المستنير ابوبكر عباس عائزين معلومات عن الآتي

Quote: الخواجات المطاميس ديل يا شيخ المسلمي، ناس ملاحظة وعلم، وما بخلوا حاجة إلا يأطروها علميا. أها قصة بقرن البحلب وهو ملقح دا يا هو ذاتو الفلم كيف؟ الناحية الاقتصادية في الانتاج الحيواني هي بالطبع أهم نقطة لا يعقل انك تأكل بقرة تسعة شهور وهي جافة لا تعطي أي حليب! كيف حلوها؟ البقر والإبل وبقية الحيوانات تختلف في هذه المسألة عن بعض داخل النوع وداخل السلالة، والمسألة في النهاية تحكمها الجينات أها الخواجات المطاميس ديل لاحظوا انو في بقرة انتاجها عالي وبقرة ممكن تحلب بدون ولدها (مري) وبقرة تحلب وهي لقحة وبقرة دهون حليبها عالي وهكذا من اختلافات ايجابية وسلبية داخل السلالة عبر مسنوات طويلة عملوا شنو؟ اشتغلوا بانتخاب الابقار التي تحمل الصفات التي يرغبون فيها، وتلقيح هذه الأبقار من فحول معروفة الانتاج ثم اعادة الانتخاب في الأولاد والبطلعوا حاملين صفات سلبية زي ناس منتصر ديل بودوهم السلخانة القصة دي ما سنة ولّ سنتين، بل عشرات السنين لحدي ما تصل لسلالة تحمل الصفات الدايرها. أها نحن كبياطرة وزرّاعة ( انتاج حيواني) برضو ما ناس ساهلين؟؟ موضوع انتاج الحليب وتحسين السلالات المحلية كان شغال بشكل ممتاز لحدي قبل الانقاذ دي!! الحصل وكيفية المعالجة مرّة أخرى: