الأديب الأريب أبوبكر عباس
الثحية و الإحترام
إنتا زاتك دحين ما جيت مع عمر عشان ترصدوا العنصرية في البوست إياهو , لكن يا كابتن من طريقة رصدك ختيتك باك ليفت في التيم إياهو ,,,, دي قصة حقيقية حصلت داخل أستاد الخرطوم في بداية التمنينات :- مبارة بين المريخ و التحرير البحراوي ,,,, عثمان مريسة (ربنا يرحمو حيا" أو ميتا") باك ليفت التحرير (لازم يلط عبار مريسة قبل المبارة بساعتين) لاعب ضد حموري الصغير جناح رايت المريخ ,,,, الربع ساعة الأولي حمورى الصغير زاغ من عثمان تلاتة أربع مرات و عكس كرات خطرة أمام مرمى النحرير ,,,, سليمان فارس مدرب التحرير وقف علي خط الملعب و نادي عثمان و في أضانو قال ليهو (يا عب ما شيل الحلبى دا برة) ,,,,, خمسة دقايق يقوم عثمان يكش ليك حموري و يطلعو برة ,,, مباشرة" مدرب المريخ نزل حموري الكبير و عثمان ما منتبه ,,,,, الكورة طلعت كورنر و حموري الكبير هو الحا يشوتها ,,,, عثمان واقف جوا المرمي و بعاين في الداير يشوت الكورنر ,,,, عثمان مريسة قعد يكوريك :- يا حميد يا حميد (عبدالحميد كباشي حارس مرمي التحرير) الل........ أنا ماطلعتو الجابو تاني شنو ,,,,, أل أيه جيب لي الرابط ,,,,,,,,
|
|