|
Re: وتا الله ان الخير في هذه الامة السودانية ب (Re: أحمد الشايقي)
|
والله ياعبدالله لما تمر علي مواقف زي دي بكون عاوزه اخت يديني في راسي واقعد في الواطه وابكي والله العظيم انتو الزول يتفاخر بيكم حتي لو مع نفسه
نحن ولاد بلد اهل الكرم لا حدو نحن اللي الضعيف باب العوج بنسدو نحن الفي الحروب فرسانا ما بنعدو سرج الخيل علي ضهر المحن بنشدو
| |
|
|
|
|
|
|
Re: وتا الله ان الخير في هذه الامة السودانية ب (Re: عفاف أبو حريرة)
|
اسال الله العظيم رب العرش العظيم يكشف كرب اخونا نور الدايم وطال ما بيناتنا زي الطبيب البغيث علي سماع قولة يابو مروة من الله نور الدايم يبشر بالخير وديل الرجال اصحاب التجاره الرابحه تجارتهم مع رب العباد ولسان حالهم (وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا) الله يفرح قلبه زي ما ادخل الامل والفرح علي بيت نور الدايم
| |
|
|
|
|
|
|
Re: وتا الله ان الخير في هذه الامة السودانية ب (Re: عفاف أبو حريرة)
|
Quote: والله ياعبدالله لما تمر علي مواقف زي دي بكون عاوزه اخت يديني في راسي واقعد في الواطه وابكي
|
وفي هذه اللحظة اتذكرت موقف اكان احكيهو ليك وما عارف ليه مر على خاطري هذا الموقف بالتحديد . . خلف الله العولاق في حلتنا صقيعة سلامة دخل علي امو فجاة كدا ودايما بخلعا قاليها يم يم جا ضيف اسع جديد في ديوان حاج التلب اعملي لي لقمة بملاح لبن اوديها ليهو وطبعا طلب ملاح اللبن لانو سريع الصنع ونحن بنسميهو نادي ابوك يعني امك قبل تبداهو تقوليك نادي ابوك للفطور ول العشا امو كف كف دردقت اللقمة وكف ملاح اللبن نادي ابوك كبتو فوق صنقور اللقمة وخلف الله ختفو وجرا قال للضيف تعال افطر الضيف قاليهو لا لا ما داير خلف الله كباهو ليهو فوق راسو وجاب القدح فاضي لامو هههههههههههه قاليها الضيف ود الرماد ابى كبيتو ليهو فوق راسو عشان تاني ما يصد البيضا ههههههههههههه حرم عمايكنا ابكوا خليهم ناسنا الزمان ديلك
| |
|
|
|
|
|
|
Re: وتا الله ان الخير في هذه الامة السودانية ب (Re: أحمد الشايقي)
|
Quote: لا بد من الاشادة والدعاء الطيب للأخ الطبيب السوداني على موقفه المساند والدعاء للأخ المريض بعاجل الشفاء
اللهم آمين
|
من لايشكر الناس لايشكر الله لابد من شكره والدعاء له حتى الان لا اعرف غير اسمه ( ياسر ) يعمل طبيبا في حيدراباد بالهند . . شكرا مولانا الشايقي تحياتي
| |
|
|
|
|
|
|
Re: وتا الله ان الخير في هذه الامة السودانية ب (Re: جلالدونا)
|
Quote: نحمدك يا رب ان جعل فينا من يفك عثرة اخيه
|
معاي في العمل زميل سعودي معجب جدا بتكافل السودانيين وكلما يعرف حكاية بجي احكيها لي ومن ملاحظاتو قال لي في المساجد شفت كل الجنسيات تطلب من الناس المساعدة حتى السعوديين ولكنى لم أرى قط سوداني واقف في باب مسجد يطلب الناس ومرة جاني من الصباح وقال لي من هو اغنى رجل في العالم ؟ وهو دائما يسأل ويجيب فأجاب بان أي سوداني انا بعتبروا اغنى رجل في العالم لو احتاج لاكبر مبلغ من المال ممكن اتحصل عليهو منكم في لحظات ولكن اغنى رجل في العالم لو احتاج لاقل مبلغ مستحيل اتحصل عليهو تحياتي جلال الدين وربنا يتقبل من الجميع
| |
|
|
|
|
|
|
Re: وتا الله ان الخير في هذه الامة السودانية ب (Re: خالد علي محجوب المنسي)
|
فعلاً يا ود البوش السوداني بي سجيتو لو شاف حالة تستوجب - وكان في إمكانه المساعدة - وما وقف في راسا دا سوداني تايواني ربنا يكمل الشفا للأخ نور الدائم وبارك الله فيك يا ود البوش ﺍﻟﺘﻠﺐ ﺍﻟﻠﺰﻭﻡ ﻣﺪﺧﻮﺭ ﻳﺸﻴﻞ ﺍﻟﻌﺎﻳﻠﺔ ﻳﻘﺪﻝ ﺑﻰ ﻣﻬﻞ ﻓﻮﻗﻪ ﺍﻟﺤﻤﻮﻟﺔ ﺍﻟﻬﺎﻳﻠﺔ ﺍﻳﺎﻙ ﻣﺮﻕ ﺍﻟﻘﺒﺎﻳﻞ ﻓﻴﻚ ﻧﺴﻨﺪ ﺍﻟﻤﺎﻳﻠﺔ ﻓﺮﺍﺝ ﻛﺮﺑﺔ ﺍﻟﻬﻢ ﺍﺏ ﻗﺒﺎﻳﻼ ﺟﺎﻳﻠﺔ _____ الحليلة
| |
|
|
|
|
|
|
|