|
Re: المطر نيران ماهو موية..الفنان محمد العصام� (Re: عبد المنعم سيد احمد)
|
شكرا جزيلا أخونا عبد المنعم سيد أحمد علي هذا الغناء الجميل الشجي
أخونا الفنان محمد العصامي رجل فنان معتق تنضح اعماله بثورية و رمزية عميقة إفتقدناها من زمن الهرم الراحل مصطفي سيد أحمد وله مزهر تتلاعب أنغامه بشغاف قلوبنا حينما تداعب أنامله الأوتار.
محمد العصامي مظلوم ظلم الحسن و الحسين مننا نحن محبيه و من الإعلام بكل أشكاله.
وصلتنا اليوم للتو هذه الفيديوهات عبر الواتساب من الأخ الصديق محمد العصامي وكنت بصدد الإتصال به لإستئذانه لنشرها في سودانيزأونلاين مع إستعراض لمسيرته الفنية الرائعة و نضالاته من زمن معهد الموسيقي و المسرح بغرض التوثيق.
بما أنك السباق في هذا فأنا ما زلت فيها سأرفد البوست بما أحصل عليه من معلومات و صور من محمد العصامي هذا إن لم يكن لديكما أي موانع أنت و هو
و لك جزيل الشكر و التقدير
| |
|
|
|
|
|
|
Re: المطر نيران ماهو موية..الفنان محمد العصام� (Re: Moawia Mohammed)
|
يا ناس السعودية يا بورداب السعودية أنشط ناس و أكتر ناس حايمين هنا
الزول دا معاكم في السعودية لو دايرين تعطروا أمسياتكم و لياليكم باستماع معتق مكرب كوسوا الزول دا وين و جيبوهو يمتعكم
نحن ناوين نستقدمه في التسجيلات لو لحقنا خمشناهو تاني ما بتلموا فيهو بالهين
| |
|
|
|
|
|
|
Re: المطر نيران ماهو موية..الفنان محمد العصام� (Re: عبدالحفيظ ابوسن)
|
سلامات يا ود أب سن والله متوقعك أول زول تجي هنا عشان كوستي الجميلة
أقول ليك كلام لمن الفيديوهات دي جات كان معاي اتنين من أجمل أبناء كوستي و سألتهم قبل كدا منك و قالوا بيعرفوك عز المعرفة واحد منهم هو سبب معرفتي بالفنان الرائع محمد العصامي و هو الاقترح القصة دي
| |
|
|
|
|
|
|
Re: المطر نيران ماهو موية..الفنان محمد العصام� (Re: Moawia Mohammed)
|
اشكرك والله وتحية ليهم وليك كانت كوستي تزخر بالفن والادب والموسيقي .. وبالذات حلتنا . فهي كوستي القديمة .. السمندل وميرفت واحمد ضحية و قبلة للفنانين والشعراء .. العبادي الشاعر الفخيم في عشرة بيتي .. وشهدت انطلاقات محمود عبدالعزيز و عمر احساس العصامي صديق منعم اخوي وكان مهووس بالغناء منذ صغره .. يحب الغناء جدا الدنيا صباح والذاكرة لسة ما شربت القهوة
| |
|
|
|
|
|
|
Re: المطر نيران ماهو موية..الفنان محمد العصام� (Re: عبدالحفيظ ابوسن)
|
عبد الحفيظ ابو سن تعلم محبتى لك يازول جميل والله اخوك ليهو يومين ماقادر ارفع راسى من السرير وباتت فى عظامى..ههههه البوست ده..برعايتك لم اكن اعرف هذا الفنان المدهش من قبل وها انت تاتينا بالخبر اليقين تشكر عزىزى وحقك علينا يازول يارائع والتحية عبرك..لعصامى الفنان الجميل وفى انتظارك..عزيزى
| |
|
|
|
|
|
|
Re: المطر نيران ماهو موية..الفنان محمد العصام� (Re: عبد المنعم سيد احمد)
|
يا سلام عليك يا عبد المنعم، رجعتنا لأيام جميلة العصامي، غير إنو ولدنا من كوستي، فهو دفعتنا في جامعة الزقازيق طوال النصف الأول من الثمانينيات ما تشوفو (بطوله الفاره ونظارته السوداء) إلا شايل العود في إيدو (تماما كما اعتدنا على رؤية هاشم ميرغني هنا في الدوحة) كان العصامي مقلدا مجيدا لمحمد الأمين في وقت كان الناس يهابون الاقتراب من إبداعات هذا الرائع وللعصامي علاقة قوية مع أسرة الصدّيق في كوستي وهي أسرة اشتهر أفرادها بإجادة العزف على العود وتقليد محمد الأمين أشهرهم عادل الصديق، أظنو في السعودية أيضا (يا ريت زول ينزّل لينا تسجيل له لإحدى أغنيات ود اللمين) التحية يا معاوية محمد لك وعبرك لمحمد العصامي ولكل زملاء جامعة الزقازيق من أبناء كوستي من الذاكرة المهترئة أجازف وأذكر هاني تاج السر الجوبعي نعمات البشير الباسم الكبير والباسم الصغير (أظن العصامي ابن اختهم) إبراهيم عثمان وداعة الله (فِشْ) حسن وحسين تيمان النور علي مجذوب مساعد محمد حسين ومجذوب ديم القراي عصام أبو قرجة ميسره سيد أحمد طارق أحمد علي عباس صديق منى وأشراقة عوض سليمان بنات ست سكينة المدرّسة نزار عوض الشريف التجاني يوسف بشير
يا عبد الحفيظ أسال لينا صلاح ليبيا يكمل اللسته دي
| |
|
|
|
|
|
|
Re: المطر نيران ماهو موية..الفنان محمد العصام� (Re: معاوية الزبير)
|
لا عليك يا منعم اخوك برضو مضروب ملاريا والتهاب ووجع اضان .. معليش بكون حساس شوية مع المرض يا معاوية الباسم الكبير والباسم الصغير ما عندهم علاقة رحمية بيهو الا الجيرة .. ومحبة الباسم الكبير للفن فعلا العصامي طوالي حاضن العودة من الثانوي العام عادل وعمر وعبدالله كلهم بقلدو محمد الامين بشكل جيد
| |
|
|
|
|
|
|
Re: المطر نيران ماهو موية..الفنان محمد العصام� (Re: عبد المنعم سيد احمد)
|
Quote: يا سلام عليك يا عبد المنعم، رجعتنا لأيام جميلة العصامي، غير إنو ولدنا من كوستي، فهو دفعتنا في جامعة الزقازيق طوال النصف الأول من الثمانينيات ما تشوفو (بطوله الفاره ونظارته السوداء) إلا شايل العود في إيدو (تماما كما اعتدنا على رؤية هاشم ميرغني هنا في الدوحة) كان العصامي مقلدا مجيدا لمحمد الأمين في وقت كان الناس يهابون الاقتراب من إبداعات هذا الرائع وللعصامي علاقة قوية مع أسرة الصدّيق في كوستي وهي أسرة اشتهر أفرادها بإجادة العزف على العود وتقليد محمد الأمين أشهرهم عادل الصديق، أظنو في السعودية أيضا (يا ريت زول ينزّل لينا تسجيل له لإحدى أغنيات ود اللمين) التحية يا معاوية محمد لك وعبرك لمحمد العصامي ولكل زملاء جامعة الزقازيق من أبناء كوستي من الذاكرة المهترئة أجازف وأذكر هاني تاج السر الجوبعي نعمات البشير الباسم الكبير والباسم الصغير (أظن العصامي ابن اختهم) إبراهيم عثمان وداعة الله (فِشْ) حسن وحسين تيمان النور علي مجذوب مساعد محمد حسين ومجذوب ديم القراي عصام أبو قرجة ميسره سيد أحمد طارق أحمد علي عباس صديق منى وأشراقة عوض سليمان بنات ست سكينة المدرّسة نزار عوض الشريف التجاني يوسف بشير
يا عبد الحفيظ أسال لينا صلاح ليبيا يكمل اللسته دي |
الرائع..معاوية الزبير انما يحل الجمال.. لك التحية..وللمشاركة الدسمة فى حضرة العصامى الفنان له التحية..ولكوستى الفنانة. نريد ان نعرف الكثير ..عن هذا الفنان المدهش شكرا لحضورك الانيق
| |
|
|
|
|
|
|
Re: المطر نيران ماهو موية..الفنان محمد العصام� (Re: Dr. Ahmed Amin)
|
Quote: التحية للمبدع بالجد .. العصامي ...رجل فنااان بمعنى الكلمة واتمنى أن ينطلق الآن ليسد ما بالساحة الفنية من فراغ إنه يعيد زمن العمالقة .. وما أحوجنا إليه الآن ..وهو لا زال شابا وله مستقبل كبير باذن الله .
والتحية لكـ أخي عبدالمنعم لإطلاعنا على هذا الإبداع .. |
دكتور احمد امين تحياتى وتقديرى اتفق معك تماما فما احوجنا لهذا الصوت المثقف الساحة الفنية تحتاجه وبشدة شكرا لمرورك الانيق.
| |
|
|
|
|
|
|
Re: المطر نيران ماهو موية..الفنان محمد العصام� (Re: عبد المنعم سيد احمد)
|
منعم يا حبيب الكايسه فى عصامي بتلقاها عندي
عصامي دفعتي بمعهد الموسيقي وأخي وصديقي الذي يسعى دوما للقائي في اجازاتي بكل الطيبة والمحبة وإحساس الفنان. قبل أن يحزم حقائبه قبل أعوام للسعودية عصامي عازف عود ماهر ومبدع وصاحب إحساس رائع في الغناء. واكاديمي ضليع. لك ولكل الاخوة اولاد كوستي ورفاقه بالزقازيق التحية والتقدير
| |
|
|
|
|
|
|
Re: المطر نيران ماهو موية..الفنان محمد العصام� (Re: عزيز)
|
Quote: منعم يا حبيب الكايسه فى عصامي بتلقاها عندي
عصامي دفعتي بمعهد الموسيقي وأخي وصديقي الذي يسعى دوما للقائي في اجازاتي بكل الطيبة والمحبة وإحساس الفنان. قبل أن يحزم حقائبه قبل أعوام للسعودية عصامي عازف عود ماهر ومبدع وصاحب إحساس رائع في الغناء. واكاديمي ضليع. لك ولكل الاخوة اولاد كوستي ورفاقه بالزقازيق التحية والتقدير |
وشهد شاهد من اهل الفن والغناء الصديق الرائع عزيز القلوب شواهد ياصديقى كنت ببالى..ها انت تاتينا بالخبر اليقين. شكرا لك..وتقبل تحياتى ساتابع معكم المسيرة الفنية الغنية للمبدع العصامى. فنان رائع بحق. يستحق هذه المساحة..التى ازدادت جمالا بمشاركاتكم الراقية تسلم عزيزى
| |
|
|
|
|
|
|
|