|
Re: أنا واحدة من أفضل من يقدمون البرامج في الس (Re: احمد الشيخ)
|
ههه شكلي كترت المحلبية قالوا قاضي جنو وجن الطلاق .. قاضي شرعي .. يجي الراجل يطلق المرة القاضي يقول ليهو كدي عاين لي مرتك دي تملا السدر زي دي بطلقوها ولا عاين كرعينها زي قرمة الجزار ماكنة ولامعة كدي شوف خشيمها دي زي العنب ولا عاين ليها بي وراها وشوفها وهيطة كيف اها يقنب يتغزل حسيا في المرة وغالبا الزوج .. يمسك زوجتو من يدها ويتخارج ويسمع القاضي كلام فارغ اتا راجل ما عندك ادب وما محترم ومرات ينشبك فيهو الا يحلوهم الناس اها القاضي بنور للزوج high light تحت المناطق التي قتلها الاعتياد لكن زي ما صحبي كل امرأة جميلة ستجد رجلا مل منها
| |
|
|
|
|
|
|
Re: أنا واحدة من أفضل من يقدمون البرامج في الس (Re: عبدالحفيظ ابوسن)
|
مودتي أخي زهير .. أرحموا البنية دي شوية .. الواحد فينا لمن يذكر عندو بنات في سنها يكون في إحساس من عدم الرضا .. هل تم حل كل مشاكل الدنيا إلا البنت دي .. خلوها في نرجسيتها وشوفوا المشاكل التي تهد ظهر البلد .. متعها الله بالصحة والعافية وحياة زوجية سعيدة مع أولادها اللهم أحفظها وأحفظ بناتنا ..
مودتي زهير .. وأرجوك .. نريد مواضيع تهم الوطن وخليك من الشخصنة ..
مع كامل الاحترام لرأيك وتوجهك .
| |
|
|
|
|
|
|
Re: أنا واحدة من أفضل من يقدمون البرامج في الس (Re: Hatim Alhwary)
|
الطشاش فى بلد العمى شوف......والله كان افضل مذيعة ما عارف....ان كانت فعلا كما تزعم ....لماذا لم تحتل مكانا فى الفضائيات العالمية..؟؟..الجزيرة ....العربية.....الام بى سى...الخ وتكون مثلها ...مثل ليلى الشيخلى...او خديجة بن قنة...او ليلى الشايب....وفيروز زيانى وكثير من الاعلاميات ذات الكفاءات المهنية العالية...واحدة محلية تدرك تماما ...طشاشها يعد شوف فى بلد العمى...
| |
|
|
|
|
|
|
Re: أنا واحدة من أفضل من يقدمون البرامج في الس (Re: على تاج الدين على)
|
ههه يا علي تاج الدين .. مين في قناة الجزيرة كان يفوق الكبير الكتبي في مهنيته وخطابه الإعلامي ؟ اسال نفسك ليه ما ظهر على الشاشة ؟ القنوات العربية ما مقياس ابدا ..ممكن تقول البي بي سي وغيرها من القنوات الغير عربية .. لكن هل المعنية حاولت وفشلت عشان أنت تخت لينا فرضية ثابتة ؟ والله يفرحنا نشوف شباب السودان فتيان وفتيات متميزين ومتفوقاين في أي مجال .. حقو نشجع كل من يكسر حجبات التواضع المزروعة فينا دي خاصة بالنسبة للمتفوقين في مجالات تخصصهم .. كثير من السودانين المتميزين بتقعدهم العادة دي .. هسه اكتر حاجة بتزعج ابناءنا في الانترفيوهات الخارجية لما يطلبوا منهم يتكلمو عن نفسهم وقدراتهم .
| |
|
|
|
|
|
|
Re: أنا واحدة من أفضل من يقدمون البرامج في الس (Re: على تاج الدين على)
|
فشل المذيعون السودانيون في قناة الجزيرة في نشرات الاخبار لتعودهم على النمط التقليدي في النشرات و هو قراءة الاخبار من ورق بينما تعتمد القنوات الفضائية فقرات (تفاعلية) تتضمن مقابلات قصيرة مباشرة مع صانعي الاحداث فيها عامل المفاجاة لان المقابلة تعتمد على اقوال الضيف و ليس فيها سيناريو معد سلفا لهذا تستعين بهم القنوات في قراءة التقارير قراءة سردية من ورق معد سلفا نجح مذيعونا زمان في بي بي سي الاذاعية لان نشرتها تقليدية بينما اختفوا عندما انشاءت قناتها الفضائية
| |
|
|
|
|
|
|
Re: أنا واحدة من أفضل من يقدمون البرامج في الس (Re: عوض محمد احمد)
|
يا علي تاح الدين هي بنفسها قالت ما لقت نفسها في قراءة الأخبار واتجهت للبرامج .. يبقى التقييم مفروض يتم بمضاهاتها مع مقدمات البرامج لا المذيعات .. مسألة الشكل دي طبعا مافي زول يقدر يتكلم فيها لإنها هبة ربانية فوق أن تقديرها نسبي بين الناس .. وهي عكس موصوع الأناقة التي يمكن أن يتحدث الناس حولها .. مع ذلك كون القنوات العربية تعتمد الشكل مسألة ظاهرة للعيان بعكس ما نراه في القنوات الغير عربية .. بعدين أنا ما عارف وين هي قالت إنها الأفضل ؟ هي قالت (أنا واحده من أفضل ) (من ) دي مش للتبعيض ؟ ثم إنها لم تقل ذلك إبتداء ومن تلقائها كنوع من التفاخر .. بل قالته في معرض الدفاع عن عملها عندما حاول محاورها التقليل منه.
| |
|
|
|
|
|
|
|