لماذا نترك مُقارعة الحِجة بالحِجة والرأي بالرأي، ؤُ نكنكِش في رقبة الزول ؟...

Quote: ود المدير ازيك ماتقول لي انتو ما عندكم بيوت اشباح في كندا!!! ياخي كان كدي انتو ناس متخلفين خلاس المقعدكم في بلد زي دي شنو عليك الله

Quote: والله يا خال تقول شنو ؟، شقاوتنا بس . بعدين جهاز الأمن بتاعُن قبل الليلة كان عندنا شأن سوداني إفتكروهو شئ إرهابي، قامو إتلحوني ليك و اوّل زيارة زاروني في البيت، ثمّ بعد دآك بقو يقابلوني في المقهى (تيم هورتون)، أها، وكت نتقابل طوالي يجيبو لي قهوتي ؤُ معاها دونت، وكِت لِقو الحكاية كِترت، ؤُ عرفوني زول جبنة ؤُ دونت سااااكت دمسوني، ؤُ من اليوم دآك إنقطعن الجبنة والدونت البلوشي ...

Quote: مما يقول الأستاذ محمود محمد طه ما معناهو مما لسانك يقصر، ايدك بتظول

Quote: اها الزول ما يستعجل ياخ لعلك في خطأ كبير ادي نفسك فرصة بدل تتور نفسك

Quote: دا ما بيمنع انه المنبر مليان ناس جميلين وحلوين ومفيدين تتمنی انک ما تفارقهم ال ٢٤ ساعة

Quote: هو يا ود المدير إريتو كان وقفت على مسكان الرقبة اجارك إلى هنا في فئة أدمنت السقوط اول ما تغلبه الحجة يمسك في لباسك عديل كدا ويقول ليك بلا خجل : قالوا!! يعني حتى في السقوط ما أصيل بل إمعة ويباري القوالات و الفكرة هي كسر عينك عشان تزح وتبعد عن طريقه يعني باختصار بلطجة وشغل فاتيات و العياذ بالله

Quote: لا وكمان اغصبك غصب توافقني على رأيي كان ابيت...اركبك بي عصاتي المضببة لمن تعرف حاجة خليها على الله يا ود المدير

Quote: هسع إن داير اقارعك انت شخصيا .. اقارعك كيف

Quote: بتقدر علي زي دا ؟...

Quote: النبذ والتهاتر او رد المساءة نفسها بتقدير اخذ الحق لا يجعل احدنا منتصرا والله لا اجد في نفسي حرجا من التغافل عن الاساءات وعدم الرد عليها .. ولا يهمني لفظة من لا يرد فهو جبان

Quote: بتقدر علي زي دا ؟...

Quote: والجبنة دي يا ود المدير كانت بدون كحول ولا مطعمة؟ لو بدون كحول معناته الجماعة ديل مزورين وبتاعين لعب ساكت ولو بي كحول يبقی سجم اهلک ولیهو حق ود الزبیر یزعل منک

Quote: ينطحك تور في ختراتك

Quote: نقطة مهمة جدا والله يا مدير مافي شيء بضيع موضوع الواحد حتي لو عندو قضية واااضحة وما بتناطحوا فيها عنزين الا الشخصنة ومافي غيره تلقي الواحد موضوعو راح شمار في مرقة مع التحايا والتقدير لك وضيوفك الاكارم يا حبيب

Quote: لماذا نترك مُقارعة الحِجة بالحِجة والرأي بالرأي، ؤُ نكنكِش في رقبة الزول ؟...

Quote: ول ابا معاوية..حبابك يا صديقي.. كلام بريمة هين..! أها رأيك شنو في كلام صديقك الشخصي التالي: Quote: ال Loser محمد كبر جايك صادي يا مان، امشي جهز قزازتك ساي.. عارفك ما بتعرف تتفاهم معاي الا تكون واقف لمبه. الشيطان ما بيحجز يا معاوية (لأنو صانع المديدة حرقتني) لكن بتحجز الذات السابحة في سموات الجمال والسمو..! لمن نسكت عن الكعب ، ونجي نتضجر من الكعب..فهنا يوجد خلل يا صديقي..! التحية لصديقنا واستاذنا عثمان عووضة (شكلو صحيح من دور استاذنا بشرى الفاضل ، جغمسة عيال الزمن ده والضهب..بتكون غريبة عليهم)..! كبر

Quote: ود المدير كيفنك تعرف يا صديق انا فاقد " شوشو " كم يوم قلتا يا ربى ابن الكلب دا بيكون غاتس وين ؟ اليوم بس وانا اتصفح البوستات لقيتوا عريان بيرقص فى البوست داك !!! لا حولاااااااا البوست داك بوست قبيح .. وكل القبح فى شخصنة المواضيع ..

Quote: أها لو حجة مافي يخليك تتفسح بحجتك ساي كدا انت حالم ولا شنو ديل أهل الحارة ديل أهلي زمان كنا بنحترم أي زول بقدم حاجة جميلة ونسمعو بس

Quote: رحم الله أستاذ الأطباء البروف صالح يسن إستن وسط طلبته بكلية الطب بجامعة الخرطوم قاعدة ذهبية " لا تعالجوا نتائج المرض من حمى واسهال وخلافه ، بل أبحثوا عن أصل وجذور المرض وعالجوها ، تتوقف تلقائياً كل النتائج السالبة " ورحم الله صديقي البروف إبراهيم رحوم الذي كان طالباً نجيباً للبروف صالح يسن ونال درجاته فوق الجامعية تحت إشرافه عرفني به ذات يوم - بناء على إلحاحي - بعد أن ظل يحدثني عنه كثيراً أذكر أنني قلت له أن قاعدة البروف يسن الذهبية هذه لا تصلح فقط للأطباء ، بل هي منهاج حياة يجب أن يأخذ بها كل مهني في مجاله وأحاول على المستوى الشخصي تطبيقها ما استطعت لذلك سبيلاً .......

Quote: جرى في عرف البعض أن معارضة أمر ما هو رمى ممثلي ذاك الأمر بكل كريهة توجد في القواميس بكل فخر أقول أنني أحاول تجسيد مدرسة ( نقد الموقف المعين وليس عداء / حرق الشخصية التي تقوم بالموقف ) تلك المدرسة التي أرسى دعائمها أستاذنا الدكتور منصور خالد نثبت لكل صاحب فضل فضله حيثما وجدناه وننقد كل موقف وفقاً لمعتقداتنا غض النظر عن صاحب الموقف وفي هذا وذلك نحاول ما ساعدتنا ( أمارتنا بالسوء ) تثبيت الحقوق دون إسراف في المدح ، ونحاول تنبيان النقد دون إسراف في الذم لا وجود للشخصي في حساباتنا الله ، الحقيقة وضميرنا هم السلطان علينا

Quote: تحياتي وسلامات عزيزنا ود المدير إن صحت الرواية بأن الصديق العزيز منصور المفتاح قد ذهب للخرطوم مشاركاً في الحوار ضمن وفد الأخت تراجي مصطفى فذاك يعني عندي أن الأخت تراجي سوف تقول كلاماً موزوناً فمنصور الذي أعرفه من كتاباته رجل جاد وصادق وأمين مع نفسه سواء إتفقنا أم إختلفنا مع توجهاته فله رؤى متماسكة

Quote: تحياتي وسلامت عزيزنا معاوية ود المدير أوقف التداخل في بوست خاص بي ( تعلموا كيف تعارضون ) قلت أن السبب هو ( قرفة ) أو إحباط من التعاطي السياسي في منبر سودانيزأونلاين لكن بوستك هذا قد أمسك بتلابيبي بعنف وأعادني للكتابة أنت معاوية ود المدير أحد أسباب قرفتي وإحباطي الذي ذكرت و ماذاك إلا لأنك كنت مرجو فينا وإنك أنت الحليم الرشيد

Quote: وفي هذا وذاك لم نراك تحكم سيطرتك على المداخلات ولم نراك تحمي ضيوفك إنت قايل الإساءة والشتيمة إلا لمن إنت تشتمني عينك عينك ؟؟ من شتمني في دارك فقد شتمك قبل أن يشتمني وأنت إن لم تحمي ضيوفك من الشتيمة فأنت شريك في شتيمتهم

Quote: " أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ أَفَلاَ تَعْقِلُونَ "

Quote: لقد حزنت لك وأنت أرى قريبك وصديقي ( حافظ الإمام ) من زاوية الفيسبوك يقول لك " لماذا تتوقع من منصور أن يخبرك وأنت من لم تعمل خاطر لـ جلسات التلاوة ولا اللقيمات والشاى........ ) ثم وحزنت أكثر وأنا أراك ( تتلجلج ) في الإجابة أصلها اللجلجة عند من كان مرجواً مثلك حارة شديد حارة على من تعشموا فيك خيراً يومها لقد كتبت كثيراً ولكنك لم تقل شيئاً

Quote: بيد أني أضيف لك أن بوستك في حق ( صديقك ) و( أخوك في تلاوة آى الذكر الحكيم ) كان هو الأقسى إنظر بنفسك للمنبر

Quote: من ذهب للحوار فقد كانت تلك قناعتهم وكان ذلك رأيهم وحسب كلامك الحالي ( السليم جداً ) كان يجب أن ننتظر عودتهم ثم نناقشهم نقاشاً يحترم حقهم في التفكير وحقهم في إختيار من يسرون إليه بخطواتهم القادمة لا أن نفتح بوستات إغتيال الشخصية في غيابهم أو أثناء إنشغالهم ﴿ يَا أَيُّهَا الَّذِينَ آَمَنُوا لِمَ تَقُولُونَ مَا لَا تَفْعَلُونَ (2) كَبُرَ مَقْتًا عِنْدَ اللَّهِ أَنْ تَقُولُوا مَا لَا تَفْعَلُونَ ﴾.

Quote: خط هذا البوست هو الخط السليم الذي يجب على الجميع ممارسته سلوكاً لكنك مطالب ( من وجهة نظري ) وقبل أن تمضي فيه أن تزيل الضرر الذي أحدثته بسبب البوست الذي أنشأته في حق منصور المفتاح ( صديقك ) و ( أخوك في تلاوة آى الذكر الحكيم ) و ( شريكك في زيت ودقيق اللقيمات )

Quote: لا يامعاوية ياخي خلي صدرك واسع كلام عاطف فعلا يحرق وكان ممكن يقولوا في البوست المعني طالما زول محروق للدرجة دي ان شاء الله البورد كله يزعل بس انت ما تغادر ... لا بتشتم ولابتسيء ولا بتتداخل في بوستات العك ياعاطف لو حرمتنا من زول زي معاوية تكون هدمت ركن عزيز علينا

Quote: حافظ الإمام محي الدين · Calgary, Alberta أخوي معاويه، شفت أنا في الدنيا دي نقطة ضعفي التعامل مع زول حساس ودواخله نضيفه زيك كده، كدي خليني النديك سر بس ما يقوم يسمعوه ناس دينق ويدقونا طار، ما تشوفني كده عامل ليكم فيها ضكر بط ، أنا آخر الليل ومرات بكون شغال بمشي أنزوي لي في ركن قصي وأقعد أجعر زي الطفل لأني بكون حسيت إنه جرحت لي زول ولا زعلتو.

Quote: أين كان سؤالك هذا وأنت تترك ( تترك مُقارعة الحِجة بالحِجة والرأي بالرأي ) و ( تكنكش ) في رقبة منصور المفتاح ؟؟ أنشأت له بوست يعد النموذج الأكمل في ( كيفية إغتيال شخصية ) المختلف سياسياً  بوست تداعت له الأمم والخلوق ولم يتركوا شتيمة إلا ألصقوها بالرجل ملعون أبو السياسة ياخ لو كانت كدا

Quote: شكراً سودانيزاونلآين، شكراً بكري ابو بكر، اشكر جميع الأعضاء من الجنسين، اشكر جميع القراء والذين سوف انضم إلي ركبهم الميمون . كامل مودتي للجميع واتمنى ان ألتقيكم في هذه الدنيا الزايلة، وأطلب العفو من ايّ شخص جرحته ولو بحرف . السلآم عليكم ورحة الله ...

Quote: نت قايل بكري أوجد خاصية الإستيكة لنمسح بها الشتائم التي تخصنا فقط ؟؟ لا صاحب أمسح الإساءات التي يتعرض لها ضيوفي دون تردد وأنظر في أمر الإساءات التي أتعرض لها شخصياً أأمسحها أم أتركها ؟؟ هكذا كان العشم فيك

Quote: حافظ الإمام محي الدين · Calgary, Alberta الأخ قباني والله بعد ما كتبت ليك مداخله طويله غيّرت رأيي في نشرها لأني حسيت إنها حتشتت البوست وحتفسد الغرض المن أجله كتبت ما كتبت للأخ معاويه. على العموم الوشوش الأصليه بعرفوها بالمواقف والجعير القصدته ده ما قاعد يخليني أنصرف من قول الحق، يعني ما تستبعد بعد الكلام القلناه ليك أكون أخدت لي جعيره لكن خلينا الكلام في محله لينبهك لشئ ما. رغم كل ذلك مابتذكر قلت ليك شنو والله، هسي لو سألتك ممكن توريني مداخلتك دي القصد منها شنو؟ *عايز تعرف وجهي الحقيقي؟ *إنك عايز تاخد حقك وترد شتيمتك؟ بما إنه مداخلتي الكتبتها لمعاويه بإعترافك إنت بتعكس عن حسن نيه من جانبي والغرض منها خير و تصفية نفوس أخوان، فمداخلتك كانت بمثابة وأد للمحاوله دي وإحتمال زي حركاتك دي ما قادنا لنقدك في السابق. أنا عندي ملاحظات كثيره حولك فإختار الوجه المناسب معاك وبنوصل ليك رأينا.

Quote: وعليه تحمل تبعات خياره ودفع فواتير الإختلاف معه كاملة وتقبل النقد- فلاحصانة لأحد من النقد ولاقدسية لموقف ــ أو صاحب موقف ـ! الصرامة الفكرية تقتضي مواجهة صاحب الموقف السياسي ومحاكمته فكريا والحكم عليه سياسيا ـ بلامجاملة أوربت عليالأكتف ــ وذلك من دون تخوين غير مُحق ــ أو التغول علي خصوصياته ـ ماعدا ذلك يصبح عُرضة للنقد والإختلاف ـ ـ ولا يعني هذا أننا نترصد صاحب الموقف أو نسعي لحرقه ـ النقد والإختلاف ـ

Quote: حافظ الإمام محي الدين Calgary, Alberta نقطه أخيره لابد من توضيحها، لم أشارك في هذا البوست لإرسال أي ألغام من أسفل الصفحه أو كإصطفاف مع الأخ عاطف عمر أو أي أحد آخر، عاطف عمر كما تعلمون أفصح مني ورجل صاحب حجه ولكن لأن إسمي ورد في المداخله وحاولت أن أوضح لمعاويه ما دعاني لعتابه سابقاً وحاولت أن أُلطِف الجو وأن أُثنيه عن قراره مغادرة المنبر ولكن أخونا يحيى أبى إلا وأن يُبين للناس وجوهنا المتعدده متناسيناً أن الوجه الذي أبرزناه كان وجه خيرالمراد منه تصفية النفوس بين شخصين أكن لهم كثير من الإحترام. مازلت عند قراري عدم المشاركه في أي بوست آخر مالم يعود معاويه المدير للكتابه ونطلب منه السماح وكذلك بالمره نطلب العفو من عاطف عمر الذي ظل يدفع ضريبة إعجابنا بكتاباته. سوف تكون مشاركاتي هنا فقط للردود علي الأخوان. ربما يعتقد البعض أن قراري بعدم الكتابه لا معني له ولا يمثل أي أهميه لأنه أساساً مافيش حد قاعد يقرأ لنا ولكنه بالنسبه لي يمثل تحدٍ عظيم لإثبات أن وجهنا واحد خالٍ من أي مساحيق تجميل وكذلك عدم المشاركه سوف تحرمنا من ما جئنا من أجله وهو كشف وجوه آخرين إعتادوا علي النفاق وتأذي منهم خلق كثير فسوف نتابع من غير تعليق وياله من عقاب. أعجبني · رد · التحديد كبريد إلكتروني غير هام أو احتيال · 2 ساعة Facebook Comments Plugin

Quote: لا يامعاوية ياخي خلي صدرك واسع كلام عاطف فعلا يحرق وكان ممكن يقولوا في البوست المعني طالما زول محروق للدرجة دي ان شاء الله البورد كله يزعل بس انت ما تغادر ... لا بتشتم ولابتسيء ولا بتتداخل في بوستات العك ياعاطف لو حرمتنا من زول زي معاوية تكون هدمت ركن عزيز علينا

Quote: انت يا معاوية يعني زعلت من كلام صاحبي عاطف عمر ... عاطف في رقبتو كان غالطتوا في رأيو بمرق ليك من جوة ... فما تدقق ... اضحك و انت ماشي ... عاطف قلبه ابيض ... بس حُمقي مرات ... حماقة ( العجايز ) ههههه الببقو زهجانين من أي شي ... بعدين انت الحساسية الشديدة دي شنو كمان ؟ كبرت شكلك يا صديقي ....