سوداني نوبي وافتخر بمنطقتي التي يجيد رجالها الطباخة

وقفنا وين غايتو الكوماااج المدور بتاع الشتايم مرقنا برره الزمن

مجيدو عليك الله كان تقيف من الموضوع ده وتابع معاي قصتي مع الخواجية والمدير المتعجرف وقفنا وين انحنا

الموقفين ديل لو اتقدم واحد على واحد كان اكون هسة في خبر كان ولساني متبري منى زي فلانة الساكنة هافانا كااااااك

المدير المتعجرف جا داخل المكتب وانا صايم قاعد جوة مع الموظفين الكلهم طيبة ومحنة واشر لي بي مصبعو هوي اتا المقعدك هنا شنو مع الموظفين شيل كرسيك واقعد بره المكتب لو احتاجو ليك ينادوك للسيركي او النضافة اللحظة الفكا كلامو ده خمسة موظفين مدنقرين التقول في امتحان الشهادة السودانية لامن كانت شهادة سودانية صنة زي الصنة وبطبيعتي زول حساس جدا ومابقبل نهائي جنس التعجرف ده طوالي نسيت رمضان وبت خالتي الممكن تجيها رفدية من الشغل كبستا ليو وطرشتا ليو كلام شين شديد وفي كتلة خشب مدورة صغيرة كدي بثبتوا بيها الورق في التربيزة شلتها وفنيتا بيو فوق رويسو المدوقس داك وجررررري البيت امسك اقبض امسك اقبض اتخارجتا بي جلدي المهم الخبر جاني انو مازعلان من الفلقة علا زعلان من النبز وقال علا اشتكي ووقتها كانت محاكم العدالة الناجزة تلاتة وتمنين قوانين سبتمبر شغالة جيرانا في الزراعة المحكمة كانت حتى بتذكر في يوم كده جلدو خدر المراسلة بتاع دكتور يحي مدير الثرة الحيوانية المهم المدير اصرررر علا يشتكي بت خالتي فتشك فتشك واسطات بي جاي بي جاي لقينا متزوج ناس بنعرفم واتحلى الموضوع