|
Re: البيت الأبيض يشطب أكثر من 70 ألف توقيع مزور (Re: علي دفع الله)
|
عزيزنا علي دفع الله... نهارك سعيد بتوقيتنا!
ياخي بطل شماتة...
القش لحقنا كلنا في بوست كمال. واللذيذ أخونا منتصر كتب ليهو مداخلة وحوطها بفعل إنَّ... ودخلتا بعدو أضحك... أنقر ما مسحونا الإتنين رغم إنهن كانن مداخلتين هزليتين!
الظاهر عليهو كمال عاملو بوست رسم ليطلع عليه صاحب الفخامة مجرم دارفور!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: محمد علي عثمان)
|
حلت البركة يا باشمهندس محمد عتمان،،،، والشوق بحر!
هي بس ما بقت عليهم شطيبات بالجملة وبس... هي يا سيدي إهانات متسلسلة... وفظيعة!
غايتو تزوير في موقع البيت الأبيض دي عمري ما سمعتا بيهو!
إتخيل مواطن سوداني غشوهو ومشى وقع وصوتو يقع.... زول فرحان بتسجيل إسمو في البيت الأبيض ويشطبوهو ليهو؟
يا فرحة ما تمت...
نفسي أعرف زول بسيط وساذج ذي ده حـ يتصرف تاني كيف مع الخدعوهو؟
ودمت يا سيدي،،،،
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: حسن حماد محمد)
|
تحياتي أخ محمد يس خليفة من باع الترام للكيزان! أخشي ما أخشاه أن يكون مهزلة العريضة سمسرة ـ وفلوس مدفوعة لمن جاءهم هارعا وجدتها ..وجدتها! وجدت لكم وسيلة ناجعة لرفع العقوبات! وقبض المعلوم وذهب ـ ثم هرعت مجموعات الخج لحشد التوقيعات المصنوعة ـ بلا تمحيص أو إطلاع علي ـ من هو مؤهل للتوقيع ـ ! نقدر أصحاب الحسنة ولاعزاء للكيزان وأتباعهم ـ
* العريضة ومعظم من وقع عليها - تعتبر (عرضة برة الدارة) ولعب في الأوف سايد ! جل من وقع ـ دفع بتوقعيه من وراء الحدود الأمريكية في وقت يعلن فيه الموقع الأمريكي الرسمي ـ المختص بالعرائض )والبتشنات) "نحن الشعب وسيلة سهلة للأمريكان لجعل صوتهم مسموعا لدي حكومتنا ..... " تجده يقول ............,,,,,,,,,,,,,,Quote: ............What is the purpose of We the People؟We the People is a new, easy way for Americans to make their voice heard in our government. It is a platform on the White House website where individuals can create and sign petitions that call for action by the federal government on a range of issues facing our nation. If a petition gathers enough signatures, it will be reviewed by White House staff and receive an official response. We the People helps the White House understand the views of the American people and have a focused and civil ................ |
We the People helps the White House understand the views of the American people"نحن الشعب وسيلة سهلة للأمريكان لجعل صوتهم مسموعا لدي حكومتنا ..... " هكذا يقول الموقع الرسمي ! نحن الشعب We the People عبارة مفتاحية في صدر وديباجة الدستور الأمريكي تم إقتباسها لتكون ـ مدخلا منطقيا ـ للعرائض المقدمة من الأمريكين ! إنها وسيلة خاصة بالأمريكان لمخاطبة حكومتهم ، للأسف أن بعضا من أنصار الإنقاذ ـ توهموا أنه يمكنهم تصدير خج الرأي العام لأمريكا! ولم يكلف البعض نفسه بمعرفة أبجديات هذه الوسيلة ـ والتحقق من أنها وسيلة تخص الأمريكان ـ لمخاطبة حكومتهم !-- مع التقدير لأصحاب النوايا الحسنة ـ نقول لاعزاء للكيزان ـ وكل من حاول بيع الوهم للبسطاء ! رفع العقوبات ووضع الوطن في مكانة الطبيعي ـ وفك ربطه بالإرهاب والتطرف وإنتهاك حقوق الإنسان ـ وإعلاء كرامة وعزة الوطن والمواطن ـ يكون بمواجهة أس العلة وإجتثاث المسببات ـ لا بالتعويل علي عريضة ـ وأسلوب مصمم للأمريكان لمخاطبة حكومتهم ـ! petitions https://petitions.whitehouse.gov/how-why/frequently-asked-questions ************* ثانيا أمريكا في موسم إنتخابات ـ وهو موسم يجعل الرئاسة تتعامل بحذر مع أي مستجد وتتلمس خطآها بحرص ـ لخروج آمن ومشرف من البيت الأبيض، والرئاسة أيضا تحرص علي عدم إحراجحزب الرئيس الأمريكي ـ وإضعاف موقفه ـ أمام الجمهوريين ـ بتغيرات قرارات الكونقرس والرئاسةتلبية لمطالب عريضة موقعة عليها من وراء الحدود ويروج لها إعلام ـحكومة الإنقاذ!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: كمال عباس)
|
أستاذنا الغالي كمال عباس... حبابك مية ألف توقيع أصيل!
من باع لهم الترماج؟
سؤال على وزن: من أين أتى هؤلاء؟
البشتنة الواقعين فيها الجماعة ديل مدفوعة القيمة... وهم من باع وهم من إشترى... وبقروش الشعب السوداني الإستباحوا أرضه وعرضه وماله بغير وجه حق!
هم دخلوا في حتة محرمة إسمها البيت الأبيض الأمريكي من غير إحم ولا دستور.. والأصوات المحذوفة دي الأمريكان ما بيرموها في سلة المهملات... فالبيت الأبيض له رب يحميه... وله وكالة للأمن القومي ميزانيتها سبعة تريليون دولار!
يعني الفكة دي ما بتسوى شيئ... ويادوب العقوبات دي إتوهطت بعد ده.
وكتر خيرك على الشرح الوافي لمعنى وجود هذا الموقع الشعبي الأمريكي الأصل!
عشان ما يجي زول ويقول شعبي دي حقتنا!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: محمد على طه الملك)
|
جلالة الملك محمد علي طه الملك... تحياتي لمقامك العالي!
إت بتمتحن فينا في الحساب؟
آخر عهدي بالحساب كان الـ Additional في العالي و Math-1 و Math-2 في الجامعة! والكلام ده قبل 30 سنة مرت فيهن 27 سنة عجاف إختلطت فيهن كل الضربيات الحسابية!
70 ألف »»»» فلوس = ؟؟
سؤالك ده يا توجهو لناس شركة "زين" البيعانو من فقدان 70 ألف مشترك... يا تسأل ناس البيت الأسود بتاع كافوري... البيت الأبيض لا علاقة له!
ولا يوجد هنا لطش... اللطش حسب علمي زمان كان لجزلان جدي ولا محفضة حبوبة!
ده إسمه "نفير" لتمويل حملة فاشلة بالدولار الأمريكاني!
وبارك الله في من فاد وإستفاد!
مع كامل الود،،،،
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: حسن حماد محمد)
|
يا أبو علي حكومة الضلال دي ما ظنت بس... هي ظنت ونفذت وإتهانت!
عليك الله يا حسن شوف وأسمع الفيديو الجابو الخردة وقول لينا الفيهو ديل منو؟ وكمان بالمرة... قول لينا إسم حركتم "الجبانة" دي، على قول دينق، إسمها شنو؟
غايتو ترانَّا فاضين وما عندنا شغلة غير كشف الخلايا النايمة....
نوم العوافي!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
Quote: من يتابع الاحداث الخاصة بهذه التوقيعات يجد بان الهبة والحراك شعبي وبالاخص الشباب .. ما اريد قوله بأن من يروج بأن الحكومة هي من تهتم بهذا الامر فهو مخطيء .. أيضاً نحن لا نثق بالفرنج أبداً فهم ليسوا اصحاب عهود ومواثيق .. وما الذي سيحدث بعد هذه الضجة لن يضيرنا شيء وسنواصل حياتنا بأمر الله وسنواصل البصق بين عيني الامريكان كعادتنا. هاهاها ععععععع |
وائل حمزة الزبير.
دخول الحمام ما زي الخروج منه.
قصة أنكم
Quote: نحن لا نثق بالفرنج أبداً فهم ليسوا اصحاب عهود ومواثيق .. |
Quote: وسنواصل البصق بين عيني الامريكان كعادتنا. |
ده كلام للأستهلاك المحلي فقط، ومجرد غضب لنتيجة التصويت، أقصد فضيحة التصويت. لعلمك. نظام حكومة الأخوان المسلمين بيدفع لمكاتب اللوبي الأمريكي منذ التسعينيات من أجل تحسين علاقته مع أمريكا، وكل محاولاتهم فشلت، وذلك بسبب سجل الحكومة السودانية السيئ. ودعني أقول لك أن حكومة الأخوان المسلمين لن تتوقف في مساعيها للتطبيع مع واشنطن، وفي نفس الوقت لن تتوقف في قتل،قمع وتشريد الشعب السوداني. لذلك النتيجة سوف تكون دائما محتمومة بالفشل. بس بيني وبينك المرة دي تعتبر فضيحة بجلاجل.
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Haytham Ghaly)
|
الغالي هيثم.... الرسول البابا بقى عندو غربان؟
وما يهمك كلام السيد مسعول إعلام المؤتمر اللاوطني البعثي السابق عمر ود الباوقة...
حارقاهو إنو صوتو ينشطب بجرة ماوس... تصدق؟
يعني بـ فارة!
غايتو الأمريكان ديل حقارين خلاس...
ناس الخج عندهم زيادة... وناس الخج عندهم نقصان!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: ود الباوقة)
|
يا عمر ود الباوقة....
عمرك ده كلو شايل ليك مفراكة وتفبرك لسيدك المجرم... فـ ليييه عاوز تحرمنا منها حتى لو كنا صادقين!
وعليك الله لو بتعرف الحساب أحسب دي:
5 + 7 + 20 + 40 = كم ألف
هو حساب ولا كوار؟
حبل الصدق كان ما نجاك.. الكضب حبلو بقطع لسانك الطويل ده!
ونعلك ما تكون صوتا؟
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
من أسفل سافلين:
Quote: حافظ الإمام محي الدين · Calgary, Alberta والله البشوف فرحة محمد يس خليفه وفخره بأمريكا وحريتها ونظامها السياسي تقول الولد ده ساهم بشئ فيه. مافي شك يا أبوحميد أمريكا بلد قويه ولها تأثيرها في كل مايدور حول العالم ولكن بكل أسف ليس لك أي مساهمه فيما وصلت إليه من مجد ووجودك بها لا يفرق عن وجود أي مواطن آخر من بلد أخرى أجبرته الظروف للتواجد بها ونال منها جنسيتها فقط لأن نظامها يسمح بذلك، ففي نظر أمريكا أنت وأي كوز تتساويان في الحقوق والواجبات ويُنظر إليكما كمهاجرين من بلد إسمه السودان. بالمناسبه لم أُوقع علي أي وثيقه لأنه ببساطه فقدت الثقه في أمريكا منذ إنفصال الجنوب ولا أعتقد أن السودان سوف تُرفع عنه أي عقوبات حتي وإن كان بين الموقعين أوباما نفسه. العقوبات يا أبوحميد وإنت سيد العارفين لضغط الحكومه للإستجابه للمطالب الأمريكيه والعنده مطالب وعشمان في تحقيقها بكون حريص على بقاء البشير في الحكم أكثر من أي كوز. فببساطه إنت قاعد تخبط رأسك في صخره لأنك قاعد تحارب في مصالح أمريكا البلد القويه وأنت مجرد مهاجر سوداني أتيت لها لتحسين وضعك. |
كضباً كاضب يا حافظ يا أخو هاشم الإمام!
أنا ما مهاجر... أنا لاجئ أجبرتني الظروف على الإقامة بأمريكا متل ملايين المشردين بسبب النظام الظلامي المستبد الكامن عن صدر الوطن. وبأنتظر اليوم الأعود فيهو لبلدي وأعيش فيهو معزز مكرم أنعم فيها بالديمقراطية والحرية والأمن والسلام. ويعلم الله بوضعي فيها الما بسر عدو لا حبيب... بس قول يا مهون!
ويجوز نحنا ما فاهمين دهاليز السياسة الأمريكية متلك... بس كمان الحمار بيتعلم من التكرار... ونحنا حمير حاملة هم وطنا في وجدانا وساعين لتحسين أمرو حسب رؤيانا وإمكانياتنا المتواضعة. فياريت تساهم معانا بإمكانياتك وإييد على إييد تجدع بعيد!
وأحسنت بعدم التوقيع لأنك كندي على ما أظن... وأكان شطبوا ليك إسمك كان خشمك بقى ملح ملح. وأتمنى أخوك الأمريكي كمان ما يكون وقع.... عارفو صياد ماهر بيعرف من أين يؤكل اللحم.
وما عارف بكري ده ما عاوز يرفعك من تحت ليييه؟
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Deng)
|
تحية طيبة للجميع
لم اصوت فى هذة العريضة ، لسبب انى مقتنع انو اى انفراج او تعاون سوف يطيل من عمر المؤتمر الوطنى ، و ان نجحت العريضة فسوف يتبني الكيزان نجاحها رغم انهم اصحاب المقولة الاشهر
down down USA
و ترجمتها العربية : امريكا دنى عذابها !
معظم انصار الحكومة وقعو على العريضة ( تحت تحت ) ، عشان يكون عندهم خط رجعه لو فشلت و يرجعو ينبذو و ينقصو كالعادة
و في شباب كتير ( بحسن نية ) برضو وقعو و شاركو و هدفهم كان نبيل ، لكن ما ينفع تبنى قصر فى الرمال
مادام الحكومة الحالية موجودة ، ح يسفو اى تبرعات خيرية ، و ح يسرقو كل انجاز ، و ح يبيعو كل ما تقع عليه اعينهم
عموما ان ضد رفع العقوبات او تخفيفها حتى ، بل يجب ان تكون اكثر صرامة
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: محمد الامين احمد)
|
Quote: ظنت أن بإمكانها الضغط على الإدارة الأمريكية لرفع العقوبات |
يا محمد يس سلامات عشان ما تخم الناس التصويت لم تقترحه حكومة السودان بل جاء من الساده الامركان انفسهم ومن حق الشعب السوداني ان يصوت بعدين العقوبات الجائرة دي ليها كم سنه هل توقف الشعب السوداني عن الحياة من حقنا ان نطالب برفع العقوبات لانها ظالمة وجريمة ضد الانسانية ومن حق الشعب السوداني ان يصوت وان يطالب بعدين البيت الابيض يشطب او يلغي فهو متعود علي ظلم الشعوب الضعيفة
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: علي الكرار هاشم)
|
يا علي الكرار...
Quote: يا محمد يس سلامات عشان ما تخم الناس التصويت لم تقترحه حكومة السودان بل جاء من الساده الامركان انفسهم ومن حق الشعب السوداني ان يصوت بعدين العقوبات الجائرة دي ليها كم سنه هل توقف الشعب السوداني عن الحياة من حقنا ان نطالب برفع العقوبات لانها ظالمة وجريمة ضد الانسانية ومن حق الشعب السوداني ان يصوت وان يطالب بعدين البيت الابيض يشطب او يلغي فهو متعود علي ظلم الشعوب الضعيفة |
قالوا الفهم قسم!
فيا زول ده كلام شنو البتقول فيهو ده؟
يمين ضحكتا وبعد شوية حـ أبكي من مستوى الفهم الوضـيع عندكم!
أمريكا قدمت ليكم إقتراح بالتصويت في موقع البيت الأبيض؟
ومن حق الشعب السوداني يصوت في موقع للمواطنيين الأمريكيين؟
والبيت الأبيض بيشطب ويلغي عشان ظالم للشعوب الضعيفة؟
يا للهول!
إتا قاعد في السعودية دي.. حصل دخلتا موقع الديوان الملكي وصوتا فيهو وقلتا ليهم طيارة المجرم عمر البشير لازم تمر بالأجواء السعودية عشان هو حامي الحمى ملك الموت بتاعنا؟
ههههه... غايتو بفهمك ده ألا تكون عاوز تبقى أمير لحائل!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: محمد الامين احمد)
|
Quote: محمد الامين أحمد
نحن الاسلاميين لا نعرف الاشارة حديثنا واضح كوضوح الشمس هذه واحدة .. والثانية لا نعرف مسك العصا من النصف نحن نمسكها دوماً من الطرف حتى اذا ضربنا أوجعنا وكما تعلم هذا ديدننا .. أوجعنا اعدائنا حتى اصابهم ما أصابهم . |
ههههههههههههههه
اولا طلب يا وائل: ممكن توصل الكلام ده لى ناس الحوار عشان يعرفوكم كويس
الثانية
من اوجعتم من اعداء غير بنى جلدتكم؟ هل اوجعتم اليهود؟ ولا قاتلتم ناتنياهو؟
ولا اضينتكم شعبكم المسكين ده.....كلامك بصراحة مخجل لكن نشكرك لانو صريح وواضح و بيبين موقفكم بوضوح للمتشككين والذين بانفسهم مرض
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: هشام المجمر)
|
Quote: نحن الاسلاميين لا نعرف الاشارة حديثنا واضح كوضوح الشمس هذه واحدة .. والثانية لا نعرف مسك العصا من النصف نحن نمسكها دوماً من الطرف حتى اذا ضربنا أوجعنا وكما تعلم هذا ديدننا .. أوجعنا اعدائنا حتى اصابهم ما أصابهم
|
جميل جدا،
ان كنت كما تقول لماذا تترك ارض السودان و هى الأن تحت حكم من تحب و ترضي ، و تغترب في اراضي غريبة ( رغم ان الارض كلها لله ) ، لكن ليه تسيب اهلك و ارضك و ناسك و تغترب فى مكان اخر ، و تجى تكتب لينا بكل ثقه (نتربع ) اين التربع و انت بين الكفيل و المغتبرين !
اين التربع ؟!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: عمر دفع الله)
|
Also be informed that We are not in a position to conduct Linux exams for residents of Sudan. This is because of the United States has imposed sanctions against doing business with Sudan and VUE (agency conducting exams on behalf of Red hat) is not authorized to do that. In case you are a resident of some other country (and have proof for the same) you can attempt exams at our testing centre.
We hope this information is helpful. Awaiting for your reply.
With Regards
Eina ( Client Relationship Manager)
هذا رد من معهد هندي في بنقلور على طلبي بخصوص بعض الامتحانات في الردهات والميكروسوفت ... بمناسبة الممول الرئيسي المفترض لهذه الرحلة الملغاه غويشتين كنت حتسلفهم من المدام لتمويل تمن مصاريف الرحلة .. غايتو الامريكان حلونا من المديونية دي الي اصدقائنا واهلنا المقيمين في امريكا ارجوا ان تسوطوا في هذه الحملة .. فالعقوبات الامريكية يقع ضررها على المواطن السوداني الكادح اكثر من الحكومة نفسها ..
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Ammar Makki)
|
Quote: الي اصدقائنا واهلنا المقيمين في امريكا ارجوا ان تسوطوا في هذه الحملة .. |
ما تخاف يا عمار ... هم ( ساطوها ) و انتهو ... _________________________________________ آسف يا عمار بس فعلاً جماعتك ساطوها و زوروها ...
وصدقني ... القصة ما بتبدأ في البيت الأبيض ...
القصة لازم تبدأ في القصر الجمهوري ...
عمك داك يحترم نفسه و يحترم الشعب و يغادر ...
و صدقني الهيصة دي كلها كايسين مصالحهم ...سيبك من الورجغة الفاضية حقت جماعتهم الهنا دي ... دوا و علاج ...
القصة كلها قريشاتهم في أزمة ما عارفين يحركوها ... و الضغط على غسيل الأموال ليهو كم سنة بقى في اشد حالاته ...
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: يحي قباني)
|
Quote: آسف يا عمار بس فعلاً جماعتك ساطوها و زوروها ...
وصدقني ... القصة ما بتبدأ في البيت الأبيض ...
القصة لازم تبدأ في القصر الجمهوري ...
عمك داك يحترم نفسه و يحترم الشعب و يغادر ...
و صدقني الهيصة دي كلها كايسين مصالحهم ...سيبك من الورجغة الفاضية حقت جماعتهم الهنا دي ... دوا و علاج ...
القصة كلها قريشاتهم في أزمة ما عارفين يحركوها ... و الضغط على غسيل الأموال ليهو كم سنة بقى في اشد حالاته ...
|
القاعد في القصر الجمهوري لا يتاثر بعقوبات بمثل ما يتاثر بها المواطن البسيط .. عندما مرض بن وزير المالية السابق ذهب للولايات المتتحده الامريكية نفسها للعلاج .. وذهب علي عثمان الي المانيا للعلاج وذهب المرحوم صلاح ونسي الي المانيا للعلاج بينما المستشفيات في الخرطوم محرومة من التكنلوجيا الغربية بسبب العقوبات الامريكية الحكومة ظلت موجودة طوال ربع القرن السابق ولم تتاثر بالعقوبات لان العقوبات نفسها ليست مصممة لمعاقبة الحكومة منسوبي الحكومة يمتلكون شركات في دبي وسنغفاورة وقبرص ومالطا ولديهم حسابات مصرفية هنالك ما هي اثر العقوبات في عبدالباسط حمزة او عبدالعزيز عثمان او حتى جمال الوالي وعلي كرتي ولماذا احرم انا من مجرد امتحان لشهادة في مجال تقنية المعلومات .. ما هو الذنب الذي ارتكبته ما هو الخطا الذي جنيته هل فقط لانني من السودان اليس هذا عقاب جماعي ما هي الفائدة التي ستستفيد منها الحكومة الامريكية عندما ما تحرمني من الحصول على شهادات في تقنية المعلومات وما هو الضرر الذي سيقع على حكومة السودان ..
اتمنى من السودانيين الامريكيين ان يصوتوا لصالح مقترح رفع العقوبات فالعقوبات الامريكية يقع ضررها على المواطن السوداني الكادح وتاثيرها على منسوبي الحكومة ضعيف ويكاد ينعدم احيانا ..
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Ammar Makki)
|
يا عمار يا مكي... لو عاوز شهادة قوقولية ثور ياخي وأكتب عريضة للمجرم عمر البشير قبل ما تكتب عريضة للبيت الأبيض!
أنا طلبتا منك مصدر الخبر الإنتا جبتو هنا لأهميتو... بس شكلك إتجاهلتني ولا شنو ماعارف!
جيب المصدر.. وليك علىّ أعمل ليك لوبي مع ناس قوقل!
عسى المانع خير،،،
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Salah Habib)
|
Quote: تحية طيبة تصور كل الهليلة بتاعة جمعنا 100 الف دى عشان (ينظر) فى (امكانية ) رفع العقوبات ( مجرد النظر)
وهى لله لله ... وامريكا دنا عذابها راحت شمار فى مرقة |
الرد منقول
Quote: من المهم طبعا أن نفهم ماذا تعني العريضة بالذات في السياسة الأمريكية، بالفعل العريضة لا تعدو كونها وسيلة من وسائل الضغط السياسي و منفذ للتعبير ....لكن هناك استدراكات على مدى اهميتها :
أولا .... لا بد من معرفة نوع العقوبات المفروضة على السودان ، وهي عقوبات شاملة و احادية او ما يسمى comprehensive and unilateral أي تشمل مل نواحي التعامل ماعدا الاستثناءات المنصوص عليها في القرار و هي أحادية من طرف الولايات المتحدة فقط و لا تلزم باقي دول العالم مثل الصين اللهم الا النظام البنكي الدولي و هو العقبة الكبرى هنا.....العقوبات أيضا على السودان ليست قانونا من الكونغرس بل هي قرار رئاسي Executive order يجدده الرئيس كل عام حتى لا يتحول الى قانون و القانون بالطبع من الصعب تغييره ..أما القرار الرئاسي فيمكن تغييرة بقرار رئاسي كما حدث في حالتي ايران و كوبا قبل مداولة الكونغرس
ثانيا ...... العقوبات على السودان ان تتبعنا تاريخها لم تكن وليدة دراسات أو مشاورات علمية بقدر ما هي نتيجة عمل مجموعات ضغط و قوى في واشنطن ...هذه المجموعات كانت نشطة جدا مع قضية الجنوب ثم قضية دارفور لاحقا هذه بعض الحقائق عن العقوبات على السودان ...ماذا عن العريضة ؟ العريضة تمثل في رأيي اداة لمعرفة رأي البيت الأبيض بالخصوص في هذه القضية بعد انفصال الجنوب و تحسن الأوضاع في دارفور نسبيا و مؤشرات كبيرة للتعاون مع حكومة الخرطوم و ايضا مع وجود شبه اجماع في أوساط السياسيين و خبراء الاقتصاد السياسي أن العقوبات الاحادية لا تحقق أهدافها بل يتضرر الناس أكثر من الحكومات ..... هناك فريق ما سيبحث في الأمر لكي يتم الرد على العريضة و هو أمر لم يتم دراسته منذ فرض العقوبات من قبل الجانب الأمريكي ....كل ما يقال أراء سياسية ! الأمر الاخر العريضة تصلح كمؤشر قياسي للأبحاث و الناشطين في القضية لمعرفة ولو عبر عينة احصائية مدى تفاعل المتأثرين مع القضية ..فجمع 100000 توقيع في شهر ليس بالأمر السهل أيضا العريضة قد تمثل بداية لمجموعة ضغط عكسية تهدف لرفع العقوبات و قد يتعمق المجهود البحثي لبحث الاضرار الاقتصادية و الصحية و غيرها التي تؤرق كاهل الشعب السوداني و هي بهذا تكمل مجهودات أخرى رسمية قد تكون في هذا الاطار
|
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Ammar Makki)
|
خبر اليوم شبكة الشروق Quote: وأبان البشير أن الحوار الوطني الذي شارف على نهاياته، يمثل فرصة من أجل الاتفاق على قضايا البلاد، قائلاً دعونا له كل الناس إلا من أبى. وقال إن المشروع الأمريكي الذي قُدم لمجلس الأمن بحظر صادرات ذهب السودان لن يزيدنا إلا قوة، مؤكداً بأننا سنظل على عهدنا مع الشهداء.
وأشاد بجهود قوات الدفاع الشعبي في كافة المجالات في السلم والحرب، واستعرض مسيرة الدفاع الشعبي وتضحيات المجاهدين، مؤكداً أن الدفاع الشعبي مدرسة ومؤسسة جهادية وتربوية يتم فيها تجديد العهد مع الله.
شبكة الشروق |
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: كمال عباس)
|
تحياتي أخ . الأخ عمار مكي بالعكس فإن العريضة إياها ـ ربما تأتي بنتائج عكسية ـ مع الوضع في الإعتبار ترويج إعلام الإنقاذ وكوادرها ـ للعريضة ــ تجد أن العريضة قد أكدت علي ـ تبيت نية التزوير والتزوير لدي الكيزان ـ بالسعي لتقديم عريضة ـ وحشد ممن لا يحق لهم التصويت ـ بالمشاركة في عملية وممارسة سياسية تخص الشعب الأمريكي وحكومته لا المصوتين من وراء الحدود ! كنت ذكرت في بداية هوجة العريضة نعم لرفع العقوبات المرفوعة علي السودان ورفع إسم السودان من الدولة الراعية للإرهاب والمنتهكة لحقوق الإنسان والمتهمة بجرائم حرب وجرائم ضد الإنسان ؟ ولكن كيف ؟
نعم لرفع العقوبات المرفوعة علي السودان ورفع إسم السودان من الدولة الراعية للإرهاب والمنتهكة لحقوق الإنسان والمتهمة بجرائم حرب وجرائم ضد الإنسان ؟ ولكن كيف ؟ موضوع العريضة الموجهة للبيت الأبيض لرفع العقوبات المرفوعة علي السودان! أولا دعونا نتحدث بواقعية ومن دون دغدغة للعواطف أوالتعويل علي فجر كاذب وسراب خادع مثل العريضة ـ المتعلقة بشأن خارجي ـ والممهورة بتوقيعات ـ قادمة من وراء الحدود لنتثمر شيئا ولن تغيير في السياسة الأمريكية ـ قد ينظر فيها من مستوي متدني من الإدارة الأمريكيةوترفض بلطف بإعتبار أن مسببات إصدار القرار لازلت قائمة ــ وأنه أي القرار أخذ في الإعتبار مصالح الشعب السوداني وعدم تضرره ـ مع الإقرار بأثار سلبية تمسه ، وقد تطالبونبمخاطبة حكومة بلادكم والضغط عليها لتغيير نهجها وسياستها فما أنتم فاعلون وقتها؟* حتي لا نخلط الأكوام ـ أقول أقدر وأثمن كل من تحرك أو وقع علي هذه العريضة من دونأن يحركه إنتماء أو تعاطف مع الإنقاذ ـ أما كوادر الإنقاذ الـمعلنة والمتخفية ـ فإننا نقول لهاـ اليس هذا أمريكا التي كنتم تبشرون بدنو عذابها ـ وأنكم قد تسلحتم لمواجهتها ( الأمريكان ليكم تسلحنا) فما الذي يحملكم للتذلل لها وإستجدائها ؟ أم هو مسلسل الركوع لأمريكا والتقربلها عبر ــ التوقيع علي العريضة وأ السعي للتطبيع مع إسرائيل؟* !................هل نرفض ـ فك إرتباط الوطن بالإرهاب والتطرف وهل نقف مع إحكام طوق العزلة والعقوباتعلي السودان؟ بالطبع لا فمن أسباب رفضنا ومعارضتنا للإنقاذ هو ربط الوطن بالإرهاب والتطرف وعزله من هنا أقول ـ ومن تناول سطحي وتعويل علي أمال زائفة ـ أن مواجهة هذه المظاهرالضارةوالسلبيات الكارثية أضف لها دمغ قمة الدولة فيه بالإبادة الجماعية وجرائم الحرب وإنتهاك حقوق الإنسان! ـ أن مواجهة هذه المظاهرالضارةوالسلبيات الكارثية هو إجتثاث مُسبباتها ــ فلن يستقيم الظل والعود أعوج! ،معالجة الداءلن يكون مجديا وفاعلا بمجرد تناول المُسكنات ـ و بذل النوايا الحسنة ـ والتعويل علي إنسانيةالإدارة الأمريكية وإنما بإجتثاث الداء والعلة إي ذهاب الإنقاذ ــ بقاء الإنقاذ يعني بقاء هذه المظاهروإستفحالها ، بقاء الإنقاذ يعني تواصل تمزق النسيج الإجتماعي والتفريط في التراب الوطني وإنتهاك السيادة الوطنية ـوالفساد والإستبداد ونهب موارده وذل إنسانه !. .............
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
Quote: ما هي اثر العقوبات في عبدالباسط حمزة او عبدالعزيز عثمان او حتى جمال الوالي وعلي كرتي ولماذا احرم انا من مجرد امتحان لشهادة في مجال تقنية المعلومات .. ما هو الذنب الذي ارتكبته ما هو الخطا الذي جنيته هل فقط لانني من السودان اليس هذا عقاب جماعي ما هي الفائدة التي ستستفيد منها الحكومة الامريكية عندما ما تحرمني من الحصول على شهادات في تقنية المعلومات وما هو الضرر الذي سيقع على حكومة السودان ..
اتمنى من السودانيين الامريكيين ان يصوتوا لصالح مقترح رفع العقوبات فالعقوبات الامريكية يقع ضررها على المواطن السوداني الكادح وتاثيرها على منسوبي الحكومة ضعيف ويكاد ينعدم احيانا .. |
كلامك دا يا عمار اخوى الشريف يسن دا فاهمو وعارفو ومتأكد منو زى جوع بطنو
لكن المشكلة فى انتهاج عقلية عجبنى للمرقوت
اخوانا ديل مستعدين يضحوا بالشعب الفضل عشان يزيلوا النظام !!!!
وبعد ازالة النظام يبدأ مسلسل الانتقام وفك الحكومة وربط الحكومة وتوزيع الحقائب كل تلاتة أشهر كما كان يحدث فى العام الأخيرللديموقؤاطية المقتولة
هوْلاء القوم كما تلاحظ من مداخلاتهم نفسهم ضيق شديد
وسرعان ما يخرجون من أطوارهم ويستخدمون لغة بعيدة عن لغة الحوار والديموقراطية التى يتشدقون بأسمها
فى هذا البورد أسهل حاجة انك تسمع أكاذيب واساءات وكالعادة المعارضين الاسفيريين ياتوك فرادى وجماعات
وكل يردم كما يحلو له ...... واحيانا كثيرة الردم بتاعن ماعندو علاقة بموضوع البوست والقصد منه اغتيال الشخصية والترويج لأكاذيب
اقرأ عنوان البوست (البيت الأبيض يشطب اكثر من 70 الف توقيع مزور)
هذا العنوان كاذب
من الواضح أن هناك اشخاص صوتوا من خارج الولايات المتحدة ومن السودان ظنأً منهم أنهم معنييون بالتوقيعات
صفيت أسماءهم ... وهناك من صوتوا ولم يرجعوا للأيميل لتأكيد توقيعهم فسقطت توقيعاتهم أيضاً ..
وكل ذلك مرده المعلومة الغائبة عن البعض
الحديث عن تزوير تلفيق ومحاولة للتشويش ليس الا
اليوم قاربت التوقيعات السبعون الفاً وما زال فى الوقت بقية
نسال الله أن يوفق الجميع لما فيه مصلحة السودان
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: حسن حماد محمد)
|
يا حسن حماد أرجوك ما تتمنى خير للشعب السوداني الفضل طالما إنتا بتستضيف مجرم من مجرمي النظام في نيويورك في ندوة دكاكينية وبتجي آخر الليل بتتهم في محمد يسين بإنو بيسعى للسلطة على جثث من تبقى من شعبنا الفضل.. بعد ما نظامك البائس والمجرم الذي أباد العباد.أها قال ليكم شنو؟ وهل شكركم على العريضة دي والتزوير الفيها؟ باقي المفسد بيكون عاوز يفسد كل الحولو... فموت الجماعة عرس!
وين تطلع محمد يسين لسلطة أو منصب؟
ووين قتل محمد يسين ضبانة في السودان لامن يقتل نفس حرم الله قتلها إلا بالحق!
ياخي أنا ضد عقوبة الإعدام.. ومع محاكمة البشير في لاهاي حتى لا يعدم!
وبعدين بتقول أخطاء.. وأنا بقول ليم تزوير... والأدلة موجودة وحتوصلك!
أتمنى إنو ناسكم يخجلوا شوية ويقيفوا مع الحق!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
Quote: الحكومات الديموقراطية صانت هيبة ومكانة الوطن ولم تربطه بالتطرف والإرهاب!* لم تمارس فسادا ـ نوعيا أو مثبتا ولم تدمغ بالإستبداد!*ولم تمزق النسيج الإجتماعي للبلد ولم تذل إنسانه ولم تقوم بالإقصاء والتمكين |
الأخ كمال سلامات
كلامك طيب فى مجمله ولا غبار عليه
ولكن ( ولعل هذا ليس الخيط الاساسى للبوست ) ولكن لا ضير أن نتجاذب اطراف الحديث
نعم الدبموقراطية تكون ضمان وساتر من كل الأفات التى اوقعتنا فيها الانغاذ ... ولكن هذا من الناحية النظرية فقط
بالنظر قليلا وبتمعن ربما ندرك بأن الأحزاب التى أتت عن طريق الديموقراطية كانتت من أهم الاسباب التى أدت الى نفس النتائج التى ترفضها ونرفضها من الانغاذ
فقد افقدت البلاد هيبتها واوقعتها فريسة سهلة لحكم العسكر وكانت همومها ذاتية لا علاقة لها بانسان السودان.
ربما مارست الأنغاذ صولجان السلطة وقوة السلاح للوصول بالبلد لما وصلت اليه ... ولكن أالاحزاب التى أتت بها الديموقراطية مارست صولجان وسلاح من نوع أخر
واذلت الشعب بطريقتها ، وغياب ممراسة الديموقراطية داخلها وركونها لبيوتات وسادة واسياد افرغت الديموقراطية من مضمونها ولم تعد تعمل لمصلحة البلاد بقدر اهتمامها بتوزيع الحقائب والبحث عن التعوضات والاستحقاقات .
مازالت تلك العقلية تسيطر على قواعد اللعبة وتحرك الاوراق ولو من خلف ستارة الأنغاذ ... أنظر لأكبر رموز فترة الديموقراطية وأقرأ مواقفهم الحالية لتجد بأنك موعود بتفكك أكثر للمجنمع السودانى
وغياب اكبر للروْية وتغليب مصلحة الفئة صاحبة السطوة المعتمدة على طيبة الانسان السودانى وبساطته...
فى ظل وجود هذه المعارضة (الأب معارض والأبن داخل جك الانغاذ) ومع انتشار السلاح ومشاكسة الحركات المسلحة وقادتها فيما بينهم يكون الجميع قد شاركوا فى الحالة التى وصفتها فى كلامك ..
أرجو الا يفوت عليك حجم الأمية الكبيرة المنتشرة وسط عموم الشعب السودانى ووقوفها كتحدى كبير امام الديموقراطية واستعداد بل واستغلال الاسياد لحالة الأمية هذه فى استمرار تحكمهم فى فرص الديموقراطية..
الديموقراطية التى ربما تنادى ويحلم بها الجميع بعيدة المنال ... أنظر فى هذا البورد لتتدرك حجم المأساة التى امامنا من اعتراك وافتراء يصل لحد التجريم لمجرد الاختلاف فى الرأى ...
نعم فى رأئ البسيط لا فرق كبير عندى بين فترة الديموقراطية وحكم العسكر ،، كلاهما فرط وفاقم من أزمة الوطن ....
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: حسن حماد محمد)
|
كتب الأخ حسن حماد محمد
Quote: ربما مارست الأنغاذ صولجان السلطة وقوة السلاح للوصول بالبلد لما وصلت اليه ... ولكن أالاحزاب التى أتت بها الديموقراطية مارست صولجان وسلاح من نوع أخر
واذلت الشعب بطريقتها ، وغياب ممراسة الديموقراطية داخلها وركونها لبيوتات وسادة واسياد افرغت الديموقراطية من مضمونها ولم تعد تعمل لمصلحة البلاد بقدر اهتمامها بتوزيع الحقائب والبحث عن التعوضات والاستحقاقات .
مازالت تلك العقلية تسيطر على قواعد اللعبة وتحرك الاوراق ولو من خلف ستارة الأنغاذ ... أنظر لأكبر رموز فترة الديموقراطية وأقرأ مواقفهم الحالية لتجد بأنك موعود بتفكك أكثر للمجنمع السودانى
وغياب اكبر للروْية وتغليب مصلحة الفئة صاحبة السطوة المعتمدة على طيبة الانسان السودانى وبساطته.. |
ر سلبيات الديموقراطية وأخطاء الممارسة والفشل في تطبيق البرامج ، يمكن علاجه عبر دورة إنتخابية جديدة وترك الخيار للجماهير ـ لتمارس خيارها عبر المفاضلة والمقارنة والتصويت ولكن مع هذا أعيد التأكيد علي هذه المعطيات والحقائق* الجهل والأمية والتبعية العمياءعلاجها في التنوير وبث الوعي ، وعي الجماهير بحقوقها ومكتسباتهاوحرية قرارها ـ وهذا لا يكون فاعلا الا في نظام ديموقراطي ـ يتيح حق التعبير والرأي والرأيالآخر ـ لا بالوصاية والقفز علي المراحل والعقلية الإنقلابية! الحكومات الديموقراطية علي علاتها ـ حافظت علي السيادة الوطنية وقدسية التراب الوطني بينمافرطت الإنقاذ في التراب وإنتهكت السيادة الوطنية! أهم واجب لأي حكومة هو صيانة والسيادة الوطنية ! * الحكومات الديموقراطية ـ جاءت بإنتخابات نزيهة ولم تزيف إرادة الشعب ولم تزور في الإنتخابات* الحكومات الديموقراطية صانت هيبة ومكانة الوطن ولم تربطه بالتطرف والإرهاب!* لم تمارس فسادا ـ نوعيا أو مثبتا ولم تدمغ بالإستبداد!*ولم تمزق النسيج الإجتماعي للبلد ولم تذل إنسانه ولم تقوم بالإقصاء والتمكين!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: عمر دفع الله)
|
+ كتب الأخ العزيز ـ عبد العزيز الفاضلابي ........Quote: ممكن تورينى الوسيلة التى عرفت بها أن الـ سبعين الف توقيع شطبت بسببالتزوير,, حسب مازعمت؟ |
وكان الأخ حسن حماد قد أقر.Quote: من الواضح أن هناك اشخاص صوتوا من خارج الولايات المتحدة ومن السودان ظنأً منهم أنهم معنييون بالتوقيعات صفيت أسماءهم ؟ |
هو قول لامعني له ؛ فهذا التوقيعات المغلوطة توضح عدم الجدية لدي القائمين علي هذا الأمرأو سوء نيتهم ، الجدية تقتضي أن تعلن هذه الجهة أن التصويات خاص بالأمريكان من أصول سودانية ـ والأمريكان بصورة عامةـ لا المصوتين من وراء الحدود، وقد نبهنا لهذا االخلل الكارثي وسط صمت أنصار العريضة!، ويكشفالأمر أما تبييت نية التزييف للمصوتين من الخارج أو في أحسن الفروض بجهلهم ـ بأبجديات التصويت وأسسه !.......... موقع الأبيض المختص بالعرائض )والبتشنات) يقول وبمنتهي الوضوح "نحن الشعب وسيلة سهلة للأمريكان لجعل صوتهم مسموعا لدي حكومتنا ..... " تجده يقول ............,,,,,,,,,,,,,, .Quote: ...........What is the purpose of We the People]We the People is a new, easy way for Americans to make their voice heard in our government. It is a platform on the White House website where individuals can create and sign petitions that call for action by the federal government on a range of issues facing our nation. If a petition gathers enough signatures, it will be reviewed by White House staff and receive an official response. We the People helps the White House understand the views of the American people and have a focused and civil ................ .......... ...؟ |
..... We the People helps the White House understand the views of the AmericanPeople / "نحن الشعب وسيلة سهلة للأمريكان لجعل صوتهم مسموعا لدي حكومتنا ..... " هكذا يقول الموقع الرسمي !** لذا من الطبيعي أن تسحب هذه الأصوات ومن الطبيعي أن تفسر هذه الممارسة كتزوير أوجهل ضار !.
(عدل بواسطة كمال عباس on 02-10-2016, 08:59 PM)
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: عبدالعزيز الفاضلابى)
|
الأخ محمد يسين نطالب بكشف الأسماء قبل الشطب
نرجو من كل الأخوة بأمريكا وكل حسب منطقته أن يطالب عن طريق سناتور منطقته بالكشف عن أولئك الذين وقعوا بموقع البيت الأبيض لرفع العقوبات عن السودان لمعرفة أسمائهم وذلك وفقا لحرية المعلومات والشفافية . لقد أتصلت اليوم بسناتور منطقتي وطلبت منه هذا الكشف وعندما يصل سأقوم بنشر أسماء الخلايا النائمة بأمريكا والمتعاونين معهم أي المندسين والبحث عن العلاقة التى تربط بينهم والدولة الاسلامية بالعراق والشام . ومعلوم أن هناك علاقة وثيقة بين النظام السوداني والدولة الاسلامية ولا يستبعد أبدا أن يكون بين الموقعين من هم مؤيدين للدولة الاسلامية ، نترك هذه التكهنات حتى ننشر أسماء الموقعين وربما يكون أولهم مساعد رئيس الجمهورية عبدالرحمن الصادق المهدي والذي دعى لذلك .
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Siddig Elghali)
|
دكتور الغالي...
تعرف قدامي قانونين.. الأول حرية المعلومات العامة وده قانون بيتيح لينا معرفة كل المكاتبات الحكومية.. وحتى السرية منها والتي ترفع عنها السرية بعد 30 سنة. والقانون التاني هو قانون حماية الخصوصية والبيمنع نشر المعلومات الشخصية إلا بإذن من صاحبها. والقانونان مهمان في حياتنا... وبإذن الكريم سأسعى لطلب إستشارة من بعض أخصائيي القانون المدني الأمريكي العويص ده وأرجع ليك!
تصدق في ناس من نيويورك جابو الليلة المجرم إبرهيم أحمد عمر بتاع المؤتمر اللاوطني عشان يكلمهم... وجابوا ليهو بوديغاردات من كيزان أمريكا من البرزرس عشان يحموهو؟ المصيبة إنهم خايفين عليهو من شنو ولييه ما عارف!!!
مسألة الإتصال بنواب المناطق وممثلي الولايات في الكونغرس مهمة!
يا حليل دونالد بيين، الله يرحمو...
كان مسبب ليهم أرق!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
Quote: ويكشفالأمر أما تبييت نية التزييف للمصوتين من الخارج أو في أحسن الفروض بجهلهم ـ بأبجديات التصويت وأسسه ! |
الأخ كمال سلامات
دعنا نحسن الظن ونقول ليس هناك نية مبيتة ( وحسن الظن من سمات الموْمنين ، جعلنا الله منهم ) ونفترض انهم يجهلون طريقة التوقيع
وأظنك توافقنى بأن الجهل بالشى ليس منقصة وليس جريمة
اما عن القائمون بالأمر ، اعتقد انه أخ سودانى كريم من تكساس وقد ظهرت له فيديوهات فى الفيس بوك
ولا أظن بامكانه الوصول للجميع وشرح طريقة التوقيع ، وهناك الكثير من التنظير من جهات متعددة
مع تحياتى
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: حسن حماد محمد)
|
يا اخ كمال ,, سلام محمد يس زعم ان البيت الابيض شطب سبعين الف توقيع بسبب التزوير ومن بديهيات المعانى أنه فرق كبير بين التزوير حيث يتوفر ركن القصد الجنائي وبين ان يكون العديد من تلك الاصوات استبعدت (ولم تٌشطب) بسبب الخطأ فى اتباع الخطوات او الجهل بمن يحق له التصويت وبمن لايحق له ,, وهناك اسباب أخرى غير التزوير ,, مثل استخدام ايميل لم يتعرف عليه موقع الـ Petition او بسبب اخطاء تقنية الخ ,, والمعروف ان موقع التصويت لايبدى أسباب رفض قبول التوقيعات لأنه قد حدد شروطاً سابقة للتوقيع يجب على المشارك الايفاء بها والا سوف يزال توقيعه ومحمد يسن جزم بأن هذه السبعين الف صوت كانت بسبب التزوير ومن هنا كان السؤال ليخبرنا اين قال البيت الابيض ان هذه الاصوات رفضت بسبب التزوير؟ ومن من البيت الابيض قال ذلك ؟ هل هو الناطق الرسمى ام جو بايدين ام كيرى ,, وهل اعلن ذلك رسميا للعامة ام هو سر أُختص به محمد يس الـ كان نضمنا فى الكورة يجى يعمل فيها جكسا وكان نضمنا فى الملوخية يعمل فيها رئيس شيفات البيت اللبيض وكان نضمنا فى السياسة يعمل فيها سوكارنو وكان نضمنا فى الشيوعية يعمل فيها لينين وكان نضمنا فى الديمقراطية يعمل فيها الازهرى.
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: آدم صيام)
|
شلعوها الخوالدة دي الجنب لاس فيغاس ولا واحدة تانية يا عزيزي آدم صيام؟
ناس عينهم للقصر الجمهوري ويقول ليك نصوت في البيت اللبيض...
غايتو الصوتوا ديل كووولهم كان كده قنعانين من خيراً فيا...
قلنا ليهم هو إسمو توقيع... برضو مصرين على التصويت!
| |
|
|
|
|
|
|
Re: البيت الأبيض يشطب أكثر من 70 ألف توقيع مزور (Re: Mohamed Yassin Khalifa)
|
Quote: إنت يا ود خليفه الجاء منك قبل كم يوم ما قلت أصلا التصويت ده زاتو ما شرعي وما قانوني ودي ونسة أسافير كيفن الليلة بقى صحيح وأمريكا شطبت وخجت؟ |
في رأيك أنا قلتا ده تصويت؟
عشان كده الجماعة جو جاريين للخج!
وشرعياً ده ما تصويت... ده إسمو توقيع على عريضة مواطنيين على عريضة لرئيسهم أوباما!
والما قانوني كتير... مثلاً تبني المؤتمر اللاوطني للعريضة دي غير قانوني وغير أخلاقي... والإعلان في الجرايد السودانية بإعلانات مدفوعة الأجر لحث السوانيين على التوقيع فده برضو ما قانوني.... وكل محاولات الخج الممنهجة وتزوير مكان الإقامة أو حجب العنوان الإلكتروني... ده ما قانوني... وخداع الراي العام السوداني بإنو دي وثيقة التصويت عليها سيخلص الشعب السوداني.. ده ما قانوني...
فالما قانوني كتير... وصبرك معانا إلى حين أن تتكشف لك كل عوامل الخداع الذي مُورِس!
| |
|
|
|
|
|
|
|