|
|
|
 Re: وداد بابكر حرم البشير تدعي ملكية أرض ناد (Re: خالد العبيد)
|
Quote:
وداد بابكر حرم البشير تدعي ملكية أرض نادي بري الرياضي العريق الذي تأسس في العام 1918م |
هههههههههههههههه
والله شر البلية ما يضحك فعلاً
كمان نادي !!!!!!!!!!!
لو كانت قطعة فاضية كان نقول معليش امكن اشترتا بقروش الحرام العندها دي
والله فعلاً ديل لا بختشو ولا بشبعو
تحيات زاكيات زهير وصحبه
| |
 
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: Haytham Ghaly)
|
مرة واحد صاحبي منقسم الميول كده ... و الغريب قاعد بره السودان زي 35 سنة ...
قلت ليهو تصور وداد بابكر اشترت فيلا في دبي بي 5 مليون دولار ؟
انكرش كده و قام قال لي ... مالو ... ما زوجة رئيس دولة !!!
فلو ده المفهوم ... مالو طيب ... من حقها تقلع* كمان ...
* تقلع من القلِع ... اغتصاب ما لا تملك ... ( عشان ما يجوا يقولوا لي قاصد شنو ... )
| |
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: يحي قباني)
|
| Quote: المهم لابد من تحرك واسع لكل اهالي وسكان البراري |
اذا صح الخبر فهذا موضوع يهم كل السودانيين الشرفاء. علينا تجاوز مرحلة قتلت يوم قتل الثور الأسود. ذهب الجنوب و دارفور في الطريق و شلاتين و حلايب
اها الجماعة قبلوا قلع ... بكره يجي واحد يقول ليكم موية النيل حقتو مع المصريين.
قبل بضع أيام قرأت ان علي عثمان رفع قضية بخصوص مساحة ارض في سوبا ضد اكثر من عشرين شخصا بينهم الحكومة وهو يدعي انه زاهد ولا يملك من حطام الدنيا شيئا.
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: زهير عثمان حمد)
|
Quote: كيفك الصديق الحبيب ودقباني ولك كل التحيا قرأت البوست الاخر ولكن لاسباب عديدة منها أني أعمل بهاتف ذكي أرجو معذرتي لعدم التداخل معك وتحياتي للجميع والصديق الجميل أسامة مجذوب ولنا عودة في أمور كثيرة
مع خالص الود |
امس في سيرتك ود مجذوب ... و دايما يسأل عنك ...
اما قصة الهاتف الذكي دي فما بتحلك ... و مافي عذر يا زهير ...
بدل ما تكتب 20 بوست ... اكتب عشرة و رد على عشرة ناس ...
تفاعل يا رجل ... ما تخليك ناقل اخبار فقط ...
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: ود الباوقة)
|
كل الأندية الرياضية مسجلة بشهادة بحث ملك حكومة السودان
وليس من حق اي احد التصرف فيها بالبيع او خلافه ومجلس
الادارة مخول له إدارة النشاط الرياضي والاجتماعي وفق
قانون
-----------
القصة غريبة ادونا مساكات عشان نعرف الحاصل شنو
خالد العبيد ياطيب ادينا النجيضة منتظرين 😭😭😭
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد المسلمي)
|
Quote: كل الأندية الرياضية مسجلة بشهادة بحث ملك حكومة السودان
وليس من حق اي احد التصرف فيها بالبيع او خلافه ومجلس
الادارة مخول له إدارة النشاط الرياضي والاجتماعي وفق
قانون |
لا تحدثونا عن من يملك الحق ومن لا يملك الحق ... أهالي بري قبل حوالي السنتين - في غفلة - فقدوا سوق هو من أعرق الأسواق في الخرطوم (((لمصلحة أفراد)))
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: ياسر منصور عثمان)
|
Quote: اراضي الاندية الرياضية اراضي حكومية
ولا يحوز لادارة النادي التصرف فيها بأي طريقة سوى إقامة المنشاءات او إزالتها..
ولا يجوز لها رهنها لاي جهة .. |
ومن قال أن إدارة النادي تصرفت فيها؟
لا أريد أن أسبق الأحداث، لكن كما قلت من قبل أتى من أبرز شهادة بحث لقطعة أرض تمثل ثلث السوق، فمن أين أتى بها؟
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: ود الباوقة)
|
| Quote: هيثم ده قال لا ينتمي لاي حزب او جماعة دينية |
لكن مواطن سوداني
وشايف السرقة البعملو فيها اسيادكم وحكامكم باسم الدين
| Quote: طيب مالو عامل ضكر بط |
ضكر بط ضكر وز اهم شي ما شايل دلوكتي وحايم ورا سيدي وستي
ابرر ليهم في سرقاتهم
الرجالة تطير
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: عزالدين عباس الفحل)
|
الخبر الوارد في البوست وجد اهتماما عظيما من مختلف الناس خاصة سكان مدينة بري العريقة ..
وجاءت بعض الايضاحات في رسالة احاول تلخيصها بما يضمن صحة المعلومة وتقول الرسالة :
بالنسبة لارض نادي الرياضي امتلك ال النفيدي مساحة 2000 م م من الناحية الغربية والتي لا يملك لها نادي بري اي شهادة لانها مسجلة موقف سيارات باسم حكومة السودان .
والشق الثاني من القضية استخرجنا شهادة جديدة بالمساحة المصدقة لنا بتاريخ 14 يناير " دون ذكر السنة " بمساحة 58660 م م
وذهبنا الى المساحة لاستخراج الكروكي وتفاجانا في المساحة بان الارض نقصت 8000 م م ولم يعطونا اي معلومة ، وقالوا ا نهم ليسو جهة الاختصاص في ذلك .
وتم اجتماع اجتماع مع وزير التخطيط العمراني لدراسة الامر ولم تظهر نتائجه وتمت زيارة لوزير الشباب للنادي وكذلك معتمد الخرطوم لبحث الامر على ان تجتمع الاطراف مرة اخرى - هذه الامر والاجتماعات تمت قبل سنتين ! -
ولكن القضية ظهرت الان بعد ببداية عمل ال النفيدي وانشاء الله الامور ترجع كما هي ونحن الان في مرحلة التفاوض وبعد ذلك لكل حدث حديث .
حتى تظهر الحقائق كاملة ومن هذه الرسالة ومن اتصالات اخرى يمكن ان نتوصل الى الاتي :
- نادي بري العريق فقد مساحة كبيرة من ارضه
- هنالك سيدة ابرزت شهادة بحث تفيد بملكيتها لجزء من مساحة نادي بري العريق ..
..
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد البشرى الخضر)
|
Quote: ابو الزهور البركة فيكم في البوست وربنّا يعوّض تعبك خير
يا شباب آخر واحد طالع يطفي النور, الصيوان بجو العمّال يفكّوه بكرة براهم |
looooooooooooooooooooool
ود البشري ,,,,,,,,,
موبالغه ,,,,,, جيبتو يفرفر
تحياتي
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: خالد العبيد)
|
ولمزيد من التوضيح اقول :
الرسالة الاولى التي وصلتني تقول ان الشهدة ابرزتها وداد بابكر
تقصيت اكثر وبعثت برسائل لاحد الذين اثق فيهم جدا فبعث لي برسالة التوضيح الثانية التي ارسلها له احد النافذين في نادي بري
وفي رسالة مقتضبة من شخص اخر يقول انها وداد يعقوب وليست وداد بابكر
على العموم هنالك اشياء وتفاصيل لا زالت مجهولة وبالتاكيد ستظهر الحقيقة طال الزمن ام قصر
كل ذلك حتى لا نشير باصابع الاتهام لشخص محدد ..
ولننتظر فحتى اللحظة لم يظهر سوى راس الجليد
احترامي للجميع
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: زهير عثمان حمد)
|
تحية طيبة للجميع
الكيزان و ضعاف النفوس باعو نص مساحة النادى السودانى فى دبى ل جارو النادى الايرانى فى دبى ( الحكاية دى مشهورة عند ناس الامارات ) ... ما ح يغلبهم يبعو نادى برى
و نادى برى قدامو مساحة كبيرة واسعه و موقعو استراتيجي ، يعنى الكيزان و اذيالهم عينهم على الحته دى من بدرى !
و الله يكضب الشينة
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد الامين احمد)
|
و ايه الفرق بين وداد يعقوب و وداد بابكر ...
زي ما قالت شيرين في المتزوجون الفول من الطعمية و الطعمية من الفول ...
و كله بصب في ميزان حسنات ( حسابات ) الجبهجية ...
* المهندسة وداد يعقوب دفعتنا اليوم باليوم ... كوزة منظمة و متشددة منذ ان كانت طالبة كما هو معروف ...
بقت أي الودادين ... الأرض حتروح شمار في مرقه ...
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: يحي قباني)
|
| Quote: يا خالد ما تم جميلك وتعرف هل هي وداد بابكر ام وداد يعقوب او وداد أخرى |
يا خالد نفس كلامك ده جاني ... لكن تكملتو إنو نخبة من أعضاء النادي لا يزالوا يتقصوا للتأكد قبل اتخاذ أي إجراء.
أما حكاية وداد يعقوب يا ود البشرى، زي ما رديت فوق .. طلمبة النحلة لا تلاصق النادي وهي (الطلمبة) تقع بين شارعين رئيسيين يعني في كماشة لا يمكن تمديدها.
الباب لسة مفتوح ومافي زول حيقفلوا، ودي مسألة بالمناسبة الناس هناك ماخدينها بكل جدية (يعني هرجلة ود الباوقة في غير مكانها)
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد البشرى الخضر)
|
Quote: فعلا يا هندسة في دي معاك الف حق
الواحد كبر خلّي بالك , شكرا على التنبيه, تم التعديل
اها مافي حاجة تانية كدا ولا كدا عايزة تعديل كمان؟ |
العفو ياخ ... معقول انت نعدل عليك ؟
انت و الكاشف اخوك ماسكين هيئة مواصفات و مقاييس المنبر ...
تعدلوا و تصلحوا و تكبشروا و تحددوا مسارات البوستات ...
و حرفاء لكن ما بتدوا النصائح لي اصحابكم ...
بس لفتت نظري حكاية اننا خاشين عشان حرم سيادتو دي ... ما كانت حلوة منك ...
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: احمد الشيخ)
|
شنو يعنى لو قلعوا نادى برى ديل مش قلعوا السلطة الشرعيه زاته
ديل مش فصلو الجنوب عن الشمال
ديل مش باعوا بيت السودان فى لندن
ديل مش قتلوا الناس فى كجبار وبورسودان
والجنوب ودارفور والنيل الازرق وجبال النوبه
والطلاب فى انتفاضة سبتمبر وقتل الضباط فى رمضان
ديل بس نسال الله اللطف بعباده وان يا اخذهم اخذ على مقتدر
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: Fatima Alhaj)
|
شكراً محمد البشرى، يكفيني أن تعرف حساسية الموضوع.
أنا فعلاً لما وصلني الموضوع (وهو وصلني بتفاصيل شبيهة بما جاء في البوست ده) ... دخلت عشان أفتح بوست، لقيت البوست ده، فقلت خير وبركة وختيت كلامي هنا وحأستمر في المتابعة هنا. ممكن يكون كلامك صحيح في أنو أنا والأعضاء من أهالي بري هم معنيين بشكل مباشر، لكن الأخوات والأخوة الرفضوا التعدّي على النادي، رفضوهو من حيث المبدأ مش عشان بري وهناك مهتمين بالرياضة عموماً ومن له علاقات ببري، إلخ.
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد أبوالعزائم أبوالريش)
|
الأخوات والأخوة الرفضوا التعدّي على النادي، رفضوهو من حيث المبدأ مش عشان بري وهناك مهتمين بالرياضة عموماً ومن له علاقات ببري، إلخ
------------------------
ود ابو العزائم كيف حالك
ليست الرياضة وحدها التي تجد الاهتمام من حبابينا خارج بري
حدثني مصطفى احمد الشيخ طيب الله ثراه بان احد المعجبين بالقوى الاشتراكية بالبراري من سكان الخرطوم بحري
عندو مطعم في قلب بحري اطلق عليه اسم :
مطعم القوى الاشتراكية بالبراري
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: خالد العبيد)
|
| Quote: مطعم القوى الاشتراكية بالبراري |
تحياتي يا خال،،،،
هههه... مطعم القوى الاشتراكية بالبراري - بحري!
دي لذيذة... وغايتو إشتراكيين بري دي كانوا فطاحلة وليهم مكانة.
بري في الستينات والسبعينات كانت مقر للإتحاديين والشيوعيين والعلاقة سمن على عسل
وكان نادي بري بيجمعهم كلهم في طربيزة واحدة ولا في مدرجات دار الرياضة...
كانت الندوات والإجتماعات السرية والعلنية... وكانت لنا جولات مع قمم أثرت عقولنا.
كنا نقرأ ونناقش الأفكار... وكان يتم تأديبنا فكرياً وعقائدياً من أسياد الشيء.
دخلوا علينا الكيزان في أواسط السبعينات متسربين متل السرطان... وأفسدوا
نظام التعايش الفطري الإجتماعي والفطري... حينما كنت تجد في صينية الغدا
شيوعيين وإتحاديين من بيت واحد يجمعهم الدم ويفرقهم الفكر. جاء الأخوان إلينا
على غِرة عبر وافيدين وأغراب عن بري في زمن الإنفتاح التجاري المغلف للنميري
والذي عقبته برامج التمكين التي أطلقها الترابي والذي رفضته بري فتامر عليها
من قصره الذي بناه في المنشية!
الغريب أنه لم يكن لأنصار المهدي وجود ولم يحاولوا إختراق حدود بري سياسياً!
عاد الكيزان بعد إنقلابهم المشؤم إلى بري وإستباحوا أرضها وكينونتها المتجانسة...
وهاهي بري تصبح لقمة سائغة لجشعهم وأطماعهم اللامحدودة!
فعليهم أن يعلموا أن بري الصامدة ستقف لهم ضد أي إعتداء على ناديها العريق...
سواء أن كان من إحدى الودادين أو بعولهما المنقرضة أو الراجية الإنقراض!
فبري إرتوت أرضها بدماء الشهداء عبر التاريخ... وسيقف أهلها الأصليين
ضد كل محاولات السلب والأعتداء على هذه الأراضي المقدسة عندهم!
لعنة الله على كل مجرم ومفسد في الأرض!
| |
|
|
|
|
|
|
|
|
 Re: وداد بابكر حرم البشير تدعي ملكية أرض ناد (Re: محمد البشرى الخضر)
|
** الأخـــوه الإداريين بنادى بُرى الرياضى ..والأخوه سُــكان البرارى :-
لقطع الشــك والتيقن , وحتى الناس يكونوا عمليين فى إستقاء الحقيقه وبالمستندات يُرجى التكرم من الشخص المفوض من قِــبــل النادى
إستخراج شهادة بـــحــث بغرض التأكد (تكلفتها لاتتجاوز العشره جنيه , كانت :- "4.5 جنيه") .. وهنا ربما تظهر لهم مفأجات أُخــــرى كما ظهرت لنا فى إستاد التحرير ببحرى .. ذهب الشخص
المفوض لإستخراج شهادة بحث للتأكد وجد الإستاد تم رهنه للبنك الزراعى ومِن جهه إسمها هئية الصرف الصحى مُقابل 50,112,585 جنيه (خمسين مليار ومائه وإثنا عشر مليون وخمسمائه وخمس وثمانون الف جنيه) ولى يوم الليله مامعروف الإستلم الكاش منو والمحاكم شغاله ..... أدناه المُستند (علام على عبدالحميد "مفوض من نادى التحرير " :-
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: عبدالكريم أحمد الامين)
|
Quote: ** الأخـــوه الإداريين بنادى بُرى الرياضى ..والأخوه سُــكان البرارى :-
لقطع الشــك والتيقن , وحتى الناس يكونوا عمليين فى إستقاء الحقيقه وبالمستندات يُرجى التكرم من الشخص المفوض من قِــبــل النادى
إستخراج شهادة بـــحــث بغرض التأكد |
شكراً أبو محمد فؤاد،
هذا ما قصدته عندما قلت (هناك مجموعة تتقصى لمعرفة الحقيقة) والتي نتوقع أن تبين في غضون يومين
| |
|
|
|
|
|
|
|
|
|
Re: وداد بابكر حرم البشير تدعي ملكية أرض ناد (Re: محمد أبوالعزائم أبوالريش)
|
وحتى إستخراج شهادة بحث استاد التحرير
قد ووجهت بعنت وتسويف من مكتب تسجيلات
اراضى بحرى ..
مما حدا بمجلس ادارة نادى التحرير
إلى مقابلة مسجل عام الاراضى لعدة مرات
(وهو فى درجة قاضى محكمة عليا)
حتى يتم إستخراج شهادة بحث هى من حقهم القانونى
والتى تفضلت بنشرها اخى عبد الكريم ..
ونادى برى كان يتواجد به وبصفة شبه يومية
أحد النافذين بالحكومة والحزب الحاكم
وكانت كل مشروعاتهم الاستثمارية تسير على ما يرام
فماذا حدث يا ترى؟
| |
|
|
|
|
|
|
| |
زهير عثمان حمد
يحي قباني
محمد أبوالعزائم أبوالريش
خالد العبيد
مدثر صديق
فرح الطاهر ابو روضة
ياسر منصور عثمان
محمد المسلمي
محمد إبراهيم علي
علي الكرار هاشم
اباذر عبد العال
الهادي ابوبكر
معاوية المدير
Mohamed Yassin Khalifa
هاشم عبدالله بشير
عزالدين عباس الفحل
محمد البشرى الخضر
Salah Zubeir
محمد الامين احمد
بلال زكريا
Mirghani Taitawi
احمد الشيخ
السنجك عثمان
Fatima Alhaj
عبدالكريم أحمد الامين
الفاتح مقبول
فيس بوك
تويتر
انستقرام
يوتيوب
بنتيريست