إبادة جماعية، اغتصاب، دوشكا، وغاز خردل سام، وما خفي اعظم!! ثم انهارت الدولة، حينما ذبحتم ومنبركم ( السلام العادل)!!! ثورا اسودا ابتهاجاً بفصل الجنوب، في حادثة ستظل تاريخية تذكر كلما ذُكر فصل الجنوب !! وعارها سوف يلاحقكم حيثما ذكرتم. وصرح وقتها الطيب مصطفي جزلاً ( لأول مرة تحسم قضية الهوية التي دار حولها صراع بين الشمال والجنوب، لأول مرة يحدث تناغم وتجانس يؤدي إلى أن تسير بلادنا بصورة مختلفة عما كانت عليه بأن ينتهي الصراع وتنتهي أسباب الصراع بين الشمال والجنوب.) انتهي ولكن بهجة الطيب مصطفي! بحسم ( صراع الهوية) بين الشمال والجنوب لم تكتمل ، فهاهي دارفور وطلابها وقائدهم عبد الواحد محمد النور، يقلقون مضجعه !! فهم بمنطق ( الهوية) !! ( اصحاب الجلد والرأس)!! في ( ثور) !! البلد بأجمعها !! لذلك فاليتحسس ( اصحاب العروبة)! موقعهم في الاصالة بهذا البلد!! ولاغرابة ان يبدأ الخال الرئاسي نعيق الشؤم مجددا!! في محاولة بائنة، تصب في سياسة حكومته! في تاجيج نيران التفرقة العنصرية بين ابناءً الوطن الواحد. فاهل دارفور لم يخرجوا من ديارهم لغابات التمرد، الا رداً للعدوان وحماية للأرض والعرض!! وكذلك خرج ابنائهم الطلبة في الجامعات، مطالبين بحقهم في المعاملة الكريمة ، ورفع المظالم عن كاهل اهلهم ووقف الحروبات بقراهم واقاليمهم بجميعها. لكن كعهد حكومة الاخوان المسلمين اقصر الطريق لمعالجة فشل سياستها، هو اللجؤ لمحاولة فصل اقليم دارفور! وتمزيق البلد لتصير بالفعل ( مقديشو الصومال) !! و واصل الطيب مصطفي متحسراً بمقاله !! ( لكن هل هم طلاب أم متمردون أوباش ما بلغوا تلك الدرجة من الانحطاط الأخلاقي إلا بسبب ضعف الدولة التي تهاونت في ردع أمثالهم حتى غزوا جامعاتنا تحت غطاء وهمي أظهرهم طلاباً وما هم بطلاب ورب الكعبة،) انتهي ورب الكعبة الذي به كذبا تقسمون! لستم أنتم يا الاخوان المسلمين من يتباكي علي ضياع الأخلاق !! أتحدثون الناس عن الأخلاق!! وضعف الدولة ؟!! لقد ضعفت الدولة وتهاونت حقاً، يوم ان أعفي رئيس دولة المشروع الحضاري!! البشير، (امام مسجد) !! أتهم وقدم لمحاكمة وتمت ادانته قضائياً باغتصاب ( طالبة) ، (أعفى المشير عمر البشير إمام مسجد أدين في جريمة إغتصاب طالبة وحكم عليه بالسجن (10) أعوام واصدر أمراً رئاسياً بإعفاء المجرم عن العقوبة بموجب القرار الجمهورى رقم ٢٠٦/٢٠١٣.) حريات تاريخ 29 اغسطس 2013 ..انتهي ثم عاد ذلك الامام سيرته الاولي، ليؤم الناس في اشرف عمل العباد، الا وهو الصلاة! صدق رسول الله صلي الله عليه وسلم حين قال ( أئمتكم شفعاؤكم، فانظروا بمن تأتمون ..) وبعد ذلك تحدثون الشعب السوداني بضياع الأخلاق! متهمين هؤلاء الطلبة الأبرياء !! فهل هنالك انحطاط اخلاقي اكثر من الفساد في إدارة الحج والعمرة، في دولة تقول ان مرجعيتها الشريعة الاسلامية !! (كشف تقرير المراجع العام عن تجاوزات بلغت (8) ملايين جنيه (اعترف بها مدير الإدارة المطيع محمد أحمد بنفسه) ....) ( وقامت الإدارة بفرض رسوم غير قانونية على الحجاج والوكالات خارج الموازنة دون علم وزارة المالية، ودفع مبالغ ونثريات لبعض الجهات الرقابية دون وجه حق وتوزيعها دون ضوابط وخضوعها لمزاج المسؤول وزيادة النثرية لكل من يحتج عليها،) انتهي، وان كان يتواصل نشر غسيللكم القذر!! وتحذرون الشعب السوداني عن مقبة تردي الأخلاق ؟؟ يا الطيب مصطفي !! بسبب طلبة الهامش !! الذين لم تكن لهم جريرة غير المطالبة بالعدل ! لكن كيف تكون المطالبة بالعدل في حكومة وزيرة الدولة بوزارة العدل !! تتدخل ويتدخل رئيس الدولة نفسه، ليعرقلا سير العدالة ، في حادثة ابن الوزيرة وجريمة المخدرات الشهيرة! (رفض الرئيس السوداني، عمر البشير، استقالة وزيرة الدولة بوزارة العدل، تهاني علي أحمد تور الدبة،....وكانت صحيفة “السوداني” قد أوردت خبر القبض على ابن الوزيرة وشاب آخر، بحوزتهما كمية من المخدرات، قبل يومين، وجاءت الوزيرة إلى القسم بحضرة وكيل النيابة وأخرجت ابنها من الحبس وفكت حجز العربة.) انتهي ثم اتحدثوننا مزيد عن ضياع الأخلاق يا الخال الرئاسي؟ في دولة مسامرة حديثها، ما بين رئيس الدولة، وعرابها الترابي وناقل وسيط ، ان ( اغتصاب) امهات هؤلاء الطلبة ( لشرف) في قبيلتكم!! فهل هنالك سؤ اكثر من هذا؟؟ اما حسرتكم الزائفة في مقالكم في حكاية الدكتور الذي تم الاعتداء عليه في حرم الجامعة (أنموذجاً لقلة الأدب التي تردت إلى دركها السحيق بعض مكوناتنا وقوانا وأحزابنا السياسية، وكيف ضربه طالب متمرد في رأسه، وكيف وكيف وكيف ولا حول ولا قوة إلا بالله العظيم.)).. انتهي هل تناسيتم أنكم اصحاب القدح المعلي في حادثة عنف مشابهة!! في جامعة الخرطوم !! قبل ان يخلق هؤلاء الطلبة في الأرحام ، ! تلك الحادثة المشهورة والتي اعتدي فيها احد الطلبة علي دكتور علي سليمان عميد كلية القانون ، اذ صفعه علي خَدَه !! وتم فيها (اتهام ) !! كادر الامس ! واحد وزراء حكومتكم اليوم ( المجاهد) حاج ماجد سوار!! وهكذا قد نال منكم الشعب السوداني كل الويل !! ولن تستطيعوا ان تزرعوا بذور الخوف والفتنة بينه وبين ابنائه!! ولن ينال الشعب الطيب بعد اليوم وَيْل !! فقلد شهد في فترة حكمكم كل أنواعه. وتبقي يا الطيب مصطفي "فلندع الفتنة نائمة لعن الله من أيقظها".
بثينة تروس
05-13-2016, 01:07 PM
Muna Khugali Muna Khugali
تاريخ التسجيل: 11-27-2004
مجموع المشاركات: 22503
Quote: إننا نتمنّى للسودان وأهله كل الخير، ولسنا بأي حال من الأحوال معنيين بالوقوف مع المتاجرين بالدين، المتشبثين بالسلطة، ولا يعنينا كذلك الحديث عن الشأن السوداني ولا ضرب الأمثلة به، فنحن منشغول بذاتنا وإصلاح أحوالنا والتقدم كل يوم،
وقال عزيزنا المشرف
Quote: من الحكمة ان يكون الناس اكثر حساسية عند الحديث عن الشعوب الاخرى وكل ما يتعلق بها ..
شكري الجزيل لكما كلمات من ذهب
05-13-2016, 02:22 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
تحياتي للجميع هنا اتفق مع بكري في ان التاريخ العالمي الماثل والقديم مبذول للدراسة واخذ التجارب منه . نتحدث عن ماليزيا التي نهضت من رحم الظلام لتصير دولة يمكن اخذ تجربتها وفقا لخصوصيتنا . او ان ندرس الصومال او اليمن او غيرهم لنتلمس ما اوصلهم لتلك الفوضي لتجنبها هذا مثل حديث السلطة حين يتحدث الغير علي فسادها
05-13-2016, 03:58 PM
المعز ادريس المعز ادريس
تاريخ التسجيل: 05-18-2009
مجموع المشاركات: 1569
الكاتب ينطلق متأثرا بأمرين ربما كانا يؤرقانه، بثينة ليست إلا "كبش فداء" بالنسبة له هنا!: - أن تصبح عاصمته مضربا للمثل في الدمار حتى و إن لم يشار إلي ذلك بنية "الشماتة!".. - أن يستعصم بعض كتاب و مثقفو السودان، و جانب من عامته، بعروبتهم في مقابل نظرة مقارنة "تهم الكاتب!" للأعراب بين السودان من جهة، و بين الصومال في الجهة الأخرى، من نواحي شتى. و الكاتب لم ينسى مصر! هو لا يعني بثينة إلا في حدود أنها كاتبة المقال، بينما الرسالة في عمومها موجهة إلي فضاء المعرفة السوداني!
(عدل بواسطة المعز ادريس on 05-13-2016, 04:08 PM) (عدل بواسطة المعز ادريس on 05-13-2016, 04:12 PM)
Quote: من الحكمة ان يكون الناس اكثرحساسية عند الحديث عن الشعوب الاخرى وكل مايتعلق بها ..
سلامات يا دكتور بالفعل كلامات توزم بميزان الذهب أستمرأ بعض المثقفيـن السودانيين الزج ببعض الشعوب "للمقارنه" بشيء من الترفع والسخريه " لا أقصد هنا بثينة " تعليقي عام ... نرفض أن يضرب بنا الإعلام المصري الأمثلة للفوضي , ولا نقبل أن يستخدم حال السودان كمادة للتندر أو مثال للفشل ... لذلك علينا أن نتوخي الحذر ونحن نتحدث عن الشعوب الأخري
شكرا يا مشرف
05-13-2016, 08:04 PM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
كلام المشرف جميل وصحيح .. لكن كلام بكري عباس برضو مظبوط ، الصوملة اصطلاح سياسي دخل كل قواميس الدنيا للتعبير عن حالة سيولة الدولة او انحسار السلطة المركزية Somalization من حق الكاتب الصومالي ان يغضب ، لكن يجب توجيه غضبه الى شعبه اولا ثم قواميس العلوم السياسية وليس بثينة ..
05-13-2016, 09:45 PM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10904
اعتقد إنه نحن السودنيين نعيش بعقلية ما قبل ثورة الاتصالات و لا نراعي ان زمان الونسات تحت الضل التي تتناول فيها كل شيء دون ان يسمعنا او يتابعنا احد قد ولّىّ . فلا زلنا في أحادثنا و كتاباتنا نتحدث عن المجتمع الفلاني و الفلاني دون ان ننظر إلى عيوبنا( و هي كثيرة) . و كثيرا ما يتحدث متعلمون كبار في القنوات السودانية عن الدولة او المجتمع الفلاني دون ان يعرف انه يجلس على مقعد يطل به على كل مدن و عواصم العالم.
علماً أانا باي مقياس كان نحن اليوم شد الناس الشعوب و المجتمعات فشلا في تحديد مشكلاتنا و في حل مشكلاتنا و في تشخيصها و في عدم فهم شخصيتنا و عيوبها و نقاط ضعفها و اكثرنا حساسية حين يتناول أي اجنبي عيوبنا.
05-13-2016, 10:25 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
سلام يا عبد الله ادريس، شكرا على المداخلة المختصرة المفيدة وشكرا على مجاملتك للمشرف على صحّة مقولته في العموم، وهي بحق تنفع في باب الارشادات العامة، كأن تكتب في مدخل بص أو مدرسة أو نادي: الرجاء مراعاة حساسية الشعوب
عجبني يا مشرف زوقتك بالدو! وأكيد الحقائق كثيرة بالعالم! مثلا: ثاني أكسيد الكربون لا يشتعل ولا يساعد على الاشتعال
05-13-2016, 11:22 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
بصفتى زول زرت الصومال زي خمستاشر مرة تقريبا ومتابع لما يحدث في في هذا البلد لمدة عشرة سنوات. أتفق في مع عبدي في مداخلته...
نعم مر الصوماليون بتجربة انهيار الدولة وحروب داخلية قبلية وانشقاقات إقليمية معروفة. لكن مقارنة بتدنى الخدمات في الخرطوم من مياه وكهرباء وغاز وخبر فمقديشو أفضل حالا. سعر صرف الدولار ظل ثابت لمدة عشرة سنوات في جميع أقاليم الصومال رغم انهيار الدولة الصومالية. وكمية الحروب الموجود في السودان أكبر من الصومال....
بعد سنوات سيمسح العالم مصطلح (الصوملة) كما مسح مصطلح (اللبننة) من القاموس السياسي لأنهيار الدولة ويستبدله بمصطلح (السودنة) بعنى الانهيار للدولة السودانية.
اتركوا الصومال في حالها وركزوا في السودنة حقتنا..
05-14-2016, 03:58 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
Quote: دا كلام غلط يا سيف. ٩٠ في المية من التعاملات التجارية داخل الصومال بتم بالدولار
علي الرغم من الصوماليين بيتعاملوا بالدولار مباشرة في ٩٥ في المائة من معاملاتهم إلا أن سعر الشلن الصومالي في جنوب الصومال وبنطلاند وصوماليلاند ظل ثابتا يا ابوبكر. في صوماليلاند ظل سعر الدولار يتاروح بين 6000 الي 7000 شلن خلال عشرة سنوات (6 الي 7 جنيه تقريبا للمقارنة) .تحول الصوماليين للدولار في حد زاته ساهم وبصورة كبيرة في التحكم في انخفاض أسعار السلع الأساسية.
فيا ابوبكر رغم تحول الصوماليين للدولار في كل المعاملات فقد ظل سعر الصرف ثابتا لمدة طويلة... معلومة: في مقديشو تستطيع أن تستخرج دولار من حسابك الشخصي من ماكينة صرف ATM من غير سعر موازي وسعر سوق اسود في اي وقت..وتستطيع أن تدفع عمليات كثيرة جدا من خلال الهاتف.
05-14-2016, 08:19 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
سلام يا ايمن و شكرا علي نقل المقالين و تحية خاصة لابن العم و صاحب المقال محمود محمد حسن عبدي و ايضا تحية خاصة للاخت بثينة تروس و يا بثينة نيابة عن كل الصوماليين انا بعتبر نيرانك نيران صديقة و مسامحك دنيا و اخرة و كمان بهدي ليك غنية مسامحك يا حبيبي في سبيل رش الخال الرئاسي الشغال بي نظرية اب سنيين بضحك علي ابسن، من وجهة نظرو طبعا، لكن انا كصومالي عندي راي، منو اب سن، و منو اب سنيين، و الكلام دا حا نشوفوا لي قدام، لكن في الاول خليني احسم الفوضة بتاعت المستنير
يا مستنير بعد السلام و حق الله و بق الله و اللذي منوا; ياخي عايز اناقشك في كلامك ادناه
Quote: متحسس من شنو؟ نحن فاشلين، لكننا لا نتمنى أن نصل درجة فشل الصومال. انتو لمان ختو ليكم زوال الدولة في كفة والدكتاتورية في كفة، اخترتوا زوال الدولة!! الصومال أفشل دولة في العالم، لو داير تقارير محايدة بنجيبها ليك
لكن في الاول يا مستنير الله يرحم والديك ما تفك الكلام ساي كدا سمبلة، زي كلامك التحت دا سيف دا قاليك زرت الصومال كم تاشر مره كدا و قاليك سعر صرف الدولار ظل ثابت لمدة عشرة سنوات في جميع أقاليم الصومال، نطيت ليهو في حلقو قلت ليهو كلامك غلط
Quote: ٩٠ في المية من التعاملات التجارية داخل الصومال بتم بالدولار
طيب يا مستنير ال 10% الباقية دي قاعدا تتعامل بى ياتو عملة؟ كدى جاوب علي النقطة دي و بعدين نجيك للباقي
05-14-2016, 10:31 AM
Deng Deng
تاريخ التسجيل: 11-28-2002
مجموع المشاركات: 52555
يا أبوبكر عليك الله ما تعمل لي حركات احمدونا يرد علي السؤال بى سؤال ياخ خليك جادي و دغري عشان الحوار دا ما يبقى حوار طرشان ال 10% الباقين بتعاملو بياتو عملة؟
05-14-2016, 11:52 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
العشرة في المية هي عملة محلية تعادل الاوراق الدولارية الصغيرة والعملات المعدنية الدولارية. العملات الصومالية الصغيرة إحتفت وبقت في فقط العملات الكبيرة التي تعادل اجزاء الدولار. ليس هناك إمكانية لطبع عملات جديدة بشكل منتظم عشان كدا سعر الصرف ثابت وهو في الحقيقة ليس سعر صرف لكن ممكن نقول عليهو فكّة
امشي قزقل لو سمحت بتلقى عشرات التقارير
05-14-2016, 12:01 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
Quote: يعني يا دينق، إتّا ما حصل إستخفيت بما يدور في الصومال في البورد دا وقلت لينا دا ح يكون مصيركم مع حكومة طالبان بالشمال؟
ابوبكر عباس.
لا أعتقد ذلك، والمسألة هنا ليس ما قاله دينق من قبل، ولكن هو الإصرار على عدم احترام الأخرين. بغض النظر عن مستوى ووضع دولة الصومال عالميا، ولكن يجب أن نتعامل معهم بنوع من الأحترام. أنت زول صرت أمريكي الجنسية، ودي من الابجديات لدى الامريكان.
يا ابوبكر انا ما بحتاج لي قوقل عشان اعرف اخبار بلدي انا الشهر الفات دا رسلت قروش للصومال حاولت ارفع ليك صورة من ال Receipt لكن موقع بكري قال الصورة حجمها كبير
نقطة مهمة جدا يا مستنير مداخلاتي معاك ما عشان انت أسأت للصومال و لا حتي الخال الرئاسي و لا الاخت العزيزة جدا بثينة تروس
الكيزان و ناس الانقاذ و المطبلاتية بتاعنهم زي اخونا فرانكلي، بيخوفوا في الناس، و خطابهم واضح، يا ناس اخير ليكم نحن ديل لانو البديل للانقاذ هو مصير ليبيا و الصومال و الفوضى و الحرب الاهلية الخرطوم فيها بدل النيل نيلين والناس عطشانة ولو تتذكر يا بوكو زمن نميري الناس كان بتقول الكهرباء جات املو الباغات يا جعفر، الليلة و بعد كل الضجة و البروبقاندا بتاعت السدود، كهرباء مافي و فرانكلي و الطيب مصطفي رافعين فزاعة الصوملة و ليبيا عشان الناس تستكين للواقع و ترضي بالذل و الهوان خوفا من المجهول و الصوملة عشان هم يتفرشخوا في كراسي الحكم الوثيرة و يسومو الناس سوء العذاب هل الخطاب دا فيهو اساءة للصومال؟ ابدا وحياتك، لكن فيهو (إن) نوضحها في وكتا إن شاء الله لوالله مد في الاعمار
الاخت بثينة تروس ما إعتقد أسأت للصومال هي باختصار بتقول للخال الرئاسي ياحليلك يا النايم علي حيلك الصومال is already here!
انت يا مستنير تعتقد ان خيار النظام الدكتاتوري و الدولة البوليسية افضل من زوال الدولة (الحديثة) وهو رأي الكثيرين و دا كلام ما فيهو اي اساءة للصومال
ودي الحتة الانا عايز اناقشك فيها، لكن وكتا لسا ما جا
اول خلينا نخلص من موضوع العملة الصومالية مع زوال الدولة من عام 91 و مقارنته مع العملة السودانية منذ مجئ الدولة البوليسية في السودان منذ عام 89، يعني فترات متقاربة و نشوف ياتو عملة صمدت احسن امام جبروت الدولار الامريكي كيف الحساب كدا؟ ينفع؟
05-14-2016, 04:50 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
لا توجد عملة صومالية لا يوجد سعر من اساسو الأوراق النقدية التي يتعامل بها الناس في الصومال مع الدولار هي جزء من الدولار وليست عنلة منفصلة عنه لا يمكن اجراء المقارنة دي مع السودان الصومال دول انهارت والسودان دولة بتنهار
05-14-2016, 05:11 PM
سيف اليزل سعد عمر سيف اليزل سعد عمر
تاريخ التسجيل: 01-11-2013
مجموع المشاركات: 9476
السلام عليكم الأخ أيمن وضيوفه الكرام زمان كنا بنقول ابدا ماهنت ياسوداننا يوما علينا في حاضرنا بنقول كل يوم بتهون اكتر يا سودننا علينا دا الفرق يا ابوبكر دولة منهاره عندها كهربا ودوله منهاره عندها مويه ودوله منهاره ماعندها خال رئاسي ولا شقيق وزير - دي مهن في اوراق رسميه نحنا المنهارين والله لو وضعنا كان قبل الصومال كان نحنا بقينا سودنه اسي الله يستر مايختونا الحاله بعد الصومله ليبيا معدل الصرف اعلي شي وصل 5 دينار ليبي واسي بعد التوقيع ممكن يكون نزل دي دوله منهاره كهربا ومويه - ومافي انهار جاريه - ورعايه صحيه اليمن الوضع ما اسوأ منك بي كتير سوريا افضل منك حالا بي مراحل حتي دمشق افضل منك ولازلت رغم مابها غزة افضل منك مليوووون مره والغريب انك بتتبرع ليهم فضل وين وريني
ههههههههههههههه يعني عنزة و لو طارت لكن طلعت زول غالاط خلاص
يا ابوبكر انا خاتيك في درجة "محاور ذكي" و دي في حساباتي ما بديها لكل من هب و دب و الغلاط من اجل الغلاط هي اداة من ادوات قليلي الحيلة و دي فئة من الناس انا ما بحب اضيع وقتي الغالي معاها شفت كيف
انت زول متعلم و ما جاهل، يعني هسي انا اجي اضيع وقتي معاك في تعريف ما معني "عملة"؟
ياخي in layman terms شفت ورق فلسكاب ساي خلي حاجة تانية اذا تراضي الناس في مجتمع معين في كوكب معين انو ورقة فلسكاب واحدة تعادل قيمة رطل واحد من السكر، يبقي اوراق الفلسكاب هي عملة المجتمع المعين دا، و عندها قيمة عينية لتبادل السلع و الخدمات، و المجتمع دا ما حا يسمع تنظيرات المستنير بانو الشي دا ورق فلسكاب ليس الا
05-15-2016, 07:22 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
طيب اتو قلتوا انو الشلن الشغال مع الدولار دا عملة مستقلة وعندها سعر صرف منو القاعد يحدد سعر الصرف دا؟ اسألك سؤال: لماذا لا يتم تزوير هذا الشلن؟ لانو سعر تكلفة التزوير هي نفس قيمة أوراق الشلن المتداولة لما أقول ما في عملة صومالية لا أقصد ما في أوراق بنكتوت صومالية أقصد انو الاوراق دي تحولت من عملة مستقلة سابقة لاوراق عملة جزء من نظام اقتصادي فريد في الصومال يستند على الدولار
05-15-2016, 07:45 AM
علي دفع الله علي دفع الله
تاريخ التسجيل: 08-31-2012
مجموع المشاركات: 4740
المستنير مزرور زرة جد يا اخي ما فوكا حاجة تقديراتك عن موضوع العملة شكلو ما صحيح .. بدل ما تقعد تغالط قول لي ناصر جامع وسيف اليزل انا تقديراتي طلعت ما صحيحة ..وليبارككم الرب . انتهى ..انت قايل رسول الاستنارة دا لقب هين .. هسي الفرق بينك وبين فرانكلي شنو 😂😂😂😂
05-15-2016, 08:15 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
كويس يا علي إتّا جيت كدي فكر في كلامي دا: العملة الصومالية في النظام الاقتصادي الماشي في الصومال حاليا تمثل خمسة في المية وهي تمثل البنكنوت الصغير من ناس خمسة دولار دولار، كوارا، خمسطاشر سنت، عشرة سنت والسنتات لو قلت لزرل فك لي العشرين دولار دي بدل يديك خمستين وعشرة دولار من ابات واحد دولار بدوك ليها من العملة الصومالية بمعن آخر، العملة الصومالية شغالة فكّة --- بالمناسبة يا علي الكلام البقول فوقو دا فعلا تنظير مني لتخيل كيف يسير الاقتصاد هناك، وفعلا منتظر زول يجي يفركش لي كلامي دا حتى الإن ناصر وسيف ضعيفين وكلامن تعبان في انتظار زول يجي يفند نظرتي دي أو تعتمد لفهم ما يدور هناك في تلك الدولة الفاشلة
05-15-2016, 08:33 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3469
بعدين يا علي، زرزة شنو الممكن تحصل لي في سودانيز أون لاين دي؟! في ضعف شديد ودا السبب المخليني أفكر أسيب المساكين الهنا دا وأمشي أكتب مع حسن موسى علي الأقل المستويات متقاربة ناصر الصومالي يزرروني؟! ديل ناس ما عندهم دولة؟! يا هو الفضل
05-15-2016, 09:12 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تحياتي للجميع شايف الموضوع مشي في اتجاه مختلف زي ما قلت اول بقيف مع بكري في حتة انو التاريخ السياسي للدول مبذول . للاحتزاء او العظة . التاريخ السياسي للدول .. ولا ار في ذلك اساءة للشعوب . ان كان كذلك يصير النقد للسلطة الحالية في السودان اساءة لشعب السودان ثم اتعجب مستندا علي ذات التقيم الذي ارفضه كيف نرفضه عن مقديشو ونقبله للخرطوم
Quote: اتفق مع بكري في ان التاريخ العالمي الماثل والقديم مبذول للدراسة واخذ التجارب منه . نتحدث عن ماليزيا التي نهضت من رحم الظلام لتصير دولة يمكن اخذ تجربتها وفقا لخصوصيتنا . او ان ندرس الصومال او اليمن او غيرهم لنتلمس ما اوصلهم لتلك الفوضي لتجنبها
هو انعدام حاجتين يا عبدالحفيظ الوصلو الصومال للفوضي (1) انعدام التداول السلمي للسلطة (2) انعدام ما يعرف في العلوم السياسية و السوسيولوجي ب monopoly of violence
الاولي معروفة، و ما بتحتاج لي شرح التانية باختصار، و بعيدا عن التعقيد الاكاديمي، تعني وجود قوة ضاربة تفرض سطوتها علي الجميع و تكون القوة الوحيدة التي تحتكر العنف و لها حق استخدامه - الحسم او الانتصار العسكري هو احد اشكال احتكار العنف كمثال من ارض الواقع، استمرار الصراع في دارفور هو نتيجة لفشل الجيش القومي في السيطرة علي الوضع، و ان يفرض قوته و سلطان الدولة علي الارض
التداول السلمي للسلطة هو صمام الامان لتنفيس مرجل السياسة عندما يصل مرحلة الغليان. و بانعدام هذه الالية فالقدر المحتوم هو الانفجار و الصراع الدموي حول السلطة، و الذي يؤدي في اغلب الاحوال الي الفوضي و الحرب الاهلية
و الصومال هنا ليس الاستثناء فالكثير من دول العالم مرت بحالة الحرب الاهلية كامريكا و فرنسا و بريطانيا و حديثا الحرب الاهلية في لبنان و السعودية في الوطن العربي في الحرب الاهلية الامريكية الجيش الشمالي - ولايات الشمال- دحرت جيوش الجنوب و فرضت سيطرتها - حسم عسكري في السعودية نجح عبدالعزيز و حلفائه في خلال ربع قرن من الحروب في فرض سلطانه علي كافة اراضي المملكة بقوة الحديد و النار - complete monopoly of violence
من سوء حظ الصومال هو التدخلات الاجنبية في الشأن الصومالي من دول الجوار بما فيهم السودان ذات نفسو
مثلا اتحاد المحاكم الاسلامية وجد قبول كبير داخل المجتمع الصومالي و في خلال 6 شهور فقط في عام 2006 سيطرت المحاكم الاسلامية علي معظم اراضي الدولة الصومالية، لكن اثيوبيا ارسلت جيش جرار و دخلت العاصمة مقديشو بقوتها و قامت بتنصيب رئيس موال لها في العاصمة مقديشو
خليك قريب يا ابسن هناك الكثير و المثير فيما يتعلق بالحالة الصومالية
05-15-2016, 09:46 AM
عبدالحفيظ ابوسن عبدالحفيظ ابوسن
تاريخ التسجيل: 06-24-2013
مجموع المشاركات: 22319
تشكر ناصر لتفهمك وردك تعرف في ميعة الصبا كنت مفتونا بالحرب الاهلية . وفقا للتنظير والكتب التي قرأتها . وكنت علي قناعة راسخة مستندا علي دول عديدة منها الحرب الامريكية ذاتها في ان الحرب الاهلية ستحل قضية الوطن لكن مع تطور العالم والتدويل صرت كارها للحرب الاهلية كمخرج لحل التناقض زي ما قلت التدخل الاجنبي . المصالح متشابكة ومتداخلة .. وصر سهلا مع تطور السلاح والاتصال والمواصلات صار سهلا التدخل في شئؤون الدول قبل ان يتخلق جنين السلطة الثورية الجديدة وفعلا دارفور واضف الخرطوم ذات نفسها في اطرافها
Quote: تعرف في ميعة الصبا كنت مفتونا بالحرب الاهلية . وفقا للتنظير والكتب التي قرأتها . وكنت علي قناعة راسخة مستندا علي دول عديدة منها الحرب الامريكية ذاتها في ان الحرب الاهلية ستحل قضية الوطن
الحرب الاهلية هي "عرض" "لداء" الفرنجة بقولو symptom of a root cause الداء هو انعدام الية للتداول السلمي للسلطة - سواء ان كانت هذه الالية هي صندوق الاقتراع، كما في الدولة الحديثة. او الميراث مثلا في الصومال قبل نشوء الدولة الحديثة بعد الاستقلال، حيث ان الابن الاكبر يرث سلطان ابية في ادارة شؤون القبيلة في اطار ما اصطلح عليه Hobbes و Locke عقد إجتماعي social contract يرتضيه كل افراد القبيلة.
Quote: طيب اتو قلتوا انو الشلن الشغال مع الدولار دا عملة مستقلة وعندها سعر صرف منو القاعد يحدد سعر الصرف دا؟
عارف يا مستنير تعجبني وقت تسأل الاسئلة الذكية دي، لانو كدا النقاش بحلوا تحديد سعر الصرف دا فيهو نظريات, و علماء الاقتصاد عندهم نظريات و فرضيات لم يكن من الممكن التأكد من صحتها او خطلها حتي ظهور الحالة الصومالية و دراسة سعر صرفها، شفت كيف؟
زي نظرية اينشتاين بتاعت ال Gravitational Waves، العلماء انتظرو قريب المية سنة عشان يتاكدو من وجودها، عندما تمكن العلماء بمساعدة اجهزة الرصد الحساسة الحديثة من رصدها و بذلك تحققت صحة اخر فرضية لنظرية النسبية!!
عندي حبة مشاوير و بجيك صادي، فخليك قريب
05-15-2016, 10:32 PM
Munir Munir
تاريخ التسجيل: 02-11-2002
مجموع المشاركات: 10496
حوار عجيب .. عبارة محمدحيدر المشرّف عن الحساسية عبارة واعية ومثالية يجب التخلُّق بها ..
من ناحية أخرى ، إذا كانت ٩٠ % من المعاملات بالدولار يبقى مافى معنى لعبارة عملة محلية .. فالعملة الرئيسية هى الدولار .. فلازم يكون ثابت .. يعنى الصومال أصبحت زى أمريكا ـــ بلد الدولار بدولار ..
وياسيف اليزل إنت مش كان عندك بوست عن بلد فكيت فيها ٢٠دولار بشوال عملة محلية أو شى زى ده؟ دحين ديك كانت الصومال أم زيمبابوى؟؟ ..
05-15-2016, 10:41 PM
Munir Munir
تاريخ التسجيل: 02-11-2002
مجموع المشاركات: 10496
Quote: وياسيف اليزل إنت مش كان عندك بوست عن بلد فكيت فيها ٢٠دولار بشوال عملة محلية أو شى زى ده؟ دحين ديك كانت الصومال أم زيمبابوى؟؟ ..
سلام يا منير... البوست داك كمان فيهو فديو لمقابل فكة العشرين دولار بالعملة المحلية في عام 2007.
سعر الدولار بالعملة المحلية في الصومال لم يتغير كثيرا منذ ذلك التاريخ يا منير. التحول للدولار ساعد الصوماليين علي التحكم في أسعار السلع الأساسية زي الغاز والبنزين والدقيق والكهرباء. عشان كده مافي سوق سوداء للدولار في مقديشو...ده في بلد بقولوا عليها منهارة. طيب في الخرطوم، الشايفة نفسها أفضل في مقديشو دي، لا في كهربة لا موية لا غاز. وسعر الدولار كل يوم طاير السماء وجاري معاه أسعار السلع الأساسية.. هسي يا منير بالمعادلة دي منهارة الخرطوم ولا مقديشو؟؟
05-15-2016, 11:46 PM
Munir Munir
تاريخ التسجيل: 02-11-2002
مجموع المشاركات: 10496
ياسيف طالما فكيت ٢٠ دولار فى شوّال دى تبقى زى عملة زيمبابوى .. إذن هى عملة هامشية وبديهى تظل ذات قيمة ثابتة طالما التعامل بها هامشى فى حدود الـ١٠ فى المية .. ثم ياخى عدد سكان مقديشو كم ؟؟ ومعدّل إنتاج الكهرباء والموية قدر شنو مقارنة بالخرطوم؟؟ ..
بعدين لاحظ أنى لفتت النظر لهذه الظاهرة الإقتصادية الفريدة وهى أن البلد تهمل عملتها المحلية ويصبح الدولار بديلاً فى بلد ليس لها نظام إقتصادى ثابت .. ولذلك ربما أرى أنه نموذج يُمكن أن يحتذى بدلاً عن وجود عملة محلية تعتبر عقبة وأداة لهدم الإقتصاد الوطنى مثلما يحدث عندنا فى السودان حيث أصبحت هذه الحالة مصدر سمسرة يغتنى بها الأقلية ويفقر الأغلبية .. .. فلو تحولت العملة عندنا كما الصومال لإنهمرت العملات الصعبة للبلد زى المطر .. ممكن الإقتصاديين يفتونا فى الموضوع ده ..
05-16-2016, 05:40 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
سلام أيمن و الشباب و التحية موصولة لكاتب المقال عبدي تعليق على نقطة ان التعامل بالدولار يقضي على سوق العملة الصعبة الأسود, اعتقد ان المشكلة ح تكون في توفر الدولار نفسه, البلد ما فيها انتاج يتصدر ويتباع بالدولار يفوق احتياجات الإستيراد زي ما كان حاصل ايام الترول فلو تحولنا لعملة صعبة زي اليورو او الريال او حتى الدولار نفسه, كل الح يحصل ستختفي السوق السوداء نعم لكن هذا لن يعني انخفاض اسعار السلع بل قد يقود شح الدولار و ارتفاع الطلب عليه لظواهر اخرى الله اعلم ما هي لكن السوق بطبعه يتكيف و يخترع ما يقابل احتياجاته.
Quote: التحية لدكتور المشرف شكرا للاحاسيس الطيبة تجاه اخوانك الصوماليين
Quote: ياخي نحن لو ما لقينا زول نحاربوا ندور في بعض زي المافي حاجة لمن اخترعنا حاجة اسمها الصوملة ، سمعتا بيها هاهاهاها
الغريبة معظم المعترضين على إستخدام مصطلح الصوملة، مشيت قوقل لقيتم مستعملنها فيما مضى!!
___________ يا ناصر، شنو غرينسبورو؟ نحن نتعارف، حتى بالإمارة جيت جاملتكم في عرس أخوك من غير ما اكون معزوم وسكسكتا في الحفلة وتاني يوم وديت الفنان المطار
Quote: الغريبة معظم المعترضين على إستخدام مصطلح الصوملة، مشيت قوقل لقيتم مستعملنها فيما مضى!!
غايتو يا المستنير انت زول بتاع لخبته الكوت الفوق القوقلتو دا حقي انا لكن انا متين اعترضت علي مصطلح الصوملة؟؟ شكري للاخ الدكتور المشرف، الراجل من زوقوا قال حقوا الناس تكون اكثرحساسية عند الحديث عن الشعوب الاخرى وكل مايتعلق بها الراجل زوق واحساس و انا شكرتو علي حسو لكن انا في البوست دا قلت لا كلامك لا كلام العزيزة بثينة لا كلام الطيب مصطفي فيهو اساءة للصومال
Quote: يا ناصر، شنو غرينسبورو؟ نحن نتعارف، حتى بالإمارة جيت جاملتكم في عرس أخوك من غير ما اكون معزوم وسكسكتا في الحفلة وتاني يوم وديت الفنان المطار
ياخي ان شاء الله نتلاقي في ساعة خير ايام العرس ما كنت في قرينزبورو لكن بي صراحة كنت متمني الاقيك، حتي قلت لاخونا د. عمر عبدالله من بورداب قرينزبورو، المستنير دا حا يكون أضافة جميلة للمدينة
05-16-2016, 11:04 AM
Munir Munir
تاريخ التسجيل: 02-11-2002
مجموع المشاركات: 10496
سلام يامحمدالبشرى .. يعنى إنت قاصد إنو الصومال عندها منتجات للتصدير؟؟ .. الصومال دى ماشة بتحويلات الصوماليين .. أنشط ناس فى التحويلات، والحاجة أم الأختراع .. ولو أصلو البلد فعلاً بتتعامل بالدولار بالـ٩٠ فى المية دى .. يبقى ده إقتصاد إخترع نفسه .. (هسه ناس سيف النصر وبتاعين نظرية التطور يجوا ينطوا لى فى حلقى:)) بالنسبة لكلامى، قول إنو الشعب السودانى ده بدأ يتعامل بالريال بس ، أها تانى الحكومة تقابض المغتربين فى قروشهم كيف؟؟ وتجار العملة الشغالين إمتصاص فى العملة الصعبة تانى حيشتروا شنو ويبيعوا لمنو؟؟ .. يبقى النتيجة إنو الجنيه السودانى يتحول لفكّة .. زى الصومال .. لأنو حسب الكلام الإتقال هنا ده فالشلن الصومالى أصبح فكّة وجزء من الدولار فطبيعى إنه يكون ثابت .. يعنى الناس حتشترى بيهو دولار والدولار هو العملة الرئىسية؟؟ .. إذا كان الراعى حيبيع ليك الخروف بالدولار .. تانى سمسار العملة شغلته حتكون شنو؟؟ التجارة فى سوق العملة السوداء هى أكبر ثغرة فى لإقتصاد وأسوأفيروس ينهش فى معايش الناس .. السماسرة تنهش والحكومة تنهش .. أنا أطالب بإلغاء الجنيه تدريجياً والتعامل بالريال ..
05-16-2016, 12:19 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: بعدين لاحظ أنى لفتت النظر لهذه الظاهرة الإقتصادية الفريدة وهى أن البلد تهمل عملتها المحلية ويصبح الدولار بديلاً فى بلد ليس لها نظام إقتصادى ثابت .. ولذلك ربما أرى أنه نموذج يُمكن أن يحتذى بدلاً عن وجود
بالتأكيد غير ممكن .. حجم الناتج المحلي الاجمالي (السلع والخدمات التي ينتجها الاقتصاد في فترة محددة) اكبر بكثير من عرض الدولار ،عندنا Hyperinflation ، طباعة عملة بدون رصيد موازي من العملات الصعبة وعدم وجود احتياطي نقدي معقول للدولار او سلة عملات صعبة لدى بنك السودان ،و بافتراض ان عرض النقود يساوي مجموع السلع والخدمات التي ينتجها المجتمع "يقل او يزيد قليلا " ، فمن اين نأتي بحوالي سبعين مليار دولار "(اجمالي الناتج المحلي 2015) وصادراتنا كلها لا تصل لثمانية مليار دولار؟ الاقتصاد الصومالي اقتصاد صغير وبسيط مقارنة بالاقتصاد السوداني وحر للغاية لا سلطة تتحكم فيه informal economy فقط ميكانيزمات السوق وهذا ربما اضفى عليه بعدا ابداعيا فريدا ففساد السلطة في السودان تأثيره بالغ على الاقتصاد الوطني. يعني ببساطة لو عايزين نحول كل الكتلة النقدية الحايمة في السوق وفي البنوك لدولار حنحتاج لمبلغ ضخم جدا من الدولار وما عندنا سلع نبيعا عشان نجيب المبلغ ده ..
05-16-2016, 12:50 PM
Munir Munir
تاريخ التسجيل: 02-11-2002
مجموع المشاركات: 10496
أنا قلت تدريجياً وقلت ريال وليس دولار .. الصومال ١٠ مليون ، والسودان ٣٠ مليون .. التجارة بالدولار أصبحت عقبة كؤودة فى طريق الإقتصاد السودانى .. التعامل بالجنيه أصبح مشكلة فى عضمه ده .. والعملة الصعبة زاتها أصبحت تتسرب لجيوب وقنوات طفيلية سرطانية تعجز الدولة عن السيطرة عليها .. موارد المغتربين مهمة جداً كمصدر للعملات الصعبة ولكنها تدخل قنوات طفيلية ولا تصب فى عصب الإقتصاد .. إذا استطاع الشعب الصومالى الـ ١٠ مليون تسيير معاشه بدون نظام مصرفى فماذا يمنعنا نحن الـ ٣٠ مليون أن نتمرن على هذا السيستم وكلكم تتوقعون صوملة البلاد ؟؟.. وأخيراً كلامى ده حنك زوول ما عنده علاقة بالإقتصاد وإنما رمى درابة فى بركة ساكنة، عسى الإقتصاديين يطلعوا من بياتهم ويقولوا حاجة ينورونا .. المهم إن كنت أنت إقتصادى ففى رأيى أن كلامك تبسيطى وما مقنع ..
05-16-2016, 12:43 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
وعليكم السلام منير لا قصدي أنه تحويل العملة للدولار ما حل يعيد العافية للإقتصاد, و لا اعتقد انه افاد اقتصاد الصومال كذلك سعر العملة يعطي مؤشر و استقرار هذا السعر شي ايجابي لكنه لا يعني ان الحال ممتاز ويخلو من المشاكل المهم, محصّلة الكلام لو خاض السودان التجربة دي نعم ح يختفي السوق الأسود للعملة لكن سيظل الحال في ماهو عليه من سوء و ستظهر ممارسات اخرى تناسب الوضع الجديد
05-16-2016, 01:18 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: أنا قلت تدريجياً وقلت ريال وليس دولار .. الصومال ١٠ مليون ، والسودان ٣٠ مليون .. التجارة بالدولار أصبحت عقبة كؤودة فى طريق الإقتصاد السودانى .. التعامل بالجنيه أصبح مشكلة فى عضمه ده .. والعملة الصعبة زاتها أصبحت تتسرب لجيوب وقنوات طفيلية سرطانية تعجز الدولة عن السيطرة عليها .. موارد المغتربين مهمة جداً كمصدر للعملات الصعبة ولكنها تدخل قنوات طفيلية ولا تصب فى عصب الإقتصاد .. إذا استطاع الشعب الصومالى الـ ١٠ مليون تسيير معاشه بدون نظام مصرفى فماذا يمنعنا نحن الـ ٣٠ مليون أن نتمرن على هذا السيستم وكلكم تتوقعون صوملة البلاد ؟؟.. وأخيراً كلامى ده حنك زوول ما عنده علاقة بالإقتصاد وإنما رمى درابة فى بركة ساكنة، عسى الإقتصاديين يطلعوا من بياتهم ويقولوا حاجة ينورونا .. المهم إن كنت أنت إقتصادى ففى رأيى أن كلامك تبسيطى وما مقنع ..
برضو ما ممكن يا منير ريال او دولار ما بتفرق هي نفس الفكرة ، في النهاية انت لازم تبيع سلع عشان تحصل على الدولار او الريال .. اما التدرج فهو غير منطقي اصلا في ظل العجز الكبير في الميزان التجاري (الصادر - الوارد) .. يعني لو الدولة او المصرف المركزي بدا يحجز احتياطي عملة صعبة من حصيلة الصادر او خلافه رغم العجز الكبير فيها عشان يتحول تدريجيا للدولار او الريال ، الدولار حيطير السما ، اكتر من طيرتو دي .. الاقتصاد الصومالي ده اقتصاد غيررسمي او هامشي مافي جهة بتتحكم فيهو ، حر بشكل مطلق ، هناك مافي حكومة بتمنح اسامة داوود دولار بسعر محدد للقمح وتمنح الامدادات الطبية دولار للدواء ولا في حكومة بتشتري دبابات ، الصومال دي موضوعا مختلف تماما الاقتصاد بتاعا زي اقتصاد القرية ، كل زول ببيع العندو عشان يشتري ، بدون اي تعقيدات ، العندو يشتري والماعندو يتوكل ومافي جهة مسئولة من زول .. انت عندك حكومة هنا بتصرف على قطاع طفيلي عريض جدا من الموظفين والوزرا والحرب و امراء الحرب والمؤتمر الوطني والباقي يمشي الجيوب .. مافي انتاج ما تتخيل انو الصوماليين هناك عايشين في نعيم ! متوسط دخل الفرد في الصومال اقل بكتير من السودان ، المؤشرات الاقتصادية للاقتصاد الصومالي ليست دليل عافية على عدم دقتها لظروف معروفة ، بكرة لو جات حكومة مركزية في الصومال وقعدت تبني في المدارس والمستشفيات والجيش والشرطة والسفارات والطرق والموظفين الخ الخ الخ حتشوف مؤشرات مختلفة تماما ..
05-16-2016, 04:23 PM
Munir Munir
تاريخ التسجيل: 02-11-2002
مجموع المشاركات: 10496
يا عبدالله ادريس .. كلامك يترائى معقولاً حين ننظر إليه كحجة تقليدية ـــ ستاندرد ـــ بينما أنا نظرت لهذه الحالة الصومالية كمحفز لتفكير غير تقليدى، لأننا تعبنا من مستنقع الجنيه مقابل الدولار ده الذى أصبح دولة موازية ما تعرف رئيسها الحكومة أم التجار؟؟ .. وأنا عندما قلت تدريجياً لأنى عارف الحكاية ما بتجى بضربه رماه بين يوم وليلة .. لكنى متخيل أن تتدافع تحويلات المغتربين بدون حواجز وبدون ما تصب عملاتهم فى جيوب سوق الحرامية الذين يوجهونها لمآرب بعيدة من مصلحة المواطن .. ولمن أقول تدريجياً معناها مفروض يتسرب التعامل مع السلع داخل البلد بالريال السعودى مثلاً فلا يحتاج المواطن للتحويل وتدخل العملة فى يد الوسيط وتمرق أضعافاً مضاعفة.. .. يعنى قول المفتاح الرئيسى أن تسمح الدولة بالتعامل المحلى بالريال .. ولربما ساعدت السعودية فى ذلك .. أها هنا مفترض الإقتصاديين يجتهدوا ويبتكروا ميكانيزمات للتطبيق ..
05-16-2016, 05:24 PM
Munir Munir
تاريخ التسجيل: 02-11-2002
مجموع المشاركات: 10496
التدريج ــ أو التدرُّج ــ فى أى شئ يمكن أن يؤدى لنتائج ملموسة مع قليل من الصبر والمثابرة .. زمان كتبت بوست عن تدريج فى جعل حركة المركبات عالمية بالتدرج ، و منه نعلِّم الشعب النظام وإحترام القانون .. والبوست هو ..
الاعزاء جدا عبدالله ادريس، ود البشري، و منير - الترتيب هنا عشوائي نقاشكم دا موضوعي و جميل جدا خصوصا تفكير اخونا منير التفكير في حلول غير تقليدية و خارج الصندوق
و دا بالضبط سبب دخولي في هذا البوست!! عندما تداخلت في هذا البوست، بحكم متابعتي اللصيقة للوضع في الصومال، كان في بالي توضيح الحقائق في ارض الواقع، بعيدا عن المفاهيم المعلبة و الوهمية في خيال الاعلام العالمي عن الصومال
يا منير انا عايز اعدل شوية في ال Setup بتاع التفكير خارج الصندوق بتاعك و في النهاية حا تكتشف شي فريد حصل في الصومال بسبب الوضع الفريد للصومال باعتبارها the world’s only extant anarchy (1) الصندوق: هو الدولة بكل اجهزتها اجهزة امنية لحفظ الامن، بنك مركزي لتوجيه الاقتصاد، وزارات خدمية لتوفير العلاج و التعليم وغيرو و هكذا
(2)خارج الصندوق: هو ما يصطلح عليه بال anarchy او الفوضي الناتجة من حالة انعدام السلطة - تقراء الدولة، stateless كما في حالة الصومال - الحالة الوحيدة في التاريخ الحديث
و الدعوة هنا للتفكر و المقارنة فقط و ليس للتمثل
طيب نبدا معاك من الصومال قبل الصوملة و بعد الصوملة طبعا التفكير التقليدي - conventional wisdom- بيقول انو الصومال قبل الصوملة - يعني الصومال الدولة - افضل من الصومال ما بعد الدولة - Stateless Somalia - او الحالة الموصوفة اعلاميا بالصوملة
لكن المفارقة الغير متوقعة انو الصوملة ليست بأسوء من الدكتاتورية و الدولة البوليسية تحت نظام سياد بري
مثلا احد مهام الدولة هي توفير الامن و الامان للمواطن; بل هذه اهم وظيفة للدولة هل كان هناك امن و امان تحت نظام سياد بري بافضل من مرحلة الصوملة؟؟ للاسف الاعلام العالمي يختذل الصومال كله في مقديشو، طالما في حرب و سقوط ضحايا في مقديشوا، يبقي الصومال كلو غير امن و في حالة حرب!! نفس الشئ عند بعض السودانيين، يختذلون السودان كله في العاصمة الخرطوم، يحترق السودان في جميع اطرافه، لكن نحن بخير لسع ما وصلنا مرحلة مقديشوا
عدد الضحايا الكانو بموتو بطائرات السوخوي الروسية من قبل الدولة الوطنية ضد المواطنين العزل في طلعة و احدة و في اقل من ساعة واحدة كان اكتر من الضحايا البموتو في معارك تستمر لسنوات بين لوردات الحرب
اسوأ مرحلة مرت علي الصومال بعد سقوط الدولة المركزية هي مرحلة لوردات الحرب من حوالي 95 و حتي عام 2006 كنت و ما زلت اتابع اخبار الصومال بصورة راتبه و تجد في الاخبار معارك ضارية بين فصيلين من لوردات الحرب لمدة عشرة ايام او اسبوعين و عدد الضحايا حوالي 60-90 و في اقصي الحالات لا يتجاوز عدد القتلي ال 200
اشرس هذه المعارك كان في مطلع 2006 بين تحالف جمع اربعة من اقوي لوردات الحرب ضد اتحاد المحاكم الاسلامية استمرت هذه المعارك لمدة شهرين ونصف الشهر. قتل فيها حوالي 350 شخصا وجرح 1600آخرين
في سنة و احدة في سنة 88 الحكومة المركزية قتلت اكثر من 50 الف مواطن اعزل بطائرات الموت واكتر من 350 الف جريح
الحقائق المجردة تقول ربما كانت الصوملة نعمة من نعم الله علي الشعب الصومال
الصوملة ولا اعني هنا حالة الحرب فحتي في السودان هناك حرب لكنني بالصوملة اعني سقوط الدولة المركزية، و حالة الا دولة Stateless
الصوملة اصبحت حالة للبحث الاكاديمي في مجال التنمية الاقتصادية و في جامعات عريقة في الغرب قبل سنوات قرات دراسة قامت بها جامعة استانفورد التي تعتبر من اعرق الجامعات الامريكية خلاصة الدراسة، ان الاداء الاقتصادي للصومال تحسن في ظل الصوملة بعد سقوط النظام الدكتاتوري، و في بعض الحالات تفوق علي بعض دول الجوار الافريقية الان ابحث عن تلك الدراسة و سوف اتي بها الي هنا ان شاء الله هنا توجد دراسة اخري من المجلة العلمية في الاقتصاد المقارن Journal of Comparative Economics الدراسة تكلف حوالي 36 دولار، لم احصل علي الدراسة لكن هذه هي الخلاصة ادناه http://www.sciencedirect.com/science/article/pii/S0147596707000741 Abstract Could anarchy be good for Somalia's development؟ If state predation goes unchecked government may not only fail to add to social welfare, but can actually reduce welfare below its level under statelessness. Such was the case with Somalia's government, which did more harm to its citizens than good. The government's collapse and subsequent emergence of statelessness opened the opportunity for Somali progress. This paper investigates the impact of anarchy on Somali development. The data suggest that while the state of this development remains low, on nearly all of 18 key indicators that allow pre- and post-stateless welfare comparisons, Somalis are better off under anarchy than they were under government. Renewed vibrancy in critical sectors of Somalia's economy and public goods in the absence of a predatory state are responsible for this improvement. Journal of Comparative Economics35 (4) (2007) 689–710.
05-17-2016, 11:19 AM
Munir Munir
تاريخ التسجيل: 02-11-2002
مجموع المشاركات: 10496
الأخ ناصر جامع ، شكراً على التنوير .. .. يمكن ربنا رسل لينا رسالة الصومال دى عشان نطلع من قوقعة دولار ريال شيك سياحى .. :) .. ياخوى الإقتصاد أصبح معركة حامية الوطيس بين الدولة والتجار .. يعنى حالة الـstateless دى إلاّ تقوم حرب شاملة؟؟ .. فى كم مليون سودانى فى الخارج يغذون السوق الأسود على حساب الغبش الما عندهم مغتربين؟؟ .. وتجار السوق الأسود ديل يشيلوا ريالاتك فى محلك ويمشوا يدوها لأهلك فكة سودانية ويمشوا بهناك يشتروا باريالات سلع معدومة من الخارج ويزيدواعليها أرباحهم وأهلك يمشوا يستلموا الفكة الرسلتها ليهم عشان يشتروا نفس السلع بأرباحها ـــ يعنى أرباحهم طالعة معاك بالخسارة .. يمين دى حالة أخير منها ساقية جحا ــ على الأقل فى ساقية جحا الـinput يساوى الـoutput .. :) ..
05-17-2016, 11:29 AM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
Quote: خصوصا تفكير اخونا منير التفكير في حلول غير تقليدية و خارج الصندوق
بالتأكيد كلام منير صحيح ، نعم الاقتصاد علم رصين ، لكن الابداع وابتكار حلول غير تقليدية شيء مهم جدا وده البميز اقتصادي من اقتصادي آخر ، كلهم درسوا النظريات القديمة والجديدة وحفظوها صم ، يبقى الفرق في الابداع والابتكار واختيار افضل الخيارات ، هناك قصة معروفة في عالم الاقتصاد وهي قصة الاقتصادي الالماني هيلمار شاخت الذي نهض باقتصاد المانيا الهتلرية من الخراب بعد الحرب العالمية الاولى ، وبعد الحرب الثانية استعانت به ماليزيا ففشل فشلا ذريعا لأنه حاول تطبيق نفس الافكار التي نجحت في المانيا بحذافيرها. ولذا لابد من اجتراح حلول ذكية مبتكرة . بنك غرامين ، بنغلاديش ، الذي نشأ بفكرة بسيطة غير تقليدية وراس مال بسيط ليقوم بتسليف الفقراء بدون ضمانات الآن لديه حوالي 2500 فرع وارباحه السنوية لا تقل عن 200 مليون دولار وقد حاز مؤسسه على جائزة نوبل في الاقتصاد 2006 لنجاح افكاره غير التقليدية ! الاقتصاد الصومالي حافظ نسبة نمو معقولة بعد انهيار الدولة لأنه تخلص من فساد الدولة الهائل ، وبالمناسبة حالة السودان الآن اسوأ من حالة الصومال في فترة سياد بري قبل انهيار الدولة ، وهي الآن تذهب فيي ذات المنحى . اليوم على محمود ، وزير المالية السابق يحذرمن إستشراء التعامل بالدولار وهو مظهر من مظاهر انهيار عملة الدولة وفقدان الثقة في السياسة النقدية للدولة ، الآن الدول التي يستشري فيها التعامل بالدولار في صفقات تجارية داخلية كلها يجمع بينها رابط وثيق ، بمعنى ان ظروفها تتشابه ، موزمبيق ، الصومال ، لبنان و السودان مؤخراً وهذا يعني ان وزارة المالية والبنك المركزي في واد والشعب والسوق في واد آخر .
تحياتي منير وعبدالله Renewed vibrancy in critical sectors of Somalia's economy and public goods in the absence of a predatory state are responsible for this improvement
Quote: الاقتصاد الصومالي حافظ نسبة نمو معقولة بعد انهيار الدولة لأنه تخلص من فساد الدولة الهائل
الفساد بلاضافة للقيود يا يا عبدالله من اسواء محبطات الاستثمار ناس اصحابنا كتار رجعوا السودان من امريكا للاستثمار و الاستقرار ما قدروا يواصلو بسب المضايقات من الدولة و منسوبيها و ما ممكن تقضي اقل معاملة بدون رشوة و كثرة الجبايات و غيرها من الفاسد
في المقابل في حركة تصنيع مزدهرة في الصومال وقودها المهاجرين من امريكا و اوروبا، لكن و الله حتي الان ما سمعت بي صومالي رجع عشان الدولة ضايقتو في رزقوا
05-17-2016, 03:57 PM
Munir Munir
تاريخ التسجيل: 02-11-2002
مجموع المشاركات: 10496
غايتو الشايفو أنا(وده ممكن يكون كلام درّاب ساى)، لو الدولة فكّت التعامل بالريال إلاّ تلقائياً إقتصاد السودان يرتبط بإقتصاد السعودية القوى وتنفتح ماسورة الريالات هبطرش .. بس خلى وزير المالية يطلّع منشور ويقول قررت الدولة السودانية تطبيق نموذج الإقتصاد الصومالى المفتوح، بحيث يسمح بالتعامل بالريالات الخليجية فى الأسواق المحلية .. شوف لو ما المنشور ده بقى breaking news فى كل النشرات الإقتصادية العالمية .. وبعد يومين كثير من الدول تحذو نفس الحذو .. وتقوم كده السعودية تضخ لينا بضع مليارات نظام خميرة وتسخينة وتوسيع لسوق الريال وإنتشاره .. وبعد شوية تجيك استثمارات خليجية بالكوم وووو .. لأنو لازم كتمة سوق العملة دى تتفكّ .. وممكن ده برضو يكون قضاء على الفساد، وتحفيز للمواطن المنتج عشان يكون مع السوق العالمى وجهاً لوجه بدون الدخول فى عنق الزجاجة بتاع العملة الصعبة ..
دى صورة إفتراضية لكنها ممكنة للطيش ..
قبل كده كانت فى بوستات تشخص فساد الإقتصاد السودانى وتعدِّد مكامن الإفساد ـــ ده كله مفهوم ومعلوم ـــ لكين مافى أى مقترحات للحلول سوى الإرتماء فى حضن البنك الدولى وصندوق النقد .. !!! نقعد نحن فى إعادة إختراع العجلة يعنى؟؟ ..
عندى صاحب مكسيكى قال لى عندهم فى إحدى المدن فى سوق للتجارة بتبادل السلع .. يعنى الناس ضاقت ذرعاً بعنق زجاجة العملات وقرّبت ترجع للتجارة البكماء بتاعة أجدادنا القدماء وإكتشاف النار :)
نعم لصوملة الإقتصاد السودانى ... !!!
05-19-2016, 01:09 PM
Munir Munir
تاريخ التسجيل: 02-11-2002
مجموع المشاركات: 10496
ما الذى يغضب صاحب المقال.. فى الوقت الذى تحتل فيه الصومال.. أخر القوائم فى الاحصائيات التنموية العالمية.. وتحتل الصدارة فى الفساد والعنف.. وقد وصلت فى يوم من الايام الى حالة اللادولة.,.. حتى بدأت تلملم اطرافها مرة أخرى.. هذه الهجمة على مقال الاخت الفاضلة بثينة تروس.. غير موفقة.. فقد اراد الصومالى أن يجّمل بلده.. ولكن من خلال كبش فداء.. فلم ينجح...
05-19-2016, 07:30 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
العملة الوطنية يا منير من مظاهر السيادة .. تخيل يا منير لو كنا شغالين بالدولار وجات علينا المقاطعة الامريكية ؟ نفس الشي السعودية ذاتا هل حتقبل انو السودان تبقى عملتو الريال ، لأنو الموضوع حيكون فيهو طبعا طباعة عملة ومؤشرات اقتصادية خاصة بالعملة ، ولو حصلت مشكلة بين السودان والسعودية ، والسودان قرر يتخلص من الريال حتحصل مشكلة كبيرة للدولتين .. سعر الريال في السودان حيهبط هبوط كبير ، والسعودية حيحصل فيها تضخم ابن كلب .. لأنو كل الرياال الكان في السودان حيرجع السعودية .. عشان كده العملة هي من مظاهر سيادة الدولة لانو الدولة هي البتتحكم في السياسة النقدية ..
تحياتي
05-20-2016, 00:12 AM
Munir Munir
تاريخ التسجيل: 02-11-2002
مجموع المشاركات: 10496
Quote: العملة الوطنية يا منير من مظاهر السيادة .. تخيل يا منير لو كنا شغالين بالدولار وجات علينا المقاطعة الامريكية ؟
قلت لى لو جات علينا المقاطعة الأمريكية؟؟ .. إنت ماجايب خبر الحصار والمقاطعة الحاصلة منذ عشرات السنين دى؟؟ .. كدى ياعبدالله إدريس تأمّل إنعدام السيادة على الجنيه الحاصلة علينا .. أولاً الحصار المالى الحاصل ده خلّّى العملة الصعبة كلها خارج دائرة الإقتصاد .. يعنى نظامنا المصرفى برّة الشبكة .. شغالين عشوائى .. وقصة عنق الزجاجة القلته ده حقيقة ماثلة قدامنا .. الناس ماقادرة تسافر ماقادرة تتعالج ماقادرة تتاجر زى خلق الله .. وفوق ده كله أصبح عنق الزجاجة هذا مورد رزق لناس سوق العملة .. يعنى تم إحتكار العملة فى جيوب محدودة بينما الشعب يلهث للحصول على شوية دولارات للسفر أو العلاج أو التجارة .. وذلك غير قبضة الحكومة على القدر الشحيح المتوفر .. والذى يصرف بغير رشد .. يعنى المسئول الحكومى يستخدم إيراد أطنان من الصمغ مثلاً عشان يجيب أثاث فاخر لمكتبه .. أو إيرادات ألف خروف من أجل سيارة لبرلمانى أو وزير دولة ..وغير ذلك من المفارقات .. إذن أصبحت العملة الصعبة عقدة فى طريق الإقتصاد وأداة لخنق المواطن والوطن وحادت عن الغرض المتعارف عليه إقتصادياً .. لابد من حل لهذه العقدة ..
فعلاً أنا شبه قنعان كلو كلو .. وذلك لأنى ملاحظ حالة الهلع من المستقبل المجهول عند المتنفذين الحكوميين، وحالة الجشع اللامحدود عند التجار .. وحالة اليأس عند المواطن الذى شبه فقد الأمل فى أصلاح، والسبب هو غياب الثقة فى أى شئ .. الحكوميين يريدون مخارج آمنة إذا انقلبت الأحوال .. وليست هناك مخارجة إن لم تكن عندهم عملات أجنبية تسهل المخارجة .. ولذلك لا أستغرب أن يكونوا مجتهدين فى تجيير العملات لحين الحاجة .. التجار لاقين السوق هاملة ، وأنا أعتقد أن البنى آدم الذى يدخل فى موازنات الربح والخسارة وتصبح هى مهنته وثقافته فإنه يصبح إنسان صعب إذا غلبت شهوة الربح على طبعه .. ذلك ليس مثل البنى آدم الموظف ذو المرتب الثابت .. فالأخير ليست له أطماع فى أرباح ، بل همه كله أن يباصر مرتبه ليغطى حاجيات شهره .. بينما الأولانى ـــ بتاع الربح والخسارة ـــ تلقاهو دائماً خلف الأرباح .. وتجارة العملة بالذات أسهل السبل للكسب السريع .. الضلع الثالث فى مثلث العملة هذا هوالمواطن ذاته ، وخاصة المغترب والمهاجر.. فإنه يشعلل السوق بسعيه لإيجاد أعلى سعر تحويل .. وبذا تكتمل عوامل التفاعل التسلسلى لإرتفاع الدولار مقابل الجنيه ـــ المتنفذ الحكومى الخائف، والتاجر الطامع، والمغترب الخائف الطامع .. إذن صوملة الإقتصاد ستفكك هذا المثلث الذى تستند أضلاعه على بعضها البعض ..
سلامات يا شباب الغريبة انو قبل ان يعرف العالم مصطلح الصوملة ساد مصطلح اللبننة، و لبنان ايضا يتم فيها التعامل بالدولار في معظم التعاملات اليومية. اعتقد ان وجه الشبه بين الحالتين اللبنانية و الصومالية يكمن في سلوك المهاجرين. المهاجرون من البلدين يستثمرون بكثافة في بلادهم و هم في العموم شطار في التجارة و الاعمال مع بعض الفوارق حيث أن اللبنانين اقدم في مجال الاغتراب و اكثر تعليما و تأهيلا. اعتقد أن ما يبحدث في الصومال سببه بشكل اساسي احتكار الصوماليين لاعمال تحويل الاموال خارج النظام المصرفي و نجاحهم في تجنيد و توظيف اعداد كبيرة من الصوماليين في هذا النشاط الذي تولدت عنه رؤوس اموال كبيرة و خلق تراكما للثروة بحيث تمكن الناس العاديين من اعادة بناء مرافق كثيرة في الصومال دون الحوجة للدولة او الحكومة.
يا منير ياخ و الله شكرا ليك كتير علي سواقة البوست الهملو سيدو دا
دكتور سيف الف مراحب، قبل حوالي اسبوعين كنت في مطار شارلوت، اتذكرتك و الله كنت حابب الاقيك لكن الوقت كان صباح قلت تكون شغال مافي داعي ازعجك بالمناسبة مطار شارلوت دا احس فيهو بي راحة ما عادية بالذات المنطقة المشجره ديك زي شارع النيل ياااااااه حاجة ما تخلص و الله لو ال connection بتاعي 10 ساعات ما بزهج
اوكي نجي لي مداخلات المستنير في البداية حقو نتفق علي حاجة يا ابوبكر احترام عقل المحاور و عدم افتراض الغباء فيه اقل شئ اتاكد من معلوماتك قبل ما تجادل بيها بغير كدا، في احسن الحالات تفقد احترام القارئ و ما بياخد كلامك علي محمل الجد في اسواء الحالات يلم فيك واحد شفت يضقل بيك و كمان كان بقي ما بخاف الله ينتف ريشك و يحشرك في ذاك المكان الحرج من الوزة علي قول الحاردلو ههههههههههههه
Quote: يا سيف، أن تكتب كلام مضلل!! سحب الدولار من ماكينات الصراف المحمية بوا امراء الحرب دليل على اختفاء العملة المحلية
زي كلامك الفوق دا!! دا كلام مجاني ساي امراء الحرب البتتكلم عنهم ديل تم دحرهم بواسطة اتحاد المحاكم الاسلامية في منتصف مايو 2006
Quote: بالمناسبة يا علي الكلام البقول فوقو دا فعلا تنظير مني لتخيل كيف يسير الاقتصاد هناك، وفعلا منتظر زول يجي يفركش لي كلامي دا حتى الإن ناصر وسيف ضعيفين وكلامن تعبان في انتظار زول يجي يفند نظرتي دي
برضوا هنا تنجر نظريات من راسك المدوقس دا كدا ساي نظريات انت ذاتك ما متاكد منها جاي تناقش بيها الناس as counter argument دي شنو الخرمجة دي؟؟
بعدين تقطع نسب برضو من راسك ساي، 90% من المعاملات بالدولار!! جبت الكلام دا من وين؟؟
لعلمك معظم المعاملات في الصومال بدون اي عملة الصومال is almost cashless society!!
يا منير بالمناسبة واحدة من فوائد الصوملة هي انعدام القيود المكبلة للاقتصاد الوطني بواسطة الحكومات الفاشلة عشان كدا يا منير الصومال متقدم علي الكثير من دول افريقيا في مجالات عديدة اهمها مجال الاتصالات و التكنولوجيا
لانو ال adoption rate بتاع اي تكنولوجيا او خدمة تقدمها الشركات، سريع جدا في ظل انعدام القيود الحكومية، و تخضع تماما لقوانين العرض و الطلب
موضوع لصيق جدا لموضوع العملة هو الموبايل كاش التجربة بدات في كينيا لكن تلقفتها عبقرية السوق الصومالية و اصبحت الاساس لمعظم المعاملات المالية في السوق
تتصور يا منير انو بل قيت Bill Gate بتاع مايكروسوفت اشاد بي الموبايل كاش في صوماليلاند و شركة زاد zaad صاحبت التجربة؟؟ "Bill Gate call it "Digital Currency تقول لي دولار ريال شيك سياحي هههههههه Bill Gates, co-chair of the Bill and Melinda Gates Foundation and the former chief executive and chairman of Microsoft, the world’s largest personal-computer software company has praised Somaliland’s leading telecommunication Company Telesom for its mobile money banking and transfer service, Zaad Service during his speech at Sibos closing plenary in Boston on October 3, 2014.
الشاب ال CEO بتاع شركة zaad اتخرج من جامعات كندا و رجع الصومال و طبق الفكرة و الراجل في طريقة في ان يكون بليونيرا هسي انت يا منير ممكن تطبق الفكرة دي في السودان؟؟ تفتكر تماسيح الانقاذ ديل يدوك فرصة
05-20-2016, 12:34 PM
Munir Munir
تاريخ التسجيل: 02-11-2002
مجموع المشاركات: 10496
كدى نكب شوية حنك عن طبيعة المواطن المستوظف فى الميرى بمرتب ثابت، والمواطن الشغال أعمال حرة .. وديل أشرت ليهم فى مداخلتى السابقة بمثال تاجر العملة والموظف الحكومى .. يمكن أن نوصّف هذين النوعين بلغة الميكانيكا .. ونقول إنو صاحب الموظف حالته static بينما العامل الحر dynamic .. ولذلك تجد الموظف هو مقياس لشظف العيش وثورموميتر ثابت لتغير الزمن .. تلقاهو دائماً يبكى على الماضى الجميل زمن القرش والتعريفة .. بينما العامل الحر حر بمعنى الكلمة .. يتفاعل مع السوق ومع الزمن .. إذا زادت الأسعار يقوم هو طوالى يزيد أجر خدماته .. يصحى من النوم طوالى يقرر الزيادة .. زوول dynamic شديد .. قارن ده بالموظف الـstatic المربوط فى كراع عنقريب المخدِّم (حكومة أو قطاع خاص) وراجى المرتب .. حالته صعبة .. مرتب ثابت وسوق طالع السماء .. حتى لو المخدم تلطّف بيهو فذلك يكون بوتيرة بطيئة بطء السنين .. وبمناسبة المرتب الثابت ده ، تجد المتنفذين يتحايلون على ديناميكية الحياة بإستخلاق خدعات وظيفية من أجل زيادة الدخل .. وذلك بإبتداع البدَلات والحوافز وطرق العمل المختلفة ووو .. تتذكروا يوم الخدمة ـــ البدعة بتاعة الطيب سيخة ـــ والتى تحوّلت بها المرافق الحكومية لحفلات هجيج .. الزوول يلاقيك يقول ليك أها فى يوم الخدمة الجايى الحفلة بتاعة وزارتكم بمنو؟؟ .. يمكن الغرض كان أجتماع العاملين فى وزارة ما مع الإدارات والترفيه ووو .. لكين طبعاً الناس زادت العيار ١٠٠ حبة، والشغلة بقت حفلات وبيبسى وحلويات ووو.. هههه .. لكين بالمناسبة أقول ليكم سر .. فى البوست بتاع أميرة السيد بتاع الدولار الوصل ١٤ جنيه، لمن الموظفين الكبار والخريجين كانت مرتباتهم عشرات ومئات الجنيهات إكتشفت أتارى نحن أولاد الطبقة العاملة كنا عايشين طين وقايلين نفسنا أغنياء !!!.. هههه .. سبحان الله.. عمرى ده كله عايش فى غيبوبة .. حالتو أنا أعتبر عشت فى المدينة .. أُمّال شفع العرب الحيارى اليجروا لاحقين القطارا كيف؟؟ العجب العجيب الكراكير والجخانين ..
آمنتُ إنو القناعة كنز لا يفنى .. وهو المطلوب .. full stop ..
أها الصوملة كيف ..؟؟..
حنجيك ياناصر ننظِّر فى الحالة الصومالية .. وممكن نقارن باللبننة بتاعة سيف ..
شركات كبري تستثمر في صومال الصوملة “Perhaps somewhat surprisingly for a poor, stateless, African country, Somalia has attracted a number of major corporations. Italian agribusiness companies and U.S.‐based Dole Fruit Inc. have invested in the agricultural sector since the state’s collapse.2 One of Somalia’s media companies has affiliated with the British Broadcasting Corporation (BBC). The courier DHL serves Somalia. A British Airways affiliate flies to Somalia. General Motors also does business there. In 2004 Coca‐Cola opened a soft drink plant in Mogadishu that will employ 120 Somalis and have a productive capacity of 36,000 bottles per hour (Ali 2004). Many companies avoid doing business in a number of Africa’s nation states, so the fact that these international companies are willing to do business in Somalia is a strong indication that it has been successful in providing a minimum security of property rights and economic freedom.”41 http://fic.wharton.upenn.edu/fic/africa/Somalia%20Final.pdf لاحظ للحتة دى يا منير Many companies avoid doing business in a number of Africa’s nation states
و تعال شوف كوكاكولا تدفع للموظفين في صوماليلاند بالموبايل كاش Coca-Cola’s bottling plant in Somaliland, for example, is Africa’s only branch that operates entirely using mobile money and online transfers; the CEO has claimed to ‘never handle a single dollar in cash’ (York 2013). و ازيدك من الشعر بيت يا منير كوكاكولا في بلد بترولي و غني كفنزويلا شغلها وقف عديل كدا قبل يومين لانعدام السكر
سلامات ناصر جامع .. ياخ فتّحت عيوننا على هذا الصومال المنسى ، والذى شايف إنو طالع من القمقم بأحدث الأنظمة .. يعنى عمل فرمتة وقايم من الزيرو .. الفيديو الأخير ـــ الزول يمانى مش؟ ـــ ممتع .. وقصة خدمة zaad هذه مبتكرة .. قال تمشى الدكان تشترى لبان تدفع بالموبايل .. أفضل من الكريدت كارد .. لكين أنا ملاحظ أنك تتكلم عن جمهورية أرض الصومال والتى قيل أنها كوم والصومال المقديشوى كوم .. عجبنى فى الفيديو محطة البنزين الفاضية الراقية .. يخيل لى نظام zaad ده عندنا زيه ولكن بصورة محدودة وهى (حوِّل لى رصيد) :)
أصلو دنيا الإتصالات ستغير العالم والـfiat currency دى فى طريقها للإنقراض تدريجياً.. يعنى فى الآخر التعامل حيبقى هواء فى هواء .. والكريدت كارد أصلاً هو أول خطوة .. وهسه Satoshi Nakamoto إبتدع الـ Bitcoin التى هى بصورة ما زى تحويل الرصيد ..
المهم الناس تلقائياً بتبتدع أشياء وأساليب فى نمط الحياة لامن تستعجب ..
Quote: ما الذى يغضب صاحب المقال.. فى الوقت الذى تحتل فيه الصومال.. أخر القوائم فى الاحصائيات التنموية العالمية.. وتحتل الصدارة فى الفساد والعنف.
وتحتل الصدارة فى الفساد والعنف نور تاور تحياتي غايتو يا نور و الله بالغتي الكلام دا بالنسبة لي مفهوم وقت يقولو واحد من اولاد الخرطوم الما حاسي بمأسات اخوانو في الجبال و لا جنوب النيل الازرق و لا دارفور لكن بالذات منك انتي، بس الا كان نقول الله غالب
ياخي العنف و القتل المجاني في السودان يفوق الصومال بي مراحل الصومال ما فيها طائرات انتينوف تقتل بالجملة و تحرق قري باكملها
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أيمن محمود
Muna Khugali
محمد حيدر المشرف
أبوبكر عباس
عاطف عمر
عبدالحفيظ ابوسن
المعز ادريس
عبدالعظيم عثمان
Abdullah Idrees
محمد عبد الله الحسين
سيف اليزل سعد عمر
Deng
علي دفع الله
Munir
محمد البشرى الخضر
nour tawir
سيف النصر محي الدين
فيس بوك
تويتر
انستقرام
يوتيوب
بنتيريست