|
|
|
 Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
الكلس ابو سن .. سلام يا خيي وربنا يفرج همكم وغمك .
النحكي ليك يا ابو سن لما جيت هنا واول مرة وقبال خمستاشر
سنة وكانوا دايرين يقطعوا الكهرباء لمدة بالضبط ستة دقائق !
يوم ما انسانه مدي الحياة .. كنت دابي متعلمة اللغة القريب ما
بفهمو ناهيك عن البعيد وبي مكرفون مكبر صوت هههههههه اها
قبال كم ساعة اشوف ليك عربية فيها مكروفون بتتكلم حقيقة
ما فهمت الكلام لاني كنت دابي بتعلم في اللغة الموضوع لفت
جدآ لانهم ما من عوايدهم الازعاج المهم عاينت وسكت لكن كنت
نفسي اعرف الزول دا بقول في شنو بعد فترة طلعت الشارع لقيت
جارتنا اجنبية كلامها هولندي مكسر شوية بقدر افهمو سالتها قامت
شرحت لي الحاصل انا قلت ليها : يعني الكهرباء لسه قاطعة قالت
لي قطعت ستة دقائق قلتها ليها ستة دقائق ويزعجنا زي دا ؟ هههه
قالت لي عشان لو في زول مافي وحصلت لي اجهزته الكهربائية شئ
يعوضوها ليهو والموجودين يطلعوا اسلاك اعملوا حسابهم . الكلام دا
ليهو خمستاشر سنة يا ابو سن للحظة دي الكهرباء تاني ما قطعت !
***************
حرية سلام وعدالة
والثورة خيار الشعب .
| |
 
|
|
|
|
|
|
|
|
Re: 15 ساعة كهربا قاطعة دة ما ترشيد (Re: مني عمسيب)
|
تحياتى يا عبدالحفيظ
وقلوبنا ودعواتنا معاكم
ونديك قصه قريبه من قصه بت عمسيب وسامحنا دى ما حندقه
لما كنا فى الجامعه أيام سكن الطلبه كان فى شغل صيانه فى المبنى
كتبوا لينا إعلان قبل اسبوع انو الكهرباء حا يفصلوها من الساعه 10 للساعه 1
عشان الزول يعمل حسابوا من بدرى
تانى ما بتذكر قطع كهرباء
فى بعض المرات لما تكون فى عواصف ومطر النوع البرمى الشجر ممكن
تحصل قطوعات لكن طوالى بصلحوها ليل على نهار
القصه اصلوا ما إمكانيات بقدر ما تكون أسلوب حياه
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
شكرا ود اب سن
لو استرجعنا المقابلات والدعائيات التي تم بثها قبل البدء في تنفيذ سد مروي والذي استدانت الحكومة لتنفيذه مبالغ قياسية في ميزانيات السدود فاقت ميزانيات تنفيذ سدود بسعات أكبر وبمخرجات كهرباء أعلى, ستجد أن المسئولين قد وعدونا وعوداً صارمة بنهاية أزمة الكهرباء في السودان إلى غير رجعة
حتى فخامة الرئيس خطبنا في يوم افتتاح السد ووعد بتخفيض سعر الكهرباء (على الفئات الضعيفة) ( وهؤلاء هم نحن وأهالينا بالطبع ..) وحتى أتذكر أن فخامته ذكر أرقاماً فيما دون كذا واط .. يكون التخفيض ... كذا في المئــة
هللنا وكبرنا وفرحنا وزغردت أخواتنا وأمهاتنا وتوقعنا وليمة كهربائية ليس لها مثيل ....
أحد أصدقائي كان مسئولاً كبيراً (وهي مناسبة للجخ والفخار بمعرفة المسئولين الكبار) خطب مرة في لقاء كبير قال فيه أن كهرباء سد مروي سيتم نقلها لشمال كردفان حيث احتياطات كبيرة من المعادن خاصة الحديد وستقوم على إثر ذلك نهضــة لم يكن لها مثيل في التاريخ ....
تصدق يا ود اب سن مع هذه الذكريات الباذخة نسيت تعزيتك في محتويات ثلاجتكم أم نفايل .. وما تحتويه عزيز عليكم وعلينا كذلك (في مثل هذا الزمان)
أحلف لك جازماً أني لا آسى على هؤلاء بل فقط آسى على من يصدقونهــم ...
لك التحية عزيزي
أحمد الشايقي
| |
|
|
|
|
|
|
|
|
Re: 15 ساعة كهربا قاطعة دة ما ترشيد (Re: أحمد الشايقي)
|
الهيئة القومية للكهرباء ..
قسم ترشيد وموازنة التيار الكهربائي
تعلن الهيئة القومية للكهرباء عن اعادة برمجة سحب التيار الكهربائي عن الاحياء السكنية نظراً للنقص المضطرد في كمية التيار وحتي تتم معالجة هذا النقص في القريب العاجل ..
جدول برمجة سحب التيار الكهربائي عن الاحياء السكنية اعتباراً من الاول من مايو وحتي اشعار آخر ..
مجموعة ( أ ) ..
-السبت من ١٢ ظ وحتي ٦ م
-الاثنين من ٩ ص وحتي ٦ م
-الاربعاء من ١٢ ظ وحتي ٦ م
-ويوم مسائي اختياري من ايام ( الاحد - الثلاثاء - الخميس) من ٦ م حتي ١٢ ليلا ..
مجموعة ( ب) ..
-الاحد من ١٢ ظ وحتي ٦ م .
-الثلاثاء من ٩ ص وحتي ٦ م .
-الخميس من ١٢ ظ وحتي ٦ م
-يوم مسائي اختياري من ايام ( السبت - الاثنين - الاربعاء ) من ٦ م وحتي ١٢ ليلاً ..
* في حال انقطاع التيار الكهربائي عن المنطقة المحددة في غير هذا الجدول يكون الانقطاع ناتج عن عطل كهربائي لذلك وجب الاتصال بالرقم ٤٨٤٨ .. بعد ادخال رقم عداد المبلغ ..
* نشكر للاخوة المواطنين حسن تعاونهم ..
اعلام الهيئة
٤٨٤٨ تحويلة ٧
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عمر دهب)
|
Quote: * في حال انقطاع التيار الكهربائي عن المنطقة المحددة في غير هذا الجدول يكون الانقطاع ناتج عن
عطل كهربائي لذلك وجب الاتصال بالرقم ٤٨٤٨ .. بعد ادخال رقم عداد المبلغ ..
* نشكر للاخوة المواطنين حسن تعاونهم .. |
وبـ كدا تكون الكهرباء قاطعة 15 ساعة!.
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: elhilayla)
|
مرحب بت عمسيب
وعبدالرحيم
وحبابكم
مشكلة الكهربا في بلاد مرة غير موجودة اصلا
بتذكر قريت قصة امريكية بدري اسمها oferload تقريبا ان لم تخني الذاكرة . عن مهندس شغال في شركة الكهربا . ومن خلال القصة في معلومات كثيرة عن تاريخ صناعة الكهربا وكيفية ادارتها .. ومن خلال القصة فهمت انهم بصلو الناس البعتمدو علي الكهربا . يعني مثلا واحد عندي بطارية لتشغيل جهاز دائم .. كلموهم يعمل حسابو من قطع محتمل والمصاعد برضو لانو ممكن تقيف في ناطحة سحاب وناس تموت .. المهم الناس دي بنتعامل مع الامر بشكل جاد وصادق مش تفويته
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
مرحبا الشايقي
وحبابك
صدقت
اضف ام دباكير
وهي علي مرمي حجر من كوستي
وعود ثم وعود
يا الشايقي نحن ناس التلاجة عندنا من الضروريات مافيها غير الملحات والخضار البتقسمو علي الاسبوع زي دم الحجامة ولبن العيال .. الفواكه اياهو الموز ودة ما بتأثر بالكهربا لاننا بنختو في راس التلاجة بي برة .. وهو زادو زاد سعرو
نحن خلينا
شوف البقالات البتبيع الجداد واللحم المجمد والزبادي وغيرو
ولا شوف ناس المنطقة الصناعية
عطفا علي سابق الوعود اخشي انو نصوم بدون كهربا
اها نسيت
الكهربا مربوطة بالموية عشان الموتور
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
اها شفت يا عمر دهب ال 4848 دى مغس ومغص
زمان كان التبليغ بتم في المدينة . تمشي ناس الكهربا ولا تضرب ليهم تلفون محلي مجاني قدام عينك وتقدر تتابع
هسة البلاغ مركزي
قلنا كويس خير وبركة
تضرب يطلبو منك تضغط الرقم 6 في حالات البلاغات العامة او تدخل رقم العداد للمشكلة التي تخص منزلك فقط
قلنا كويس
اها الظاهر جنناهم بالبلاغات .. !! وهم ما فاضين لينا
تضرب يقول ليك .. دخل رقم العداد للبلاغات العامة
يعني معقول اكون حافظ لي قريب 20 رقم مثلا وهو رقم العداد عشان ابلغ عن انقطاع التيار في الحي
اضف لذلك السيستم بديك اتصال عشرة دقايق وبقطع . والاتصال ما مجاني .. كتير جدا وجدا دي مقصودة تضرب وينتهي زمنك وتضرب تاني رصيدك يكمل
امبارح القريبة دي قال لي اتصالك هو الاول في الخط .. وقعدت قريب 7 دقايق حتي ردت لي بت .. والبت الخط فاتح اكتر من دقيقة حتي نضمت
دة عذاب زي عذاب قطع الكهربا
بعدينك اقلاها ال 4848 يكون فيها نظام تحليل بشري .. يشوفو البلاغات المتكررة من محل محدد ويراجعوهو ويعالجوا المشكلة
تنوية
ناس كوستي لو اشتكيت ليهم بقول ليك اتصل ب 4848
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: ولياب)
|
عذااااااب عذاااااب يا صديقي ... الاسواق بقت فيها تلوث سمعي وضوضاء من كترة اصوات المولدات ...
الحلاقين وصغر محلات الفراح وناس الحاجة الباردة ومحلات تصليح الموبايلات ومخلات اللحام والسمكرة في المنطقة الصناعية بيوتهم اتخربت ...
يا اخي ما نستحمله يفوق قصة ايوب ....
بس انا محتار لي متين ...وين السد السد الرد الرد....
ابسن اخوي البلد طردت امرقاكا ...
مودتي يا صابر ...
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: elhilayla)
|
سلام ود ابسن،
Quote: ونديك قصه قريبه من قصه بت عمسيب وسامحنا دى ما حندقه
لما كنا فى الجامعه أيام سكن الطلبه كان فى شغل صيانه فى المبنى
كتبوا لينا إعلان قبل اسبوع انو الكهرباء حا يفصلوها من الساعه 10 للساعه 1
عشان الزول يعمل حسابوا من بدرى |
الجماعة ديل بيتكلموا عن العالم الأول (مش إسمو كده؟)
لكن النحدسك عن دول عربية، وأنا مقيم في قطر.
من ما جيت البلد دي، الكهربا ما بتقطع إلاّ لإجراء صيانة ضرورية، وصيانة ضرورية دي معناتا الموضوع خاص بالمكان الإنت ساكن أو شغال فيهو (عمارة ... شارع ... مجمع، إلخ.) ... يعني مافي حاجة إسمها قطع عام. في الحالة دي بيقوموا قبل يومين أو تلاتة (مرات قبل أسبوع) بيعلنوا للسكان عن القطع والفترة الزمنية المتوقعة للقطع، بعد ما يعتذروا إعتذار شديد. غالباً التيار بيرجع قبل انتهاء الفترة الذكروها، بمعنى إنهم بيحسبوها كويس وبيدوا نفسهم مهلة عشان ما يتجاوزوا المدة البيلزموا نفسهم بيها.
العندو وقت يتسلى بالبوست ده.
من بكره ... تاني مافي كهرباء بتقطع في الخرطوم إن شاءالله
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: محمد أبوالعزائم أبوالريش)
|
مرحبا الحليلة
وحبابك
ذلك الزمان رغم قسوته كان ارحم .. لعلها بداية نهاية هذا النظام !!
مشكلة والله تراهو السكر مشكلتو بحلها التمر ولا قل اكلو زي بصل التوم .. لكن الكهربا حلها قاسي علينا ونحن بتجرسنا الفئة التانية من الصرف . ف بنحاول نربط في ال 200 متر الاولي .. زي الزول السايق عرببة وبنزينو بسيط عينو ما بتفارق العداد .. ويقفل المكيف ويقلل السرعة لي 80 .. السرعة الاقتصادية
تلقانا مارقين داخلين عينا في العداد .. المكواة وقفلناها في الدولاب ..
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: معاوية الزبير)
|
صحي يا ولياب .. الكهربا مبلوعة شوية حكم القوي علي الضعيف .. الشروط الاذعانية .. لكن تعال شوف الموية .. تدفع اول والموية تجي ما تجي ماعندهم شغلة بيها .. عشان تشتري كهربا لازم الموية زايد رسوم العداد والبفضل للموية .. اها شوف ولاعندي متأخرات الفاتورة جابو فيها خصم عشرة ج موية متأخرات .. عشان احاجج دة فلم هندي وهسة الوالي برضو خت رسوم علي الموية والكهربا للدورة المدرسية .. وعقوبة مية ج لكل من يعترض او يحرض !!
احكي ليك دي علي ذمة الراوي المشاهد
قبل تلاتة يوم بحكي زول قمسنجي .. قبضوهو ناس المعتمدية بشحن في الزلط .. ودايرين يرفعوهو
الحجة قامت
القمسنجي عليهو بالطلاق من الصباح ما شحن عربية .. وهم اصروا
قال
القمسنجي ملص بنطلونو ولباسو ووقف في الزلط
وقال ليهم
بعد دة تعالوا ...........
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
االأخ أبوسن تحياتي وفعلاً مسألة مؤلمة بلد مليانة خزانات وسدود وصرفو عليها دم الشعب ومال الشعب ولهطو ما لهطو
ويكون كهرباء ما فيها والسخانة مطلعة عين الناس
وطبعاً الناس بقت تنكت لامن غلبا الحال ومن النكت اللي أعجبتني هذه النكتة
واحد في بيت بكا بعد ما ادي الفاتحة سأل ناس الفراش السؤال التقليدي المرحوم كان عيان ولا مات كيف؟؟؟
قالوا ليه والله ضربتو كهرباء !!! قال ليهم ماشاء الله تبارك الله والكهرباء دي لقاها وين ؟؟؟
كان الله في عون الشعب السوداني لغاية ما ينزل الشارع ويزيح الكابوس دا من علي ظهره
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
السلام عليكم
الأخ عبدالحفيظ وضيوفه الكرام
تصدق احنا برضو عندنا في الخرطوم الليله قاطعه من 7 ونص لي 6 مساء
يعني 11 ساعة ترشيد في الكهرباء بس المهم انهم محددين لينا ايام يعني الأحد و الثلاثاء و الخميس
انت عارف انو من 7 صباحا انت قاعد في خطر اي لحظه الكهرباء باي باي وتاني مابتشوفها إلا 5 أو 6 زي الليله
لكن في السبت و الإتنين و الأربع انت تخلي تلفونك شاحن وياحبزا لو قفلتو لأنو ممكن تقطع بالليل عادي عادي يجيبوها ليك 3 أو 4
اها شوف الحكمة الجاية دي رايك فيها شنو
في مناطق في الخرطوم
وعشان عيون بعض الناس مابتقطع نهائي
خالص خالص خالص
ماعندهم ترشيد ديل برشدو ليهم هم
و الله صحي اسي كان فتشته في كوستي دي بتلقي مناطق كدا فيها ناس بتلسوع عديل ما بتقطع فيها وخطوط الكهرباء حقتهم براهم
كسرة موقف
الخميس الفات الكهرباء قاطعه وعندي صحبي مشي ودي والدتو المطار حضورها الساعة 8 و القيام 11 تقريبا
وصل المطار الكهرباء قاطعه - في المطار و الناس و الصفوف وصلت لي الشارع بره بتاع المطار -
مافي ولا كاونتر واحد شغال مدير المطار قاعد يتلفت قال ليهم ماعندنا مولدات نعمل ليكم شنو تقعدو بس
المهم جات الساعه 11 و له 12 ماعارف كان في كمية بتاعت طيارات خرافيه
و الجوطة و الزحمه والدة صاحبنا دا قامت الساعة 6 وله 7 ماعارف بالليل
رايك شنو
واعجبي !!!!!!!!
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: Mahamed Eltaze)
|
بروفيسور جعفر الميرغني يفوز بجائزة اديسون للكهرباء للعام 2016
https://www.engineering.leeds.ac.uk/faculty/news/2016/professor-honoured-with-2016-edison-award.shtmlhttps://www.engineering.leeds.ac.uk/faculty/news/2016/professor-honoured-with-2016-edison-award.shtml
والمانيا قبل فترة تحتفل بمر كم وتلاتين سنة على "عدم" انقطاع الكهرباء فيها
ومتخصصين يرشحون البشير لنوبل
وود ابو سن يضحي بملاح الخضرة في سبيل الماء البارد 
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: أيمن محمود)
|
كدة شوف الكلام دة يا ابوالريش
نحن البلد الوحيد البحول الاراضي الزراعية لسكنية
مصر القريبة دي عندها قانون جرف الاراضي الزراعية .. ونحن بنشيل الطمي وندقو طوب احمر .. ونزرع المسكيت والبرسيم وقالوا ديل اضر حاجة للواطة
وتقول لي عالم تالت
نحن ماقبل بداية العوالم زاتو
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
حبابك بشير
لعلك طيب
وشوف برضو نحن الشعب الوحيد اظنو ماضيهو افضل من حاضرو مدنيا
شكلو الزول حيقيف مع د. احلام
زمان في كوستي كانت البلدية بتسقي الشدر في الشوارع وترش الواطة في الصيف وبنكسي الكعبة ونغيث اهل السعودية وعلمنا الناس كرة القدم .. واول معهد موسيقي وعملنا للفنون كلية
شوف هسة
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
وصلني ما يلي عبر الواتساب:
وفاة صاحب هذا الإيصال بسبب انقطاع الكهرباء،
كان الراحل الحاج عبد الله...قد اشترى أو كسجين من ماله الخاص... ليتسنى له الاستشفاء في مستشفى كوستي...
لكن انقطاع التيار الكهربائي ... تسبب في وفاة الحاج عبد الله
رحمه الله وغفر له وأسكنه فسيح جناته.
ملحوظة
لا أعرف كيفية تنزيل الإيصال من الهاتف،
فهل من معين؟؟
تحياتي
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: dardiri satti)
|
بسم الله الرحمن الرحيم
⭕ القصر الجمهوري ⭕
🇻🇳 نفره نادي المريخ الرياضي لدعم مشواره الأفريقي . تحت رعايه نائب رئيس الجمهوريه
1/ بنك السودان 2مليار
2/ بنك الأدخار والتنميه 100 مليون
3/ بنك الجزيره السوداني الاردني 100 مليون
4/ البنك العقاري 200 مليون
5/ بنك الثروه الحيوانيه 150 مليون
6/ جهاز المغتربين 100 مليون
7/ وزاره الماليه ولايه الخرطوم مليار
8/ بنك البركه 100 مليون
9/ البنك الاسلامي السوداني 100 مليون
10/ شرطه ولايه الخرطوم 500 مليون
11/ البنك السعودي السوداني مليار
12/ النائب الاول لرئيس الجمهوريه 2مليار
13/ مزمل ابوالقاسم 100 مليون
14/ محي الدين عبد التام 100 مليون
15/ عادل ابوجريشه 50 مليون
16/ عبد الرحمن ابراهيم قطاع الجماهير 10 مليون
17/ الطاهر هواري 10 مليون
18/ عصام الدين مزمل 20 مليون
19/ الرشيد الطاهر 50 مليون
20/ جمال الوالي 500 مليون
21/ طارق حمزه شركه سوداني 500 مليون
22/ محمد علي الشيخ 20 مليون
23/ أسامه ونسي محمد خير 100 مليون
24/ عبد الرحمن الصادق المهدي 100 مليون
25/ صحيفه المريخ 50 مليون
26/ عماد الماحي مليون
27/ ودالنعمه 500 الف
الله يغطس حجركم يا سجم
القروش دي بتبني كم مدرسة وكم مستشفي. !!
منقول
الكهرباء اولى من المريخ يا ابوسن
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عمر دهب)
|
كيفك يا أبو سن
أنا الوضع اتلخص لي لما اتصلت على ناس البيت قلت ليهم جاي إجازة
قالوا لي بالدغري نحن مشتاقين ليكم وعارفينكم مشتاقين لينا لكن حاليا ما تجو لصحتكم وصحة أطفالكم البلد حلة ضغط عديل
ونهديك المنقول دا
تقول الاسطورة انه كان هناك في السودان وزير كهرباء يحفظ ابيات الشعر من اول مرة ولديه مدير مكتب يحفظها من ثاني مرة ولديه سكرتيرة تحفظها من ثالث مرة.
وكان يشترط على الشاعر ان كانت القصيدة من قوله فانه سيعطيه الوزن الذي كتبه ساعات كهربا اما اذا كانت منقولة فسيضاعف الترشيد في حارته.
وكان الشعراء يأتون ويلقون بالقصائد ولكنهم يتفاجئون بأن الوزير حفظها ويقول لمدير مكتبه فيلقيها ايضا وتأتي سكرتيرته وتقول الابيات. فيخرج الشاعر الى بيته ويقضي اوقاته في الظلام.
حتى جاءه احد الايام الشاعر " الاصمعو " وقد تنكر بزي اعرابي.
فقال الوزير تحفظ الشروط ؟
فقال : احفظها
فقال : كلنا اذان صاغية
فقال الشاعر : اسم القصيدة " صوت صفير المحولي "
ﺻﻮﺕ ﺻﻔﻴﺮ ﺍﻟﻤﺤﻮﻟﻲ ... ﺃﺗﻌﺐ ﻗﻠﺒﻲ ﺍﻟﻤﺒﺘﻠﻲ
ﺍﻟﻤﺎﺀ ﻭﺍﻟﻜﻬﺮﺑﺎﺀ ﻣﻌﺎً ... ﻣﻘﻄﻮﻋﺔ ﻓﻲ ﻣﻨﺰﻟﻲ
ﺻﺪﻳﻘﻲ ﻧﺖ ﻧﺖ ﻟﻲ ... ﻳﺴﺄﻟﻨﻲ ﻋﻤﺎ ﻳﺤﺼﻠﻲ
ﻓﺄﺟﺒﺘﻪ ﻣﺴﺘﻐﺮﺑﺎً ... ﺃﻧﺎ ﺃﻳﻀﺎً ﻻ ﻋﻠﻢ ﻟﻲ
ﺩﻋﻨﻲ ﺍﻧﻈﺮ ﻣﻦ ﺳﻄﺤﻨﺎ ... ﻫﻞ باوروبا ﻣﺸﺘﻌﻠﻲ
ﻓﺮﺃﻳﺘﻬﺎ ﻣﻀﺎﺀﺓً ... ﻭﻭﻫﺠﻬﺎ ﻛﺎﻟﻤﺸﻌﻠﻲ
تمنيت بها ساكن ... وفيها بيتي وعملي
ﺗﻜﻮﻡ ﻏﺴﻴﻞ ﺑﻴﺘﻨﺎ ... ﺣﺘﻰ ﻏﺪﺍ ﻛﺎﻟﺠﺒﻠﻲ
ﻟﻤﺎ ﺭﺃﺗﻪ ﺯﻭﺟﺘﻲ ... ﻓﺒﺪﺃﺕ ﺑﺎﻟﻮﻟﻮﻟﻲ
ﻓﻮﻟﻮﻟﺖ ﻭﻭﻟﻮﻟﺖ ... ولي ولي ﻳﺎﻭﻳﻠﻠﻲ
ﻓﻘﻠﺖ ﻻﺗﻮﻟﻮﻟﻲ ... ﻋﻠﻴﻚ ﺃﻥ ﺗﺘﺤﻤﻠﻲ
ﺇﻓﻌﻠﻲ ﻛﺠﺪﺗﻲ ... ﻭﻋﻠﻰ ﻳﺪﻳﻚ ﺃﻏﺴﻠﻲ
ﻭﺇﻻ ﺍﺣﺰﻣﻲ ﺛﻴﺎﺑﻚ ... ﻭﺇﻟﻰ ﺑﻴﺖ ﺍهلك تحولي
ﺃﻥ ﺗﺘﻌﺒﻲ ﺧﻴﺮ ﻟﻨﺎ ... ﻣﻦ ﺍﻟﺠﺮﺏ ﻭﺍﻟﻘﻤﻠﻠﻲ
ﻭﻛﻲ ﺃﺧﻔﻒ ﺣﻤﻠﻬﺎ ... ﺳﺎﻋﺪﺗﻬﺎ ﺑﺎلجللي
ﺇﺑﻨﻲ شكا شكواه ﻟﻲ ... بضعفه ﺑﺎﻟﻤﻘﻠﻠﻲ
ﻓﻼ ﻳﺒﺼﺮ ﺩﺭﻭﺳﻪ ... ﻋﻠﻰ ﺿﻮﺀ ﺍﻟﻘﻨﺪﻳﻠﻠﻲ
ﻭﺍﻵﺧﺮ ﺗﻌﺬﺭ ﻟﻲ ... ﻋﻦ ﻓﺮﺍﺷﻪ ﺍﻟﻤﺒﻠﻠﻲ
ﺧﻮﻑ ﺍﻟﻈﻼﻡ ﻣﻨﻌﻪ ... ﺍﻟﻨﻬﻮﺽ ﻓﻲ ﺍﻟﻠﻴﻠﻠﻲ
ﺣﻴﺎﺗﻨﺎ ﺑﻼ ﻛﻬﺮﺑﺎ ... ﻣﻠﻞ ﻓﻲ ﻣﻠﻠﻲ
ﻓﻜﻢ ﺗﺮﺍﻧﻲ ﺣﺎﺋﺮﺍً ... ﻛﻲ ﺍﺷﺤﻦ ﻣﻮﺑﺎﻳﻠﻠﻲ
ﺍﺣﻤﻠﻪ ﺩﻭﻣﺎً ﻣﻌﻲ ... ﻋﻠﻲ ﺍﺣﻈﻰ ﺑﻤﻮﺻﻠﻲ
ﻓﺄﻃﻠﺐ ﺃﻥ ﺍﺷﺤﻨﻪ ... ﻛﺎﻟﻤﺴﻜﻴﻦ ﺍﻟﻤﺘﺴﻮﻟﻲ
ﻫﺬﺍ ﺣﺎﻝ ﺑﻴﺘﻨﺎ ... ﻭﺣﺎﻝ ﺍﻟﻨﺎﺱ حويللي
ﻧﺸﻜﻮ ﻟﻠﻪ ﺃﻣﺮﻧﺎ ... ﻃﻤﻌﺎً ﺑﺎﻟﻔﺮﺝ ﺍﻵﺟﻠﻲ
ﺃﻧﺎ ﺍﻟﻔﻘﻴﺮ ﺍﻷﻟﻤﻌﻲ ... السوداني ﺍﻷﺻﻠﻠﻲ
ﺷﻜﻮﺕ ﻫﻤﻲ ﻫﺎﻫﻨﺎ ... ﺑﻘﺼﻴﺪﺓ ﻣﻦ ﻋﻘﻠﻠﻲ
ﺃﻗﻮﻝ ﻓﻲ ﻣﻄﻠﻌﻬﺎ ... ﺻﻮﺕ صفير المحوللي.
ولكنه تفاجأ أن الوزير حفظها بالكامل وقام بقطع الكهرباء عن كل المدينة !
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: حمد عبد الغفار عمر)
|
مرحب ايمن
وحبابك
الماء البارد شراب اهل الجنة ويوجب الشكر
ملوك زمان كانت القوافل بتلقط ليهم جليد سيبريا ويحملوهو ليهم ليتذقوا الماء البارد
نحمد الله الما قالوا لينا علمناكم الايسكريم واكل الدندرمة
بعدينك حكاية جوايز ناس اوربا ديل خلني منها .. انا القدامك دة رسلوا لي في الايميل عشرات الجوايز بمبالغ مليونية وعملة صعبة كمان .. صعبة جد جد لافيها ريال لا دينار
ههههه
ملاح الخدرة المفروكة بي شطة خدرة وبصل مفلخ فليخ و فجل وجك موية مندي علي الجزيمة مخاطة الزول ما تنفرز من دموعو ولا ريالتو .. وراضين نبدلو ان شاء الله بي .. ولا مافي داعي
| |
|
|
|
|
|
|
|
|
|
Re: 15 ساعة كهربا قاطعة دة ما ترشيد (Re: عبدالحفيظ ابوسن)
|
سيدة بريطانية جلست امام التلفزيون في شقتها لتشاهد برنامجها المفضل ..
فتصاب بذبحة تموت على اثرها في الحال ..
ولم يتمكن أحد من معرفة وفاتها .. وظلت جثتها على الاريكة حتى تحللت ..
والجيران يسمعون صوت التلفزيون فيظنون انها موجودة ..
ظلت على هذه االحالة عاماً كاملاً حتى تحللت جثتها تماماً ..
😳 .. دي ماااااااا القصة ..😳
القصة شنو
القصه انه التلفزيون شغال سنة كاملة والكهرباء ما قطعت ..
😂😂😂😂😂😂😂
| |
|
|
|
|
|
|
| |
عبدالحفيظ ابوسن
مني عمسيب
Abdelrahim Mohmed Salih
أحمد الشايقي
Mirghani Taitawi
elhilayla
ولياب
علي دفع الله
محمد أبوالعزائم أبوالريش
بشير حسـن بشـير
معاوية الزبير
أحمد عزالدين
أيمن محمود
حمد عبد الغفار عمر
فيس بوك
تويتر
انستقرام
يوتيوب
بنتيريست