سوداني نوبي وافتخر بمنطقتي التي يجيد رجالها الطباخة

نسبة لظروف لوالد كتا بشتغل في الاجازة يافي البحوث الزراعية بواسطة خالى البروف حسن محمد اسحق عليه الرحمة المنسق القومي للفول السوداني وقتها او بت خالتى فوزية في وزارة الزراعة مراسلة وعامل في المكتب بتاع رؤساء المشاريع وبتذكر من الموظفين كمية ليهم التحية والاحترام بشرى وبدر وعبدالمنعم والمحاسبين منير وفايزة فداسي اتنين العامراب والحليماب سبحان الله كانوا اتنين فايزة ومن فداسي واحدة الحليماب والتانية العامراب وسامية وحنان وحضرة المدير العام صاحب القصة

نسبة لصغر سني وقتها في رمضان كتا بصوم يوم وافطر يوم ولامن اكون صايم بخش جوه للمكيف وكان معانا بتاع العلاقات العامة من اولاد القبة مدني زول ظريف جدا ومتواضع شديد وكتا وسطهم اكتر من اخ اها زولنا المدير العام زول متعالي جدا ومتعجرف ومخوف الوزارة كلها الغريبة اخووه كان مدير وقاية النباتات فرق السماء عنو لامن يمشي في الارض طوالي تذكر الطاؤؤس او البي اتنين وخمسين او الاف ستاشر قندفة تقيلة والمفكرة في ايدو الشمال بي طرف المصابعين ولامن ينزل من المرسيدس الخدرا وشراره السايقا جيمس افضل سواقي الوزارة الوزارة زي الوقعت فيها صاقعه

يتبع