|
|
|
 Re: شعار andquot;البديل جاهز .. البدل أنا وأنتandquot; (Re: ياسر منصور عثمان)
|
Quote: يعني المعنى شنو؟؟؟
الناس تسكت والا كيف....؟؟؟؟؟
|
لا أبداً الناس ما تسكت لكن تتخير من الوسائل والأليات ما يوصلها لرغباتها وتطلعاتها دون المرور بنفس تجارب الفاشلين أعلاه
وهناك آلية توفرت للسودانيين ولم تتوفر لغيرهم إلا وهي وسيلة الحوار الوطني والذي يشهد كل يوم انضمام فصيل مسلح وحزب معارض كل له سهم والأحزاب الحاكمة الإتحاددي الديموقراطي والمؤتمر الوطني والإتحادي الديموقراطي المسجل وحركات دارفور الموقعة على السلام والتي تنضوي تحت الأحزاب الحاكمة كل واحد منهما له سهم واحد مع بقية ال77 حزب وحركة
الحوار هو الحل السلمي ولا يكلف الأباء والأمهات فلذات أكبادهم من أجل مصير سوريا والعراق ومصر والصومال وليبيا وجنوب السودان
| |
  
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
يا فرانكلي اخوي
عندما يكتب الرجل كذاباً ....لن يصدقه الناس حتى لو صدق...
والناس جربت الحكومة ...فلم تجد سوى الكذب والخداع..
عشان كده مافي زول مؤثر صدق فرية الحوار
مافي داعي لمزيد من الكذب...
الحكومة هي من اضطر بعض الناس لحمل السلاح والبعض الاخر للتظاهر والاحتجاجات...
مع ودي
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
يا فرانكلي السودان ما الخرطوم وحدها
الخايف منه يحصل من حرب و نزوح حاصل فعلا و يعاني منه ملايين السودانيين
بالطبع اعادة نشر المعاناة لكل أهل و انحاء السودان ليس الحل, لكن الفكرة أن لا نستكين و نقول طالما الحرب و النزوح و الموت وفقدان الأمن بعيد عنا وعن بيوتنا معناها الأمور طيبة
بكرة أو بعده زي ما كانت دارفور آمنة ثم أصابها ما أصابها مع استمرار و تواجد نفس الأسباب التي ادت لحمل السلاح ستصل الحرب للأبيض ومدني ثم الخرطوم
يجب ان يتشارك الجميع الإحساس بالمعاناة و يعمل على التغيير
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: الهادي ابوبكر)
|
سلامات يا كمال ..
طبعا مافي زول بتمنى الفوضى ..
ولولا عقلانية المعارضين للنظام طوال 26 سنة لاحالوا البلد إلى جحيم ..
الآن الناس تطلب التغيير وتعمل له من خلال أنشطة سلمية ..
وهاهم حملة السلاح انفسهم يمدون الأيدي طلبا للحلول السلمية ..
ويعلنون وقف إطلاق النار من جهتهم وحدهم ولمدة أطول من المدة التي قالت بها الحكومة ثم خرقتها الآن ..
لاحظ الفقرة المكتوبة بالاحمر تحت وقس نشاطك على ضوئها ..
Quote: كتب الإعلامي خالد عويس :
ننشر الخطة الكاملة لنظام البشير لإجهاض الانتفاضة كما وردتنا من (مصادرنا) دون تعديل، دون إضافة، دون حذف، نبسطها أمام الرأي العام ليعلم الجميع كيف يفكر هؤلاء، على من يستندون، وإلى أية درجة هم مذعورون.
وللأجهزة نقول: كل خطة توضع ستكون بطرفنا !!
خطة جهاز الأمن لاجهاض الانتفاضة
* أولاً: اجراءات امنية:
1- اطلاق يد عناصر الأمن الشعبى خصوصاً وسط الطلاب لاستخدام عنف صادم فى تفريق المظاهرات على ان يوجهوا بالاقتصاد فى اطلاق الرصاص حتى لا يتسبب ايقاع مزيد من القتلى فى تأجيج التحركات.
2- اغلاق الجامعات الرئيسية .
3- التركيز على العاصمة . استدعاء اعداد اضافية من الأمن الشعبى بالولايات للعاصمة .
4- تفريغ داخليات طلاب دارفور وجبال النوبة فى العاصمة بالطرد أو الاعتقالات .
5- مراقبة قيادات قوى نداء السودان والاجماع الوطنى والحركات الشبابية . وتنشيط جميع المصادر لتنفيذ موجهات الحرب النفسية وسط القوى المعادية وفى وسائل التواصل الاجتماعى .
6- مراقبة دور الاحزاب ، خصوصاً دور احزاب الأمة والشيوعى والمؤتمر السودانى .
7- اعتقال الكوادر الفاعلة فى التحركات وفى التكوينات النقابية (المعادية) . احتواء اى محاولة لاضراب أو اعتصام من أساتذة الجامعات والاطباء والصيادلة والمعلمين والمحامين والصحفيين والمزارعين.
8- اعتقال قيادات القوى السياسية (المعادية) اذا تصاعدت الاحتجاجات.
9- حرق بعض المحال التجارية وطلمبات البنزين وتحميل ذلك للحركات المسلحة، والاعلان عن القبض على اسلحة، للتخويف من الفوضى ولتسويق الاجراءات الأمنية.
10- تأجيل استخدام قوات الدعم السريع حتى لا تستفز القوات المسلحة، ولكن فى حال تصاعد الاحتجاجات وخروجها عن السيطرة انزال قوات الدعم السريع الى الشوارع.
11- المراقبة اللصيقة لكل الضباط المرصودين فى القوات المسلحة والشرطة واعتقال كل من تبدر منه اشارة بالانحياز للتحركات.
12- المراقبة الفنية المستمرة (24 ساعة) لجميع اتصالات الفريق عوض ابنعوف والفريق عماد عدوى والفريق (م) مصطفى عثمان عبيد والفريق (م) محمد جراهام والعميد (م) عبد العزيز خالد والعميد
(م) محمد ابراهيم (ود ابراهيم). والضغط على وزير الدفاع ورئيس هيئة الاركان لاصدار تصريحات تدين التحركات وتربط بينها وبين الحركات المسلحة.
13- زيادة حافز بدل الاستعداد للأجهزة الأمنية مع توفير الوجبات الثلاث للقوى المنتشرة .
14- تشديد المراقبة على قيادات وكوادر المؤتمر الوطنى غير الموثوقة .
15- ايصال تهديدات بالتصفية للقيادات والكوادر غير الموثوقة فى القوات النظامية والمؤتمر الوطنى .
16- تأمين دور المؤتمر الوطنى فى العاصمة والولايات لرمزيتها .
* ثانياً: اجراءات اعلامية:
1- منع التلفزيونات والاذاعات المحلية والصحف من نشر اخبار المظاهرات .
2- الاتصال الدبلوماسى بسلطات قطر والمملكة العربية السعودية والامارات لضمان التزام القنوات التلفزيونية الرئيسية (خليجية) بالتغطية المنحازة لنا.
3- التأثير فى القنوات الفضائية الرئيسية ، عبر المصادر ، بحيث لا تنشر اخبار التحركات ، وفى حالة نشرها التقليل من حجمها .
4 – تكثيف العمل عبر وسائل التواصل الاجتماعى (فيسبوك وتويتر وواتساب) بـ : زيادة الافراد العاملين وزيادة الحوافز .
5 – موجهات الحرب النفسية :
أ- التركيز على ان الحركات المسلحة هى التى تقتل الطلاب.
ب – اشعال النزاعات الاثنية والسياسية بين القوى (المعادية).
ت – التخويف الاثنى لاهل الوسط من مواطنى ولايات الهامش ، وتخويف أهل الهامش من استغلال (الجلابة) والشيوعيين .
ث – اشاعة الخلافات بين نداء السودان وقوى الاجماع . واشاعة عدم الثقة بين الشباب والقوى السياسية : يتاجرون بدمائكم .
ج - ج – تكرار وترسيخ فكرة ألا بديل للانقاذ سوى الفوضى .
ح – تعبئة الاسلاميين بالدعوة للدفاع عن دولة الشريعة . وتحذير وتخويف الاسلاميين بان تداعيات اسقاط النظام ستطال الجميع. وتحريك المصادر فى المؤتمر الشعبى والاصلاح الآن والاخوان المسلمين وانصار السنة والسائحون لكى تشتبك ضد القوى المعارضة بما يجعل تنظيماتها تبتعد عن التحركات .
خ – تحذير قيادات الحكومة من اصدار اى تصريحات استفزازية.
* ثالثاً : اجراءات سياسية:
1- دفع شخصيات (وطنية) لاعلان مبادرة للوفاق تخويفاً من الفوضى . وتوظيف قيادات من المؤتمر الشعبى وقيادات (وطنية) فى التيارات الاسلامية فى هذا المسعى .
2 – الاعلان عن اجراءات اقتصادية ، حتى ولو لم تنفذ ، لكسب الكتلة المترددة ، بما فيها اعلان زيادة أجور القوات النظامية ، دون تحديد الزيادة حالياً ، ولاحقاً بعد اخماد التحركات اعلان حجمها الحقيقى .
3 – تصعيد قضية حلايب وشلاتين لحرف الانتباه وتعبئة المشاعر الوطنية فى مواجهة الاجانب ، وفى حال نجاح الحملة يمكن القول لاحقاً ان التحركات يقف خلفها نظام السيسى .
5 – الضغط على عبد الرحمن الصادق ومحمد الحسن عثمان الميرغنى لاصدار مواقف معلنة تدين التحركات .
|
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
Quote:
يا فرانكلي السودان ما الخرطوم وحدها
الخايف منه يحصل من حرب و نزوح حاصل فعلا و يعاني منه ملايين السودانيين
بالطبع اعادة نشر المعاناة لكل أهل و انحاء السودان ليس الحل, لكن الفكرة أن لا نستكين و نقول طالما الحرب و النزوح و الموت وفقدان الأمن بعيد عنا وعن بيوتنا معناها الأمور طيبة
بكرة أو بعده زي ما كانت دارفور آمنة ثم أصابها ما أصابها مع استمرار و تواجد نفس الأسباب التي ادت لحمل السلاح ستصل الحرب للأبيض ومدني ثم الخرطوم
يجب ان يتشارك الجميع الإحساس بالمعاناة و يعمل على التغيير |
اصدق قول ياود البشري .... شكرا
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: بهاء بكري)
|
قلنا لمن أرتضي مسار الحوار الحالي أو أيده | Quote: ..المية تكدب الغطاس هاهي الإنقاذ وهاهي موائد الحوار نأمل تخيب الإنقاذتوقعنا المُسبب وينجح حُسن ظنكم بها ، وتعرضوا علينا ثمرة ذلك الحوار: سلاما عادلا وشاملا وديموقراطية وعدالة وتفكيك لدولة الشمولية والإقصاء والتهميش ! |
وقلنا الحوار| Quote: ..المؤتمر يرفض الحوار المفضي للإعتراف بالتنوع والتعدد ودولة القانون والمؤسيية ،يرفض النأيعن الهيمنة علي مفاصل الدولة وإطلاق الحريات العامة والسلام العادل والشامل، يريد من المحاور أن يكون مجردكومبارس وتابع يبصم ويرتضي بالفتات ، يريد إستسلاما لإ إحتكاما للديموقراطيةوالعدالة والمساواة.... |
و سألناهل تقول مقررات وتوصيات حوار الوثبة هذه بمصادرة حق التعبير والتظاهر ومصادرة الصحف والقمع وتكميم الأفواه ؟؟ إن كنت داعية سلم وسلام بحق لأدنت ورفضت قتل وضرب الأبرياء والعزل ولتصديت بالجهر بكلمة الحق في وجه قاتلهم ! وإن كنت داعية حوار وعدالة وحرية لرفضت مصادرة الرأي الآخر وتكميم حرية التعبير ومواصلة الإقصاء والقمع ... ....... ؟؟........| Quote: .... لماذا يقتل ويضرب أبناء الناس أصلا ؟؟ أبناء الناس هولاء خرجوا ـ ممارسة لحق ا لتعبير والتظاهر والإحتجاج وهو حق مشروع فلماذا يقتلون ؟؟ وماهو موقفك من قتلهم وقاتلهم ؟ وممن يصادر حقهم في التعبير؟؟ *أصحاب الضمائير الحية والحس الإنساني السليم ـ يحملون النظام مسؤلية قتل الأبرياء والعزل ـ ويتصدون للمجازر وحمامات الدم التي يقوم بها النظام ـ ويقفون مع الناس في التعبير |
... ** .. ** أين حواركم وثمرة حواركم ؟ ما أراه أمامي هو ذات النظام ـ إقصاء الآخر ـ ومصادرة حق التعبير والتظاهر ومصادرة الصحف ومنع الندوات الجماهيرية ــ وهيمنة المؤتمر الوطني علي مفاصل الدولة والسلطة ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: كمال عباس)
|
كتبت في بوست آخر
التمزق و حاصل وماثل بفعل سياسات الإنقاذ وكذلك الفتن والدمار والتشريد والتدخل الأجنب ي أضف لذلك سلبية وكارثة لم تسمح بها الديكتاتوريات السابقة أو الرصيفة في الدول العربية التفريط
في السيادة والتراب الوطني لصالح دول الجوار ـ بقاء الإنقاذ إذايعني مزيدا من التمزق والإنهيار!
*التجارب الديموقراطية في السودان علي علاتها ـ صانت السيادة والتراب الوطني ـ وحصرت الحرب في نطاقها الموروث عن الإستعمار ـ ولم تفاقم الفتن العرقية والجهوية بالقدر الذي
نراه الان ـ صانت نسبيا حقوق التعبير والتظاهر والحريات العامة ولم تزور إنتخابات ولم يكن الفساد متفشيا وسمة للحاكم ـولم تسمح بتدخل أجنبي ولم تربط إسم السودان بالإرهاب !
فإن كانت الدولة العربية المنتقلة للديموقراطية حديثة عهد بها وقد فقد ت ميزة الأمن والإستقرار فنحن نختلف ونؤسس علي إيجابيات تجاربنا ونسعي لإختزال السلبي ـ ونحن الآن نفتقد الإمن والإستقرار النسبي الذي تمتعت به الدول العربية الشمولية والسودان الديموقراطي بالإضافة سلبيات الديكتاتورية الإنقاذية المعروفة
يسأل سائل:
لماذا الإصرار بالتغيير والثورة الشعبية طالما أن التغيير غيرمضمون النتائج وقد يؤدي لفوضي لماذا نترك الإبرياء والعزل يثورون ويتعرضون للقتل والإبادة من العسكر ؟
** إذا ليس في الإمكان أفضل مما كان" وجنا تعرفوا أخير من جنا ما بتعرفوا "!!
** تفكك وفوضي العراق وسوريا وليبيا واليمن
تفكك هذه الدول أحد نتائج ومردود الديكتاتوريات وليس بسبب الإطاحة بالشمولية وسقوط حكمها عتاة الديموقراطية فرضوا وحدة قهرية محمية بالسلاح والقمع لا وحدة مبنية علي التراضي والإختيار والإعتراف بالتنوع ـ وصيانة حقوق الإقليات والتوزيع العادل للسلطة والثروة -؛ إذا وحدة القهر لاتدوم ولا تعبر عن رغبة حقيقية في التوحد والإندماج فقد تفككت بعض الدول الشرقية لأن الوحدة فيها كانت مصنوعة والحقوق مهضومة وهاهو نفس الشي يحدث في بعض الدول العربية، تحميل الديكتاتورية لمسؤلية تفكك الوحدة لايعني غض النظر عن العوامل الموضوعية فالعراق ـ أصلا عن عبارة كيانات شيعية وسنية وكردية متنازعةلاتثق ببعضها وتفتقر للرغبة في التعائش والوحدة!
** ماحدث بعد سقوط الشموليات يشابه خروج جثمان من عتومة ثلاجة وتعرضه للضوء والهواء مما جعل رائحة التحلل والتعفن تفوح وتزكم الإنوف ـ الهواء والضياء ليس من قتل الجسد وإنما كشف عن موته وتحلله ، الديموقراطية ليست مسؤولة عن تفكك تلك الدول التي كان في طور لإنتقال للديموقراطية .، وعندنا في السودان حقيقة مساهمة الديكتاتورية الحالية في التفكك وتفاقم الفتن العرقية والقبلية والجهوية - مثلث حمدي الإنقاذي وتسليح الجنجويد وهضم حقوق الإقليات والتهميش ونقض العهود ,
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
يا محمد البشرى الخضر
من أين لك بأن حديثي عن الخرطوم
هذا تبسيط مخل جداً لرسالة البوست وبعيد جداً عن ما أريد توصيله ولا يستند لدليل في كلماتي
حديثي هنا عن الحرب كما هي في أي مكان كان وليس في الفاشر أو مدني أو الأبيض أو كسلا بل كلام عام ومنظور مبدئي بتغليب لغة الحوار بدلاً من تجربة تجارب الفاشلين
كلامك كان سيستقيم معنى لو كانت كتابتي عن تأجيج الصراع في المناطق البعيدة عني أو عن أهلي ولكن أن يكون كلامي عن رفض الحرب وأنها تضر بالمواطن ولا يستفيد منها إلا تجار الحروب وتأتي أنت لتقول الخرطوم وما أدراك ما الخرطوم فكلام غريب لا علاقة له بكلماتي ولا بمرماها القريب والبعيد
الأسباب التي أدت البعض لحمل السلاح كانت متوفرة في الخرطوم ومدني وعطبرة والزومة وحلفا القديمة ولا تزال ولكن لماذا غلب بعضهم الصبر على الأذى وتسرع البعض وجعل من أهله سكان مخيمات وكهوف ووضعوا بين فوهات البنادق ومع ذلك أغلب مخيمات النازحين كانت في المدن الكبيرة التي تحميها الدولة وهذا لوحده شاهد على موضوع هذا البوست
ولأننا نشارك الجميع الأحساس بالمعاناة وكنا من أول يوم ضد الحرب في السودان وضد الحركات المسلحة وما زلنا نعمل للتغير ولكن ليس بدعم الحرب ودعم الحركات المسلحة بل بدعم أي خط يغلب الحل السلمي وهذه مبدئية
التغيير قد يقصد به البعض اسقاط النظام إشاعة الفوضى كما حدث من أسقاط نظام بري في الصومال وصدام في العراق والقذافي في ليبيا ويحاولون اسقاط الأسد في سوريا ولكل صاحب نظر أن يرى النتائج والحصاد المر وطعم العلقم الذي يتذوقه المواطنون في تلك البلدان.
وأنا موقفي المبدئي هو ضد اسقاط النظام ومع اصلاح النظام وفي هذا كتبنا الكثير من البوستات التي توثق لهذا المبدأ.
رضي من رضى وأبى من ابى
[/b
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
الشايفه أنا يا فرانكلي
الناس بتقول أسقطوا الديكتاتورية (سلميا)
وإنت بتقول لا حاوروها
نحاورها عشان شنو؟؟؟؟
عشان تستمر وتعوس عواستها دي
ولا عشان تغور في ستين داهية ؟؟؟؟؟
كل رجال ونساء الديكتاتورية قالوا أن هذا الحوار لا يفضي إلي إسقاط النظام
قالوا ألف مرة سلطة إنتزعناها بدبابة لا نسلمها بحوار (سلمي)
والحل؟؟؟؟؟؟؟
قم أيها الشعب إلي إنتفاضتك وثورتك
الحرية مهرها غالي
لكنها حلوة وبستاهل
جربنا ذلك من قبل
يوم واحد من أيام الحرية
أحلي من ملايين سنوات القهر والإضظهاد
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Nasr)
|
كدى واحد من المتحاورين ديل والراكبين حمار الثورة يكتب لينا سيناريو ومآلات إسقاط النظام .. قول النظام سقط والكيزان فكوا البيرق خالص ولم يقاوموا حتى، والثوار قبضوهم ودخلوهم السجون أو قتلوهم شر تقتيل وثأروا منهم .. أها ثم ماذا؟؟ .. من سيستولى على الحكم؟ وما هى الآلية التى ستنتقل بها السلطة وكيف؟؟ وهل تلقائياً ستلقى المليشيات المسلحة سلاحها وتجئ تتقاسم السلطة ؟؟ وهل ستكون سلطة تراضى بين القوى المتعارضة المتصارعة؟؟ وهل هناك ميثاق مسبق بين المعارضين على كيفية وراثة الدولة؟؟ وبأى قيادة سيتم تمثيل الجبهة الثورية مثلاً؟؟ بجبريل أم عقار؟؟ .. وماذا عن الجيش؟؟ وماذا عن الدعم السريع؟؟ ..هل هناك مواثيق شفاهية أو مكتوبة بينها لنزع سلاحها وبينها ما بينها من الدم الغزير؟؟ ..
وماهو الضمان على إلقاء السلاح ورجوع الجيش لثكناته وتسريح المليشيات والحركات المسلحة ؟؟ .. وماهى الحلول الإقتصادية ؟؟ هل ستعود الحكومة البديلة بخفض الأسعار أم ستشيل قرعتها وتحوم على دول العالم تتسول المعونات والقروض؟؟ وما مصير السياسة الإقتصادية؟؟ هل هناك برنامج متفق عليه أم سيعود البنك الدولى لتسليم البلد الإقتصاد للبنك الدولى وصندوق النقد ، ويجتر الشيوعيون شعارات ــ لن يحكمنا البنك الدولى، وداون داون يو إس إى ..
هذه أسئلة بسيطة وبديهية تجول فى رأس أى مواطن عادى فى الداخل غير مؤدلج سياسياً.. وهى الأسئلة التى لا تخطر ببال متنوضلى الخارج الذين يريدون العيش فى حالة نضال للأبد ..
أتمنى أشوف إجابات شافية على هذه الأسئلة .. يمكن هناك ثغرة فى ذهنى مفوَّتة على الفهم ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
Quote: هذه أسئلة بسيطة وبديهية تجول فى رأس أى مواطن عادى فى الداخل غير مؤدلج سياسياً.. وهى الأسئلة التى لا تخطر ببال متنوضلى الخارج الذين يريدون العيش فى حالة نضال للأبد ..
أتمنى أشوف إجابات شافية على هذه الأسئلة .. يمكن هناك ثغرة فى ذهنى مفوَّتة على الفهم |
سلامات يا منير ..
بالتأكيد أسئلتك دي منطقية ومقبولة وتدور في الاذهان ..
الإجابة عليها قد تجدها متفرقة في أدبيات وبرامج وخطط الحركات المسلحة والأحزاب الممانعة ..
أي حزب عنده رؤيته ودراساتو لكيفية الحكم وكيفية معالجة الأزمات ..
صحيح لا يوجد رأي جامع شامل الآن لإنو الوصول لمثل ذلك يحتاج لظرف موضوعي غير متاح الآن ..
لاحت فرصة عندما بادر النظام بطرح حوار الوثبة غير أنه تعنت في قبول شروط الممانعين ..
ما نعرفة أن قوى نداء السودان متوافقة على الحد الأدنى المتمثل في
1 - تغير النظام أو اسقاطه سلميا ..
2 - العودة لنظام الحكم الديمقراطي التعددي بعد المرور بفترة انتقالية يتم فيها حوار دستوري يضع الاسس الدستورية ..
ويعالج المظالم والأضرار ..
الأمر المهم أن القوى السياسية والثقافية في السودان بلغت الآن لمفاهيم متقدمة حول كيفية حكم السودان ونظام الدولة وعلاقة الدين بالدولة ..
واتحاحة الفرص بالتساوي أمام الجميع دون عزل أو اقصاء لأحد .
3
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
مرحبتين بالملك محمد على طه ..
كلام مثل أدبيات وخطط الحركات والأحزاب الممانعة ده ثيورى وحبر على ورق وسوفتوير لن يقف على ساقين عند المحك .. أى منظومة سياسية أو حتى جمعية تعاونية عندها دساتير ونظم ولوائح وخطط ووو .. وتلك أشياء يتم تسطيرها قبل الإنشاء ذاته .. ولكن المحك دائماً عند التطبيق .. وأقرب مثال حى عايشناه قبل فترة وجيزة هو خلافات الجبهة الثورية على الرئاسة .. أو قول أمشى خطوة صغيرة وشوف حروب دولة الجنوب التى إنتقلت لها السلطة بأسهل إستفتاء فى العالم .. ولكن شوف لمن جينا للجد وتدخلت الأطماع فى السلطة الجنوبيين وصلوا مرحلة أكل لحم أخيه ميتاً عديل .. إذن قصة أدبيات وثيورى زى ده كلام ساى وذرللرماد فى العيون ..
ولذلك أنا سؤالى الأول كان عن هذه الفترة الإنتقالية ذاتها عشان أكون أكثر تحديداً .. والأكثر إلحاحاً هو موقف المسلحين .. هل سيلقوا سلاحهم أم سيعتبروا أنهم انتصروا على المركز والثورة انتصرت وحانت الفرصة لإستلام السلطة بالقوة وقهر الجيش ويجب تسريحه .. وهو هدف معلن ..
إلاّ تقوم تقول لى الجيش هو من سيستلم السلطة الإنتقالية زى سوارالدهب .. وحينها طبعاً سيتكرر سيناريو الإتفاضة ومواصلة قرنق للحرب رغم نجاح الإنتفاضة ..
لكين المفصل الأساسى لو افترضت إنو الجيش تم إبعاده أو ابتعد من نفسه، فمن سيعطى الحق للقوى المعارضة لتكوين حكومة إنتقالية ، ومن سيوفوضها ؟؟.. أم أن المعارضين سيكونوا حكومة نيابة عن الجماهير بدون تفويض؟؟ ..
أم كمان قول لى نعيد الأوضاع لما كانت عليه قبل الإنقاذ ونجيب الصادق المهدى وحزب الأمة والإتحادى والجبهة الإسلامية كما كانت وووو .. ونجر الساعة ٢٧ سنة لوراء ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
يمكن يا فرانكلي انت ما ذكرت الخرطوم تحديدا لكن من كلامك فهمت انّك تحذّر من تغيير النظام و ترويج أن البديل جاهز في حين ان ما سيجري هو التالي وأقتبس كلماتك Quote: وتحول أعزاؤهم لأذلة وأغنياءهم لمتسولين وفقراؤهم ماتوا جوعاً وأطفالهم قتلوا جوعاً أو غرقاً ونساؤهم هتكت أعراضهن.
فبعد أن كانوا بالأمس ينادون باسقاط حكامهم لأن الخبز غالي السعر يتمنون اليوم وهم يعضون أصابع الندم لو أنهم لم يسمعوا لناعقي بشعار "البديل جاهز .. البدل أنا وأنت"
فلا خبز
ولا مسكن
ولا مدرسة
ولا عمل
ولا مشفى
ولا بديل
ولا أنا أنا
ولا أنت أنت
وهم ونحن همنا هم وعمنا غم
فتجد الأب شرّق والأبن غرّب والأم والبنات ذهب الطوفان بهن لمكان لا يرضاه إنسان. وهكذا كان لهم لأنهم صدقوا نعيق "البديل جاهز .. البدل أنا وأنت" |
يعني ما تحذّر منه (سيحدث) و (سيقع) على البلد إن جرى تغيير النظام بالشكل الحالي
نقطة خلافنا أنني لا ارى ان ما ذكرت (سيحدث) بل هو حاصل فعلا وواقع معاش للملايين
و التغيير ما شرط ان يكون سقوط بالمعنى الحرفي للكلمة كما جرى لأنظمة أخرى ممكن يكون استجابة و تنازل من النظام و اتاحة حريات حقيقية وغيرها مما نتمنّاه ودا لن يحدث بالأماني بل بالمقاومة و الرفض وى الضغط.
سلامات يا منير
أنا لا اقول عن نفسي راكب حمار الثورة لكن كدي خليني النتفاكر معاك حول اسئلتك اعلاه
و اعيدها لو سمحت لي بشكل آخر, انت ادرى بالحاصل في البلد, اها قول الناس دي استكانت و سكتت , شنو الحلول في يد الحكومة للوضع الحالي و الأسوا المتوقع و الماشين عليه, الليلة الدولار باربعطاشر وماشي على عشرين ولسّة
لا يوجد انتاج حقيقي أو نشاطات تجلب عملة صعبة تغطي احتياجات البلاد الأساسية, الفساد فقنا فيه العالم, لم يتبق ماء وجه ليراق للخليج أو جنود نسترزق بهم أو علاقات نقطعها في مقابل معونات و (شائعات) ودائع!
الفوضى الخايف منها ايه رايك لحظة حصول أمر الله للبشير ح تدوّر بينهم هم انفسهم الأمن البقى دولة داخل الدولة بي جهة و الجيش بي جهة ومائة جهة مسلحة ستسمع بها حينها ناس امن شعبي و حركة اسلامية كلهم يرى نفسه الأحق بالخلافة وكلهم مسلحين و ناس هي لله!
يبقى المصير الخايفين منو اولريدي معايشنه أوماشين عليه, ثم أضف على ذلك تأتي الحقارة الراسها عديل بحمل طلاب الوحدات الجهادية سلاح عديل كدا في الجامعات بدل كانت الحجج بالنقاش في الأركان بقت بالطبنجات
يبقى من حق الطلاب ان يخرجوا احتجاجا ومن حق كل من يشعر بالغبن أن يحتج, اتراكم المظالم و الياس من الاصلاح وانسداد اي امل و انعدام بوادر الفرج في الأفق حتوصل الناس لمرحلة الانفجار, وحينها لا أحد سيفكر في ماذا سيحدث غدا التفكير سيكون في الخلاص فقط.
عودة لأسئلتك, الجزء الأول ما عندي شي اقوله فيه, لكن بالنسبة للضائقة الإقتصادية طبعا لاتوجد عصا موسى لتوفر الحلول السحرية و اللحظية, لكن هناك عوامل معيقة مرتبطة بالإنقاذ ستختفي بإذن الله اولها الفساد الصار مقنن وهو الأصل وما عداه استثناء ثانيها الحصار و العزلة الدولية و عودة الثقة و المساعدات و التسهيلات و التحويلات و أخيرا وليس آخرا عودة راس المال الوطني, عشرات آلاف المغتربين و المهاجرين جابوا الدنيا طول بعرض و عرفوا الاستثمارات و الاعمال سيعود منهم ولو خمسة أو عشرة بالمائة و يدوروا شغل و استثمار بلا خوف من فساد يعيقهم او سلطة تحاربهم أو نافذ يشاركهم
انت يا منير اكيد كنت موجود ايام انتفاضة ابريل و اكيد طلعت في مسيرات الفرح بالحرية و الانعتاق , الشعور دا براه بالدنيا - عارفها رومانسية مني لكنها تستاهل :)
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
الاخ منير تحياتى
كتبت فى بوست سابق
ويسألونك عن البديل
ومع تصاعد الانتفاضه وما تشهده البلاد من انهيار فى كل مناحى الحياة.
وما تشهده من استقطابات سياسيه وجهويه وصلت الى حد رفع السلاح فى وجه الدوله.
بدأت الاسئله تثار عن ماهو البديل؟
والاسئله مشروعه ومطلوبه والاجابه عليها ستشكل مستقبل البلاد الى زمن قد يطول.
واهمالها قد يجعل من الثوره قفزه فى المجهول
البعض يسأل حتى يكون الناس فى بينه من امرهم ضحى الغد . والبعضالاخر يثير السؤال للتشكيك فى جدوى الثوره.
ان سيناريو السفوط سيشكل الى حد كبير تفاصيل البديل
يخبرنا التاريخ القريب ان البديل الثورى لنظام عبود كان جبهة الهيئات وذلك لان ثورة اكتوبر اكملت مهامها بالكامل.
وفى ابريل استلم الجبش بقيادة سوار الدهب السلطه وبقى المجلس العسكرى فى الحكم لمدة عام سلم بعده السلطه لحكومة منتخبه.
اما فى وضعنا الراهن حتى لو انجزت الثوره مهامها فلا مناط من وجود قوة عسكريه لحمايتها
وفى نفس الوقت لا بد ان يكون للقوى السياسيه والفصائل المسلحه والجيش دور كبير
حتى لا تنزلق البلاد الى صراغت مسلحه تهدد وحدتها.
وفى رايى ان اسوأ السيناريوهات هو سيناريو الانقلاب العسكرى الذى سيضع الجيش فى مواجهه مباشره مع القوى السياسيه والفصائل المسلحه
وفى رايى ان تتم مناقشة البديل بين كل هذه المكونات وان يتم الاتفاق عليه والتنسيق قبل اعلان سقوط النظام ونجاح الثوره.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: talha alsayed)
|
سلامات أخ طلحة ..
شكراً لمعالجة الأسئلة الجوهرية هذه ..
زمان الثورات والإنتفاضات وحتى الإنقلابات تتم فى الخرطوم وتانى يوم كل زول يمشى ينوم فوق عنقريبه يتطلع لليوم الجديد .. وذلك لأن أهل السلطة وأطماعها كانت محصورة فى الخرطوم ودواوين الحكومة .. وكان إستلام الإذاعة معناهو إستلام البلد .. ولذلك ثورة أكتوبر نجحت لأن الشغل كله فى الخرطوم .. وكذلك الإنتفاضة .. الآن الطامعين فى الخرطوم جيوش من خارج الخرطوم .. ركِّز لى على كلمة جيوش دى .. جيوش هدفها المعلن هو تصفية الجيش السودانى ..
تقول لى بديل وجبهة هيئات؟ جبهة هيئات دى كانت زمن الأفندية اللابسين ملكى .. لكين الآن الجيوش المتمردة موزعة رُتب عليا على كيفها موازية للجيش القومى .. فهل تعتقد لواء فى جيش سيتخلى عن رتبته الوزعوها ليهو أوانطة ، وينضم للمجتمع كمواطن عادى .. ؟؟ ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
مرحباً ودالبشرى ..
أولاً حكاية البلد مليانة مسلحين دى نقطتى الأساسية وشكراً ليك على تأكيدها .. إذن، ففى الوضع الحالى هذه الجهات المسلحة لا تمارس أى نشاط معلن إلاّ فى غرب السودان بسبب إنتشار السلاح منذ الحرب التشادية فانتشر التسليح القبلى .. كان عندنا ودجيرانا تعايشة قال لينا إنو حسين هبرى كان عادى يجى يتغدى مع أهله هناك .. فإذا انتقل إنتشار السلاح ونتشرت قبلية الغرابة للوسط فعلى الدنيا السلام .. التحكم فى أى قوى مسلحة صعب وتكلفته عالية .. أنظر لأبسط مثال حرب الرزيقات والمعاليا .. لو حاولت السلطات حسم هذا الصراع عسكرياً فتكلفته ستكون إبادة إحد الطرفين .. لأنو سلاح القبائل المتطور سيتطلب التدخل بأسلحة فتّاكة .. فمافى حل غير المسايسة والأجاويد إلى أن يقضى الله أمراً ..
أما عندما تخلق فراغ فى السلطة فالنتيجة الحتمية هى إختلاط الحابل بالنابل بدون مرجعية ثابتة يثق الناس بها .. أنظر مثلاً لحرب جنوب كردفان .. تجد أن النوبة لى رقبتهم منقسمين إنقسام حاد ما بين موالى للحكومة بعنف وموالى للتمرد .. والفرق بيناتهم فرق حياة وموت .. ووصل الخلاف لداخل الأسرة الواحدة ومثال ذلك نور تاور وعفاف تاور .. إختلاف حده الموت .. أها ..
ده فقط إنقسام النوبة بيناتهم فمابالك بباقى القبائل وخاصة قبائل التماس التى تقف فى وجه المدفع ضد أطماع الجنوب مما اضطر الصادق المهدى ـــ فى حكومة ديمقراطية ـــ أن يسلِّح تلك القبائل .. فإنها تمثِّل قواعد شعبية لحزبه، إذا تجاهلها سيصبح متقاعس ويفقد تأييدها .. لأن معايشها هناك مهددة .. يعنى برضو مسألة بقاء .. حياة أو موت .. طبعاً أكيد لو كانت تلك القبائل تضمن أن الحركة الشعبية ذات الأيدلوجية الأفريكانية ستتركها تعيش بسلام بدون إضطهاد لكانت وقفت معها ضد المركز وانضمت للتمرد .. ولكن طبعاً الثيورى بتاع السياسيين ووعودهم كوم والواقع على الأرض بين المواطنين كوم تانى ..
نجى لنقطة الإقتصاد .. وشايفك ما خيبت توقعاتى فى محاور الحلول ، والتى تعتمد على الأمنيات .. الأمنيات بأن ينفك الحصار الإقتصادى وتنهمر القروض والإستثمارات وتحويلات المغتربين ووو .. ههه .. عيش ياحمار ـــ حمار دى بعاً ما ليك :) ـــ هسه و جينا للجد وتغيرت الحكومة فهل ستحول قروشك للسودان عن طريق البنك ، أم أن someone else will do that ..؟؟ ..
شوف يا ودالبشرى .. الوضع الإقتصادى دى لن يتصلح ما لم نأكل من ما نزرع ونلبس مما نصنع .. لأنو مافى مستورد حيستورد ليك بضاعة بـ١٠٠ دولار ويمشى يبيعها ليك بـ٩٠ دولار .. فما لم يتساوى الضغط الإزموزى الإقتصادى الداخلى مع الخارجى فلن يستقيم الحال ..
طبعاً أوافقك ـــ وكما ذكرت فى بوست آخر ـــ أن الفساد هو الآفة الكبرى .. إلاّ أنى لا أضمن ليك زوال الفساد مع زوال الحكومة .. فحتى فى العهد الديمقراطى المحسوبية الحزبية كانت سيدة الموقف .. فالوزارات كانت تتوزع بالمحاصصة .. وزارة التجارة تتقسم لإثنين التجارة الداخلية للإتحادى والتجارة الخارجية للأمة ووو هكذا دواليك .. بعدين يقوم وزير التجارة الخارجية ــ مبارك الفاضل ـــ يوزع الرخص التجارية للعاملين سبلة ساى .. ووو ... ذلك غيض من فيض .. وما عايز أسترسل لأنو الارئ براهو بعد كده يمكنه إستنتاج الكثيرمن الأمثلة ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
| Quote: زي ما قلت ليك نفس اسئلتك خاصة الاقتصادية وجهها للحكومة ما هي خياراتها و حلولها لإصلاحها؟ |
ياودالبشرى الأسئلة طرحتها أنا وقلت عايز إجابات مقنعة قبل القفزة فى الظلام ..
أنا ماعايز أبقى زوول عاطفى هتافى أملأ الأسافير بالكواريك التى ربما تؤدى لتقويض الإستقرار فى البلد ..
طبعاً متوقع جوابك الإستراتيجى ، وهو أن البلد أصلاً غير مستقرة ..
ودلالة ذلك أنه إذا غلبك سدها وسِّع قدها .. بمعنى أنه طالما أنها أصلاً غير مستقرة خلينا ندمرها مرة واحدة ونقعد فوق تلّها ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
طيب يا منير الاقتصاد عصب الحياة, وسواء الحكومة ذهبت ام ظلت في مشكلة نواجهها وعايزين نحلها ونتفاكر ونشوف تجارب الدول السبقتنا و نهضت من الركام لتتصدر وتقود
باستثناء الصين حتلقى العامل المشترك في نهضة تلك الدول هو مناخ الحرية و الديمقراطية وسيادة القانون, القانون البمنع الفساد و العمولات و تقديم المصلحة الذاتية على مصلحة البلاد و الشعوب
لن ينصلح حالنا ولو عادت سنوات البترول الذهبية طالما البلد يحكمها الفساد المحمي بسلطة الدولة, وعلاقاتنا الدولية في اسوأ احوالها ولا ثقة او اعتمادية لنا وسط الدول و جهات التمويل و الاستثمار العالمية.
قصة استقرار البلد, كويس ما ح اقول ليك اصلها ما مستقرة, لكن لنثبت نقطة أن التخوف من الحرب و النزوح و الدمار ليس تخوفا من مجهول لا تعرفه البلاد ولا يشبه حال الدول التي ضرب بها فرانكلي المثل, نحن نعيشها فعلا أو على الأقل البعض يفعل.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
طيب الصين دى فاطيها ومستثنيها ليه؟؟ .. ماو تسى تونج كان يمنع النساء من تطويل شعرهم وكان الرجال والنساء يحلقوا شعرهم بطول واحد يلبسوا الأوفرول حتى لا ينفرز الرجال من النساء .. لغاية ما الصين نهضت بالإعتماد على الذات وبدون ديمقراطية .. أمشى شوف كوريا الجنوبية نهضت كيف بعد الحرب والمجاعة .. الشعب تبرّع بكل ماعنده والنساء تبرعوا بذهبهم لنهضة البلاد واشتغلوا شغل رجال لغاية ماطاروا السما ..
السودانيين لو بيشتغلوا شغل الحمير البمشوا يشتغلوه تحت سيادة الأجنبى فى الخارج كان البلد دى تكون غير ..
هسه فى تاريخنا ده ، السودانى ما كان بيشتغل صاح إلاّ تحت إمرة الإنجليز .. مشروع الجزيرة ما كان عنده قيمة إلاّ تحت إمرة الإنجليز .. وهسه لو جابو إدارة جديدة سودانية مسلحة بكل التنظير لإنتشال المشروع ستفشل بسبب العجز السودانى ..
وزى ما قلت ليك عن أحد الأمثلة المتمثلة فى تحويلات المغتربين .. شفت ليك مغترب مستعد يحارب السوق الأسود ويحوِّل قروشه للسودان عن طريق البنوك .. ؟؟ ... أم سنسمع الفرمالة بتاعة الدولة فاسدة عشان كده سأزيد الطين بلة ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
| Quote: طيب الصين دى فاطيها ومستثنيها ليه؟؟ |
طيب يا منير....تجربة ماو ناخذها في سياقها التارخي1949-1970 زمن نص العالم كان شمولي بما في ذلك الاتحاد السيوفتي السابق...بعد سقط جدار برلين 1990لم يعلق الحزب الشيوعي الصيني في اللغة الهتافية قال لهم ارئيس العبقري دينج زيان مين " جمع الف عضو اللجنة المركزية للحزب الشيوعي الصيني وقال ليهم " ماو كان بقول امريكا نمر من ورق انا بقول ليكم النمر ده عنده مخالب وطلب منهم وضع مشروع جديد للنهوض بالصين غير مشروع ماو والحرس القديم وعصابة الاربعة الذين تم صتفيتهم بما فيهم ارملة ماو..ودخل الصين مرحلة جديدة ..وابتدعت نظام التجديد في الحزب الشيوعي الصيني كل خمسة سنة -ديموقراطية الحزب وانقرض المسنيين من الحزب والاشتركية الصينية اضحت اشتراكية موجهة بنك مركزي بي باب واحد وشباكين واحد يفتح على الصين الاشتراكية والاخر على العالم الرسمالي عبر هونج كونج الراسمالية
هسة ده كلو في زول عرفو او عمل بيه في حزب المؤتمر الوطني؟؟؟!!... والووجوه القبيحة دي من 1990 مدورة بينا لا تطور الحزب ولا الوعي ولا السلوك رغم ان اتفاقية نيفاشا 2005كانت طوق نجاة مع دستورا رموها والبشير قاعد في راسنا لحدي هسة بي ولايته الثالثة المضروبة - المادة 57 نهت ولاية البشير 2015 وجاكي لينا بي دستور بدرية
شفت الاخوان المسلمين ديل زي فيروس ابيولا...ما بفكو السودان الا جثة هامدة...والمعارضة قديمة وغبيةايضا ويحلنا الحلى بله...
والسودانيين او ناس المركز تحديدا ديل دين حجر...لا بتعظوا من اخطاءهم ولا بستفيدو من تجارب الاخرين ...
تجربة الصينتجربة الصين
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
والله يا الملك .. كلامك ده من حيث التنظير زاتو غير ممكن .. لأنه يعتمد على الأمنيات .. يعنى مفروض قبل كل جملة تكتب "أتمنى أن" هههه ..
هو لو كان الحياة بتمشى بالطريقة دى كنا وصلنا لجنس النحن فيهو ده؟؟؟ عمر البشير عندما استلم السلطة كان يظن أنه قادر على حل مشكلة الجنوب تانى يوم .. وكان مليان ثقة إنو بجلسة واحدة مع قرنق سيتوصلوا لحل .. وشفته فى التلفزيون و سمعته بأضانى فى أوائل أيامه يقول نحن عساكر كلنا بنعرف نتفاهم مع بعض كعساكر .. وما كان عارف إنو جون قرنق ليس إلاّ راس جبل الجليد .. ولمن خشّ فى الغريق لقى نفسه بيحارب فى أمريكا واسرائيل ..
المشكلة الرئيسية فى الحياة هى الإجتهاد فى تطبيق الخطط فى الواقع .. لأنو دائماً تأتى الرياح بما لا تشتهى السفن ..
القصور فى نظرتك أنك متخيل إنو الحركات المسلحة والحركة الشعبية قوى هامشية سترضى لك كأفندى بالحكم وتركهم بعيد كقوى هامشية يتم تمثيلها مع باقى الأحزاب .. وهذه نظرة خاطئة خطأً استراتيجياً .. فالحركات تريد تسريح الجيش وحكم السودان كجيش رئيسى والسيطرة على المركز ..
وحتى لو لم يكن هذا هدفها فهل إذا كنت أنت فى حكومة سودانية بديلة للحكومة الحالية سترتضى أن تكون فى البلد عدة جيوش مسلحة موازية للجيش السودانى القومى ؟؟ .. أم أنك ستسلمها الأقاليم التى تنشط فيها؟؟ ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
Quote: فالحركات تريد تسريح الجيش وحكم السودان كجيش رئيسى والسيطرة على المركز ..
وحتى لو لم يكن هذا هدفها فهل إذا كنت أنت فى حكومة سودانية بديلة للحكومة الحالية سترتضى أن تكون فى البلد عدة جيوش مسلحة موازية للجيش السودانى القومى ؟؟ .. أم أنك ستسلمها الأقاليم التى تنشط فيها؟؟ .. |
دا كلام شنو يا منير ؟
أنت بتحكم على الحركات ببرامحها وكلام وةصرفات قادتها ولّ بالكلام العنصري البكتبوا فلان وعلان في االاسافير ؟
ومن وين جبت حكاية عدة جيوش دي ؟
هسه النقاش الدائر بين الحركة الشعبية والحكومة الحالية في ادس بتكلم عن عدة جيوش أم عن توفيق اوضاع ..
ما تجكم بما يكتبه الهتافيون وانصار النظام المندسين باسم الحركات ..
هؤلاء غايتهم الا يحدث وفاق لكي تحافظ الانقاذ على السلطة باسم حماية الناس من هذه الحركات ..
ياراجل حركة مناوي جات وصالحت وقعدت في المركز هل مارست اي نوع من الاوهام البكتبوا فيها العنصريين ؟
طبعا ح تكون في قيادة موحدة للجيش السوداني ولكن لن يكون مركزي كما هو الان بل موزع لا مركزيا ..
إنت إذا مصدق ترهات الناس البتكتب في الاسافير على كيفك ..
على الرغم من انهم ما معروفين كمتحدثين باسم الحركات ولا كأعضاء منضوين تحتها .
أنا شخصيا سوف احكم ببرامجهم واهدافهم المعلنة التى دفعتهم لحمل السلاح .
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
زد على ذلك يا منير ..
حكاية تعدد الجيوش دي ما مسالة مزاجية او مجرد ترضيات ..
دي استرتيجية عسكرية بفهموها أهل الاختصاص ..
ؤ ما ظنيت تعدد جيوش في الدولة موضوع جدال ففى مصر القريبة دي في جيش اول وجيش تاني ..
بل حكومة الانقاذ دي لديها عدد من الجيوش المعلنة..
قوات مسلحة وقوات دفاع شعبي وقوات احتياطي وقوات الدعم السريع التابعة لجهاز الأمن. ..
دا غير مليشيات المؤتمر الوطني البتقتل في الطلاب والمتظاهرين بدم بارد.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
قلت لي عمر البشير كان فاكر نفسو بحل مشكلة الجنوب ؟
عمر البشير أصلا جا للحكم ومعاه الاسلاميين عشان يقصل الحنوب ويبعد عن الاسلاميين شبح التهديد بالدولة العلمانية ..
اتفاقية نيفاشا كانت كدا ..
وهسه هو قاعد عشان تتفتت الدولة لدويلات قالا هو بلسانو في التلفزيون ..
يعني هو عارف أنو بقاؤه لا يعني سوى المزيد من التفتيت تقول لي يحلهاّ
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
| Quote: الحمد لله الأن الكل بما فيهم الاسلاميين القاموا بالانقلاب اقتنعوا بضرورة الرجوع للتعددية والنظام الديموقراطي |
كلامك دا يا مولانا، ممكن يكون فعلا شعور الجميع بمن فيهم الإسلاميين، وسببو الفشل الكبير الذي واجه تجربة الإسلاميين.
لكن المفروض نسأل سؤال مقلوب:
هل لو كانت الديمقراطية مستمرة منذ 89، هل كان حال البلد الإقتصادي وصل لنفس هذه النقطة ولّ لا؟
الإجابة عندي نعم والإنهيار كان حتمي في الحالتين
المشكلة الرئيسية لقيام دولة في السودان هي ضعف الموارد، لا توجد موارد بالبلاد تحقق لل35 مليون ديل شراب موية نظيفة وكلام لمدة دقيقة بالموبايل
خليك من علاج، تعليم وأمن ....
الخمسة سنين الفاتن، الإنقاذ ممشيا البلد عبر الإستدانة المصرفية (طباعة قروش وبس)
قيام دولة بالسودان يتتطلب الإتحاد مع أثيوبيا والإستفادة من السد.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: أبوبكر عباس)
|
| Quote: المشكلة الرئيسية لقيام دولة في السودان هي ضعف الموارد، لا توجد موارد بالبلاد تحقق لل35 مليون ديل شراب موية نظيفة وكلام لمدة دقيقة بالموبايل |
يا بكّور بل المشكلة الرئيسة في الفساد المحمي بالسلطة, الجرايد تكتب و المراجع العام يرفع تقارير و البرلمان ينبح و في النهاية يتم اعفاء المسؤول من منصب و تعيينه في منصب أعلى, دي في الديمقراطية ما بتحصل و كان حصلت لا الجرايد لا البرلمان لا الناس ساي بسكتو و كان احتجوا لن يقتلوا بالرصاص
وما كان لستين او سبعين مليار عائدات البترول ان تختفي بتلك الطريقة, وما كان لميزانية الدولة ان يذهب سبعين في المائة منها لتثبيت النظام على حساب التنمية, وما كانت الموارد الشحيحة تنفق على الحروب وما كنا سنعاني حصار و عزلة تؤدي لخراب سودانير و الخطوط البحرية و السكة حديد!
سبعة وعشرين سنة ديمقراطية.. يااااه, قول العشرة سنة الأولى ضاعت في كيف الناس تتعلم تمارسها و تفهمها صاح, باقي السنين لو استمرت كان اسي بقينا سنغافورة عديل
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
Quote: طيب الصين دى فاطيها ومستثنيها ليه؟؟ .. ماو تسى تونج كان يمنع النساء من تطويل شعرهم وكان الرجال والنساء يحلقوا شعرهم بطول واحد يلبسوا الأوفرول حتى لا ينفرز الرجال من النساء .. لغاية ما الصين نهضت بالإعتماد على الذات وبدون ديمقراطية .. أمشى شوف كوريا الجنوبية نهضت كيف بعد الحرب والمجاعة .. الشعب تبرّع بكل ماعنده والنساء تبرعوا بذهبهم لنهضة البلاد واشتغلوا شغل رجال لغاية ماطاروا السما ..
السودانيين لو بيشتغلوا شغل الحمير البمشوا يشتغلوه تحت سيادة الأجنبى فى الخارج كان البلد دى تكون غير ..
هسه فى تاريخنا ده ، السودانى ما كان بيشتغل صاح إلاّ تحت إمرة الإنجليز .. مشروع الجزيرة ما كان عنده قيمة إلاّ تحت إمرة الإنجليز .. وهسه لو جابو إدارة جديدة سودانية مسلحة بكل التنظير لإنتشال المشروع ستفشل بسبب العجز السودانى ..
وزى ما قلت ليك عن أحد الأمثلة المتمثلة فى تحويلات المغتربين .. شفت ليك مغترب مستعد يحارب السوق الأسود ويحوِّل قروشه للسودان عن طريق البنوك .. ؟؟ ... أم سنسمع الفرمالة بتاعة الدولة فاسدة عشان كده سأزيد الطين بلة .. |
الصين يا منير المسؤول المهمل ساي مش الفاسد عديل كدا بقطعوا راسه في ميدان عام, احنا دي كنا بنقدر عليها تفتكر!
يا سيدي الفكرة انو في المناخ السليم و الحريات اوعي بزيد و الإصلاح ممكن مع توفر الإرادة الحقيقية لدى القيادة, القيادة التي تتطور و ينصلح حالها و اداءها تحت احساس انها لا تملك سلطة مطلقة و تحت حساب الشعب الناخب و برلمانه و صحافته و قضاؤه المستقل
تجربتنا الديمقراطية على قلتها لم تخلو من سلبيات لكن في نفس الوقت فيها قابلية التطور و التعلم من أخطائها
احنا مشكلتنا لم تكن فقط في الحكم الدكتاتوري الإستمر اغلب عمر البلد بعد الاستقلال ولكن ايضا في انه على ديكتاتوريته فاسد و فاشل, يعني على الأقل لو كان دكتاتوري وناجح في اي مجال زي الصين كان نقول, لكنه للاسف فاشل في كل شي سوى البقاء في السلطة و اضف إلى ذلك لا رغبة او قابلية للإصلاح
المهم يا منير.. عندك وجهة نظر هي الناس ما تتكلم عن تغيير قد يؤدي لعواقب فظيعة دون التحسب لها
بعيد ليك السؤال, نفس هذه العواقب البلد ماشه عليها بالفعل إن ما بكرة فبعده او بعده على الصعيد السياسي و الاقتصادي, رأيك شنو في المسالة دي, وماهي الحلول الممكنة في نظرك لتجنب العواقب دي - دون الحديث عن التغيير؟
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد البشرى الخضر)
|
حينما يرى الجوعى حكامهم يتكلمون عن "الابتلاءات" و يحثونهم على الصبر على "البلاء المزعوم" و نفس هؤلاء الحكام و بطانتهم يتمرغون فى النعيم فى الوقت الذى يكابد فيه سواد الناس شظف العيش, هنا أنسى أن يسمع هؤلاء "الجوعى" نداء العقل الذى تنادى به.
يكون الناس فقط عقلاء إن أبدى حكامهم "التعقل" و أشــعروهم أنهم يعيشون معهم معاناتهم ، أســتغرب جدا لطرح أمثال هذا "الفرانكلى" الذى يســتنكر على الناس حتى حقهم فى الإحتجاج و الحياة البســيطة جدا التى تتمثل فى العيش الكريم كما بقية خلق الله.
تبا لمن يرى كل هذا الظلم و يزينه ، لا بل يؤيده.....
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Osama Siddig)
|
Quote: السودانيين لو بيشتغلوا شغل الحمير البمشوا يشتغلوه تحت سيادة الأجنبى فى الخارج كان البلد دى تكون غير ..
هسه فى تاريخنا ده ، السودانى ما كان بيشتغل صاح إلاّ تحت إمرة الإنجليز .. مشروع الجزيرة ما كان عنده قيمة إلاّ تحت إمرة الإنجليز .. وهسه لو جابو إدارة جديدة سودانية مسلحة بكل التنظير لإنتشال المشروع ستفشل بسبب العجز السودانى ..
وزى ما قلت ليك عن أحد الأمثلة المتمثلة فى تحويلات المغتربين .. شفت ليك مغترب مستعد يحارب السوق الأسود ويحوِّل قروشه للسودان عن طريق البنوك .. ؟؟ ... أم سنسمع الفرمالة بتاعة الدولة فاسدة عشان كده سأزيد الطين بلة .. |
مؤسف أن يكون هذا رأى مثقف سوداني!!!!
المشكلة عنده هى المواطن السوداني والعامل السوداني والمغترب السوداني,,
ومن يديرون السودان منذ قرابة الثلاتة عقود وفشلوا في إدارته فشلا ذريعا
وحطموا ما وجدوه قائما من مشاريع ومصانع وبنية تحتية وسرقوا ثرواته و
أفقروا إنسانه وقتلوه بالحروب وفصلوا جزءا منه إلى آخر مخازيهم وجرائمهم
وفسادهم وسرقتهم لأموال الدولة أبرياء وأطهار وأنقياء!!!!!!
المشكلة ليست فيهم بل فيكم يا سودانيين أنتم المشكلة ويجب بتغييركم,,
والإستعمار والأجنبى خيرا لكم فهو يعرف كيف يديركم ويجعل منكم شعب منتج,,
لاحول ولا قوة إلا بالله,,
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: أيمن الطيب)
|
Quote: يمكن يا فرانكلي انت ما ذكرت الخرطوم تحديدا لكن من كلامك فهمت انّك تحذّر من تغيير النظام و ترويج أن البديل جاهز في حين ان ما سيجري هو التالي وأقتبس كلماتك
Quote: وتحول أعزاؤهم لأذلة وأغنياءهم لمتسولين وفقراؤهم ماتوا جوعاً وأطفالهم قتلوا جوعاً أو غرقاً ونساؤهم هتكت أعراضهن.
فبعد أن كانوا بالأمس ينادون باسقاط حكامهم لأن الخبز غالي السعر يتمنون اليوم وهم يعضون أصابع الندم لو أنهم لم يسمعوا لناعقي بشعار "البديل جاهز .. البدل أنا وأنت"
فلا خبز
ولا مسكن
ولا مدرسة
ولا عمل
ولا مشفى
ولا بديل
ولا أنا أنا
ولا أنت أنت
وهم ونحن همنا هم وعمنا غم
فتجد الأب شرّق والأبن غرّب والأم والبنات ذهب الطوفان بهن لمكان لا يرضاه إنسان. وهكذا كان لهم لأنهم صدقوا نعيق "البديل جاهز .. البدل أنا وأنت"
يعني ما تحذّر منه (سيحدث) و (سيقع) على البلد إن جرى تغيير النظام بالشكل الحالي
نقطة خلافنا أنني لا ارى ان ما ذكرت (سيحدث) بل هو حاصل فعلا وواقع معاش للملايين
و التغيير ما شرط ان يكون سقوط بالمعنى الحرفي للكلمة كما جرى لأنظمة أخرى ممكن يكون استجابة و تنازل من النظام و اتاحة حريات حقيقية وغيرها مما نتمنّاه ودا لن يحدث بالأماني بل بالمقاومة و الرفض وى الضغط. |
يا محمد البشرى
نعم أنا أتحدث على أن ذلك سيحدث في المستقبل وغير صحيح البتة بأنه حادث الآن
هذا كلام لا يستقيم وواقع الحال وهو بمثابة ترديد ما تنتهجه الحركات المسلحة من تغبيش للوعي
الحاصل أن الحركات المسلحة يا محمد البشرى هي التي تعيث في الأرض فساداً
والدليل على أن المواطن العادي يريد النجاة بنفسه من الحركات هو أن غالبية معسكرات النازحين هي في المدن الكبيرة التي تسيطر عليها الحكومة
في هذه المدن يا محمد البشرى معارضة وحكومة وغير منتمين ولكنهم يعيشون في أمن وأمان
فإذا سقطت الدولة ومؤسساتها فإلى من يلجأ المواطنون؟
يا محمد البشرى الكلام على أن ما يحدث في سوريا وليبيا والعراق والصومال حادث فعلاً في السودان كلام غير صحيح على عمومه بل يجب أن يكون مخصصاً بمناطق محددة خارج سيطرة الحكومة
وهذا الأمر والواقع يؤكد على رسالة البوست أن الحرب تفعل بالمواطن ما تفعل وما نراه في صورة مصغرة في بعض المناطق قد يتفاقم ويصل لكل السودان
لذلك يا محمد البشرى ليس هناك داع ولا منطق لإعادة اختراع العجلة بل المنطق يقول بتجفيف منابع العنف وإرساء فضيلة حلحلة مشاكلنا بالوسائل السلمية
والحوار الوطني المباشر
إي حديث عن أنه يجب للمناطق المستقرة أن تذوق ويلات المناطق الغير مستقرة كلام لا يقول به عاقل حادب على مصلحة المواطن
فالقضية ليست كرة قدم
بل أرواح بشر
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
تحياتي أخي منير ...
Quote: السودانيين لو بيشتغلوا شغل الحمير البمشوا يشتغلوه تحت سيادة الأجنبى فى الخارج كان البلد دى تكون غير ..
هسه فى تاريخنا ده ، السودانى ما كان بيشتغل صاح إلاّ تحت إمرة الإنجليز .. مشروع الجزيرة ما كان عنده قيمة إلاّ تحت إمرة الإنجليز .. وهسه لو جابو إدارة جديدة سودانية مسلحة بكل التنظير لإنتشال المشروع ستفشل بسبب العجز السودانى .. |
الكلام دا كان زمان .. حالياً البيت كلّو بيكون شغال ومردود الكل ما بيحوق إلاّ بسند المغتربين ...
فقد ولّى زمن البيكون شغال (واحد) في البيت .. فحتى النساء خرجن للعمل بشكل كبير ...
أظنك شايف الكلام دا في الوقت الحاضر !!
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
سلام يا منير,,| Quote: ليس هناك داع ولا منطق لإعادة اختراع العجلة بل المنطق يقول بتجفيف منابع العنف وإرساء فضيلة حلحلة مشاكلنا بالوسائل السلمية والحوار الوطني المباشر |
منابع العنف اين توجد ومن ينتجه ومن يموله ومن ينتهجه سبيلا أصلا!!!
حوار وطني مع هذا النظام !!! خيرا منه إعادة إختراع العجلة,,
تحياتى
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: أيمن الطيب)
|
Quote: مؤسف أن يكون هذا رأى مثقف سوداني!!!!
المشكلة عنده هى المواطن السوداني والعامل السوداني والمغترب السوداني,, |
أيمن الطيب .. عليك الله ماتحاول تلولو الموضوع .. الكلام واضح والشواهد قدامك .. لم يزيد السودان أى بنية تحتية لما تركه المستعمر .. بما فيها المشاريع .. والكلام ده ما تحوِّره كدفاع عن هذه الحكومة.. الكلام ده شامل الحكومات من لدن الإستقلال .. بل أن ما تركه الإستعمار تم تخريبه من الخدمة المدنية لغاية المنشئات مثل الكبارى .. كبرى النيل الأزرق آخر مرة شفته كان مسنود بالفلنكات . .
البلد منذ الإستقلال ماشة بالمعونات .. بترول من الخليج، قمح من أمريكا، شارع المعونة... إلخ .. والثمن مواقف سياسية .. أول ما نميرى طبّق قوانين سبتمبر وقفت المعونات وجاع الشعب ونميرى قال لينا أكلوا موص ، قامت الإنتفاضة ..
كدى فنّد لى الكلام ده ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
Quote:
جيش عبدالواحد ..
جيش مناوى ..
جيش الحركة الشعبية ..
وباقى الحركات ..
ألا تعتبر هذه جيوش؟؟ ..
هل تضمن نزع سلاحها بعد ذهاب الحكومة ، أم ستبقيها بسلاحها؟؟ |
المليشيات دي جاهزة يامنير وباسلحتها وعتادها
وليس في جبهات القتال انما في المدن الكبري
منتظرين اليوم الحكومه دي تدق الدلجة يمرقو علي الخلق
بعدها مافي واحد يقدر يمد راسو بره بيتو
الحكومه دي ماسكه وحايشه عننا بلاوي متلتله
ان كانت من صنعها او توارثتها من سابقاتها
العالم دي ماهمها تبقي صومال تبقي ليبيا تبقي سوريا
همهم الوحيد اسقاط النظام
وعند سقوطه يقعدو يتفرجو
هذه المليشيات الدمويه النائمه داخل المدن عندهم القتل وسفك الدماء
شي عادي وهذا الذي لم يتعودة رجل الشارع
وفي النهاية
الكلمه الفصل هي للشعب وليس للكم واحد والذين يبربرون هنا وهناك
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: عمر عثمان عبد الوهاب)
|
http://up.arabseyes.com/ http://games.arabseyes.comالعاب
في سوق مايو..حيث لايوجد اهل الانقاذ..
تشتري عيشة بي جنيه وتغمس فيالمدعة بي جنيه اخر وتمضي لحال سبيلك..
في ظل الفوضى التي يبشرنا بها فرانكلي نامل ان نجد اهل الانقاذ يغمسون معانا دمعة ارجل الدجاج..
خليك عارف يافرانكلي انو الفوضى دي جاية جاية في ظل سياسات عصابة الانقاذ التي ثبتم انتم وناس ود الباوقة ومن لف لفكم اقدامها..
انشالله انتا مبسوط بي مايحدث الان في السودان وماسيحدث..
ذلك ماجنته خيباتك..
شكرا لما قدمته من سند للعصابة..
جزيل الشكر من وطنك الذي ساهمت في تلجينه..
فرانكلي يامدهش
في دولة المواطنة لايوجد مايجعل عيال ابناء اهل الانقاذ وعيالكم يدرسون في كيبس انترناشيونال بينما الود اب فنيلة حمرا الرافع يدو بي ورا ده يتابع اخبار دمعة ارجل الدجاج..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; ج� (Re: Frankly)
|
Quote: وفد عربي إلى الكويت لدعم المشروعات الإنسانية في السودان
الأثنين 02 مايو 2016
الكويت - مكتب الجزيرة:
توجه أمس وفد مشترك رفيع المستوى من الجامعة العربية والحكومة السودانية إلى دولة الكويت في إطار جولة تشمل قطر والإمارات، وذلك لبحث سبل توفير دعم عربي لإنفاذ مشروعات تنموية إنسانية في السودان .
ترأس وفد الجامعة السفير محمد خليل إبراهيم الزوادي الأمين العام المساعد رئيس قطاع الأمن القومي بالجامعة العربية، وضم الوفد السفير صلاح حليمة رئيس بعثة الجامعة العربية في السودان والملحق الدبلوماسي عمار البياتي، وترأس الوفد السوداني الوزير كمال حسن علي وعضوية المفوض العام للعون الإنساني أحمد آدم ومدير مكتب وزير التعاون الدولي أسامة كاروم الصافي. وقال السفير صلاح حليمة، إن هذه الجولة تستهدف استقطاب دعم عربي لإنفاذ مشروعات تنموية إنسانية في السودان، مشيراً إلى أن السودان في مرحلة متقدمة فيما يتعلق بتحقيق الأمن والاستقرار وشيوع السلام في دارفور وفي منطقتي جنوب كردفان والنيل الأزرق وبالتالي لابد من التركيز الآن على المشروعات التنموية والإنسانية وخلق مشروعات لسبل كسب العيش تعين المتضررين والمقاتلين السابقين الذين سيتم تسكينهم من القوات المسلحة أو الشرطة أو في المجتمع المدني حتى يعتمدوا على أنفسهم ويصبحوا منتجين وأكد صلاح حليمة أهمية أن يتم إفراغ المعسكرات من النازحين واللاجئين وتحويلهم إلى الحياة المدنية حتى لا تكون هناك اعتماد على الخارج بل الاعتماد على أبناء السودان أنفسهم في توفير سبل كسب العيش لهم وقال حليمة «نحن نعمل في إطار العمل العربي المشترك وهذه نقطة أساسية أي أن الدعم الذي نستقطبه يكون في إطار العمل العربي المشترك وارتباطاً وثيقاً بالبند القائم على كافة الاجتماعات سواء المندوبين الدائمين أو وزراء الخارجية أو القمة العربية والخاص بدعم عملية السلام والتنمية في السودان، معرباً عن أمله أن تكون الجولة ناجحة وأن تتلوها جولات أخرى، وذلك لتنفيذ مشروعات إنسانية وتنموية التي تضطلع الجامعة العربية بدور رائد فيها حيث كانت صاحبة الريادة في هذا الصدد وحذت حذوها دول ومنظمات إقليمية ودولية أخرى. |
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Frankly)
|
Quote: وفي النهاية
الكلمه الفصل هي للشعب وليس للكم واحد والذين يبربرون هنا وهناك |
سلامات يا عمر ..
الإنقاذ لو دا رأيها وعقيدتها ما كان قامت بانقلاب عسكري وحكمت 26 سنة بالقوة العسكرية ..
بلا ش من الفات هسه اتحداها تنزل لكلمة الشعب بل تقبل تنفيذ 50% بس من مخرجات الحوار الذي دعت وجمعت له ..
أما حكاية مليشيات في المدن تنتظر سقوط الحكومة دي يا ها فزاعة المؤتمر الوطني .
:
يا منير قطعا بعد زوال الأسباب التي دفعت الحركات لحمل السلاح لن يحمل افرادها السلاح ..
وسوف توفق أوضاع العسكريين بالطرق المعلومة عالميا ..
يا منير الجماعات دي ما جماعات غازية ديل أهل بلد بطالبو بحقوقهم ..
رغبتهم في استقرار البلد لا تقل عن رغبة أي سوداني ..
مافي جهة أو حزب أو حتى الجيش السوداني بيستطيع بمفردة أن يحكم السودان ..
دي حقيقة مفروغ منها بحكم واقع تركيبة السودان وبحكم واقع نظم العالم السائدة الآن .
:
أيوه يا بابكر الفدراليات والكنفدراليات الكبرى هي البتوفر موارد اقتصادية وتنموية هائلة للأقاليم الجغرافية المتجاورة ..
السودان نفسه قبل انفصال الجنوب كان مؤهل منذ ستينات القرن الماضي أن يبلغ ما بلغته النمور الاسيوية ..
ولم يقعده سوى الحرب الداخلية وضعف مفاهيم الساسة للواقع السوداني واشتغال النخب بالمفاهيم الايديولوجية الكبرى ونظرياتها ..
دون الاهتمام بترسيخ مفهوم وطني اجتماعي ثقافي اقتصادي يشحذ ههم الناس ويدفعهم لبناء وطنهم .
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
Quote: وفد عربي إلى الكويت لدعم المشروعات الإنسانية في السودان
الأثنين 02 مايو 2016
الكويت - مكتب الجزيرة:
توجه أمس وفد مشترك رفيع المستوى من الجامعة العربية والحكومة السودانية إلى دولة الكويت في إطار جولة تشمل قطر والإمارات، وذلك لبحث سبل توفير دعم عربي لإنفاذ مشروعات تنموية إنسانية في السودان . |
سلامات يا كمال ..
اقول ليك فرانكلي المشروعات البتحدثوا عنها دي في ظل الانقاذ لا إنسانية ولا تنموية ..
دا بيع عديل لن يكون للسوداني سوى العمل أجيرا لو قبل صاحب المشروع ..
إذا عايز تستوثق أمشي أقرأ تقارير منظمات الشفافية العالمية وشوف السودان رقم كم في بيع أراضيه الزراعية وثرواته الباطية .
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
النمور الاسيوية تحقق ليها دعم غربي مهول لبناء البنية التحتية.
السودان دا يا ملك ما زال ناييف
يا أخي القروش النهبتها الإنقاذ دي لا تكفي لاقامة شبكة مجاري بمدني.
البلد دي ضعيفة الموارد بحيث لا تصلح لقيام دولة، زي ما قال هيكل: ما زالت مجرد جغرافية!
لا يوجد في الأفق رجال يستطيعون مجرد التفكير في كيفية قيام الدولة.
ارجو أن لا يفهم من كلامي دعم بقاء الإنقاذ، الانهيار حتمي، لذا من الأفضل الإنقضاض على الانقاذ عسى ولعل تحدث معجزة
لكن في كل الأحوال الوضع غير مبشر!
----
يا منير، ما تتعب روحك مع "التعريض" الشبح نبيل، بلكو من حسابك بتاع الفيسبوك، هسع أنا مرتاح منو من زمن بعيد هو وكل الأشباح
أقصد بالاشباح كل الذين يكتبون بحساب غير حقيقي من النافذة عشان حافظ ما يزعل.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; ج� (Re: Frankly)
|
الأخ كمال,
المعضلة الحقيقية في ناس دايرين الشعب المسكين يغير ليهم النظام وهم يجوا ناطين فيهو وعاملين فيها مناضلين ونضالهم لا يتعدى الكيبورد, أنا شخصيا أحترم من يكتب هنا ويكون في مقدمة المظاهرات واحترم جدا الذين يكتبون من داخل المعتقلات أو بعد الاعتقال, لكن إحترام لمناضلي الكيبورد فقط.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: aosman)
|
Quote: المشكلة الرئيسية لقيام دولة في السودان هي ضعف الموارد، لا توجد موارد بالبلاد تحقق لل35 مليون ديل شراب موية نظيفة وكلام لمدة دقيقة بالموبايل
خليك من علاج، تعليم وأمن .... |
يا أبوبكر عباس مشكلة الشعوب ليست الموارد .. أكبر الثروة الحيوانية بتاعة السودان أم الدنمارك؟؟ أكبر مشروع الجزيرة أم هولندا؟ أكبردارفور أم فرنسا ؟؟ .. أكتر موارد السودان أم اليابان؟؟ موارد شنو ياخ؟؟ ..
يازوول منتجات السودان كلها محاصيل بتقوم براها .. صمغ ما أدراك ما سنمكة، كركدى، ذرة مطرية، سمسم مطرى .. إلخ .. حتى الثروة الحيوانية بتتكاثر براها .. سيبك من ديل، الدهب زاتو قاعد فوق وش الواطة .. !! أكتر من كده يلقمونا ليها؟؟ ..
محمدعلى الملك .. مرة أخرى بقول ليك مفروض قدام كل جملة تكتب "أتمنى أن ... "
وكلنا "أتمنى أن ... "
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: aosman)
|
اوعى بوست لفرانكلي
بس التغيير في تلك الدول جابو الكيزان ونحن التغيير نتجاوز الكيزان
والبرنامج موجود
اتفاقية نيفاشا ودستور 2005 يجب ان يكون مرجعية لكل من يريد التغيير
ذى البرنامج ده
....فعلا لابد من مرجعية واحدة بس تلتف حولها القوى الديموقراطية الحقيقية في السودان والكتلوج الوحيد البرجع السودان دولة مدنية فدرالية ديموقراطية هو اتفاقية نيفاشا ودستور 2005
وهي الحد الادنى لرؤية السودان الجديد التي خرج لها الملاييين في الخرطوم لاستقبال قرنق ولكل السودان وسجل ليها 18 مليون سوداني في انتخابات...وفر منها هؤلاء الفاشلين بتاعين هبي هبي يا اكتوبر -خردة السودان القديم...ناس جمهورية العاصمةالمثلثة ديل ادمنو الفشل ومستمرين فيه
اولا العودة لدستور 2005 ستلزم البشير بالتنحي عن ولايته الثالثة المضروبة حسب المادة 57 من الدستور- هذا ما يجب يعرفه العالم والعرب والشعب البشير انتهت ولايته دستوريا
يجب ضغط القضاة التسعة (المعفنين وغير المحترمين )في المحكمة الدستورية العليا لتفعيل عمل المحكمة الدستورية او التنحي او الاستقالة...ديل قضاة الدرك الاسفل من النار فعلا
هذه هي بداية الثورة الدستورية ...ان يكون المواطن عارف انه خرج ليه؟ ويواجه النظام المنتهي الصلاحية نفسه بي البديل ..الدستوري الحقيقي
بعد داك بتجي الاشياء الجوهرية في تغيير السودا كله
1- الغاء الولايات واستعادة الاقاليم واجراء انتخابات ثلاثية تباعا -انتخابات اقليمية - انتخابات مركزية -انتخابات راسية
2- تفعيل الحريات الاربعة والجنسية المزدوجة مع دول الجنوب ...استعادة الوضع الكونفدرالي
3- مسالة الالم القبيح بتاع القوميين العرب واستعادة علم الاستقلال-استفتاء شعبي
4- وجود السودان في جامعة الدول العربية -استفتاء شعبي
ومن هسة اهل القانون يقعوا يعملو دستور لدولة مدنية فدرالية ديموقراطية مكونة من ستة اقاليم ...
الخروج من دولة الراعي والرعية والريع والرعاع -المشروع المصري القاعد في راسنا من الاستقلال انقلاب القوميين 1969 وانقلاب الاخوان المسلمين 1989يعني تجاوز نخب السودان القديم المؤدلجة من عقاب الشيوعيين والقوميين والاخوان المسلمين والعودة الى نموذج وست منستر والاحزاب السودانية الحقيقية والشعب مصدر السلطات عبر الانتخابات والاستفتاء في كل حاجة
وتوجيه بوصلة السودان نحو الاتجاه الصحيح -افريقيا- ونموذج الجارة المحترمة اثيوبيا -الدولة المدنية الفدرالية الديموقراطية من سنة 1990
بعدين اكتوبر ذاتا ما كانت ثورة ولم تكن هناك اصلا ثورة حقيقية في السودان من الاستقلال والدليل انك لحدي هسة - مع -نفس الناس - والسودان بقى معااااق حركيا
هسة ذى ابوعيسى القال نقيب المحامين العرب ..المحامين العرب قدمو ليه شنو او لي السودان ...والله ما نزح من مصر و العرب ديل ما تقوم لينا قائمة لي يوم الدين
وحياك الله يا واعي .....
وطبعا كلامي ده ما بعجبك....
الجنوب ده يرجع في راسك وفي راس كل -خدم المركز -بتاعين حستو او الاخوان المسلمين وكل من رسخ العفن المصري في المركز عبر العصور
بس نحن
انصار
ختمية
جمهوريين
حركة شعبية
وديموقراطية وست منستر جاية جاية ...واخر وسخ عروبي هو الانقاذ دي..
الصورة دي هدية تختها في بروفايلك الشين ده ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: adil amin)
|
يا منير شيء طبيعي أي عمل أو خطة أو برنامج لم يكتمل أو يتم تنفيذه على الأرض يعتبر تمني ورجاء..
انت هسه كدا وافق لينا على التمنيات دي عشان تستوى على الأرض ؤ ما تثبطها قبال تنفذ..
:
سلامات يا عثمان ..
منطقك دا أعوج تب ..
لإنك بتمنح الحق فقط لمن أعتقل أو تظاهر حتى الموجود في الداخل وما تظاهر أو اعتقل مفروض يحرم من الكلام !!!
يا خوي في ملايين السودانيين مبعثرين في دول المهجر والاغتراب ..
ولاؤهم وعطاؤهم لوطنهم واهاليهم مستمر ..
مكتوين مثلهم مثل اهاليهم بالداخل ..
حقوقهم لم يفقدوها ولا يسقطها كونهم بالخارح كما قال الأخ اب سن في خيطه..
الكلام المنطقي لا يضر.
حكومة الانقاذ ذاتها معترفة بحقوقهم وأنشأت جهاز خاص لهذا السبب على الرغم من كونة جهاز جبايات ..
وبترسل صناديق الاقتراع لهم في دولهم ليقترعوا لها .
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: محمد على طه الملك)
|
| Quote: النمور الاسيوية تحقق ليها دعم غربي مهول لبناء البنية التحتية. |
تصدق يا بابكر عبود الله يرحمه تهيئت له المعونة الأمريكية ..
بس نعمل شنو مع عقلية النخب التي لا تقيس الأمور إلا بمعيار الأيديولوجية ..
شبكانهم ليك داون داون يو اس اي ..
تمر السنوات ولا نتعلم شيء ..
نغتس تااااني في حبائل الايديولوجية ؤ نقعد نبرطم لمي جدادك يا أمريكا وروسيا مش عارف أيه قد دنى عذابها ..
بالمنسبة انتقادات أخونا عادل أمين ما خاطئة ..
فعلا النخب السودانية كانت عقليتها السياسية والتنظيرية مستلبة وبعيدة عن واقعهم الوطني.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: أبوبكر عباس)
|
فعلا يا فرانكلي اول مرة تطلع اوعى زول في بوست...اتعلمت من دروس العصر
هسة عليك شايف في زول في البورد ده او في السودان من خزعبلات المركز ديل
اذكى من جون قرنق ولى اوعى من د .منصور خالد
هسة ما جبنا ليكم بديل ساهل سوداني
ده كان وصل للشعب تخطاكم انتو ذاتكم....انتهت المشاريع المصرية في السودان وبدا موسم الهجرة الى المشاريع السودانية وطريق الانجليز والسيد عبدالرحمن المهدي
انتو اصلا يا عقاب الشيوعيين والكيزان في تشظياتكم الاخيرة في المركز عارفين لو رجعت ديموقراطية وستمنستر ما بتاكلو عيش مع احزاب السودان الحقيقية عندكم فكرة ذى العضم قاعدة في راسكم اسمها-انتفاضة ام فكو بدون دعم عسكري او اقليمي او دولي او اذاعة موجهة ثم حكومة انتقالية وشوف كمان بدون فيش وتشبيه يا فرانكلي-يعني لا محكمة دستورية عليا فيها قضاة محترمين ولاهم يحزنون..تقعد ثلاثة سنة تورجغ بعد سقوط النظام عشان تجيب لينا حاجة افضل من نيفاشا ودستور 2005
هسة سؤال واحد يا ناس المعارطة؟؟ بعد سقوط النظام بانتفاضة دجاج انيمال فارم
الولايات ام الاقاليم ؟؟
اهديكم المقولة دي لي جون قرنق ذاكرو فيها كويس
the question is how to organize the anger of people and convert it into program not anarchy
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; ج� (Re: Frankly)
|
الخوف من (المجهول) لا يصلح أبدا كمبرر للقبول باستمرار حال مائل و متدهور باستمرار نحو مجهول آخر.
و لو لم يعد لهذا النظام مبرر كافي للبقاء سوى الخوف من فوضى (اليوم التالي) ,
فالأكرم لهم و (الأسلم) التطوع بتفكيك ذاتي لقبضة جماعتهم على مفاصل الدولة السيادية
و تسليم مفاتيحها و امكانياتها لأيادي مهنية وطنية موثوقة تقود
لانتقال منظم لفضاء أرحب من نفق الانقاذ الذي حشرت فيه الوطن.
هذا الأمر لا يستدعي (حوار) ..
لا يوجد أصلا ما يتحاور حوله ..
بل يلزمه آلية و برنامج تنفيذي و جدول عمل ..
(خارطة طريق) مختصرة
و ليست تحوي أي متاهات و دهاليز و حيل و تكاتيك.
تسليم فوري للشعب ككل لما سلب منه بلا تفويض و لا مشاورة قبل ربع قرن
مع الاعتذار عن فشل محاولة (الانقاذ الوطني) و الاسترحام في شأن المحاسبة.
الكرة و المسؤولية الكاملة في ملعب الانقاذ
وحدها لأن الأمر بيدها عسفا و تسلط ...
إما أن يتطاولوا بادراكهم و أن يدفعهم حرص على المصلحة العليا للوطن
لم يميز تجربتهم سابقا إلى مثل هذه القناعة ,
أو أن يدفعهم - (هم) و ليس الشعب - (الخوف من المجهول)
إلى الهروب إلى الأمام محتفظين بتلاتين مليون رهينة و بلد ..
يستجيرون من المجهول بمجهول أحلك.
الهروب إلى الأمام هو نفسه ما جربته
طالبان و قبلهم نجيب الله و سياد بري ثم صدام و القذافي.
فهل نجح أي منهم في إنقاذ ذاته دعك من بلده؟
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Gasim Alnoor Aly)
|
تحياتي أستاذ محمد علي طه الملك
Quote: هسه النقاش الدائر بين الحركة الشعبية والحكومة الحالية في ادس بتكلم عن عدة جيوش أم عن توفيق اوضاع ..
ما تجكم بما يكتبه الهتافيون وانصار النظام المندسين باسم الحركات ..
هؤلاء غايتهم الا يحدث وفاق لكي تحافظ الانقاذ على السلطة باسم حماية الناس من هذه الحركات ..
ياراجل حركة مناوي جات وصالحت وقعدت في المركز هل مارست اي نوع من الاوهام البكتبوا فيها العنصريين ؟
طبعا ح تكون في قيادة موحدة للجيش السوداني ولكن لن يكون مركزي كما هو الان بل موزع لا مركزيا ..
إنت إذا مصدق ترهات الناس البتكتب في الاسافير على كيفك ..
على الرغم من انهم ما معروفين كمتحدثين باسم الحركات ولا كأعضاء منضوين تحتها .
أنا شخصيا سوف احكم ببرامجهم واهدافهم المعلنة التى دفعتهم لحمل السلاح . |
وشكرا علي مجمل المداخلات التي رصعت بها هذا البوست فقد جاءت مُعبرة مدججة بالحجج والمنطق العقلاني
دعني أضيف
يقول قائل
1-- لا لحمل السلاح والخيار المسلح لأنه خيار نتائجه وخيمة تنعكس علي الأبرياء والعزل
ويهدر الموارد ــ عليكم بالخيارات المدنية
2- الخيارات المدنية ؟؟
يقول أعرف أن المؤتمر الوطني لن يتخلي عن سلطة عبر إنتخابات أو حوار وأعرف إنه فاسد
مستبد
3- نقول دعك من الخيار المسلح ــ نحن مع الإنتفاضة والثورة الشعبية ( خيارنا المجرب ) يقول لا تغيير النظام عبر الإنتفاضة سيفتح الباب أمام الحركات المسلحة ــ لتقييم إبادة جماعية
وتطهير العرقي ــ وتنسف الجيش ومؤسسات الدولة ـ الغول قادم العنقاء في الطريق ... الوطن
سيتمزق
* نقول ماذا تريدنا أن نفعل؟
يقول ليس في الإمكان أفضل مما كان ـ عليكم الرضا بالحاصل وتجرع العلقم فهو خير من
الغول القادم !يسأل سائل:
لماذا الإصرار بالتغيير والثورة الشعبية طالما أن التغيير غيرمضمون النتائج وقد يؤدي لفوضي لماذا نترك الإبرياء والعزل يثورون ويتعرضون للقتل والإبادة من العسكر ؟
** إذا ليس في الإمكان أفضل مما كان" وجنا تعرفوا أخير من جنا ما بتعرفوا "!!
نقول ـ إذا إفترضنا أننا ـ سكتنا ـ علي العبودية والذل والإفقار والفساد والإستبداد فهل سيجنبنا
هذا تفتت الوطن وتمزيق النسيج الإجتماعي وينهي الحروب ؟
نجيب
قيام الحركات المسلحة بتطهير عرقي ونسف مؤسسات الدولة حال سقوط النظام تصور
إفتراضي ــ قبل أن نناقش جدية هذا التصور نقول
أن ماتحذرنا منه ــ بُعيد سقوط الإنقاذ ـ حاصل الآن فعلا ـ كنتيجة لسياسات الإنقاذ
Quote: * التمزق و حاصل وماثل بفعل سياسات الإنقاذ وكذلك الفتن والدمار والتشريد والتدخل الأجنبي
أضف لذلك سلبية وكارثة لم تسمح بها الديكتاتوريات السابقة أو الرصيفة في الدول العربية التفريط
في السيادة والتراب الوطني لصالح دول الجوار ـ بقاء الإنقاذ إذايعني مزيدا من التمزق والإنهيار!. |
*التجارب الديموقراطية في السودان علي علاتها ـ صانت السيادة والتراب الوطني ـ وحصرت الحرب في نطاقها الموروث عن الإستعمار ـ ولم تفاقم الفتن العرقية والجهوية بالقدر الذي
نراه الان ـ صانت نسبيا حقوق التعبير والتظاهر والحريات العامة ولم تزور إنتخابات ولم يكن الفساد متفشيا وسمة للحاكم ـولم تسمح بتدخل أجنبي ولم تربط إسم السودان بالإرهاب !
فإن كانت الدولة العربية المنتقلة للديموقراطية حديثة عهد بها وقد فقد ت ميزة الأمن والإستقرار فنحن نختلف ونؤسس علي إيجابيات تجاربنا ونسعي لإختزال السلبي ـ ونحن الآن نفتقد الإمن والإستقرار النسبي الذي تمتعت به الدول العربية الشمولية والسودان الديموقراطي بالإضافة سلبيات الديكتاتورية الإنقاذية المعروفة
*
Quote:
ماحدث بعد سقوط الشمولياتالعربية يشابه خروج جثمان من عتومة ثلاجة وتعرضه للضوء والهواء مما جعل رائحة التحلل والتعفن تفوح وتزكم الإنوف ـ الهواء والضياء ليس من قتل الجسد وإنما كشف عن موته وتحلله ، الديموقراطية ليست مسؤولة عن تفكك تلك الدول التي كان في طور لإنتقال للديموقراطية .، وعندنا في السودان حقيقة مساهمة الديكتاتورية الحالية في التفكك وتفاقم الفتن العرقية والقبلية والجهوية - مثلث حمدي الإنقاذي وتسليح الجنجويد وهضم حقوق الإقليات والتهميش ونقض العهود , |
* البشير من صرح وعلي رؤوس الملأ في منتصف التسعينات لن نحترم ولن نتفاوض إلا
من يحمل السلاح !
نشاط الحركات المسلحة ـ في دار فور إنفجر في عهد الإنقاذ لا في العهد الديموقراطي
والتفريط في الجنوب تم في عهد الإنقاذ التي رفضت إتفاق الميرغني قرنق ثم بصمت علي
ماهو أسوأ منه !؛ دخول القوات الدولية ـ تم في عهد الإنقاذ !
** والأخطر مما يحدث في الداخل هو التفريط في السيادة والتراب الوطني لدول الجوار
وإنفاذ إجندة الأجنبي ــ رئيس مطارد دوليا يشتري حياته وبقائه في كرسي السلطة بإسترضاء
الخارج ــ وتحويل الجيش السوداني لمرتزقة تحارب بالوكالة !
....... أواصل
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: كمال عباس)
|
أنا ماعارف سياسة دفن الرؤوس فى الرمال دى شنو .. ؟؟ ..
لمن نقول جيوش ، ممكن طبعاً نضع حسن النية فى بالنا وإنو هذه الجيوش ستسعد أيما سعادة بسقوط النظام وتنتظم فى وضع السلاح وتنخرط فى الحياة المدنية ووو أى حاجة .. لكن ياجماعة الأشياء لا تتأتى بالأمانى العذبة .. فهناك حقيقة solid أن هناك جيوش ظلت تحارب منذ ١٣ سنة ، وبنت طبقات ورتب عسكرية عليا .. وهدفها الأساسى هو السيطرة على المركز .. فيبقى من السذاجة إنو الأفندية يفكروا بنفس الطريقة القديمة بأنو أهل المركز الأفندية يكوِّنوا حكومتهم ويتْكِلوا هذه الجيوش بعيييد بالجنبة بإعتبارهم كيانات هامشية ، ويجدعوا ليهم جزء من كيكة السلطة وكل شئ يبقى على مايرام .. ده تفكير سطحى جداً .. فليس لذلك حملت هذه الجيوش السلاح .. عندنا سابقة مع هذه الجيوش مع إتفاق أبوجا حينما جاء مناوى للقصر .. حيث بقى جيشه بسلاحه ولم يندمجوا فى سلام حقيقى .. يعنى عندما تظل القوات محتفظة بسلاحها فستكون إعادة الحرب دائماً على شفا البندقية.. كلامى ده ما كلام عاطفى ضد هؤلاء أو مع أولئك .. هذه ظروف السياسة ونحن شعب حمقى سريعى الإنفعال لأتفه الأسباب .. زمان عند توقيع إتفاق نيفاشا كتبت بوست بعنوان هل تستطيع الحكومة التحكم فى جهالة الجاهلين؟؟ أيوة الحرب وقفت وقرنق جاء الخرطوم وأستقبلته الجماهير والناس كلهم كانوا متكيفين وآخر إنبساطة ..ولكن لم تمض بضع أيام حتى قُتِل قرنق واشتعلت الخرطوم بسبب جهالة الجاهلين .. هذه من نوع أعاصير السياسة التى لا يمكن التنبؤ بها ..
ولذلك أقول لن يكون هناك استقرار مالم ينحصر حمل السلاح عند الجيش فقط .. لكين كونه البلد يكون فيها عدة جيوش بكامل عتادها وتسليحها، ويجى الأفندية يعتبروهم كيانات مساعدة للثورة فقط فذلك أقل بكثير من طموح ١٣ سنة حرب ..
وياأبوالقاسم الأمر ليس خوفاً من مجهول .. مافى شئ مجهول هنا ومافى شختك بختك .. هناك معطيات واضحة نقيس عليها .. لا يمكن لدولة أن تستقر وبها عدة جيوش مدججة بالسلاح .. وين فى العالم توجد دولة فيها أكثر جيش ؟؟ .. مناوى فى أقرب ملف رجع للحرب لأنه كان محتفظ بجيشه ..
عموماً .. لغاية الآن أسئلتى فى أول مداخلة لى هنا مازالت معلَّقة بدون أجوبة .. ماهو سيناريو التغيير وكيف ومن سيستلم السلطة ؟؟ أسئلة بسيطة جداً .. طمئنونا إنو كله فى السليم، وإلاّ فستكون الجوطة دى لعب بالنار وإستهانة بالأرواح ..
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Munir)
|
والله يا منير الظاهر ح ننتظر طويل لنرى إجابة واضحة وبسيطة على سؤال وضاح وبسيط
| Quote: عموماً .. لغاية الآن أسئلتى فى أول مداخلة لى هنا مازالت معلَّقة بدون أجوبة .. ماهو سيناريو التغيير وكيف ومن سيستلم السلطة ؟؟ أسئلة بسيطة جداً .. طمئنونا إنو كله فى السليم، وإلاّ فستكون الجوطة دى لعب بالنار وإستهانة بالأرواح .. |
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; ج� (Re: Frankly)
|
Quote:
وياأبوالقاسم الأمر ليس خوفاً من مجهول .. مافى شئ مجهول هنا ومافى شختك بختك .. هناك معطيات واضحة نقيس عليها .. لا يمكن لدولة أن تستقر وبها عدة جيوش مدججة بالسلاح .. وين فى العالم توجد دولة فيها أكثر جيش ؟؟ .. مناوى فى أقرب ملف رجع للحرب لأنه كان محتفظ بجيشه ..
|
شكرا اخي منير على التعقيب. لذلك بالضبط قلت سابقا أن الأمر بمآلاته المحتملة كلها ايجابا او سلبا بالقدر الأعظم مسؤولية السلطة القائمة بوضع اليد. تسليم السلطة للشعب كله بمكوناته الداعمة للحركات المسلحة يجب على الأقل نظريا أن يلغي تماما المبرر السياسي لتواجد هذه الجيوش الصنعه في الأساس فشل النظام القائم في ادارة الأزمات بحكمة و مسؤولية. بعد داك
تحقيق احتكار الدولة للسلاح و بسط السيادة بكون مجهود قومي و تسد أبواب الذرائع و الحجج و البختار مواجهة اجماع قومي يتحمل النتائج كاملة
و لا اظن ستتوفر لمثل ذلك حاضنة لو تم انجاز توافق و عقد مواطنة جديد و نهائي يوقع عليه الجميع.
ومثل ما قلت المعطيات البيعنيها استمرار الحال على ماهو عليه يتبادل فوق رؤوسنا الكراسي أربعين مؤتمرجي الى قدوم السيد المسيح كما زعم احدهم
لا يمكن أن تؤدي لانفراج أو استقرار أو تغيير لو استصحبت معاهم كل الغبائن
و المرارات المزمنة الاصبحت مرتبطة بوجودهم في السلطة كارتباط الورم بجسد عليل. لن ينهض هذا الوطن و لن يتفرغ السودانيين للانتاج كما اوصيت اخي مالم تتفرغ قيادة رشيدة لادارة البلد عوضا عن ادارة الازمة
و التشبث بالحكم مخافة الحساب.
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: Gasim Alnoor Aly)
|
Quote: بالمنسبة انتقادات أخونا عادل أمين ما خاطئة ..
فعلا النخب السودانية كانت عقليتها السياسية والتنظيرية مستلبة وبعيدة عن واقعهم الوطني. |
والله يا الملك الكلام ده قالو محمود محمد طه وقالو جون قرنق وقالو قبلهم السيد عبدالرحمن المهدي"السودان للسودانيين" ولالوب بلدنا ولا تمر الناس ...
زمان ناس حستو-الجبهة المعادية للاستعمار تاتيهم الاملاءات من حدتو وقامو دعمو انقلاب عبدالناصر الصهيوني المموه
واللليلة ناس الانقاذ تاتيهم الاملاءات من المرشد البيطري في مصر محمد بديع
عشان كده رسل الحاكم بامر الله بقر لي انتخابات مرسي في 2012
ورسل جنود لليمن 2015 عشان الاخوان المسلمين اليمنيين الذين لفظهم الشمال ومشو يخمجو الجنوب الاشتراكي القديم...
هذه هي عفطة العنز التي نسميها دولة من انفصل الجنوب ومشا الجنوبيين الاذكياء 2011 وضاعت بين كلاب الحر الشيوعيين-انقلاب 1969 وكلاب الجزارة الاخوان المسلمين انقلاب 1989
ويبدا الاصلاح في السودان بي اصلاح المحكمة الدستورية العليا اولا واعتماد نيفاشا ودستور 2005 ..عشان نزح البشير ده اول حاجة د ستوريا بالمادة 57...عبر كافة الوسائل المتاحة..وبالله السيسي الما بخجل جاب معه بتاع جامعة الدول العربية المبتزلة نبيل العربي ليحتفل بي ولاية البشير الثالثة المضروبة يعني مركز الاهرام للدراسات بتاع الواد هاني رسلان ده ما قرا اتفاقية نيفاشا ودستور 2005؟؟
الخدم بتاعين المركز ديل يزحو من مصر دي بتين ؟؟؟
ومصر دولة لا تنتج
ديموقراطية
ولا اشتراكية
ولا فدرالية
نعمل بيها شنو ؟؟؟
| |
|
|
|
|
|
|
|
|
|
Re: شعار andquot;البديل جاهز .. البدل أنا وأنتandquot; (Re: عبدالعزيز الفاضلابى)
|
جيت مارى سريع على البوست من أوله لقيت هناك مداخلات موجهة لى وما شفتها .. ومنها مداخلة لعادل أمين .. قلت ياخى أنا اتلومت مع عادل يكون ظنَّ أنى تجاهلته ونويت أرد .. أها مشيت شوية لقدام لقيتو فى مداخلته التالية نبذنى وكتب المأزوم منير !.. الحكايى شنى يا ناس .. ؟؟ !!..
بقينا ملطشة فى المنبر ده لليسوى والمايسواش .. !!! ..
| |
|
|
|
|
|
|
| |
Frankly
ياسر منصور عثمان
محمد البشرى الخضر
الهادي ابوبكر
محمد على طه الملك
Munir
بهاء بكري
كمال عباس
Nasr
talha alsayed
adil amin
أبوبكر عباس
Osama Siddig
أيمن الطيب
aosman
Gasim Alnoor Aly
عبدالعزيز الفاضلابى
فيس بوك
تويتر
انستقرام
يوتيوب
بنتيريست