|
|
|
 Re: السودان يسعى لتدريب وتخريج رعاة وحلاقين ب (Re: Omer Abdalla Omer)
|
شكراً يا عمر
وياليت وزارة العمل تلتفت لتأهيل العاملين في المهن في داخل الخرطوم وتستثمر فيهم قليلاً في تدريبهم وتأهيلهم
وحقيقة هذا التأهيل والتدريب للمهنيين السودانيين يوفر الكثير من العملة الصعبة للبلاد فكثير من المعدات والأليات تتلف ليس لأنها ذات جودة أقل بل لأن ترمكيبها وتشغيلها لم يتم بالصورة الصحيحة
مثلاً تركيب السراميك والتوصيلات أبنابيب ومواسير المياه
انظر كم ممرة يجب عليك صيانتها وتغيير ملحقاتها وهذه كلها مواد مستوردة من الخارج
| |
  
|
|
|
|
|
|
|
|
Re: السودان يسعى لتدريب وتخريج رعاة وحلاقين ب (Re: Frankly)
|
السلام عليكم
الأخ فرانكلي وضيوفه الكرام
حقيقة التعليم الفني هو مفروض يكون احد اهم ركائز الإقتصاد السوداني في دول بتعتمد علي تصدير العمالة للخارج
مثلا زي الفلبين بتعتمد علي التمريض كمهنه فنيه بحته حتي وصلو مرحلة انو الجنسية فقط تكفي لي انك تاخد وظيفة ممرض في معظم دول العالم
لكن السؤال الأهم يا فرانكلي هو كيفية اختيار المهنه وعائد المهنه لي الدولة بمعني مثلا انت اوردت حرفتين الأولي هي الرعي و التانيه هي الحلاقة الأولي بتخدم الدولة في مجال الرعي سواء ان كان داخل السودان او خارج السودان بمعني انو الراعي الإنت حتأهلو وتدربو علي كيفية الرعي - مع انو ممكن يكون هو مؤهل اكتر من البقريهو - الدولة بتستفيد منو في مجال الرعي عموما سواء في الرعي داخل السودان أو خارج السودان وفي الحالتين انت كدولة مستفيد اما الحلاق العائد ليك حيكون شنو ؟ كدا فهمته انا لا اتكلم عن الحلاقة كمهنه لأ ؟ انا بتكلم عن تدريب حلاق
انا لو سألتني بقول ليك بدل الحلاق لي مايكون مزارع أو فني هندسي في اي مجال
الحاجة دي يا فرانكلي هي عاوزة المنهج اليدرس يكون الهدف منو شنو بمعني مثال الراعي مفروض ياخد شويه من ناس الطب البيطري وشويه من ناس الزراعه مقتطفات يقدر يتصرف في حدودها وخصوصا انو بيكون حايم النهار كلو مع الحيوان
غير كدا التدريب المهني حسب رسم الخطة الإقتصادية لي الدولة لي انا بقول كدا التدريب بتاع الفني عموما او التدريب المهني الفترة بتاعتو قصيرة وانت بتقدر تدفع بي كادر مؤهل نسبيا كويس لي حتات انت محتاج ليها
يعني انا بقول في السودان 2020 انا محتاج لي زراعه ورعي وفي الزراعة محتاج لي زراعة محاصيل معينه و رعي لي حيوانات معينه اها ديل الأنا بدرب عليهم ناس التدريب الفني عشان يحصلو لي السوق لو قلته امرق خريج جامعي 2020 هو لسه بكون ما اتخرج
| |
|
|
|
|
|
|
|
|
|
Re: السودان يسعى لتدريب وتخريج رعاة وحلاقين ب (Re: Mahamed Eltaze)
|
كيمو سلامات
هل الاقبال على هذه المهن تحتاج لتدريب وصرف مبالغ من خزينة الدولة؟
عموما الفكرة مابطالة
لكن هناك حاجة ماسة لتوفير عمالة مهرة ومدربة للمنافسة في سوق العمل الخارجي
انت تعلم ان تحويلات العمالة المهاجرة تساهم بنسبة كبيرة في الناتج المحلي الإجمالي لأي بلد يعتمد إقتصاده على عمالته المهاجرة في الخارج
تدريب وتطوير مهارات العمالة المهاجرة اصبح ضمن الخطط الاستراتيجية للدول التي تسعى لتنمية اقتصادياتها
| |
|
|
|
|
|
|
| |
Frankly
Omer Abdalla Omer
عبدالعزيز الفاضلابى
Mahamed Eltaze
حيدر حسن ميرغني
فيس بوك
تويتر
انستقرام
يوتيوب
بنتيريست