|
Re: تنكر عدد من السودانيين لأصولهم السودانية (Re: قصي محمد عبدالله)
|
في جولة سريعة على القاعدة العالمية لبيانات الهواتف ، أشهرها Numbebook و Reelcaller ،على عدد من الأرقام العالمية المجهولة لبعض السودانيين الذين أتتني منهم مكالمات، ورفضوا ذكر أسمائهم، و بطريق آخر مضاد، على أسماء عدد من الاشخاص المعروفين ، اتضح لي بما لا يدع مجالا للشك الآتي:
| |
|
|
|
|
|
|
Re: تنكر عدد من السودانيين لأصولهم السودانية (Re: قصي محمد عبدالله)
|
ده كلام فارغ ساكت اللي بتكتبوا ده عن الجماعة اللي في أمريكا.أول حاجة هنالك ناس أرقام تلفوناتهم غير مسجلة في السجل العام أصلا. وسجل التلفونات في أمريكا لا يكشف عن جنسية الشخص، أصلا، بل يكشف عن أسم الشخص الذي يملك الهاتف، وعن عنوانه أو ولايته. البرامج البتستخدمها دي بلها واشرب مويتها. بعدين هم غلطانين لأنهم أتصلو عليك أنت. بس أوع يكونو متصلين عليك من قوقل! لو ده حصل بتكون ركبت ماسورة عديل.
| |
|
|
|
|
|
|
Re: تنكر عدد من السودانيين لأصولهم السودانية (Re: Deng)
|
Quote: ده كلام فارغ ساكت اللي بتكتبوا ده عن الجماعة اللي في أمريكا. أول حاجة هنالك ناس أرقام تلفوناتهم غير مسجلة في السجل العام أصلا. وسجل التلفونات في أمريكا لا يكشف عن جنسية الشخص، أصلا، بل يكشف عن أسم الشخص الذي يملك الهاتف، وعن عنوانه أو ولايته. البرامج البتستخدمها دي بلها واشرب مويتها. بعدين هم غلطانين لأنهم أتصلو عليك أنت. بس أوع يكونو متصلين عليك من قوقل! لو ده حصل بتكون ركبت ماسورة عديل. |
هم اصلا فارغين من يوم علقوا آمالهم وتطلعاتهم معك... ودي براها أكبر وهمة وتزييف للوطنية السودانية، ------ والمنشور ماشي على حافة الخور ، لذلك لا أريد ذكر عدد من الاسماء بعدة جنسيات وهمية مختلفة. ---- لخ لخك فيهم ..
| |
|
|
|
|
|
|
Re: تنكر عدد من السودانيين لأصولهم السودانية (Re: قصي محمد عبدالله)
|
الاخ قصي سلام من الله عليك الوطنية دي اتباعت من يوم الواحد خطا اول خطوة داخل دول اللجؤ ، قل لي بربك كيف لجأ اذ لم يكن قد لف و دور و كذب و اختلق القصص ثم ان كثير منهم ينتحل جنسيات و اسماء اخرى عشان يلقى حاجة في المولد يعني مثلا لو جات اعانا للصوماليين او ميزات يكون راكب سيما و ان السودانيين اللاجئين اصبحوا لا يملكون اي حجة للبقاء هناك فكل اسباب قبول لجؤهم قد انتفت بالذات بعد انفصال الجنوب لم يعد هناك ما يتدثر به هؤلاء الا الحفة الجنسيات الاخرى لذلك تجد انهم ما بين فترة و اخرى يتنادون فيما بينهم للوقوف و التظاهر اما المؤسسات الحكومية و اختلاق الاحداث و تضخيمها لايهام الرأي العام هناك بأن الوضع لا زال حرج و يستدعي بقاءهم في دولة اللجؤ يعني دارفور دي لو فرقعت فيها كورة تنس بكره تلقاهم واقفين ينددوا بالمجازر و التهميش و التصفية العرقية و الابادة الجماعية تقول لي وطنية ؟
| |
|
|
|
|
|
|
Re: تنكر عدد من السودانيين لأصولهم السودانية (Re: خالد المبارك)
|
Quote: لذلك تجد انهم ما بين فترة و اخرى يتنادون فيما بينهم للوقوف و التظاهر اما المؤسسات الحكومية و اختلاق الاحداث و تضخيمها لايهام الرأي العام هناك بأن الوضع لا زال حرج و يستدعي بقاءهم في دولة اللجؤ يعني دارفور دي لو فرقعت فيها كورة تنس بكره تلقاهم واقفين ينددوا بالمجازر و التهميش و التصفية العرقية و الابادة الجماعية تقول لي وطنية ؟ |
صدقا لكلامك، في واحد اليومين دي في شمال الوادي كل شوية طالع بفبركة عن مطاردته من قبل الامن! ناسيا أن العالم أصبح مكشوفا ، والكل مشغول بمشاكل نفسه. ----- وفي ذات الواقت ليس كل من هاجر هدفه سياسي تكسبي حقير... نسأل الله أن يرد غربة الجميع سالمين غانمين.
| |
|
|
|
|
|
|
Re: تنكر عدد من السودانيين لأصولهم السودانية (Re: كمال الدين يوسف)
|
Quote: لا أجد تبرير لهذا الأمر |
بل يمثل تفاصيل دقيقة عن حياة أشخاص ، موزعة بين الناس .. وقد تكون مخفية عن الناس المعنيين، برغم أن جزيئياتها موزعة بينهم بصورة فردية... فمعلومة من تلفون هذا + معلومة من تلفون ذاك = سيرة ذاتية للشخص المعني. أحيانا عملية البحث (اسميا أو رقميا) تاتيك 10 نتائج مختلفة . وهذه في حد ذاتها نقاط منطلق لنقاط أخرى .
| |
|
|
|
|
|
|
Re: تنكر عدد من السودانيين لأصولهم السودانية (Re: قصي محمد عبدالله)
|
سلامات يا قصى..Quote: فمعلومة من تلفون هذا + معلومة من تلفون ذاك = سيرة ذاتية للشخص المعني. |
سيرة ذاتية عديييل كدا!!!!وفي شنو ولي شنو ؟؟؟رغم إني ما لقيت علاقة بين عنوان البوست والموضوع بداخله!! إنت عايز تقول شنو وتثبت شنو!!!! شنو دليلك على تنكر هؤلاء الناس لأصولهم السودانية وإدعائهم بأنهم صوماليين أو كينيين أو خلاف ذلك!! افصح أبن يا أستاذ,,
| |
|
|
|
|
|
|
Re: تنكر عدد من السودانيين لأصولهم السودانية (Re: أيمن الطيب)
|
Quote: سيرة ذاتية عديييل كدا!!!!وفي شنو ولي شنو ؟؟؟ رغم إني ما لقيت علاقة بين عنوان البوست والموضوع بداخله!! إنت عايز تقول شنو وتثبت شنو!!!! شنو دليلك على تنكر هؤلاء الناس لأصولهم السودانية وإدعائهم بأنهم صوماليين أو كينيين أو خلاف ذلك!! افصح أبن يا أستاذ,, |
عايز اقول أن عدد من السودانيين متنكرين لأصولهم في الغرب، ويمارسون الوطنية هنا فقط... فلاهم يستطيعون إعلانها ... ولا هم على استعداد للعودة لوطنهم ، إلا القليل منهم. و بلا شك ارتباطهم بالسودان سينتهي بمغادرتهم الحياة الدنيا ، ولا أعتقد أبناءهم سيذكرون دولة اسمها السودان بعد ذلك. -- أفصحنا بما فيه الكفاية، وأمسكنا عن ذكر الأمثلة .. وتركناها للإجتهادات الفردية حفاظا على سلامة المنشور من الخورنة.
| |
|
|
|
|
|
|
Re: تنكر عدد من السودانيين لأصولهم السودانية (Re: Frankly)
|
Quote: مع أني ما فاهم الموضوع شنو لكن قريت كيف يظهر اسمك في تلفونات الغير وأهديك نكتة بهذه المناسبة |
الأمر بسيط جدا ن وبدائي، لكن ياخ ال WIFE1 دي بالغت عديل في حق نفسها ال WIFE2! شكلها مشت تهابش و صاحبنا ما لحق يفهمها !!!!!!
| |
|
|
|
|
|
|
Re: تنكر عدد من السودانيين لأصولهم السودانية (Re: حاتم إبراهيم)
|
Quote: جميل، طالما المحك هو الوطنية طيب إيه رأيك في القاعدين جوة السودان وبقولوا نحن ما سودانيين؟ أو بيتصرفوا بطريقة لا تبين وطنيتهم؟ |
بيكضبوا على أنفسهم قبل الآخرين، و عشم مستحيل طالما متواجدين في الداخل. وبعض التصرفات اللاوطنية قد يكون من ورائها مأرب أمني ....
| |
|
|
|
|
|
|
Re: تنكر عدد من السودانيين لأصولهم السودانية (Re: حاتم إبراهيم)
|
Quote: وأمسكنا عن ذكر الأمثلة .. وتركناها للإجتهادات الفردية حفاظا على سلامة المنشور من الخورنة. |
إجتهادات فردية!!!! لو خايف إنو الموضوع يمشى الخور أو إنت تمشى الرج,,, جلي الفكره من أساسو أحسن من هبيش الكلام فوق فوق دا,, تحياتى,, * انت خايف من الخور ولا من البلّ ولا من الجماعة ديل
| |
|
|
|
|
|
|
|