أهلا وسهلا ومرحبا ياحافظ الإمام ...
Quote: حافظ الإمام محي الدين · Calgary, Alberta صراحه يا ملهم إنت زول كويس جدا وود بلد أصيل لكن أعتقد إنك زول حسّاس شديد ف عشان كده أحياناً بحاول أتجنبك عشان ما أحرجك. |
بما إنى لن أحرجك ...فأحرج بى راحتك
ووو
ماتتجنبى ياحافظ ..عشان توصل رسالتك ووجهة نظرك
وأنا بى حساسيتى دى قادر ارد عليك بمايليق بي قبل أن يليق بك
يعنى ثق تماما أنك فى الحالتين مرحب بيك
Quote: نرجع لموضوع البوست الأول، قدمت نقد محترم جداً للشتيمه الحصلت ولكنك طبزتها بنقدك للكيزان وتصويرهم بأنهم أكثر سؤاً مما جاء في البوست المعني وكأنك تريد أن تُبعِد عنك شبهة الكوزنه. |
مشكلتى إنى لو كوز بقول كوز ولو شيطان بقول شيطان
لكن وبكل صدق أنا بعكس وجهة نظرى كمواطن للآن
ونقدى للكيزان لايمكن أن يحدث لو لم أجد سبباً لإنتقادهم
حتى لو ثبت أن ماقاله محمد يسن هو قوله بعضمة لسانه وإنه سىء بلاشك
فإنه لا يفوق سوء الكيزان بأى شكل من الأشكال
وانت تحاول وبكل براعة أن تلصقنى بقولك هذا فى جردل الكيزان
أعوذ بالله من أن أكون كوزا ....وحسبى الله ونعم الوكيل فى الكيزان
Quote: أتفق معاك أن الكوزنه ما حبابها لكن كل موقف قائم بذاته. |
وهل ما أصاب الوطن من مآسى كاب بسبب محمد يسن خليفه
ياود الإمام
ردج فعل ود الخليفه هو رد فعل إنسان يكره الكيزان وما أتو به من مايراه من سوء
ولو كان الكيزان ماشين تمام البخلى ود الخليفه يعاديهم شنو؟؟؟
Quote: كل البذاءات والإنتهاكات الكيزانيه أخذت نصيبها من النقد هنا وأخذ الناس كل حادثه وأشبعوها نقداً وأحياناً شتيمه . |
لا والله لم تأخذ نصيبها من النقد ومادامت حكومتهم قائمه وتفعل بنا الأفاعيل سنستمر فى نقدها
وإن لم ينفعهم النقد سينفعنا التنفيس عن نفوسنا بنقدهم
Quote: ولكن ما حصل بالأمس حاله منفصله ليس لها أي علاقه بما حصل في السابق ويجب عليك التعليق عليها لوحدها ولكن بمجرد ذكرك لإنتهاكات الكيزان ميعت القضيه الحاليه. هذا رأي وربما أكون مخطئ فعليك الله ما تتحسس |
انت ماغلطان لكن دى ودجهة نظرك وأنا بحترمها يا حافظ
وزى ماقلت
ولو كان الكيزان ماشين تمام البخلى ود الخليفه يعاديهم شنو؟؟؟
غايتو دى حرقتنى شديد
(وكأنك تريد أن تُبعِد عنك شبهة الكوزنه. )
لكن اكلتها عاااااادى لأنى واثق من نفسى
...
تحليه
فحش القول قتل للشخصيه المتفحشه ... حتى وإن كانت على حق