سوداني نوبي وافتخر بمنطقتي التي يجيد رجالها الطباخة

Quote: مسكاقرو

Quote: بالبصل ولا بالطماطم كااااااااااااك

Quote: نحن حدنا البوش .. حق الجامعات تاني ما نبعرف عن الطبيخ اي شئ الوالد رحمة الله عليه لو جا ماشي ولقاك في التُكل (المطبخ)..بقول اطلع من هنا انت باطل ؟؟؟ ههههههههه

Quote: وكلنا نفتخر بيكم يا حامد ود بدري ،،،،،

Quote: أخي حامد نهارك سعيد... دعني أحرف بوستك هذا من منطقة رد الفعل إلى الحديث عن جماليات الطبخ وارتباطه بالحضارة والتحضر. أمهر الطباخين في العالم من الرجال. أي أن أصل الطباخة ذكوري وتم تعهيدها Outsourcing للإناث.

Quote: مابنعرف نكاتل

Quote: حامد أننقا .. اخي حامد الطهي مقادير وضبط وتوقيت ومعرفة بأنواع النباتات ( تأثير الزراعة ) بعدين وو حامد أننقا .. طهي الطعام معجزة .. سورة كاملة في القرآن وردت بإسم المائدة .. وربنا أنزل مائدة من السماء .. لإثبات أن فن الطهي موثق في الاعالي وإعجاز إلهي .. ومنتجات السواقي لعبت دور جداً ( بامية ، ملوخية ، ورق ، كوسة ، قرع في الجروف ) بس نحن مشكلتنا ما كنا نحب السمك .. وكأن السمك للمساكين الماعندهم سواقي وبهائم ولبن وزراعة وتمر ولا تنسى التدريب على كيفية الأكل ( السفرة او الصينية ) بالدنقلاوية ( بوجييه ) أهم تمرين من الصغر كان كيفية تناول الطعام عدم غرز اليد إلى المنتصف الأكل يكون بطرف الاصابع .. عدم فتح الفم أو إدخال اليد داخله .. تأكل الكسرة المرصوصة أمامك لا تمد يدك إلى نهاية الصينية ( بوجييه ) لا تأكل من أمام الضيف .. لا تتناول اللحم إلا بعد أن يتناول الاكبر سناً وبالترتيب .. إذا تأخر الطعام لا ترفع صوتك وتلح على سرعة إحضار الطعام .. لأن مثل هذا الشخص كان يسمى بالنوبية ( كوكاي ) .. فالأصوات التي تأتي من القولون كانت فضيحة .. عشان كده كان صيام رمضان أهم من الصلاة .. وكأن رمضان ليس عبادة بل إثبات رجولة وقوة تحمل للجوع فمن يفطر رمضان كان يعير ( رمادان كل ) فاطر رمضان .. وكانت وصمة تتبع حتى أحفاده ولم يكن المقصود الجانب العقدي ولكن الرجولة هو تحمل الجوع .. الموضوع طويل .. حامد أننقا .. نبرجع ليك .. ووو حامد أننقا ..

Quote: هههه..ده كلام شنو يا قــُص؟.. مال (رماة الحدق) ديل كانوا شنو يعني؟.. ومالها التباخة يا حامد؟.. ياخي ..الليلة كل نورث امريكا بتبرك ، بتخلي الوراها والقدامها ، عشان تتفرج في وصفات التباخين..!! انسانكم يا حامد.. انسان عظيم..وبالمناسبة قاعد اتفرج لي في فيديوهات..عجيبة وغريبة وبتتكلم عن اسرار الحكمة القديمة وطريقة فك ما استغلق منها.. ولغاية الليلة الخلق مدورة ما قادرة تفهم كيف الإهرامات اتبنت..!!..والله صحي.. وبناها ياهو عمك التباخ الحايم قدامك ده..!! في الفيديوهات دي..بقوموا يتكلموا ويشرحوا ليك الحاجات كويس جدا..لكن لمن يجي الإفصاح عن صاحب الحاجات دي..الدغمسة بتحصل (ياخي انتا مشغول بصحاب الحمير والحصين؟.. ياخي ناس مراكب الفضا ذاتا قاعدين يكبوا الزوغة)..! انسان النوبا في شمال امسودان ، هو اخر سدنة الحكمة القديمة..والمعارف..ولو طبت ظروف عارضة ، فستظل عارضة..! لمن ركبت القطر ، وانا خارج من امسودان ، كنت طول السكة ، لغاية ماركبت الباخرة ومرقت في اسوان ، كنت بتساءل يا ربي الخلق دي ليه ما اتحنفشت وشالت بندقية واتمردت ؟ .. ياخي خلق مهمشة جنس تهميش واحد..اسكت ساكت خليهو..! الهاي رايز ، أو ما يسمى بمرحلة ما بعد ناطحات السحاب.. قامت على فكرة بنغلاديشي كان في شيكاغوا.. ولمن عصروهو وقالوا ليهو الشغلانة دي جبتها من وين؟.. قال ليهم الشغلانة اصلا ظهرت في جنوب اليمن (يقال ممكلة سبأ) وهم لاطشينها من النوبيين بتاعين امسودان..! فشنو يا حبيب ، خليهم يشتغلوا تباخة ساكت ، وهم اذكياء للغاية وعارفين انهم اخر سدنة الحكمة في كوكب الأرض ، يمرروها عن طريق التباخة أو بعض الأشغال الأخرى ، مش مهم ، المهم هم عارفين انهم قاعدين يسوا في شنو..! الموضوع ما صناعة طعام بس يا حامد.. الموضوع اعمق من كده بمراحل..حضارة اليوم بتجعل من الأكل حاجة درجة اولى.. مالو نعلمكم كيف تسوا اكلكم و بنعملكم كيف تسوا ناطحات سحاب واكتر كمان..!! تباخ بيعرف الهرم اتبنى كيف ..و القاعد يبلع حدو تذوق الطعام وبس..! اهل ناس الشرق البعيد..عندهم حاجة اسمها التأمل..واليومين ديل الخلق مشغولة بحاجة اسمها (الطاقة الكونية).. البوذيين ، الهندوس ، الكنفوشوسيين ، الصوفيين المسلمين ، المسيحين ، اليهود .. كلهم بيقولوا ليك: اكتر حتة بتتجمع فيها الطاقة الكونية هي الهرم..أي والله الهرم الواحد ده .. بحيسبوا ليك طريقة بناء الهرم بالمسافات والزمن ، وانتا تكون مسطح للأخر..!! تباخ بيعرف الهرم اتبني كيف..والقاعد يبلع ، حدو تذوق الطعام وبس..! هون عليك يا معلم ، انسان المعرفة ليس كانسان الشهوة (بتاعة اكل سمح وشنو كده ما عارف..تهرد السم يااااااااااااااااخ..!!)..

Quote: حبيبنا حامد ... مسكاقمي .. ولضيوفك .. الانسان النوبي بطبعه انسان مسالم وعملي .. وخلوق .. ويحب وطنه بدرجه كبيره .. لذلك تجد معظم ابناء النوبة همهم الشاغل تطوير منطقتهم .. ولا يعتمدون على الحكومات كثيرا في مساعدتهم , وبالرغم من التهميش الظاهر للعيان ... لم يتمردوا يوما او يشهروا السلاح ضد اي حكومه كانت... ليس خوفاً وانما لوعيهم وحسهم الوطني ونظرتهم المستقبليه ... وعندما زارهم يوماً جون قرنق .. وشاف حالهم الواقف ...قال لهم مستغرباً ...انتو مفروض تدخلوا الغابة .. لذلك تجدهم بالجهد الشعبي وباسهامات المقتدرين منهم قد شيدوا المدارس .. والمستشفيات .. والمراكز الصحية .. والطرق وادخلوا المياه والكهرباء حسب استطاعتهم .. واكاد اجزم بانهم المجموعات السودانية الوحيده في الغربه والتي لها دار مخصص او ما يسمى بال ( جمعيه ) والتي تاوى ابناء المنطقة ليجتمعوا ليتفاكروا ويتشاوروا ويحلوا مشاكلهم ان وجدت ... فالتحية لابناء النوبة الاشاوس.. الذين قدموا أرواحهم ودمائهم فداءً بعد أن ضربوا أروع المثل في الوقوف ضد بناء السدود في مناطقهم - كما ان دعمهم ومساعدتهم لاهلهم ومنطقتهم قد نتج عنها الاحتفاظ بتراثهم وحضارتهم وبقاء الانسان النوبي كريما.. ولا ننسى رجل الاعمال الخيري اسامة داود وشركته ( دال ) والتي كان لها سبق الفضل في تطوير المنطقة الشمالية نوعا ما ... كما نترحم على الهرم النوبي الفنان الكبير محمد وردي الذي كان له الاثر في انتشار الاغنية السودانية واطرب وامتع الملايين في ارجاء العالم ... والكثير من ابناء النوبة العمالقة والذي يعمل كل في مجال تخصصه في سبيل رفعة الوطن واهله ... والقومه لك يا وطني ...

Quote: من طرائف الإغتراب (ملاح حفير مشو).......................!! (1)...للمغتربين طرائف كثيره في بلاد الغربه وهذه قصه حقيقيه حدثت لأحد بلدياتنا .. عمنا (صالح......) من حفير مشو كان يعمل طباخا في قصر الأمير(.........)................. وكان هذا الأمير معروفا عنه حب (المسكرات) وحب الطعام وكان يحب أن تمد له المائدة مدا بكل أنواع الطعام ... يوما ما أتي الأمير جائعا وسكرانا في الساعات الأولي من الصباح ... وطلب من عم صالح الطباخ العشاء.......... عم صالح دخل المطبخ وهو غاضب يتكلم مع نفسه ويقول (حتي التماسيح عندنا في النيل لا تأكل في هذا الوقت )...ده تمساح ول زول البياكل تلاته صباحا ده ..!!! كانت الساعه تقترب من الثالثه صباحا وعم صالح يريد أن يكمل نومه ... ففكر في عشوة سريعه تملأ بطن الأمير ولا تأخذ منه وقتا ... فتح الثلاجه ووجد أنواعا من الخضروات واللحوم ... تخير عم صالح خليطا من الخضروات واللحوم ( بطاطس .. جزر ... فلفل أخضر ... كوسه ... طماطم .. لحم مفروم ... أوصال دجاج ... كميه من الشطه الخضراء الحارقه)......... وضع عم صالح كل هذه الاشياء بعد وضع البهارات والقليل من الزيت ... ووضعها جميعا في صينيه ووضعها في الفرن فإستوي الطبيخ سريعا ... ثم قدم عم صالح العشاء للأمير وهو يخشي من إحتجاجه علي قلة الأصناف ... تناول الأمير اللقمه الأولي ولم يرفع يده إلا وقد قضي علي هذه الطبخه الشهيه المشططه .. ثم سأل الأمير عم صالح ما إسم هذه الطبخه يا صالح ؟ فقال له عم صالح سريعا (إسمها حفير مشو).......... ومنذ ذلك اليوم صار الأمير لا يطلب إلا طبيخ (حفير مشو) والذي هو من إختراع وتأليف عم صالح وصار طبيخ حفير مشو الذي لا يعرف سره إلا عم صالح وجبته المفضله وخاصة عندما يكون (سكرانا) وفي ذات مره سافر عم صالح في إجازه لقريته حفير مشو وسلم المهام لنائب الطباخ دون أن يخطر علي باله طبخة حفير مشو ... وهنا حدث ما لم يكن في الحسبان..........!!!!!! (2)..أتي سمو الأمير كعادته في الساعات الأولي من الصباح سكرانا ونادي علي مساعد الطباخ وطلب منه العشاء ... وقبل أن يذهب مساعد الطباخ لإعداد العشاء قال له الأمير (أريد فقط طبيخ حفير مشو)... ذهب الطباخ للمطبخ وسأل كل من يعمل معه عن طبخه إسمها حفير مشو فأنكروا جميعا معرفتهم بطبيخ بها الإسم ... عاد نائب الطباخ لسمو الأمير وقال له ( ياسمو الأمير أنا أعمل طباخا منذ 17 عاما ولم أسمع بهذا الطبيخ ولا حتي كل العاملين بالمطبخ من طباخين وسفرجيه قد سمعوا بهذا الإسم.. أمر الأمير أن يطلبوا عم صالح بالتلفون في حفير مشو ووقتها كانت الاتصالات صعبه ولا تتم الا عبر الكبانيه والكول بوكس ... في حفير مشو صحي صاحب الدكان الذي يوجد به الكولبكس علي جرس مستمر يشق سكون الليل .. فقالوا له نحن قصر الامير فلان ونريد عم صالح لأمر هام .. ذهب الرجل وأتو بعم صالح وهو شبه نائم ... فوجد مساعد الطباخ علي الخط وقال له ما حدث مع الامير وطلبه لشئ غريب إسمه حفير مشو ... فقال له عم صالح أفعل كذا وكذا وأكثر من الشطه . قام مساعد الطباخ باعداد الوجبه وقدمها للامير وبعد ان اكل وشبع أراد أن يعاقب مساعد الطباخ لعدم معرفته بطبيخ حفير مشو ....وهنا لم يجد مساعد الطباخ بدا من أن يحكي له القصه ... عاد عم صالح من إجازته فطلب منه الامير سر الطبخه فحدثه عم صالح بكل صدق أنه أراد أن يتخارج ويذهب للنوم وقام بإعداد تلك الوجبه التي أتت بالصدفه ... ثم أطلق إسما من عنده ... فضحك الامير ضحكا شديدا ... ومرت الأيام وأصبح عم صالح مقربا لدي الأمير وتاب الله علي الأمير من السكر ولكنه لم يتب من أكلة (حفير مشو) __________________

Quote: نعم يجب عليك ان تفخر بهم وبمنطقتك .. لا عيب في الطبخ ولا منقصة ، لكن يا حامد الزول البغلبو الكلام ويعدم حجة للنيل منك بلقاها ، ده طباخ ساي ، ده راعي غنم ، ده مكوجي وسبحان الله تلقاهو بياكل في المطاعم اكتر من بيتو

Quote: موضوع اكثر من جيد ... ‎لكنني سوف اعلق على هذا الموضوع من نواحي ... القبلية الضيقة ولكن هذا كان متزامنا مع الجهل التي يعاني منها مجتمعنا القبلي ‎عزيزي ....لن اقول ان عاداتنا اضمحلت ...لا ‎لن اقول ....لماذا نستعيبها وهي مهن شريفه ربما كان بعض الأنبياء عليهم السلام امتهنوا بعضها مثل النجاره ...وغيرها ... ‎ وجهة نظر بعض القبائل في السودان ان تلك المهن (الطباخة وعمل في البيوت ) هي دونيه ....وهذه وجهة نظر بعض القبائل بكل صراحه وصدق .. ‎لن يرضوا بها ابناءهم بأي حال من الأحوال . فالعلم نور والجهل ظلام ... أنا أرى أن هذه المهن لاتستعاب أبدا هذه الأيام. تقبل تحياتي

Quote: تعرف ياصديقي الميلوحة الواحده دي ومعاها قراصة البلح بي الخميرة افضل عندي من جميع ناطحات السحاب وطياراتوم لو في امكانية ومساعدة من الحكام الظلمة والفاسدين كان اخترعنا علاج لسرطان الثدي وسرطان الدم فالعرف الكتابة في ورق البردى والبنا الاهرامات مابعجز عن ترجمة الارث الحضاري بتاعو لخدمة الانسانية ومافي شئ ماخر تنمية بلادنا الا الخلافات والتناحر والحروب العبثية

Quote: جمال دا رآكب القطر والقطر زحمة شديدة جداً

اسال حامد من قصة القطر دي ....
بكون راقد في البيت ... واتخيل انو القطر جاء طقاني .... حماانااا النوم يااخ

القطر حبيبي ... هههههه


عالم بطااله

Quote: يا ود المدير .... يااخ انا اتعقدت من القطر دا .... ومن صورة البروفايل حقتك اسال حامد من قصة القطر دي .... بكون راقد في البيت ... واتخيل انو القطر جاء طقاني .... حماانااا النوم يااخ القطر حبيبي ... هههههه عالم بطااله

مجيدو دقش الكيبوردي مابسوي شي

Quote: بالنسبة لي اخوانا القالو دي ماعنصرية نقوليهم الله يسامحكم مابنعرف نكاتل لو بنعرف كان كاتلناكم

من متين عمل الضراع اصبح عيب وشتيمة

Quote: تعرف يا حامد مع انى من اهل المنطقة التحتكم طوالىو حماشتى تقول لى حماشة و د الباهى شنو لكن المطبخ ده هوايتى المفضلةتصدّق امبارح القريبة دى عامل محشى .. بالطماطم و الفلفلية و الكوسة و البطاطسلكن نصيحتى ليك .. لا تبرا الكلام النّىالناس دى فى اول ملف بتكب الزوغةكان هو و كان داكا صاحب ود الباهى

Quote: تحياتي الصديق حامد بدري والمشاركين تعرف يا حامد بدري انا إتربيت وسط قوم كانو يتعهدون قيم القبيلة بالسقي والرعاية جدي لأمي كان يتركنا مع خالاتنا نتونس لمدة خمس إلى عشر دقائق ثم ينادينا للديوان بزعم إنو الونسة مع (النسوان) بتكتل القلب. جدي لأبوي كان لا يبرز هو وأخوه جدي لأمي لأهل الحلة إلا في يوم الجمعة للصلاة ومن بعد قليل من الونسة بزعم أن كثرة الطلة تضيع الهيبة وتجرئ عليك الجهال. هم رجال لهم زمانهم ملأوه بكل مدهش لنا الآن من قيم وعادات وتقاليد، وعاشوا بقيمهم مخلصين لزمانهم ولتنظيماتهم الإجتماعية العشائرية والقبلية. اما نحن، ابناء هذا الزمان فلنا أن ننصف مهاتنا وإخواتنا وصديقاتنا وشريكات حياتنا لنا من القيم الرجولية ما يجعلنا نقف في المطبخ ونساهم في المسح والكنس وتغيير حفاظات الأطفال. لنا من القيم ما يسمح لنا بدعم شريكات حياتنا في دراستهن وفي عملهن فالزمان غير الزمان، والتفكير غير التفكير وهم رجال ونحن رجال. شكراً ليك، وأحب النوبة والبجا والفور والزغاوة والفونج والإنقسنا وكل القبائل العربية زاتووووو :)

Quote: يا حبوب نحن مارقين للربا والتلاف جيب الاقتباس وأقعد فراجا من متين عمل الضراع اصبح عيب وشتيم

Quote: حامد العجاجة، ياخي كل الأشواق آهة بتجرح قلب المشتاق . ذكرتني صاحبنا جمال الحلفاوي ربنا يديهو الصحة والعافية . جمال دا رآكب القطر والقطر زحمة شديدة جداً، وجمال ما لآقي حتة يقعد فيها . أها، بيقوم يمشي البوفية يطلب كباية شاي ؤُ يقعد يِجغّم فيها بالرآآآآحة، بالرآآآآآحة مسافة محطتين تلآتة، ؤُ يمشي يقيف، وكِت تغلبو الوقفة يرجع البوفية يعمل نففففس الحركة ؤُ عمنا الحلفاوي شاميهو ليك شمّة شديدة . أها، في وآحدة من المرات إتحكّر ؤُ طلب كباية شاي، بس عمنا فتح فيهو، إنت آيه هكايتك يا شيخ !، كل مرّآ تطلب كباية وآحدة بتاع شاي ؟. قام صاحبنا جمال طوالي رطن معاهو، عمنا طوالي قال ليهو، طيِّب من الصباح ما ترطُن قاعد زي السودانيين كدا مالك ؟.

Quote: لاحظ ذلك لأنه قال لي على الفور: «اسمح لي سي عبد الفتاح، بغِيت غِير نَدْوي معاك شويا بَلعَرْبِية (أريد فقط أن أتحدَّث معك شيئاً ما بالعربية)». الحنين إلى الوطن حنين إلى اللسان. كان بحاجة إلى التحدُّث بلغة الأم، ضرورة قصوى، شكل من التداوي والعلاج. تبادلنا بضع كلمات، نزلَت برداً وسلاماً عليه، وعليَّ كذلك. تغيَّر وجهه، صار له وجه آخر، وجه يشعّ بهجة وسروراً.

Quote: اولاد منطقتنا كانو هناك وفي بت اخوه دكتورة جات البلد وعملت غرفة ولادة كاملة بي اجهزتا ومعداتا وعتادا مجانا خدمة لاخواتا البموتن نص المركب في البحر بي سبب تعسر الولادة

Quote: والله ما تتصور ريتحتنى كيف وفرحتنى قدر شنو. أنا لامن كنا أطفال أبوى عليه رحمة الله كان بيخلينى أنا وأخوى يوم واحد يغسل العدة ويوم يقش البيت وهو مرات يجى من الدكان يعمل لينا إستيك ولا كستليته وللا محشى. وشاى الصباح وفطور الصباح والبنشيلو معانا المدرسة كان بيجهزو لينا. وعندو طريقة عمل سندوتش فول بالسمنة والفلفل لغاية الليله أنا بتمتطق فى طعمه

الله يريحك ويسعدك دوما اخوي عبدرحمن ويرحم الوالد ويسكنو الجنة ديل ناس امنو بالعمل وقيمتو وفايدتو وياريت لو كلنا ننهج نفس طريقم

Quote: تعرف هسى أنا الحمد لله أجمل إنجازاتى بتكون لامن أعمل لى أكلة وأولادى وللا الضيوف يتكيفو منها. حتى أولادى بيصرو على أطبخ ليهم مرات. متعة ما بعدها متعة. عشان كدا أولادى فنانين جدا فى الطبيخ وما تتصور زوجتى بتفرح قدر شنو لامن الواحد فينا يقوم يعمل ليه غدوه ولا عشوه. والطريف إنو ولدى الصغير لمان كان فى الروضة فى المدرسة النموذجية، نادتنى مديرة مطعم المدرسة الكندية اللى هى عندها ماجستير تغذية وقالت لى "تعرف ولدك دا كوناسور (يعنى ذواقة بدرجة عالية من الرقى)" قلت ليها كيف؟ قالت لى "مافى أكل بيعجبو وهو الوحيد فى الأطفال ديل يقول الأكل دا مسيخ ولا مافيهو بهارات، ولا زايد ملح ولا ناقص ملح". ودى نعمة ياخى.

هههههه قتا لي جنن مديرة المطعم بعد شوية حيعينو ليك مستشار غير متفرغ ربنا يحفظو وامو وكل اخوانو واتا كتر ليو من طبخاتك

Quote: أذكر مرة وأنا صغير مسافرين لى حلفا بالقطر. لقينا كل السفرجية من "أندينا" وطبعا كنت عارف ناس عمنا محمد حشاش طباخ الحفلات النوبى البارع وناس فندق السودان. قمت سألت أبوى عليه رحمة الله:"ليه كل قرايبنا طباخين وبوابين حتى الفى مصر". قال لى كلام ما نسيتو وما حنساهو لغاية لقاء رب العالمين. قال لى نحن إتشردنا من ما بنو سد أسوان وإتفرقنا وناسنا إتشتتوا وهم كلهم كانوا ترابله فلما جو المدينة فى الهجرة ما لقو غير الأعمال دى. بس إتأكد إنو كل واحد فيهم بيشقى ويشتغل عشان أولادو يكونوا أحسن منو." وبدا يعدد لى فى الأسماء: فلان المهندس دا أبوه كان بواب، وفلان الجراح ابوه كان طباخ ووكيل الوزارة أبوه كان سفرجى فى فندق السودان. وحتى المدير العظيم دا أبوه كان بواب فى المحل الجابوهو مدير ليهو. وقدر ما ولدو قال ليهو يا بوى كفاك بعد دا حقو تمشى ترتاح، ابوهو زعل وقال ليهو "إنتا بتستعر منى؟ ما هى دى الشغلة الربتكم وعملتك إنت مدير وأخوك طبيب واختك مهندسة. أنا بأفتخر بيكم وأنتو تخجلو من شغلى؟ تعرف ياولدى أنا لامن زملائى يقولو لى يا أبو المدير بفرح قدر شنو؟" بعدين أبوى قال لى لازم تعرف حاجة مهمة "الراجل ما فى شغل بيعيبو وما فى شى عيب على الراجل عملو إلا ثلاثة: الكذب والسرقة والخيابة".

العمل والاكل من عرق الايد مافي اجمل منو واعظم منو وابهاتنا وجدودنا فخر لنا جميعا

Quote: طبعا بتعرف إنو أول موسوعة طبية فى التاريخ كتبا جدك أموحوتب. ورغما عن إنو العالم إنبهر بإكتشاف أوربا فى الستينات للتتراسايكلين الأحدثت طفرة نوعية فى معالجة التهابات الباكتريا الحيوية وكان طفرة فى تاريخ المضادات الحيوية، كل الأبحاث الحديثة فى تاريخ الطب وما يسمى بعلم الطب الآثارى (Medical Archaeology) وجدوا أنو النوبيين كانوا بيستعلموا التتراسايكلين من فترة تقارب الثلاثة آلاف سنة وبيستخلصوها من طريقة معينة فى تحضير "الدكاى" الواحد دا؛ تقول لى "مـيـلـــــوحــــــة؟ وحتى الميلوحة يا أخى المكونات الغذائية والوقائية الفيها تحيرك. شكرا يا صديق وكتر "هيرك".

الدكاي والميلوحة سرهم باتع قاليك مرة جماعة عندهم عرس ودافنين دكاي واحد مسيخ لي مولانا وواحد مر تقيل لي ناس الطنبور اها لامن بقو على العقد وكتبوا كتابم واحد قاليهم من فسسسسسسلتون كوباية ويكا تر اها واحد دغيل مشى عبا ليو من المخمر مولانا جغم منو جغمة ومعاها تمطقة وقاليهم اونقا فسسسسسسسسقا :)عايز يحللو عمك

Quote: تحياتى حامددى خياراتنا٠ يااخواتنا يموتنيانجيبه العدةيانرجى الحكومة٠ فى كم مدرسة عندكم مكتوب عليها حكومية وكم مدرسة مكتوب عليها شعبية؟اسع عمنا ع عبد الوهاب كان قلنا دائرين صندوق طباشير يحزم كرتونة٠ بدون ردحى وسكليبة٠تحياتى

صباح الخير ابوبكر اخوي

الحكومة شئ والوطن شئ اخر بلدنا لايوجد فيها ايو تمثيل للحكومة كلو بالعون الشعبي

Quote: حامد ..ابونينقا..ار مسكاقمي ...انا نوبية..نوبية...وكلامك الله ( اشريا) سمح شديد...

مرحبيك يابت من نيل ونخيل

Quote: نحن دائما في قريتنا بنفتخر بالطباخ الكان شغال في قصور الامراء ...او في الاعمال الهامشية الشاقة وربا اولاده وطلعهم محامين وقضاة ومهندسين ودكاترة ومعلمين... الانسان النوبي دائما بيعمل من اجل اهله ولا يعمل من اجل راحته الشخصية....ودائما بيحب الخير للاخرين...يحرق نفسه من اجل اهله كالشمعة تحترق ليضئ ما حوله....

كلنا فخر واعتزاز بناسنا اللذاذ والنماذج بالالاف

المزعلني من يقدح في تسامحنا وسلميتنا ويضربنا باكلام القمئ والجارح ويجيك من يبرر بانو دي ماعنصرية

Quote: وبالمناسبة...اعلى مرتب في العالم بيتقاضاه طباخ قصر الاليزيه في فرنسا....وهو قصر الرئيس الفرنسي...وهو رجل..ومرتبه اعلى من مرتب الرئيس الفرنسي والرئيس الامريكي..

دي بس زي الزول الجا جامعة الخرتوم ولقى الكهربة وقاليهم كان كدي تعبتو معاي

Quote: تحياتى مسكاقمي سكر في نتابع باهتمام شديد هذا البوست المميز ولدي قصة جميلة مع الطبخ حينما كنا طلابا بالاسكندرية بحكيها لاحقا

بخير الحمد لله وييييافيجول

وفي انتظار قصتك واسمع دي مني اول يوم لي في الجامعة بمدينة وجدة المغربية نزلنا برالمة مع اخوانا عصمت الامتداد وحاتم تكت وعبود ابو طويلة ضيفونا تلاتة يوم عبود طوالي قالينا تعالو بي جاي التعليم ظاتو كان شغل ديش بس عملي مباشر جيب بصل قطعو ارمي في الزيت حار قلبو افرم طماطم لحقو البصل انتهي من الطفية جيب ايو خدار وارميو جواو كده الحلة انتهت ومن يومها لحدت هسة بعمل البرقوق باللحم وبالزيتون والسمك بالذبيب واخر ابداع لو لقيت وكت

Quote: Suliman Raffai · لوس أنجلوس وعدم اهتمام الحكومات بتوفير ابسط ابسط مقومات الحياة يكفى انو لي يوم الليلة مافي تطبيب ولا مدارس ولا كهرباء ولا ولا ولا حتى كرسي اسنان وشفعنا يموتو بالعقرب وبمشو تلاتة اربعة كيلو متر للمدرسة كداري او على ظهر الحمير اكرمكم الله ----------------------------------------------------------------------- مع أن كل الحكومات الحالية السابقة كان يسيطر عليها أولادكم...الحكومة مليانة لصوص من أولادكم (بكري ، عبدالرحيم ، مصطفى اسماعيل الخ) يعملوا ليكم شنو؟ بكري استثمرها في دبي وعبدالرحيم لبسها دهب لبتو ومصطفى اسماعيل بناها قلاع حصينة في الخرتوم.... أنتم ايها النوبة الخصم والحكم.... أرى أن يكون هناك تنسيق بين اولادكم في الحكومة وأولادكم في المعارضة...حتى يكون هناك تناغم في ذبح السودان....بالغتو عديل يا النوبة. بعدين قديتونا بحضارتكم دي ياخ...حضارة كلها طبخ ومطابخ وحراسة بوابات.

الله بسعلك دي كتابة بني ادم قاعد في لوس انجلوس

Quote: اها نبقي لي جنس ده ياحامد اخوي انا من قبييييييييييييل عارف بوستيك ده بجيبلنا اللساءه اهن جاني تباخة ان اهلي زمااان موقكرن اير اسايندري؟؟؟

ارابري فكلا اوقا فضهجاقي مسوووبريقوي كاااااااااااااك

Quote: بالنسبة لي اخوانا القالو دي ماعنصرية نقوليهم الله يسامحكم مابنعرف نكاتل لو بنعرف كان كاتلناكم ثم قومو لفو

الاخ حامد

من تعاملي مع كثيرين، أنتوا مش ما بتعرفوا تكاتلوا، إنتو ناس سمحييييييييييييييييييييييييييين ومسالميييييييييييييييييييييييييين، ودي صفات ما بقدر عليها كل الرجال

أها نرجع لموضوع الطبخ حقيقة هناك عنصرية، لكن عنصرية أراها من نوع آخر وهي كالتالي:

ليه نقول الشيف رمزي، أو الشيف ....، لأنهم ..... ولما يجي للنوبيين نقول طباخ؟؟

أنا عارف الاتنين لغويا نفس المعني لكن حسيا يقصدون بالشيف أنه راقي والطباخ إنه (من إندينا)

العبد لله (شيف) كبير :) ، واشارك كثيرا في المطبخ، وأطلب من أولادي كذلك المشاركة، لكن يا ويلهم لو لقيت واحد واقف في المطبخ بدون شغلة (double standard)

Quote: أكيد ما في شك يا حامد نفتخر بنوبيتنا ولغتنا النوبية ، ونفتخر برجالنا النوبيين الأصلاء الأمناء الذين أرسوا قاعدة السوداني المخلص الأمين في أنحاء المهجر أخوك لا يتردد في دخول المطبخ من فترة لأخرى لمساعدة الزوجة وخاصة نحن في الغربة ، حتى العيال هناك أطعمة معينة يطلبوها مني أن أقوم بإعدادهالا أتردد ، نحمل في قلوبنا حبا كبيراُ للنوبة وتسلمي يا أننقا وكل الأخوان من أقصى الشمال لأقصى الغرب ومن أقصى الشرق لأقصى الجنوب .

Quote: اخونا حامداساس البنيه التحتيه للسمعه والسيره الطيبه لكل السودانين في الخليج هم اهلنا الدناقله والمحس الطباخين اشتغلو في القصور وكانومميزين لانهم ضربو مثال في الامانه والاخلاص والوفاءيعني جدودك البتتكلم عليهم ديل هم راس مالنا لي اليوم النحنا فيه القومه ليهم اجلال واحترام/

مرحبا اختنا عفاف البوست الغرض منو ايقاف عنصرية البعض تجاه اهل الشمال عموما الماليهم ذنب في حكومة مالقينا منها غير الاغراق

Quote: الاخ حامد من تعاملي مع كثيرين، أنتوا مش ما بتعرفوا تكاتلوا، إنتو ناس سمحييييييييييييييييييييييييييين ومسالميييييييييييييييييييييييييين، ودي صفات ما بقدر عليها كل الرجال أها نرجع لموضوع الطبخ حقيقة هناك عنصرية، لكن عنصرية أراها من نوع آخر وهي كالتالي: ليه نقول الشيف رمزي، أو الشيف ....، لأنهم ..... ولما يجي للنوبيين نقول طباخ؟؟ أنا عارف الاتنين لغويا نفس المعني لكن حسيا يقصدون بالشيف أنه راقي والطباخ إنه (من إندينا) العبد لله (شيف) كبير :) ، واشارك كثيرا في المطبخ، وأطلب من أولادي كذلك المشاركة، لكن يا ويلهم لو لقيت واحد واقف في المطبخ بدون شغلة (double standard)

Quote: سلامات يا حامد من بلدنا مشكيلة خرج عدد من الطباخين الذين وصلوا اعلى المراتب في القصور الملكية و الاميرية الغريبة انهم في الاجازات و في بيوتهم لا يمدون يدهم على الاكل و يكتفون باكل القراريص و الملوحة و الملاح الذي تعملها زوجاتهم و بناتهم. الشي التاني الناس دي ما بتشتغل في اي حتة..يعني من امير و انت طالع.

ابو السيوف شوف الفيديو ده بتاع عمنا محمد عبدالله التباخ ده بعرف مايكل جاكسون

ههههههههههههههههههههههههههههههههههههههههه نترجما ليكم مع انو الترجمة بتودر طعمو

Quote: حضارة النوبة مفخرة ليس للسودان فقط بل لافريقيا

عبدالله حسين انا استشهدتا بعبارتك بتاعت الحاجات دي ماحيتم تجاوزها الا بمزيد من الوعي والوعي ده دايرلو هداوة وتكثيف مجهود

Quote: السمك غير مرغوب لدى أهلنا

اننقا علوب

Quote: حاااامد معقول طلعت رطانى رطانة يا رسول الله

مسا الخير وضاحة وحمدلالك بالسلامة وماتشوفي شر

Quote: اها رطاني وقريب العوووونصري مجيدو عالم بطالة موش

يا عمكـ الهبشكـ منو؟

Quote: يا عمكـ الهبشكـ منو؟ عاااالم رطاااانه ،،،

اتا ياابداقوسة بال يفرتق رويسك ده

Quote: قريبي البروف علي عثمان محمد صالح حكى لي انه عندما ابتعث اول مرة للماجستر في كالقاري بكندا، اخذه المرحوم والده و هو كان طباخا إلى الفندق الكبير و علمه كيف يأكل الخواجات في المآدب الرسمية. كيف تجلس و كيف تمسك الشوكة و السكين و ياتو شوكة ذاتو اللي تستعملها مع ياتي نوع من الاكل و هكذا. و الآن في الجامعة في نورث كارولينا عندنا تدريب زي ده اسمو Etiquette Dinner فشوف بالله.

ذكرتني جدا حاج عمر محمد نور

من تخش بيوت بناتو واحفادو تقول سلام ياحجمرري نظام

Quote: اننقا علوب هههههههههههههههههه السمك في الشمال عاملنو تركينج وفي الجنوب كجيك مسكين السمك يااااخ

أنا أقصد سمك بالطوة أو الشية ( يعني سمكة كبيرة ) تتنظف في البيت .. وتطبخ ( ما كان في )

التركينج كان يصنع من اسماك صغيرة تتم صيدها على الشاطيء .. أذكر قبل اكثر من نصف قرن

كان هناك أشخاص يأتون من خارج المنطقة يسمونهم بالنوبية ( هوادي ) بالعربية ( حوات ) تقريباً

ولم يكن يستخدم الشباك التقليدي بل حاجة إسمها ( الشنيف ) شبك ذو فتحتات صغيرة جداً .. وتجمع الاسماك

الصغيره بالنوبية ( سنجا sennga ) ثم بعد ذلك يتم صناعة التركيبنج في أزيار .. ومكان صناعة التركينج

يكون على مسافة من بيوت الساقية .. وفي تأملي هذا عن سبب جنوح أهلنا عن أكل السمك بإستثناء التركينج من الأرجح أنه موروث

منذ الديانة اليهودية ( سيدنا موسى ) وحيتان السبت وعزوف اليهود عن أكل السمك .. النوبيين أعتنقوا كل الديانات السماوية

بعدين يا حامد أننقا .. زمان نحن صغار كنا نشوف الكبار بمجرد أكل التركينج لازم معاه ( كاسين من ود الجريد الصافي ) بتاع التمر الأصلي

كان يقولوا إنه الشبع من التركينج (الملوحة ) بدون عرقي التمر .. مؤذي للصحة والمعدة ..

وو حامد أننقا .. أنا حأخلبط الدنيا .. أحسن خليني عند الخط ده ..

مودتي حامد .. هذا البوست أثار الشجون ..