|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا وطن خلاص في أخر النفق شفنا نور وعالم شايل فوانيس
يا وطن انتهى عهد الدجل والتعفيس فداك الغالي والنفيس
يا وطن أولاد وبنات إبليس فتتوك عشان يبيعوك في الكواليس
يا وطن حاكمنك أباليس ما بعرفوا إيه وطن الوطن عندهم جيب وكيس
يا وطن كمان معارضيك الأباليس عندهم الوطن سكره ورقصه المطاميس
يا وطن هناك فيك ود إبليس الطيش ما عندوا غير السرقة والنهب والتدليس
يا وطن معانا بنت إبليس يوم رابعة العدوي والتاني الملكة بلقيس
يا وطن خلاص اتخوجنت وتفرنجت جار ليه كلب وشايل ليه كديس
| |
|
|
|
|
|
|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا وطن أباليس النظام بقولوا جايين نسمسر ونبيع
نسمسر بخساسة وبعدين نبيع البلد وكمان ناسا
وكمان الدوكة والكراكة والطانجي والمعراكة
سمسروا في الهبابة القفة والريكة والماشا والقشاشة
يا وطن أباليس النظام اشبعوا الناس جوع وتعاسا
يا وطن أباليس المعارضة خسيسين جنس خساسة
جلسات مناقشة قضايا الوطن بحشيش وكاسا
هم أصحاب الوطن والباقي بربر فولاني وفلاته ببساطة خيبة والراس مليان مخاته عمايلهم سجم
شوف العين يستحي الشبشب وتخجل الباتا
وتعال شوف الجزمة تصرخ وتشيل رباطا
والسفنجة تحزن وتجن وتقطع سويراته
أولادك يا وطن بحياتها ليك بتجود بدون حدود
أما نحن خارج الحدود بخير ما ناقصنا إلا الزريبة
والعلوق
| |
|
|
|
|
|
|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا كيزان
الخيط سينقطع خلاص الولد كبر
امبارح انفطم
واليوم انختن
يا أباليس
حا يسترجع الوطن
أبالسة في حق الوطن
ختيتوا
انتهى الأمر ولو توضيتوا
خلاص الصبح انبلج
والظلام راح بيتوا
نحن أبالسة الخارج صاحين
اصبحنا معارضين
تركنا الصلاة والصوم
وبقين نسب الدين
يا أبطال الوطن
الوطن رهين
خلصوه من النصابين
ما تعتمدوا علينا
لانوا نحن دلاقين
| |
|
|
|
|
|
|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا أبطال الوطن فعلا نحن فالخارج دلاقين
لا بنعرف أهمية الوطن ولا العنه مدافعين
قدمتوا اغلى ما عندكم في مقارعة تجار الدين
أما نحن الدلاقين قولوا انشاالله يأكلنا الدولفين
والله ميتين لا بنفيد الوطن ولا حتى الناس التانين
ناسين الوطن والشهدة والمن الجامعات مفصولين
فالحين في نبش القبور وتمجيد الزمان ميتين
| |
|
|
|
|
|
|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا وطن فعلا أباليس الخارج دلاقين
فعلا دلاقين وكمان مهترين و ممزقين
أبطال الوطن في وجه أباليس النظام واقفين
قولوا انشاالله نموت ويعضين الكنكيج والبل بوط
تكهربنا التام بيره ويقرصنا دبيب الحوت
نحن أصحاب كلام ساعة حمل وساعة عجل
ريحتنا فايحة زي وقتين يعفن ورق الفجل
انسونا تمام وخلاص يا أصحاب الجلد والراس
| |
|
|
|
|
|
|
Re: هو مقتول لا مختون يا اولاد وبنات ابليس لما (Re: عبد المنعم موسى)
|
يا وطن فعلا دلاقين وكمان ممزقين
قول إنشا الله يا كلنا السمك والدولفين
شايفين الوطن جالس كئيب وحزين
ما شي دفر ودفش التقول جاي من تمرين
مصوهوا البغال وكلاب باسم الزهد والدين
يا وطن اركز اقوى وما تلين قدام الوسخ والطين
يا وطن الرجالة ما ها نفخة بطن وكبر جعبات وملاين
يا وطن لازم تكبر كارك وتا كل نارك ونحن منسيين
أنت بتنسرق وتحترق ونحن في صفوف العوز واقفيا
خيابا كلام في كلام جبن وعدم ثقة وعايشين عيشة الأيتام
ساعة الجد رجفي وجري وجقليب التقول سكانا بنت عمسيب
| |
|
|
|
|
|
|
|